23217	MAT 1:4	Aramali kantji patana wonti Aminadab, Aminadabali kantji patana wonti Naasson, Naassonali kantji patana wonti Salmon;
23218	MAT 1:5	Salmonali kantji patana wonti Boas Rahabangundru, Boasali kantji patana wonti Obed Ruthangundru, Obedali kantji patana wonti Jessai;
23219	MAT 1:6	Jessaili kantji patana wonti mitaia kapara David, David mitaia kaparali kantji patana wonti Salomo Uriani no-andru;
23220	MAT 1:7	Salomojeli kantji patana wonti Rehabeam, Rehabea-mali kantji patana wonti Abia, Abiali kantji patana wonti Asa;
23225	MAT 1:12	Ja tanali tanana Babylaia matja wapalkana, Jecho niali kantji patana wonti Salathiel, Salathieli kantji patana wonti Sembabel;
23226	MAT 1:13	Serubabelali kantji patana wonti Abiud, Abiudali kantji patana wonti Eliakim, Eliakimali kantji patana wonti Azor;
23227	MAT 1:14	Azorali kantji patana wonti Sadok, Sadokali kantji patana wonti Achim, Achimali kantji patana wonti Eliud;
23234	MAT 1:21	Nandru kupa kanku kantji patala nganai; nina jun-dru JESUS dikala nganai; ngangau kana wolara nunkani Nulu kulkala nganai tanani madlentjandru.”
23238	MAT 1:25	Ja nulu wata nana ngujamana wonti, nandru kupa kanku dankanantulu, ja nulu tala nunkani dikana wonti: “JESUS”.
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23288	MAT 4:10	Ngadani Jesus nunkangu jatana wonti: “Kutingau Satanajai! ngangau dakanala parai: Jidni Godani Kaparani jinkanani ngatjiamai ja windri nunkangu wodatarana ngama-mai.”
23291	MAT 4:13	Ja Nulu Nazareth worarana wonti ja ngura manina wonti Kapernaum ngamala, nau panto dirkalani parai, Sebu-lon ja Naphthali wondirani;
23293	MAT 4:15	“Sebulon mitali ja Naphthali mitali pantunkari, Jordan kaiarani jerankari, ja Gralilaialali kojeli,
23296	MAT 4:18	Jesus Galilaia pantuni dirkalani wirarina wonti, ja Nulu neji mara wulana najina wonti, Simon, nina talali dikai Petrus, ja Andreas ngatata nunkani; pudlali jama pantuni worana wonti, ngangau pudla paru maninietja nganana wonti.
23302	MAT 4:24	Ja pinti nunkangundru dunkana wonti Syria mitaia paruparu, ja tanali nunkangu muntja pratjana padakana wonti, tana muntja ja ketjaketjana pilki ja pilki nganana wonti, ja kana kutjinto ja pirala muntja ja tjunduru; ja Nulu tanana pratjana katitepi ngankana wonti.
23380	MAT 6:29	Ngani jurangu jatai: “Bakana Salomo pirnalani nunkanani pratjanani wata widmaterina wonti tanangundru kulnuni jeribaka.”
23488	MAT 10:2	Mili marapratjana ja mandruja tala tanapini nganai: “Ngopera Simon, nina tanali dikai “Petrus” ja Andreas, ngatata nunkani; Jakobus, Zebedäuni ngatamura, ja Johamies, ngatata nunkani;
23490	MAT 10:4	Simon, Kana ngurandru ja Judas Iskarioth, nulu nina wondawondana wonti.”
23491	MAT 10:5	Tananapini marapratjana ja mandru Jesujeli jinpana wonti, ja Nulu tanangu jirijiribana wonti ja jatana wonti: “Kana koja paltuni jura wata wapananto, ja Samarita ngurani jura wata wirinanto;
23501	MAT 10:15	Morlalu ngani jurangu jatai: “Sodoma ja Gomorra mitalali kalala morla waka manila nganai kalala ditjini nunkangupini ngurani.”
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23550	MAT 11:22	Ja ngani judlangu jatai: “Tyrus ja Sidon ngurali kalala ditjini kalala morla waka manila nganai judlangu.”
23551	MAT 11:23	Ja jidni Kapernaum, jidni miririna pariwilpaia, turu-jelu jidni ngarila nganai; ngangau Sodom ngurani jenia pirnala pantjinani, jinkangu pantjinala, naupini nunkangupini ditjini kararielu terkananto.
23552	MAT 11:24	Ja ngani jurangu jatai: “Sodom mitalali kalala ditjini kalala morla waka manila nganai jinkangu.””
23559	MAT 12:1	Jendranguta Jesus Sabbat ditjini buka maruni palki-ngana wonti, ja mili nunkani mauali nganana wonti ja woni-na wonti, buka tandra wokaribala ja tajila.
23560	MAT 12:2	Pharisaiali jenia najina, tana nunkangu jatana wonti: “Mai, milieli jinkanali ngankai, jenia wata talku nganai Sabbat ditjini.”
23563	MAT 12:5	Jura wata warapanala jirijiribani jaurani, worderu Sabbat ditjini Priestali Godaia pungani Sabbat wokaribai, ja madlentji pani nganai?
23566	MAT 12:8	Ngangau Kanaia Ngatamura bakana Sabbat ditjia Kapara nganai.
23568	MAT 12:10	Ja mai, naka kana kulno nganana wonti, nau mara muja nganana wonti. Ja tanali nina jakalkana wonti ja jatana wonti: “Jenia talku nganai, Sabbat ditjini tepi ngankala?” Ngangau tana nunkangundru ngulkuterkananto.
23569	MAT 12:11	Nau tanangu jatana wonti: “Worana kana jurangun-dru nganai, nulia tjipi kulno ngamalkai, nau Sabbat ditjini kutuni purinani, nulia nina wata patala nganai ja dukarala nganai?”
23570	MAT 12:12	Worderu morla pirna kana nganai tjipini? Jeruja bakana talku nganai Sabbat ditjini ngumu ngankala.”
23600	MAT 12:42	Mitaia kapara widla kunankarindru terkakala nganai kalala ditjini nunkangupini ngujani jela ja tanangu ngulkuterkala nganai; ngangau nani mitaia wondirandru wokarana wonti, Salomoni kiri ngarala; ja mai, ninkida morla pirna nganai Salomongu.
23663	MAT 13:55	Naupini wata pita ngankanietjaia ngatamura nganai? Ja ngandri nunkani Maria? Ja ngatata nunkani Jakobus ja Joses ja Simon ja Judas?
23723	MAT 15:21	Ja Jesus nakandru wapana wonti ja kutingana wonti Tyrus ja Sidon mitaia.
23742	MAT 16:1	Ja Pharisaia ja Sadducaia wokarana wonti nina won-tjala, ja nunkangu ngatjina wonti, Nulu tanangu malka kulno pariwilpandru wondrananto.
23747	MAT 16:6	Jesus tanangu jatana wonti: “Najianau ja ngamalka-terianau Pharisaiaia ja Sadducaiaia pulkurutjeribani bukan-dru.”
23752	MAT 16:11	Worderu jura bulu ngujamai, ngani wata bukandru jatana warai, jurangu jatana: Jura ngamalkaterinanto Pharisaiaia ja Sadducaiaia pulkurutjeribani bukandru?”
23753	MAT 16:12	Jendranguta tanali ngujamana wonti, Nau wata jatana warai, tana ngamalkaterinanto bukaia pulkurutjeribani bukandru, a-ai, Pharisaiaia ja Sadducaiaia ngujangujarandru. (Ngantjani-jaura Petruni ja Pauluni ditjini)
23757	MAT 16:16	Simon Petrujeli kalabana wonti ja jatana wonti: “Jidni Christus nganai, Godaia tepia Ngatamura,”
23758	MAT 16:17	Ja Jesujeli kalabana wonti ja nunkangu jatana wonti: “Murlali pirna jidni nganai, Simon, Jonani ngatamura; ngangau palkujeli ja kumarali jinkangu jenia wata tinkari ngankana warai, a-ai, Ngaperali ngakanali pariwilpani.
23764	MAT 16:23	Nau karitjina wonti ja Petrungu jatana wonti: “Nga-kangu ngadaia nganamai, Satanajai! jundru ngana ngandrawalkai; ngangau jundru wata ngundrai, mina Godaia nganai, a-ai, windri mina kanaia.”
23794	MAT 17:25	Nau jatana wonti: “Kau.” Ja nau pungani wirina Jesujeli nina ngaringana wonti ja jatana wonti: “Mina jun-dru ngundrai, Simoniai? Worangundru mitaia kaparali kalala pilki ja pilki maniai, tanani kupandru kara, tulandru kara?”
23796	MAT 17:27	Ngangau ngaiana tanana wata ngirkibananto, pantu-ja wapau, ja manakira worau, ja paru ngoperala nau tara-nani, maniau; ja jundru mana matja pirakana, jundru Statera mardatandra mankamankala nganai: Nina maniau, ja tanangu jinkiau ngakangundru ja jinkangundru.”
23964	MAT 22:23	Nunkangupini ditjini bakana Sadducaia wokarana wonti, tanaia jatai: “Narila wata morla jiritjila nganai;” ja tanali nina jakalkana wonti,
23975	MAT 22:34	Pharisaiali matja ngarana, Nulu Sadducaia ngapu ngankana warai, tana jerra jurborina wonti,
24046	MAT 24:20	Ngatjianimai jurani japa mindrini wata pantjinanto kilpani kara, Sabbat ditjini kara.
24129	MAT 26:6	Jesus Bethania ngurani Simon kana gambalaia pungani matja wokarana,
24230	MAT 27:32	Tana dunkana, tanali kana kulno Kyrenala mankamankana wonti, tala nunkani Simon; nina tanali watawatali patana wonti nulu kunarku nunkani waltananto.
24265	MAT 28:1	Sabbath ditji matja mudana, ja nguramarana Godaia ditjini, Maria Magdalala ja Maria nguru wokarana wonti nariwonpa najila.
24300	MRK 1:16	Nau Galilaia pantuni wirarina wonti, ja Nulu Simon ja Andreas ngatata nunkani najina wonti, pudlali jama pantuni worana wonti; ngangau pudla paru maninietja nganana wonti.
24305	MRK 1:21	Ja tana Kapernaum ngurani wirina wonti. Ja nurujeli Nau Sabbat ditjini jaura pungani wirina wonti ja ngujangujara jinkina wonti.
24313	MRK 1:29	Ja nurujeli tana jaura pungandru dunkana wonti, ja Simon ja Andreani pungani wirina wonti, Jakobus ja Johannes jelalu.
24314	MRK 1:30	Simonani paiara muntja turuturu parana wonti; ja nurujeli tanali nunkangn nankangundru kaukaubana wonti.
24320	MRK 1:36	Ja Simon, ja tana nunkangunto, nunkangu wapantina wonti.
24352	MRK 2:23	Ja jendranguta Nau Sabbat ditjini buka maruni palkingana wonti, ja milieli nunkanali wonina wonti palto ngankala buka mangatandra wokaribala.
24353	MRK 2:24	Ja Pharisaia nunkangu jatana wonti: “Mai, Minandru tanalia Sabbat ditjini ngankai, mina wata talku nganai?”
24356	MRK 2:27	Ja Nau tanangu jatana wonti: Sabbat ditji kanandru pantjina wonti, ja wata kana Sabbat ditjindru.
24357	MRK 2:28	Jendrania Kanaia Ngatamura bakana Sabbat ditjia Kapara nganai.”
24359	MRK 3:2	Ja tanali nina najinajibana wonti, Nulu nina Sabbat ditjini tepi ngankala nganai kara, ngangau tana nunkangundru ngulkuterkananto.
24361	MRK 3:4	Ja Nau tanangu jatana wonti: “Jenia talku nganai, Sabbat ditjini ngumu ngankala kara, madlentji ngankala kara, mungara kulkala kara, nari ngankala kara?” Ja tana ngapu nganana wonti.
24365	MRK 3:8	Ja Jerusalemindru, ja Idumaiandru, ja Jordan kaiari jerankarindru, bakana tana Tyrus ja Sidon mitandru wolara marapu nunkangu wokarana wonti; ngangau tanali ngarana wonti, worderu marapu Nulu ngankanani.
24373	MRK 3:16	Ja Nulu Simoningu tala Petrus ngokana wonti.
24375	MRK 3:18	Ja Andreas, ja Philippus, ja Bartholomäus, ja Matthäus, ja Thomas, ja Jakobus Alphäuni ngatamura, ja Thaddäus, ja Simon, Kana ngurandru,
24380	MRK 3:23	Ja Nulu tanana karkana wonti, ja tanangu jeribaka jaurali jatana wonti: “Worderu Satanali Satan dunkalkananto?
24383	MRK 3:26	Ja Satan munta terkakirpaterinani ja piltjaru ngankaterinani, jeruja nau wata terkala nganai, a-ai, nau mudala nganai.
24478	MRK 6:2	Ja matja Sabbatarina, Nulu wonina wonti jaura pungani ngujangujara jinkila; marapujeli jenia ngarana, pirna ngaruparana wonti ja jatana wonti: “Wodajerindrn Nulu jenia ngamalkai? Ja mina kiri jenia nganai nunkangu matja jinkina, ja jenia ngurula pirna, Nulia marali ngankai?
24479	MRK 6:3	Naupini wata pita ngankanietja nganai, Mariani ngatani, ja Jakobuni ja Joseni ja Judani ja Simonani neji? Ja kaku nunkani wata ngaianangunto nganai?” Ja tana nunkangu kalakalarina wonti.
24487	MRK 6:11	Ja warle ngurali jurana wata patanani, ja jurana wata ngaranani; nakandru puntianau ja puturu jurani tidnandru kantikantianau, tanangu malka nganananto. Morlalu ngani jurangu jatai: Sodom ja Gomorra mitalali kalala morla waka manila nganai kalala ditjini, nunkangupini ngurani.”
24556	MRK 7:24	Ja Nau nakandru terkakana wonti ja Tyrus ja Sidon mitani wokarana wonti; ja Nau punga kulnuni wirina wonti ja ngantjana wonti jenia wata kuinujeli ngujaniananto, windri Nau ngandandarina wonti kurukurumalkaterila.
24558	MRK 7:26	Nani widla Griecha widla nganana wonti, Syro Phönizia mitani dankanala, ja nani nunkangu ngatjina wonti, Nulu kutji murumuru nankani ngatanandru dunkalkananto.
24563	MRK 7:31	Ja Nau nakaldra dunkana wonti Tyrus ja Sidon wondirandru, ja Nau Galilaia pantuni wokarana wonti Dekapolis wondirani terti.
24602	MRK 8:33	Nulu najina karitjina mili nunkani najina wonti, ja Nulu Petrus daudauana wonti ja jatana wonti: “Ngakangu ngadaia nganamai, Satanajai! Ngangau jundru wata ngundrai mina Godaia nganai, a-ai, windri mina kanaia.”
24760	MRK 12:18	Ja Sadducaia nunkangu wokarana wonti, tanaia jatai: “Narila wata morla jiritjila nganai”, ja nina jakalkana wonti ja jatana wonti:
24826	MRK 14:3	Ja Nau Bethania ngurani Simon kana gambalaia pungani nganana wonti, ja Nau kurlini ngamana ngarinani widla kulno wokarana wonti, nandru Alabaster koko gildi ngumu pirnanto ngamalkana wonti, ja nandru nina koko wokaribana wonti, ja nina nunkangu mangatandrani nangana wonti.
24860	MRK 14:37	Ja Nau tikana wonti, ja Nulu tanana mukaturaranani mankamankana wonti, ja Nau Petrungu jatana wonti: “Simoniai, jidni mukaturarai? Jidni ngandandariai ngalje ngakangunto tepi ngamala?
24916	MRK 15:21	Ja tanali kana kulno watawatali patana wonti, nau wiringanani, Simon Kyrenala, nau marundru wokarana wonti, Alexandrini ja Ruphuni ngaperi, nulu kunarku nunkani waltananto.
24935	MRK 15:40	Jerra bakana widla nganana wonti, tanali woritandru najina wonti; tanagundru Maria Magdalala ja Maria, Jakobus wakani ja Joseni ngandri, ja Salome nganana wonti.
24943	MRK 16:1	Ja Sabbat ditji matja mudana, Maria Magdalala ja Maria Jakobuni ja Salome kuli ngumu burungankana wonti wapaia nina wiribala.
24993	LUK 1:31	Ja mai, jidni mandrantjurila nganai, ja kanku kulno dankala nganai, ja tala nunkani dikala nganai: “JESUS.”
25044	LUK 2:2	Naupini windamani ngoperala nganana wonti, jendranguta Kyrenius kapakapara Syria mitani nganana wonti.
25063	LUK 2:21	Ja ditji mara wora ja mandru matja mudana, tanali nina kupa karuwali ngankana wonti; ja tanali nunkangu bakana tala jinkina wonti “JESUS,” worderu angelali nina morla ngopera dikana wonti, Nau mandrani kantjirina warai.
25067	LUK 2:25	Ja mai, kana kulno Jerusalemani nganana wonti, tala nunkani Simeon, ja naupini kana talku ja Godandru japali nganana wonti ja Israelaia ngankalkanani wolkareli kalkana wonti ja Jaola kulikiri nunkangunto nganana wonti.
25076	LUK 2:34	Ja Simeonali tanana ngurungutana wonti, ja Mariangu ngandrini nunkanani jatana wonti: “Mai, Naupini parai marapu Israelani nunkangu purinanto ja jiritjinanto, ja malka nganala, nunkangu tanali tjakakala nganai.
25120	LUK 3:26	Nau Maathani, nau Mattathiani, nau Semeiani, nau Josephani, nau Judani.
25121	LUK 3:27	Nau Joananani, nau Rhesani, nau Zorababelani, nau Salathielani, nau Neriani.
25124	LUK 3:30	Nau Simeonani, nau Judani, nau Josephani, nau Jonasani, nau Eliakimani.
25126	LUK 3:32	Nau Jesseni, nau Obedani, nau Boasani, nau Salmonani Nahessonani.
25129	LUK 3:35	Nau Sarungani, nau Raguani, nau Phalekani, nau Eberani, nau Salahani.
25130	LUK 3:36	Nau Kainani, nau Arphachsadani, nau Semini, nau Noahni; nau Lamechani.
25132	LUK 3:38	Nau Enosani, nau Sethani, nau Adamani, nau Godaia.
25140	LUK 4:8	Ja Jesujeli kalabana wonti ja nunkangu jatana wonti: “Ngakangu ngadaia nganamai, Satanajai! Ngangau dakanala parai: Jidni Godani Kaparani jinkanani ngatjiamai, ja windri nunkangu wodatarana jidni ngamamai.”
25158	LUK 4:26	Ja wata tanangundru kulnuja Elias jinpanala, a-ai, windri mangawaru kulnuja Sidon mitaia Sarepta nguraia.