24429	MRK 4:37	Bala nhan banha Djesum gayŋiyanan ŋunhal dhurpuŋam marthaŋayŋa, muḻkurr nhan ḏämbuwuyḻi ŋalthuwan bala gayŋiyanan. Ga gandarrŋam bala watan ŋoy-gurrŋanꞌnha murrukaynha marimin waythuwan dhanaliŋgu, guwatharanan dhanaliny ŋarran, ga ḏowum gayŋan wapthuwanan bala garmakma dhaŋaŋdjinan marthaŋayŋam, gaḻki warri banha marthaŋayma waḏapthuwarran. Ga dhanalim banha guyurrꞌmiŋum warra nhangu mariminan yana biyaṉiyinam, bala dhanal gayŋan ṉakaranharamiŋganan Djesunham, “Wäy Marŋgikunhami ṉakama, waŋayin ŋalma ŋarru, guḻwuḻyuna ŋalma ŋarru,... ŋangawul nhuna gayŋa dhaŋu warwuyunma, ŋatja?”
24500	MRK 6:24	Ga nhanmam banha wirrkuḻma baṯami ŋarran ŋatjil dhawaṯthuwan ŋunha ŋäṉḏiꞌmiŋuwu rangan ga ŋäŋꞌthuwan nhan, “Wäy... ŋäṉḏi,... nhäwu ŋaya ŋarru ŋunha yindinham buŋgawany ŋäŋꞌthun?” bitjan. Ga nhanmam banha ŋäṉḏiꞌmiŋuyum garruwan bitjanan, “Gatjuy... buku-djulŋi ŋäŋꞌthuwam Djongurun yana muḻkurrwum.”
24573	MRK 8:4	Ga dhanalim banha guyurrꞌmiŋum warra nhangu ḏämbu-ganitjuman, “Wäy, buku-djulŋi dhaŋum dhaŋu ŋayilpinꞌ ŋirrima,... nhalpiyana ŋalma ŋarru dhanaliny maranhu-wuŋanma, nhaliyun?”
24585	MRK 8:16	Ga banha dhanal guyurrꞌmiŋuyum warrayu nhanguḻ ŋäkul bala dhanal mä-yumbalꞌyuwanan. Bala dhanal gayŋan garrunminan, “Nhalpiyan nhan dhaŋu marrkapꞌma garruwan,... linygu wilak ŋalma ŋangawul ŋatha gutjparruwan?”
24596	MRK 8:27	Ga bewaḻiyam nhan Djesum ga guyurrꞌmiŋum warra nhangu buku-ḻiwꞌyumanan gayŋan ŋarran ŋunhalayam Djitjariya Bilipayma waŋgalaŋa. Ga banhalaya gandarrŋam bala nhan Djesuyum ŋäŋꞌthuwanan nhanguway guyurrꞌmiŋunham warrany bitjanan, “Wäy, waraparra, nhalpiyan bayiŋ gayŋa banha yolŋuyum warrayu rakaram,... yol dhaŋu ŋayam?”
24598	MRK 8:29	Ga biyapul nhan Djesuyu dhä-wirrkaꞌyuwan, “Wäy-y, nhumapim gayŋa nhalpiyan nhänany guyaŋi,... yol dhaŋu ŋayam?” Bala nhan Betam ḏämbu-ganitjuman nhangu bitjanan, “Marrkapmi, nhunum dhaŋu Christ banha Maŋutji-dhunupayumanda yolŋu God-Waŋarrwuŋun gänaŋꞌthumanda ŋätjiliŋuwuynha.”
24659	MRK 10:2	Ga Baratji yolŋu warra balaya ŋaykan bala dhanal gayŋan dhä-wirrkaꞌyuwanan nhanany, yäna gayŋan birrkaꞌyuwan, bitjan, “Nhalpiyan mu gayŋa ŋunha ŋalmaliŋgum rom garrun,... nhan ŋarru ḏirramuyu guŋnharrumana nhanguway baṯaminynham bala yänguman nhanany?”