90	GEN 4:10	Gots'ǫ̀ K'àowo hayèhdı, “Sıì ekǫ-le eghàlaneedà. Seę̀hkw'ǫ! Nechı wedoò dèè k'e nałaètł'ıì anelà t'à neghǫ nàyaetı ha.
791	GEN 28:17	Gots'ǫ̀ K'àowo yegà nàwo ghǫ nàwhetı̨ t'à dejı̨į̀ lajà, hadı, “Jǫ agǫ̀ht'ee sìı enıìyah lagǫ̀ht'e! Xàè Nǫ̀htsı̨ wekǫ̀ agǫ̀ht'e! Yak'e ts'ǫ̀ goyagoòɂà agǫ̀ht'e,” hadı.
1117	GEN 37:33	Jacob edeza ɂeè nàwhezhį̀ t'à hadı, “Dıı seza weɂeè hǫt'e! Tıts'aàdìı yedzį̀į̀hɂà t'à seza tàı̨hdlà sǫnı,” hadı.
1262	GEN 42:9	Dànì goghǫ nàwhetı̨ı̨ sìı yenadì. Gots'ǫ̀ hadı, “Nàahɂį̀ı̨-dǫǫ̀ aaht'e! Gonèk'e kexots'ııhdı-le sìı wegòahɂà ha dahwhǫ t'à jǫ nìahde ne,” gòhdı.
1362	GEN 45:3	Joseph edı̨ı̨de ts'ǫ̀ hadı, “Sı̨ Joseph aht'e! Asį̀į̀ setà ı̨łaà eda?” gòhdı. Hanìkò wı̨ı̨de gıch'àèhyeh t'à t'asagıìhdı ha dìì.
1363	GEN 45:4	Eyıt'à Joseph edı̨ı̨de gots'ǫ̀ hadı, “Segà nìahdè,” gòhdı. Wegà nègı̨ı̨de ekò hagòhdı, “Naxıchı Joseph aht'e, Egypt nèk'e ts'ǫ̀ naxıghǫ nàedì ı̨lèe sìı eyı aht'e!
23268	MAT 3:7	Pharısee gı̨ı̨lı̨ı̨ łǫ eyıts'ǫ Sadducee gı̨ı̨lı̨ı̨ łǫ, edı̨į̀ sìı John-Baptıst dǫ k'ètaìdzı̨ı̨ sìı ekǫ ts'ǫ̀ geède. John-Baptıst gots'ǫ̀ hadı, “Naxı̨, wehłı̨ı̨ weza laaht'e! Nǫ̀htsı̨ nànaxeehkwa ch'à kwı̨ahdè ha nıìle.
23377	MAT 6:26	Chı̨ą hoòlà gıdaànıahdè: dèè k'e t'asìı geehshe-le, eyıts'ǫ xehkǫ̀ t'asìı gehła-le, hanìkò Naxıtà yak'e whedaa sìı gowàedı hǫt'e. Chı̨ą gınahk'e aahłı̨ hǫt'e!
23511	MAT 10:25	Dǫ hoghàweètǫǫ sìı hoghàyeehtǫǫ-dǫǫ̀ xèht'eè ade ha hǫt'e, eyıts'ǫ k'àowo wecheekeè edets'ǫ k'àowo xèht'eè ade ha hǫt'e. Edekǫ̀ gha k'àowo elı̨ı̨ sìı ‘wehłı̨ı̨’ gıìhdı nı̨dè wekǫ̀ dǫ nàdèe sìı denahk'e gık'adaedè ha hǫt'e!
23570	MAT 12:12	Dǫ sahzǫ̀ą nahk'e gı̨ı̨lı̨ hǫt'e! Eyıt'à Nǫ̀htsı̨ Dzęę̀ k'e dǫ ts'ǫ̀ nezı̨į̀ eghàlats'eedaa sìı wets'àet'ǫ nıìle,” gòhdı.
23592	MAT 12:34	Naxı̨ sìı wehłı̨ı̨ weza laaht'e! Hołı̨ı̨-hoahtsı̨ı̨-dǫǫ̀ aaht'e t'à t'asìı nezı̨ı̨ ghǫ goahde ha dìì. Dǫ gıdzeè yìı ayìı whelaa weghàà gogede hǫt'e.
23668	MAT 14:2	Eyıt'à Herod edecheekeè ts'ǫ̀ hadı, “Eyı dǫ John-Baptıst at'ı̨! Naìdà t'à enıìyah łǫ hohtsı̨ hǫt'e,” gòhdı.
23803	MAT 18:7	“T'asìı nezı̨-le łǫ t'à dǫ hołı̨ı̨ hogehtsı̨ ts'ıhɂǫ̀, dıı nèk'e dǫ gıts'ǫ̀ hoìla ha hǫt'e. Eyı hołı̨ı̨ hazǫǫ̀ hagode ha t'ıį̀t'e, hanìkò dǫ wet'à agot'ı̨ı̨ sìı wegha hoìla ha hǫt'e!
24011	MAT 23:24	Naxı̨ sìı naxıdaà goìlee kò dǫ k'egıahɂı̨! T'asìı aahdǫǫ sìı weta ts'o nechà-lea xàahchı, hanìkò ejıe nechàa nałaahtła.
24020	MAT 23:33	“Naxı̨ sìı wehłı̨ı̨ weza laaht'e! Wehłı̨kǫ̀ ts'ǫ̀ anaxedle ch'à edaxàahdè ha dahwhǫ nì?
24045	MAT 24:19	Eyı dzęę̀ k'e nı̨dè ts'èko chekoa xè hotıì geeda-le eyıts'ǫ bebìa t'ògeht'ò agehɂı̨ı̨ sìı, sıì gıxè hoìla ha hǫt'e!
24083	MAT 25:6	“Totanı nìı̨ɂǫ ekò dǫ whezeh, hadı: ‘Dǫ honìda ha sìı nììtła ha nìkw'o! Jǫ weda łą̀ą nìahdè!’ hadı.
24088	MAT 25:11	“Sìghaı̨waà tł'axǫǫ̀ t'eekoa gogı̨ı̨zǫ-le sìı eyı nègı̨ı̨de, hagedı, ‘K'àowo! K'àowo! Gots'ǫ̀ enìxàı̨chı!’ gedı.
24391	MRK 3:34	Dǫ yemǫǫ̀ geèhkw'ee sìı goghàeda, hadı, “Dıı sìı semǫ eyıts'ǫ sechı agı̨ı̨t'e!
24541	MRK 7:9	“Nàahɂį̀ laaht'ı̨! Whatsǫǫ̀ naxınàowoò k'èahdì ha dahwhǫ t'à, Nǫ̀htsı̨ nàowoò wedę aahłà!
24718	MRK 11:9	Dǫ łǫ Zezì nakweè gıadè eyıts'ǫ dǫ łǫ yek'èè gıadè, yagìzeh xè hagedı, “Hosanna! Gots'ǫ̀ K'àowo dahxà nììtłaa sìı wexè sìghà hǫt'e!
24787	MRK 13:1	Zezì Nǫ̀htsı̨kǫ̀-gocho gots'ǫǫ̀ naèhtła ekò wecheekeè ı̨łè hayèhdı, “K'àowo, waı̨da! Dıı kǫ̀-gocho k'ǫǫnì wèdaat'ı̨! Kwe dàı̨hcho-so t'à hòèlı̨!” yèhdı.
24803	MRK 13:17	Eyı dzęę̀ k'e nı̨dè ts'èko chekoa xè hotıì geeda-le eyıts'ǫ bebìa t'ògeht'ò agehɂı̨ı̨ sìı, sıì gıxè hoìla ha hǫt'e!
24819	MRK 13:33	Eyıt'à edexoahdı xè sınìahkw'e! Ayìı dzęę̀ k'e hagode ha sìı wek'èahsǫ nıìle.
24864	MRK 14:41	Eyı tł'axǫǫ̀ taà-eht'aà decheekeè gots'ǫ̀ naèhtła, hagòhdı, “Įłaà wheahte nì aaht'e? Hòt'a! Dǫ-wet'àaɂàa-deè hołı̨ı̨-hogehtsı̨ı̨-dǫǫ̀ tł'aàgıhtè ha nìhǫǫwo.
25101	LUK 3:7	Dǫ łǫ gık'ètaìdzı̨ ha, John-Baptıst ts'ǫ̀ geède t'à, gots'ǫ̀ hadı, “Naxı̨, wehłı̨ı̨ weza laaht'e! Dànıt'à Nǫ̀htsı̨ naxeehkwa ch'à kwı̨ahdè ha dahwhǫ nǫǫ̀?
25167	LUK 4:35	Zezì yets'ǫ̀ hadı, “Įhłı̨į̀ aąt'e! Weyìı gots'ǫ xàı̨tłe!” yèhdı. Hadı t'à dǫ hazǫǫ̀ gıdaà ı̨nìłı̨ı̨ dǫ ı̨zhıì nàı̨hxà gà yeyìı gots'ǫ xàèhtła. Hanìkò eyı dǫ t'asajà-le.
25552	LUK 12:24	Tatsǫ̀gaà hoòlà gıdaànıahdè: dèè k'e t'asìı geehshe-le, eyıts'ǫ xehkǫ̀ t'asìı gehła-le, hanìkò Nǫ̀htsı̨ gowàedı. Tatsǫ̀gaà nahk'e aahłı̨ hǫt'e!
25594	LUK 13:7	Eyıt'à jìecho-k'èdìı-dǫǫ̀ ts'ǫ̀ hadı, ‘Dıı ts'ı wek'e jìecho dehshe ha dehwhǫ t'à dıì xè taı xo gots'ǫ jǫ nǫèhdà, hanìkò jìecho wı̨ı̨zìı wek'e dawheɂǫ-le. Ts'ı wek'ı̨ı̨hkà! Ayìıha dèè nezı̨ı̨ wets'ǫ̀ wek'ehowı lì?’ yèhdı.
25620	LUK 13:33	Hanìkò dıı dzęę̀, satsǫ eyıts'ǫ ek'èdaedzęę̀ k'e ı̨łaà ı̨daà naehtłe ha hǫt'e, nakwenàoɂǫǫ sìı Jerusalem ekǫ zǫ ełaàgede ne t'à!
25781	LUK 18:24	Zezì hotıì yeghàı̨dà xè hadı, “Dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha wèhoedı-le hǫt'e!
25918	LUK 21:23	Eyı dzęę̀ k'e nı̨dè ts'èko chekoa xè hotıì geeda-le eyıts'ǫ bebìa t'ògeht'òo sìı sıì gıxè hoìla ha hǫt'e! Eyı nèk'e hazǫǫ̀ ts'ǫ̀ hoìla xè ekǫ got'ı̨į̀ sıì dagı̨ı̨ɂaà agogele ha hǫt'e.
26099	LUK 24:39	Sılà eyıts'ǫ sekè ghàahda. Xàè sı̨ aht'ı̨! Daseahchı, dǫts'ı̨į̀ wekwǫ̀ eyıts'ǫ wekw'ǫǫ̀ gǫ̀hłı̨ nıìle, hanìkò sı̨ sekwǫ̀ eyıts'ǫ sekw'ǫǫ̀ gǫ̀hłı̨ hǫt'e,” gòhdı.
26537	JHN 9:28	Hagòhdı t'à yatıjıı t'à gık'adaedè, hagıìhdı, “Nı̨ wecheekeè anet'e! Goxı̨ Moses wecheekeè ats'ı̨ı̨t'e.
26656	JHN 12:7	Zezì yets'ǫ̀ hadı, “Whatsǫǫ̀ awet'į̀! Dıı yìk'eetł'òo sìı sekw'ǫǫ̀ nìtį̀ı̨ dzęę̀ gha yek'èdì hǫt'e. Hanì hòɂǫ ha t'à at'ı̨.
27033	ACT 2:15	Dıı dǫ geèhde aget'ı̨ dahwhǫ nì? K'ǫ̀ą t'aa k'omǫǫ̀dǫǫ̀ łǫǫ̀tǫ nìı̨ɂǫ agǫ̀ht'e!
27157	ACT 5:29	Peter eyıts'ǫ Zezì wecheekeèdeè mǫ̀hdaa hagedı, “Nǫ̀htsı̨ sìı dǫ nahk'e wek'èats'ı̨ı̨t'e ha hǫt'e!
27166	ACT 5:38	Eyıt'à, dıì dàgot'ı̨ı̨ sìı weghǫ dıı hanaxèehsı̨ ha: Eyı dǫ whatsǫǫ̀ agııt'į̀! Nagııdè agıahłe! Edınì k'ę̀ę̀ eghàlageeda aget'ı̨ nı̨dè t'asagode ha nıìle.
27187	ACT 7:2	Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.
27441	ACT 13:10	“Nı̨ sìı wehłı̨ı̨ weza anet'e, t'asìı hazǫǫ̀ ehkw'ı ne sìı k'èch'a anet'e! T'asìıłı̨ı̨ hazǫǫ̀ xàɂaa eyıts'ǫ hots'ets'ìı nàowoò hanıı zǫ k'èı̨zǫ. Dàht'e-ı̨dè Nǫ̀htsı̨ wenàowoò k'èch'a eghàlaı̨da ghǫ naąt'e ha?
27447	ACT 13:16	Eyıt'à Paul nıìtła, edılà ı̨dòo ayį̀į̀là xè gots'ǫ̀ hadı, “Israel got'ı̨į̀ eyıts'ǫ naxı̨ dǫ eyıì-le xàɂaa Nǫ̀htsı̨ ghàtsį̀ahdıı aahłı̨ı̨ sìı, hotıì seàhkw'ǫ!
27760	ACT 21:28	Gezeh xè hagedıì, “Israel got'ı̨į̀ gots'àahdı! Dıı dǫ sìı hazǫǫ̀ nèk'e gòet'ı̨ k'èch'a, gonàowoò k'èch'a, eyıts'ǫ Nǫ̀htsı̨kǫ̀-gocho k'èch'a dǫ hoghàehtǫ. Eyı zǫǫ̀-le, Greece got'ı̨į̀ Nǫ̀htsı̨kǫ̀-gocho gà nègòı̨wa. Eyı wets'àet'ǫ hǫt'e t'à jǫ degaı k'è gòɂǫǫ sìı tsį̀goı̨hwho hǫt'e,” gedıì gezeh.
27805	ACT 23:3	Eyıt'à Paul yets'ǫ̀ hadı, “Nǫ̀htsı̨ nàneehkwa ha. Kǫ̀got'aà degoo aatł'èa lanet'e! Ehkw'ı ı̨da laąt'ı̨ kò wek'ę̀ę̀ ı̨da nıìle! Gonàowoò k'ę̀ę̀ sesınìyaetı ha ı̨lè hanìkò dǫ nàsegııkà gìı̨dı t'à gonàowoò k'èch'a eghàlaı̨da hǫt'e,” yèhdı.
28061	ROM 3:2	Eyı gıgha sıì wet'àaɂà hǫt'e! Nǫ̀htsı̨ weyatıì wedeèdlı̨ı̨ k'ègedì ha gıghǫ̀t'ǫ sìı deɂǫ̀ǫ̀ gıgha wet'àaɂà hǫt'e.
28183	ROM 7:24	Eyıt'à sıì sexè gots'eèdı hǫt'e! Dıı sezhį̀į̀ wet'à ełaehwhı ha sìı amìı yech'à edaxàsį̀ı̨htı̨ lì?
28184	ROM 7:25	Nǫ̀htsı̨ masì weehwhǫ, gots'ǫ̀ K'àowo Zezì-Krı wet'ǫ̀ǫ̀ edaxàseetè ha hǫt'e! Eyıt'à sedzeè yìı Nǫ̀htsı̨ wenàowoò sets'ǫ̀ k'àhowo hǫt'e, hanìkò sınìłı̨ı̨ ts'ıhɂǫ̀ hołı̨ı̨-nàowoò sets'ǫ̀ k'àhowo hǫt'e.
28301	ROM 11:24	Naxı̨ sìı ts'ı nezı̨-le gots'ǫ xànaxıat'a gà ts'ı nezı̨ı̨ k'e ts'ǫ̀ anaxììdlà hǫt'e, eyı wenaahdì-le sǫ̀ǫ̀. Eyı ts'ı xàè wekw'ıhchı̨į̀ aaht'e nıìle kò, dıì wek'e dahshe hǫt'e. Ekò eyı ts'ı xàè wets'ǫ kw'ıhchı̨į̀ dahchı̨atǫ̀ǫ sìı xàè wets'ǫ ts'ı k'e ts'ǫ̀ anagììdlà nı̨dè denahk'e nezı̨į̀ dehshe ha hǫt'e!
28310	ROM 11:33	Nǫ̀htsı̨ sıì gǫǫzǫ xè t'asìı hazǫǫ̀ k'èhoezǫ ts'ıhɂǫ̀ Nǫ̀htsı̨ gogha enıìyah hǫt'e! Wınì nıts'eedì ha dìì eyıts'ǫ edı̨į̀ wetı̨lıì nıɂàa sìı wek'èts'eezǫ-le!
28538	1CO 6:3	Yak'eet'ı̨į̀ gısınìyats'ehtı ha wek'èahsǫ-le nì? Hanì hòɂǫ ha nı̨dè dıı nèk'e gota dàgot'ı̨ı̨ sìı denahk'e wesınìyats'ehtı ha hǫt'e!
28541	1CO 6:6	Hanìkò ełeghǫ nàyaetıì ałaahɂı̨. Dǫ gıgha ehkw'ı-ahodı-le gınadąą̀ hanì k'ehoahɂa!
28624	1CO 9:16	Hanìkò godı nezı̨ı̨ t'à dǫ hoghàehtǫ nı̨dè edeghǫ xàdahohdì ha dìì. Godı nezı̨ı̨ t'à dǫ hoghàehtǫ eyı zǫ segha hòɂǫ hǫt'e. Godı nezı̨ı̨ t'à dǫ ts'ǫ̀ gohde-le nı̨dè segha hoìla ha hǫt'e!
28843	1CO 15:57	Hanìkò Nǫ̀htsı̨ masì wets'ı̨ı̨hwhǫ hǫt'e! Gots'ǫ̀ K'àowo Zezì-Krı wets'ıhɂǫ̀ hots'eèhnǫǫ̀ agǫ̀ǫ̀là.
28920	2CO 3:11	Ayìı whìle adaadee sìı enıìyah t'à nàhòwo nı̨dè, ayìı welǫ whìle ts'ǫ̀ wheɂǫ ha sìı wenahk'e enıìyah deè elı̨ hǫt'e!
29039	2CO 9:15	Nǫ̀htsı̨ masì wets'ı̨ı̨hwhǫ ha hǫt'e! Ayìı goghàyı̨ı̨ɂǫǫ sìı sıì weghǫ enıìyah t'à wegha yatı whìle hǫt'e!
29068	2CO 11:11	Dànìghǫ sets'àahdı ha naxeehwhǫ-le dahwhǫ sǫnaà? Naxıghǫneehtǫ-le t'à aht'e nıìle. Dànì naxıghǫneehtǫǫ sìı Nǫ̀htsı̨ yek'èezǫ hǫt'e!
29133	GAL 1:9	Dıìhk'ǫ̀ą dàehsı̨ ı̨lèe sìı k'achı̨ hanaehsı̨ ha: Godı nezı̨ı̨ naxıgha ehkw'ı-ahodıı sìı wenǫ̀ǫ̀ godı eyıì-le t'à dǫ naxıts'ǫ̀ gode nı̨dè eyı dǫ welǫ whìle ts'ǫ̀ wexè hoìla ha hǫt'e!
30078	HEB 3:16	Nǫ̀htsı̨ gots'ǫ̀ goı̨de gıìkw'o ı̨lè ekò Nǫ̀htsı̨ k'èch'a eghàlagı̨ı̨dà. Moses dǫ hazǫǫ̀ Egypt nèk'e gots'ǫǫ̀ xàgoèwaa sìı eyı et'ıì agı̨ı̨t'e!
30373	JAS 2:13	Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!
30379	JAS 2:19	Nǫ̀htsı̨ ı̨łè zǫ gǫ̀hłı̨ı̨ sìı negha ehkw'ı-ahodı. Ehkw'ı aneewǫ hǫt'e! Įnìłı̨ı̨ kò ededı̨ sı eyı gıgha ehkw'ı hǫt'e, eyıt'à geejı̨ xè gıts'ehłı̨ laget'į̀.
30425	JAS 5:4	Seàhkw'ǫ! Dǫ naxıdèè k'e t'asìı dehshee nàgı̨ı̨htsı̨ı̨ sìı gıts'àɂaahdì-le t'à naxısınìyaetı hǫt'e. Dǫ t'asìı dehshee naxıgha nàgehtsı̨ı̨ sìı yagìtse t'à, gots'ǫ̀ K'àowo t'asìı wegha dìì-le sìı goèhkw'ǫ hǫt'e.
30430	JAS 5:9	Sèot'ı̨ı̨, ełek'èch'a goahde-le. Haaht'ı̨ nı̨dè naxısınìyaetı ha. Dǫ-sınìyaehtıı-dǫǫ̀ hòt'a naxısınìyahtı ha nìkw'o!
30607	2PE 3:18	Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.
30647	1JN 3:1	Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.
30765	JUD 1:25	Zezì-Krı wet'à Nǫ̀htsı̨ ededı̨ zǫ Edaxàgolee elı̨ı̨ sìı t'aats'ǫǫ̀ weghàsǫts'eedı welè. Dıı dèè hòèlı̨ kwe gots'ǫ, dıì, eyıts'ǫ welǫ whìle ts'ǫ̀ Nǫ̀htsı̨ ededı̨ zǫ denahk'e elı̨ı̨ sìı wexè enıìyah hòɂǫ. T'asìı hazǫǫ̀ ts'ǫ̀ K'àowo elı̨, ededı̨ zǫ nàtso, eyıts'ǫ t'asìı hazǫǫ̀ wetł'aà whela hǫt'e! Amen.
30794	REV 2:9	Dànì naxıxè hoìla xè eteaht'ı̨ı̨ sìı naxık'èehsǫ, hanìkò dǫ ahxee aahłı̨ hǫt'e! Dǫ xàè Israel got'ı̨į̀ ats'ı̨ı̨t'e gedıı sìı naxıızì jıı gehtsı̨ wek'èehsǫ. Hanìkò xàè Israel got'ı̨į̀ agı̨ı̨t'e nıìle, wehłı̨ı̨ wecheekeè agı̨ı̨t'e.
30801	REV 2:16	Eyıt'à edek'eahłı̨! Edek'eahłı̨-le nı̨dè whaà-le-t'ıì naxıts'ǫ̀ ehtła gà behcho sewà xàı̨ɂa t'à nàgeehtł'ì ha.
30816	REV 3:2	Ts'ıahdè! Ayìı naxıghǫ ełaàwı ha nìkw'oo sìı nàtsoò aahłe. Nǫ̀htsı̨ wek'ę̀ę̀ deghàà eghàlaahda nıìle wek'èehsǫ.
30859	REV 5:12	Hòtł'ò gejı̨, hagedı, “Sahzǫ̀ą ełaı̨wo ı̨lèe sìı nezı̨į̀ weghàhòt'ǫ hǫt'e! Ededı̨ sìı t'asìı hazǫǫ̀ gha K'àowocho welè, t'asìı hazǫǫ̀ weghǫ̀zhe welè, gǫǫzǫǫ̀ weghàhòt'à welè, nàtsoò awedle, eyıts'ǫ enıìyah xè weghàsǫts'eedı welè!” hagedıì gejı̨.
30863	REV 6:2	Hǫtsaa senadąą̀ tłı̨cho degoo wègoèht'į̀! Eyı tłı̨cho t'à-at'ı̨ı̨ sìı ı̨htį̀ daetı̨. Ededı̨ sìı sǫǫ̀mbaekwo kwìt'ıì weghǫ̀t'ǫ eyıts'ǫ eghǫǫ-dǫǫ̀ hoehnè ha nàhǫhoehwho lanì natłı̨yeèhchì.
30866	REV 6:5	Eyı tł'axǫǫ̀ sahzǫ̀ą enı̨htł'èyeè wedaàdzeh taı t'à wheɂǫǫ sìı nàyı̨ı̨zhì. K'achı̨ t'asìı dı̨ godìı sìı wets'ǫ ı̨łè hadı, “Jǫ-ı̨tłe,” sèhdı. Hǫtsaa senadąą̀ tłı̨cho dezǫǫ wègoèht'į̀! Eyı tłı̨cho t'à-at'ı̨ı̨ sìı wet'à t'asìı wedaeda yàıtǫ̀.
30869	REV 6:8	Hǫtsaa senadąą̀ tłı̨cho dıìgà lanıı wègoèht'į̀! Eyı tłı̨cho t'à-at'ı̨ı̨ sìı “ełaàgòhde” wìyeh eyıts'ǫ yek'èè etłee sìı “dǫ ełaı̨dèe nèk'e” wìyeh. Dıı nèk'e tanı eyıts'ǫ k'achı̨ tanı ts'ǫ̀ dǫ nàdèe sìı ełaàgogìhde ha gıghàhòt'ǫ. Mǫ̀hdaa behcho t'à ełaàgogìhde ha, mǫ̀hdaa bò whìle t'à, mǫ̀hdaa tàda nàtsoo t'à eyıts'ǫ mǫ̀hdaa tıts'aàdìı wets'àhoejı̨ı̨ t'à ełaàgogìhde ha.
31003	REV 14:8	Eyı tł'axǫǫ̀ k'achı̨ yak'eet'ı̨į̀ ı̨łè wègoèht'į̀, hadı, “Kǫ̀godeè nàgoı̨tł'ı! Kǫ̀godeè Babylon hazǫǫ̀ nàgoı̨tł'ı, eyı kǫ̀godeè sìı dıı nèk'e dǫ hazǫǫ̀ edehołı̨į̀ k'ę̀ę̀ eghàlagı̨ı̨dà agǫ̀ǫ̀là,” hadı.
31064	REV 18:2	Hòtł'ò ezeh xè hadı: “Kǫ̀godeè nàı̨tł'ı! Kǫ̀godeè Babylon hodàètł'ı. Eyı kǫ̀godeè gòlaa sìı ı̨nìłı̨ı̨ nàdè ajà. Įnìłı̨ı̨ łǫ ekǫ aget'ı̨, t'asìı wejıı k'edèe sìı hazǫǫ̀ ekǫ aget'ı̨.
31092	REV 19:6	Eyı tł'axǫǫ̀ k'achı̨ yak'e gots'ǫ dǫ łǫ ełexè gezeh lagodı, deh nàtsoo sı lagodı eyıts'ǫ hòtł'ò eezhıı sı lagodı. Gezeh xè dıı hagedı, “Aleluya! Gonǫ̀htsı̨ t'asìı wegha dìì-le sìı ededı̨ zǫ t'asìı hazǫǫ̀ ts'ǫ̀ K'àowo hǫt'e!