99	GEN 4:19	Lamek ts'èko nàke xè hoet'ı̨ ı̨lè, ı̨łè Adah wìyeh, eyıts'ǫ ı̨łè Zılah wìyeh.
102	GEN 4:22	Wets'èkeè Zılah ededı̨ sı weza gǫ̀hłı̨, Tubal-Caın wìyeh. Ededı̨ sìı satsǫ̀ dekwoo eyıts'ǫ satsǫ̀ dezhìı t'à wet'à eghàlats'eedaa xàɂaa yàèhtsı̨. Tubal-Caın weba Naamah wìyeh.
103	GEN 4:23	Lamek edets'èkeè į̀łah gots'ǫ̀ hadı, “Adah, Zılah, Lamek wets'èkeè aahłı̨ı̨ sìı seàhkw'ǫ. Dǫ ı̨łè naka sèhtsı̨ t'à ełaàwìıhwho. Cheko hoìla asį̀į̀là t'à ełaàwìıhwho hǫt'e.
253	GEN 10:18	Arvad got'ı̨į̀, Zemar got'ı̨į̀, eyıts'ǫ Hamat got'ı̨į̀. Eyı tł'axǫǫ̀ Kanan gots'ǫ dǫ xàgeèɂaa sìı eyı nèk'e hazǫǫ̀ ts'ǫ̀ agejà.
254	GEN 10:19	Eyıt'à gınèè sìı kǫ̀ta Sıdon gots'ǫ kǫ̀ta Gerar gots'ǫ̀ nıɂà, eyıts'ǫ kǫ̀ta Gaza haı̨wa ts'ǫ̀, eyıts'ǫ kǫ̀ta Sodom, kǫ̀ta Gomorah, kǫ̀ta Admah, eyıts'ǫ kǫ̀ta Zeboyım gots'ǫ̀ nıɂà, eyıts'ǫ kǫ̀ta Lasha haı̨wa ts'ǫ̀ gınèè nıɂà hǫt'e.
329	GEN 13:10	Lot kǫ̀ta Zoyar ts'ǫ̀ dèè hazǫǫ̀ k'e k'eet'į̀. Jordan deh nıɂàa gà dèè hazǫǫ̀ wek'e tı at'ı̨ t'à dèè nezı̨ı̨ wègaat'ı̨. Gots'ǫ̀ K'àowo wets'ǫ dèè-wèdaat'ı̨ı̨-k'è lanì xègaat'ı̨, Egypt nèk'e lanì xègaat'ı̨. (Gots'ǫ̀ K'àowo, kǫ̀godeè nàke Sodom eyıts'ǫ Gomorah gòyeh godıhòèhtsı̨ kwe hagǫ̀ht'e ı̨lè.)
339	GEN 14:2	Kǫ̀ta Sodom gots'ǫ k'àowocho Bera, kǫ̀ta Gomorah gots'ǫ k'àowocho Bırsha, kǫ̀ta Admah gots'ǫ k'àowocho Shınab, kǫ̀ta Zeboyım gots'ǫ k'àowocho Shember, eyıts'ǫ kǫ̀ta Bela (dıì Zoyar gòyeh) gots'ǫ k'àowocho xè ełegegǫ.
342	GEN 14:5	Hoònǫ-daats'ǫ̀-dı̨ xo k'e k'àowocho Kedorlomer, eyıts'ǫ k'àowocho gıxè nàowo gèhtsı̨ı̨ sìı ełets'àgedı t'à kǫ̀ta Ashterot-Karnayım gots'ǫ Refayım got'ı̨į̀, kǫ̀ta Ham gots'ǫ Zuzım got'ı̨į̀, eyıts'ǫ kǫ̀ta Shaveh-Kıratayım gots'ǫ Emım got'ı̨į̀ xè ełegıagǫ t'à goghǫ geèhnǫ.
345	GEN 14:8	Eyı tł'axǫǫ̀ kǫ̀ta Sodom gots'ǫ k'àowocho, kǫ̀ta Gomorah gots'ǫ k'àowocho, kǫ̀ta Admah gots'ǫ k'àowocho, kǫ̀ta Zeboyım gots'ǫ k'àowocho, eyıts'ǫ kǫ̀ta Bela (dıì Zoyar gòyeh) gots'ǫ k'àowocho, edekǫ̀ta gots'ǫǫ̀ xàgeède t'à shìhge dèè nıɂàa Sıdım gòyeh ekǫ ełegegǫ gha sınìgı̨ı̨de.
480	GEN 19:22	Hanìkò ı̨whąą̀ ekǫ ts'ǫ̀ kwı̨ahdè, ekǫ nìahdè gots'ǫ̀ t'asagohłe ha dìì,” yèhdı. (Lot eyı kǫ̀ta nechà-lea yèhdı ts'ıhɂǫ̀ Zoyar gòyeh.)
481	GEN 19:23	Sa kàı̨ɂǫǫ̀ ekò Lot kǫ̀ta Zoyar ts'ǫ̀ nììtła.
488	GEN 19:30	Lot kǫ̀ta Zoyar nàdè ha dejı̨ t'à edetì nàke xè shìhta nàdè. Edetì nàke xè kwe yìı gòɂǫǫ yìı nàdè.
580	GEN 23:8	hagòhdı, “Sets'èkeè jǫ wekw'ǫǫ̀ nèehtį̀ ha seahwhǫ nı̨dè seàhkw'ǫ. Zohar weza Efron segha wets'ǫ̀ goahde.
661	GEN 25:2	Yeza nìı̨laa sìı dıı hagìyeh: Zımran, Jokshan, Medan, Mıdıyan, Ishbak eyıts'ǫ Shuyah.
668	GEN 25:9	Weza Isaac eyıts'ǫ Ishmael, dèè Makpelah k'e kwe-yìı-gòɂǫǫ yìı wekw'ǫǫ̀ nègı̨į̀tǫ. Mamer nèk'e gà nıwà-le eyıts'ǫ Het got'ı̨į̀ Zohar weza Efron wedèè k'e.
820	GEN 29:24	Eyıts'ǫ Laban, t'eeko Zılpah wìyeh, edetì Leah ghàı̨htı̨, yegha eghàlaedaa elı̨ gha.
840	GEN 30:9	Weba Leah chekoa wets'ǫ-le ajà t'à ts'èko yegha eghàlaedaa Zılpah wìyeh sìı wedǫǫ̀ wets'èkeè elı̨ ha ededǫǫ̀ ghàyı̨ı̨htı̨.
841	GEN 30:10	Eyıt'à ts'èko Zılpah, Jacob gha dǫzhìa nìı̨htı̨.
843	GEN 30:12	Zılpah k'àchı̨ Jacob gha dǫzhìa nìı̨htı̨.
851	GEN 30:20	Eyıt'à Leah hadı, “Nǫ̀htsı̨ t'asìı nezı̨ı̨ seghàı̨ɂǫ. Wegha chekoa ek'ètaı nìıhła t'à, dıì t'à sedǫǫ̀ sìhchı ha,” hadı. Eyıt'à eyı dǫzhìa Zebulun wìyeh ayį̀į̀là.
1035	GEN 35:23	Leah weza ek'ètaı gòı̨lè: Jacob weza ǫhdaà Ruben, Sımeyon, Levı, Judah, Isakar, eyıts'ǫ Zebulun.
1038	GEN 35:26	Zılpah, ts'èko Leah gha eghàlaedaa sìı weza nàke gòı̨lè: Gad eyıts'ǫ Asher. Jacob weza hageètłǫǫ Padan-Aram nèk'e gıgǫ̀hłı̨.
1043	GEN 36:2	Esau, Kanan got'ı̨į̀ gots'ǫ ts'èko gòį̀hchìı sìı dıı hagìyeh: Het got'ı̨į̀ Elon wetì Adah, eyıts'ǫ Anah wetì Oholıbamah, Hıv got'ı̨į̀ Zıbeyon wekwı sı hǫt'e.
1052	GEN 36:11	Dıı sìı Elıfaz weza agı̨ı̨t'e: Teman, Omar, Zefo, Gatam eyıts'ǫ Kenaz.
1054	GEN 36:13	Dıı sìı Ruyel weza agı̨ı̨t'e: Nahat, Zerah, Shamah eyıts'ǫ Mızah. Eyı sìı Esau wets'èkeè Basamat wechaà agı̨ı̨t'e.
1055	GEN 36:14	Esau wets'èkeè Oholıbamah (Anah wetì eyıts'ǫ Zıbeyon wekwı sìı) Esau gha dǫzhìı taı nìı̨la: Jeyush, Jalam eyıts'ǫ Korah gìyeh.
1056	GEN 36:15	Dıı sìı Esau wets'ıhɂǫ̀ǫ-dǫǫ̀ ts'ǫ k'àowo gı̨ı̨lı̨ı̨ agı̨ı̨t'e: Esau weza ǫhdaà Elıfaz weza dıı hagìyeh: Teman, Omar, Zefo, Kenaz,
1058	GEN 36:17	Esau weza Ruyel dıı weza agı̨ı̨t'e: Nahat, Zerah, Shamah, eyıts'ǫ Mızah. Eyı dǫ dı̨ edèot'ı̨ gha k'àowo gı̨ı̨lı̨ı̨ sìı Edom nèk'e ts'ǫ Ruyel wets'ıhɂǫ̀ǫ-dǫǫ̀ agı̨ı̨t'e. Esau wets'èkeè Basamat wechaà agı̨ı̨t'e.
1061	GEN 36:20	Horı got'ı̨į̀ Seyır wìyeh sìı weza eyı nèk'e nàgedè ı̨lè. Dıı Seyır weza agı̨ı̨t'e: Lotan, Shobal, Zıbeyon, Anah,
1065	GEN 36:24	Zıbeyon weza nàke dıı hagìyeh: Ayah eyıts'ǫ Anah. Anah, t'asį̀ı̨ ekìı-ka nèk'e edetà Zıbeyon ts'ǫ tłı̨tsoa k'èdì t'à dèè goyìı gots'ǫ tı whekǫ̀ǫ xàewìı k'è yegòhɂǫ ı̨lèe, eyı hǫt'e.
1068	GEN 36:27	Dıı sìı Ezer weza agı̨ı̨t'e: Bılan, Zavan eyıts'ǫ Akan.
1070	GEN 36:29	Dıı sìı Horı got'ı̨į̀ gha k'àowo gı̨ı̨lı̨: Lotan, Shobal, Zıbeyon, Anah,
1074	GEN 36:33	Bela ełaı̨wo tł'axǫǫ̀ kǫ̀ta Bozrah gots'ǫ dǫ Zerah weza Jobab yetł'axǫǫ̀ k'àowocho whelı̨.
1086	GEN 37:2	Jacob eyıts'ǫ wets'ıhɂǫ̀ǫ-dǫǫ̀ gıxè dàgòjàa sìı dıı gıgodıì hǫt'e: Jacob weza Joseph cheko hoònǫ-daats'ǫ̀-łǫ̀hdı̨ weghoò ı̨lè. Edı̨ı̨de xè sahzǫ̀ą k'èdì ı̨lè. Wı̨ı̨de sìı wetà wets'ǫ ts'èko Bılah eyıts'ǫ Zılpah gots'ǫ weza agı̨ı̨t'e. Edekǫ̀ nǫgedè nı̨dè Joseph wı̨ı̨de t'asìı wejıı ghàlagı̨ı̨dàa sìı hazǫǫ̀ edetà ts'ǫ̀ hadı.
1150	GEN 38:30	Eyı tł'axǫǫ̀ wechı nahzha dek'oo welachı̨į̀ k'e ełeèhchıı sìı wegǫ̀hłı̨, eyı Zerah wìyeh agı̨į̀là.
1241	GEN 41:45	K'àowocho Faraoh, Joseph wıızì eładı̨į̀ whehtsı̨, Zafenat-Paneyah wìyeh ayį̀į̀là, eyıts'ǫ Asenat wets'èkeè elı̨ ha yeghàı̨htı̨. Asenat yahtıı Potıfera wetì hǫt'e. (Potıfera yahtıı-kǫ̀ gocho On gha yahtıı elı̨.) Hagòjà t'à Joseph Egypt nèk'e hazǫǫ̀ ts'ǫ̀ ajà.
1397	GEN 46:10	Dıı Sımeyon weza agı̨ı̨t'e: Jemel, Jamın, Ohad, Jakın, Zohar eyıts'ǫ Kanan got'ı̨į̀ gots'ǫ ts'èko weza Shayul.
1399	GEN 46:12	Dıı Judah weza agı̨ı̨t'e: Er, Onan, Shelah, Perez eyıts'ǫ Zerah (hanìkò Er eyıts'ǫ Onan Kanan nèk'e ełaàgı̨ı̨dè ı̨lè). Dıı sìı Perez weza agı̨ı̨t'e: Hezron eyıts'ǫ Hamul.
1401	GEN 46:14	Dıı Zebulun weza agı̨ı̨t'e: Sered, Elon eyıts'ǫ Jalel.
1403	GEN 46:16	Dıı Gad weza agı̨ı̨t'e: Zefon, Hagı, Shunı, Ezbon, Erı, Arodı eyıts'ǫ Arelı.
1405	GEN 46:18	Eyı chekoa hoònǫ-daats'ǫ̀-ek'ètaı sìı Jacob Zılpah xè wets'ıhɂǫ̀ǫ-dǫǫ̀ agı̨ı̨t'e. Eyı ts'èko Zılpah, Laban edetì Leah ghàyı̨ı̨htı̨ ı̨lè hǫt'e.
1487	GEN 49:13	“Zebulun tıchobàa nàde ha, wenèè k'e elàcho łǫ aget'ı̨ ha. Wenèè Sıdon nèk'e ts'ǫ̀ nıɂà ha.
23214	MAT 1:1	Zezì-Krı, k'àowocho Davıd gots'ǫ dǫ hǫt'e, eyıts'ǫ Davıd, Abraham gots'ǫ dǫ hǫt'e. Dıı dǫ Zezì-Krı wecho agı̨ı̨t'e:
23216	MAT 1:3	Judah, Perez eyıts'ǫ Zerah gıtà hǫt'e (gımǫ Tamar wìyeh); Perez, Hezron wetà hǫt'e; Hezron, Ram wetà hǫt'e;
23225	MAT 1:12	Israel got'ı̨į̀ Babylon nèk'e gots'ǫ nǫǫ̀gı̨ı̨de tł'axǫǫ̀ dıı dǫ sìı Zezì-Krı wecho agı̨ı̨t'e: Jeconıah, Sheyaltıel wetà hǫt'e; Sheyaltıel, Zerubabel wetà hǫt'e;
23226	MAT 1:13	Zerubabel, Abıyud wetà hǫt'e; Abıyud, Elıyakım wetà hǫt'e; Elıyakım, Azor wetà hǫt'e;
23227	MAT 1:14	Azor, Zadok wetà hǫt'e; Zadok, Akım wetà hǫt'e; Akım, Elıyud wetà hǫt'e;
23229	MAT 1:16	Jacob, Joseph wetà hǫt'e. Joseph, Mary wedǫzhıì hǫt'e. Zezì, Chrıst wèts'edıı sìı, Mary ts'ǫ dǫ elı̨ hǫt'e.
23231	MAT 1:18	Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.
23234	MAT 1:21	Dǫzhìa nìı̨htè ha. Edèot'ı̨ gıhołı̨į̀ ch'à edaxàgole ha t'à, Zezì wìyeh awı̨ı̨le ha,” yèhdı.
23238	MAT 1:25	Hanìkò Mary wezaa gǫ̀hłı̨ gots'ǫ̀ yet'àı̨tè-le. Wezaa Zezì wìyeh ayį̀į̀là.
23239	MAT 2:1	Zezì kǫ̀ta Bethlehem wegǫ̀hłı̨ ekò Herod Judea nèk'e k'àowocho elı̨ ı̨lè. Zezì wegǫ̀hłı̨ tł'axǫǫ̀ nıwàa nèk'e gots'ǫ k'àowo Jerusalem nègı̨ı̨de.
23274	MAT 3:13	Ekò k'e Zezì John-Baptıst yek'ètaìdzı̨ ha nıwǫ t'à, Galılee nèk'e gots'ǫ deh Jordan ts'ǫ̀ ajà.
23275	MAT 3:14	Hanìkò John-Baptıst Zezì hade ha nıwǫ-le t'à, yets'ǫ̀ hadı, “Nı̨ t'aa sek'ètaį̀dzǫ ha hǫt'e ı̨lè. Dànìghǫ nı̨ èhłı̨ı̨ sets'ǫ̀ nèętła?” yèhdı.
23276	MAT 3:15	Zezì yets'ǫ̀ hadı, “Hanì welè kò. Dıı hanì gogha ehkw'ı hòɂǫǫ sìı deghàà wek'ę̀ę̀ ats'ııle.” Zezì yèhdı t'à, John-Baptıst yek'èhoı̨ɂǫ.
23277	MAT 3:16	Zezì wek'ètaìdzǫ ts'ǫ̀et'ıì tı yìı gots'ǫ nıìtła ekò hǫtsaa yak'e ehts'ǫǫ̀ ajà. Yedàyeh Nezı̨ı̨ k'àba degoo lanı yek'e daàhtła, Zezì yaɂı̨.
23279	MAT 4:1	Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.
23281	MAT 4:3	Wehłı̨ı̨ Zezì gà nììtła, hadı, “Nǫ̀htsı̨ Weza anet'e nı̨dè, jǫ kwe whelaa sìı neyatıì t'à łèt'è gìhłè anele,” yèhdı.
23282	MAT 4:4	Zezì yets'ǫ̀ hadı, “Dıı hanì dek'eèhtł'è hǫt'e: ‘Dǫ sìı łèt'è zǫ t'à eda nıìle. Nǫ̀htsı̨ weyatıì hazǫǫ̀ t'à eda hǫt'e,’ ” yèhdı.
23285	MAT 4:7	Hanìkò Zezì yets'ǫ̀ hadı, “Dıı hanì sı dek'eèhtł'è hǫt'e: Nǫ̀htsı̨ naxıts'ǫ̀ K'àowo sìı t'asìı nezı̨-le t'à weahdzà ha nıìle,” yèhdı.
23286	MAT 4:8	Wehłı̨ı̨ k'achı̨ Zezì shìh sıì danı̨ı̨chàa k'e nèyı̨ı̨htı̨ gà dıı nèk'e hazǫǫ̀ xèdaat'ı̨ı̨ gòlaa sìı yeghàedaà ayį̀į̀là.
23288	MAT 4:10	Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.
23289	MAT 4:11	Eyı tł'axǫǫ̀ wehłı̨ı̨ yets'ǫǫ̀ nàèhtła. Ekòet'ıì yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.
23290	MAT 4:12	Zezì, John-Baptıst wedaàtǫǫ̀ agı̨į̀là ghǫ ıìkw'o ekò Galılee nèk'e ts'ǫ̀ anajà.
23291	MAT 4:13	Kǫ̀ta Nazareth nàı̨dè tł'axǫǫ̀ kǫ̀ta Capernaum nàdè ajà. Eyı kǫ̀ta Zebulun eyıts'ǫ Naphtalı gınèk'e, tı nechàa whehtǫ gà gòɂǫ.
23293	MAT 4:15	“Zebulun got'ı̨į̀, Naphtalı got'ı̨į̀, eyıts'ǫ dǫ tı nechàa gà nàgedèe sìı, aàhkw'ǫ. Jordan deh nìɂàa gà nàahdèe sìı, eyıts'ǫ Galılee got'ı̨į̀ dǫ eyıì-le xàɂaa ta nàahdèe sìı aàhkw'ǫ.
23295	MAT 4:17	Ekìıyeè k'e Zezì dǫ hoghàgoehtǫǫ̀ ajà, hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà,” gòhdı.
23296	MAT 4:18	Zezì, Galılee-tì gà tabàa k'etło ekò ełechı nàke goaɂı̨. Įłè Sımon wìyeh (Peter sı wìyeh) eyıts'ǫ wechı Andrew. Łı-k'aàdèe agı̨ı̨t'e t'à mį̀ tègeehdè ı̨lè.
23297	MAT 4:19	Zezì gots'ǫ̀ hadı, “Sek'èahdè, dǫ łǫ ààhłì anaxehłe ha,” gòhdı.
23298	MAT 4:20	Ekòet'ıì edemį̀ ts'ǫǫ̀ nałegeèhtła gà Zezì k'èè łegeèhtła.
23299	MAT 4:21	Ekǫ gots'ǫ nageèhde ekò k'achı̨ ełechı eyıì-le nàke goaɂı̨, Zebedee weza James eyıts'ǫ wechı John. Edetà xè elà yìı edemį̀ getł'ı̨ ı̨lè. Zezì, sek'èahdè, gòhdı t'à,
23300	MAT 4:22	ekòet'ıì elà eyıts'ǫ edetà ts'ǫǫ̀ nałegeèhtła gà Zezì k'èè łegeèhtła.
23301	MAT 4:23	Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.
23302	MAT 4:24	Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.
23303	MAT 4:25	Galılee nèk'e gots'ǫ, kǫ̀ gòlaa Decapolıs gots'ǫ, kǫ̀ta Jerusalem gots'ǫ, Judea nèk'e gots'ǫ, eyıts'ǫ deh Jordan wetadà gots'ǫ, dǫ łǫ Zezì k'èè geède.
23304	MAT 5:1	Zezì dǫ łǫ ełèwhede goaɂı̨ ekò shìh dekegǫǫ̀ɂàa k'e dekıìtła. Hoghàgoehtǫ gha dèhkwà, wecheekeè gımǫǫ̀ nìı̨de.
23413	MAT 7:28	Zezì eyı hazǫǫ̀ hoghàgoehtǫ ghǫ nǫǫt'e ekò dǫ hazǫǫ̀ gıgha enıìyah dìì.
23414	MAT 7:29	Zezì ededı̨ t'asìı hazǫǫ̀ ts'ǫ̀ k'àowo k'ę̀ę̀ dǫ hoghàehtǫ, Nǫ̀htsı̨-yatıì-k'èdìı-dǫǫ̀ lanì-le.
23415	MAT 8:1	Zezì shìhka gots'ǫ hodàèhtła ekò dǫ łǫ gık'èè k'edè.
23416	MAT 8:2	Dǫ ı̨łè gokwǫ̀ tàda t'à eyaelı̨ı̨ sìı Zezì ts'ǫ̀ èhtła, yets'ǫ̀ nàgòı̨hgè, hadı, “K'àowo, haneewǫ nı̨dè k'aàt'ıì ası̨ı̨le ha dìì-le,” yèhdı.
23417	MAT 8:3	Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.
23418	MAT 8:4	Zezì yets'ǫ̀ hadı, “Nets'ǫ̀ dànàhòwoo sìı dǫ wı̨ı̨zìı ts'ǫ̀ haı̨dı-le. Nek'ahoeta gha yahtıı ts'àątła. Moses wenàowoò k'ę̀ę̀ nehołı̨į̀ neghǫ nahoezhe k'èxa yahtıı t'asìı negha k'egııhk'ǫ̀. Hanì-ı̨dè weghàà k'aàt'ıì anaąjà dǫ gık'èezǫ ha,” yèhdı.
23419	MAT 8:5	Zezì kǫ̀ta Capernaum nììtła ekò eghǫǫ-dǫǫ̀ gha k'àowo Zezì sets'àdı ha nıwǫ t'à yets'ǫ̀ èhtła.
23421	MAT 8:7	Zezì yets'ǫ̀ hadı, “Nexè nekǫ̀ nàhtła gà k'aàt'ıì awehłe ha,” yèhdı.
23424	MAT 8:10	Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.
23426	MAT 8:12	Hanìkò Nǫ̀htsı̨ wets'ǫ dǫ ts'ı̨ı̨lı̨ı̨ sìı togoòtł'ò ts'ǫ̀ xàgıdeezhı ha. Ekǫ getse xè sıì gıgha hoìla ha,” Zezì gòhdı.
23427	MAT 8:13	Zezì eghǫǫ-dǫǫ̀ gha k'àowo ts'ǫ̀ hadı, “Hot'eè nekǫ̀ ts'ǫ̀ naı̨tłe, hotıì negha ehkw'ı-ahodıı k'ę̀ę̀ agode ha,” yèhdı. Eyıt'à eyı sadzeè et'ıì wecheekeè wegha k'aàt'ıì agòjà.
23428	MAT 8:14	Zezì, Peter wekǫ̀ goyaèhtła ekò Peter wets'èkeè wemǫ edı-elı̨ t'à daèhte k'e whetı̨ yaɂı̨.
23429	MAT 8:15	Zezì yılà daachì t'à k'aàt'ıì ajà. Ekòet'ıì eyı ts'èko nıìtła gà weghǫ shèts'ezhee yeghàı̨dì.
23430	MAT 8:16	Eyı xèhts'ǫ̀ dǫ łǫ ı̨nìłı̨ı̨ gıts'ǫ̀-èlı̨ı̨ sìı Zezì ts'ǫ̀ gogeèwa. Edeyatıì t'à ı̨nìłı̨ı̨ xàgodeèzhì eyıts'ǫ dǫ-eyaelı̨ı̨ hazǫǫ̀ k'aàt'ıì agǫ̀ǫ̀là.
23432	MAT 8:18	Zezì dǫ łǫ wemǫǫ̀ ełèwhede goaɂı̨ ekò edecheekeè gots'ǫ̀ hadı, “Įnǫ̀ǫ̀ nats'ııɂè,” gòhdı.
23434	MAT 8:20	Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.
23436	MAT 8:22	Hanìkò Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe kw'ǫǫ̀ nègııle, hanìkò nı̨ sìı sek'èı̨tła,” yèhdı.
23437	MAT 8:23	Eyı tł'axǫǫ̀ Zezì elà yìetła, wecheekeè gıxè agejà.
23438	MAT 8:24	Hǫtsaa tı k'e gıxè nı̨hts'ı nàtsoo dèts'ı t'à taatı̨į̀ elà yìı at'ı̨. Hanìkò Zezì dètı̨ ı̨lè.
23440	MAT 8:26	Zezì gots'ǫ̀ hadı, “Naxınì nàtso-le. Dànìghǫ sıì dahjı̨ nǫǫ̀?” gòhdı. Elà yìı nàwo xè nı̨hts'ı eyıts'ǫ taatı̨į̀ whìle aahde gòhdı t'à, ts'èwhı̨į̀ hòɂǫǫ̀ agòjà.