5	GEN 1:5	Dzęh nı̨ı̨dı̨ı̨ sìı “dzęh,” yèhdı, eyıts'ǫ togoòtł'òo sìı “to,” yèhdı. Xèhts'ǫ̀ eyıts'ǫ k'omǫǫ̀dǫǫ̀ agòjà, dzę ı̨łè k'ehǫǫwo.
8	GEN 1:8	Dèè wegodoo gòɂǫǫ sìı Nǫ̀htsı̨ “yat'a,” yèhdı. Xèhts'ǫ̀ eyıts'ǫ k'omǫǫ̀dǫǫ̀ agòjà, nàke dzęę̀ k'ehǫǫwo.
13	GEN 1:13	Xèhts'ǫ̀ eyıts'ǫ k'omǫǫ̀dǫǫ̀ agòjà, taı dzęę̀ k'ehǫǫwo.
19	GEN 1:19	Xèhts'ǫ̀ eyıts'ǫ k'omǫǫ̀dǫǫ̀ agòjà; dı̨ dzęę̀ k'ehǫǫwo.
23	GEN 1:23	Xèhts'ǫ̀ eyıts'ǫ k'omǫǫ̀dǫǫ̀ agòjà; sı̨làı dzęę̀ k'ehǫǫwo.
31	GEN 1:31	Nǫ̀htsı̨ t'asìı hazǫǫ̀ whehtsı̨ı̨ sìı yeghàeda, sıì wegha nezı̨. Xèhts'ǫ̀ eyıts'ǫ k'omǫǫ̀dǫǫ̀ agòjà; ek'ètaı dzęę̀ k'ehǫǫwo.
195	GEN 8:11	Xèhts'ǫ̀ k'àba yets'ǫ̀ nǫ̀ǫt'o ekò ts'ı “olıve” wìyeh wets'ǫ ı̨t'ǫ̀ą xàyı̨ı̨hdlaa sìı weèdà yìchı̨ı̨ɂa nǫǫ̀! Eyı weghàà Noah dèè k'e tı whìle agòjà yek'èhoèhzà.
459	GEN 19:1	Xèhts'ǫ̀ agòjà ekò yak'eet'ı̨į̀ nàke kǫ̀godeè Sodom nègı̨ı̨de. Ekìıyeè k'e Lot kǫ̀ta goyagoòɂàa k'è wheda ı̨lè. Goaɂı̨ ts'ǫ̀et'ıì nììtła gà gots'ǫ̀ èhtła, wenì dèe xèedìı ts'ǫ̀ gots'ǫ̀ nàgòı̨hgè.
475	GEN 19:17	Xàgogeèwa ts'ǫ̀et'ıì eyı dǫ ı̨łè hagòhdı, “Jǫ gots'ǫǫ̀ kwı̨ahdè, edaxàahdè! Ek'èt'à k'eaht'į̀-le eyıts'ǫ dèè goı̨tłoa k'e nìahdè-le! Yeè shìh ta ts'ǫ̀ kwı̨ahdè, hanì-le-ı̨dè ełaahde ha!” gòhdı.
576	GEN 23:4	hagòhdı, “Xàhtǫ lanì naxıta nàhdè hǫt'e. Dèè mǫ̀hdaa naxıghǫ nàıhdì, sets'èkeè ełaı̨woo sìı wekw'ǫǫ̀ nèehtį̀ ha t'à,” gòhdı.
603	GEN 24:11	Kǫ̀ta gà nıwà-lea nììtła ekò tıts'aàdìıcho tık'è gòɂǫǫ gà dèè k'e nàgògı̨ı̨hgè agǫ̀ǫ̀là. Xèhts'ǫ̀ agodaadee ekìıyeè k'e ts'èko tı gìhchı ha nìkw'o.
702	GEN 26:9	Eyıt'à Abımelek, Isaac kàehɂà, yets'ǫ̀ hadı, “Xàè nets'èkeè hǫt'e nǫǫ̀! Dànìghǫ, ‘Sedè hǫt'e,’ nı̨ı̨dı nǫǫ̀?” yèhdı. Isaac yets'ǫ̀ hadı, “Wets'ıhɂǫ̀ dǫ ełaàsegèhwhı ha sǫnı dehwhǫ t'à haehsı̨ ı̨lè,” yèhdı.
791	GEN 28:17	Gots'ǫ̀ K'àowo yegà nàwo ghǫ nàwhetı̨ t'à dejı̨į̀ lajà, hadı, “Jǫ agǫ̀ht'ee sìı enıìyah lagǫ̀ht'e! Xàè Nǫ̀htsı̨ wekǫ̀ agǫ̀ht'e! Yak'e ts'ǫ̀ goyagoòɂà agǫ̀ht'e,” hadı.
1111	GEN 37:27	Yeè Ishmael got'ı̨į̀ nagıadèe sìı goghǫ nàgeehdì awets'ııle. Xàè gochı ne xè gotà ts'ǫ dǫ elı̨ t'à t'asawets'ele ha dìì,” gòhdı. Wechı yek'ę̀ę̀ agı̨ı̨wǫǫ̀ agejà.
1144	GEN 38:24	Taı sa k'ehǫǫwo tł'axǫǫ̀ Judah ts'ǫ̀ hagedı, “Neza wets'èkeè Tamar wezhį̀į̀ weghǫ nàedì ı̨lè nǫǫ̀, eyıt'à dıì hotıeda-le,” gıìhdı. Judah hadı, “Xàweahchı, wek'eek'ǫ̀ ha!” Judah gòhdı.
23445	MAT 8:31	Įnìłı̨ı̨ Zezì ghǫnàdageetì, “Xàgodı̨ı̨zhı ha nı̨dè gogòò yìı ts'ǫ̀ agoı̨le,” gedı.
23506	MAT 10:20	Xàè naxıyatıì t'à goahde ha nıìle; Nǫ̀htsı-Naxıtà wets'ǫ Įnì Degaı naxıwà t'à gode ha.
23637	MAT 13:29	“Hanìkò k'àowo gots'ǫ̀ hadı, ‘Į̀le, haahłe-le. Xàahdlà nı̨dè t'asìı nezı̨ı̨ dèhshǫǫ sìı weghochı̨į̀ wexè xàahdlà ha sǫnı.
23681	MAT 14:15	Xèhts'ǫ̀ agodaade t'à Zezì wecheekeè hagıìhdı, “Hòt'a dzę k'ehǫǫwo eyıts'ǫ kǫ̀ta gòlaa ts'ǫ̀ gǫǫwà agǫ̀ht'e t'à dǫ hazǫǫ̀ edegha weghǫ shèts'ezhee nàgııhdì gha kǫ̀ta gòlaa ts'ǫ̀ nagı̨ı̨hɂà,” gıìhdı.
23743	MAT 16:2	Zezì gots'ǫ̀ hadı, “Xèhts'ǫ̀ nı̨dè dıı haahdı, ‘Yat'a hazǫǫ̀ goòk'o t'à satsǫ hoı̨zı̨ ha,’ dahdı.
23794	MAT 17:25	Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.
23869	MAT 20:8	“Xèhts'ǫ̀ agòjà ekò k'àowo edecheekeè ts'ǫ̀ hadı, ‘Eghàlageedaa-dǫǫ̀ jǫ gı̨ı̨hɂà, dàtłǫ gıts'àɂeedì ha sìı gıts'àɂı̨ı̨hdì. Amìı nǫǫde la k'e nègı̨ı̨dee sìı t'akwełǫ̀ǫ̀ gıts'àɂı̨ı̨hdì eyıts'ǫ amìı t'akwełǫ̀ǫ̀ la k'e nègı̨ı̨dee sìı nǫǫde gıts'àɂı̨ı̨hdì,’ edecheekeè gòhdı.
23876	MAT 20:15	Xàè sesǫǫ̀mbaà dàhłe ha dehwhǫǫ sìı sı̨ sets'ǫ̀ hoèlı̨ hǫt'e. Dıı dǫ gıts'ǫ̀ nezı̨į̀ k'ehohɂa ha dehwhǫ t'à naxıgha nezı̨-le nì?’ gòhdı.
23991	MAT 23:4	Xeh nedàa dǫ gha gehtsı̨ lanì, hanìkò ededı̨ nagıage ha gı̨ı̨wǫ-le.
24143	MAT 26:20	Xèhts'ǫ̀ agòjà ekò Zezì eyıts'ǫ wecheekeè hoònǫ-daats'ǫ̀-nàke shègezhe ha ladà gà nègı̨ı̨de.
24255	MAT 27:57	Xèhts'ǫ̀ agòjà ekò dǫ ahxee Joseph wìyeh eyı nììtła. Kǫ̀ta Arımathea got'ı̨į̀ hǫt'e, Zezì cheekeè whelı̨ ı̨lè.
24316	MRK 1:32	Xèhts'ǫ̀ agòjà ekò dǫ eyagı̨ı̨lı̨ı̨ eyıts'ǫ dǫ ı̨nìłı̨ı̨ gıts'ǫ̀-èlı̨ı̨ sìı hazǫǫ̀ Zezì ts'ǫ̀ gogeèwa.
24511	MRK 6:35	Xèhts'ǫ̀ agodaade t'à Zezì wecheekeè gıgà nìı̨de, hagıìhdı, “Hòt'a dzę k'ehǫǫwo eyıts'ǫ kǫ̀ta gòlaa ts'ǫ̀ gǫǫwà agǫ̀ht'e t'à,
24728	MRK 11:19	Xèhts'ǫ̀ agòjà ekò Zezì edecheekeè xè Jerusalem ts'ǫǫ̀ nageèhde.
24821	MRK 13:35	“Eyıt'à kexoahdı! Ayìı dzęę̀ k'e kǫ̀ ts'ǫ̀ k'àowo nǫ̀ǫtła ha sìı wek'èahsǫ nıìle. Xèhts'ǫ̀ nǫ̀ǫtła ha tahkò, totanı tahkò hanì-le-ı̨dè k'omǫǫ̀dǫǫ̀ et'ıì nììtła ha tahkò.
24840	MRK 14:17	Xèhts'ǫ̀ agòjà ekò Zezì edecheekeè hoònǫ-daats'ǫ̀-nàke xè eyı nììtła.
25083	LUK 2:41	Xo taàt'eè Joseph eyıts'ǫ Mary gıxè dzędeè Passover nàsı̨ hołè gha Jerusalem ts'ǫ̀ geedè ı̨lè.
25172	LUK 4:40	Xèhts'ǫ̀ agòjà ekò dǫ hazǫǫ̀ tàda xàɂaa t'à eyagı̨ı̨lı̨ı̨ sìı Zezì gà nègogį̀ı̨wa. Hazǫǫ̀ edılà gok'e ayį̀į̀là t'à k'aàt'ıì agǫ̀ǫ̀là.
25320	LUK 8:6	Wet'à t'asìı dehshee mǫ̀hdaa kwe ta nàı̨tł'ı. Xànı̨ı̨shǫ ekò tı whìle t'à whegǫǫ̀ ajà.
25382	LUK 9:12	Xèhts'ǫ̀ agodaade t'à Zezì wecheekeè hagıìhdı, “Dǫ nagı̨ı̨hɂà. Jǫ t'asìı gǫ̀hłı̨-le t'à yeè kǫ̀ta ekǫ weghǫ shèts'ezhee nàgııhdì eyıts'ǫ edı̨į̀ geetè ha edegha gogìhɂà,” gıìhdı.
26072	LUK 24:12	Hanìkò Peter ededı̨ xàèhtła, kwe yìı dǫkw'ǫǫ̀ whetǫǫ ts'ǫ̀ tı̨mǫèhza. Goyadaèhgè ekò dǫkw'ǫǫ̀ ts'ǫ ehtł'ı̨ neghoa łą̀ą ełexè whelaa yaɂı̨. Xàèhtła ekò dàgòjàa sìı ghǫ nànıwo.
26089	LUK 24:29	Hanìkò, “Xèhts'ǫ̀ agodaade t'à goxè anede,” gıìhdı, eyıt'à gok'è-èhtła gà goxè ı̨dà.
26099	LUK 24:39	Sılà eyıts'ǫ sekè ghàahda. Xàè sı̨ aht'ı̨! Daseahchı, dǫts'ı̨į̀ wekwǫ̀ eyıts'ǫ wekw'ǫǫ̀ gǫ̀hłı̨ nıìle, hanìkò sı̨ sekwǫ̀ eyıts'ǫ sekw'ǫǫ̀ gǫ̀hłı̨ hǫt'e,” gòhdı.
26342	JHN 6:16	Xèhts'ǫ̀ agòjà ekò Zezì wecheekeè tabàa ts'ǫ̀ geède.
26700	JHN 13:1	Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.
26701	JHN 13:2	Xèhts'ǫ̀ shègezhe ha kw'à nègı̨ı̨la. Ekìıyeè k'e wehłı̨ı̨, Sımon weza Zhıdàà-Iscarıyot, Zezì k'èch'a nànıwoò ayį̀į̀là ı̨lè, eyıt'à Zezì, k'aodèe gotł'aàyehtè ha nıwǫ.
26889	JHN 18:35	Eyıt'à Pılate yets'ǫ̀ hadı, “Israel got'ı̨į̀ aht'e seneehwhǫ nì? Xàè nèot'ı̨ eyıts'ǫ yahtıı-gha-k'aodèe setł'aànıgį̀ı̨htı̨ hǫt'e. Ayìı dànelà ghǫ agedı?” yèhdı.
27094	ACT 4:3	Peter eyıts'ǫ John gıghǫ nàyaetı ha dagogıachì. Xèhts'ǫ̀ agòjà t'à satsǫ gots'ǫ̀ dǫ-danìı̨laa-kǫ̀ nègogį̀ı̨wa.
27163	ACT 5:35	Xàgeède tł'axǫǫ̀ k'aodèe gots'ǫ̀ hadı, “Israel got'ı̨į̀, eyı dǫ dàgıahłe ha sìı hotıì nezı̨į̀ weghǫ nànıahdè.
27582	ACT 16:30	Xàgoèwa tł'axǫǫ̀ dagoehke hadı, “K'àowo, edaxàseetè gha ayìı dàhłe ha?” gòhdı.
27908	ACT 26:17	Xàè nèot'ı̨ gıch'à eyıts'ǫ dǫ eyıì-le xàɂaa sı gıch'à edaxànehtè ha. Eyı dǫ gıgha xègaat'ı̨į̀ agı̨ı̨le ha eyıts'ǫ togoòtł'òo geèhkw'ee sìı dzęh ts'ǫ̀ agı̨ı̨le gha gıts'ǫ̀ anehłe ha. Amìı wehłı̨ı̨ wetł'a geèhkw'ee sìı Nǫ̀htsı̨ ts'ǫ̀ agı̨ı̨le ha. Hanì-ı̨dè gıhołı̨į̀ gıghǫ nahoezhe ha eyıts'ǫ dǫ gıgha ehkw'ı-ahodı t'à degaı agììdlàa sìı gota geèhkw'eè agehłe ha,’ sèhdı.
27914	ACT 26:23	Nakwenàoɂǫǫ hagedı, ‘Chrıst daı̨ɂa ha, dǫ ełaı̨dèe gots'ǫ ededı̨ t'akwełǫ̀ǫ̀ naìdà ha. Xàè wèot'ı̨ gı̨ı̨lı̨ı̨ eyıts'ǫ dǫ eyıì-le xàɂaa sìı gıxè dzęh agǫ̀ǫ̀là, eyı ghǫ gots'ǫ̀ gode ha,’ gedı ı̨lè,” Paul hadıì k'àowocho Agrıppa ts'ǫ̀ goı̨de.
27922	ACT 26:31	Xàgeède ekò ełets'ǫ̀ gogede, hagedı, “Eyı dǫ ekǫ-le eghàlaı̨da nıìle, yek'èxa ełaàwı ha eyıts'ǫ t'asìı k'èxa wedaànìı̨tǫ ha whìle,” gedı.
27986	ACT 28:19	Hanìkò Israel got'ı̨į̀ hagı̨ı̨wǫ-le, eyıt'à dèe-ts'ǫ̀-k'àowo Caesar zǫ sesınìyaetı ha segha hòɂǫǫ̀ ajà. Xàè sèot'ı̨ gık'èch'a t'asaehsı̨ ha dehwhǫ nıìle.
28086	ROM 3:27	Eyıt'à dànì edeghǫ xàdahots'edì welì? Xàdahots'edì ha honàedı nıìle! Ayìı nàowo t'à ehkw'ıì ats'ejà ts'edı welì? Moses wenàowoò k'èts'edì t'à ehkw'ı goıtà ts'edı ha nì? Į̀le ne, hanìkò Zezì gogha ehkw'ı adı t'à ehkw'ı ts'eedaa k'ę̀ę̀ goıtà ha hǫt'e.
28187	ROM 8:3	Moses wenàowoò gots'àdı ha dìì, goınìłı̨ı̨ ts'ıhɂǫ̀ gogha nàtso-le ajà t'à. Hanìkò Nǫ̀htsı̨ gots'àı̨dì hǫt'e. Xàè Edeza goxèht'eè hołı̨ı̨-hohtsı̨ı̨-dǫǫ̀ k'ę̀ę̀ wègaat'ı̨ı̨ sìı gohołı̨į̀ k'èxa ełaàwı ha gots'ǫ̀ ayį̀į̀là. Hanì hołı̨ı̨-hogehtsı̨ı̨-dǫǫ̀ gıhołı̨į̀ yesınìyaı̨htı hǫt'e.
28216	ROM 8:32	Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.
28329	ROM 12:16	Ts'èwhı̨į̀ ełexè aahda. Xàhoahdì-le. Dǫ t'asìı gı̨ı̨lı̨-le sìı gıxè aaht'ı̨. Gınahk'e ats'ı̨ı̨t'e dahwhǫ-le.
28359	ROM 14:11	Dıı hanì dek'eèhtł'è hǫt'e: “Gots'ǫ̀ K'àowo dıı hadı, ‘Xàè sıızì dahxà dıı haehsı̨ hǫt'e, Dǫ hazǫǫ̀ sets'ǫ̀ nàgògehgè ha, eyıts'ǫ dǫ hazǫǫ̀, Nǫ̀htsı̨ aht'e sègedı xè seghàsǫgeedı ha hǫt'e,’ ” dek'eèhtł'è.
28509	1CO 4:8	Hòt'a t'asìı hazǫǫ̀ naxıts'ǫ dahwhǫ nì? Naxı̨ hòt'a dǫ ahxee wheahłı̨ dahwhǫ nì? Godę kò k'àowocho wheahłı̨ dahwhǫ nì? Xàè k'àowocho wheahłı̨ nı̨dè dehwhǫ, hanì-ı̨dè goxı̨ naxıxè k'àowocho ts'ı̨ı̨lı̨ ha!
28771	1CO 14:25	eyıts'ǫ ededzeè yìı ayìı nàehɂı̨ı̨ sìı ghǫ gogedeè-agedı yek'èezǫǫ̀ ade ha. Eyı ts'ıhɂǫ̀ nàgòhge xè Nǫ̀htsı̨ ghàsǫedı ha, hòtł'ò dıı hadı ha, “Xàè Nǫ̀htsı̨ naxıta wheda nǫǫ̀!” hadı ha.
29170	GAL 3:1	Naxı̨ Galatıa got'ı̨į̀ yàahłı̨ı̨ sìı goahsǫ-le dìì! Amìı naxınàɂį̀ hòı̨ɂǫ? Xàè naxıdaà Zezì-Krı dechı̨et'aa k'e ełaı̨woo sìı weghǫ deghàà naxıxè gots'ado ı̨lè.
29266	GAL 6:11	Dıı yatı nechàa dek'eèhtł'è ghàahda nì? Xàè sılà t'à naxıts'ǫ̀ eehtł'è hǫt'e.
29271	GAL 6:16	Dǫ hazǫǫ̀ eyı nàowo k'ę̀ę̀ geedaa sìı gıxè sìghà welè, eyıts'ǫ Nǫ̀htsı̨ etegoòɂı̨ welè. Xàè Nǫ̀htsı̨ wets'ǫ Israel got'ı̨į̀ agı̨ı̨t'e.
29685	1TH 4:15	Xàè gots'ǫ̀ K'àowo weyatıì ghàà dıı hanaxèts'edı: goxı̨ ı̨łaà dıı nèk'e ts'eeda et'ıì gots'ǫ̀ K'àowo nǫ̀ǫtła nı̨dè, Nǫ̀htsı̨ wets'ǫ dǫ ełaàgı̨ı̨dèe sìı gıkwe-t'ıì gots'ǫ̀ K'àowo ts'ǫ̀ nìts'edè ha nıìle.
29872	1TI 6:17	Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.
29958	2TI 4:21	Xok'e agode kwe jǫ sets'ǫ̀ anede ha wı̨ı̨hdzà. Eubulus yatı nezı̨ı̨ nedanìı̨ɂǫ, eyıts'ǫ Pudens, Lınus, Claudıa, eyıts'ǫ gòet'ı̨ hazǫǫ̀, “Nexè sìghà welè,” nègedı.
30252	HEB 11:13	Eyı dǫ ełaàgı̨ı̨dè ekò ı̨łaà gıgha ehkw'ı-ahodı k'ę̀ę̀ geeda ı̨lè. Nǫ̀htsı̨ edeyatıì goghàı̨ɂǫǫ sìı ı̨łaà wek'ę̀ę̀ t'asìı gıghǫ̀zha nıìle, hanìkò ı̨daà nıwà gıaɂı̨ lanì t'à eyı ghǫ gınà ı̨lè. Xàhtǫ lanì whaà-lea gots'ǫ̀ dıı nèk'e nàts'edè, hagedı ı̨lè.
30309	HEB 13:1	Xàè ełèot'ı̨ lanì t'aats'ǫǫ̀ ełeghǫnıahtǫ.
30310	HEB 13:2	Xàhtǫ naxıkǫ̀ aget'ı̨ gha gıts'ǫ̀ enìxàı̨tǫ aahwhǫ. Įnę̀ę sìı dǫ mǫ̀hdaa hagı̨ı̨t'į̀ t'à yak'eet'ı̨į̀ edekǫ̀ agehɂı̨ ı̨lè, yak'eet'ı̨į̀ gı̨ı̨lı̨ı̨ gok'ègeezǫ-le kò.
30752	JUD 1:12	Eyı dǫ naxıxè ełeghǫnets'eètǫǫ gha nàsı̨ ghǫ shègezhe nı̨dè naxıta t'asìı ı̨hjı lagı̨ı̨t'e, eyıts'ǫ edeghǫ į̀į̀zhagı̨ı̨lı̨į̀ honàedı-le, sahzǫ̀ą-k'èdìı-dǫǫ̀ ededı̨ zǫ edewà-geedı lagı̨ı̨t'e. Chǫhk'oò wets'ǫ chǫh whìle, ekìı nı̨hts'ı k'eyehts'ıı lagı̨ı̨t'e. Xat'ǫ̀ jìechı̨į̀ wek'e jìe whìle xè wexochı̨į̀ xàts'ı̨ı̨hdla t'à nàekeè ełaı̨wo, eyı lagı̨ı̨t'e.