19	GEN 1:19	Xèhts'ǫ̀ eyıts'ǫ k'omǫǫ̀dǫǫ̀ agòjà; dı̨ dzęę̀ k'ehǫǫwo.
23	GEN 1:23	Xèhts'ǫ̀ eyıts'ǫ k'omǫǫ̀dǫǫ̀ agòjà; sı̨làı dzęę̀ k'ehǫǫwo.
31	GEN 1:31	Nǫ̀htsı̨ t'asìı hazǫǫ̀ whehtsı̨ı̨ sìı yeghàeda, sıì wegha nezı̨. Xèhts'ǫ̀ eyıts'ǫ k'omǫǫ̀dǫǫ̀ agòjà; ek'ètaı dzęę̀ k'ehǫǫwo.
37	GEN 2:6	Hanìkò dèè goyìı gots'ǫ dehtsoa xàı̨lı̨ ı̨lè; wet'à dèè k'e nagòhtso.
55	GEN 2:24	Eyı ts'ıhɂǫ̀ dǫzhìı sìı edetà eyıts'ǫ edemǫ gots'ǫǫ̀ xàetła ha; edets'èkeè xè dǫ ı̨łè lagede ha, gızhį̀į̀ ı̨łè zǫ lade ha.
208	GEN 9:2	Dıı nèk'e tıts'aàdìı hazǫǫ̀, yat'a k'edèe hazǫǫ̀, dèè k'e k'eɂàa hazǫǫ̀, eyıts'ǫ tı yìı nàdèe hazǫǫ̀ naxıts'àgeejı̨ ha; naxıtł'aà whelaà agììdlà.
293	GEN 11:26	Terah łǫ̀hdı̨ènǫ weghoò tł'axǫǫ̀ weza taı gòı̨lè; Abram, Nahor eyıts'ǫ Haran gıgǫ̀hłı̨.
403	GEN 17:5	Jǫ gots'ǫ ı̨daà Abram nìyeh ha-le; dǫ xàgeèɂaa łǫ gıcho nelı̨ ha t'à Abraham nìyeh ha.
698	GEN 26:5	Abraham sek'èɂaı̨t'è t'à; seyatıì eyıts'ǫ senàowoò k'èdì hǫt'e,” Nǫ̀htsı̨ Isaac ts'ǫ̀ hadı.
1236	GEN 41:40	Nı̨ sekǫ̀ gocho ts'ǫ̀ k'àı̨wo ha; sets'ǫ dǫ hazǫǫ̀ nek'èagı̨ı̨t'e ha. K'àowocho aht'e zǫ t'à sı̨ nenakweè whıhda ha,” yèhdı.
1438	GEN 47:17	Eyıt'à edets'ǫ tıts'aàdìı Joseph ts'ǫ̀ geèwa; gıts'ǫ tłı̨cho, tłı̨tsoa, sahzǫ̀ą, ejıetsoa eyıts'ǫ ejıe k'èxa tł'olà goghàı̨dì. Eyıt'à eyı xo k'e gıts'ǫ tıts'aàdìı hazǫǫ̀ k'èxa gowànı̨ı̨dì.
1479	GEN 49:5	“Sımeyon eyıts'ǫ Levı ełechı agı̨ı̨t'e; edebehchoò t'à dǫweè hogèhtsı̨.
1494	GEN 49:20	“Asher wenèk'e weghǫ shèts'ezhee nezı̨ı̨ łǫ dehshe ha; yet'à k'àowocho ghàɂeedı ha.
1495	GEN 49:21	“Naftalı ts'ìda lanì k'etı̨mǫedaà awedle ha; weza wèdaat'ı̨ı̨ gǫ̀hłı̨ ha.
1496	GEN 49:22	“Joseph tı gà jìechochı̨į̀ dehshe lanì; wek'e jìecho łǫ, wekw'ıhchı̨į̀ nedè ts'ǫ̀ dehshe ha.
1501	GEN 49:27	“Benjamın, dìga wets'àhoejı̨ı̨ lanì; k'omǫǫ̀dǫǫ̀ t'asìı ełaı̨hwhoo sìı yeɂà, xèhts'ǫ̀ t'asìı dèhnǫǫ sìı gotayelè,” Jacob hadı.
23215	MAT 1:2	Abraham, Isaac wetà hǫt'e; Isaac, Jacob wetà hǫt'e; Jacob, Judah eyıts'ǫ wechıke gıtà hǫt'e;
23216	MAT 1:3	Judah, Perez eyıts'ǫ Zerah gıtà hǫt'e (gımǫ Tamar wìyeh); Perez, Hezron wetà hǫt'e; Hezron, Ram wetà hǫt'e;
23217	MAT 1:4	Ram, Amınadab wetà hǫt'e; Amınadab, Nashon wetà hǫt'e; Nashon, Salmon wetà hǫt'e;
23218	MAT 1:5	Salmon, Boaz wetà hǫt'e (Boaz wemǫ Rahab wìyeh); Boaz, Obed wetà hǫt'e, (Obed wemǫ Ruth wìyeh); Obed, Jesse wetà hǫt'e;
23219	MAT 1:6	Jesse, k'àowocho Davıd wetà hǫt'e. Davıd, Solomon wetà hǫt'e (eyıts'ǫ Solomon wemǫ Urıah wets'èkeè ı̨lè);
23220	MAT 1:7	Solomon, Rehoboyam wetà hǫt'e; Rehoboyam, Abıya wetà hǫt'e; Abıya, Asa wetà hǫt'e;
23221	MAT 1:8	Asa, Jehosaphat wetà hǫt'e; Jehosaphat, Jehoram wetà hǫt'e; Jehoram, Uzzıah wetà hǫt'e;
23222	MAT 1:9	Uzzıah, Jotham wetà hǫt'e; Jotham, Ahaz wetà hǫt'e; Ahaz, Hezekıah wetà hǫt'e;
23223	MAT 1:10	Hezekıah, Manaseh wetà hǫt'e; Manaseh, Amon wetà hǫt'e; Amon, Josıah wetà hǫt'e;
23225	MAT 1:12	Israel got'ı̨į̀ Babylon nèk'e gots'ǫ nǫǫ̀gı̨ı̨de tł'axǫǫ̀ dıı dǫ sìı Zezì-Krı wecho agı̨ı̨t'e: Jeconıah, Sheyaltıel wetà hǫt'e; Sheyaltıel, Zerubabel wetà hǫt'e;
23226	MAT 1:13	Zerubabel, Abıyud wetà hǫt'e; Abıyud, Elıyakım wetà hǫt'e; Elıyakım, Azor wetà hǫt'e;
23227	MAT 1:14	Azor, Zadok wetà hǫt'e; Zadok, Akım wetà hǫt'e; Akım, Elıyud wetà hǫt'e;
23228	MAT 1:15	Elıyud, Eleazar wetà hǫt'e; Eleazar, Mathan wetà hǫt'e; Mathan, Jacob wetà hǫt'e;
23250	MAT 2:12	Nageedè kwe nàgete; k'àowocho Herod ts'ǫ̀ anagede ha-le, eyı yatı gıghǫ̀t'ǫ. Eyıt'à tı̨lı eyıì-le k'e edenèk'e ts'ǫ̀ anagejà.
23264	MAT 3:3	Eyı dǫ nakwenàoɂǫǫ Isaıah yeghǫ goı̨de ı̨lè, dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe,’ ” dek'eèhtł'è.
23306	MAT 5:3	“Amìı eteèt'ı̨ı̨ edek'ègeezǫǫ sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ̀-èlı̨ hǫt'e.
23307	MAT 5:4	Amìı gıdzeè nànııtìı sìı gıxè sìghà hǫt'e; gıxè hoı̨zı̨ agode ha.
23308	MAT 5:5	Amìı k'èeweèt'ı̨ gı̨ı̨lı̨ı̨ sìı gıxè sìghà hǫt'e; dèè gıghaelı̨ ha.
23309	MAT 5:6	Amìı nàowo ehkw'ıı ghǫ sıì hòtł'ò agı̨ı̨wǫǫ sìı gıxè sìghà hǫt'e; ayìı gı̨ı̨wǫǫ sìı gıghǫ̀t'à ha.
23310	MAT 5:7	Amìı wedzeè eteèɂı̨ı̨ gı̨ı̨lı̨ı̨ sìı gıxè sìghà hǫt'e; Nǫ̀htsı̨ etegoèhɂı̨ ha.
23311	MAT 5:8	Amìı wedzeè degaı hǫt'e sìı gıxè sìghà hǫt'e; Nǫ̀htsı̨ geɂį̀ ha.
23312	MAT 5:9	Amìı dǫ xè ts'èwhı̨į̀ hogehtsı̨ı̨ sìı gıxè sìghà hǫt'e; Nǫ̀htsı̨ weza gìyeh ha.
23313	MAT 5:10	Amìı nàowo ehkw'ıı k'ę̀ę̀ geeda k'èxa dǫ dagogį̀ı̨hɂaa sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıghaelı̨ ha.
23320	MAT 5:17	“Moses wenàowoò eyıts'ǫ nakwenàoɂǫǫ gını̨htł'è wedę ahłe gha jǫ ahjà nıìle; gıyatıì wek'ę̀ę̀ hòɂǫ ahłe ha jǫ nèehtła hǫt'e.
23340	MAT 5:37	‘Hęɂę,’ dahdı nı̨dè wek'ę̀ę̀ eghàlaahda, eyıts'ǫ ‘į̀le,’ dahdı nı̨dè wek'ę̀ę̀ eghàlaahda; eyı weɂǫ̀ǫ̀ yatı nàtsoo t'à xàyaahtıı sìı wehłı̨ı̨ weyatıì hǫt'e.
23348	MAT 5:45	Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.
23364	MAT 6:13	Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’
23371	MAT 6:20	Hanìkò yak'e gogha t'asìı nezı̨ı̨ edegha ełèahłe; ekǫ yììda yedè ha-le xè wek'ıìtsǫ̀ ade ha-le eyıts'ǫ eeɂį̀ı̨-dǫǫ̀ ekǫ egeeɂį̀ ha-le.
23389	MAT 7:4	Dànıt'à naxèot'ı̨ ts'ǫ̀ dıı haahdı naxıgha dìì-le, ‘Àgı̨ą, nedaà yìı t'asìa wheɂǫ; negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le.
23392	MAT 7:7	“Aahkè nı̨dè naxıghǫ̀t'à ha; wehak'eaht'į̀ nı̨dè wegòahɂà ha; enìı̨tǫ k'e ts'aaht'ı nı̨dè naxıts'ǫ̀ enìxàetį̀ ha.
23393	MAT 7:8	T'aa eekèe sìı t'asìı weghǫ̀t'à ha; amìı t'asìı hak'eet'į̀ı̨ sìı yegòhɂà ha; eyıts'ǫ amìı enìı̨tǫ k'e ts'aht'ıı sìı wets'ǫ̀ enìxàetį̀ ha.
23467	MAT 9:19	Eyıt'à Zezì nıìtła gà eyı dǫ k'èè naèhtła; wecheekeè sı gık'èède.
23496	MAT 10:10	Tehmì k'eahtı̨-le, ɂeh ładı̨ı̨ eyıts'ǫ ke ładı̨ı̨ k'eahłe-le, tèh sı k'eahtı̨-le; dǫ eghàlaedaa sìı wets'àɂeedì hǫt'e.
23497	MAT 10:11	“Kǫ̀ta nìahde nı̨dè dǫ wedzeè nezı̨ı̨ sìı hak'eaht'į̀; naahdè gots'ǫ̀ wekǫ̀ aaht'e.
23506	MAT 10:20	Xàè naxıyatıì t'à goahde ha nıìle; Nǫ̀htsı-Naxıtà wets'ǫ Įnì Degaı naxıwà t'à gode ha.
23520	MAT 10:34	“Dıı nèk'e ts'èwhı̨į̀ agohłe gha jǫ ts'ǫ̀ ahjà dahwhǫ-le. Ts'èwhı̨į̀ hòɂǫ gha jǫ ahjà nıìle; dǫ ełek'èch'a geeda gha jǫ ts'ǫ̀ ahjà hǫt'e.
23555	MAT 11:27	“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.
23565	MAT 12:7	Dıı hanì dek'eèhtł'è: ‘Dǫ ts'ǫ̀ naxıdzeè eteèɂı̨ ha dehwhǫ; sets'ǫ̀ t'asìı k'eahk'ǫ̀ ha dehwhǫ-le.’ Eyı yatı dàhodıì-ahodıı sìı wek'èahsǫ nı̨dè dıı secheekeè ekǫ-le hogèhtsı̨-le sìı gısınìyaahtı ha-le ı̨lè.
23605	MAT 12:47	Dǫ ı̨łè Zezì ts'ǫ̀ hadı, “Nemǫ eyıts'ǫ nechı mǫ̀ht'a nàgeèhza; nets'ǫ̀ gogede ha gı̨ı̨wǫ,” yèhdı.
23615	MAT 13:7	Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.
23622	MAT 13:14	Eyı dǫ gıxè hagòjàa sìı nakwenàoɂǫǫ Isaıah hanì dek'enèyı̨ı̨tł'è ı̨lèe sìı wek'ę̀ę̀ agòjà. Dıı hadı ı̨lè: ‘T'aats'ǫǫ̀ aàhkw'ǫ hanìkò ayìı awèts'edıı sìı wek'èahsǫ ha-le; t'aats'ǫǫ̀ naxıgha wègaat'ı̨ hanìkò wenıahdì ha-le.
23642	MAT 13:34	Zezì dǫ łǫ wemǫǫ̀ ełègehdè taàt'eè hanıı godıì t'à hoghàgoèhtǫ; godı dę gots'ǫ̀ goı̨de whìle.
23682	MAT 14:16	Hanìkò Zezì gots'ǫ̀ hadı, “Nagııdè-le kò; naxı̨ t'asìı gıghàahdı,” gòhdı.
23687	MAT 14:21	Dǫzhìı sı̨làı-lemì (5,000) shègıazhe; wedę ts'èko eyıts'ǫ chekoa goxè gı̨ı̨htà-le.
23711	MAT 15:9	Ededı̨ nàowo gehtsı̨ t'à dǫ hoghàgeehtǫ; gıgha ı̨ka whìle kò sets'ǫ̀ yagehtı,’ hanì Isaıah naxıghǫ goı̨de ı̨lè,” Zezì gòhdı.
23714	MAT 15:12	Eyı tł'axǫǫ̀ wecheekeè Zezì ts'ǫ̀ geède, hagedı, “Pharısee gı̨ı̨lı̨ı̨ sìı edàı̨dıı sìı ghǫ sıì gınì-le; asį̀į̀ wek'èı̨zǫ?” gıìhdı.
23740	MAT 15:38	Dǫzhìı dı̨-lemì (4,000) shègıazhe; wedę ts'èko eyıts'ǫ chekoa goxè gı̨ı̨htà-le.
23773	MAT 17:4	Peter Zezì ts'ǫ̀ hadı, “K'àowo, jǫ ts'eèhkw'e gogha hoǫzı̨. Haneewǫ nı̨dè, naxıgha kǫ̀ą taı gohtsı̨ ha dìì-le; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.
23936	MAT 21:41	Zezì ts'ǫ̀ hagedı, “Eyı dǫ negezı̨-le sìı ełaàgòhde ha eyıts'ǫ dèè dǫ eyıì-le goghǫnèyıɂà ha; jìecho dıìdìı nı̨dè mǫ̀hdaa gıghàle ha sìı hanıı dǫ ghǫnèyıɂà ha hǫt'e,” gıìhdı.
23946	MAT 22:5	“Hanìkò eyı dǫ k'àowocho wecheekeè ts'ǫnegı̨ı̨ɂà-le. T'asį̀ı̨ ts'ǫ̀ nageèhde; ı̨łè wets'ǫ dèè goehshee k'è ts'ǫ̀ ajà eyıts'ǫ ı̨łè wets'ǫ nàedìı k'è gòɂǫǫ ts'ǫ̀ ajà.
23954	MAT 22:13	“Eyıt'à k'àowocho edecheekeè gots'ǫ̀ hadı, ‘Wılà eyıts'ǫ wekè ełèahzha gà mǫ̀ht'a xàweahxà. Edı̨į̀ togoòtł'òo sìı ekǫ ts'ǫ̀ aweahłe; ekǫ dǫ getse xè dagı̨ı̨ɂa ha.’
24053	MAT 24:27	K'àbatsǫ̀ǫ̀ gots'ǫ kǫ̀-naìtł'ı̨ nı̨dè dą̀ą ts'ǫǫ̀hk'e dǫ nàgedèe sìı ededı̨ kò geɂį̀ ha; Dǫ-wet'àaɂàa-deè jǫ ts'ǫ̀ anajà nı̨dè eyı lagode ha.
24162	MAT 26:39	Įdaà gǫǫwà-lea nììtła, dèè k'e nàgòı̨hgè xè hadıì yahtı, “Setà, dìì-le nı̨dè dıı t'asìı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.
24287	MRK 1:3	eyıts'ǫ dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha ts'atà nìhoahɂà; wegha tı̨lı ehkw'ı nıɂà aahłe,’ ” dek'eèhtł'è.
24303	MRK 1:19	Eyı ts'ǫ k'achı̨ ı̨daà nıwà-le nììtła ekò Zebedee weza James eyıts'ǫ wechı John goaɂı̨; edemį̀ sıìgehɂı̨ ı̨lè.
24322	MRK 1:38	Hanìkò Zezì gots'ǫ̀ hadı, “T'asį̀ı̨ ts'ǫ̀ ats'ııde, kǫ̀ta nıwà-lea gòlaa ts'ǫ̀ ts'ııdè. Ekǫ sı dǫ hoghàgeehtǫ ha; eyı gha jǫ ts'ǫ̀ ahjà hǫt'e,” gòhdı.
24374	MRK 3:17	eyıts'ǫ Zebedee weza James eyıts'ǫ wechı John, (Zezì eyı dǫ nàke Boanerges gòhdıì goızı; “eezhı ts'ǫ dǫ” gedıì-agedı),
24399	MRK 4:7	Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yenahk'e nàtso t'à ełaı̨dè, eyıt'à wets'ǫ t'asìı dèhshǫ-le.
24404	MRK 4:12	Hanì-ı̨dè ‘t'aats'ǫǫ̀ k'egeet'į̀ kò geɂį̀ ha-le, eyıts'ǫ t'aats'ǫǫ̀ egeèhkw'ǫ kò, dàhodıì-ahodıı sìı gınıedì ha-le; hanì-le-ı̨dè edahxǫ gınì eładı̨į̀ ade xè gıhołı̨į̀ gıghǫ nahoezhe ha hǫt'e!’ ” gòhdı.
24426	MRK 4:34	Zezì t'aats'ǫǫ̀ godı zǫ t'à dǫ xè godo; godı dę gots'ǫ̀ goı̨dee whìle. Hanìkò edecheekeè goxè whatsǫǫ̀ wheda ekò godı hazǫǫ̀ dàhodıì-ahodıı sìı gots'ǫ̀ yek'ayawhehtı.
24470	MRK 5:37	Zezì dǫ wı̨ı̨zìı edexè ayį̀į̀là-le; wecheekeè Peter, James eyıts'ǫ James wechı John eyı zǫ edexè agǫ̀ǫ̀là.
24539	MRK 7:7	Ededı̨ nàowo gehtsı̨ı̨ t'à hoghàgogeehtǫ; gıgha ı̨ka whìle kò sets'ǫ̀ yagehtı,’ Isaıah hadı ı̨lè.
24561	MRK 7:29	Zezì yets'ǫ̀ hadı, “Hanì xàyanehtı t'à, hòt'a nekǫ̀ ts'ǫ̀ naı̨tłe; ı̨nìłı̨ı̨ netì ts'ǫǫ̀ ajà,” yèhdı.
24610	MRK 9:3	Wegoht'ǫǫ̀ degoo xè wek'e saı̨dı̨; dıı nèk'e ts'ǫ t'asìı wı̨ı̨zìı eyı lanì sıì degoo gǫ̀hłı̨-le.
24612	MRK 9:5	Peter Zezì ts'ǫ̀ hadı, “K'àowo, jǫ ts'eèhkw'e gogha nezı̨ dìì. Kǫ̀ą taı gots'ııhtsı̨; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.
24614	MRK 9:7	Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.
24631	MRK 9:24	Ekòet'ıì eyı dǫ hadı, “Segha ehkw'ı-ahodı ne; sınì nàtso-le ch'à sets'àądı!” yèhdı.
24675	MRK 10:18	Zezì yets'ǫ̀ hadı, “Ayìıha k'àowo nezı̨ı̨ sį̀ı̨dı? Dǫ nezı̨ gǫ̀hłı̨ nıìle; Nǫ̀htsı̨ zǫ nezı̨ hǫt'e.
24684	MRK 10:27	Zezì goghàeda xè hadı, “Dǫ gıgha dìì hǫt'e, hanìkò Nǫ̀htsı̨ wegha dìì-le hǫt'e; Nǫ̀htsı̨ t'asìı wı̨ı̨zìı wegha dìì gǫ̀hłı̨ nıìle,” gòhdı.
24809	MRK 13:23	Eyıt'à kexoahdı; eyı hagode kwe eyı naxıts'ǫ̀ haehsı̨ı̨ sìı hotıì wenaahdì.
24841	MRK 14:18	Ladà k'e shègezhe ekò, Zezì hagòhdı, “Ehkw'ı anaxèehsı̨, dǫ ı̨łè naxıta whedaa sìı k'aodèe tł'aàsìhtè ha; naxıta dǫ ı̨łè sexè shètı̨ı̨ sìı eyı hǫt'e,” gòhdı.
24858	MRK 14:35	Įdaà gǫǫwà-lea nììtła, dèè k'e nàgòı̨hgè xè yahtıì hadı, “Abà, Setà, t'asìı negha dìì gǫ̀hłı̨-le. Dıı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.
24921	MRK 15:26	Ayìı t'à gık'e nìdahogį̀ı̨ɂǫǫ sìı dek'enègı̨ı̨tł'è; dıı hanì dek'eèhtł'è: Israel got'ı̨į̀ gha K'àowocho.
24959	MRK 16:17	Eyıts'ǫ dǫ gıgha ehkw'ı-aehsı̨ı̨ sìı enıìyah hogehtsı̨ ha: Sedahxà ı̨nìłı̨ı̨ xàdegeezhı ha; yatı eładı̨ı̨ xàɂaa k'ę̀ę̀ gogede ha;
24960	MRK 16:18	edılà t'à gòo negıìle ha; nàèdıłı̨ı̨ gedǫ kò wet'à t'asagede ha-le; edılà dǫ eyagı̨ı̨lı̨ı̨ k'e agehɂı̨ nı̨dè k'aàt'ıì agede ha,” Zezì gòhdı.
24993	LUK 1:31	Hotıı̨da-le anede ha; dǫzhìa nìı̨htè ha. Zezì wìyeh anele ha.
25039	LUK 1:77	Wets'ǫ dǫ dànì edaxàgeedè ha sìı hoghàgı̨ı̨htǫ ha; gıhołı̨į̀ gıghǫ nahoezhe t'à edaxàgeedè ha.
25098	LUK 3:4	Nakwenàoɂǫǫ Isaıah wenı̨htł'è k'e dıı hanì dek'eèhtł'èe sìı k'ę̀ę̀ agòjà: “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe.
25235	LUK 6:20	Zezì edecheekeè goghàeda, hagòhdı, “Naxı̨ eteaht'ı̨ı̨ sìı naxıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ naxıts'ǫ̀-èlı̨ hǫt'e.
25236	LUK 6:21	Dıì deahdì nı̨dè naxıxè sìghà hǫt'e; nezı̨į̀ shèahzhe ha. Dıì aahtse nı̨dè naxıxè sìghà hǫt'e; nàɂaahdlò ha.
25321	LUK 8:7	Mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.
25365	LUK 8:51	Zezì Jaırus wekǫ̀ nègı̨ı̨de ekò dǫ wı̨ı̨zìı edexè ayį̀į̀là-le; wecheekeè Peter, John, James, eyıts'ǫ t'eekoa wetà eyıts'ǫ wemǫ eyı haàtłǫǫ zǫ yexè goyageèdeè agǫ̀ǫ̀là.
25373	LUK 9:3	Ekǫ geède ekò Zezì edecheekeè gots'ǫ̀ hadı, “Ekǫ k'eahdè gha t'asìı wı̨ı̨zìı edexè k'eahłe-le; tè k'eahtı̨-le, tehmì k'eahchı-le, łèt'è k'eahɂa-le, sǫǫ̀mba k'eahłe-le eyıts'ǫ goht'ǫ ładı̨ı̨ k'eahłe-le.
25403	LUK 9:33	Moses eyıts'ǫ Elıjah nageedè ha nìkw'o ekò Peter Zezì ts'ǫ̀ hadı, “K'àowo, jǫ ts'eèhkw'e gogha hoı̨zı̨ dìì. Kǫ̀ą taı gots'ııhtsı̨; ı̨łè negha, ı̨łè Moses wegha eyıts'ǫ ı̨łè Elıjah wegha,” hadı. (Peter dàdıì-adıı sìı yek'èezǫ-le kò adı.)