438	GEN 18:13	Gots'ǫ̀ K'àowo Abraham ts'ǫ̀ hadı, “Dànìghǫ Sarah nàɂedlò xè dıı hanıwǫ, ‘Hòt'a ts'ǫǫ̀ko whıhłı̨ tł'axǫǫ̀ edànì chekoa sets'ǫ welì?’ hanıwǫ?
606	GEN 24:14	T'eeko ı̨łè wets'ǫ̀ dıı haehsı̨ı̨ sìı, ‘Netıtǫǫ̀ gots'ǫ tı wehts'è,’ wèehsı̨ nı̨dè, ‘Hęɂę, tı nets'è,’ sèhdı xè, ‘Nets'ǫ tıts'aàdìıcho hazǫǫ̀ tı gıghàehdı ha,’ hadıı sìı eyı t'eeko, Isaac wegha ts'èko neehchì hǫt'e welè. Eyı weghàà sets'ǫ̀ k'àowo etewenèeɂı̨ wek'èehsǫ ha,” hadıì yaı̨htı.
632	GEN 24:40	“Eyıt'à dıı hasèhdı, ‘Gots'ǫ̀ K'àowo wenàowoò k'ę̀ę̀ ehdaa sìı edets'ǫ yak'eet'ı̨į̀ nexè ayele ha, eyıts'ǫ ayìı gha ekǫ naątła ha sìı nets'ǫ̀ hoedıì ayele ha. Hanì-ı̨dè setà wèot'ı̨ gots'ǫ seza wegha ts'èko į̀hchı ha.
634	GEN 24:42	“Dıı dzęę̀ k'e tık'è ts'ǫ̀ nèehtła ekò dıı haehsı̨ ı̨lè, ‘Gots'ǫ̀ K'àowo, Abraham Wenǫ̀htsı̨ anet'e. Ayìı gha jǫ nèehtłaa sìı sets'ǫ̀ hoedıì anele.
882	GEN 31:8	‘Tıts'aàdìı weta goèhzǫǫ sìı nets'àɂeedìı gı̨ı̨lı̨ ha,’ naxıtà sèhdı nı̨dè tıts'aàdìı gıza gıta goèhzǫǫ̀ nègele. Eyıts'ǫ, ‘Tıts'aàdìı dezǫ gık'e nawhet'ıı sìı nets'àɂeedìı gı̨ı̨lı̨ ha,’ sèhdı nı̨dè tıts'aàdìı gıza dezǫ gık'e nawhet'ıı nègele.
938	GEN 32:10	Eyı tł'axǫǫ̀ Jacob Nǫ̀htsı̨ ts'ǫ̀ yahtı, “Sets'ǫ̀ K'àowo, secho Abraham Wenǫ̀htsı̨, eyıts'ǫ setà Isaac Wenǫ̀htsı̨ sets'ǫ̀ dıı haı̨dı ı̨lè, ‘Nenèk'e ts'ǫ̀ anaąde eyıts'ǫ nèot'ı̨ gıts'ǫ̀ anaąde, eyıts'ǫ dǫ ahxee nelı̨į̀ anehłe ha,’ sèı̨dı ı̨lè.
941	GEN 32:13	Hanìkò dıı hasį̀ı̨dı ı̨lè, ‘Ehkw'ı t'à nexè sìghà hòɂǫǫ̀ agohłe ha, eyıts'ǫ nets'ıhɂǫ̀ǫ-dǫǫ̀ tıchobàa ewaà laàtłǫǫ̀ agehłe ha. Sıì gı̨ı̨tłǫ t'à gıts'ıhtà ha dìì agode ha,’ hasį̀ı̨dı ı̨lè,” Jacob hadıì Nǫ̀htsı̨ ts'ǫ̀ xàyaı̨htı.
1284	GEN 42:31	Hanìkò wets'ǫ̀ hats'edı, ‘Ehkw'ı ats'ı̨ı̨wǫǫ dǫǫ̀ ats'ı̨ı̨t'e, nàeɂį̀ı̨-dǫǫ̀ ats'ı̨ı̨t'e nıìle.
1286	GEN 42:33	“Eyıt'à eyı nèk'e k'àowo elı̨ı̨ sìı gots'ǫ̀ dıı hadı, ‘Ehkw'ı aahwhǫǫ dǫǫ̀ aaht'e nı̨dè dıı weghàà wek'èehsǫ ha: Naxıta ts'ǫ dǫ ı̨łè jǫ aìdaà aweahłe gà naxèot'ı̨ gıgha bò whìle sìı tł'olà gıts'ǫ̀ naahwha.
1346	GEN 44:21	“Eyıt'à dıı hagòı̨dı ı̨lè, ‘Sets'ǫ̀ nèweahchı, hanì-ı̨dè sı̨ xàè weehɂį̀ ha,’ gòı̨dı ı̨lè.
1352	GEN 44:27	“K'àowo, setà gots'ǫ̀ hadı, ‘Sets'èkeè seza nàke segha nìı̨la ı̨lè.
23264	MAT 3:3	Eyı dǫ nakwenàoɂǫǫ Isaıah yeghǫ goı̨de ı̨lè, dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe,’ ” dek'eèhtł'è.
23346	MAT 5:43	“Dıı hagedı weghǫ aàhkw'o ı̨lè: ‘Naxèot'ı̨ gıghǫnıahtǫ, hanìkò dǫ naxınìgelı̨-le sìı gıdzaahwhǫ.’
23407	MAT 7:22	Eyı dzęę̀ k'e nìhǫǫwo nı̨dè dǫ łǫ sets'ǫ̀ dıı hagedı ha, ‘Sets'ǫ̀ K'àowo, nıızì dahxà nadąą̀ gots'ı̨ı̨de ı̨lè, ı̨nìłı̨ı̨ xàdets'eèzhì eyıts'ǫ enıìyah łǫ hots'èhtsı̨ ı̨lè,’ gedı ha.
23408	MAT 7:23	Hanìkò ehkw'ı gıts'ǫ̀ dıı haehsı̨ ha, ‘Naxık'èehsǫ nıìle. Hołı̨ı̨-k'alaahdèe-dǫǫ̀ aaht'e, sets'ǫǫ̀ naahdè!’ gèehsı̨ ha.
23461	MAT 9:13	Hanìkò dıı hanì dek'eèhtł'è: ‘Sets'ǫ̀ t'asìı k'eahk'ǫ̀ nahk'e dǫ ts'ǫ̀ naxıdzeè eteèɂı̨ ha dehwhǫ,’ ayìı awèts'edıı sìı wedaànıahdè. Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ gıgha ahjà hǫt'e,” gòhdı.
23636	MAT 13:28	“K'àowo gots'ǫ̀ hadı, ‘Dǫ sets'ǫ̀ xànı̨ı̨ɂaa sìı eyı ayį̀į̀là hǫt'e,’ gòhdı. “Wecheekeè gıts'ǫ̀ hadı, ‘Tł'oh nezı̨-le weta dèhshǫǫ sìı xàts'ehdlà ha neewǫ nì?’ gıìhdı.
23743	MAT 16:2	Zezì gots'ǫ̀ hadı, “Xèhts'ǫ̀ nı̨dè dıı haahdı, ‘Yat'a hazǫǫ̀ goòk'o t'à satsǫ hoı̨zı̨ ha,’ dahdı.
23744	MAT 16:3	Eyıts'ǫ k'omǫǫ̀dǫǫ̀ nı̨dè dıı haahdı, ‘K'oh dezǫǫ łǫ t'à, dıı dzęę̀ hoı̨zı̨ ha-le,’ dahdı. K'oh dànì wègaat'ı̨ı̨ sìı wek'ayaahtı ha dìì-le. Hanìkò dıì naxıdaà dàgot'ı̨ı̨ sìı dànìghǫ wek'ayaahtı ha dìì?
23821	MAT 18:25	Edenı̨htł'è nayeele ha dìì t'à k'àowocho edecheekeè eyıì-le gots'ǫ̀ hadı, ‘Wenı̨htł'è k'èxa eyı dǫ, wets'èkeè, weza eyıts'ǫ t'asìı hazǫǫ̀ wets'ǫ sìı weghǫ nıàhwha gà naxıghǫ nàedì aahłe,’ gòhdı.
23898	MAT 21:3	Eyı ghǫ dǫ naxıts'ǫ̀ gode nı̨dè, ‘Gots'ǫ̀ K'àowo yet'à-at'ı̨ ha nıwǫ, ekòet'ıì neghǫ yeechı ha,’ hawèahdı nǫǫ̀,” Zezì gòhdı.
23900	MAT 21:5	“Jerusalem got'ı̨į̀ gıts'ǫ̀ dıı haahdı, ‘Naxıts'ǫ k'àowocho ts'èwhı̨į̀ nıwǫ xè tłı̨tsoa weza k'e dawheda xè naxıts'ǫ̀ nayahte,’ ” nakwenàoɂǫǫ hadı ı̨lè.
23920	MAT 21:25	John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨?” gòhdı. Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adıı weahwhǫ-le nǫǫ̀?’ gòhdı ha.
23984	MAT 22:43	Zezì gots'ǫ̀ hadı, “Hanì-ı̨dè dànìghǫ k'àowocho Davıd Yedàyeh Nezı̨ı̨ dahxà ‘sets'ǫ̀ K'àowo’ yèhdı, dek'eèhtł'è. K'àowocho Davıd yeghǫ dıı hadı ı̨lè:
23985	MAT 22:44	‘Gots'ǫ̀ K'àowo, sets'ǫ̀ K'àowo ts'ǫ̀ hadı, Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe segà wheęda,’ dek'eèhtł'è.
23986	MAT 22:45	K'àowocho Davıd ‘sets'ǫ̀ K'àowo’ yèhdı, hanì dek'eèhtł'è nı̨dè dànì yeza elı̨ welì?” Zezì gòhdı.
24026	MAT 23:39	K'achı̨ seahɂį̀ ha nıìle. ‘Gots'ǫ̀ K'àowo wedahxà nììtłaa sìı wexè sìghà hǫt'e,’ sèahdı gots'ǫ̀ k'achı̨ seahɂį̀ ha-le,” Zezì gòhdı.
24074	MAT 24:48	Ekò edahxǫ eyı dǫ wejıı t'à, edets'ǫ̀ dıı hadı, ‘Sets'ǫ̀ k'àowo whaà ts'ǫ wewhìle,’
24085	MAT 25:8	T'eekoa gogı̨ı̨zǫ-le sìı t'eekoa gogı̨ı̨zǫǫ ts'ǫ̀ hagedı, ‘Gots'ǫ tłeèk'ǫ̀ǫ nadaakwe t'à, tłeh mǫ̀hdaa goghàahdı,’ gògedı.
24089	MAT 25:12	“Hanìkò gots'ǫ̀ hadı, ‘Ehkw'ı aehsı̨, naxık'èehsǫ-le,’ gòhdı.
24097	MAT 25:20	Wecheekeè sı̨làı-lemì satsǫ̀ą dekwoo weghǫ̀zhaa sìı wexètłǫ sı̨làı-lemì yèhtsı̨ı̨ sìı hazǫǫ̀ edets'ǫ̀ k'àowo gà nèyı̨ı̨wa, hayèhdı, ‘Sets'ǫ̀ k'àowo, sı̨làı-lemì satsǫ̀ą dekwoo t'à eghàlaıhdà asèneelà ı̨lè. Jǫ weghàı̨da, eyı wet'à k'achı̨ sı̨làı-lemì whıhtsı̨,’ yèhdı.
24099	MAT 25:22	“Wecheekeè nàke-lemì satsǫ̀ą dekwoo weghǫ̀zhaa sìı ededı̨ sı edets'ǫ̀ k'àowo ts'ǫ̀ èhtła, hayèhdı, ‘Sets'ǫ̀ k'àowo, nàke-lemì satsǫ̀ą dekwoo t'à eghàlaıhdà asèneelà. Jǫ weghàı̨da, eyı wet'à k'achı̨ nàke-lemì whıhtsı̨,’ yèhdı.
24114	MAT 25:37	“Dǫ ehkw'ı geedaa sìı gıts'ǫ̀ dıı hadı ha, ‘Gots'ǫ̀ K'àowo, dàht'e bò ghaı̨wı̨ t'à newàts'ı̨ı̨dì nǫǫ̀? Dàht'e tı ghaı̨wı̨ t'à tı neghàts'ı̨ı̨dì nǫǫ̀?
24117	MAT 25:40	“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.
24118	MAT 25:41	“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.
24121	MAT 25:44	“Ededı̨ sı gıts'ǫ̀ hagedı ha, ‘Gots'ǫ̀ K'àowo, dàht'e bò eyıts'ǫ tı ghaı̨wı̨ nets'aɂı̨ nǫǫ̀? Dàht'e gokǫ̀ta xàhtǫ nelı̨ nǫǫ̀, dàht'e goht'ǫ nets'ǫ-le nǫǫ̀, dàht'e eyanelı̨ eyıts'ǫ nedaàtǫ nǫǫ̀? Eyıts'ǫ dàht'e seè nets'àts'ı̨ı̨dì-le nǫǫ̀?’ gıìhdı ha.
24122	MAT 25:45	“K'àowocho hagòhdı ha, ‘Ehkw'ı anaxèehsı̨, dıı dek'aɂį̀ gı̨ı̨lı̨ı̨ nàgòts'ehnèe nàgeèhzaa sìı gıgha t'asìı haahłà-le nı̨dè sı̨ segha t'asìı haahłà-le hǫt'e,’ gòhdı ha.
24141	MAT 26:18	Zezì gots'ǫ̀ hadı, “Jerusalem ts'ǫ̀ aahdè, ekǫ dǫ ı̨łè ts'àahdè, wets'ǫ̀ haahdı, ‘Gots'ǫ̀ K'àowo dıı hadı: Segha nèhòkw'ı ts'ǫ̀ whaà-le agòjà. Nekǫ̀ secheekeè gıxè Passover gha nàsı̨ ehtsı̨ ha, hadı,’ hawèahdı,” gòhdı.
24287	MRK 1:3	eyıts'ǫ dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha ts'atà nìhoahɂà; wegha tı̨lı ehkw'ı nıɂà aahłe,’ ” dek'eèhtł'è.
24712	MRK 11:3	‘Ayìı gha aahɂı̨?’ dǫ naxèhdı nı̨dè, ‘Gots'ǫ̀ K'àowo yet'à-at'ı̨ ha nıwǫ. Ekòet'ıì neghǫ yeechı ha,’ hawèahdı nǫǫ̀,” Zezì gòhdı.
24740	MRK 11:31	Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè, ‘Dànìghǫ ehkw'ı adı dahwhǫ-le nǫǫ̀?’ gòhdı ha.
24778	MRK 12:36	K'àowocho Davıd Yedàyeh Nezı̨ı̨ dahxà dıı hadı ı̨lè: ‘Gots'ǫ̀ K'àowo, sets'ǫ̀ K'àowo ts'ǫ̀ hadı: Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe k'e segà wheęda,’ dek'eèhtł'è.
24779	MRK 12:37	Hanì dek'eèhtł'è-ı̨dè, Davıd ‘sets'ǫ̀ K'àowo’ yèhdı nı̨dè dànì t'à yeza elı̨ welì?” Zezì gòhdı. Dǫ łǫ Zezì geèhkw'ǫǫ sìı dànì gots'ǫ̀ xàyaı̨htı t'à gınà.
24837	MRK 14:14	Kǫ̀ goyaèhtła nı̨dè dǫ wekǫ̀ agǫ̀ht'ee sìı wets'ǫ̀ dıı haahdı, ‘Gots'ǫ̀ K'àowo nets'ǫ̀ hadı: Edı̨į̀ shèts'ezhe gha gòɂǫ? Secheekeè gıxè nàsı̨ Passover ghǫ shètı̨ ha dehwhǫ,’ wèahdı.
25098	LUK 3:4	Nakwenàoɂǫǫ Isaıah wenı̨htł'è k'e dıı hanì dek'eèhtł'èe sìı k'ę̀ę̀ agòjà: “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe.
25573	LUK 12:45	Ekò edahxǫ eyı dǫ edets'ǫ̀ dıı hadı, ‘Sets'ǫ̀ k'àowo whaà nı̨dè jǫ nǫ̀ǫtła ha ne,’ hadı t'à k'àowo wecheekeè dagǫ̀ǫhɂa eyıts'ǫ shètı̨ xè yedǫ zǫ k'alawo.
25622	LUK 13:35	Hotıì aàhkw'ǫ, naxıkǫ̀ gokw'ǫǫ̀ gòɂǫǫ̀ agode ha. Įłè dzęę̀ dıı hasèahdı ha, ‘Gots'ǫ̀ K'àowo wedahxà goghǫ nììtłaa sìı wexè sìghà hǫt'e.’ Hasèahdı gots'ǫ̀ k'achı̨ seahɂį̀ ha-le,” Zezì gòhdı.
25640	LUK 14:18	“Hanìkò hazǫǫ̀ ełèht'eè nàsı̨ nàgedè ha dìì gedı. Dǫ ı̨łè hadı, ‘Dıìhk'ǫ̀ą dèè nàgoèhdì. Ekǫ weghàehda ha t'à nàsı̨ nàhtła ha dìì,’ hadı.
25641	LUK 14:19	“Eyıts'ǫ k'achı̨ dǫ ı̨łè hadı, ‘Dıìhk'ǫ̀ą ejıe hoònǫ nàehdì. Asį̀į̀ k'egedlı ha dìì-le geèhdzà ha t'à nàsı̨ nàhtła ha dìì,’ hadı.
25642	LUK 14:20	“K'achı̨ ı̨łaà dǫ ı̨łè hadı, ‘Dıìhk'ǫ̀ą honìehdza, eyıt'à nàsı̨ nàhtła ha dìì,’ hadı.
25669	LUK 15:12	Weza nǫǫde edetà ts'ǫ̀ hadı, ‘T'asìı hazǫǫ̀ nets'ǫ sìı łats'ınewa gà ayìı sets'ǫ̀ ade ha sìı seghàı̨le,’ yèhdı. Eyıt'à wetà edeza gogha t'asìı whehłaa sìı gogha łats'ıyı̨ı̨wa.
25692	LUK 16:3	“Eyıt'à wecheekeè hanıwǫ, ‘Sets'ǫ̀ k'àowo seghǫ la naìchı ha t'à edı̨į̀ dàhdza lì? Dèè xàgohge ha nàhtso-le, eyıts'ǫ dǫ t'asìı geehkè ha sìı ghǫ į̀į̀zhaehłı̨.
25694	LUK 16:5	“Eyıt'à wets'ǫ̀ k'àowo ts'ǫ̀ gını̨htł'è gǫ̀hłı̨ı̨ sìı gokayaı̨htı. Dǫ t'akwełǫ̀ǫ̀ ts'ǫ̀ hadı, ‘Sets'ǫ̀ k'àowo ts'ǫ̀ nenı̨htł'è dàtłǫ?’ yèhdı.
25696	LUK 16:7	“Eyıts'ǫ dǫ yek'èè nììtłaa sìı ts'ǫ̀ hadı, ‘Nenı̨htł'è dàtłǫ?’ yèhdı. “ ‘Łè nàkeakw'eènǫ aı̨hda senı̨htł'è,’ yèhdı. “K'àowo wecheekeè yets'ǫ̀ hadı, ‘Nenı̨htł'è nı̨į̀ɂa gà ı̨łèakw'eènǫ-daats'ǫ̀-ek'ètaènǫ aı̨hda dek'enìı̨tł'è,’ yèhdı.
25727	LUK 17:7	“Dǫ ı̨łè wecheekeè gǫ̀hłı̨ nı̨dè yegha dèè k'e eghàlaeda, hanì-le-ı̨dè yegha sahzǫ̀ą k'èdì. Wecheekeè eghàlaeda gots'ǫ nǫ̀ǫtła nı̨dè ‘Hot'eè jǫ wheęda gà shèı̨tı̨,’ edecheekeè ts'ǫ̀ hadı ha nì? Į̀le, hadı ha nıìle.
25730	LUK 17:10	Eyıt'à naxı̨ sı ayìı ts'ǫ̀ naxegehɂaa sìı hazǫǫ̀ weghàlaahdà nı̨dè, dıı haahdı ha hǫt'e, ‘T'asìı ats'ı̨ı̨t'e nıìle, ekìı goılaà zǫ ghàlats'ı̨ı̨dà,’ dahdı ha hǫt'e,” Zezì hadıì goxè godo.
25826	LUK 19:26	“K'àowo hagòhdı, ‘Ehkw'ı anaxèehsı̨, amìı t'asìı łǫ wets'ǫ sìı eyı weɂǫ̀atłǫ weghàzhe ha, hanìkò amìı t'asìı wets'ǫ-le sìı t'asìı łǫ-lea wets'ǫ sìı eyı kò weghǫ ìchı ha hǫt'e.
25831	LUK 19:31	‘Ayìıha daweahge?’ dǫ naxèhdı nı̨dè, ‘Gots'ǫ̀ K'àowo yet'à-at'ı̨ ha nıwǫ,’ hawèahdı nǫǫ̀,” Zezì gòhdı.
25853	LUK 20:5	Eyı ghǫ ełets'ǫ̀ dıı hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adı dahwhǫ-le nǫǫ̀?’ gòhdı ha.
25890	LUK 20:42	K'àowocho Davıd ededı̨ Shı̨ Nı̨htł'è k'e dıı hadı, ‘Gots'ǫ̀ K'àowo sets'ǫ̀ K'àowo ts'ǫ̀ hadı: Nets'ǫ̀ xànegı̨ı̨ɂaa gı̨ı̨lı̨ı̨ sìı hazǫǫ̀ gıghǫı̨hnè agehłe gots'ǫ̀, nàgòts'ehnèe segà wheęda,’ dek'eèhtł'è.
25892	LUK 20:44	Davıd ‘sets'ǫ̀ K'àowo,’ yèhdı, hanì dek'eèhtł'è nı̨dè dànì yeza elı̨ welì?” Zezì gòhdı.
25903	LUK 21:8	Zezì gots'ǫ̀ hadı, “Hotıì kexoahdı, naxıghǫyagııɂà sǫ̀ǫ̀. Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ ‘Hòt'a eyı dzęę̀ ts'ǫ̀ whaà-le agòjà,’ gedı ha. Gıahkw'ǫ-le.
25944	LUK 22:11	Dǫ wekǫ̀ agǫ̀ht'ee sìı wets'ǫ̀ dıı haahdı, ‘Gots'ǫ̀ K'àowo nets'ǫ̀ dıı hadı: Edı̨į̀ shèts'ezhe gha gòɂǫ? Secheekeè gıxè nàsı̨ Passover ghǫ shètı̨ ha dehwhǫ,’ wèahdı.
26006	LUK 23:2	Gık'e nìdahogį̀ı̨ɂǫ, hagedı, “Dıı dǫ sìı gonèk'e weghǫ nàdahoowo, eyıts'ǫ ‘K'àowodeè Caesar wets'àts'eehdì ha-le,’ hadı eyıts'ǫ ‘K'àowocho Chrıst, eyı aht'e’ edèhdı,” gedı.
26033	LUK 23:29	Įłè dzęę̀ k'e dıı haahdı ha, ‘Ts'èko wezaa gǫ̀hłı̨-le xè bebìa gıt'ò ı̨ht'ò-le sìı gıxè sìghà hǫt'e,’ dahdı ha.
26136	JHN 1:23	John-Baptıst, nakwenàoɂǫǫ Isaıah weyatıì dek'eèhtł'è t'à gots'ǫ̀ xàyaı̨htı, hadı, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha tı̨lı ehkw'ı nıɂà aahłe,’ dek'eèhtł'è. Eyı dǫ aht'e,” gòhdı.
26196	JHN 3:7	‘K'achı̨ negǫ̀hłı̨ ha hǫt'e,’ dehsı̨ı̨ sìı, negha enıìyah welè-le.
26357	JHN 6:31	T'akwe whaà gocho ekìı-ka nèk'e ‘manna’ ts'edı gı̨ı̨ɂà ı̨lè, enı̨htł'è k'e dek'eèhtł'è: ‘Yak'e gots'ǫ łèt'è goghànııdì,’ ” Zezì ts'ǫ̀ hagedı.
26368	JHN 6:42	Hagedı, “Dıı Joseph weza Zezì nì-ı̨t'e? Wetà eyıts'ǫ wemǫ gık'èts'eezǫ hǫt'e. Eyıt'à dànìghǫ edeghǫ hadı, ‘Yak'e gots'ǫ hodàèhtła,’ ” gedı.
26765	JHN 14:28	“Dıı hanaxèehsı̨ ı̨lè, ‘Naxıts'ǫǫ̀ ahde ha hanìkò naxıts'ǫ̀ anahde ha,’ dehsı̨ ı̨lè. Seghǫnıahtǫ nı̨dè Setà ts'ǫ̀ anahde ghǫ naxınà ha hǫt'e, Setà senahk'e elı̨ t'à.
26793	JHN 15:25	Hanìkò eyı sìı Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agode ha t'à agòjà, ‘T'asìı k'èxa-le sedzagı̨ı̨hwhǫ,’ dek'eèhtł'è.
27043	ACT 2:25	K'àowocho Davıd dıı hanì yeghǫ ı̨ı̨tł'è ı̨lè, ‘Sets'ǫ̀ K'àowo t'aats'ǫǫ̀ senadąą̀ wègaat'ı̨. Nàgòts'ehnèe k'e segà wheda t'à dehjı̨ ha-le.
27052	ACT 2:34	K'àowocho Davıd ı̨dòo yak'e ts'ǫ̀ nıwıìtı̨ nıìle, hanìkò dıı hadı, ‘Gots'ǫ̀ K'àowo, sets'ǫ̀ K'àowo ts'ǫ̀ hadı, Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè agehłe gots'ǫ̀, nàgòts'ehnèe k'e segà wheęda,’ dek'eèhtł'è.
27087	ACT 3:22	Moses dıı hadı ı̨lè, ‘Gots'ǫ̀ K'àowo Naxınǫ̀htsı̨ sìı naxèot'ı̨ gıta gots'ǫ nakwenàoɂǫǫ sexèht'eè sìı naxıgha yìhchı ha. T'asìı hazǫǫ̀ hanaxèhdıı sìı weàhkw'ǫ ha hǫt'e.
27164	ACT 5:36	Įdì whaà-le ekò dǫ ı̨łè Theudas wìyeh ‘T'asìı deè aht'e,’ dı t'à dǫ ta at'ı̨ ı̨lè. Eyıt'à dı̨akw'eènǫ dǫ haàtłǫǫ gıts'ǫ̀ ajà. Hanìkò ełaàgı̨ı̨hwho tł'axǫǫ̀ wecheekeè hazǫǫ̀ ehkègı̨ı̨de. Eyı hanàhòwoo sìı t'asìı wı̨ı̨zìı whelı̨-le.
27234	ACT 7:49	‘Gots'ǫ̀ K'àowo hadı: Yak'e sìı sedaèhchı̨cho hǫt'e, eyıts'ǫ dıı nèk'e sìı wek'e nàeht'è hǫt'e. Eyıt'à kǫ̀ dàhòt'ı̨ı̨ segha nehtsı̨ ha neewǫ nǫǫ̀? Eyıts'ǫ edı̨į̀ segha kǫ̀ goı̨htsı̨ ha neewǫ nǫǫ̀?
27371	ACT 10:43	Nakwenàoɂǫǫ hazǫǫ̀ weghǫ dıı hagedı ı̨lè, ‘T'aa gıgha ehkw'ı-ahodıı sìı wıızì dahxà gıhołı̨į̀ gıghǫ nahoezhe ha,’ dek'eèhtł'è,” Peter gòhdı.
27384	ACT 11:8	“Eyıt'à haehsı̨, ‘Sets'ǫ̀ K'àowo, hahłe ha dìì, t'asìı wejıı sìı sewàhǫǫdì whìle hǫt'e,’ dehsı̨.
27388	ACT 11:12	Yedàyeh Nezı̨ı̨ sets'ǫ̀ hadı, ‘Gık'èı̨tła ha sìı weghǫ nànewo-le,’ sèhdı. Dıı Nǫ̀htsı̨ wecheekeè ek'ètaı sexè agejà t'à eghǫǫ-dǫǫ̀-gha-k'àowo wekǫ̀ goyats'eède.
27465	ACT 13:34	Nǫ̀htsı̨ naìdà ayį̀į̀là eyıt'à wekwǫ̀ ehjı hǫı̨lı̨ ha nıìle. Eyı t'à weghǫ dıı hanì dek'eèhtł'è: ‘K'àowocho Davıd wexè sìghà hòɂǫ ha hotıì hanì wets'ǫ̀ yatı degaı whıhtsı̨ı̨ sìı nı̨ neghàɂà ha hǫt'e,’ dek'eèhtł'è.
27466	ACT 13:35	Eyıts'ǫ k'achı̨ weghǫ dıı hanì dek'eèhtł'è: ‘Nets'ǫ degaı elı̨ı̨ sìı wekwǫ̀ ehjı ch'à wek'ènedì ha,’ dek'eèhtł'è.
27527	ACT 15:16	‘Gots'ǫ̀ K'àowo dıı hadı: Eyı hagòjà tł'axǫǫ̀-ı̨dè jǫ ts'ǫ̀ anahde ha. K'àowocho Davıd wekǫ̀ gots'ǫ dǫ ts'ıɂǫ̀ geèdee sìı gıxè sıìnagohłe ha.
27780	ACT 22:8	“ ‘Sets'ǫ̀ K'àowo amìı anet'e?’ dehsı̨. “ ‘Nazareth got'ı̨į̀ Zezì aht'e. Sı̨ sìı dasenèehɂa hǫt'e,’ sèhdı.
27782	ACT 22:10	“ ‘Sets'ǫ̀ K'àowo, ayìı dàhłe ha neewǫ?’ dehsı̨. “ ‘Nıį̀tła, kǫ̀ta Damaskus nàątła. Ekǫ ayìı dàąle ha sìı nets'ǫ̀ hagedı ha,’ sèhdı.
27785	ACT 22:13	Eyı dǫ segà nàwo xè hadı, ‘Sèot'ı̨ Saul, k'achı̨ k'enaı̨t'į̀,’ sèhdı. Ekòet'ıì segha xègoèht'į̀ anajà.
27791	ACT 22:19	“Wets'ǫ̀ haehsı̨, ‘Sets'ǫ̀ K'àowo, Jerusalem got'ı̨į̀ ayìı dàhłàa sìı gık'èezǫ hǫt'e. Gıts'ǫ ełègehdèe-kǫ̀ gòlaa sìı gıta nàwhıhtła gà dǫ gıgha ehkw'ı-ahodıı sìı dǫ-danìı̨laa-kǫ̀ ts'ǫ̀ agèhłà ı̨lè.
27884	ACT 25:20	Eyı dǫ dànì wesınìyahtı ha wek'èehsǫ-le, eyıt'à dawııhke, ‘Nek'e nìdahogį̀ı̨ɂǫ t'à asį̀į̀ Jerusalem ekǫ sexè nesınìyaetı ha neewǫ?’ wèehsı̨.
28248	ROM 9:25	Nakwenàoɂǫǫ Hosea wenı̨htł'è k'e Nǫ̀htsı̨ dıı hadı ı̨lè k'ę̀ę̀: “Dǫ sets'ǫ agı̨ı̨t'e-le sìı ‘sets'ǫ dǫ agı̨ı̨t'e,’ gèehsı̨ ha eyıts'ǫ amìı gıghǫneehtǫ-le ı̨lèe sìı ‘dǫ gıghǫneehtǫ agı̨ı̨t'e,’ gèehsı̨ ha,” dek'eèhtł'è.
28249	ROM 9:26	Eyıts'ǫ dıı hanì dek'eèhtł'è: “Nǫ̀htsı̨ edı̨į̀ nèk'e dǫ gots'ǫ̀ dıı hadı, ‘Sets'ǫ dǫ aaht'e nıìle,’ gòhdı ı̨lèe sìı, eyı nèk'e et'ıì, ‘Nǫ̀htsı̨ Edaa weza agı̨ı̨t'e,’ gòhdı ha,” dek'eèhtł'è.
30170	HEB 8:11	Dǫ edèot'ı̨ hoghàehtǫ ha-le eyıts'ǫ dǫ edechı hoghàehtǫ ha-le, ‘Gots'ǫ̀ K'àowo wek'èı̨zǫ aąde,’ yèhdı ha-le, dǫ nechà-le eyıts'ǫ dǫ nechàa sìı hazǫǫ̀ sek'ègeezǫ ha t'à.
30831	REV 3:17	‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?