23240	MAT 2:2	Ja jatana wonti: “Woderi nau, Juda-kanaia-kapara matja dankana? Ngangau ngaiani ditji waka nunkani naji-nala tiriwani, ja wokarana warai nunkangu pantjaterkana ngarila.”
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23320	MAT 5:17	Wata ngundranau, ngani wokarana warai jirijiribani-jaura kara, Prophetaia jaura kara dukarala, a-ai, ngani wata wokarana warai, ninaia dukarala, windri morlalu kurala.
23322	MAT 5:19	Warlenulu nunkangupini jirijiribani jaurandru kulno wakawaka dukaranani ja jeruja kanani ngujangujara jinki-nani, nau wakawaka nganala nganai pariwilpaia mililani; warlenulu tanana ngankanani ja ngujangujara jinkinani, nau pirna nganala nganai pariwilpaia mililani.
23324	MAT 5:21	Jura matja ngarana, worderu Nauja pinaru worangu jatana wonti: “Wata narielu nandramai”! warlenulu narielu nandrai, nunkangu kalala parai.
23325	MAT 5:22	Ja ngani jurangu jatai: “Worananau ngatatani nun-kanani baku tiririnani, nunkangu kalala parai; ja worananau ngatatani nunkanani jatai: “Raka”, nunkangu kalala parai kaparani; ja worananau nunkangu jatai: “Jidni jirijiri”, nunkangu kalala parai turu ngurali.”
23330	MAT 5:27	Jura matja ngarana, worderu Nauja pinaru worangu jatana wonti: “Wata pinta wokaribamai”!
23331	MAT 5:28	Ja ngani jurangu jatai: “Warlenulu widla najinani, nankangu milkirina, nulu matja ngarali nankangunto pinta wokaribana warai.”
23334	MAT 5:31	Nauja jatana wonti: “Warlenulu noa nunkani wora-ranani, nulu nankangu narrani dakani jaura jinkinanto.”
23335	MAT 5:32	Ja ngani jurangu jatai: “Warlenulu noa nunkani wo-raranani, nani wata kantji palakantji ngananani, nulu nana pinta wokaribanietja ngankai; ja warlenulu narrani widla pa-tanani, nulu pinta wokaribai.”
23336	MAT 5:33	Nakaldra jura matja ngarana, worderu Nauja pinaru worangu jatana wonti: “Wata jedinali jaura morlalu jatamai, ja Kaparani jaura morlalu jinkani kuramai.”
23337	MAT 5:34	Ja ngani jurangu jatai: “Wata jaura morlalu jatamai, wata pariwilpani kara, ngangau nauja Godaia ngamani piri nganai.
23338	MAT 5:35	Wata mitani kara, ngangau nauja nunkani tidnaia piri nganai, wata Jerusalemingu kara, ngangau nauja kapara pirnaia ngura nganai.
23343	MAT 5:40	Ja Warlenulu ngundrai jinkangu tjakakijiribamalila kati waka jinkani manila, nunkangu bakana kati pirna wo-rarau.
23345	MAT 5:42	Worananau jinkangu ngatjiai, nunkangu jinkiau; ja warlenulu ngantjai jinkangundru woljaia manila, wata nun-kangundru kulkateriau.”
23349	MAT 5:46	Ngangau jura tanana ngantjanani, tanali jurana ngantjai, mina kalala jura ngamalkai? Wata mardatandra-kampanietja jenildramata?
23350	MAT 5:47	Ja jura jaura murlali jinkinani windri ngatatani ju-ranani, mina pilkildra jura ngankai? Wata mardatandra-kampanietja jeruldramata?
23359	MAT 6:8	Wata tanali jeribaka ngundranau; ngangau Ngaperi jurani milkila, mina jura ngamalkananto, windrila jura nunkangu ngatjinani.
23370	MAT 6:19	Wata poto kampanimai mitani, tanana kakatjieli ja karumurujeli tidatida ngankai, ja kurikantjieli bakujai wonti-terina, ja kurieli maniai.
23376	MAT 6:25	Ngangau ngani jurangu jatai: “Wata manujeli ngun-dranau tepini juranani, mina jura tajilaj a tapala nganai; bakana wata palkuni juranani, mina jura widmaterila nganai. Wata tepi morla pirna nganai bukani ja palku katini?”
23377	MAT 6:26	Paia najianau ngaranani, tanalia wata jaupai ja kam-pai ja wata mapai kampani pungani, ja Ngaperali juranali pariwilpani tanangu buka jinkiai. Wata jura morla pirna nganai tanangu?
23378	MAT 6:27	Worana jurangundru ngurunguru nganai, tepini nunkanani tintipidi kulno juri ngankala manujeli ngundraterinali?
23386	MAT 7:1	Wata kalala kuranau, jeruja jura wata kalala manila nganai.
23389	MAT 7:4	Worderu jidni ngatatani jinkanani jatananto kara: “Dabiau, ngato pita tiwitiwi milkindru jinkanani giltarananto; ja mai, pita wondra milkini jinkanani parai?
23394	MAT 7:9	Worana kana jurangundru nganai, nunkangu ngatamura nunkani ngatjiai bukaia, nulu nunkangu marda jinkila nganai?
23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23408	MAT 7:23	Jendranguta ngato tanangu kalabala nganai: “Wata ngato jurana ngujamana wonti; ngakangundru wapanimai, jura tjikatjika ngankanietja.”
23409	MAT 7:24	Warle tananapini jaura ngakani ngarai ja ngankai, nina ngato kana kiri jeribaka kurala nganai, nulu punga nunkani marda tulurani wotinala.
23446	MAT 8:32	Ja Nau tanangu jatana wonti: “Wapanau!” tana matja dunkana, tana pikini wirina wonti; ja mai, piki ngami mardawonpa kalikalini kalikalibakana wonti pantuni, ja nga-pani palipalina wonti.
23461	MAT 9:13	Wapanau ja kiririanau, mina jenia wondrai: “Ngato kalumiltjamiltjarina ngantjai ja wata poto ngumu;” ngangau ngani wata wokarana warai kana talku karkala, a-ai, windri kana madlentji.
23463	MAT 9:15	Ja Jesus tanangu jatana wonti: “Worderu noangan-tjanipirnaia kamaneli ngaurongauro ngamananto, noangantja-nipirna tanangu jela ngananani? Ditji wokarala nganai, tanali noangantjanipirna tanangundru manila nganai; ngadani tanaia milja ngamala ng-anai.
23464	MAT 9:16	Wata kulnujeli katini womalani kati tjela ngumu karpai; ngangau kati tjela nakaldra katindru purateriai, ja wilpa morla pirna pantjiai,
23477	MAT 9:29	Ngadani Nulu pudlana milki karakarana wonti ja jatana wonti: “Worderu judla morlalu ngundrana warai, jeruja jud-langu pantjiatimai.”
23481	MAT 9:33	Ja Nulu kutji matja dunkalkana warai, kana ngapula jatana wonti. Ja kana wolara ngaruparana wonti ja jatana wonti; “Wata pota kulno jenia Israelani pantjinala.”
23493	MAT 10:7	Wapanau ja kaukaubanimai, ja jatanimai: “Pariwilpaia milila karakara nganai.”
23496	MAT 10:10	Wata billi paltuja, bakana wata kati mandru, bakana wata tidnaputa, bakana wata wonapita; ngangau ngankanietjani talku nganai buka nunkani.
23506	MAT 10:20	Ngangau Wata jura jatai, a-ai, jurani Ngaperaia Jaola jatai jurangu.
23508	MAT 10:22	Ja kana warupoto jurangu kalakalarila nganai nga-kani talandru. Worana wonki nganai ngadajelu, nulu tepi ngurali manila nganai.
23512	MAT 10:26	Wata tanangundru japali ngananau! Ngangau panila kurirpi nganai, nau wata tinkari pantjila nganai; ja panila kurukuru nganai, nina tanali wata ngujamala nganai.
23514	MAT 10:28	Wata japali ngananau tanangundru, tanali palku nari ngankai, ja ngandandariai mungara nari ngankala; morla japali ngananau nunkangundru, Nauja ngurunguru nganai, palku ja mungara turuja teribala.
23515	MAT 10:29	Tanali wata tiwilitja mandru mardatandra Wakawaka kulnundru jinkimaliai? Ja wata kulno tanangundru mitani purila nganai jurani Ngaperani panini.
23517	MAT 10:31	Wata japali ngananau; jura morla pirna nganai tiwilitja marapuni.
23518	MAT 10:32	Warle ngana dikala nganai kanani, nina bakana ngato dikala nganai Ngaperani ngakanani pariwilpani.
23519	MAT 10:33	Warle ngana kutikutibala nganai kanani, nina bakana ngato kutikutibala nganai Ngaperani ngakanani pariwilpani.
23520	MAT 10:34	Wata ngundranau, ngani wokarana warai, murla kurala mitani; a-ai, ngani wata wokarana warai murla kurala, windri kalti tiri.
23523	MAT 10:37	Warle ngaperi kara, ngandri kara morla ngantjai ngakangu, nau ngakangu wata talku nganai; ja warle kaku kara, mankara kara morla ngantjai ngakangu, nau ngakangu wata talku nganai.
23525	MAT 10:39	Warle tepi nunkani mankamankana warai, nulu nina tintala nganai, ja warle tepi nunkani tintana warai ngaka-ngundru, nulu nina mankamankala nganai.
23526	MAT 10:40	Warle jurana patai, nulu ngana patai; ja warle ngana patai, nulu ninaia patai, Nulia ngana jinpanala.
23527	MAT 10:41	Warle Propheta kulno patai Prophetaia talani, nulu Prophetaia kalala manila nganai; ja warle kana talku patai kana talkuja talani, nulu kana talkuja kalala manila nganai.
23539	MAT 11:11	Morlalu ngani jurangu jatai: “Wata kulno tanangundru, widlandru dankanala, terkakana wonti morla pirna Jo-hanningu multibanietjani. Worananau morla waka nganai pariwilpaia mililani, nau morla pirna nganai nunkangu.”
23543	MAT 11:15	Warle talpa ngamalkai ngarala, nulu ngaraiatimai!
23544	MAT 11:16	Worangu ngato ninapini nguja jeribaka kurananto? Tanaia kupa wakani jeribaka nganai, tana jinkimalini pirini ngamai ja kamaneli tanani karkai
23562	MAT 12:4	Worderu nau Godaia pungani wirina wonti ja wondra-ni buka tajina wonti, tanana tajila nunkangu ja tanangu nunkangunto wata manuni kuranala, a-ai, windri Priestani?
23569	MAT 12:11	Nau tanangu jatana wonti: “Worana kana jurangun-dru nganai, nulia tjipi kulno ngamalkai, nau Sabbat ditjini kutuni purinani, nulia nina wata patala nganai ja dukarala nganai?”
23570	MAT 12:12	Worderu morla pirna kana nganai tjipini? Jeruja bakana talku nganai Sabbat ditjini ngumu ngankala.”
23578	MAT 12:20	Wokarini kalanka Nulia wata kantji wokaribala nganai, ja praitji, ngampu palina, Nulia wata kantji palimala nganai, Nulia kalala jinkinantulu kalalu ngankanaia.
23581	MAT 12:23	Ja kana wolara ngaruparana wonti ja jatana wonti: “Wata Naupini Davidani ngatamura nganai?”
23587	MAT 12:29	Worderu kara kana kulno kana ngurunguruja pungani wirinanto poto nunkani watawatali manila, nulu wata ngopera kana ngurunguru dupudupu ngankanani? Ja ngadani nulu pungani pratjana watawatali manila nganai.
23588	MAT 12:30	Worana wata ngakangunto nganai, nau tula ngakani nganai; ja warle wata ngakangunto kampai, nulu piltjaru ngankai.”
23592	MAT 12:34	Wiparu kupa worajai! Worderu jura ngumu jatananto jura madlentji ngananani? Ngangau ngara manamirindru mana jatai.
23605	MAT 12:47	Kulno nunkangu jatana wonti: “Mai, ngandri jinkani ja ngatata jinkani palarani terkala wapaia ja jertapaterila Wapaia jinkangu ngankamalila.”
23606	MAT 12:48	Nulu kalabana wonti ja jatana wonti nunkangu, nau jenia jatanani: “Worana ngandri ngakani ja warletana ngatata ngakani?”
23617	MAT 13:9	Warle talpa ngamalkai ngarala, nulu ngaraiatimai!”
23627	MAT 13:19	“Warle jaura mililandru ngarai ja wata ngujamai, nunkangu kutji wokarai, ja nulu jenia dukarai, mina ngarani matja jaupana; naupini nau nganai, nina paltuni jaupana warai.
23635	MAT 13:27	Ja pungaia kaparaia mili wora wokarana wonti ja jatana wonti nunkangu: “Kaparajai! wata jundru paua ngumu mitani jinkanani jaupana paraia? Woderindru nindri madlentji?”
23648	MAT 13:40	Worderu tanali nindri madlentji kampai ja turujeli japiai, jeruja bakana mita mudanani nganala nganai.
23651	MAT 13:43	Jendranguta kana talku mintjila nganai ditji pirna jeribaka tanani Ngaperaia mililani.” Warle talpa ngamalkai ngarala, nulu ngaraiatimai!
23662	MAT 13:54	Ja Nau ngura kamanelini wokarana wonti, ja Nulu tanangu ngujangujara jinkina wonti jaura pungani tananani, ja tana pirna ngaruparana wonti ja jatana wonti: “Wodajerindru Nulia ninapini kiri ja ngurula manina?
23664	MAT 13:56	Ja wata kaku nunkani pratjana ngaianangu jela nganai? Wodajerindru Nulia jenia pratjana manina?”
23697	MAT 14:31	Nurujeli Jesujeli nguna warpina wonti ja nina patana wonti ja jatana wonti: “Wuldrungundranietjajai, minan-dru jidni mangangankai?”
23706	MAT 15:4	Ngangau Godali jirijiribana wonti ja jatana wonti: “Ngaperi ja ngandri pirna ngundramai!” ja: “Warle ngaperani ja ngandrini jaura madlentji jatai, nau naria palinanto.”
23707	MAT 15:5	Ja jura jatai: “Worana npaperani kara ngandrini kara jatai: Poto ngumu ngato jinkiai, mina jinkangu ngumu nganai, nina jundru ngakangundru maninanto;” ja nulu ngaperi nunkani kara, ngandri nunkani kara, wata pirna ngundrananto.”
23713	MAT 15:11	Wata jendralipara, mina manani wiriai, kana muru-maru ngankai; a-ai, windri jendralipara, mina manandra dunkai, nulupini kana murumuru ngankai.”
23728	MAT 15:26	Ja Nulu kalabana wonti ja jatana wonti: “Wata jenia talku nganai, kupaia buka manina ja kintalani worana.”
23730	MAT 15:28	Jendranguta Jesujeli kalabana wonti ja nankangu jatana wonti: “Widlajai, morlalu ngundrana jinkani pirna nganai; mina jidni jertapateriai, jenia jinkangu pantjiatimai.” Ja ngatani nankani tepirina wonti nunkangupini ditjini.
23735	MAT 15:33	Ja mili nunkani nnnkangu jatana wonti: “Wodaje-rindru ngaiani pitarani jeruntja buka maninanto, tananapini kana wolara jerto ngankala?”
23736	MAT 15:34	Ja Jesus tanangu jatana wonti: “Worderuntja buka ngunku jura ngamalkai?” Tana jatana wonti: “Mara wora ja mandrumata ja paru wakawaka ngalje.”
23751	MAT 16:10	Ja bakana Wata buka ngunku mara wora ja mandru materani 4,000, ja worderuntja billi jura kampala wiri?
23752	MAT 16:11	Worderu jura bulu ngujamai, ngani wata bukandru jatana warai, jurangu jatana: Jura ngamalkaterinanto Pharisaiaia ja Sadducaiaia pulkurutjeribani bukandru?”
23765	MAT 16:24	Jesus milini nunkanani jatana wonti: “Warle ngantjai ngakangu karipaterila, nau munta panila ngundrateria-timai, ja nulu kunarku nunkani maniatimai ja ngakangu ka-ripateriatimai.
23786	MAT 17:17	Jesujeli kalabana wonti ja jatana wonti: “Jura nguja gilbarinietja ja tjautjauetja! Wintaranaia ngani jurangu jela nganananto? Wintaranaia ngato jurana ngamalkananto? Ninawa ngakangu padakanau ninkida.”
23794	MAT 17:25	Nau jatana wonti: “Kau.” Ja nau pungani wirina Jesujeli nina ngaringana wonti ja jatana wonti: “Mina jun-dru ngundrai, Simoniai? Worangundru mitaia kaparali kalala pilki ja pilki maniai, tanani kupandru kara, tulandru kara?”
23797	MAT 18:1	Nunkangupini ditjini mili Jesungu wokarana wonti ja jatana wonti: “Worana pariwilpaia mililani morla pirna nganai?”
23800	MAT 18:4	Worana waka ngankateriai nunkangupini kupani jeribaka, naupini pariwilpaia mililani morla pirna nganai;
23802	MAT 18:6	Warle tanangundru kulno wakawaka, ngakangu morlalu ngundranani, karkarkai, nunkangu ngumu nganai, marda wati jerkalani kurananto ja nina panto mandrani terti jika-nanto.
23818	MAT 18:22	Jesus nunkangu jatana wonti: “Ngani jinkangu jatai: Wata pota mara wora ja mandruta, a-ai, 70 pota mara wora ja mandrumata.
23829	MAT 18:33	Wata jidni bakana kalumiltjamiltjarinanto mili nguruni, worderu ngani jinkangu kalumiltjamiltjarina warai?”
23840	MAT 19:9	Ngani jurangu jatai: Warle noa nunkani woraranani, nani wata palakantji ngananani, ja noa nguru patanani, nulu pinta wokaribai; ja warle woraworarani widla patanani, nulu bakana pinta wokaribai.”
23842	MAT 19:11	Nau tanangu jatana wonti: “Wata pratjanali ninapini jaura patai, a-ai, windri tanali, tanangu matja jinkina.
23843	MAT 19:12	Ngangau palpa eunucha nganai, tana ngandrindru jeruja dankanala; ja palpa eunucha nganai, tanana kanali ngan-kana warai; ja palpa eunucha nganai, tana pariwilpaia mililandru eunucha ngankaterinala. Worana ngurunguru nganai jenia patala, nulia pataiatimai.”
23848	MAT 19:17	Nau nunkangu jatana wonti: “Minandru jundru ngana ngumu dikai? Wata kulno ngumu nganai, windri Goda kulnulu. Jundru ngantjanani tepini wirila, jirijiribani jaura ngamalkamai.”
23849	MAT 19:18	Nau nunkangu jatana wonti: “Wodanina?” Jesus jatana wonti: “Jenia: Wata narielu nandramai, wata pinta wokaribamai, wata kurieli maniamai, wata jedi jaura morlalu jatamai.
23856	MAT 19:25	Milieli nunkanali jenia matja ngarana, tana pirna ngaruparana wonti ja jatana wonti: “Warlengarla tepita manila nganai?”
23868	MAT 20:7	Tana nunkangu jatana wonti: “Wata kana kulnujeli ngaianina karkana warai.” Nau tanangu jatana wonti: “Bakana jura wapanau wain maruja, ja mina talku nganala nganai, jura manila nganai.”
23876	MAT 20:15	Wata ngakangu talku nganai, potuni ngakanani ngankala worderu ngato ngantjai? Jidni milki madlentji, ngangau ngani ngumu nganai?
23889	MAT 20:28	Worderu Kanaia Ngatamura wata wokarana warai mili ngamalkala, a-ai, mili nganala, ja tepi nunkani jinkiterila kalala marapuja.”