68	GEN 3:12	Mulume kamwidika, “Mwanamke youmwikile hano na niye, youning'hile, iyo yaning'hile tunda da mbiki uwo. Na niye nidija.”
85	GEN 4:5	Mbali Kaini hatogoligwe na Mndewa Mulungu na nhosa yake, ivo Kaini kengilwa na ludoko ng'hani, na kakwesa ng'hombali.
145	GEN 6:7	Mndewa Mulungu kalonga, “Nizamsegeza munhu yonimulumbile muna isi, na iviya nizawasegeza wang'onyo, waja wotambala na ndege wa kuulanga. Nojuta kwaviya niwalumba.”
301	GEN 12:2	Nizakutenda uwe kabila kulu na nizakutemela mate na nizaditenda zina jako dimanyike ng'hani, na kwizawatemela mate wamwenga.
347	GEN 14:10	Bawe da Sidimu dikala dimemile makombo ya lami, na baho wafalume wa Sodoma na Gomola viwagezile kukimbila ng'hondo, watumbukiya umo na wamwenga waibangila muna ivigongo.
432	GEN 18:7	Maabaho Bulahimu kakimbila kuna dibumbila da zing'ombe kasagula dang'ang'a dimwe ng'ombe dinenehe, kamwing'ha msang'hani, yoyadisasale hima hima.
436	GEN 18:11	Bulahimu na Sala wakala walala ng'hani, na Sala kafosa lusita lwa kweleka.
522	GEN 21:8	Imwana kakula, na siku viyalekezigwe kong'ha, Bulahimu katenda dugila kulu.
593	GEN 24:1	Bulahimu kakala mulala ng'hani, na Mndewa Mulungu kamtemela mate kwa chila chinhu choyatendile.
606	GEN 24:14	Ija imndele yondanimulongele yanenule nongo yake ya mazi na kuning'ha ning'we, nayo yahaning'ha ning'we niye na ngamiya wangu, iyo niiyo youmsagulile msang'hani wako Isaka. One ihawa ivo, nizavimanya kulagusa ulondo wako wa kufunya umoyo kwa mwenevale wangu.”
614	GEN 24:22	Viyakomeleze kuweng'ha ngamiya mazi, msang'hani wa Mndewa Mulungu kasola mhete ya zahabu iguligwe hela ng'hulu na kamwing'ha Lebeka, na makung'u maidi ya zahabu yazamile ng'hani, kamvaza muna yamakono yake.
667	GEN 25:8	Bulahimu kadanganika mulala ng'hani na kakala na deng'ho, kahita kuilumba na wasaho zake.
689	GEN 25:30	ivo kamulongela Yakobo, “Nina nzala ng'hani, nokulamba uning'he ndiya iyo indung'hu.” Lekamana Esau katangigwa Edomu fambulo jake ndung'hu.
719	GEN 26:26	Abimeleki keza kulawa Gelali hamwe na Ahuzati, mbwiyake ng'hani, na Fikoli mkulu wa wakalizi wake, kumulola Isaka.
724	GEN 26:31	Igolo yake imitondo ng'hani, chila munhu keka lagano jake kwa kwiilaha. Maabaho Isaka kawalaga mbwiya zake na waileka kwa tindiwalo.
757	GEN 27:29	Makabila yose wezakusang'hanila, na wezakutumbalila mavindi, kwizakuwa mulangulizi wa wandugu zako wose na welesi wa mami yako wakutumbalile mavindi, wanhu wokuduwila weye waduwiligwe na wokutemela mate wezatemeligwa mate.”
805	GEN 29:9	Yakobo viyakalile yang'hali kolonga nawo, Laheli yakalile mdimi wa ng'hondolo, kafika na ng'hondolo wa tati yake.
806	GEN 29:10	Yakobo viyamuwone Laheli mndele wa mtumba wake Labani hamwe na zing'hondolo, kahita hana disima na kudibimbilisa idibwe kulawa hana disima na kuwang'wiza mazi iwang'hondolo wa mtumba wake.
857	GEN 30:26	Uning'he wake zangu na wanangu woniwapatile kwa ichimu cha usang'hano wonikusang'hanile, nisegele nawo, kwaviya kuvimanya nikusang'hanila vinogile.”
860	GEN 30:29	Yakobo kedika, “Weye mwenyewo kuvimanya viya vinikusang'hanile, kuvimanya viniwekile goya wanyama wako.
974	GEN 33:13	Yakobo kamwidika, “Mwenevale wangu kovimanya kuwa wana wano ving'hele, iviya nogesa ng'hondolo na ng'ombe wokong'heza na niye nolondeka kuwalola goya. Fana chahawagendeza siku ngima, yodahika wezadanganika.
1006	GEN 34:25	Siku yeketatu wengizigwe ulungwana wang'hali wana masungu ng'hani, wana waidi wa Yakobo, niiyo Simeoni na Lawi lumbu zake Dina wasola ngugulila zawo wadihitila dibululu ijo kwa kusinhukiza na kuwakoma walume wose.
1041	GEN 35:29	Isaka kadanganika mulala ng'hani na kakala na deng'ho, kahita kuilumba na wasaho zake. Esau na Yakobo wanage wamuwanda.
1189	GEN 40:16	Mkulu wa mokaji magate viyawone fambulo ijo dinoga da mwikagoya ving'waji, kamulongela Yosefu, “Iviya naniye nilota nzozi, nikala niitwikile vigelo vitatu va magate mditwi jangu.
1194	GEN 40:21	Mfalume kambweleza mwikagoya ving'waji muna ukulu wake wa kung'wiza, muladi yamwing'he nhungo mfalume muna yamakono.
1196	GEN 40:23	Mbali mwikagoya ving'waji, hamkumbuke bule Yosefu kamzimiza.
1310	GEN 43:19	Viwawile hana ulwivi lwa ikaye ya Yosefu, wamulongela msang'hani,
1481	GEN 49:7	Noduwila ludoko lwawo kwaviya lukali ng'hani, Na muna ing'hasiliki yawo, kwaviya ni usede. Nizawagola muna iisi ya Yakobo. Nizawapwililisa muna iisi ya Isilaili.”
1553	EXO 1:20	Ivo Mulungu kawatendela yanogile walala wawo, na wanhu wongezeka ng'hani, wagendelela kuwa na ludabwa ng'hani.
1564	EXO 2:9	Mndele wa mfalume wa Misili kamulongela mwanamke ija, “Msole imwana ino unyong'hezele, nizakuliha.” Ivo mwanamke ija kamsola imwana kamong'heza.
1588	EXO 3:8	Ivo nihumuluka muladi niwakombole muna imikono ya Wamisili‚ nizawalava umo na kuwagala kuna isi ino inogile na ng'hulu, isi ili na ulongo unogile‚ isi ya Wakanaani na Wahiti na Waamoli na Wapelizi na Wahivi na Wayebusi.
1651	EXO 5:18	Lelo hiteni mkasang'hane usang'hano, mana hamwizakwing'higwa mayani‚ na molondeka kutenda matafali peta ija ija.”
1700	EXO 7:14	Maabaho Mndewa Mulungu kamulongela Musa‚ “Moyo wa mfalume wa Misili mdala ng'hani, kolema kuwalekelela wanhu wahite.
1732	EXO 8:17	One uhalema kuwalekelela wahite, nizakugalila mabumbila ya ng'honzi, weye na wasang'hani wako na wanhu wako. Ng'honzi wawo wezakwingila muna zikaye zenu, kaye zose za Wamisili zizamema mabumbila ya ng'honzi, hata isi yose wanhu haweli.”
1787	EXO 10:9	Musa kamwidika, “Chizahita wose, wabwanga na walala. Chizasegela hamwe na wanetu wa chike na wa chilume, ng'hondolo wetu na luti na ng'ombe, mana cholondeka chimtendele dugila da hishima Mndewa Mulungu.”
1813	EXO 11:6	Muna iisi yose ya Misili mwizakuwa na ndilo ng'hulu, ndilo yake hainalawilila hebu haizalawilila kaidi.
1821	EXO 12:4	Yahawa kaye ina wanhu wadodo ng'hani, yolondeka kuilumba na wanhu wa kaye ya mkaya miyage kuja inyama ya kuwafaya wanhu wake, maabaho wezasagula nyama chila munhu iyodaha kuja.
1842	EXO 12:25	Vondamwingile muna iisi ija Mndewa Mulungu yoyawalaganileni kumwing'hani, mwizatenda dugila dino.
1881	EXO 13:13	Mbali chaudele wa chihongwe kwizamkombola kwa kuliha mwanang'hondolo, mbali one hudaha kutenda ivo, kwizamkoma kwa kumbena isingo yake. Iviya kwizamkombola chila mwanago chaudele wa chilume.
1885	EXO 13:17	Mfalume wa Misili viyawalekele wanhu wahite, Mulungu halondile wafosele nzila ihitile isi ya Wafilisiti, ingawa ikala nzila ikanhize. Mulungu kalonga, “One kuhawa na ng'hondo, wezadaha kugalula magesa yawo na kubwela Misili.”
1889	EXO 13:21	Imisi Mndewa Mulungu kawalongolela muna yamawingu yalingile fana mhanda kuwalagusa nzila, ichilo kawalongolela muna umoto ulingile fana mhanda kuweng'ha bung'hulo, muladi wadahe kugenda imisi na ichilo.
1915	EXO 14:25	Kayemiza maguludumu ya mituka yawo ya ng'hondo, yakala yogenda ugaluga ng'hani. Wamisili walonga, “Leka chiwakimbile Waisilaili! Mndewa Mulungu kowagombela Waisilaili!”
1924	EXO 15:3	Mulungu ni galu wa ng'hondo, Mndewa Mulungu niijo zina jake.
1929	EXO 15:8	Kwa mhumuzi yako, mazi yaiduganya hamwe, mawimbi yema zugaga fana ng'huta, Mazi mengi ya hagati ya bahali yananahila.
1932	EXO 15:11	“Mndewa Mulungu, muna imilungu yelihi yalingile fana weye? Yelihi yalingile fana weye uli na utunhizo ng'hani, udumbiza kwa sang'hano za utunhizo?
1966	EXO 16:18	Na viwapimile mhishi ziwaduganye, munhu yaduganye ndiya nyingi hapatile nyingi ng'hani, munhu yaduganye chidogo hapatile chidogo ng'hani. Chila munhu kaduganya ndiya yoimfaya.
1987	EXO 17:3	Mbali wanhu wakala na ng'hilu ng'hani, walongelela kwa Musa, walonga, “Habali kuchilava kuna iisi ya Misili uchikome na ng'hilu cheye na wanetu na wanyama wetu?”
2057	EXO 20:5	Sekeuitumbalile mavindi hebu kuisang'hanila, kwaviya niye Mndewa Mulungu, Mulungu wako, ni Mulungu nili na migongo. Nowatagusa wana kwa uhasanyi wa tati zawo, kwa nyelesi yetatu na yekane ya waja wonihila.
2201	EXO 25:5	na mbende za mabebelu ya ng'hondolo zihakigwe langi ndung'hu, na mbende za wanyama wa mwiibahali na mibiki ya mkenge,
2327	EXO 28:33	Muna imhindo yake ya hasi kuzunguluka banzi zose, izacholigwa makomamanga ya langi ya buluu na zambalau na ndung'hu, iviya hagati ya makomamanga yayo hezakuwa na mbugi za zahabu.
2345	EXO 29:8	“Maabaho wasole wanage na uwavaze ng'hanzu,
2445	EXO 32:6	Igolo yake wanhu waidawa walava nhambiko za kutimbula na nhambiko za tindiwalo. Wanhu wakala hasi kuja na kung'wa, maabaho wema na kuvina.
2452	EXO 32:13	Wakumbuke wasang'hani wako, Bulahimu na Isaka na Yakobo, wouwalahile kwa kulonga, ‘Nizakongeza welesi wenu fana nhondo za kuulanga na nizaweng'ha welesi wenu isi ino yose yonimulahileni kuweng'ha, izakuwa yawo siku zose.’ ”
2503	EXO 34:6	Maabaho Mndewa Mulungu kafosa haulongozi ha Musa, kagong'onda, “Mndewa Mulungu, Mndewa Mulungu, Mulungu nili na ubazi na unovu, nabule ludoko lwa himahima, nimema ulondo wa kufunya umoyo na kwaminika.
2517	EXO 34:20	Mbali chaudele wa chihongwe kwizamkombola kwa kunilavila mwanang'hondolo, one humkombole, mbene isingo. Wakombole wanago wa udele wose wa chilume. “Munhu yoyose sekeyeze kumwangu bila chinhu.
2518	EXO 34:21	“Siku sita kwizasang'hana usang'hano, mbali siku yesaba kwizahumula, hata ihawa lusita lwa kulima hebu kugobola kwizahumula.
2544	EXO 35:12	na sanduku da lagano na mibiki yake na ngubiko ya chigoda cha ubazi na panzia da hanhu helile ng'hani,
2561	EXO 35:29	Waisilaili wose walume kwa wanaake, wowalondile muna umoyo wawo kugala chinhu chochose kwa kusang'hana usang'hano uja Mndewa Mulungu uyamulagilize Musa usang'hanike, wagala vinhu ivo kuwa nhambiko ya kulonda wenyewo kwa Mndewa Mulungu.
2666	EXO 39:1	Kwa nyuzi za langi ya buluu na zambalau na ndung'hu, wabota mawalo ya kuvala lusita lwa kulava nhambiko hanhu helile. Wamsonela Haluni mawalo yelile fana Mndewa Mulungu viyamulagilize Musa.
2833	LEV 5:2	One munhu yoyose vimwili kambula mwiko bila kuilunga kwa kudalisa chinhu chochose chambule mwiko, iwe mtufi wa mnyama wa kumbago hebu mnyama wa kufugigwa hebu mng'onyo, kezakuwa kambula mwiko na kabananga.
2838	LEV 5:7	“ ‘Mbali one hadaha kulava mwanang'hondolo, yamgalile Mndewa Mulungu huwa waidi hebu nziwa waidi kwa kuliha kwa uhasanyi uyatendile, imwe wa nhambiko ya uhasanyi na imwenga wa nhambiko ya kutimbula.
2854	LEV 5:23	hebu munhu yahatenda uhasanyi na kawa kabananga, kolondeka yabweleze chiyabawile hebu chiyapatile kwa ubamanyi, hebu chinhu chiyeng'higwe, hebu chinhu chagile kachipata,
3014	LEV 11:16	na mbuni na lugawa na bata mazi na modeli zose za chinyang'huwi,
3027	LEV 11:29	“ ‘Viumbe vino vitambala kumwenu vambula mwiko, fuko na ngoso na modeli yoyose ya ng'henge,
3053	LEV 12:8	“ ‘One mwanamke hadaha kulava mwanang'hondolo, kezagala nziwa waidi hebu huwa waidi, imwe kwa ichimu cha nhambiko ya kutimbula na imwenga kwa ichimu cha nhambiko ya uhasanyi. Mkulu wa nhambiko kezamtendela kuilumba mwanamke iyo, nayo kezakuwa kela.’ ”
3149	LEV 14:37	Kezalola chimvuguya icho, one chihawoneka muna ing'huta na chitenda mabaka ya langi ndung'hu hebu ya mayani mabisi na kuwoneka kuwa chingila mgati ya ng'huta,
3217	LEV 16:15	“Maabaho kezadichinja diya bebelu da luti da nhambiko ya uhasanyi kwa wanhu wose. Kezagala damu ya luti iyo hanhu helile ng'hani, na kwa damu iyo kezatenda viyaviya fana viyaitendile damu ya ng'ombe. Kezaimiza mchanyha ya ngubiko ya kuilumba na kuulongozi kwake.
3218	LEV 16:16	Ivo kezatenda kuilumba kwa ichimu cha hanhu helile ng'hani, kwa ichimu cha mbuli zambule mwiko ziwatendile Waisilaili na kwa ichimu cha uhasanyi wawo wose. Iviya kezatenda ivo kwa ichimu cha hema da Mulungu dili hagati ya wanhu wawo wambule mwiko.
3229	LEV 16:27	Ng'ombe na luti wowalavigwe nhambiko ya uhasanyi, waja damu yawo igaligwa hanhu helile ng'hani, muladi kutenda kuilumba, wezagaligwa kunze ya lago na kutimbuligwa. Mbende zawo na nyama zawo na mavi yawo vose vizatimbuligwa.
3366	LEV 21:20	hebu munhu yoyose mwene muti hebu munhu mguhi ng'hani, hebu munhu halola goya hebu munhu yeli na uhele hebu yoyalumile zimbwegele.
3421	LEV 23:18	Iviya mwizalava wanang'hondolo walume saba wa mwaka umwe, welibule chilema, dang'ang'a lume da ng'ombe, mabebelu ya ng'hondolo maidi. Wanyama wawo wezakuwa nhambiko ya kutimbula, hamwe na nhosa za mhule na nhosa za ving'waji zizalavigwa kwa moto. Minung'ho inogile ya nhambiko izo izaninogeza niye Mndewa Mulungu.
3440	LEV 23:37	“ ‘Yano ni madugila yapangigwe ya Mndewa Mulungu yondamugong'onde kuwe na mting'hano wa kutosa kwa Mulungu kwa kumulavila nhambiko zozilavigwa kwa moto, nhambiko za kutimbula na nhosa za mhule na nhosa za ching'waji, chila chinhu muna isiku yake ipangigwe.
3472	LEV 25:2	“Walongele Waisilaili, ‘Vondamufike muna iisi yonimwing'hani, chila mwaka wa saba isi yolondeka ihumule. Sekeilimigwe kwa ichimu cha Mndewa Mulungu.
3499	LEV 25:29	One munhu yahachuuza kaye yake iyokala ili mgati ya dibululu dodizengigwe ng'huta, kezadaha kuikombola kwa chipindi cha mwaka umwe kwandusila viyachuuzile. Kwa mwaka uwo wose kezakuwa na haki ya kuikombola.
3501	LEV 25:31	Mbali kaye zili muna ivibululu zili hazizungulusiligwe ng'huta, zizapetigwa hamwe na migunda, nazo zodaha kukomboligwa na zizabwelezigwa muna umwaka wa kubweleza.
3554	LEV 26:29	Mwizakuwa na nzala ng'hani, ivo mwizakuja wanenu wenyewo, wachilume na wachike.
3597	LEV 27:26	“ ‘Haitogoligwa kumwika kwa sang'hano yelile mwana wa udele wa wanyama, kwaviya kawa wa Mndewa Mulungu kamala, yawe ng'ombe hebu ng'hondolo, ni wa Mndewa Mulungu.
3603	LEV 27:32	Kusonhela ng'ombe na ng'hondolo, chila mnyama wa longo muna yamabumbila yake kela kwa Mndewa Mulungu.
3608	NUM 1:3	waja wodaha kuitowa kuna ing'hondo, kwandusila weli na miyaka malongo maidi na kugendelela, weye na Haluni mwizayandika mazina yawo.
3621	NUM 1:16	Wawo niiyo wasaguligwe kulawa hana umting'hano, walangulizi wa makabila ya tati zawo, walangulizi wa ng'holo za Waisilaili.
3625	NUM 1:20	Wanhu wa kabila da Lubeni mwana wa udele wa Isilaili, walume wose weli na miyaka malongo maidi na kugendelela wowadahile kuhita kuitowa kuna ing'hondo, wapetigwa kwa mazina, imwe imwe, kwa kusondelela ng'holo zawo na kaye zawo.
3627	NUM 1:22	Wanhu wa kabila da Simeoni, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, imwe imwe, kwa kusondelela ng'holo zawo na kaye zawo.
3629	NUM 1:24	Wanhu wa kabila da Gadi, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3631	NUM 1:26	Wanhu wa kabila da Yuda, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3633	NUM 1:28	Wanhu wa kabila da Isakali, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3635	NUM 1:30	Wanhu wa kabila da Zabuloni, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3637	NUM 1:32	Wanhu wa kabila da Efulaimu, mwana wa Yosefu, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3639	NUM 1:34	Wanhu wa kabila da Manase, mwana wa Yosefu, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3641	NUM 1:36	Wanhu wa kabila da Benjamini, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3643	NUM 1:38	Wanhu wa kabila da Dani, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3645	NUM 1:40	Wanhu wa kabila da Asheli, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3647	NUM 1:42	Wanhu wa kabila da Nafutali, walume wose weli na miyaka malongo maidi na kugendelela wowadahile kuitowa kuna ing'hondo, wapetigwa kwa mazina, kwa kusondelela ng'holo zawo na kaye zawo.
3650	NUM 1:45	Ivo walume wose wa Isilaili wapetigwa, weli na miyaka malongo maidi na kugendelela wowadahile kuitowa kuna ing'hondo, kwa kusondelela ng'holo zawo na kaye zawo.
3752	NUM 4:8	Wezagubika vinhu ivo vose kwa chitambala chidung'hu, na uchanyha yake wezagubika kwa mbende ya mnyama wa mwiibahali na kuiguma ija imibiki yake.
3820	NUM 5:27	Yahakomeleza kung'wa mazi, one yahambula mwiko na kuleka kwaminika kwa mulumake, mazi yayo yoyogala duwilo yezamgalila mawine makulu ng'hani, munda wawe wizamema na hezalela. Mwanamke iyo kezakuwa duwilo mwa wanhu wake.
3956	NUM 8:16	Wawo niwasola wawe wangu ng'hani, niwasola wawo badala ya wana wa udele wa Waisilaili.
4032	NUM 11:7	Mana iyo ilinga fana mhule za ng'halasi, iwoneka fana nzelu chidogo.
4035	NUM 11:10	Musa kawahulika wanhu wolila muna zing'holo zawo zose, chila munhu hana ihanhu ha kwingilila muna dihema jake, Mndewa Mulungu kawona ludoko ng'hani, Musa nayo kawona viha.
4037	NUM 11:12	Vino niye niweng'ha zinda wanhu wano wose? Vino niye niiyo niweleke? Habali kulonga niweke hachaha yangu fana mama viyokong'heza ching'hele, na kuwagala mbaka kuna iisi iuwalahile kuweng'ha wasaho zawo?
4042	NUM 11:17	Niye nizahulumuka na kulonga na weye uko, nizasola hanhu ha muhe unikwing'hile, nizaweng'ha wanhu wawo. Nawo wezakutaza kupapa mbahasha za wanhu wano muladi sekeupape wiidumwe.