18	GEN 1:18	Yatawale imisi na ichilo na kuvigola bung'hulo na ziza. Na Mulungu kawona kuwa vinoga.
22	GEN 1:22	Kavitemela mate na kavilongela vilumbe va muna yamazi, “Yongezekeni na yelekeni na muimemeze bahali,” na kawalongela ndege wongezeke muiisi.
26	GEN 1:26	Maabaho Mulungu kalonga, “Lelo chimulumbe munhu yalingile fana cheye. Yatawale somba wa mwiibahali na ndege woguluka na wanyama wowofugigwa na isi yose na wang'onyo wose wowotambala.”
28	GEN 1:28	Kawatemela mate na kalonga, “Yelekeni wana wengi, welesi wenu ukale na kuimemeza isi yose na kuitawala. Muwatawale somba weli mwiibahali, ndege woguluka na chila chiumbe chili na ugima chochigenda mwiisi.”
67	GEN 3:11	Mndewa Mulungu kamuuza, “Yelihi yoyakulongele weye kwa ukengele? Vino weye kuja tunda da mbiki unikulongele sekeuje?”
71	GEN 3:15	Nizatenda weye wiihile na muke ija, ulelo wake wiihile na ulelo wako. Yeye kezakuhonda ditwi jako, Na weye kwizamuluma chisiginho chake.”
100	GEN 4:20	Ada kamweleka Yabali, yakalile tata wa wafugaji wokala muna yamahema.
101	GEN 4:21	Ndugu yake kakala Yubali, iyo kakala tata wa wose wavina wila na wotowa vimbeta na vingodongodo.
121	GEN 5:15	Mahalaleli viyakalile na miyaka malongo sita na tano, kamweleka mwana zina jake Yaledi.
122	GEN 5:16	Mahalaleli viyamweleke Yaledi, kakala na miyaka magana manane na malongo matatu, kaweleka wana wamwenga wa chilume na chike,
124	GEN 5:18	Yaledi viyakalile na miyaka gana na malongo sita na midi, kamweleka mwana zina jake Henoko.
125	GEN 5:19	Maabaho Yaledi viyamalile kumweleka Henoko kakala na miyaka magana manane. Kaweleka wana wamwenga wa chilume na wa chike.
138	GEN 5:32	Nuhu viyawile na miyaka magana matano, kaweleka wana watatu, Shemu na Hamu na Yafesi.
148	GEN 6:10	Nuhu kaweleka wana watatu wa chilume, wowatangigwe Shemu na Hamu na Yafesi.
173	GEN 7:13	Siku iyo iyo Nuhu na muke wake wengila muna isafina hamwe na wanawe watatu, Shemu na Hamu na Yafesi na wake zawo.
207	GEN 9:1	Mulungu kamtemela mate Nuhu na wanage na kawalongela, “Yelekeni na mongezeke na muimemeze isi yose.
213	GEN 9:7	Yelekeni na kwenela isi yose.”
224	GEN 9:18	Wanage Nuhu wowalawile muna isafina wakala Shemu na Hamu na Yafesi. Hamu kakala niiyo tata wa Kanani.
229	GEN 9:23	Maabaho Shemu na Yafesi wasola walo na waigeleka mmayega yawo na wahita chisengelenyuma na kuugubika ukengele wa tati yawo. Walola mumgwazo na hawauwonile bule ukengele wa tati yawo.
232	GEN 9:26	Iviya kalonga, “Yatunhizigwe Mndewa Mulungu, Mulungu wa Shemu. Kanani yawe mtumwa wa Shemu.
233	GEN 9:27	Mulungu yamwing'he wana wengi Yafesi, yakale hamwe na Shemu na Kanani yawe mtumwa wake.”
236	GEN 10:1	Uno niuwo welesi wa wana wa Nuhu, Shemu na Hamu na Yafesi. Wano watatu weleka wana vidimalile digombo.
237	GEN 10:2	Wana wa Yafesi wakala Gomeli na Magogu na Madayi na Yavani na Tubali na Mesheki na Tilasi.
239	GEN 10:4	Wana wa Yavani wakala Elisha na Talishishi na Kitimu na Dodanimu.
256	GEN 10:21	Nayo Shemu niiyo sekulu wa Yafesi, na kakala wasaho wa wana wose wa Ebeli.
260	GEN 10:25	Ebeli keleka wana waidi wa chilume, zina da wa mwanduso ni Pelegi, kwaviya muna ulusita lwake isi iigola, na imwenga zina jake Yokitani.
261	GEN 10:26	Yokitani kakala tata wa Alimodadi na Shelefu na Hasalimaweti na Yela,
264	GEN 10:29	na Ofili na Havila na Yobabu. Wawo wose wakala welesi wa Yokitani.
329	GEN 13:10	Lutu kenula meso yake na kadiwona bawe da lwanda lwa Yoludani, kawona dina mazi ya kufaya chila hanhu, fana viya mgunda wa Mndewa Mulungu na iviya fana isi ya Misili ubanzi wa Soali. Mndewa Mulungu kakala hanayananga mabululu ya Sodoma na Gomola.
330	GEN 13:11	Kwa ivo Lutu kasagula bawe jose da lwanda lwa Yoludani, na kahita ubanzi wa ulawilo wa zua. Ivo waigola.
355	GEN 14:18	Melikizedeki yoyakale mfalume wa Salemu yoyakalile mkulu wa nhambiko wa Mulungu Yeli Uchanyha, kamgalila Abulamu gate na divai.
356	GEN 14:19	Kamtemela mate Abulamu na kalonga, “Abulamu yatemeligwe mate na Mulungu Yeli Uchanyha, yalumbile ulanga na isi.
357	GEN 14:20	Yatunhizigwe Mulungu Yeli Uchanyha, yoyakutendile uwahume wehi wako.” Abulamu kamwing'ha Melikizedeki chinhu chimwe muna ichila vinhu longo viyapatile kuna ing'hondo.
359	GEN 14:22	Abulamu kamwidika mfalume wa Sodoma, “Noilaha haulongozi wa Mndewa Mulungu Yeli Uchanyha, yalumbile ulanga na isi yose,
385	GEN 16:3	Maabaho Salayi kamsola Hajili mtumwa wake kulawa Misili kamwing'ha Abulamu yawe fana muke wake. Yano yalawilila lusita Abulamu viyakalile kuna isi ya Kanaani miyaka longo.
449	GEN 18:24	Yahawa muna dibululu muna wanhu wanogile haulongozi wa Mulungu, vino kwizadinanga bululu ijo jose? Vino kwizadinanga bululu jose badala ya kudileka kwa ichimu cha wanhu wanogile malongo matano weli umo?
457	GEN 18:32	Bulahimu kalonga, “Nokulamba Mndewa sekeuwe na ludoko, mbali nolamba nilonge kaidi mwanza umwe muhala. Yokuwaze wahawafika wanhu longo muhala?” Mndewa Mulungu kalonga, “Sizadinanga bule dibululu ijo one nahawafika wanhu longo.”
508	GEN 20:12	Iyo kweli ni lumbu jangu. Yeye ni mwana wa tati yangu, mbali siyo mwana wa mami yangu, na nimsola.
521	GEN 21:7	Maabaho Sala kongezela kulonga, “Yelihi yahadahile kumulongela Bulahimu kuwa niye Sala nizakong'heza wana? Mbali nimwelekela mwana wa chilume muna ulala wake.”
570	GEN 22:22	Kesedi na Hazo na Pilidashi na Yidilafu na Besueli.
580	GEN 23:8	kawalongela, “Yahawa munitogolela niwawande wanhu wa kabila jangu, nolamba mpuleni Efiloni mwana wa Sohali
607	GEN 24:15	Yang'hali hanakomeleza kulonga, Lebeka kafika na kuno kaitwika nongo ya mazi muna diyega jake. Mwana wa chike wa Besueli mwana wa Milika, muke wa Naholi, Naholi ni ndugu wa Bulahimu.
619	GEN 24:27	Kalonga, “Yatunhizigwe Mndewa Mulungu, Mulungu wa mwenevale wangu Bulahimu niiyo yang'hali hanazimiza ulondo wake wa kufunya umoyo na kwaminika kwake kwa mwenevale wangu. Mndewa Mulungu kanilanguliza mbaka kwa ndugu wa mwenevale wangu.”
643	GEN 24:51	Lebeka iyo baho, umsole uhite nayo. Yakawe muke wa mwana wa mwenevale wako, fana viya Mndewa Mulungu viyalongile.”
661	GEN 25:2	Muke iyo kamwelekela Bulahimu Zimulani na Yakishani na Medani na Midiani na Ishibaki na Shuwa.
662	GEN 25:3	Yakishani kamweleka Sheba na Dedani, wana wa Dedani ni Waashulu na Waletusi na Waleumi.
672	GEN 25:13	Yano yayo yamazina ya wana wa Ishumaili kwa kusondelela kwelekigwa kwawo, chaudele wa Ishumaili ni Nebayoti na wamwenga ni Kedali na Abideli na Mibisamu
674	GEN 25:15	na Hadadi na Tema na Yetuli na Nafishi na Kedema.
685	GEN 25:26	Wekaidi kavumbuka kuno kamhilila chisiginho cha Esau, ivo zina jake katangigwa Yakobo. Esau na Yakobo viwavumbuke Isaka kakala na miyaka malongo sita.
686	GEN 25:27	Wana wawo wakula. Esau kakala mkala, yoyolonda kukala muna ivyuwala, na Yakobo kakala yaholile yolonda kukala hakaye.
687	GEN 25:28	Mbali Isaka kamulonda Esau, kwaviya kanogelwa kuja wanyama woyawakomile Esau, mbali Lebeka kamulonda Yakobo.
688	GEN 25:29	Siku dimwe Yakobo kakala yokwambika ndiya, Esau keza kulawa kuukala kuno kana nzala,
689	GEN 25:30	ivo kamulongela Yakobo, “Nina nzala ng'hani, nokulamba uning'he ndiya iyo indung'hu.” Lekamana Esau katangigwa Edomu fambulo jake ndung'hu.
690	GEN 25:31	Yakobo kamwidika, “Nizakwing'ha one uhanichuuzila haki ya uchaudele wako.”
692	GEN 25:33	Yakobo kamwidika, “Teng'hu ilahile kuwa kwizanichuluzila haki yako.” Esau kailaha na kamwing'ha Yakobo haki yake.
693	GEN 25:34	Maabaho Yakobo kamwing'ha gate na nzugu. Kaja na kang'wa na maabaho kenuka na kasegela. Ivo niivo Esau viyaizehile haki yake ya uchaudele.
727	GEN 26:34	Esau viyawile na miyaka malongo mane, kasola wanaake waidi Wahiti, Yudisi mwana wa Beeli na Basemati mwana wa Eloni.
734	GEN 27:6	Lebeka kamulongela Yakobo, “Nimuhulika tati yako viyamulongele sekulu wako Esau,
739	GEN 27:11	Mbali Yakobo kamulongela Lebeka mami yake, “Kuvimanya kuwa sekulu wangu Esau ni munhu mwene upipi, mbali niye nabule.
740	GEN 27:12	Yodahika tati yangu kezalonda kunibabasa, na niye nizawoneka fana viya nomvwizila, kwa ivo nizaigalila duwilo badala ya kutemeligwa mate.”
742	GEN 27:14	Ivo Yakobo kahita na kawasola iwanaluti waidi na kamgalila mami yake, nayo kasasala ndiya inogile yoyailondile tati yake.
743	GEN 27:15	Maabaho Lebeka kalava viwalo vinogile va Esau mwanage imkulu, voyavikile muna ikaye, na kamuyawaliza Yakobo mwanage imdodo.
745	GEN 27:17	Lebeka kamwing'ha Yakobo indiya inogile, hamwe na diya digate doyadisasale.
746	GEN 27:18	Maabaho Yakobo kahita kwa tati yake na kamtanga, “Tata!” Nayo kedika, “Aino.” Tati yake kamuuza, “Weye mwanangu yelihi?”
747	GEN 27:19	Yakobo kamwidika, “Niye Esau chaudele wako. Nisang'hana fana viunilagilize. Nolamba tata ukale uje nyama yonikugalile, muladi udahe kunitemela mate.”
748	GEN 27:20	Isaka kamuuza, “Mwanangu iwaze kupata himahima fanile ivo?” Yakobo kamwidika, “Mndewa Mulungu, Mulungu wako kanitaza kupata ivo.”
749	GEN 27:21	Isaka kamulongela Yakobo, “Mwanangu kwenhuka haguhi nidahe kukubabasa muladi nivimanye fana kweli weye kwa Esau mwanangu hebu siyo.”
750	GEN 27:22	Yakobo kamkwenhukila tati yake, nayo kambabasa na kalonga, “Dizi jako dohulikika fana viya dizi da Yakobo, mbali makono yalinga fana makono ya Esau.”
751	GEN 27:23	Isaka hammanyile Yakobo kwaviya makono yake yakala na upipi fana Esau. Ivo kakala kokwandusa kumtemela mate.
752	GEN 27:24	Mbali kamuuza kaidi, “Weye kweli mwanangu Esau?” Yakobo kamwidika, “Iyo niye.”
753	GEN 27:25	Isaka kalonga, “Nigalile nyama muladi nije na kukutemela mate.” Yakobo kamgalila na kaja, nayo iviya kamgalila divai kang'wa.
755	GEN 27:27	Yakobo kamkwenhukila na kamnonela, Isaka viyahulike mnung'ho wa viwalo vake, kamtemela mate na kalonga, “Lola mnung'ho wa mwanangu ulinga fana mnung'ho wa mgunda woutemeligwe mate na Mndewa Mulungu.
758	GEN 27:30	Isaka viyakomeleze kumtemela mate Yakobo, lusita Yakobo viyasegele, Esau sekulu wake kabwela kulawa kuukala.
764	GEN 27:36	Esau kalonga, “Lekamana kotangigwa Yakobo kwaviya kanivwizila miyanza midi. Mosi kasola haki yangu ya uchaudele, maabaho kasola kutemeligwa mate kwangu.” Esau kalonga, “Hunisigazile kutemeligwa mate kwangu?”
765	GEN 27:37	Isaka kamwidika Esau, “Nimala kumtenda Yakobo kuwa mulangulizi wako na nimwing'ha ndugu zake wose kuwa wasang'hani wake. Nimpatila nafaka na divai. Lelo nikutendele choni weye mwanagu?”
769	GEN 27:41	Esau kamwihila Yakobo kwa ichimu cha kutemeligwa mate koyatemeligwe na tati yake. Kagesa, “Siku za matanga ya tata zaabehi, zihamala nizamkoma mdodo wangu Yakobo.”
770	GEN 27:42	Mbali Lebeka viyavimanyile chiyailungile Esau, kamtumila usenga kumtanga Yakobo na kalonga, “Wiiteganye, sekulu wako Esau koiguma moyo kwa kulonda kukukoma.
774	GEN 27:46	Lebeka kamulongela Isaka, “Niye ndegezigwa na wanaake wano Wahiti wa Esau. One Yakobo iviya yahasola muke kulawa mwa wanaake wano Wahiti, muhavu nidanganike.”
775	GEN 28:1	Isaka kamtanga Yakobo, kamtemela mate na kamulongela, “Sekeusole mwanamke yoyose Mkanaani.
778	GEN 28:4	Yakutemele mate weye na welesi wako fana viya viyamtemele mate Bulahimu muladi udahe kuhazi isi ino youkala fana nyambenyambe, Mulungu yoyamwing'hile Bulahimu!”
779	GEN 28:5	Isaka kamtuma Yakobo yahite kwiisi ya Padani Alamu kwa Labani, yoyelekigwe na Besueli, Mwalamu, Labani lumbu jake Lebeka yeli mami yawo Yakobo na Esau.
780	GEN 28:6	Esau kavimanya kuwa Isaka kamala kumtemela mate Yakobo na kumtuma yahite Padani Alamu yakasole muke. Iviya kavimanya kuwa Isaka viyamtemele mate, kamulongela sekeyasole muke Mkanaani.
781	GEN 28:7	Kavimanya kuwa Yakobo kawategeleza tati yake na mami yake na kahita Padani Alamu.
784	GEN 28:10	Yakobo kasegela Belisheba na kuhita Halani.
790	GEN 28:16	Yakobo kalamka na kalonga, “Kweli Mndewa Mulungu ka hanhu hano, niye sivimanyile bule!”
792	GEN 28:18	Igolo yake imitondo ng'hani Yakobo kalamuka, kasola idibwe dodikalile hasi ya ditwi jake, kadisimika fana mhanda ya ukumbuso na kudigidila mavuta.
794	GEN 28:20	Maabaho Yakobo kailaha kwa Mndewa Mulungu, “One wahawa hamwe na niye, na kunikaliza muna umwanza wangu na kuning'ha ndiya na viwalo,
797	GEN 29:1	Yakobo kagendelela na mwanza wake na kafika muna iisi ya ulawilo wa zuwa.
800	GEN 29:4	Yakobo kawauza waja iwadimi, “Wambwiya zangu, mweye mulawa kulihi?” Wamwidika, “Cholawa Halani.”
802	GEN 29:6	Yakobo kagendelela kuwauza, “Vino mgima?” Nawo wamwidika, “Mgima! Lola mndele wake Laheli iyo ija kokwiza na ng'hondolo zake.”
803	GEN 29:7	Yakobo kalonga, “Nowona ing'hali misi na siyo lusita lwa kuwaduganya ng'hondolo hamwe, ivo wang'wizeni mazi muhite mukawadime.”
805	GEN 29:9	Yakobo viyakalile yang'hali kolonga nawo, Laheli yakalile mdimi wa ng'hondolo, kafika na ng'hondolo wa tati yake.
806	GEN 29:10	Yakobo viyamuwone Laheli mndele wa mtumba wake Labani hamwe na zing'hondolo, kahita hana disima na kudibimbilisa idibwe kulawa hana disima na kuwang'wiza mazi iwang'hondolo wa mtumba wake.
807	GEN 29:11	Maabaho Yakobo kamnonela Laheli na kandusa kulila kwaviya kakala na deng'ho.
808	GEN 29:12	Yakobo kamulongela Laheli, “Niye ni ndugu wa tati yako, na mwana wa Lebeka.” Maabaho Laheli kakimbila kumulongela tati yake.
809	GEN 29:13	Labani viyahulike mbuli ya Yakobo mwihwage, kahita yokimbila kumuhowela, viyamfikile kamuhagatila na kamnonela na kamkalibisha ukaye yake. Yakobo kamulongela mbuli zose zozilawilile.