67	GEN 3:11	Nǫ̀htsı̨ hadı, “Amìı ı̨ht'edę wheęda nèhdı? Eyı ts'ı wets'ǫ shènetı̨ ha-le nèehsı̨ı̨ sìı wets'ǫ shènetı̨ nì?” yèhdı.
87	GEN 4:7	Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.
317	GEN 12:18	Eyıt'à k'àowocho Abram kayaı̨htı, hayèhdı, “Dànìghǫ hanì sets'ǫ̀ eghàlaı̨da? Dànìghǫ eyı ts'èko nets'èkeè hǫt'e, sets'ǫ̀ haı̨dı-le nǫǫ̀?
318	GEN 12:19	Dànìghǫ eyı ts'èko sedè hǫt'e, nı̨ı̨dı nǫǫ̀? Haı̨dı t'à sets'èkeè elı̨ ha newììhchì ı̨lè. Nets'èkeè nawı̨ı̨chı gà gots'ǫǫ̀ naı̨tłe!” yèhdı.
363	GEN 15:2	Hanìkò Abram hadı, “Sets'ǫ̀ K'àowo Nǫ̀htsı̨, chekoa sets'ǫ-le t'à ayìı seghàneeɂǫ lì? T'asìı hazǫǫ̀ sets'ǫ sìı Damaskus got'ı̨į̀ Elıyezer weghaelı̨į̀ ade ha hǫt'e,” hadı.
415	GEN 17:17	Abraham Nǫ̀htsı̨ nadąą̀ dèè k'e nàgòı̨hgè, hanìkò wegha enıìyah t'à edets'ǫ̀ nàɂedlò, hanıwǫ, “Dǫ ı̨łèakw'eènǫ weghoò sìı dàht'e wezaa gǫ̀hłı̨ nǫǫ̀? Eyıts'ǫ Sarah łǫǫ̀tǫènǫ (90) weghoò elı̨ı̨ sìı chekoa nìhtè ha nì?” edets'ǫ̀ hanıwǫ t'à wegha sììdì lanì.
438	GEN 18:13	Gots'ǫ̀ K'àowo Abraham ts'ǫ̀ hadı, “Dànìghǫ Sarah nàɂedlò xè dıı hanıwǫ, ‘Hòt'a ts'ǫǫ̀ko whıhłı̨ tł'axǫǫ̀ edànì chekoa sets'ǫ welì?’ hanıwǫ?
448	GEN 18:23	Łatsaa hoòwo tł'axǫǫ̀ Abraham gots'ǫ̀ K'àowo gà nììtła, hadı, “Dǫ ehkw'ı geedaa sìı dǫ hołı̨ı̨ k'ę̀ę̀ geedaa xè gıdıhoı̨htsı̨ ha nì?
449	GEN 18:24	Ekò dǫ sı̨laènǫ ehkw'ı geedaa eyı nàgedè nı̨dè ı̨łaà gıxè kǫ̀godeè whìle anele ha nì? Hanì-le-ı̨dè eyı dǫ sı̨laènǫ ehkw'ı geedaa eyı nàgedè ts'ıhɂǫ̀ eyı kǫ̀godeè t'asagoı̨le ha-le nì?
453	GEN 18:28	K'achı̨ t'asìı neehkè ha. Sı̨laènǫ k'aɂį̀ dǫ ehkw'ı geedaa eyı nàgedè nı̨dè kǫ̀godeè ayìı dàgı̨ı̨le ha? Dǫ sı̨làı dek'aɂį̀ nı̨dè eyı kǫ̀godeè ı̨łaà wedıhǫhtsı̨ ha nì?” yèhdı. Eyıt'à gots'ǫ̀ K'àowo hayèhdı, “Dǫ dı̨ènǫ-daats'ǫ̀-sı̨làı (45) ehkw'ı geedaa gǫ̀hłı̨ nı̨dè eyı kǫ̀godeè t'asahłe ha-le,” yèhdı.
463	GEN 19:5	Lot ts'ǫ̀ yagìzeh hagedı, “Dıı toò eyı dǫ nets'ǫ̀ nègı̨ı̨dee sìı gılaedì? Gots'ǫ̀ xàgııdè agı̨ı̨le, gık'alats'edè ha t'à,” hagedı.
470	GEN 19:12	Eyı dǫ nàke Lot ts'ǫ̀ hagedı, “Dıı kǫ̀godeè gots'ǫ nèot'ı̨ eyıì-le gǫ̀hłı̨ nì? Neza, netì, hanì-le-ı̨dè netì gıdǫzhıì gǫ̀hłı̨ nı̨dè dıı kǫ̀godeè gots'ǫǫ̀ xàgı̨ı̨wa,
500	GEN 20:4	Hanìkò Abımelek ı̨łaà Sarah t'àı̨tè-le t'à hadı, “Sets'ǫ̀ K'àowo, ekǫ-le hots'èhtsı̨-le kò sı̨ eyıts'ǫ sets'ǫ dǫ hazǫǫ̀ godıhoǫhtsı̨ ha nì?
505	GEN 20:9	Eyıt'à Abımelek Abraham kayaı̨htı, hayèhdı, “Ayìıha ekǫ-le gots'ǫ̀ eghàlaneedà? Nets'ǫ̀ ekǫ-le hòwhıhtsı̨ nıìle hanìkò nı̨ sìı hołı̨ı̨ nechàa, sı̨ sek'e eyıts'ǫ sets'ǫ dǫ gık'e wheɂǫǫ̀ anelà. Hanì sets'ǫ̀ ekǫ-le eghàlaı̨da ha-le ı̨lè.
521	GEN 21:7	Eyıts'ǫ hadı, “Sarah chekoa eht'ò ayele ha sìı amìı Abraham ts'ǫ̀ hadı welì? Hanìkò eneèko whelı̨ tł'axǫǫ̀ wezaa nìı̨htı̨,” Sarah hadı.
531	GEN 21:17	Hanìkò Nǫ̀htsı̨ eyı dǫzhìa etse yeèhkw'ǫ. Nǫ̀htsı̨ wets'ǫ yak'eet'ı̨į̀ yak'e gots'ǫ Hagar ts'ǫ̀ gode, hayèhdı, “Hagar nexè dàgòjà? Dı̨ı̨jı̨-le, dǫzhìa eyı whetı̨ı̨ xè etsee sìı Nǫ̀htsı̨ yeèhkw'ǫ hǫt'e.
587	GEN 23:15	“K'àowo, seę̀hkw'ǫ. Eyı dèè dı̨akw'eènǫ (400) sǫǫ̀mba degoo elı̨ hǫt'e, hanìkò į̀łah gogha eyı ayìı welè? Nets'èkeè wekw'ǫǫ̀ nìı̨htį̀,” Efron yèhdı.
642	GEN 24:50	Laban eyıts'ǫ Betuyel į̀łah hagedı, “Dıı sìı gots'ǫ̀ K'àowo wedahxà agot'ı̨ hǫt'e. Dànèts'edı welì?
703	GEN 26:10	Abımelek hadı, “Dànì ghǫ gots'ǫ̀ hǫı̨ts'ì nǫǫ̀? Dǫ ı̨łè nets'èkeè t'àı̨tè nı̨dè net'àat'à hołı̨ı̨ gok'e ade ha ı̨lè,” yèhdı.
740	GEN 27:12	Setà daseachì-dè dànì ha? Weghǫyaehɂǫ segòhɂǫ nı̨dè yatı nezı̨ı̨ seghàɂà ha-le, yatıjıı èhłı̨ seghàɂà ha ne,” edemǫ èhdı.
761	GEN 27:33	Isaac sıì dèhyeh t'à wets'ehłı̨į̀ lajà, hadı, “Amìı nàwhezè t'à bò seghàı̨dì nǫǫ̀? Goyaneetła kwe weghǫ shèhtı̨ tł'axǫǫ̀ yatı nezı̨ı̨ t'à wek'eèyaehtı ı̨lè. Eyı ts'ıhɂǫ̀ hòt'a łǫ̀ǫ̀ wexè sìghà hòɂǫǫ̀ agode ha!” edeza èhdı.
766	GEN 27:38	Esau edetà ts'ǫ̀ hanaedı, “Età, yatı nezı̨ı̨ ı̨łè-ahko segha wheęhɂǫ-le nì? Sı̨ sı yatı nezı̨ı̨ seghàı̨ɂà!” hadıì edetà ghǫnàdaetì xè hòtł'ò etse.
821	GEN 29:25	K'omǫǫ̀dǫǫ̀ agòjà ekò Leah yegà whetı̨ nǫǫ̀! Eyıt'à Jacob edeɂeh Laban ts'ǫ̀ hadı, “Dànìghǫ hanì sets'ǫ̀ eghàlaneedà? Rachel k'èxa negha eghàlaıhdà ı̨lè. Dànìghǫ seghǫyaneɂǫ?” yèhdı.
901	GEN 31:27	Dànìghǫ senaàhtǫ kwı̨èhsa xè sets'ǫ̀ ekǫ-le eghàlaneedà? Sets'ǫ̀ haı̨dı nı̨dè naı̨tła kwe negha goınà xè eyeh eyıts'ǫ tł'ık'eetı̨ı̨ t'à negha sǫnàts'edè ha ı̨lè.
910	GEN 31:36	Eyıt'à Jacob, Laban ts'ǫ̀ wınì-le, hayèhdı, “Hot'eè, ayìı sek'enìdahoǫɂà ha? Nek'èch'a ayìı hòwhıhtsı̨ t'à hanì k'esı̨ı̨zo nǫǫ̀?
911	GEN 31:37	Segoht'ǫǫ̀ ta hazǫǫ̀ k'eı̨ta t'à nekǫ̀ ts'ǫ t'asìı gòneehɂǫ nì? Hot'eè jǫ nìı̨chı, nèot'ı̨ hazǫǫ̀ eyıts'ǫ sèot'ı̨ hazǫǫ̀ gınadąą̀ nìı̨chı, ededı̨ gosınìyagıhtı welì.
917	GEN 31:43	Laban, Jacob ts'ǫ̀ hadı, “Eyı ts'èko sìı setì agı̨ı̨t'e, chekoa nègı̨ı̨laa sìı sekwı agı̨ı̨t'e, eyıts'ǫ eyı tıts'aàdìı hazǫǫ̀ sets'ǫ agı̨ı̨t'e. Ehkw'ı t'à t'asìı hazǫǫ̀ nenadąą̀ whelaa sìı sets'ǫ zǫ hǫt'e. Hanìkò dıì sìı setì eyıts'ǫ gıza dàgeèhłà lì?
976	GEN 33:15	Esau hadı, “Tł'anǫǫ̀ sets'ǫ dǫ mǫ̀hdaa nexè agııde,” yèhdı. Jacob yets'ǫ̀ hadı, “Ayìıha agııde? K'àowo, sets'ǫ̀ nedzeè nezı̨, hanìkò hagejà-le kò,” yèhdı.
1092	GEN 37:8	Wı̨ı̨de hagıìhdı, “Gogha k'àowocho nelı̨ ha nì? Hotıì gots'ǫ̀ k'àı̨wo ha nì?” gıìhdı. Dànì nàwhetı̨ eyıts'ǫ yeghǫ goxè godo t'à sıì denahk'e gınèlı̨į̀-le agejà.
1110	GEN 37:26	Wı̨ı̨de ı̨łè Judah edechı gots'ǫ̀ hadı, “Gochı ełaàwets'į̀ı̨hwho xè weghǫ hots'ets'ì nı̨dè wet'à ayìı nezı̨ı̨ goxèìdı ha?
1254	GEN 42:1	Jacob, Egypt nèk'e tł'olà gǫ̀hłı̨ ghǫ ıìkw'o t'à edeza ts'ǫ̀ hadı, “Dànìghǫ ekìı dahkw'e xè ełeghàahda?
1298	GEN 43:7	Edetà ts'ǫ̀ hagedı, “Eyı k'àowo hotıì dagoehke ı̨lè, goxı̨ goghǫ eyıts'ǫ gòet'ı̨ sı gıghǫ. Hagòhdıì dagoehke, ‘Asį̀į̀ naxıtà ı̨łaà eda? Naxıchı eyıì-le gǫ̀hłı̨ nì?’ gòhdı. Eyıt'à ayìı dagoehkee sìı wets'ǫ̀ hats'edı. ‘Naxıchı jǫ nèweahtè,’ gòhdı ha wek'èts'eezǫ-le ı̨lè,” gedı.
1318	GEN 43:27	Hagòhdı, “Dàaht'e? Naxıtà ǫhdah whelı̨ı̨ sèahdıı sìı dànì? Įłaà eda nì?” gòhdı.
1329	GEN 44:4	Kǫ̀godeè gots'ǫ nıwà geède-le-t'ıì Joseph, dǫ yegha kǫ̀-k'èdìı elı̨ı̨ sìı ts'ǫ̀ hadı, “Eyı dǫ gık'èè-t'ıì aąde, gıt'àwhı̨ı̨tła nı̨dè gıts'ǫ̀ dıı haı̨dı, ‘Dànìghǫ naxıts'ǫ̀ nezı̨į̀ eghàlats'ı̨ı̨dà k'èxa ekǫ-le gots'ǫ̀ eghàlaahda?
1332	GEN 44:7	Hanìkò gıts'ǫ̀ hagedı, “K'àowo, dànìghǫ hanì gots'ǫ̀ goı̨de? Hanì eghàlats'eeda ha honàedı nıìle!
1333	GEN 44:8	Kanan nèk'e goɂǫhchì yìı sǫǫ̀mba degoo gots'į̀hɂǫǫ sìı eyı kò naxıts'ǫ̀ nìats'į̀ı̨wa ı̨lè. Eyıt'à ayìıha nets'ǫ̀ k'àowo wekǫ̀ gots'ǫ sǫǫ̀mba degoo, hanì-le-ı̨dè sǫǫ̀mba dekwoo weghǫ ets'eeɂį̀ welì?
1340	GEN 44:15	Joseph gots'ǫ̀ hadı, “Dànìghǫ sets'ǫ̀ hanì eghàlaahdà? Sı̨ lanıı dǫǫ̀ sìı t'asìı deɂı̨į̀ whelaa sìı wegòhɂà ha dìì-le wek'èahsǫ-le nì?” gòhdı.
1341	GEN 44:16	Judah yets'ǫ̀ hadı, “K'àowo, edegha nets'ǫ̀ dàts'edı lì? Ats'ııdì whìle! Ekǫ-le hots'èhtsı̨ nıìle hanìkò dànì nets'ǫ̀ hats'edı lì? Įnę̀ę sìı ekǫ-le eghàlats'ı̨ı̨dà k'èxa Nǫ̀htsı̨ nàgǫǫhkwa hǫt'e. K'àowo, dıì goxı̨ eyıts'ǫ gochı weɂǫhchì yìı lıbò gogį̀į̀hɂǫǫ sìı negha eghàlats'eedaa-dǫǫ̀ ats'ı̨ı̨t'e,” yèhdı.
1359	GEN 44:34	Eyı cheko sexè at'ı̨-le nı̨dè dànì setà ts'ǫ̀ anahjà lì? Į̀le, hahde ha dìì! Setà hanì wedzeè nànııtì weghàehda ha segha dìì,” Judah, Joseph ts'ǫ̀ hadı.
23240	MAT 2:2	“Bebìa laedì?” gedı dǫ dageehke, “Eyı chekoa Israel got'ı̨į̀ gha k'àowocho elı̨ ha wegǫ̀hłı̨ı̨ sìı welaedì? Įdè gonèk'e wets'ǫ whǫ̀ ts'aɂı̨. Weghàsǫts'eedı ha jǫ nèts'ı̨ı̨de,” gedı.
23270	MAT 3:9	‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.
23316	MAT 5:13	“Naxı̨ sìı dıı nèk'e dǫ hazǫǫ̀ gıgha dewa nàtsoo laaht'e. Hanìkò dewa łedì-le ajà nı̨dè dànì k'achı̨ łedì anajà lì? t'asìı gha wet'àaɂà-le at'į̀-ı̨dè nałats'eehtł'ì gà dǫ gık'e k'edè.
23378	MAT 6:27	Ayìıha t'asìı ghǫ nànıahdè? Dǫ wı̨ı̨zìı nànıwo t'à ı̨łè sadzeè deɂǫ̀ǫ̀ edaà adele ha nıìle.
23379	MAT 6:28	“Ayìıha goht'ǫ ghǫ nànıahdè? Dèè k'e ı̨t'ǫ̀chàa dehshee sìı wedaànıahdè. Eghàlaeda-le kò wèdaat'ı̨ hǫt'e.
23394	MAT 7:9	“Naxıza łèt'è naxeekè nı̨dè asį̀į̀ kwe weghàahɂà ha?
23395	MAT 7:10	Eyıts'ǫ łıwe naxeekè nı̨dè asį̀į̀ gòo weghàahtè ha?
23441	MAT 8:27	Zezì wecheekeè gıgha enıìyah t'à ełets'ǫ̀ hagedı, “Dıı amìı ne? Nı̨hts'ı eyıts'ǫ taatı̨į̀ kò gık'į̀ı̨t'e,” gedı.
23452	MAT 9:4	Zezì dànì nànıgedèe sìı gok'èezǫ t'à hagòhdı, “Dànìghǫ naxıdzeè yìı nàowołı̨ı̨ t'à nànıahdè?
23463	MAT 9:15	Zezì gots'ǫ̀ hadı, “K'ǫadzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì? Į̀le ne, hanìkò ı̨łè dzęę̀ k'ǫadzàa gıghǫ wììchì ha hǫt'e, eyı dzęę̀ k'e nı̨dè edegegǫ ha.
23537	MAT 11:9	Ekǫ ayìı ghàahda ha aaht'ı̨ ı̨lè? Nakwenàoɂǫǫ? Hęɂę, nakwenàoɂǫǫ nahk'e elı̨ı̨ sìı weahɂı̨ hǫt'e.
23544	MAT 11:16	“Dıı dǫ xàgeèɂaa sìı ayìı xègı̨ı̨ht'e ts'edı lì? Chekoa tı̨lıbàa geèhkw'ee lagı̨ı̨t'e. Ełets'ǫ̀ hagedıì yagìzeh,
23551	MAT 11:23	Ekò Capernaum got'ı̨į̀, asį̀į̀ ı̨dòo yak'e ts'ǫ̀ danaxıìtè ha? Į̀le, ı̨zhıì wehłı̨kǫ̀ ts'ǫ̀ anaxedle ha. Enıìyah naxıdaà hòwhıhtsı̨ı̨ sìı Sodom got'ı̨į̀ gınadąą̀ hanàhòwo nı̨dè dıı dzęę̀ ts'ǫ̀ gıkǫ̀ta gòɂǫ ha ı̨lè.
23561	MAT 12:3	Zezì gots'ǫ̀ hadı, “K'àowocho Davıd ededı̨ eyıts'ǫ wecheekeè degeèhdì ekò ayìı dàyį̀į̀làa sìı wek'eyaahtı-le nì?
23563	MAT 12:5	Eyıts'ǫ yahtıı ayìı ghàlageedaa sìı Moses wenı̨htł'è k'e wek'eyaahtı-le nì? Nǫ̀htsı̨ Dzęę̀ k'e eghàlats'eeda ha-le dek'eèhtł'è, hanìkò yahtıı sìı Nǫ̀htsı̨kǫ̀-gocho goyìı eghàlageeda kò ekǫ-le hogehtsı̨ nıìle.
23569	MAT 12:11	Zezì gots'ǫ̀ hadı, “Edahxǫ naxıts'ǫ sahzǫ̀ą ı̨łè Nǫ̀htsı̨ Dzęę̀ k'e dèè goyìèkw'o nı̨dè xàweahchı ha-le nì?
23585	MAT 12:27	Įnìłı̨ı̨ gha k'àowo sets'àdı t'à ı̨nìłı̨ı̨ xàdeehshı nı̨dè naxıcheekeè amìı dahxà ı̨nìłı̨ı̨ xàdegeezhı? Eyıt'à naxıcheekeè naxısınìyagehtı ha hǫt'e.
23606	MAT 12:48	Zezì yets'ǫ̀ hadı, “Amìı semǫ ne? Amìı sechı agı̨ı̨t'e?”
23635	MAT 13:27	“Dǫ eyı wedèè ne sìı wecheekeè gıts'ǫ̀ hadı, ‘K'àowo, nedèè k'e t'asìı nezı̨ı̨ nèneela-le nì? Dànìghǫ tł'oh nezı̨-le sı weta dehshe?’ gıìhdı.
23662	MAT 13:54	Kǫ̀ta dèzhǫǫ sìı ekǫ nììtła ekò ełègehdèe-kǫ̀ ts'ǫ̀ èhtła, ekǫ dǫ hoghàehtǫ. Dànì dǫ hazǫǫ̀ ts'ǫ̀ gode t'à sıì gıgha enıìyah lanì, ełets'ǫ̀ hagedı, “Dànıt'à dıı dǫ sıì gǫǫzǫ xè enıìyah hoehtsı̨?
23663	MAT 13:55	Dechı̨-eghàlaedaa-dǫǫ̀ weza nıìle nì? Wemǫ Mary wìyeh nì? Eyıts'ǫ wechı sı James, Joseph, Sımon eyıts'ǫ Zhıdàà agı̨ı̨t'e-le nì?
23664	MAT 13:56	Eyıts'ǫ wedè gota nàgedè-le nì? Hanì-ı̨dè dànìghǫ dıı dǫ eyı hazǫǫ̀ yeghàlaeda?” ełets'ǫ̀ hagedı.
23704	MAT 15:2	“Dànìghǫ necheekeè gocho gınàowoò k'èch'a eghàlageeda? Shègezhe kwe edılà k'enagehtse-le!” gıts'ǫ̀ hadı.
23705	MAT 15:3	Zezì gots'ǫ̀ hadı, “Ekò naxı̨, dànìghǫ naxıcho gınàowoò k'ę̀ę̀ eghàlaahdaa sìı Nǫ̀htsı̨ nàowoò nahk'e wet'àaɂà dahwhǫ? Haaht'ı̨ ts'ıhɂǫ̀ Nǫ̀htsı̨ wenàowoò k'eahzhì hǫt'e.
23718	MAT 15:16	Zezì edecheekeè gots'ǫ̀ hadı, “Įłaà naxıkwì dezhì nì?
23719	MAT 15:17	Ayìı awèehsı̨ı̨ sìı ı̨łaà wek'èahsǫ-le nì? Ayìı gowà yìı at'ı̨ı̨ sìı gobò yìı at'ı̨, eyı tł'axǫǫ̀-ı̨dè gobò yìı gots'ǫ goɂǫ̀ at'į̀.
23744	MAT 16:3	Eyıts'ǫ k'omǫǫ̀dǫǫ̀ nı̨dè dıı haahdı, ‘K'oh dezǫǫ łǫ t'à, dıı dzęę̀ hoı̨zı̨ ha-le,’ dahdı. K'oh dànì wègaat'ı̨ı̨ sìı wek'ayaahtı ha dìì-le. Hanìkò dıì naxıdaà dàgot'ı̨ı̨ sìı dànìghǫ wek'ayaahtı ha dìì?
23749	MAT 16:8	Zezì hanì gogede gok'èezǫ t'à gots'ǫ̀ hadı, “Naxınì nàtso-le dìì. Dànìghǫ łèt'è whìle ghǫ ełets'ǫ̀ goahde?
23750	MAT 16:9	Įłaà naxıkwì yìekw'ı-le nì? Dànì łèt'è sı̨làı t'à dǫzhìı sı̨làı-lemì gıwàhǫǫdìı sìı wedaànıahdè. Łèt'è deɂǫ̀ǫ̀ ı̨ı̨làa sìı tł'ohtǫ dàtłǫ dagoòɂǫ nàahtsį̀ı̨ sìı, asį̀į̀ wenaahdì?
23751	MAT 16:10	Eyıts'ǫ dànì łèt'è łǫ̀hdı̨ t'à dǫzhìı dı̨-lemì gıwàhǫǫdìı sìı wedaànıahdè. Łèt'è deɂǫ̀ǫ̀ ı̨ı̨làa sìı tł'ohtǫ dàtłǫ dagoòɂǫ nàwhahtsı̨ı̨ sìı, asį̀į̀ wenaahdì?
23786	MAT 17:17	Zezì dǫ nı ts'ǫ̀ hadı, “Naxı̨ dǫ yàahłı̨ı̨ sìı naxıgha ehkw'ı-ahodı-le xè nàowo ehkw'ıı k'èch'a eghàlaahda. Dàwhaà naxıxè aht'e ha? Dàwhaà sınì tsį̀ahwhı ha?” Hadı tł'axǫǫ̀ dǫzhìa wetà ts'ǫ̀ hadı, “Nezaa sets'ǫ̀ wı̨ı̨hchı,” yèhdı.
23794	MAT 17:25	Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.
23817	MAT 18:21	Peter Zezì ts'ǫ̀ hadı, “Sets'ǫ̀ K'àowo, sèot'ı̨ sek'èch'a hòèhtsı̨ nı̨dè dàtłǫǫ̀ eht'aà weghǫ nahoehłe ha? Łǫ̀hdı̨ ts'ǫ̀ weghǫ nahoehłe ha nì?” yèhdıì dayeehke.
23835	MAT 19:4	Zezì gots'ǫ̀ hadı, “Nǫ̀htsı̨ Nı̨htł'è k'e dıı hanì dek'eèhtł'è wek'eyaahtı-le nì? Dıı nèè hòèlı̨ ekò Nǫ̀htsı̨ ‘dǫzhìı eyıts'ǫ ts'èko whehtsı̨,’ dek'eèhtł'è,
23836	MAT 19:5	eyıts'ǫ Nǫ̀htsı̨-Gotà dıı hadı, ‘Eyı ts'ıhɂǫ̀ dǫzhìı edetà eyıts'ǫ edemǫ gots'ǫǫ̀ xàetła ha. Edets'èkeè xè ı̨łè lanì ha, eyıts'ǫ eyı nàke geet'èe sìı edezhį̀į̀ t'à dǫ ı̨łè lagede ha hǫt'e,’ wek'eyaahtı-le nì?
23918	MAT 21:23	Zezì Nǫ̀htsı̨kǫ̀-gocho gà nììtła. Ekǫ dǫ hoghàehtǫ ekò yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı Zezì ts'ǫ̀ geède, hagıìhdı, “Ayìı dahxà dıı hanì eghàlaı̨da? Amìı hanì neghàhòı̨ɂǫ t'à anet'ı̨?” gıìhdı dageehke.
23920	MAT 21:25	John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨?” gòhdı. Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adıı weahwhǫ-le nǫǫ̀?’ gòhdı ha.
23959	MAT 22:18	Hanìkò ekǫ-le xàyahtı ha gı̨ı̨hwhǫ t'à agedıı sìı Zezì gok'èezǫ. Eyıt'à gots'ǫ̀ hadı, “Degaı daahtsı̨ kò wek'ę̀ę̀ aahda nıìle! Ayìıha seahdzà xè seyatıì t'à sek'e nìdahoahɂà ha dahwhǫ?
23972	MAT 22:31	Dǫ ełaı̨dèe nagìdà ha sìı eyı ghǫ naxıdaıhsį̀: Nǫ̀htsı̨ dàdıı sìı wek'eyaahtı-le nì?
23983	MAT 22:42	“Chrıst wèts'edıı sìı weghǫ dàahwhǫ? Amìı weza ne?” gòhdı. “K'àowocho Davıd Weza ne,” gıìhdı.
24004	MAT 23:17	Naxı̨ sìı ezhı̨ne laaht'e, ehkw'ı nànıahdè-le. Ayìı denahk'e wet'àaɂà? Nǫ̀htsı̨kǫ̀-gocho hanì-le-ı̨dè sǫǫ̀mbaekwo Nǫ̀htsı̨kǫ̀-gocho k'e whelaa t'à degaı ìhłè? Nǫ̀htsı̨kǫ̀-gocho sìı denahk'e wet'àaɂà hǫt'e.
24006	MAT 23:19	Ehkw'ı nànıahdè nıìle. Ayìı denahk'e wet'àaɂà? Kwe-ladà, hanì-le-ı̨dè t'asìı kwe-ladà k'e wek'eahk'ǫ̀ t'à degaı ìhłè? Kwe-ladà sìı denahk'e wet'àaɂà hǫt'e.
24020	MAT 23:33	“Naxı̨ sìı wehłı̨ı̨ weza laaht'e! Wehłı̨kǫ̀ ts'ǫ̀ anaxedle ch'à edaxàahdè ha dahwhǫ nì?
24028	MAT 24:2	Zezì gots'ǫ̀ hadı, “Eyı kǫ̀-gocho wèdaat'ı̨ı̨ weghàahda nì? Ehkw'ı anaxèehsı̨, kwe ı̨łè kò ełeka dawhela ha nıìle, hazǫǫ̀ hodàetł'ì ha hǫt'e,” gòhdı.
24041	MAT 24:15	“Nakwenàoɂǫǫ Danıel t'asìıłı̨ı̨ ghǫ ı̨ı̨tł'è ı̨lèe sìı asį̀į̀ wenaahdì? (Amìı yek'eyahtıı sìı yenıedì welì.) Eyı t'asìıłı̨ı̨ sìı degaı k'è gòɂǫǫ goyìı nàı̨ɂa ha, eyı wets'ıhɂǫ̀ degaı k'è gòɂǫǫ sìı tsį̀gowı ha.
24104	MAT 25:27	Dǫ dìì aht'e sek'èı̨zǫ nı̨dè dànìghǫ sesǫǫ̀mbaà, sǫǫ̀mba-dehshee-kǫ̀ nèneela-le nǫǫ̀? Hanì-ı̨dè jǫ anahjà nı̨dè sesǫǫ̀mbaà eyıts'ǫ sǫǫ̀mba wetaekw'ıı sìı ełexè naìhchı ha ı̨lè,’ yèhdı.
24114	MAT 25:37	“Dǫ ehkw'ı geedaa sìı gıts'ǫ̀ dıı hadı ha, ‘Gots'ǫ̀ K'àowo, dàht'e bò ghaı̨wı̨ t'à newàts'ı̨ı̨dì nǫǫ̀? Dàht'e tı ghaı̨wı̨ t'à tı neghàts'ı̨ı̨dì nǫǫ̀?
24115	MAT 25:38	Dàht'e gokǫ̀ta xàhtǫ nelı̨ t'à gokǫ̀ ts'ǫ̀ anets'į̀į̀là nǫǫ̀? Dàht'e goht'ǫ nets'ǫ-le t'à goht'ǫ neghàts'ı̨ı̨là nǫǫ̀?
24116	MAT 25:39	Dàht'e eyanelı̨ nets'aɂı̨ nǫǫ̀? Eyıts'ǫ dàht'e dǫ-danìı̨laa-kǫ̀ wheęda t'à nets'àts'ede nǫǫ̀?’ hagedı ha.
24121	MAT 25:44	“Ededı̨ sı gıts'ǫ̀ hagedı ha, ‘Gots'ǫ̀ K'àowo, dàht'e bò eyıts'ǫ tı ghaı̨wı̨ nets'aɂı̨ nǫǫ̀? Dàht'e gokǫ̀ta xàhtǫ nelı̨ nǫǫ̀, dàht'e goht'ǫ nets'ǫ-le nǫǫ̀, dàht'e eyanelı̨ eyıts'ǫ nedaàtǫ nǫǫ̀? Eyıts'ǫ dàht'e seè nets'àts'ı̨ı̨dì-le nǫǫ̀?’ gıìhdı ha.
24133	MAT 26:10	Ayìı ghǫ gogedee sìı Zezì yek'èezǫ t'à gots'ǫ̀ hadı, “Ayìıha dıı ts'èko ts'ǫ̀ sǫahdı? Segha t'asìı nezı̨ı̨ hayį̀į̀là hǫt'e.
24140	MAT 26:17	Passover dzęę̀ xèhǫǫ̀wo ekò Zezì wecheekeè dageehke, hagedı, “Edı̨į̀ nàsı̨ Passover ghǫ shèı̨tı̨ ha? Negha sıìgots'ele ha neewǫ nì?” gıìhdı.
24163	MAT 26:40	Yaı̨htı tł'axǫǫ̀ edecheekeè taı goghǫ nǫ̀ǫtła ekò geète nǫǫ̀. Peter ts'ǫ̀ hadı, “Įłè sadzea kò sexè ts'ıgoahdì ha dìì nì?
24176	MAT 26:53	Setà weehkè nı̨dè ekòet'ıì yak'eet'ı̨į̀ ı̨łèakw'eènǫ-lemì sets'ǫ̀ ayele ha wek'èahsǫ-le nì?
24178	MAT 26:55	Eyı tł'axǫǫ̀ Zezì dǫ nègı̨ı̨dee sìı ts'ǫ̀ hadı, “Ayìıha behcho eyıts'ǫ dechı̨ sets'ǫ̀ k'eahłe? Ełets'egǫ gha aht'ı̨ dahwhǫ nì? Dzę taàt'eè Nǫ̀htsı̨kǫ̀-gocho gà dǫ hoghàehtǫ ı̨lè, hanìkò sèahchì-le ı̨lè.
24185	MAT 26:62	Eyıt'à yahtıı-wet'àaɂàa-deè nıìtła gà Zezì ts'ǫ̀ hadı, “Dǫ neghǫ dàgedıı sìı wek'e xàyaı̨htı ha-le nì? Dǫ ayìı nek'e nìdahogeeɂàa sìı weghǫ dàı̨dı ha?” yèhdı.
24221	MAT 27:23	K'àowo Pılate dagoehke, “Ayìı gha? Ayìı hoìla hòèhtsı̨ k'èxa?” gòhdı. Hanìkò k'èdaà hòtł'ò yagìzeh, hagedı, “Dechı̨et'aa k'e wedı̨į̀htsò!” gıìhdı.
24308	MRK 1:24	“Nazareth got'ı̨į̀ Zezì dàgǫǫle ha? Godıhoǫhtsı̨ ha nì-anet'ı̨? Amìı anet'e nek'èehsǫ ne. Nǫ̀htsı̨ wets'ǫ degaı anet'e!” yèhdı.
24336	MRK 2:7	“Ayìı aht'e edeewǫ hanì gode? Nǫ̀htsı̨ k'èch'a gode! Nǫ̀htsı̨ zǫ gohołı̨į̀ goghǫ nahoele hǫt'e,” hagı̨ı̨wǫ.
24337	MRK 2:8	Ekòet'ıì Zezì edets'ǫ ınì t'à dànì ededzeè t'à nànıgedèe sìı gok'èezǫ t'à hagòhdı, “Dànìghǫ hanì nànıahdè?
24348	MRK 2:19	Zezì gots'ǫ̀ hadı, “K'ǫ̀ądzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì? Į̀le ne, k'ǫ̀ądzàa ı̨łaà goxè wheda et'ıì edegegǫ ha nıìle.