57	GEN 3:1	Gòocho sìı Nǫ̀htsı̨ tıts'aàdìı whatsǫǫ̀ edegeedaa whehtsı̨ı̨ sìı hazǫǫ̀ t'à gonahk'e eghǫyaeɂà gha gǫǫzǫ hǫt'e. Ts'èko ts'ǫ̀ hadı, “Nǫ̀htsı̨, dıı dèè-goehshee-k'è ts'ı t'alàa-sìı wets'ǫ shèahtı̨ ha-le, hadı nì?” yèhdı.
103	GEN 4:23	Lamek edets'èkeè į̀łah gots'ǫ̀ hadı, “Adah, Zılah, Lamek wets'èkeè aahłı̨ı̨ sìı seàhkw'ǫ. Dǫ ı̨łè naka sèhtsı̨ t'à ełaàwìıhwho. Cheko hoìla asį̀į̀là t'à ełaàwìıhwho hǫt'e.
105	GEN 4:25	Adam k'achı̨ edets'èkeè t'àı̨tè t'à wets'èkeè Eve k'achı̨ dǫzhìa nìı̨htı̨, Set wìyeh ayį̀į̀là. Eve hadı, “Caın, Abel ełaı̨hwho t'à wetł'axǫǫ̀ Nǫ̀htsı̨ k'achı̨ chekoa saı̨htı̨,” hadı.
200	GEN 8:16	“Nı̨, nets'èkeè eyıts'ǫ neza, gıts'èkeè xè, elàcho yìı gots'ǫ xàahdè.
362	GEN 15:1	Eyı hagòjà tł'axǫǫ̀ Abram wenazhıı xègoèht'į̀ Nǫ̀htsı̨ yets'ǫ̀ hadı, “Abram, dı̨ı̨jı̨-le. Nexoehdı ha, eyıts'ǫ t'asìı nezı̨ı̨ łǫ neghàehłe ha,” gots'ǫ̀ K'àowo yèhdı.
390	GEN 16:8	Yak'eet'ı̨į̀ yets'ǫ̀ hadı, “Hagar, Sarayı wegha eghàlaı̨daa anet'ee sìı edı̨į̀ gots'ǫ anet'ı̨? Eyıts'ǫ edı̨į̀ ts'ǫ̀ anet'ı̨?” yèhdı. Hagar yets'ǫ̀ hadı, “Sets'ǫ̀ k'àowo Sarayı wech'à kwı̨èhsa,” hadı.
395	GEN 16:13	Gots'ǫ̀ K'àowo yets'ǫ̀ goı̨dee sìı Hagar yıızì whehtsı̨, hadı, “Nı̨, Nǫ̀htsı̨ seghàedaa anet'e, Seghàedaa elı̨ı̨ sìı dıì weehɂı̨,” hadı.
417	GEN 17:19	Nǫ̀htsı̨ yets'ǫ̀ hadı, “Hęɂę, hanìkò nets'èkeè Sarah nezaa nìhtè ha, Isaac wìyeh awı̨ı̨le ha. Ededı̨ wexè nàowo nàtsoo ehtsı̨ ha, eyıts'ǫ wetł'axǫǫ̀ wets'ıhɂǫ̀ǫ-dǫǫ̀ welǫ whìle ts'ǫ̀ gıxè senàowoò k'ę̀ę̀ eghàlaehda ha.
430	GEN 18:5	Jǫ naxıcheekeè ts'ǫ̀ nìahde t'à t'asìa naxıwàhodı. Segà łatsaa nahoahzì gà naahdè nǫǫ̀,” Abraham gòhdı. “Hęɂę, dàı̨dıı sìı hanele,” gıìhdı.
440	GEN 18:15	Sarah dèhyeh ts'ıhɂǫ̀ hots'ìı t'à, “Į̀le, nàɂıhdlò nıìle,” hadı. Hanìkò gots'ǫ̀ K'àowo hayèhdı, “Hęɂę, nàɂı̨dlò ı̨lè,” yèhdı.
460	GEN 19:2	Gots'ǫ̀ hadı, “Sets'ǫ̀ k'àowo, sekǫ̀ ts'ǫ̀ sek'èahdè. Ekǫ naxıkè k'enaetse xè segà to hahwhı. K'omǫǫ̀dǫǫ̀-ı̨dè naahdè ha dìì-le,” gòhdı. “Į̀le, jǫ kǫ̀ta mǫ̀ht'a ts'eetè ha dìì-le,” gedı.
465	GEN 19:7	gots'ǫ̀ hadı, “Seàgı̨ą, hołı̨ı̨ k'ę̀ę̀ hanì eghàlaahda-le.
502	GEN 20:6	Eyıt'à Nǫ̀htsı̨ dıı hayèhdı ghǫ nàwhetı̨, “Hęɂę, wek'èı̨zǫ-le t'à hanì eghàlaneedà wek'èehsǫ, eyıt'à sek'èch'a hołı̨ı̨ hoı̨htsı̨ ch'à anèhłà hǫt'e. Eyı ts'ıhɂǫ̀ t'asaweęlà-le anèhłà.
549	GEN 22:1	Sìghaı̨waà hoòwo tł'axǫǫ̀ Abraham Nǫ̀htsı̨ yeèhdzà. “Abraham,” yèhdı yets'ǫ̀ gode. “Hęɂę, neèhkw'ǫ,” Abraham yèhdı.
555	GEN 22:7	Isaac edetà ts'ǫ̀ hadı, “Età.” “Seza, ayìı?” Abraham yèhdı. “Kǫ̀kwıì eyıts'ǫ tso k'ets'ele hanìkò Nǫ̀htsı̨ ts'ǫ̀ sahzǫ̀ązaa k'ets'eehk'ǫ̀ ha sìı welaedì?” edetà èhdı.
556	GEN 22:8	Abraham yets'ǫ̀ hadı, “Seza, Nǫ̀htsı̨ wets'ǫ̀ sahzǫ̀ązaa k'ets'eehk'ǫ̀ ha sìı ededı̨ goghàyehtè ha hǫt'e,” edeza èhdı. Hadı tł'axǫǫ̀ nàke geet'eè ı̨daà łegeèhtła.
559	GEN 22:11	Hanìkò gots'ǫ̀ K'àowo weyak'eet'ı̨į̀ yak'e gots'ǫ yets'ǫ̀ whezeh, “Abraham! Abraham!” yèhdı hǫt'e. “Hęɂę, neèhkw'ǫ,” Abraham yèhdı.
598	GEN 24:6	“Į̀le, seza ekǫ nawı̨ı̨chì ha nıìle,” Abraham yèhdı.
650	GEN 24:58	Rebekah eyı nììtła tł'axǫǫ̀ dagı̨ı̨hke, “Dıı dǫ wexè aąde ha newǫ nì?” gıìhdı. “Hęɂę, wexè ahde ha,” t'eeko gòhdı.
652	GEN 24:60	Naetła kwe yatı nezı̨ı̨ Rebekah ghàgı̨ı̨ɂǫ, hagedı, “Godè, nets'ıhɂǫ̀ǫ-dǫǫ̀ łǫ t'à łǫ welè. Dǫ godzagı̨ı̨hwhǫǫ sìı gonahk'e gı̨ı̨lı̨ welè,” gedı.
704	GEN 26:11	Eyıt'à Abımelek dǫ hazǫǫ̀ ts'ǫ̀ hadı, “Amìı, dıı dǫ eyıts'ǫ wets'èkeè k'alawoo sìı weweè hołè ha hǫt'e,” gòhdı.
729	GEN 27:1	Isaac eneèko whelı̨ ekò sıì wedaà nàtso-le t'à wegha xègaat'ı̨-le agòjà. Edeza ǫhdaà Esau kayaı̨htı, “Seza,” yèhdı. “Età, neèhkw'ǫ,” weza yèhdı.
734	GEN 27:6	Rebekah edeza Jacob ts'ǫ̀ hadı, “Netà, nı̨ı̨de Esau ts'ǫ̀ dıı hadı weèhkw'o,
741	GEN 27:13	Wemǫ yets'ǫ̀ hadı, “Seza, eyı yatıjıı, sı̨ sek'e awede. Dànèehsı̨ı̨ sìı hotıì hanele. Ejıetsoa segha nı̨į̀wa,” yèhdı.
746	GEN 27:18	Hanì t'aa Jacob edetà ts'ǫ̀ èhtła gà yets'ǫ̀ hadı, “Età.” “Hęɂę, seza neèhkw'ǫ. Amìı adı?” wetà yèhdı.
748	GEN 27:20	Isaac edeza daehke, hayèhdı, “Seza, dàexı-sı nàwheęzè?” yèhdı. “Gots'ǫ̀ K'àowo Nenǫ̀htsı̨ sets'ǫ̀ hoedıì asį̀į̀là,” weza yèhdı.
749	GEN 27:21	Eyı tł'axǫǫ̀ Isaac edeza Jacob ts'ǫ̀ hadı, “Seza, nexèlagoehdì ha t'à, segà nıwà-lea aąde, asį̀į̀ hotıì Esau anet'e lì,” yèhdı.
752	GEN 27:24	K'achı̨ dayeehke, “Hotıì seza Esau anet'e nì?” yèhdı. “Hęɂę, Esau aht'e,” Jacob edetà èhdı.
754	GEN 27:26	Eyı tł'axǫǫ̀ wetà Isaac yets'ǫ̀ hadı, “Seza, sek'èts'ı̨ı̨dlı̨,” yèhdı.
755	GEN 27:27	Eyıt'à Jacob yegà nììtła gà yı̨ı̨ts'į̀. Wetà yegoht'ǫǫ̀-tsį̀ wegha łedì ghàà yek'èhoèhzà, eyıt'à dıı hadıì yatı nezı̨ı̨ t'à yek'eèyaı̨htı: “Hęɂę, dıı seza wetsį̀ hǫt'e, gots'ǫ̀ K'àowo dèè k'e sìghà hòɂǫǫ̀ ayį̀į̀làa sìı lanì łedì.
759	GEN 27:31	Ededı̨ sı bò łekǫǫ wheht'ee sìı edetà gà nèyı̨ı̨hgè xè yets'ǫ̀ hadı, “Età, ets'òdoò wheęda. Jǫ bò negà nìıhgè, weghǫ shèı̨tı̨, eyı tł'axǫǫ̀ yatı nezı̨ı̨ t'à sek'eèyawı̨ı̨htì nǫǫ̀,” edetà èhdı.
762	GEN 27:34	Esau wetà hadı yıìkw'o t'à hòtł'ò tsedeèdla xè ededzeè t'à ı̨tsè, hadı, “Età, sı̨ sı yatı nezı̨ı̨ seghàı̨ɂà!” hadıì etse.
766	GEN 27:38	Esau edetà ts'ǫ̀ hanaedı, “Età, yatı nezı̨ı̨ ı̨łè-ahko segha wheęhɂǫ-le nì? Sı̨ sı yatı nezı̨ı̨ seghàı̨ɂà!” hadıì edetà ghǫnàdaetì xè hòtł'ò etse.
801	GEN 29:5	Gots'ǫ̀ hadı, “Asį̀į̀ Laban, Nahor wekwı k'èahsǫ?” gòhdı. “Hęɂę, wek'èts'eezǫ,” gıìhdı.
802	GEN 29:6	“Asį̀į̀ hotıì eda?” gòhdı dagoehke. “Hęɂę, hotıì eda,” gıìhdı. “Yeè sahzǫ̀ą xè jǫ naetłee sìı wetì Rachel hǫt'e,” gedı.
875	GEN 31:1	Jacob, Laban weza dıı hagedı yeghǫ ıìkw'o, “Jacob, gotà wets'ǫ tıts'aàdìı hazǫǫ̀ neyı̨į̀wa. Gotà wets'ǫ t'asìı t'à dǫ ahxee whelı̨,” gedı.
898	GEN 31:24	Hanìkò eyı toò k'e Laban nàwhetı̨ t'à Nǫ̀htsı̨ yets'ǫ̀ gode, hayèhdı, “Edexonehdı, Jacob wets'ǫ̀ hoìla xàyanehtı-le,” yèhdı.
970	GEN 33:9	Hanìkò Esau yets'ǫ̀ hadı, “Sechı, hòt'a tıts'aàdìı łǫ sets'ǫ. Nets'ǫ tıts'aàdìı edegha wek'èı̨dì,” yèhdı.
971	GEN 33:10	Hanìkò Jacob yets'ǫ̀ hadı, “Į̀le, seghǫ nınà nı̨dè eyı tıts'aàdìı nets'ǫ̀ ahłàa sìı negha welè. Sets'ǫ̀ nınà neehɂı̨ t'à neghàehda nı̨dè ekìı Nǫ̀htsı̨ wınì ghàehda lanì.
1097	GEN 37:13	Eyıt'à Israel edeza Joseph ts'ǫ̀ hadı, “Nı̨ı̨de Shekem gà gǫǫwà-le sets'ǫ sahzǫ̀ą k'ègedìı wek'èı̨zǫ sǫnaà, ekǫ gıts'àątła,” yèhdı. “Hęɂę, ekǫ gıts'àhtła ha,” Joseph edetà èhdı.
1144	GEN 38:24	Taı sa k'ehǫǫwo tł'axǫǫ̀ Judah ts'ǫ̀ hagedı, “Neza wets'èkeè Tamar wezhį̀į̀ weghǫ nàedì ı̨lè nǫǫ̀, eyıt'à dıì hotıeda-le,” gıìhdı. Judah hadı, “Xàweahchı, wek'eek'ǫ̀ ha!” Judah gòhdı.
1320	GEN 43:29	Joseph gota k'eet'į̀ là edechı Benjamın eɂı̨, xàè wemǫ weza hǫt'e. Dagoehke, “Dıı naxıchı nǫǫdea weghǫ sets'ǫ̀ goahde là eyı nìı̨t'e?” gòhdı. Benjamın ts'ǫ̀ hadı, “Cheko, Nǫ̀htsı̨ nets'ǫ̀ sǫnıwǫ welè,” yèhdı.
1342	GEN 44:17	Hanìkò Joseph gots'ǫ̀ hadı, “Į̀le, hanaxèehłe ha honàedı nıìle! Amìı selıbò weɂǫhchì yìı wheɂǫǫ sìı, ededı̨ zǫ segha eghàlaedaa-dǫǫ̀ elı̨ ha. Wedę naxı̨ hazǫǫ̀ naxıtà ts'ǫ̀ ts'èwhı̨į̀ anaahde,” gòhdı.
1467	GEN 48:15	Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.
1477	GEN 49:3	“Ruben, nı̨ t'aa t'akwełǫ̀ǫ̀ negǫ̀hłı̨ı̨ anet'e, set'ı anet'e, negǫ̀hłı̨ t'à nàhtsoò asììdlà, denahk'e nezı̨į̀ nets'ǫ̀ nageɂa, denahk'e nànetso.
1482	GEN 49:8	“Judah, nı̨ sìı nechı eyıts'ǫ nı̨ı̨de neghàsǫgeedı ha. Dǫ nets'ǫ̀ ełegegǫǫ sìı gıghǫı̨hnè ha. Netà weza gı̨ı̨lı̨ı̨ sìı nets'ǫ̀ nàgògehgè ha.
1493	GEN 49:19	“Gad, egeeɂį̀ı̨-dǫǫ̀ hǫtsaa gık'aladè ha, hanìkò ededı̨ nagodeezhı ha.
1501	GEN 49:27	“Benjamın, dìga wets'àhoejı̨ı̨ lanì; k'omǫǫ̀dǫǫ̀ t'asìı ełaı̨hwhoo sìı yeɂà, xèhts'ǫ̀ t'asìı dèhnǫǫ sìı gotayelè,” Jacob hadı.
23233	MAT 1:20	Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.
23268	MAT 3:7	Pharısee gı̨ı̨lı̨ı̨ łǫ eyıts'ǫ Sadducee gı̨ı̨lı̨ı̨ łǫ, edı̨į̀ sìı John-Baptıst dǫ k'ètaìdzı̨ı̨ sìı ekǫ ts'ǫ̀ geède. John-Baptıst gots'ǫ̀ hadı, “Naxı̨, wehłı̨ı̨ weza laaht'e! Nǫ̀htsı̨ nànaxeehkwa ch'à kwı̨ahdè ha nıìle.
23288	MAT 4:10	Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.
23352	MAT 6:1	“Kexoahdı, wet'à naxıghǫ nezı̨į̀ agedı ha dahwhǫ t'à, dǫ nadąą̀ zǫ ehkw'ı k'ehoahɂa-le. Haaht'ı̨ nı̨dè Naxıtà yak'e whedaa sìı eyı k'èxa t'asìı naxıghàɂà ha-le.
23417	MAT 8:3	Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.
23450	MAT 9:2	Dǫ mǫ̀hdaa dǫ wekw'ǫǫ̀ ełaı̨dèe tè k'e whetı̨ı̨ Zezì ts'ǫ̀ geèhchì. Zezì dǫ gınì nàtsoo gok'èezǫ t'à dǫ eyaelı̨ı̨ ts'ǫ̀ hadı, “Àgı̨ą, nehołı̨į̀ neghǫ nahoazha t'à nınà welè,” yèhdı.
23454	MAT 9:6	Dıı nèk'e Dǫ-wet'àaɂàa-deè dǫ hołı̨ı̨ ghǫ nahoele ha weghàhòt'ǫǫ sìı, wek'èahsǫǫ̀ anaxehłe ha,” gòhdı tł'axǫǫ̀ dǫ wekw'ǫǫ̀ ełaı̨dèe sìı ts'ǫ̀ hadı, “Nıį̀tła, netè nı̨į̀ɂa gà nekǫ̀ ts'ǫ̀ naı̨tłe,” yèhdı.
23553	MAT 11:25	Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.
23763	MAT 16:22	Zezì hadıì goı̨de t'à, Peter whatsǫǫ̀ yets'ǫ̀ goı̨de, hayèhdı, “Į̀le, sets'ǫ̀ K'àowo, nexè hagode ha nıìle!” yèhdı.
23764	MAT 16:23	Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.
23776	MAT 17:7	Hanìkò Zezì gogà nììtła, edılà gok'e ayį̀į̀là gà gots'ǫ̀ hadı, “Nıàhdè, dahjı̨-le,” gòhdı.
23794	MAT 17:25	Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.
23883	MAT 20:22	Zezì eyı ts'èko eyıts'ǫ weza ts'ǫ̀ hadı, “Ayìı aahkèe sìı wek'èahsǫ nıìle. Lıbò wets'ǫ ehdǫ ha sìı wets'ǫ aahdǫ ha dìì-le nì?” gòhdı. “Hęɂę, hats'ede ha dìì-le,” gıìhdı.
23911	MAT 21:16	Zezì ts'ǫ̀ hagedı, “Chekoa dàgedıı sìı gı̨į̀kw'o-le nì?” gıìhdı. Zezì gots'ǫ̀ hadı, “Hęɂę, geèhkw'ǫ. ‘Chekoa gıwà t'à neghàsǫhoedıì anelà,’ hanì dek'eèhtł'èe sìı wek'eyaahtı-le nì?” gòhdı.
24027	MAT 24:1	Zezì Nǫ̀htsı̨kǫ̀-gocho gots'ǫǫ̀ naèhtła ekò wecheekeè gıts'ǫ̀ geède, hagıìhdı, “Waı̨da, eyı kǫ̀-gocho sıì wèdaat'ı̨,” gıìhdı.
24148	MAT 26:25	Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.
24162	MAT 26:39	Įdaà gǫǫwà-lea nììtła, dèè k'e nàgòı̨hgè xè hadıì yahtı, “Setà, dìì-le nı̨dè dıı t'asìı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.
24165	MAT 26:42	Zezì k'achı̨ yahtı ha ekǫ naèhtła, hadıì yahtı, “Setà, dıı wet'à daıhɂa ha sìı wedę adle ha dìì nı̨dè, nınì k'ę̀ę̀ welè,” Zezì hadıì yaı̨htı.
24173	MAT 26:50	Zezì yets'ǫ̀ hadı, “Àgı̨ą, ayìı dànele gha anet'ı̨ı̨ sìı ı̨whąą̀ hanele,” yèhdı. Eyıt'à dǫ hazǫǫ̀ Zezì gà nàgòı̨hwho, dagıachì gà negıìchì.
24187	MAT 26:64	Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.
24191	MAT 26:68	hagıìhdı, “Chrıst, nakwenàoɂǫǫ anet'e nı̨dè amìı nànı̨ı̨ht'ıı sìı gots'ǫ̀ haı̨dı,” gıìhdı.
24193	MAT 26:70	Hanìkò dǫ hazǫǫ̀ gonadąą̀ hadı, “Į̀le, sı̨ aht'ı̨ nıìle. Ayìı ghǫ aı̨dıı sìı wek'èehsǫ-le,” yèhdı.
24195	MAT 26:72	K'achı̨ yatı nàtsoo t'à Peter hadı, “Į̀le, sı̨ aht'ı̨ nıìle! Eyı dǫ wek'èehsǫ nıìle!” hadı.
24209	MAT 27:11	Ekìıyeè k'e Zezì k'àowo Pılate nadąą̀ nàwo. K'àowo Pılate dayeehke, hayèhdı, “Israel got'ı̨į̀ gha k'àowocho anet'e nì?” Zezì yets'ǫ̀ hadı, “Hęɂę, dàı̨dıı sìı k'ę̀ę̀ hǫt'e,” yèhdı.
24244	MAT 27:46	Taı nìı̨ɂǫ ekìıyeè Zezì hòtł'ò whezeh, hadı, “Eloı, Eloı, lama sabahtanı?” (“Eloı, Eloı, lama sabahtanı?” gedıı sìı “Senǫ̀htsı̨, Senǫ̀htsı̨, ayìıha sets'ǫǫ̀ anejà?” gedıì-agedı.)
24325	MRK 1:41	Zezì eyı dǫ eteèt'ı̨ nıwǫ t'à edılà yek'e ayı̨į̀là, hayèhdı, “Hęɂę, hahwhǫ! K'aàt'ıì anede!” yèhdı.
24334	MRK 2:5	Zezì eyı dǫ gıgha ehkw'ı-ahodı gok'èezǫ t'à dǫ wekw'ǫǫ̀ ełaı̨dèe ts'ǫ̀ hadı, “Àgı̨ą, nehołı̨į̀ neghǫ nahoazha,” yèhdı.
24340	MRK 2:11	“Nıį̀tła, netè nı̨į̀ɂa gà nekǫ̀ ts'ǫ̀ naı̨tłe,” yèhdı.
24440	MRK 5:7	Zezì yets'ǫ̀ hadı, “Įnìłı̨ı̨, dıı dǫ yìı gots'ǫ xàı̨tłe,” yèhdı. Eyıt'à eyı dǫ hòtł'ò ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Nǫ̀htsı̨ wıızì dahxà hoìla ası̨ı̨le ha-le gha neyatıì seghàı̨ɂà,” yèhdıì ezeh.
24602	MRK 8:33	Zezì edecheekeè gots'ǫ̀ ets'aèhtła xè goghàı̨dà ekò Peter ts'ǫ̀ hadı, “Wehłı̨ı̨, sechį̀ht'a ts'ǫ̀ aąde! Nǫ̀htsı̨ wınì k'ę̀ę̀ nànınewo nıìle, dǫ gınì k'ę̀ę̀ nànınewo hǫt'e,” yèhdı.
24632	MRK 9:25	Zezì dǫ łǫ wets'ǫ̀ tı̨mǫgeède goaɂı̨ ekò, ı̨nìłı̨ı̨ ts'ǫ̀ hadı, “Įnìłı̨ı̨, dıı dǫzhìa wedzıì goìle xè gode-le ha weghàlaneedà. Weyìı gots'ǫ xàı̨tłe nèehsı̨ eyıts'ǫ k'achı̨ wets'ǫ̀ anaąde-le,” yèhdı.
24681	MRK 10:24	Hadı t'à wecheekeè gıgha enıìyah dìì. Hanìkò Zezì k'achı̨ hadı, “Secheekeè, Nǫ̀htsı̨ Wenàowoò k'ę̀ę̀ hòɂǫǫ goyats'eedè ha sìı sıì wèhoedı nıìle!
24696	MRK 10:39	“Hęɂę, hats'ede ha dìì-le,” gıìhdı. Zezì gots'ǫ̀ hadı, “Lıbò wets'ǫ ehdǫǫ sìı naxı̨ sı wets'ǫ aahdǫ ha hǫt'e, eyıts'ǫ dànì sek'ètaìdzǫǫ sìı eyı lanì naxık'ètaìdzı̨ ha hǫt'e,
24704	MRK 10:47	Zezì ekǫ naetłe ghǫ ıìkw'o ekò naìdzeh xè hadı, “Zezì, k'àowocho Davıd Weza, etesenèeɂı̨!” hadıì yaìzeh.
24858	MRK 14:35	Įdaà gǫǫwà-lea nììtła, dèè k'e nàgòı̨hgè xè yahtıì hadı, “Abà, Setà, t'asìı negha dìì gǫ̀hłı̨-le. Dıı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.
24860	MRK 14:37	Yaı̨htı tł'axǫǫ̀ edecheekeè taı goghǫ nǫ̀ǫtła ekò geète nǫǫ̀. Peter ts'ǫ̀ hadı, “Sımon, wheętı̨ nǫǫ̀. Įłè sadzeè kò sexè ts'ıgoı̨dì ha dìì nì?
24891	MRK 14:68	Hanìkò Peter yets'ǫ̀ hadı, “Į̀le, sı̨ aht'ı̨ nıìle. Ayìı ghǫ goı̨de aı̨dıı sìı wek'èehsǫ-le,” yèhdı. Eyı tł'axǫǫ̀ xàgoòɂàa k'è gà nììtła.
24893	MRK 14:70	K'achı̨ hadı, “Į̀le, gıxè aht'ı̨ nıìle!” yèhdı. Whaà-lea tł'axǫǫ̀ dǫ mǫ̀hdaa Peter gà nàgeèhzaa sìı gıts'ǫ̀ hadı, “Ehkw'ı t'à, Galılee got'ı̨į̀ anet'e t'à wecheekeè ı̨łè anet'e ne,” gıìhdı.
24897	MRK 15:2	K'àowo Pılate dayeehke, hayèhdı, “Israel got'ı̨į̀ gha k'àowocho anet'e nì?” Zezì yets'ǫ̀ hadı, “Hęɂę, dàı̨dıı sìı k'ę̀ę̀ hǫt'e,” yèhdı.
24929	MRK 15:34	Taı nìı̨ɂǫ ekìıyeè Zezì hòtł'ò whezeh, hadı, “Eloı, Eloı, lama sabahtanı?” (“Eloı, Eloı, lama sabahtanı?” gedı nı̨dè “Senǫ̀htsı̨, Senǫ̀htsı̨, ayìıha sets'ǫǫ̀ anejà?” gedıì-agedı.)
24981	LUK 1:19	Yak'eet'ı̨į̀ yets'ǫ̀ hadı, “Sı̨, Gabrıel aht'e, Nǫ̀htsı̨ wenadąą̀ nàhwho hǫt'e. Godı nezı̨ı̨ neghàehɂà ha nets'ǫ̀ sı̨ı̨hɂà,” yèhdı.
24992	LUK 1:30	Hanìkò yak'eet'ı̨į̀ yets'ǫ̀ hadı, “Mary, nı̨ı̨jı̨-le. Nǫ̀htsı̨ neghǫ sǫnıwǫ hǫt'e.
25022	LUK 1:60	Hanìkò wemǫ hadı, “Į̀le, John wìyeh ha,” gòhdı.
25090	LUK 2:48	Wetà eyıts'ǫ wemǫ gıaɂı̨ ekò gıgha enıìyah dìì. Wemǫ yets'ǫ̀ hadı, “Seza, dànìghǫ anet'ı̨? Netà sı nekadıìwǫ t'à sıì neghǫ nànıts'edè ı̨lè,” yèhdı.
25101	LUK 3:7	Dǫ łǫ gık'ètaìdzı̨ ha, John-Baptıst ts'ǫ̀ geède t'à, gots'ǫ̀ hadı, “Naxı̨, wehłı̨ı̨ weza laaht'e! Dànıt'à Nǫ̀htsı̨ naxeehkwa ch'à kwı̨ahdè ha dahwhǫ nǫǫ̀?
25189	LUK 5:13	Zezì edılà yek'e ayį̀į̀là gà hayèhdı, “Hęɂę, hahwhǫ. K'aàt'ıì anede!” yèhdı. Ekòet'ıì wekwǫ̀ tàda whìle ajà.
25196	LUK 5:20	Zezì dǫ gıgha ehkw'ı-ahodı gok'èezǫ t'à, dǫ wekw'ǫǫ̀ ełaı̨dèe ts'ǫ̀ hadı, “Àgı̨ą, nehołı̨į̀ neghǫ nahoazha,” yèhdı.
25200	LUK 5:24	Dıı nèk'e Dǫ-wet'àaɂàa-deè hołı̨ı̨ dǫ ghǫ nahoele ha weghàhòt'ǫǫ sìı wek'èahsǫǫ̀ anaxehłe ha,” gòhdı tł'axǫǫ̀ dǫ wekw'ǫǫ̀ ełaı̨dèe sìı ts'ǫ̀ hadı, “Nıį̀tła, netè nı̨į̀ɂa gà nekǫ̀ ts'ǫ̀ naı̨tłe,” yèhdı.
25261	LUK 6:46	“Ayìıha, ‘K'àowo, K'àowo,’ sèahdı, hanìkò sek'èaht'e-le?
25304	LUK 7:40	Zezì Pharısee ts'ǫ̀ hadı, “Sımon, t'asìı nets'ǫ̀ haehsı̨ ha.” Eyıt'à Sımon yets'ǫ̀ hadı, “Hęɂę, K'àowo, hasį̀ı̨dı,” yèhdı.
25342	LUK 8:28	Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.
25453	LUK 10:21	Ekìıyeè k'e Zezì Yedàyeh Nezı̨ı̨ sıì wınà ayį̀į̀là t'à hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà. Hęɂę, Setà, hanì negha sìghà t'à anelà.