44	GEN 2:13	Dehcho nàke t'à nı̨ı̨lı̨ı̨ sìı Gıhon wìyeh. Eyı dehcho Kush nèk'e hazǫǫ̀ ts'ǫ̀ nı̨ı̨ɂà.
45	GEN 2:14	Eyıts'ǫ taı t'à dehcho nı̨ı̨lı̨ı̨ sìı Tıgrıs wìyeh. Eyı dehcho kǫ̀godeè Ashur sa kàɂàa ts'ǫnèe wexanı̨ı̨lı̨ hǫt'e. Eyıts'ǫ dı̨ t'à dehcho nı̨ı̨lı̨ı̨ sìı Yufrates wìyeh hǫt'e.
98	GEN 4:18	Enoch weza Irad wegǫ̀hłı̨, Irad, Mehujel wetà hǫt'e, Mehujel, Metushel wetà hǫt'e, eyıts'ǫ Metushel, Lamek wetà hǫt'e.
101	GEN 4:21	Jabal wechı sìı Jubal wìyeh. Dǫ tł'ık'eetı̨ı̨ lanıı k'ègeezǫǫ eyıts'ǫ dechı̨shì t'à sǫnàgedèe k'ègeezǫǫ sìı gha gocho elı̨.
102	GEN 4:22	Wets'èkeè Zılah ededı̨ sı weza gǫ̀hłı̨, Tubal-Caın wìyeh. Ededı̨ sìı satsǫ̀ dekwoo eyıts'ǫ satsǫ̀ dezhìı t'à wet'à eghàlats'eedaa xàɂaa yàèhtsı̨. Tubal-Caın weba Naamah wìyeh.
127	GEN 5:21	Enoch ek'ètaènǫ-daats'ǫ̀-sı̨làı (65) weghoò ekò wezaa Metuselah wegǫ̀hłı̨.
128	GEN 5:22	Metuselah wegǫ̀hłı̨ tł'axǫǫ̀ Enoch taekw'eènǫ (300) xo ts'ǫ̀ Nǫ̀htsı̨ xè aet'į̀. Weza eyıì-le łǫ eyıts'ǫ wetì sı łǫ gòı̨lè.
131	GEN 5:25	Metuselah ı̨łèakw'eènǫ-daats'ǫ̀-ek'èdı̨ènǫ-daats'ǫ̀-łǫ̀hdı̨ (187) weghoò ekò wezaa Lamek wegǫ̀hłı̨.
132	GEN 5:26	Lamek wegǫ̀hłı̨ tł'axǫǫ̀ Metuselah k'achı̨ łǫ̀hdı̨akw'eènǫ-daats'ǫ̀-ek'èdı̨ènǫ-daats'ǫ̀-nàke (782) xo ts'ǫ̀ ı̨ı̨dà. Weza eyıì-le łǫ, eyıts'ǫ wetì sı łǫ gòı̨lè.
133	GEN 5:27	Hazǫǫ̀ t'à Metuselah łǫǫ̀tǫakw'eènǫ-daats'ǫ̀-ek'ètaènǫ-daats'ǫ̀-łǫǫ̀tǫ (969) xo ts'ǫ̀ ı̨ı̨dà, eyı tł'axǫǫ̀ ełaı̨wo.
237	GEN 10:2	Dıı Jafet weza agı̨ı̨t'e: Gomer, Magog, Madaı, Javan, Tubal, Meshek eyıts'ǫ Tıras.
241	GEN 10:6	Dıı Ham weza agı̨ı̨t'e: Kush, Mızram, Put eyıts'ǫ Kanan.
242	GEN 10:7	Dıı Kush weza agı̨ı̨t'e: Seba, Havılah, Sabtah, Ramah eyıts'ǫ Sabteka. Dıı Ramah weza agı̨ı̨t'e: Sheba eyıts'ǫ Dedan.
243	GEN 10:8	Kush Nımrod wetà hǫt'e. Ekò k'e Nımrod dıı nèk'e eghǫǫ-dǫǫ̀ nàtsoo elı̨į̀ ajà.
248	GEN 10:13	Mızram wets'ǫ dıı dǫ xàgeèɂaa agı̨ı̨t'e: Lud got'ı̨į̀, Anam got'ı̨į̀, Lehab got'ı̨į̀, Naftuh got'ı̨į̀,
249	GEN 10:14	Patrus got'ı̨į̀, Kasluh got'ı̨į̀ (eyı dǫ xàgeèɂaa gots'ǫ Fılıstea got'ı̨į̀ gǫ̀hłı̨), eyıts'ǫ Kaftor got'ı̨į̀. Eyı dǫ xàgeèɂaa hazǫǫ̀ sìı Mızram gots'ǫ dǫ agı̨ı̨t'e.
251	GEN 10:16	Jebus got'ı̨į̀, Amor got'ı̨į̀, Gırgash got'ı̨į̀,
257	GEN 10:22	Dıı Shem weza agı̨ı̨t'e: Elam, Ashur, Arfakad, Lud eyıts'ǫ Aram.
258	GEN 10:23	Dıı Aram weza agı̨ı̨t'e: Uz, Hul, Geter eyıts'ǫ Meshek.
285	GEN 11:18	Peleg taènǫ weghoò ekò weza Reyu wegǫ̀hłı̨.
286	GEN 11:19	Weza Reyu wegǫ̀hłı̨ tł'axǫǫ̀ Peleg nàkeakw'eènǫ-daats'ǫ̀-łǫǫ̀tǫ (209) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
287	GEN 11:20	Reyu taènǫ-daats'ǫ̀-nàke (32) weghoò ekò weza Serug wegǫ̀hłı̨.
288	GEN 11:21	Weza Serug wegǫ̀hłı̨ tł'axǫǫ̀ Reyu nàkeakw'eènǫ-daats'ǫ̀-łǫ̀hdı̨ (207) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
289	GEN 11:22	Serug taènǫ weghoò ekò weza Nahor wegǫ̀hłı̨.
290	GEN 11:23	Wezaa Nahor wegǫ̀hłı̨ tł'axǫǫ̀ Serug nàkeakw'eènǫ (200) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
342	GEN 14:5	Hoònǫ-daats'ǫ̀-dı̨ xo k'e k'àowocho Kedorlomer, eyıts'ǫ k'àowocho gıxè nàowo gèhtsı̨ı̨ sìı ełets'àgedı t'à kǫ̀ta Ashterot-Karnayım gots'ǫ Refayım got'ı̨į̀, kǫ̀ta Ham gots'ǫ Zuzım got'ı̨į̀, eyıts'ǫ kǫ̀ta Shaveh-Kıratayım gots'ǫ Emım got'ı̨į̀ xè ełegıagǫ t'à goghǫ geèhnǫ.
352	GEN 14:15	Eyı toò Abram dǫ hazǫǫ̀ łats'ıgǫǫwa gà k'àowocho dı̨ ts'ǫ̀ łegıagǫ t'à ekòet'ıì goghǫ geèhnǫ. Kǫ̀ta Damaskus gòyeh wete ts'ǫ̀ kǫ̀ta Hobah gòyeh ts'ǫ̀ nagodegeèzhì.
363	GEN 15:2	Hanìkò Abram hadı, “Sets'ǫ̀ K'àowo Nǫ̀htsı̨, chekoa sets'ǫ-le t'à ayìı seghàneeɂǫ lì? T'asìı hazǫǫ̀ sets'ǫ sìı Damaskus got'ı̨į̀ Elıyezer weghaelı̨į̀ ade ha hǫt'e,” hadı.
379	GEN 15:18	Ekò k'e gots'ǫ̀ K'àowo Abram xè nàowo nàtsoo whehtsı̨, hayèhdı, “Egypt nèk'e ts'ǫ̀ nıwà-le deh nıɂàa gots'ǫ, yeè dehcho Yufrates wìyeh ts'ǫ̀ dèè haı̨hcho nets'ıhɂǫ̀ǫ-dǫǫ̀ gıghàehɂǫ hǫt'e.
380	GEN 15:19	Ken got'ı̨į̀, Kenız got'ı̨į̀, Kadmon got'ı̨į̀, Het got'ı̨į̀, Perız got'ı̨į̀, Refayım got'ı̨į̀, Amor got'ı̨į̀, Kanan got'ı̨į̀, Gırgash got'ı̨į̀ eyıts'ǫ Jebus got'ı̨į̀ gınèè hazǫǫ̀ naxıghàehła hǫt'e,” gots'ǫ̀ K'àowo Abram ts'ǫ̀ hadı.
389	GEN 16:7	Gots'ǫ̀ K'àowo weyak'eet'ı̨į̀ ekìı-ka nèk'e tı-xàewìı gà yegòhɂǫ. Eyı dèè goyìı tı-xàewìı sìı kǫ̀ta Shur gòyeh ts'ǫ̀ tı̨lı nıɂàa gà hǫt'e.
497	GEN 20:1	Abraham eyı nèk'e gots'ǫ naèhtła, Negev nèk'e ts'ǫ̀ ajà. Kǫ̀ta nàke Kadesh eyıts'ǫ Shur gòyeh goge nàı̨dè. Kǫ̀ta Gerar ekǫ sìghaı̨waà ts'ǫ̀ nàı̨dè.
569	GEN 22:21	Gıza dıı hageètłǫ: Uz t'akwełǫ̀ǫ̀ wegǫ̀hłı̨, wek'è Buz, eyıts'ǫ wek'è Kemuyel (ededı̨ sìı Aram wetà hǫt'e),
570	GEN 22:22	Kesed, Hazo, Pıldash, Jıdaf, eyıts'ǫ Betuyel,” gedı.
571	GEN 22:23	Betuyel, Rebekah wetà hǫt'e. Mılkah, Abraham wechı Nahor wets'èkeè, hazǫǫ̀ t'à dǫzhìı ek'èdı̨ Nahor gha nìı̨la.
572	GEN 22:24	Nahor wets'èkeè dek'aɂį̀ whedaa sìı Reyumah wìyeh. Ededı̨ sı weza gǫ̀hłı̨: Tabah, Gaham, Tahash, eyıts'ǫ Makah gìyeh.
607	GEN 24:15	Yahtı ghǫ nǫǫt'e-le et'ıì t'eeko Rebekah, tıtǫǫ̀ edeehgò ka dayèhtǫ xè eyı nììtła. Eyı t'eeko Betuyel wetì hǫt'e. Wetà Betuyel, Mılkah weza hǫt'e, Mılkah, Abraham wechı Nahor wets'èkeè hǫt'e.
616	GEN 24:24	T'eeko yets'ǫ̀ hadı, “Betuyel wetì aht'e, setà wemǫ Mılkah wìyeh, eyıts'ǫ wetà Nahor wìyeh,” yèhdı.
639	GEN 24:47	“Eyı tł'axǫǫ̀ daweehke, ‘Amìı wetì anet'e?’ wèehsı̨. “ ‘Betuyel wetì aht'e. Wetà Nahor wìyeh, eyıts'ǫ wemǫ Mılkah wìyeh,’ sèhdı. “Eyıt'à goı̨ghǫ̀-lamǫ̀ǫ eyıts'ǫ golachı̨į̀ k'e whelaa wek'e nìıhwha.
642	GEN 24:50	Laban eyıts'ǫ Betuyel į̀łah hagedı, “Dıı sìı gots'ǫ̀ K'àowo wedahxà agot'ı̨ hǫt'e. Dànèts'edı welì?
660	GEN 25:1	Abraham k'achı̨ ts'èko naìchì, Keturah wìyeh.
661	GEN 25:2	Yeza nìı̨laa sìı dıı hagìyeh: Zımran, Jokshan, Medan, Mıdıyan, Ishbak eyıts'ǫ Shuyah.
662	GEN 25:3	Jokshan weza nàke gòı̨lè: Sheba eyıts'ǫ Dedan gìyeh. Dedan wets'ǫ dǫ taı xàgeèɂaa gǫ̀hłı̨: Ashur got'ı̨į̀, Letush got'ı̨į̀ eyıts'ǫ Leum got'ı̨į̀ gìyeh.
663	GEN 25:4	Mıdıyan weza sìı Efah, Efer, Hanok, Abıda eyıts'ǫ Eldah gìyeh. Eyı dǫ haàtłǫǫ Abraham ts'èko naìchìı Keturah wets'ıhɂǫ̀ǫ-dǫǫ̀ agı̨ı̨t'e.
673	GEN 25:14	Mıshma, Dumah, Masa,
674	GEN 25:15	Hadad, Tema, Jetur, Nafısh, eyıts'ǫ Kedemah.
677	GEN 25:18	Wets'ıhɂǫ̀ǫ-dǫǫ̀ sìı Havılah nèk'e gots'ǫ Shur nèk'e hagǫǫwa ts'ǫ̀ nàgedè agejà. Kǫ̀ta Ashur ts'ǫ̀ ts'adè nı̨dè Egypt nèk'e ts'ǫ̀ nıwà-le agǫ̀ht'e. Hanìkò wets'ıhɂǫ̀ǫ-dǫǫ̀ ts'èwhı̨į̀ ełexè nàgedè ha dìì.
679	GEN 25:20	Isaac dı̨ènǫ weghoò ekò Rebekah xè honìdza. Rebekah, Aram got'ı̨į̀ Betuyel wetì hǫt'e, Padan-Aram nèk'e gots'ǫ dǫ hǫt'e, eyıts'ǫ Laban wedè hǫt'e.
684	GEN 25:25	T'akwełǫ̀ǫ̀ wegǫ̀hłı̨ı̨ sìı wekwǫ̀ ekìı dek'o lanì. Hazǫǫ̀ ts'ǫ̀ wezhį̀į̀ k'e weghàà dehshoa lanì, eyıt'à Esau wìyeh agı̨į̀là.
685	GEN 25:26	Wek'è wechı wegǫ̀hłı̨ ekò edı̨ı̨de Esau wekehtà yàıtǫ̀ hanì wegǫ̀hłı̨. Eyıt'à Jacob wìyeh agı̨į̀là. Isaac ek'ètaènǫ weghoò ekò wets'èkeè ełèchǫekèa nìı̨la.
686	GEN 25:27	Eyı chekoa geèzǫ, ǫhdah gı̨ı̨lı̨į̀ agejà. Esau t'aa nàzèe-dǫǫ̀ elı̨ gha nàghò. Ekìı-ka nàzè wegha nezı̨. Ekò Jacob t'aa hotıı̨t'ee-dǫǫ̀ elı̨, edekǫ̀ wheda zǫ lanì.
687	GEN 25:28	Isaac ekìı-ka ts'ǫ bò wegha łekǫ t'à Esau ghǫneètǫ, ekò Rebekah t'aa Jacob ghǫneètǫ.
688	GEN 25:29	Įłàà Jacob bò xè tıwo dek'oo ehtse ekò Esau ekìı-ka nàzèe gots'ǫ nǫ̀ǫtła t'à bò ghaàwo.
689	GEN 25:30	Jacob ts'ǫ̀ hadı, “Sıì bò ghaehwhı dìì! Įwhąą̀ eyı tıwo dek'oo mǫ̀hdaa sàı̨dı!” yèhdı. (Eyı ts'ıhɂǫ̀ Esau Edom sı wìyeh. Edom gedı nı̨dè “dek'o” gedıì-agedı.)
691	GEN 25:32	“Hòt'a bò dę t'asahde ha nìkw'o. Età weza ǫhdaà ehłı̨ı̨ sìı segha ayìı welè?” Esau yèhdı.
692	GEN 25:33	Jacob yets'ǫ̀ hadı, “T'akwełǫ̀ǫ̀ yatı nàtsoo seghàı̨ɂà,” yèhdı. Eyıt'à Esau yets'ǫ̀ yatı nàtsoo whehtsı̨ t'à goza ǫhdaà k'ę̀ę̀ t'asìı wets'ǫ̀ ade ha ı̨lèe sìı wechı ts'ǫ̀ weghǫ nàèdì.
693	GEN 25:34	Eyı tł'axǫǫ̀ Jacob, łèt'è eyıts'ǫ tıwo dek'oo Esau ghàı̨dì. Esau shètı̨ tł'axǫǫ̀ nıìtła gà xàèhtła. Eyıt'à Esau goza ǫhdaà k'ę̀ę̀ wetà ts'ǫ t'asìı weghǫ̀zhe ha ı̨lèe sìı wegha t'asìı wı̨ı̨zìı nadlı̨-le.
719	GEN 26:26	Isaac eyı nàde ekò kǫ̀ta Gerar gots'ǫ k'àowocho Abımelek yets'àèhtła. Ahuzat yegha k'eyaetıı-dǫǫ̀ eyıts'ǫ Fıkol yegha eghǫǫ-dǫǫ̀ ts'ǫ̀ k'àowo gıxè aget'ı̨.
727	GEN 26:34	Isaac weza Esau dı̨ènǫ weghoò ekò Het got'ı̨į̀ gots'ǫ ts'èko nàke gòį̀hchì: Įłè Judıt wìyeh sìı Berı wetì hǫt'e, eyıts'ǫ ı̨łè Basamat wìyeh sìı Elon wetì hǫt'e.
729	GEN 27:1	Isaac eneèko whelı̨ ekò sıì wedaà nàtso-le t'à wegha xègaat'ı̨-le agòjà. Edeza ǫhdaà Esau kayaı̨htı, “Seza,” yèhdı. “Età, neèhkw'ǫ,” weza yèhdı.
733	GEN 27:5	Isaac hadıì edeza Esau ts'ǫ̀ gode ekò wets'èkeè Rebekah yenaàhtǫ yeèhkw'ǫ. Eyıt'à Esau ekìı-ka nàzè ha xàèhtła ekò,
734	GEN 27:6	Rebekah edeza Jacob ts'ǫ̀ hadı, “Netà, nı̨ı̨de Esau ts'ǫ̀ dıı hadı weèhkw'o,
739	GEN 27:11	Jacob edemǫ Rebekah ts'ǫ̀ hadı, “Ekò sı̨ı̨de Esau wekwǫ̀ k'e weghàà łǫ dìì ne, ekò sı̨ t'aa sekwǫ̀ ı̨tłoa hǫt'e.
743	GEN 27:15	Eyı tł'axǫǫ̀ Rebekah edeza ǫhdaà Esau wegoht'ǫǫ̀ nezı̨ı̨ goyìı whelaa sìı neyı̨į̀wa gà weza Jacob yeyìetłaà ayį̀į̀là.
747	GEN 27:19	Jacob edetà ts'ǫ̀ hadı, “Neza ǫhdaà Esau aht'e. Dàsį̀ı̨dıı sìı hahłà. Jǫ negha bò whıht'ee sìı ghǫ shèı̨tı̨, hanì-ı̨dè yatı nǫǫde wet'à sexè sìghà hòɂǫ ha sìı t'à sek'eèyaąhtı ha,” edetà èhdı.
749	GEN 27:21	Eyı tł'axǫǫ̀ Isaac edeza Jacob ts'ǫ̀ hadı, “Seza, nexèlagoehdì ha t'à, segà nıwà-lea aąde, asį̀į̀ hotıì Esau anet'e lì,” yèhdı.
750	GEN 27:22	Eyıt'à Jacob edetà Isaac ts'ǫ̀ nıwà-lea nììtła. Isaac edeza k'ek'eedı, hadı, “Jacob lanì goı̨de hanìkò Esau welachı̨į̀ xèlagoedì lanì,” hadı.
751	GEN 27:23	Esau welachı̨į̀ lanì weghàà łǫ yexèlagoedì t'à Jacob at'ı̨ nàyèhzhį̀-le. Eyıt'à Isaac yatı nǫǫde nezı̨ı̨ t'à yek'eèyaı̨htı.
752	GEN 27:24	K'achı̨ dayeehke, “Hotıì seza Esau anet'e nì?” yèhdı. “Hęɂę, Esau aht'e,” Jacob edetà èhdı.
758	GEN 27:30	Isaac nezı̨į̀ yek'eèyaı̨htı tł'axǫǫ̀ Jacob xàèhtła. Edetà ts'ǫǫ̀ xàèhtła ts'ǫ̀et'ıì wı̨ı̨de Esau nàzèe gots'ǫ goyaèhtła.
760	GEN 27:32	“Amìı anet'e?” wetà Isaac yèhdı. “Neza ǫhdaà Esau aht'e,” weza yèhdı.
762	GEN 27:34	Esau wetà hadı yıìkw'o t'à hòtł'ò tsedeèdla xè ededzeè t'à ı̨tsè, hadı, “Età, sı̨ sı yatı nezı̨ı̨ seghàı̨ɂà!” hadıì etse.
764	GEN 27:36	Esau hadı, “Dıì xè nàekeè seghǫ eèɂı̨ t'à wıızì wexıìzǫ hǫt'e. Età weza ǫhdaà k'ę̀ę̀ wets'ǫ t'asìı sets'ǫ̀ ade ha ı̨lèe sìı seghǫ xàyeèchì eyıts'ǫ dıì sı yatı nezı̨ı̨ seghǫ xàyeèchì!” hadı. K'achı̨ edetà ghǫnàdaetì, “Yatı nezı̨ı̨ ı̨łè segha wheęhɂǫ-le nì?” yèhdı nàdaetì.
765	GEN 27:37	Isaac edeza Esau ts'ǫ̀ hadı, “Negha k'àowo elı̨į̀ awèhłà, eyıts'ǫ wèot'ı̨ hazǫǫ̀ wecheekeè gı̨ı̨lı̨ ha nìyaehtı. Dèè gots'ǫ tł'olà eyıts'ǫ jìecho t'à nezı̨į̀ eda ha wèehsı̨. Eyıt'à negha ayìı dàhłà lì?” wetà yèhdı.
766	GEN 27:38	Esau edetà ts'ǫ̀ hanaedı, “Età, yatı nezı̨ı̨ ı̨łè-ahko segha wheęhɂǫ-le nì? Sı̨ sı yatı nezı̨ı̨ seghàı̨ɂà!” hadıì edetà ghǫnàdaetì xè hòtł'ò etse.
769	GEN 27:41	Eyıt'à Esau edechı Jacob dzaı̨hwhǫ, wetà yatı nezı̨ı̨ yechı ghàı̨ɂǫ t'à. Edets'ǫ̀ hadı, “Età ełaı̨wo weghǫ ts'etse k'ehǫǫwo nı̨dè sechı Jacob ełaàwèehwhı ha,” hadı.
770	GEN 27:42	Wemǫ Rebekah weza ǫhdaà Esau hadı ghǫ ıìkw'o ekò edeza Jacob kayaı̨htı, yets'ǫ̀ hadı, “Nı̨ı̨de Esau dànì ełaànìhwhı ha ghǫ nànıwo xè weghǫ wınà.
776	GEN 28:2	Dıì-t'ıì Padan-Aram nèk'e ts'ǫ̀ aąde. Nemǫ wetà Betuyel wekǫ̀ ts'ǫ̀ aąde. Ekǫ gots'ǫ nemǫ wı̨ı̨de Laban wetìke gots'ǫ ts'èko edegha į̀hchı.
779	GEN 28:5	Eyı tł'axǫǫ̀ Isaac edeza Jacob ekǫ ts'ǫ̀ ayį̀į̀là. Eyıt'à Padan-Aram nèk'e Aram got'ı̨į̀ Betuyel weza Laban ts'ǫ̀ ajà. Laban, Rebekah wı̨ı̨de hǫt'e, eyıts'ǫ Rebekah, Jacob eyıts'ǫ Esau gımǫ hǫt'e.
780	GEN 28:6	Isaac, Jacob Padan-Aram nèk'e gots'ǫ ts'èko ìhchı yèhdıì yatı nezı̨ı̨ yeghàı̨ɂǫ xè ekǫ ts'ǫ̀ yeèhɂà eyıts'ǫ “Kanan got'ı̨į̀ gots'ǫ ts'èko į̀hchı ha-le,” yèhdıı sìı Esau yeghǫ ıìkw'o.
782	GEN 28:8	Esau, Kanan got'ı̨į̀ gots'ǫ ts'èko wetà wegha nezı̨-le, yek'èhoèhzà t'à,
793	GEN 28:19	Eyı dèe sìı Bethel wìyeh ayį̀į̀là. T'akwełǫ̀ǫ̀ eyı kǫ̀ta gòɂǫǫ sìı Luz wìyeh ı̨lè.
828	GEN 29:32	Leah hotıeda-le ajà t'à dǫzhìa nìı̨htı̨. Ruben wìyeh ayį̀į̀là, dıı hadı t'à, “Daıhɂa t'à gots'ǫ̀ K'àowo sets'àı̨dì. Hòt'a sedǫǫ̀ seghǫneètǫǫ̀ ade ha,” hadı.
831	GEN 29:35	K'achı̨ hotıeda-le ajà t'à dǫzhìa nìı̨htı̨, hadı, “Dıì t'à gots'ǫ̀ K'àowo weghàsǫehdı ha,” hadı. Eyıt'à dǫzhìa Judah wìyeh ayį̀į̀là. Eyı tł'axǫǫ̀ chekoa nìhtè-le ajà.
845	GEN 30:14	T'asìı dehshee nàgehtsį̀ ekìıyeè k'e Ruben dèè k'e k'eda t'à dèè-gonàèdìı wet'à chekoa gots'ǫ at'ı̨ı̨ sìı yegòhɂǫ. Eyı sìı edemǫ Leah ghàyı̨ı̨wa. Eyıt'à Rachel, Leah ts'ǫ̀ hadı, “Neza wets'ǫ dèè-gonàèdìı mǫ̀hdaa sàı̨dı,” yèhdı.
851	GEN 30:20	Eyıt'à Leah hadı, “Nǫ̀htsı̨ t'asìı nezı̨ı̨ seghàı̨ɂǫ. Wegha chekoa ek'ètaı nìıhła t'à, dıì t'à sedǫǫ̀ sìhchı ha,” hadı. Eyıt'à eyı dǫzhìa Zebulun wìyeh ayį̀į̀là.