23233	MAT 1:20	Nulu jenia ngundranani, mai, Godaia angela kulno ngapitjani nunkangu wondraterina wonti ja jatana wonti: “Josephajai, Davidani ngatamurajai, wata japali nganau, Maria, noa jinkani patala; ngangau mina nandru patana wa-rai, Jaola kulikirindru nganai.
23234	MAT 1:21	Nandru kupa kanku kantji patala nganai; nina jun-dru JESUS dikala nganai; ngangau kana wolara nunkani Nulu kulkala nganai tanani madlentjandru.”
23236	MAT 1:23	“Mai! ngameri kulno mandrantju nganala nganai, ja nandru knpa kanku kantji patala nganai, ja tanali tala nunkani dikala nganai “Emmanuel”, jenia wondrai: Goda-ngaia-nangunto.”
23238	MAT 1:25	Ja nulu wata nana ngujamana wonti, nandru kupa kanku dankanantulu, ja nulu tala nunkani dikana wonti: “JESUS”.
23240	MAT 2:2	Ja jatana wonti: “Woderi nau, Juda-kanaia-kapara matja dankana? Ngangau ngaiani ditji waka nunkani naji-nala tiriwani, ja wokarana warai nunkangu pantjaterkana ngarila.”
23243	MAT 2:5	Ja tana nunkangu jatana wonti: “Bethlehemingu Ju-daiani”; ngangau jeruja Prophetali dakana wonti:
23244	MAT 2:6	“Ja jidni Bethlehemiai, Judaia mitani, jidniwata ngadanietja nganai Judaia kapara marapuni, a-ai, ngangau jin-kangundru kapara dunkala nganai, Nulu kana wolara nga-kani, Israel, ngamalkala nganai.”
23246	MAT 2:8	Ja nulu tanana Bethlehemia jinpana wonti ja jatana wonti: “Palkanimai ja kupa parparali wontianau, ja jura nina matja mankamankana, ngakangu jaura tikalkanau, ngani ba-kana wokarananto nunkangu pantjaterkana ngarila.”
23251	MAT 2:13	Tana matja puntina, mai, Kaparaia angela kulno Josephangu ngapitjani wondraterina wonti ja jatana wonti: “Jiritjiau ja kupa ja ngandri nunkani manina kurau ja kuri-kariau Egypta mitaia, ja naka ngamamai, ngani jinkangu ja-tanantulu; ngangau Herodes jertapateriai kupa wontila nina-para nandrala.”
23253	MAT 2:15	Ja nau naka ngamana wonti Herodes palinantulu, ngangau morlalu pantjinanto, mina Prophetali Kaparandru kaukaubana wonti, nau jatana wonti: “Egypta mitandru ngato Ngatamura ngakani karkana wonti.”
23256	MAT 2:18	“Ramangu tanali ngaiala ngarana wonti, miritja ja jildri ja juajuangana pirna; Rahel nankani kupandru jindra-na wonti ja wata ngantjana wonti ngankalkananto, ngangau tana panila nganai.”
23258	MAT 2:20	Ja jatana wonti: “Jiritjiau ja kupa ja ngandri nunkani manina kurau, ja tikau, Israel mitaia; ngangau tana matja nari, tanali kupaia tepi wontina wonti.”
23261	MAT 2:23	Ja nau wokarana wonti ja ngamana wonti ngura kulnuni, tala nunkani Nazareth; ngangau morlalu pantjinanto Prophetaia jaura: “Tanali nina Nazarethala dikala nganai.”
23263	MAT 3:2	Ja jatana wonti: “Madlentjandru karitjianau, ngangau pariwilpaia milila karakara nganai.”
23264	MAT 3:3	Naupini nau nganai, nunkangundru Jesaiasali Prophetali kaukaubana wonti; “Karkanietjaia ngaiala pitarani parai: Kaparaia palto ngankinganimai, ja tidha-palto nunkani talku ngankanimai.”
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23270	MAT 3:9	Ja wata munta ngundraterianau: “Ngaiana Abraham ngaperi ngaianani ngamalkai”; ngangau ngani jurangu jatai: “Goda ngurunguru nganai, tanangupini mardandru kupa ji-ritjibala Abrahamangu;”
23275	MAT 3:14	Johannili nina daudauana wonti ja jatana wonti: “Ngato jinkangundru multibanila maninanto, ja jidni ngakangu wokarai”?
23276	MAT 3:15	Jesujeli kalabana wonti ja nunkangu jatana wonti: “Karari jenia manuni kurau, ngangau jeruja talku nganai ngaldrangu, talkula pratjana morlalu kurala.” Ngadani nulu nunkangu manuni kurana wonti.
23278	MAT 3:17	Ja mai! Ngaiala pariwilpandru jatana wonti: “Naupini Ngatamura ngantjalu ngakani nganai, nunkangu ngani murlali nganai.”
23281	MAT 4:3	Ja wontjanietja nunkangu wokarana wonti ja jatana wonti: “Jidni Godaia Ngatamura ngananani, jatamai, tana-pini mar da bukarinanto.”
23282	MAT 4:4	Nulu kalabana wonti ja jatana wonti: “Dakanala pa-rai: Kana wata windri bukandru tepiriai, a-ai, jaura waru-potundru, nauja Godaia manandru dunkai.”
23284	MAT 4:6	Ja nunkangu jatana wonti: “Jidni Godaia Ngatamura ngananani, ngarinalu kulkungamai; ngangau dakanala parai: Nulu angelani nunkanani jirijiribala nganai jinkangundru, tanali jidna marali ngamalkala nganai, wata jidni tidna mar-dani dakaterinanto.”
23285	MAT 4:7	Jesus nunkangu jatana wonti: “Nakaldra dakanala parai: Goda Kapara jinkani wata wontjamai”!
23287	MAT 4:9	Ja nunkangu jatana wonti: “Tananapini warupoto ngato jinkangu jinkila nganai, jidni ngakangu pantjaterkana ngarinani ngatjila.”
23288	MAT 4:10	Ngadani Jesus nunkangu jatana wonti: “Kutingau Satanajai! ngangau dakanala parai: Jidni Godani Kaparani jinkanani ngatjiamai ja windri nunkangu wodatarana ngama-mai.”
23293	MAT 4:15	“Sebulon mitali ja Naphthali mitali pantunkari, Jordan kaiarani jerankari, ja Gralilaialali kojeli,
23294	MAT 4:16	Kana wolarali, tana ngalpurani ngamai, praitji pirna najina wonti, ja tanangu, tana naria pirini ja pungalani ngamai, tanangu praitji dunkana tarana wonti.”
23295	MAT 4:17	Jendranguta Jesujeli wonina wonti kaukaubala ja ja-tala: “Madlentjandru karitjianau, ngangau pariwilpaia milila karakara nganai.”
23297	MAT 4:19	Ja Nau pudlangu jatana wonti: “Ngakangu karipa-terialumai; ngato judlana kana maninietja ngankala nganai.”
23321	MAT 5:18	Ngangau morlalu ngani jurangu jatai: “Pariwilpa ja mita maru mudanantulu, wata tiwi kulno kara, malka waka-waka kulno kara jirijiribani jaurandru mudala nganai, jenia pratjana morlalu pantjinantulu.”
23323	MAT 5:20	Ngangau ngani jurangu jatai: “Talkula jurani wata morla ngumu ngananani jaura jinkinietjaia ja Pharisaiaia, jura morlalu wata pariwilpaia mililani wirila nganai.”
23324	MAT 5:21	Jura matja ngarana, worderu Nauja pinaru worangu jatana wonti: “Wata narielu nandramai”! warlenulu narielu nandrai, nunkangu kalala parai.
23325	MAT 5:22	Ja ngani jurangu jatai: “Worananau ngatatani nun-kanani baku tiririnani, nunkangu kalala parai; ja worananau ngatatani nunkanani jatai: “Raka”, nunkangu kalala parai kaparani; ja worananau nunkangu jatai: “Jidni jirijiri”, nunkangu kalala parai turu ngurali.”
23329	MAT 5:26	Morlalu ngani jinkangu jatai: “Jidni wata morla na-kandru dunkala nganai, jundru ngopera mudani marda jinki-nantulu.”
23330	MAT 5:27	Jura matja ngarana, worderu Nauja pinaru worangu jatana wonti: “Wata pinta wokaribamai”!
23331	MAT 5:28	Ja ngani jurangu jatai: “Warlenulu widla najinani, nankangu milkirina, nulu matja ngarali nankangunto pinta wokaribana warai.”
23334	MAT 5:31	Nauja jatana wonti: “Warlenulu noa nunkani wora-ranani, nulu nankangu narrani dakani jaura jinkinanto.”
23335	MAT 5:32	Ja ngani jurangu jatai: “Warlenulu noa nunkani wo-raranani, nani wata kantji palakantji ngananani, nulu nana pinta wokaribanietja ngankai; ja warlenulu narrani widla pa-tanani, nulu pinta wokaribai.”
23336	MAT 5:33	Nakaldra jura matja ngarana, worderu Nauja pinaru worangu jatana wonti: “Wata jedinali jaura morlalu jatamai, ja Kaparani jaura morlalu jinkani kuramai.”
23337	MAT 5:34	Ja ngani jurangu jatai: “Wata jaura morlalu jatamai, wata pariwilpani kara, ngangau nauja Godaia ngamani piri nganai.
23339	MAT 5:36	Bakana wata jinkani mangatandrani jaura morlalu jatamai, ngangau jidni ngandandariai, para kulno maru kara, waru kara ngankala.”
23340	MAT 5:37	Jaura jurani nganaiatimai: “Kau, kau; pani, pani;” mina pudlangu pinpi tarai, jenia madlentjandru dunkai.
23341	MAT 5:38	Jura matja ngarana, worderu Nauja jatana wonti: “Milki milkini, manatandra manatandrani.”
23342	MAT 5:39	Ja ngani jurangu jatai: “Madlentjani wata ngandra-walkaterianau, a-ai, warlenulu jidna ngadla ngunari nandrai, nunkangu bakana nguru jinkiteriau.
23345	MAT 5:42	Worananau jinkangu ngatjiai, nunkangu jinkiau; ja warlenulu ngantjai jinkangundru woljaia manila, wata nun-kangundru kulkateriau.”
23346	MAT 5:43	Jura matja ngarana, worderu Nauja jatana wonti: “Kamaneli jinkani ngantjamai, ja talpalani jinkanani kala-kalariamai.”
23347	MAT 5:44	Ja ngani jurangu jatai: “Talpala jurani ngantjanimai; tanali jurangu kalala madlentji kuranani, tanangu kalala ngumu kuranau; tana jurangu kalakalarinani, tanangu ngumu ngankanimai; tanali jurana ngirkibanani ja jurangu tirikari-paterinani, tanangundru ngatjianimai.
23348	MAT 5:45	Ngangau jura kupa nganananto Ngaperaia juranaia, Nauja pariwilpani; Nulia ditji pirna nunkani dunkalkai kanani madlentjani ja kanani ngumuni, ja talara jinkiai kana talkuni ja tjikatjikani.”
23353	MAT 6:2	Jundru kalumiltjamiltjarinali jinkinani, wata wima-ko-kujeli ngaiala ngankamai, kana jeljujeljujeli jeribaka, tanali jaura pungani ja paltuni jeruja ngankai, jendrania kanali tanana jurakokananto. Morlalu ngani jurangu jatai: “Tanali kalala tanani matja ngamalkai.”
23356	MAT 6:5	Ja jidni ngatjinani, wata kana jeljujelju jeribaka nga-namai, ngangau tanali ngantjai jaura pungani ja palto buruni terkana ngatjila, jendrania kanali tanana najinanto. Morlalu ngani jurangu jatai: “Tanali kalala tanani matja ngamalkai.”
23360	MAT 6:9	Jeruja ngatjianau: “Ngaperi ngaianini, jidni pariwilpani ngamala wapaia; Tala jinkani kulikiri pantjiatimai;
23364	MAT 6:13	Ja wata ngaianina wontjanilani wirilkamai, a-ai, ngai-anina madlentjani kulkamai; Ngangau jinkangu milila nganai ja ngurula ja pirnala ngurali. Amen.”
23367	MAT 6:16	Jura milja ngamanani, jura wata kana jeljujelju jeribaka mujarinanto; ngangau tana mudla marki ngankateriai kanani, tana miljangamanietja wondraterinanto. Morlalu ngani jurangu jatai: “Tanali kalala tanani matja ngamalkai.”
23376	MAT 6:25	Ngangau ngani jurangu jatai: “Wata manujeli ngun-dranau tepini juranani, mina jura tajilaj a tapala nganai; bakana wata palkuni juranani, mina jura widmaterila nganai. Wata tepi morla pirna nganai bukani ja palku katini?”
23380	MAT 6:29	Ngani jurangu jatai: “Bakana Salomo pirnalani nunkanani pratjanani wata widmaterina wonti tanangundru kulnuni jeribaka.”
23382	MAT 6:31	Ngangau wata manujeli ngundraterianau ja jatanau: “Mina ngaiani tajila nganai kara? Mina ngaiani tapala nganai kara? Mina ngaiani widmaterila nganai kara?”
23389	MAT 7:4	Worderu jidni ngatatani jinkanani jatananto kara: “Dabiau, ngato pita tiwitiwi milkindru jinkanani giltarananto; ja mai, pita wondra milkini jinkanani parai?
23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23408	MAT 7:23	Jendranguta ngato tanangu kalabala nganai: “Wata ngato jurana ngujamana wonti; ngakangundru wapanimai, jura tjikatjika ngankanietja.”
23412	MAT 7:27	Ja talara kunditji godana wonti, ja ngapa kumari wokarana wonti, ja watara ngakana wonti, ja ninapini punga tertapana wonti, ja nau tampurina wonti, ja tampurini nunkani pirna nganana wonti.”
23416	MAT 8:2	Ja mai, kana kulno gambanto wokarana wonti ja nunkangu pantjaterkana ngarina wonti ja jatana wonti: “Kaparajai, jidni jertapaterinani, jidni ngurunguru nganai ngana kulikiri ngankala.”
23417	MAT 8:3	Ja Jesus mara warpina wonti, ja Nulu nina karaka-rana wonti ja jatana wonti: “Ngani jertapateriai, kulikiri nga-namai.” Ja nurujeli nau kulikiri pantjina wonti nunkani gambandru.
23418	MAT 8:4	Ja Jesus jatana wonti nunkangu: “Mai, wata jundru jenia kanani kaukaubamai, a-ai, wapau, Priestani wondrate-riamai, ja nina poto jinkiau, nina Mosili jirijiribana wonti, tanangu malka nganananto.
23420	MAT 8:6	Ja jatana wonti: “Kaparajai, mili ngakanipungani parai tjunduru, ja pirna ketjaketjai.”
23421	MAT 8:7	Ja Jesus nunkangu jatana wonti: “Ngani wokarala nganai, nina tepi ngankala.”
23422	MAT 8:8	Ja juljaia kaparali kalabana wonti ja jatana wonti: “Kaparajai, ngani wata talku nganai, jidni punga ngalpani ngakanani wirinanto; windri jaura kulno jatamai, ja mili ngakani tepirila nganai.”
23423	MAT 8:9	Ngangau ngani kana nganai ja kaparani wodatarana ngamai; ja ngato mili wolara ngamalkai; ja ngani nunkangu-pini jatanani: “Jerra wapau!” ja nau wapai; ja kulnuni: “Kaparau!” ja nau wokarai; ja milini ngakanani: “Ninapini ngankau!” ja nulu jenia ngankai.”
23424	MAT 8:10	Jesujeli jenia matja ngarana, Nau ngaruparana wonti ja jatana wonti tanangu nunkangu karipaterinani: “Morlalu ngani jurangu jatai: Jenipara morlalu ngundrana ngato Isra-elani wata mankamankana warai.”
23425	MAT 8:11	Ja ngani jurangu jatai: “Marapu wokarala nganai ti-riwandru ja jendakarandru ja Abrahamangu ja Isaakangu ja Jakobangu jela pariwipaia mililani ngamala nganai,
23427	MAT 8:13	Ja Jesus jatana wonti juljaia kaparani: “Tikamai; worderu jundru morlalu ngundrana warai, jeruja jinkangu nganaiatimai.” Ja mili nunkani tepirina wonti nunkangupini ditjini.
23431	MAT 8:17	Ngangau morlalu pantjinanto, mina Jesaiasali Prophetali kaukaubana wonti, nau jatana wonti: “Muntali Nulu waltowalto ngaianani manina wonti, ja muntja ngaianani waltana wonti.”
23433	MAT 8:19	Ja jaura jinkinietja kulno nunkangu wokarana wonti ja jatana wonti: “Ngujangujara jinkinietjajai, ngani jinkangu karipaterila nganai, wodajeri jidni wapanani.”
23434	MAT 8:20	Ja Jesus nunkangu jatana wonti: “Kintala jampali minka ngamalkai, ja paiali ngaranani kunjila ngamalkai, ja Kanaia Ngatamurajeli piri pani ngamalkai, wodajeri kukadi terkala.”
23435	MAT 8:21	Nunkani milindru kulno nunkangu jatana wonti: “Kaparajai, ngakangu manuni kurau, ngani ngopera wapananto, ngaperi ngakani todila.”
23436	MAT 8:22	Jesus nunkangu jatana wonti: “Ngakangu karipateri-au, ja narieli muntali nari tanani todinanto.”
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23440	MAT 8:26	Ja Nau tanangu jatana wonti: “Minandru jura japali nganai, juru wuldrungundranietja?” Ngadani Nau terkakana wonti ja watarani ja pantuni dikidikibana wonti, ja dalpura pirna pantjina wonti.
23441	MAT 8:27	Ja kana ngaruparana wonti ja jatana wonti: “Mina kana Nauja nganai; ngangau watara ja panto nunkangu pan-kiji?”
23442	MAT 8:28	Ja Nau jerankari matja pararana Gergesena mitani, nunkangu kana mandru kutjinto dankamalina wonti” pudla narikutundru matja dunkana, tiri pirna, jeruja kana ngandan-darina wonti nunkangupini pal tuni palkingala.
23443	MAT 8:29	Ja mai, pudla maritjina wonti ja jatana wonti: “Mina ngaianingu ja jinkangu, Jesujai, Godaia Ngatamurajai? Jidni ninkida wokarana warai, ngaianingu jupala ditji talkuja woljaia?”
23445	MAT 8:31	Kutji wora nunkangu ngatjina wonti ja jatana wonti: “Jundru ngaianina dunkalkanani, ngaianingu manuni kurau piki ngamini wirinanto.”
23446	MAT 8:32	Ja Nau tanangu jatana wonti: “Wapanau!” tana matja dunkana, tana pikini wirina wonti; ja mai, piki ngami mardawonpa kalikalini kalikalibakana wonti pantuni, ja nga-pani palipalina wonti.
23450	MAT 9:2	Ja mai, tanali tjunduru kulno nunkangu wokaralkana wonti, nau turarani pirini paranani. Ja Jesujeli morlalu ngun-drana tanani matja najina, Nulu tjundurani jatana wonti: “Murlali nganamai, ngatamurajai, madlentji jinkani matja wo-rana warai!”
23451	MAT 9:3	Ja mai, jaura jinkinietja palpali warawarapana wonti: “Nulupini Goda ngirkibai.”
23452	MAT 9:4	Jesujeli ngundrana tanani matja, ngujamana, Nau jatana wonti: “Minandru jura jenia madlentji ngundrai ngarali juranali?
23453	MAT 9:5	Mina morla ngaua nganai jatala kara: “Madlentji jinkani matja worana;” jatala kara: “Terkakamai ja wirariau?”
23454	MAT 9:6	Ja jura ngujamananto, Kanaia Ngatamurajeli ngurula ngamalkai, mitani madlentji worala,” — Nau tjundurani jatana wonti: “Terkakamai, turarani piri jinkani patau, ja pun-gaia jinkanaia tikamai.”
23457	MAT 9:9	Ja Jesus nakandru wapana wonti, ja Nulu kana kulno najina wonti mardatandrakampanietjaia pungani ngamanani, tala nunkani Matthäus; ja Nau nunkangu jatana wonti: “Ngakangu karipateriau!” Ja nau terkakana wonti ja nunkangu karipaterina wonti.
23459	MAT 9:11	Ja jenia Pharisaiali matja najina, tana milini nunkanani jatana wonti: “Minandru ngujangujara jinkinietjali jura-nali mardatandrakampanietjani ja madlentji ngankamietjani jelali tajiai?”
23460	MAT 9:12	Jesujeli jenia matja ngarana, Nau tanangu jatana wonti: “Ngurungurujeli wata kunki ngundrai, a-ai, windri muntjali.
23461	MAT 9:13	Wapanau ja kiririanau, mina jenia wondrai: “Ngato kalumiltjamiltjarina ngantjai ja wata poto ngumu;” ngangau ngani wata wokarana warai kana talku karkala, a-ai, windri kana madlentji.
23462	MAT 9:14	Jendranguta Johannini mili nunkangu wokarana wonti ja jatana wonti: “Minandru ngaiani ja Pharisaia pota marapu milja ngamai, ja mili jinkani wata milja ngamai?”
23463	MAT 9:15	Ja Jesus tanangu jatana wonti: “Worderu noangan-tjanipirnaia kamaneli ngaurongauro ngamananto, noangantja-nipirna tanangu jela ngananani? Ditji wokarala nganai, tanali noangantjanipirna tanangundru manila nganai; ngadani tanaia milja ngamala ng-anai.
23465	MAT 9:17	Ja tanali wata waina marra jungani womalani kura-rai; junga purateriati, ja waina ngakaiati, ja junga tintateri-ati; a-ai, tanali waina marra junga marrani kurarai ja pud-lana jelalu kulkai.” (Ngantjani-jaura G. D. XXIV. Trmitatis)
23466	MAT 9:18	Nulu jenia tanangu kaukaubanani, mai, kapara kulno wokarana wonti ja nunkangu pantjaterkana ngarina wonti ja jatana wonti: “Ngatamura mankara ngakani karari matja pa-lina, kaparau, jidni mara nankangu kurateriamai, ja nani te-pirila nganai.”
23469	MAT 9:21	Ngangau nani jataterina wonti: “Ngato windri kati nunkani karanani, ngani tepirinani.”
23470	MAT 9:22	Jesujeli najina karitjina wonti ja nana najina wonti ja jatana wonti: “Murlali nganamai, ngatamurajai! morlalu ngundranali jinkanali jidna tepi ngankana warai.” Ja widla tepirina wonti nunkangupini ditjini.
23472	MAT 9:24	“Piri pinianimai; ngangau mankara wata nari, a-ai, windri mukaturarai.” Ja tana kinkana wonti nunkangu.
23475	MAT 9:27	Ja Jesus nakandru morla palkana wonti, ja nunkangu butju mandru karipaterina wonti, pudla maritjina wonti, ja jatana wonti: “Davidani ngatamurajai, ngalingu kalumiltja-miltjariau!”
23476	MAT 9:28	Nau pungani wirinani, butju wulu nunkangu wokarana wonti, ja Jesus pudlangu jatana wonti: “Judla morlalu ngundrai, ngani ngurunguru nganai, jenia ngankala”? Pudla nunkangu jatana wonti: “Kau, Kaparajai!”
23477	MAT 9:29	Ngadani Nulu pudlana milki karakarana wonti ja jatana wonti: “Worderu judla morlalu ngundrana warai, jeruja jud-langu pantjiatimai.”
23478	MAT 9:30	Ja pudla milki piririna wonti. Ja Jesujeli pudlana daudauana wonti ja jatana wonti: “Ngamalkaterialumai, wata kanali jenia ngujamananto.”
23481	MAT 9:33	Ja Nulu kutji matja dunkalkana warai, kana ngapula jatana wonti. Ja kana wolara ngaruparana wonti ja jatana wonti; “Wata pota kulno jenia Israelani pantjinala.”
23482	MAT 9:34	Pharisaia jatana wonti: “Nulia kutji dunkalkai kutjia kaparali.”
23485	MAT 9:37	Jendranguta Nau milini nunkanani jatana wonti: “Kampananto marapu parai, ja ngankanietja windri ngalje.”
23488	MAT 10:2	Mili marapratjana ja mandruja tala tanapini nganai: “Ngopera Simon, nina tanali dikai “Petrus” ja Andreas, ngatata nunkani; Jakobus, Zebedäuni ngatamura, ja Johamies, ngatata nunkani;
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23490	MAT 10:4	Simon, Kana ngurandru ja Judas Iskarioth, nulu nina wondawondana wonti.”
23491	MAT 10:5	Tananapini marapratjana ja mandru Jesujeli jinpana wonti, ja Nulu tanangu jirijiribana wonti ja jatana wonti: “Kana koja paltuni jura wata wapananto, ja Samarita ngurani jura wata wirinanto;
23493	MAT 10:7	Wapanau ja kaukaubanimai, ja jatanimai: “Pariwilpaia milila karakara nganai.”
23501	MAT 10:15	Morlalu ngani jurangu jatai: “Sodoma ja Gomorra mitalali kalala morla waka manila nganai kalala ditjini nunkangupini ngurani.”
23509	MAT 10:23	Tana jurangu tirikaripaterinani ngura kulnuni ngura nguruja mindrianau. Ngangau morlalu ngani jurangu jatai: “Jura Israelaia ngura pratjana wata mudala nganai Kanaia Ngatamura wokaranantulu.”
23528	MAT 10:42	Ja warle kulnuni tanangupini wakawakandru koko kulno ngapa malti jinkila nganai milia talani, morlalu ngani jnrangu jatai: “Nulu kalala nunkani wata tintala nganai.””
23531	MAT 11:3	Ja nunkangu jatana wnnti: “Naumata jidni, Nau wo-karananto kara, kulnuni ngaiani kalkananto kara?”
23532	MAT 11:4	Jesujeli kalabana wonti ja jatana wonti pudlangu: “Tikalumai, ja Johanningu kaukaubalumai, mina judla najila wapaia ja ngarala wapaia:
23534	MAT 11:6	Ja murlali pirna naupini nganai, nau ngakangu wata buljubuljuriai.”
23535	MAT 11:7	Pudla tikanani, Jesujeli wonina wonti kana wolarani jatala Johanningundru: “Mina najila jura pitaraia palkana paraia? Kalanka kulno, watarali wijawijabanani?
23538	MAT 11:10	Ngangau naupini nau nganai, nunkangundru dakanala parai: “Mai, ngato angela ngakani jinkangu mudlani ngopera jinpai, nulu palto jinkani jinkangu ngopera ngankingala nganai.”
23539	MAT 11:11	Morlalu ngani jurangu jatai: “Wata kulno tanangundru, widlandru dankanala, terkakana wonti morla pirna Jo-hanningu multibanietjani. Worananau morla waka nganai pariwilpaia mililani, nau morla pirna nganai nunkangu.”
23545	MAT 11:17	Ja jatai: “Ngaiani jurangu wilpina warai, ja jura wata kilina warai; ngaiani jindrana warai, ja jura wata ngauro-ngaurojeli nandraterina warai.”
23546	MAT 11:18	Ngangau Johannes wokarana warai wata tajina ja wata tapana, ja tanaia jatai: “Nulu kutji ngamalkai;”
23547	MAT 11:19	Ja Kanaia Ngatamura wokarana warai, Nulia tajiai ja tapai, ja tanaia jatai: “Najianau, Nauja kana mirantjatieli tajinietja ja tapanietja, mardatandrakampanietjaia ja madlentji ngankanietjaia kamaneli!” Ja Kirila kalala maniai kani kupandru.”
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23550	MAT 11:22	Ja ngani judlangu jatai: “Tyrus ja Sidon ngurali kalala ditjini kalala morla waka manila nganai judlangu.”
23552	MAT 11:24	Ja ngani jurangu jatai: “Sodom mitalali kalala ditjini kalala morla waka manila nganai jinkangu.””
23553	MAT 11:25	Jendranguta Jesujeli kalabana wonti ja jatana wonti: “Ngato jidnana Ngaperiai, Kapara pariwilpaia ja mitaia, jurakokala wapaia; ngangau jundru jenia kana kirini ja nguja-manietjani kutibana warai ja kupani tinkari ngankana warai;
23558	MAT 11:30	Ngangau pita wokara ngakani manju, ja juditji ngakani ngaua nganai.”
23560	MAT 12:2	Pharisaiali jenia najina, tana nunkangu jatana wonti: “Mai, milieli jinkanali ngankai, jenia wata talku nganai Sabbat ditjini.”
23561	MAT 12:3	Nau tanangu jatana wonti; “Jura wata warapanala, mina Davidali ngankana wonti jendranguta, nau mauali nganana wonti ja tana nunkangunto?
23564	MAT 12:6	Ngani jurangu jatai: “Ninkida Kulno nganai, Nauja morla pirna nganai Godaia pungani.”
23565	MAT 12:7	Jura ngujamanani mina jenia wondrai: “Ngato nganjai kalumiltjamiltjarina ja wata poto ngumu,” jura tanangu, madlentji panini, wata kalala dikanani.
23568	MAT 12:10	Ja mai, naka kana kulno nganana wonti, nau mara muja nganana wonti. Ja tanali nina jakalkana wonti ja jatana wonti: “Jenia talku nganai, Sabbat ditjini tepi ngankala?” Ngangau tana nunkangundru ngulkuterkananto.
23569	MAT 12:11	Nau tanangu jatana wonti: “Worana kana jurangun-dru nganai, nulia tjipi kulno ngamalkai, nau Sabbat ditjini kutuni purinani, nulia nina wata patala nganai ja dukarala nganai?”
23570	MAT 12:12	Worderu morla pirna kana nganai tjipini? Jeruja bakana talku nganai Sabbat ditjini ngumu ngankala.”
23571	MAT 12:13	Ngadani Nau nunkangupini kanani jatana wonti: “Mara ngutateriau!” ja nau ngutaterina wonti, ja mara tepi pantjina wonti nguruni jeribaka.
23576	MAT 12:18	“Mai, Ngatamura ngakani, ninaia ngato kalkalkana wonti, ja Ngantjanipirna ngakani, worangu ngani mungara manju nganai; Ngato Jaola ngakani nunkangu kurala nganai, ja Nulia kana wolarani kalala kaukaubala nganai.
23579	MAT 12:21	Ja kana wolarali talani nunkanani wolkareli kalkala nganai.”
23581	MAT 12:23	Ja kana wolara ngaruparana wonti ja jatana wonti: “Wata Naupini Davidani ngatamura nganai?”
23582	MAT 12:24	Pharisaiali jenia matja ngarana, tana jatana wonti: “Nulupini kutji windri Beelsebub, kutjia kaparali dunkalkai.”
23583	MAT 12:25	Jesujeli ngundrana tanani matja ngujamana, Nau tanangu jatana wonti: “Milila pratjana, munta piltjaru ngankaterinani, pitaru jeribaka pantjila nganai, ja ngura ja punga pratjana, munta piltjaru ngankaterinani, wata terkala nganai.
23588	MAT 12:30	Worana wata ngakangunto nganai, nau tula ngakani nganai; ja warle wata ngakangunto kampai, nulu piltjaru ngankai.”
23589	MAT 12:31	Jendrania ngani jurangu jatai: “Madlentji ja ngirkibani jaura pratjana Godali kanani kalingala nganai; windri Jaola ngirkibana Nulia wata kalingala nganai.
23594	MAT 12:36	Ngani jurangu jatai: “Jaura baku pratjanandru, tanana kana jatala nganai, tanali kalabananto kalala ditjini.”
23595	MAT 12:37	Ngangau jinkani jaurandru Nulia jidna talku dikala nganai, ja jinkani jaurandru Nulia jinkangu kalala jinkila nganai.”
23596	MAT 12:38	Jendranguta jaura jinkinietja ja Pharisaia palpali nunkangu kalabana wonti ja jatana wonti: “Ngujangujara jinkinietjajai, ngaiani ngantjai malka jinkangundru najila.”
23597	MAT 12:39	Nulu kalabana wonti ja tanangu jatana wonti: “Nguja madlentjali ja palakantjieli malka wontiai, ja tanali wata malka manila nganai, windri Prophetaia Jonani malka.
23602	MAT 12:44	Ngadani nau jatai: “Ngani tikala nganai pungaia ngakanaia, woderindru ngani matja dunkana.” Ja nau wokarana, nulu nina mankamankai kala, ja matja darpana, ja tjirkatjirkana.
23603	MAT 12:45	Ngadani nau palkai, ja nulu wapalkai kutji mara wora ja mandru, morla madlentji nunkangu, ja tana wiriai naka ngamala; ja ngadani naupini kana morla madlentji pantjila nganai ngoperalani. Jeruja bakana nunkangupini nguja madlentjani pantjila nganai.”
23605	MAT 12:47	Kulno nunkangu jatana wonti: “Mai, ngandri jinkani ja ngatata jinkani palarani terkala wapaia ja jertapaterila Wapaia jinkangu ngankamalila.”
23606	MAT 12:48	Nulu kalabana wonti ja jatana wonti nunkangu, nau jenia jatanani: “Worana ngandri ngakani ja warletana ngatata ngakani?”
23607	MAT 12:49	Ja Nulu nguna warpina wonti milini nunkanani ja jatana wonti: “Najianau, ngandri ngakani ja ngatata ngakani!”
23608	MAT 12:50	“Ngangau warle Ngaperaia ngakanaia pariwilpalaia jertapaterina ngankai, naupini ngatata ngakani ja kaku ngakani ja ngandri ngakani nganai.”
23611	MAT 13:3	Ja Nulu tanangu jaura marapu kaukaubana wonti jeribaka jaurali ja jatana wonti: “Mai, jaupanietja wapana wonti jaupala.
23617	MAT 13:9	Warle talpa ngamalkai ngarala, nulu ngaraiatimai!”
23618	MAT 13:10	Ja mili nunkani nunkangu wokarana wonti ja jatana wonti: “Minandru jidni tanangu jeribaka jaurali jatai?”
23619	MAT 13:11	Nulu kalabana wonti ja jatana wonti tanangu: “Jurangu matja jinkina warai, jaura kurukuru Godaia mililandru ngujamananto, ja tanangu jenia wata jinkina warai.
23622	MAT 13:14	Ja tanangu morlalu pantjiai Jesaiasani talpadakani jaura, nau jatana wonti: “Talpali jura ngarala nganai ja bulu ngundrala nganai, ja milkieli jura najila nganai ja bulu najila nganai.
23623	MAT 13:15	Ngangau tananipini kana wolaraia ngara pariai, ja tanaia talpa talpakuru, ja tanaia milki butju; ngankateriai, ngangau tanalia milkieli bulu najinanto ja talpali bulu nga-rananto ja ngarali bulu ngujamananto, ja wata madlentjandru karitjinanto, ngato tananaia tepi ngankananto.”
23625	MAT 13:17	Ngangau morlalu ngani jurangu jatai: “Propheta ja kana talku marapu wolkareli nganana wonti najila, mina jura najila wapaia, ja tanali jenia wata najina wonti, ja ngarala, mina jura ngarala wapaia, ja tanali jenia wata ngarana wonti.”
23627	MAT 13:19	“Warle jaura mililandru ngarai ja wata ngujamai, nunkangu kutji wokarai, ja nulu jenia dukarai, mina ngarani matja jaupana; naupini nau nganai, nina paltuni jaupana warai.
23631	MAT 13:23	Nina mita ngumuni jaupana warai, nau nganai, nulu jaura ngarai ja ngujamai; nulupini tandra punkibai, kulnujeli tandra 100, kulnujeli tandra 60, kulnujeli tandra 30.”
23632	MAT 13:24	Jeribaka jaura nguru Nulu tanangu kurana wonti ja jatana wonti: “Pariwilpaia milila kana kulno jeribaka nganai, nulu paua ngumu mitani nunkanani jaupana wonti.
23635	MAT 13:27	Ja pungaia kaparaia mili wora wokarana wonti ja jatana wonti nunkangu: “Kaparajai! wata jundru paua ngumu mitani jinkanani jaupana paraia? Woderindru nindri madlentji?”
23636	MAT 13:28	Nau tanangu jatana wonti: “Talpalali jenia ngankana paraia.” Mili nunkangu jatana wonti: “Jundru ngantjai, ngaiani wapananto, nina mulkana dukarala?”
23637	MAT 13:29	Nau jatana wonti: “Pani; buka kanta jura bakana dukaraiati, nindri madlentji dukarana.
23638	MAT 13:30	Pudla wolja jela punkananto kampani ditjielu, ja kampani ditjini ngani kampanietjani jatala nganai: Ngopera nindri madlentji kampanau, ja kuma ngankanau, nina turujeli japila; ja buka tandra kampani pungani ngakanani mapani-mai.””
23639	MAT 13:31	Jeribaka jaura nguru Nulu tanangu kurana wonti ja jatana wonti: “Pariwilpaia milila tandra wakawaka jeribaka nganai, ninapini kana kulnujeli manina wonti ja mitani nun-kanani jaupana wonti.
23640	MAT 13:32	Nau morla waka nganai tandra nguja marapuni; nau matja pirnarina, nau morla pirna nganai nindri nguja marapuni, ja pitariai, jeruja tjilpini nunkanani paia ngaranala wokarai, ja ngamai.”
23641	MAT 13:33	Jeribaka jaura nguru Nau tanangu jatana wonti: “Pariwilpaia milila pulkurutjeribani buka jeribaka nganai, nina widla kulnujeli manina wonti ja duldruwana wonti koko pirna parkulu buka turarani, nau pulkurutjeranantulu.”
23643	MAT 13:35	Ngangau morlalu pantjinanto, mina Prophetali kaukaubana wonti, nau jatana wonti: “Ngani mana wilparila nganai jeribaka jaurali, ngato kaukaubala nganai, mina kuru-kuru nganana wonti mita pantjimanandru.”
23644	MAT 13:36	Ngadani Jesujeli kana wolara jinpana wonti ja pungani wokarana wonti. Ja mili nunkani nunkangu wokarana wonti ja jatana wonti: “Jeribaka jaura nindri madlentjandru mitani ngaianingu mildiri ngankamai.”
23645	MAT 13:37	Nulu tanangu kalabana wonti: “Nulu paua ngumu jaupai, Nau Kanaia Ngatamura nganai;
23651	MAT 13:43	Jendranguta kana talku mintjila nganai ditji pirna jeribaka tanani Ngaperaia mililani.” Warle talpa ngamalkai ngarala, nulu ngaraiatimai!
23659	MAT 13:51	Jesus tanangu jatana wonti: “Jura tananapini pratjana ngundrana warai?” Tana nunkangu jatana wonti: “Kau, Kaparajai!”
23660	MAT 13:52	Nau tanangu jatana wonti: “Jendrania jaura jinki-nietja pratjana, tana mili pantjinala pariwilpaia mililaia, punga ngamalkanietja jeribaka nganai, tanali tanani poto pir-nandru marra ja womala dunkalkai.”
23662	MAT 13:54	Ja Nau ngura kamanelini wokarana wonti, ja Nulu tanangu ngujangujara jinkina wonti jaura pungani tananani, ja tana pirna ngaruparana wonti ja jatana wonti: “Wodajerindru Nulia ninapini kiri ja ngurula manina?
23664	MAT 13:56	Ja wata kaku nunkani pratjana ngaianangu jela nganai? Wodajerindru Nulia jenia pratjana manina?”
23665	MAT 13:57	Ja tana nunkangu kuterina wonti. Ja Jesus tanangu jatana wonti: “Propheta wata waka nganai, windri ngura ka-manelini ja pungani nunkanani.”
23668	MAT 14:2	Ja nau milini nunkanani jatana wonti: “Naupini Johannes multibanietja nganai, Nau narindru jiritjina warai; ngangau Nulu jenia pirnala ngankai.”
23670	MAT 14:4	Ngangau Johannes nunkangu jatana wonti: “Jinkangu wata talku nganai nana ngamalkananto.”
23674	MAT 14:8	Ngandrieli nankanali nana matja kurukurubana, nani jatana wonti: “Jinkiau ngakangu ninkida pirrani Johannes multibanietja mangatandra.”
23681	MAT 14:15	Matja kalkaurarina, mili nunkani nunkangu wokarana wonti ja jatana wonti: “Ninkida pitaru nganai ja ditji matja wirina; kana wolara jinpau, tanaia nguraia wapananto buka tanani burungankala.”
23682	MAT 14:16	Jesus tanangu jatana wonti: “Tanaia wata wapananto; jura tanangu buka jinkianau.”
23683	MAT 14:17	Tana nunkangu jatana wonti: “Ngaiani ninkida windri buka ngunku mara wora ja paru mandru ngamalkai.”
23684	MAT 14:18	Nau jatana wonti: “Jura ngakangu tanana padakani-mai.”
23692	MAT 14:26	Ja milieli nina najina ngapani wapanani, tana japali pirna pantjina wonti jo jatana wonti: “Kutji Nauja nganai!” ja tana japali maritjina wonti.
23693	MAT 14:27	Nurujeli Jesus tanangu jatana wonti: “Murlali nga-nanimai, ngani Nauja; wata japali ngananimai!”
23694	MAT 14:28	Petrujeli nunkangu kalabana wonti ja jatana wonii: “Kaparajai! Jidni ngananani, ngana karkamai, ngani jinkangu ngapani wokarananto.”
23695	MAT 14:29	Nau jatana wonti: “Kaparau!” Ja Petrus botandru ngarina wonti ja ngapani wapana wonti, Jesungu wokarala.
23696	MAT 14:30	Nulu watara pirna najina, nau japali pantjina wonti; ja nau nganana ngarina wonti kunakutila, nau maritjina wonti ja jatana wonti: “Käparajai, ngana kulkamai!”
23697	MAT 14:31	Nurujeli Jesujeli nguna warpina wonti ja nina patana wonti ja jatana wonti: “Wuldrungundranietjajai, minan-dru jidni mangangankai?”
23699	MAT 14:33	Tana kana botani wokarana wonti nunkangu pantjaterkana ngarila, ja jatana wonti: “Morlalu, Jidni Godaia Ngatamura nganai.”
23704	MAT 15:2	“Minandru milieli jinkanali pinaraia jirijiribani jaura dankarai? Ngangau tanali mara wata kulirkateriai buka tajila.”
23705	MAT 15:3	Nulu kalabana wonti ja tanangu jatana wonti: “Minandru jura Godaia jirijiribani jaura dankarai jurani jirijiribani jaurandru?”
23706	MAT 15:4	Ngangau Godali jirijiribana wonti ja jatana wonti: “Ngaperi ja ngandri pirna ngundramai!” ja: “Warle ngaperani ja ngandrini jaura madlentji jatai, nau naria palinanto.”
23707	MAT 15:5	Ja jura jatai: “Worana npaperani kara ngandrini kara jatai: Poto ngumu ngato jinkiai, mina jinkangu ngumu nganai, nina jundru ngakangundru maninanto;” ja nulu ngaperi nunkani kara, ngandri nunkani kara, wata pirna ngundrananto.”
23710	MAT 15:8	“Tanapini kana wolara manali ngakangu wokarai ja manamimieli ngana pirna ngundrai, ja tanani ngara ngakangu worita nganai.
23711	MAT 15:9	Bakujeli tanali ngana pirna ngundrai; ngangau tanali kanaia jirijiribani jaurandru ngujangujara jinkiai.”