23214	MAT 1:1	Pantjipantjini-jaura Jesu Christungundru, Davidani nga-tamuraia, Abrahamani ngatamuraia;
23215	MAT 1:2	Abrahamali kantji patana wonti Isaak, Isaakali kantji patana wonti Jacob, Jakobali kantji patana wonti Juda ja neji ja ngatata nunkani;
23216	MAT 1:3	Judali kantji patana wonti Phares ja Zara Thamarangun-dru, Pharesali kantji patana wonti Esrom, Esromali kantji patana wonti Aram;
23217	MAT 1:4	Aramali kantji patana wonti Aminadab, Aminadabali kantji patana wonti Naasson, Naassonali kantji patana wonti Salmon;
23218	MAT 1:5	Salmonali kantji patana wonti Boas Rahabangundru, Boasali kantji patana wonti Obed Ruthangundru, Obedali kantji patana wonti Jessai;
23219	MAT 1:6	Jessaili kantji patana wonti mitaia kapara David, David mitaia kaparali kantji patana wonti Salomo Uriani no-andru;
23220	MAT 1:7	Salomojeli kantji patana wonti Rehabeam, Rehabea-mali kantji patana wonti Abia, Abiali kantji patana wonti Asa;
23221	MAT 1:8	Asali kantji patana wonti Josaphat, Josaphatali kantji patana wonti Joram, Joramali kantji patana wonti Usia;
23222	MAT 1:9	Usiali kantji patana wonti Jotham, Jothamali kantji patana wonti Ahas, Ahasali kantji patana wonti Hiskias;
23223	MAT 1:10	Hiskiasali kantji patana wonti Manasse, Manassili kantji patana wonti Amon, Amonali kantji patana wonti Josia;
23225	MAT 1:12	Ja tanali tanana Babylaia matja wapalkana, Jecho niali kantji patana wonti Salathiel, Salathieli kantji patana wonti Sembabel;
23226	MAT 1:13	Serubabelali kantji patana wonti Abiud, Abiudali kantji patana wonti Eliakim, Eliakimali kantji patana wonti Azor;
23227	MAT 1:14	Azorali kantji patana wonti Sadok, Sadokali kantji patana wonti Achim, Achimali kantji patana wonti Eliud;
23228	MAT 1:15	Elmdali kantji patana wonti Eleasar, Eleasarali kantji patana wonti Matthan, Matthanali kantji patana wonti Jacob;
23230	MAT 1:17	Kapara pratjana Abrahamangundru Davidanilu ma-rapratjana ja mandrumandru nganai; Davidandru Babylaia wapalkanantulu kapara marapratjana ja mandrumandru nganai; Babylaia wapalkanandru Christungulu kapara marapratjana ja mandrumandru nganai.
23233	MAT 1:20	Nulu jenia ngundranani, mai, Godaia angela kulno ngapitjani nunkangu wondraterina wonti ja jatana wonti: “Josephajai, Davidani ngatamurajai, wata japali nganau, Maria, noa jinkani patala; ngangau mina nandru patana wa-rai, Jaola kulikirindru nganai.
23234	MAT 1:21	Nandru kupa kanku kantji patala nganai; nina jun-dru JESUS dikala nganai; ngangau kana wolara nunkani Nulu kulkala nganai tanani madlentjandru.”
23239	MAT 2:1	Jesus matja kupa dankana warai Bethlehemingu, Ju-daia mitani, Herodini mitaia kaparaia ditjini; mai, jendra-nguta kana kiri wora tiriwandru Jerusalemingu wokarana wonti,
23243	MAT 2:5	Ja tana nunkangu jatana wonti: “Bethlehemingu Ju-daiani”; ngangau jeruja Prophetali dakana wonti:
23248	MAT 2:10	Tanali nina ditji waka najina, tana murlali pirna mankina wonti;
23249	MAT 2:11	Ja tana pungani matja wirina, tanali kupa waka najina wonti Mariangu, ngandrini nimkanani jela; ja tana pan-tjaterkana ngarina wonti nunkangu, ja tanali poto pirna pil-tana wonti, ja nunkangu poto jinkina wonti: Marda, maralje, kuli ngmmi ja kaldri pilki.
23251	MAT 2:13	Tana matja puntina, mai, Kaparaia angela kulno Josephangu ngapitjani wondraterina wonti ja jatana wonti: “Jiritjiau ja kupa ja ngandri nunkani manina kurau ja kuri-kariau Egypta mitaia, ja naka ngamamai, ngani jinkangu ja-tanantulu; ngangau Herodes jertapateriai kupa wontila nina-para nandrala.”
23256	MAT 2:18	“Ramangu tanali ngaiala ngarana wonti, miritja ja jildri ja juajuangana pirna; Rahel nankani kupandru jindra-na wonti ja wata ngantjana wonti ngankalkananto, ngangau tana panila nganai.”
23258	MAT 2:20	Ja jatana wonti: “Jiritjiau ja kupa ja ngandri nunkani manina kurau, ja tikau, Israel mitaia; ngangau tana matja nari, tanali kupaia tepi wontina wonti.”
23260	MAT 2:22	Nulu matja ngarana, Archelaus Judaia mitaia kapara nganai Herodini ngaperaia nunkanaia pirini, nau japali pantjina wonti nakani palkala; ja nulu ngapitjali jirijiribani jaura manina wonti, ja nau palkana wonti Galilaia mitaia.
23261	MAT 2:23	Ja nau wokarana wonti ja ngamana wonti ngura kulnuni, tala nunkani Nazareth; ngangau morlalu pantjinanto Prophetaia jaura: “Tanali nina Nazarethala dikala nganai.”
23264	MAT 3:3	Naupini nau nganai, nunkangundru Jesaiasali Prophetali kaukaubana wonti; “Karkanietjaia ngaiala pitarani parai: Kaparaia palto ngankinganimai, ja tidha-palto nunkani talku ngankanimai.”
23270	MAT 3:9	Ja wata munta ngundraterianau: “Ngaiana Abraham ngaperi ngaianani ngamalkai”; ngangau ngani jurangu jatai: “Goda ngurunguru nganai, tanangupini mardandru kupa ji-ritjibala Abrahamangu;”
23271	MAT 3:10	Kalara matja pita kaparani parai; Pita pratjana, wata tandra ngumu punkibanani, wokaribala nganai ja turuni worala nganai.
23272	MAT 3:11	Ngato jurana ngapali multibai madlentjandru karitji-malkala; ngakangu ngadani kulno wokarala nganai, Nau morla ngurunguru nganai ngakangu, nunkangu ngani wata talku nganai, tidnaputa nunkani padakijiribala, Nulu jurana multi-bala nganai Jaolali kulukirieli ja turujeli.
23277	MAT 3:16	Jesujeli matja multibanila manina, Nau nurujeli nga-pandru dunkana tarana wonti; ja mai, pariwilpa piririna wonti, ja nulu najina wonti Godaia Jaola ngarinani mulapara jeribaka wokarala nunkangu.
23284	MAT 4:6	Ja nunkangu jatana wonti: “Jidni Godaia Ngatamura ngananani, ngarinalu kulkungamai; ngangau dakanala parai: Nulu angelani nunkanani jirijiribala nganai jinkangundru, tanali jidna marali ngamalkala nganai, wata jidni tidna mar-dani dakaterinanto.”
23290	MAT 4:12	Jesujeli matja ngarana, tanali Johannes kanjangari pungani widmana warai, Nau puntina wonti Galilaiaia;
23291	MAT 4:13	Ja Nulu Nazareth worarana wonti ja ngura manina wonti Kapernaum ngamala, nau panto dirkalani parai, Sebu-lon ja Naphthali wondirani;
23296	MAT 4:18	Jesus Galilaia pantuni dirkalani wirarina wonti, ja Nulu neji mara wulana najina wonti, Simon, nina talali dikai Petrus, ja Andreas ngatata nunkani; pudlali jama pantuni worana wonti, ngangau pudla paru maninietja nganana wonti.
23297	MAT 4:19	Ja Nau pudlangu jatana wonti: “Ngakangu karipa-terialumai; ngato judlana kana maninietja ngankala nganai.”
23299	MAT 4:21	Ja Nau nakandru morla wapana wonti, ja Nulu neji mara mandru morla najina wonti, Jakobus, Zebedäuni ngatamura, ja Johannes, ngatata nunkani; pudlali botani Zebedä-us, pudlani ngaperani jela, jama karpana wonti. Ja Nulu pudlana karkana wonti.
23302	MAT 4:24	Ja pinti nunkangundru dunkana wonti Syria mitaia paruparu, ja tanali nunkangu muntja pratjana padakana wonti, tana muntja ja ketjaketjana pilki ja pilki nganana wonti, ja kana kutjinto ja pirala muntja ja tjunduru; ja Nulu tanana pratjana katitepi ngankana wonti.
23304	MAT 5:1	Matja Nulu kana wolara najina, Nau mardawonpaia tarana wonti; ja Nau matja ngamana ngarina, mili nunkani nunkangu wokarana wonti.
23315	MAT 5:12	Mankianimai ja murlali ngananau, ngangau kalala jurani pirna nganai pariwilpani; ngangau jeruja tana bakana Propheta worangu, jurangu ngopera ngananala, tirikaripate-rina wonti.
23322	MAT 5:19	Warlenulu nunkangupini jirijiribani jaurandru kulno wakawaka dukaranani ja jeruja kanani ngujangujara jinki-nani, nau wakawaka nganala nganai pariwilpaia mililani; warlenulu tanana ngankanani ja ngujangujara jinkinani, nau pirna nganala nganai pariwilpaia mililani.
23325	MAT 5:22	Ja ngani jurangu jatai: “Worananau ngatatani nun-kanani baku tiririnani, nunkangu kalala parai; ja worananau ngatatani nunkanani jatai: “Raka”, nunkangu kalala parai kaparani; ja worananau nunkangu jatai: “Jidni jirijiri”, nunkangu kalala parai turu ngurali.”
23328	MAT 5:25	Nurujeli murlali nganamai talpalani jinkanani, je-runtjaia ditji jidni nunkangunto paltuni nganai; talpalali jid-na kalala kuranietjani jinkiati, ja kalala kuranietjali jidna jinkiati milini, ja jidna kanjangari pungani widmaiati.
23332	MAT 5:29	Milki ngunarali jidna karkarkanani, ninaia dukarau ja worau jinkangundru; ngangau jinkangu ngumu nganai jinkani palku buru kulno tintananto, Nulia palku buru pratjana turuni woraiati.
23333	MAT 5:30	Ja mara ngunarali jidna karkarkanani, ninaia woka-ribau, ja jinkangundru worau; ngangau jinkangu ngumu nganai, jinkani palku buru kulno tintananto, palku buru pratjana turuni wiriati.
23335	MAT 5:32	Ja ngani jurangu jatai: “Warlenulu noa nunkani wo-raranani, nani wata kantji palakantji ngananani, nulu nana pinta wokaribanietja ngankai; ja warlenulu narrani widla pa-tanani, nulu pinta wokaribai.”
23340	MAT 5:37	Jaura jurani nganaiatimai: “Kau, kau; pani, pani;” mina pudlangu pinpi tarai, jenia madlentjandru dunkai.
23345	MAT 5:42	Worananau jinkangu ngatjiai, nunkangu jinkiau; ja warlenulu ngantjai jinkangundru woljaia manila, wata nun-kangundru kulkateriau.”
23347	MAT 5:44	Ja ngani jurangu jatai: “Talpala jurani ngantjanimai; tanali jurangu kalala madlentji kuranani, tanangu kalala ngumu kuranau; tana jurangu kalakalarinani, tanangu ngumu ngankanimai; tanali jurana ngirkibanani ja jurangu tirikari-paterinani, tanangundru ngatjianimai.
23348	MAT 5:45	Ngangau jura kupa nganananto Ngaperaia juranaia, Nauja pariwilpani; Nulia ditji pirna nunkani dunkalkai kanani madlentjani ja kanani ngumuni, ja talara jinkiai kana talkuni ja tjikatjikani.”
23352	MAT 6:1	Ngamalkaterianau, talkula jurani wata kana mudlani ngankala, tanali jurana najinanto; jura kalala pani Ngape-rani juranani pariwilpani ngamalkaiati.
23358	MAT 6:7	Jura ngatjinani, wata manabaka ngarranau kana ko jeribaka; ngangau tanali ngundrai, jaura marapundru Godali tanana ngarala nganai.
23359	MAT 6:8	Wata tanali jeribaka ngundranau; ngangau Ngaperi jurani milkila, mina jura ngamalkananto, windrila jura nunkangu ngatjinani.
23360	MAT 6:9	Jeruja ngatjianau: “Ngaperi ngaianini, jidni pariwilpani ngamala wapaia; Tala jinkani kulikiri pantjiatimai;
23361	MAT 6:10	Milila jinkani wokaraiatimai; Jertapaterina jinkani pantjiatimai, worderu pariwilpani jeruja bakana mitani;
23362	MAT 6:11	Buka ngaianini ngaianingu karari jinkiamai;
23363	MAT 6:12	Madlentji ngaianini woramai, worderu bakana ngaiani kana nguruja madlentji worala wapaia;.
23364	MAT 6:13	Ja wata ngaianina wontjanilani wirilkamai, a-ai, ngai-anina madlentjani kulkamai; Ngangau jinkangu milila nganai ja ngurula ja pirnala ngurali. Amen.”
23367	MAT 6:16	Jura milja ngamanani, jura wata kana jeljujelju jeribaka mujarinanto; ngangau tana mudla marki ngankateriai kanani, tana miljangamanietja wondraterinanto. Morlalu ngani jurangu jatai: “Tanali kalala tanani matja ngamalkai.”
23369	MAT 6:18	Ngangau jidni kanani wata milj angamanietja wondraterinanto, a-ai, windri Ngaperani jinkanani, Nauja kurukuruni nganai; ja Ngaperali jinkanali kurukuruni najiai, ja Nulia jinkangu kalala jinkila nganai tinkari.
23375	MAT 6:24	Kana kulno ngandandariai kapara mandruni mili nga-mala, nau kulnuni kalakalarila nganai, ja kulno nulu ngan-tjala nganai kara; kulnuni nau wodatarana ngamala nganai, ja kulnuni gilbarila nganai kara. Jura ngandandariai Godani ja Mammonani mili ngamala.
23376	MAT 6:25	Ngangau ngani jurangu jatai: “Wata manujeli ngun-dranau tepini juranani, mina jura tajilaj a tapala nganai; bakana wata palkuni juranani, mina jura widmaterila nganai. Wata tepi morla pirna nganai bukani ja palku katini?”
23379	MAT 6:28	Ja minandru jura manujeli ngundrai katini? Ngu-nandula najianau maruni, worderu tanaia punkai; tanalia wata ngankai ja wata turpai.
23381	MAT 6:30	Godali kanta maruni jeruja widmanani, nauja karari nganai, ja tankubana tanali ninaia turupirini worai; Nulia jenia jurangu wata ngankananto, jura wuldrungundranietja wo-rajai?
23383	MAT 6:32	Jenia pratjana kana kojeli wontiai; ngangau Ngaperali juranali pariwilpani ngujamai, jura jenia pratjana nga-malkananto.
23385	MAT 6:34	Ngangau wata manujeli ngundranau tankubanaia; ngangau tankubana ditji munta manujeli ngundraterila nganai. Matja nganai, ditji pilki nauja pilkildra nunkani manujeli ngundraterinanto.
23387	MAT 7:2	Ngangau mina kalala jura kurai, jenipara kalala jura manila nganai; ja mina kokujeli jura nguja jinkiai, jenia koko jura nakaldra manina tikala nganai.
23389	MAT 7:4	Worderu jidni ngatatani jinkanani jatananto kara: “Dabiau, ngato pita tiwitiwi milkindru jinkanani giltarananto; ja mai, pita wondra milkini jinkanani parai?
23392	MAT 7:7	Ngatjianimai, ja Nulia jurangu jinkila nganai; wonti-animai, ja jura mankamankala nganai; nandranandranimai, ja mana jurangu wilpa pantjila nganai.
23393	MAT 7:8	Ngangau worana ngatjiai, nulu manila nganai; ja war-le wontiai, nulu mankamankala nganai; ja warle nandranan-drai, nunkangu mana wilpa pantjila nganai.
23396	MAT 7:11	Ja jura, madlentji ngananani, ngujamai kupani jura-nani poto ngumu jinkila; worderu morla Ngaperali juranali pariwilpani poto ngumu jinkila nganai tanangu, tana nunkangu ngatjinani?
23397	MAT 7:12	Pratjana, mina jura ngantjai, kanali jurangu nganka-nanto, jenia bakana tanangu ngankanau; naupini jirijiribani jaura ja Prophetaia nganai.
23398	MAT 7:13	Manani wuldruni wirianau; ngangau mana maru nganai ja palto maru, nauja turuja wapai, ja marapu nunkangu-pini palkai.
23400	MAT 7:15	Jedikantji Prophetandru ngamalkaterianau; tjipi kati-eli tana jurangu wokarai, ja mandrani tana pandipandi pu-ranietja nganai.
23408	MAT 7:23	Jendranguta ngato tanangu kalabala nganai: “Wata ngato jurana ngujamana wonti; ngakangundru wapanimai, jura tjikatjika ngankanietja.”
23410	MAT 7:25	Ja talara kunditji godana wonti, ja ngapa kumari wokarana wonti, ja watara ngakana wonti ja ninapini punga tertapana wonti, ja bulu tampuribana wonti; ngangau nina marda tulurana wotinala.
23411	MAT 7:26	Ja warle tananapini jaura ngakani ngarai ja wata ngankai, nau kana patipati jeribaka nganai, nulu punga nunkani mita ngalarani wotinala;
23422	MAT 8:8	Ja juljaia kaparali kalabana wonti ja jatana wonti: “Kaparajai, ngani wata talku nganai, jidni punga ngalpani ngakanani wirinanto; windri jaura kulno jatamai, ja mili ngakani tepirila nganai.”
23423	MAT 8:9	Ngangau ngani kana nganai ja kaparani wodatarana ngamai; ja ngato mili wolara ngamalkai; ja ngani nunkangu-pini jatanani: “Jerra wapau!” ja nau wapai; ja kulnuni: “Kaparau!” ja nau wokarai; ja milini ngakanani: “Ninapini ngankau!” ja nulu jenia ngankai.”
23427	MAT 8:13	Ja Jesus jatana wonti juljaia kaparani: “Tikamai; worderu jundru morlalu ngundrana warai, jeruja jinkangu nganaiatimai.” Ja mili nunkani tepirina wonti nunkangupini ditjini.
23429	MAT 8:15	Ja Nulu nana mara patana wonti, ja muntja turuturujeli nana worarana wonti; ja nani jiritjina wonti ja tanangu mili nganana wonti.
23438	MAT 8:24	Ja mai, watara pirna wilparina wonti pantuni, jeruja mandikilali bota walpana wonti; ja Nau mukaturarana wonti.
23441	MAT 8:27	Ja kana ngaruparana wonti ja jatana wonti: “Mina kana Nauja nganai; ngangau watara ja panto nunkangu pan-kiji?”
23446	MAT 8:32	Ja Nau tanangu jatana wonti: “Wapanau!” tana matja dunkana, tana pikini wirina wonti; ja mai, piki ngami mardawonpa kalikalini kalikalibakana wonti pantuni, ja nga-pani palipalina wonti.
23448	MAT 8:34	Ja mai, ngura warupotula dunkana wonti Jesungu mandurila; ja tanali nina matja najina, tana nunkangu ngatjina wonti, Nau tanani wondirandru puntmanto.
23449	MAT 9:1	Ja Nau botani wirina wonti ja pararana wonti; ja ngu-rani nunkanani wokarana wonti.
23453	MAT 9:5	Mina morla ngaua nganai jatala kara: “Madlentji jinkani matja worana;” jatala kara: “Terkakamai ja wirariau?”
23457	MAT 9:9	Ja Jesus nakandru wapana wonti, ja Nulu kana kulno najina wonti mardatandrakampanietjaia pungani ngamanani, tala nunkani Matthäus; ja Nau nunkangu jatana wonti: “Ngakangu karipateriau!” Ja nau terkakana wonti ja nunkangu karipaterina wonti.
23458	MAT 9:10	Ja jendranguta Nau pungani bukani ngamana wonti; ja mai, mardatandrakampanietja ja madlentji ngankanietja marapu wokarana wonti ja Jesungu ja milini nunkanani jela bukaia ngamana ngarina wonti.
23461	MAT 9:13	Wapanau ja kiririanau, mina jenia wondrai: “Ngato kalumiltjamiltjarina ngantjai ja wata poto ngumu;” ngangau ngani wata wokarana warai kana talku karkala, a-ai, windri kana madlentji.
23463	MAT 9:15	Ja Jesus tanangu jatana wonti: “Worderu noangan-tjanipirnaia kamaneli ngaurongauro ngamananto, noangantja-nipirna tanangu jela ngananani? Ditji wokarala nganai, tanali noangantjanipirna tanangundru manila nganai; ngadani tanaia milja ngamala ng-anai.
23464	MAT 9:16	Wata kulnujeli katini womalani kati tjela ngumu karpai; ngangau kati tjela nakaldra katindru purateriai, ja wilpa morla pirna pantjiai,
23465	MAT 9:17	Ja tanali wata waina marra jungani womalani kura-rai; junga purateriati, ja waina ngakaiati, ja junga tintateri-ati; a-ai, tanali waina marra junga marrani kurarai ja pud-lana jelalu kulkai.” (Ngantjani-jaura G. D. XXIV. Trmitatis)
23472	MAT 9:24	“Piri pinianimai; ngangau mankara wata nari, a-ai, windri mukaturarai.” Ja tana kinkana wonti nunkangu.
23481	MAT 9:33	Ja Nulu kutji matja dunkalkana warai, kana ngapula jatana wonti. Ja kana wolara ngaruparana wonti ja jatana wonti; “Wata pota kulno jenia Israelani pantjinala.”
23488	MAT 10:2	Mili marapratjana ja mandruja tala tanapini nganai: “Ngopera Simon, nina tanali dikai “Petrus” ja Andreas, ngatata nunkani; Jakobus, Zebedäuni ngatamura, ja Johamies, ngatata nunkani;
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23491	MAT 10:5	Tananapini marapratjana ja mandru Jesujeli jinpana wonti, ja Nulu tanangu jirijiribana wonti ja jatana wonti: “Kana koja paltuni jura wata wapananto, ja Samarita ngurani jura wata wirinanto;
23494	MAT 10:8	Muntja tepi ngankanimai, kana gambanto kulikiri ngankanimai, kana nari jiritjibanimai, kutji dunkalkanimai; bakujeli jura matja manina, bakujeli jinkianimai.
23495	MAT 10:9	Jura wata mardatandra maralje, bakana wata mardatandra bulu, bakana wata mardatandra nguja pilki pailtjini juranani ngamalkananto;