19	GEN 1:19	Xèhts'ǫ̀ eyıts'ǫ k'omǫǫ̀dǫǫ̀ agòjà; dı̨ dzęę̀ k'ehǫǫwo.
23	GEN 1:23	Xèhts'ǫ̀ eyıts'ǫ k'omǫǫ̀dǫǫ̀ agòjà; sı̨làı dzęę̀ k'ehǫǫwo.
31	GEN 1:31	Nǫ̀htsı̨ t'asìı hazǫǫ̀ whehtsı̨ı̨ sìı yeghàeda, sıì wegha nezı̨. Xèhts'ǫ̀ eyıts'ǫ k'omǫǫ̀dǫǫ̀ agòjà; ek'ètaı dzęę̀ k'ehǫǫwo.
37	GEN 2:6	Hanìkò dèè goyìı gots'ǫ dehtsoa xàı̨lı̨ ı̨lè; wet'à dèè k'e nagòhtso.
55	GEN 2:24	Eyı ts'ıhɂǫ̀ dǫzhìı sìı edetà eyıts'ǫ edemǫ gots'ǫǫ̀ xàetła ha; edets'èkeè xè dǫ ı̨łè lagede ha, gızhį̀į̀ ı̨łè zǫ lade ha.
208	GEN 9:2	Dıı nèk'e tıts'aàdìı hazǫǫ̀, yat'a k'edèe hazǫǫ̀, dèè k'e k'eɂàa hazǫǫ̀, eyıts'ǫ tı yìı nàdèe hazǫǫ̀ naxıts'àgeejı̨ ha; naxıtł'aà whelaà agììdlà.
293	GEN 11:26	Terah łǫ̀hdı̨ènǫ weghoò tł'axǫǫ̀ weza taı gòı̨lè; Abram, Nahor eyıts'ǫ Haran gıgǫ̀hłı̨.
1236	GEN 41:40	Nı̨ sekǫ̀ gocho ts'ǫ̀ k'àı̨wo ha; sets'ǫ dǫ hazǫǫ̀ nek'èagı̨ı̨t'e ha. K'àowocho aht'e zǫ t'à sı̨ nenakweè whıhda ha,” yèhdı.
1438	GEN 47:17	Eyıt'à edets'ǫ tıts'aàdìı Joseph ts'ǫ̀ geèwa; gıts'ǫ tłı̨cho, tłı̨tsoa, sahzǫ̀ą, ejıetsoa eyıts'ǫ ejıe k'èxa tł'olà goghàı̨dì. Eyıt'à eyı xo k'e gıts'ǫ tıts'aàdìı hazǫǫ̀ k'èxa gowànı̨ı̨dì.
1494	GEN 49:20	“Asher wenèk'e weghǫ shèts'ezhee nezı̨ı̨ łǫ dehshe ha; yet'à k'àowocho ghàɂeedı ha.
1495	GEN 49:21	“Naftalı ts'ìda lanì k'etı̨mǫedaà awedle ha; weza wèdaat'ı̨ı̨ gǫ̀hłı̨ ha.
1496	GEN 49:22	“Joseph tı gà jìechochı̨į̀ dehshe lanì; wek'e jìecho łǫ, wekw'ıhchı̨į̀ nedè ts'ǫ̀ dehshe ha.
1501	GEN 49:27	“Benjamın, dìga wets'àhoejı̨ı̨ lanì; k'omǫǫ̀dǫǫ̀ t'asìı ełaı̨hwhoo sìı yeɂà, xèhts'ǫ̀ t'asìı dèhnǫǫ sìı gotayelè,” Jacob hadı.
23250	MAT 2:12	Nageedè kwe nàgete; k'àowocho Herod ts'ǫ̀ anagede ha-le, eyı yatı gıghǫ̀t'ǫ. Eyıt'à tı̨lı eyıì-le k'e edenèk'e ts'ǫ̀ anagejà.
23264	MAT 3:3	Eyı dǫ nakwenàoɂǫǫ Isaıah yeghǫ goı̨de ı̨lè, dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe,’ ” dek'eèhtł'è.
23320	MAT 5:17	“Moses wenàowoò eyıts'ǫ nakwenàoɂǫǫ gını̨htł'è wedę ahłe gha jǫ ahjà nıìle; gıyatıì wek'ę̀ę̀ hòɂǫ ahłe ha jǫ nèehtła hǫt'e.
23340	MAT 5:37	‘Hęɂę,’ dahdı nı̨dè wek'ę̀ę̀ eghàlaahda, eyıts'ǫ ‘į̀le,’ dahdı nı̨dè wek'ę̀ę̀ eghàlaahda; eyı weɂǫ̀ǫ̀ yatı nàtsoo t'à xàyaahtıı sìı wehłı̨ı̨ weyatıì hǫt'e.
23348	MAT 5:45	Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.
23371	MAT 6:20	Hanìkò yak'e gogha t'asìı nezı̨ı̨ edegha ełèahłe; ekǫ yììda yedè ha-le xè wek'ıìtsǫ̀ ade ha-le eyıts'ǫ eeɂį̀ı̨-dǫǫ̀ ekǫ egeeɂį̀ ha-le.
23389	MAT 7:4	Dànıt'à naxèot'ı̨ ts'ǫ̀ dıı haahdı naxıgha dìì-le, ‘Àgı̨ą, nedaà yìı t'asìa wheɂǫ; negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le.
23392	MAT 7:7	“Aahkè nı̨dè naxıghǫ̀t'à ha; wehak'eaht'į̀ nı̨dè wegòahɂà ha; enìı̨tǫ k'e ts'aaht'ı nı̨dè naxıts'ǫ̀ enìxàetį̀ ha.
23393	MAT 7:8	T'aa eekèe sìı t'asìı weghǫ̀t'à ha; amìı t'asìı hak'eet'į̀ı̨ sìı yegòhɂà ha; eyıts'ǫ amìı enìı̨tǫ k'e ts'aht'ıı sìı wets'ǫ̀ enìxàetį̀ ha.
23467	MAT 9:19	Eyıt'à Zezì nıìtła gà eyı dǫ k'èè naèhtła; wecheekeè sı gık'èède.
23506	MAT 10:20	Xàè naxıyatıì t'à goahde ha nıìle; Nǫ̀htsı-Naxıtà wets'ǫ Įnì Degaı naxıwà t'à gode ha.
23520	MAT 10:34	“Dıı nèk'e ts'èwhı̨į̀ agohłe gha jǫ ts'ǫ̀ ahjà dahwhǫ-le. Ts'èwhı̨į̀ hòɂǫ gha jǫ ahjà nıìle; dǫ ełek'èch'a geeda gha jǫ ts'ǫ̀ ahjà hǫt'e.
23555	MAT 11:27	“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.
23565	MAT 12:7	Dıı hanì dek'eèhtł'è: ‘Dǫ ts'ǫ̀ naxıdzeè eteèɂı̨ ha dehwhǫ; sets'ǫ̀ t'asìı k'eahk'ǫ̀ ha dehwhǫ-le.’ Eyı yatı dàhodıì-ahodıı sìı wek'èahsǫ nı̨dè dıı secheekeè ekǫ-le hogèhtsı̨-le sìı gısınìyaahtı ha-le ı̨lè.
23605	MAT 12:47	Dǫ ı̨łè Zezì ts'ǫ̀ hadı, “Nemǫ eyıts'ǫ nechı mǫ̀ht'a nàgeèhza; nets'ǫ̀ gogede ha gı̨ı̨wǫ,” yèhdı.
23615	MAT 13:7	Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.
23642	MAT 13:34	Zezì dǫ łǫ wemǫǫ̀ ełègehdè taàt'eè hanıı godıì t'à hoghàgoèhtǫ; godı dę gots'ǫ̀ goı̨de whìle.
23682	MAT 14:16	Hanìkò Zezì gots'ǫ̀ hadı, “Nagııdè-le kò; naxı̨ t'asìı gıghàahdı,” gòhdı.
23687	MAT 14:21	Dǫzhìı sı̨làı-lemì (5,000) shègıazhe; wedę ts'èko eyıts'ǫ chekoa goxè gı̨ı̨htà-le.
23711	MAT 15:9	Ededı̨ nàowo gehtsı̨ t'à dǫ hoghàgeehtǫ; gıgha ı̨ka whìle kò sets'ǫ̀ yagehtı,’ hanì Isaıah naxıghǫ goı̨de ı̨lè,” Zezì gòhdı.
23740	MAT 15:38	Dǫzhìı dı̨-lemì (4,000) shègıazhe; wedę ts'èko eyıts'ǫ chekoa goxè gı̨ı̨htà-le.
23936	MAT 21:41	Zezì ts'ǫ̀ hagedı, “Eyı dǫ negezı̨-le sìı ełaàgòhde ha eyıts'ǫ dèè dǫ eyıì-le goghǫnèyıɂà ha; jìecho dıìdìı nı̨dè mǫ̀hdaa gıghàle ha sìı hanıı dǫ ghǫnèyıɂà ha hǫt'e,” gıìhdı.
23946	MAT 22:5	“Hanìkò eyı dǫ k'àowocho wecheekeè ts'ǫnegı̨ı̨ɂà-le. T'asį̀ı̨ ts'ǫ̀ nageèhde; ı̨łè wets'ǫ dèè goehshee k'è ts'ǫ̀ ajà eyıts'ǫ ı̨łè wets'ǫ nàedìı k'è gòɂǫǫ ts'ǫ̀ ajà.
23954	MAT 22:13	“Eyıt'à k'àowocho edecheekeè gots'ǫ̀ hadı, ‘Wılà eyıts'ǫ wekè ełèahzha gà mǫ̀ht'a xàweahxà. Edı̨į̀ togoòtł'òo sìı ekǫ ts'ǫ̀ aweahłe; ekǫ dǫ getse xè dagı̨ı̨ɂa ha.’
24053	MAT 24:27	K'àbatsǫ̀ǫ̀ gots'ǫ kǫ̀-naìtł'ı̨ nı̨dè dą̀ą ts'ǫǫ̀hk'e dǫ nàgedèe sìı ededı̨ kò geɂį̀ ha; Dǫ-wet'àaɂàa-deè jǫ ts'ǫ̀ anajà nı̨dè eyı lagode ha.
24287	MRK 1:3	eyıts'ǫ dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha ts'atà nìhoahɂà; wegha tı̨lı ehkw'ı nıɂà aahłe,’ ” dek'eèhtł'è.
24303	MRK 1:19	Eyı ts'ǫ k'achı̨ ı̨daà nıwà-le nììtła ekò Zebedee weza James eyıts'ǫ wechı John goaɂı̨; edemį̀ sıìgehɂı̨ ı̨lè.
24322	MRK 1:38	Hanìkò Zezì gots'ǫ̀ hadı, “T'asį̀ı̨ ts'ǫ̀ ats'ııde, kǫ̀ta nıwà-lea gòlaa ts'ǫ̀ ts'ııdè. Ekǫ sı dǫ hoghàgeehtǫ ha; eyı gha jǫ ts'ǫ̀ ahjà hǫt'e,” gòhdı.
24374	MRK 3:17	eyıts'ǫ Zebedee weza James eyıts'ǫ wechı John, (Zezì eyı dǫ nàke Boanerges gòhdıì goızı; “eezhı ts'ǫ dǫ” gedıì-agedı),
24399	MRK 4:7	Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yenahk'e nàtso t'à ełaı̨dè, eyıt'à wets'ǫ t'asìı dèhshǫ-le.
24426	MRK 4:34	Zezì t'aats'ǫǫ̀ godı zǫ t'à dǫ xè godo; godı dę gots'ǫ̀ goı̨dee whìle. Hanìkò edecheekeè goxè whatsǫǫ̀ wheda ekò godı hazǫǫ̀ dàhodıì-ahodıı sìı gots'ǫ̀ yek'ayawhehtı.
24539	MRK 7:7	Ededı̨ nàowo gehtsı̨ı̨ t'à hoghàgogeehtǫ; gıgha ı̨ka whìle kò sets'ǫ̀ yagehtı,’ Isaıah hadı ı̨lè.
24561	MRK 7:29	Zezì yets'ǫ̀ hadı, “Hanì xàyanehtı t'à, hòt'a nekǫ̀ ts'ǫ̀ naı̨tłe; ı̨nìłı̨ı̨ netì ts'ǫǫ̀ ajà,” yèhdı.
24610	MRK 9:3	Wegoht'ǫǫ̀ degoo xè wek'e saı̨dı̨; dıı nèk'e ts'ǫ t'asìı wı̨ı̨zìı eyı lanì sıì degoo gǫ̀hłı̨-le.
24614	MRK 9:7	Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.
24631	MRK 9:24	Ekòet'ıì eyı dǫ hadı, “Segha ehkw'ı-ahodı ne; sınì nàtso-le ch'à sets'àądı!” yèhdı.
24675	MRK 10:18	Zezì yets'ǫ̀ hadı, “Ayìıha k'àowo nezı̨ı̨ sį̀ı̨dı? Dǫ nezı̨ gǫ̀hłı̨ nıìle; Nǫ̀htsı̨ zǫ nezı̨ hǫt'e.
24809	MRK 13:23	Eyıt'à kexoahdı; eyı hagode kwe eyı naxıts'ǫ̀ haehsı̨ı̨ sìı hotıì wenaahdì.
24841	MRK 14:18	Ladà k'e shègezhe ekò, Zezì hagòhdı, “Ehkw'ı anaxèehsı̨, dǫ ı̨łè naxıta whedaa sìı k'aodèe tł'aàsìhtè ha; naxıta dǫ ı̨łè sexè shètı̨ı̨ sìı eyı hǫt'e,” gòhdı.
24959	MRK 16:17	Eyıts'ǫ dǫ gıgha ehkw'ı-aehsı̨ı̨ sìı enıìyah hogehtsı̨ ha: Sedahxà ı̨nìłı̨ı̨ xàdegeezhı ha; yatı eładı̨ı̨ xàɂaa k'ę̀ę̀ gogede ha;
24960	MRK 16:18	edılà t'à gòo negıìle ha; nàèdıłı̨ı̨ gedǫ kò wet'à t'asagede ha-le; edılà dǫ eyagı̨ı̨lı̨ı̨ k'e agehɂı̨ nı̨dè k'aàt'ıì agede ha,” Zezì gòhdı.
24993	LUK 1:31	Hotıı̨da-le anede ha; dǫzhìa nìı̨htè ha. Zezì wìyeh anele ha.
25039	LUK 1:77	Wets'ǫ dǫ dànì edaxàgeedè ha sìı hoghàgı̨ı̨htǫ ha; gıhołı̨į̀ gıghǫ nahoezhe t'à edaxàgeedè ha.
25098	LUK 3:4	Nakwenàoɂǫǫ Isaıah wenı̨htł'è k'e dıı hanì dek'eèhtł'èe sìı k'ę̀ę̀ agòjà: “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe.
25321	LUK 8:7	Mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.
25439	LUK 10:7	Eyı kǫ̀ goyìı nàahdè. T'asìı naxıghàgeedıı sìı weghǫ shèahzhe xè aahdǫ; dǫ eghàlaedaa sìı wets'àɂeedì hǫt'e. Įłèhkǫ̀ zǫ naàhde; kǫ̀ta k'edeahte-le.
25454	LUK 10:22	“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.
25483	LUK 11:9	“Eyıt'à dıı hanaxèehsı̨: Aahkè nı̨dè naxıghǫ̀t'à ha; wekak'eaht'į̀ nı̨dè wegòahɂà ha; enìı̨tǫ ts'aaht'ı nı̨dè naxıts'ǫ̀ enìxàetį̀ ha.
25484	LUK 11:10	T'aa eekèe sìı t'asìı weghǫ̀t'à ha; amìı t'asìı hak'eet'į̀ı̨ sìı yegòhɂà ha; eyıts'ǫ amìı enìı̨tǫ ts'aht'ıı sìı wets'ǫ̀ enìxàetį̀ ha.
25541	LUK 12:13	Dǫ ı̨łè dǫnı nàwo Zezì ts'ǫ̀ hadı, “K'àowo, setà ełaı̨wo ı̨lè; wets'ǫ t'asìı whelaa sìı sı̨ı̨de sexè łats'ıyııwa wìı̨dı,” yèhdı.
25714	LUK 16:25	“Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.
25776	LUK 18:19	Zezì yets'ǫ̀ hadı, “Ayìıha k'àowo nezı̨ı̨ sį̀ı̨dı? Dǫ nezı̨ı̨ gǫ̀hłı̨ nıìle; Nǫ̀htsı̨ zǫ nezı̨ hǫt'e.
26097	LUK 24:37	Wecheekeè sıì geèhyeh; dǫts'ı̨į̀ at'ı̨ gı̨ı̨wǫ ı̨lè.
26239	JHN 4:14	Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.
26247	JHN 4:22	Naxı̨ dǫ yàahłı̨ı̨ sìı ayìı ts'ǫ̀ yaahtıı sìı wek'èahsǫ nıìle; goxı̨ amìı ts'ǫ̀ yats'ehtıı sìı wek'èts'eezǫ hǫt'e, dǫ edaxàlee sìı Israel got'ı̨į̀ gots'ǫ ne t'à.
26652	JHN 12:3	Mary yìk'eetł'òo dètìı nıyı̨ı̨xè; Zezì wekè k'e nałayeèdo gà edekwìghà t'à yekè deɂeedı. Eyı kǫ̀ goyìı hazǫǫ̀ ts'ǫ̀ yìk'eetł'òo łekǫǫ łedì ajà.
26676	JHN 12:27	“Dıì sedzeè t'à segha dìì; dàehsı̨ lì? ‘Setà eyı sadzeè k'e dàı̨hɂà ha sìı ch'à edaxàsı̨ı̨htè,’ dehsı̨ ha nì? Į̀le, sexè dàgode ha sìı hotıì eyı gha jǫ ahjà hǫt'e.
26729	JHN 13:30	Zhıdàà łèt'è nıìchì tł'axǫǫ̀ xàèhtła; hòt'a to agòjà ı̨lè.
26755	JHN 14:18	Naxıts'ǫǫ̀ ahde ha t'à ts'ınake aaht'e ha nıìle; k'achı̨ naxıts'ǫ̀ anahde ha.
26757	JHN 14:20	Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.
26820	JHN 16:25	“Godı t'à naxıts'ǫ̀ goıhde ı̨lè, hanìkò nǫǫde nı̨dè hanıı yatıì t'à k'achı̨ hoghànaxeehtǫ ha nıìle; Setà weghǫ ehkw'ı naxıts'ǫ̀ gohde ha.
26839	JHN 17:11	Hòt'a dıı nèk'e aht'e ha-le, nets'ǫ̀ anahde ha, hanìkò secheekeè ı̨łaà dıı nèk'e agı̨ı̨t'e. Setà Degaı, nıızì dahxà gıxonehdı; nıızì wedahxà eghàlaehdaà asèneelàa sìı t'à gıxonehdı. Hanì-ı̨dè ededı̨ sìı dǫ ı̨łè zǫ lagı̨ı̨t'e ha, goxı̨ ı̨łè lawììt'e lanì.
26845	JHN 17:17	Nàowo ehkw'ıı t'à degaı agı̨ı̨le eyıts'ǫ nets'ǫ gı̨ı̨lı̨į̀ agı̨ı̨le; neyatıì sìı nàowo ehkw'ıı hǫt'e.
26959	JHN 20:23	Dǫ gıhołı̨į̀ gıghǫ nahoahłe nı̨dè, gıhołı̨į̀ gıghǫ nahoezhe ha; dǫ gıhołı̨į̀ gıghǫ nahoahła-le nı̨dè gıhołı̨į̀ gıghǫ nahoezhe ha-le,” gòhdı.
26978	JHN 21:11	Sımon-Peter elà yìetła gà mį̀ tabàa ts'ǫ̀ tàyeèlì. Mį̀ weyìı łıwe nechàa dagoòɂǫ ehłì; hazǫǫ̀ t'à ı̨łèakw'eènǫ-daats'ǫ̀-sı̨laènǫ-daats'ǫ̀-taı (153) łıwe ehłì. Łıwe łǫ ehłì hanìkò mį̀ tàı̨dlà-le.
27012	ACT 1:20	Eyıt'à Peter hadı, “Shı̨-nı̨htł'è k'e dıı hanì dek'eèhtł'è, ‘Eyı wedèè gokw'ǫǫ̀ gòɂǫ ha; dǫ wı̨ı̨zìı yek'e nàdè ha-le,’ eyıts'ǫ, ‘Dǫ yetł'axǫǫ̀ k'àowo welè,’ hanì sı dek'eèhtł'è.
27156	ACT 5:28	Yahtıı-wet'àaɂàa-deè gots'ǫ̀ hadı, “Yatı nàtsoo naxıghàts'ı̨ı̨ɂǫ ı̨lè; Zezì wıızì t'à dǫ hoghàgıahtǫ-le naxèts'edı ı̨lè. Hanìkò Jerusalem dǫ hazǫǫ̀ ayìı hoghàgıahtǫǫ sìı eyı ghǫ gogedeè agejà, eyıts'ǫ goxı̨ got'àat'à eyı dǫ ełaı̨wo dahdı ha, k'ehoahɂa,” gòhdı.
27993	ACT 28:26	‘Dıı dǫ sìı gıts'ǫ̀ haahdı, “T'aats'ǫǫ̀ aàhkw'ǫ hanìkò ayìı awèts'edıı sìı wek'èahsǫ ha dìì; t'aats'ǫǫ̀ naxıgha wègaat'ı̨ hanìkò wenıahdì ha dìì.”
28028	ROM 1:30	ełıızì jıı gehtsı̨, Nǫ̀htsı̨ dzagı̨ı̨hwhǫ, ełek'adagedè, xàhogedì xè edeghǫ xàdahogedì; hołı̨ı̨ hogehtsı̨ gha nàowo ładı̨ı̨ gehtsı̨; edemǫ eyıts'ǫ edetà k'èagı̨ı̨t'e-le;
28130	ROM 5:15	Hanìkò Nǫ̀htsı̨ ayìı goghàı̨ɂǫǫ sìı eyıts'ǫ dànì hołı̨ı̨ dıı nèk'e ts'ǫ̀ ajàa sìı xèht'eè nıìle. Dǫ ı̨łàet'ee zǫ wehołı̨į̀ ts'ıhɂǫ̀ dǫ łǫ ełaı̨dè, hanìkò Nǫ̀htsı̨ wesǫnıwǫ t'à eyı nahk'e t'asìı deè gogha hayį̀į̀là: dǫ ı̨łè gots'ǫ̀ ayį̀į̀là, eyı dǫ wesǫnıwǫ t'à dǫ łǫ gıhołı̨į̀ gıghǫ nahoazha; eyı dǫ sìı Zezì-Krı hǫt'e.
28154	ROM 6:18	Hołı̨ı̨ naxıts'ǫ̀ k'àowo-le anaxììdlà; naxınì hołı̨ı̨ nıwǫǫ sìı wek'èaht'e ha naxıdaèt'è-le ajà. Ehkw'ı ts'eedaa nàowo sìı naxıts'ǫ̀ k'àowo ajà.
28214	ROM 8:30	Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.
28299	ROM 11:22	Eyıt'à Nǫ̀htsı̨ weghǫ nanıahdè; ededı̨ sìı wèhoedı-le eyıts'ǫ wedzeè sǫnıwǫ. Dǫ gıgha ehkw'ı-ahodı-le sìı gots'ǫ̀ wèhoedı-le, hanìkò naxıts'ǫ̀ wedzeè sǫnıwǫ hǫt'e. T'aats'ǫǫ̀ wegha naxınì nàtsoò aahwhǫ nı̨dè naxıts'ǫ̀ wedzeè sǫnıwǫ ha. Ekò haaht'e-le nı̨dè eyı kw'ıhchı̨į̀ lanì naxık'ıızhì ha hǫt'e.
28327	ROM 12:14	Dǫ danaxegį̀ı̨hɂaa sìı gıgha yaahtı; gıts'ǫ̀ hoìla agode ha dahwhǫ-le hanìkò gıts'ǫ̀ nezı̨į̀ aahdı.
28857	1CO 16:13	Sèot'ı̨ı̨, edexoahdı; gots'ǫ̀ K'àowo weghǫ naxınì nàtso welè; t'asìı ghǫ dahjı̨-le, nàahtsoò edeahłe.
28935	2CO 4:8	Goxı̨ sìı hazǫǫ̀ gomǫǫ̀ goòɂàa ts'ǫ̀ dǫ gogha hoìla hogehtsı̨, hanìkò anats'et'è nıìle; gogha hoezhì agot'ı̨ kò gogha ahxe whìle ts'ı̨ı̨wǫ-le,
28974	2CO 6:8	dǫ goghǫ nezı̨į̀ agedıı hanì-le-ı̨dè gok'adageedèe, goghǫ nezı̨į̀ agedıı hanì-le-ı̨dè goghǫ nezı̨į̀ agedı-le; godzeè t'à ehkw'ı gots'ede hanìkò dǫ mǫ̀hdaa eghǫyaeɂàa-dǫǫ̀ ats'ı̨ı̨t'e gògedı;
28975	2CO 6:9	dǫ gok'ègeezǫ kò gok'ègeezǫ-le lanì gots'ǫ̀ nageɂa; ełaàts'ede ha welì lanì hanìkò ı̨łaà ts'eeda hǫt'e; nàgoakwa hanìkò ełaàts'ı̨ı̨dè-le,
29103	2CO 12:13	Nǫ̀htsı̨ wecheekeè kǫ̀ta eyıì-le ta nàgedèe sìı gık'aɂį̀ aaht'e naxeehwhǫ dahwhǫ nì? Nǫ̀htsı̨ wecheekeè eyıì-le sets'àgedıì agèhłà kò naxı̨ hanaxèhłà whìle; eyı gha seghǫ nahoahłe!
29158	GAL 2:10	Dǫ-teèt'ı̨ı̨ sìı t'aats'ǫǫ̀ gıts'àahdı, eyı wenats'edì ha gògedı; sı̨ hòt'a hanì eghàlaehda ha sınì whıhtsı̨ ı̨lè.
29436	PHP 1:8	Zezì-Krı wets'ıhɂǫ̀ sıì naxıghǫneehtǫ eyıts'ǫ naxıxè aht'e ha dehwhǫ; Nǫ̀htsı̨ yek'èezǫ hǫt'e.
29466	PHP 2:8	Dǫ lanì wègoèht'į̀ xè k'èeweèt'ı̨ adììdlà ı̨lè, eyıts'ǫ ełaàwı ts'ǫ̀ Nǫ̀htsı̨ k'èı̨t'eè adììdlà; dechı̨et'aa k'e ełaı̨wı ha kò ı̨łaà Nǫ̀htsı̨ k'èı̨t'e ı̨lè.
29494	PHP 3:6	Eyı ghǫ sınì nàtso t'à Nǫ̀htsı̨ wecheekeè dagìıhɂa ı̨lè; Pharısee gınàowoò k'ę̀ę̀ ha nı̨dè nàowo k'eıhzhì whìle hǫt'e.
29575	COL 2:14	Nàowo dek'eèhtł'èe sìı hazǫǫ̀ wedę ayį̀į̀là; eyı nàowo gok'èch'a hǫt'e eyıts'ǫ wet'à gok'e nìdahoet'à, hanìkò Nǫ̀htsı̨ goghǫ yį̀į̀hchì xè Zezì wexè dechı̨et'aa k'e yedı̨į̀htsò.
29681	1TH 4:11	Dànì hoghànaxets'eèhtǫ k'ę̀ę̀ aahda: Ts'èwhı̨į̀ aahda ghǫ hòtł'ò aahwhǫ; t'asìı naxıìdı-le sìı weghǫ nànıahdè-le; eyıts'ǫ naxılà t'à eghàlaahda.
29832	1TI 5:2	Ts'èko ǫhdaà sìı nemǫ lagı̨ı̨hwhǫ, eyıts'ǫ t'eeko sı nedè lagı̨ı̨hwhǫ; gıts'ǫ̀ nınì-jıı welè-le.
30058	HEB 2:14	Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.