23226	MAT 1:13	Serubabelali kantji patana wonti Abiud, Abiudali kantji patana wonti Eliakim, Eliakimali kantji patana wonti Azor;
23227	MAT 1:14	Azorali kantji patana wonti Sadok, Sadokali kantji patana wonti Achim, Achimali kantji patana wonti Eliud;
23261	MAT 2:23	Ja nau wokarana wonti ja ngamana wonti ngura kulnuni, tala nunkani Nazareth; ngangau morlalu pantjinanto Prophetaia jaura: “Tanali nina Nazarethala dikala nganai.”
23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23291	MAT 4:13	Ja Nulu Nazareth worarana wonti ja ngura manina wonti Kapernaum ngamala, nau panto dirkalani parai, Sebu-lon ja Naphthali wondirani;
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23700	MAT 14:34	Ja tana matja pararana, tana Genezareth mitani wokarana wonti.
23906	MAT 21:11	Kana wolara jatana wonti: “Naupini Propheta Jesus nganai, Nazarethala, Galilaiandru.”
24194	MAT 26:71	Nau dunkana manani, nina kulno ngurujeli najina wonti ja tanangu naka jatana wonti: “Bakana naupini Jesungu Nazaretalani jela nganana warai.”
24293	MRK 1:9	Ja jendranguta Jesus Nazaretandru G-alilaiani wokarana wonti, ja Jolianningundru multibanila manina wonti Jordan kaiarani.
24308	MRK 1:24	Ja jatana wonti: “Burru, mina ngaianingu ja jinkangu, Jesujai Nazarenalajai, jidni wokarana warai ngianina teribala? Ngato jidna ngujamai, worana jidni nganai: Godaia kulikiri!”
24529	MRK 6:53	Ja tana matja pararana, tana Genezareth mitani wokarana wonti, ja tanali bota dirkalaia parumana wonti.
24558	MRK 7:26	Nani widla Griecha widla nganana wonti, Syro Phönizia mitani dankanala, ja nani nunkangu ngatjina wonti, Nulu kutji murumuru nankani ngatanandru dunkalkananto.
24704	MRK 10:47	Ja nulu matja ngarana, Jesus Nazarenala Nauja nganai, nulu wonina wonti niaritjila ja jatala: “Jesujai, Davidani ngatamurajai; ngakangu kalumiltjamiltjariau!”
24890	MRK 14:67	Ja nandru Petrus najina, worderu nau ngarakalinani, nandru nina ngurutalpana wonti ja jatana wonti: “Bakana jidni Jesungu Nazaretalani jela nganana warai!”
24948	MRK 16:6	Nau tanangu jatana wonti: “Wata japali ngananau, jura Jesus Nazarenala wontiai, nina tanali kunarkuni katibala wiri; Nau tepi terkakana warai, Nau wata ninkida nganai; najianau piri, woderi tanali nina kurala wiri.
24988	LUK 1:26	Pi rani mara wora ja kulnuni G-odali angela Gabriel jinpana wonti ngura kulnuja Galilaiaia, tala nunkani Nazaret.
25046	LUK 2:4	Jendranguta bakana Joseph tarana wonti Galilaiandru Nazzret ngurandru Judaia mitaia Davidani nguraia, tala nunkani Bethlehem, ngangau nau Davidani pungandru ja mardundru nganana wonti.
25081	LUK 2:39	Ja pudlali pratjana Kaparaia jirijiribani jaurandru matja mudana, pudla tikana kurana wonti Galilaia mitaia Nazaret nguraia tananaia.
25093	LUK 2:51	Ja Nau pudlangu jela tikana wonti Nazaret nguraia, ja pudlangu wodatarana ngamana wonti. Ja ngandrieli nunkanali tananapini jaura pratjana ngamalkana wonti ngarali nankanali.
25148	LUK 4:16	Ja Nau Nazaretani wokarana wonti, woderi Nau pirnarinala; ja Nau Godaia ditjini jaura pungani wirina wonti worderu milingeru, ja terkakana wonti warapala.
25166	LUK 4:34	Ja jatana wonti: “Burru! Mina ngaianingu ja jinkangu, Jesujai Nazarenalajai! jidni wokarana warai ngaianina teribala? Ngato jidna ngujamai worana jidni nganai, Godaia kulikiri.”
25177	LUK 5:1	Jendranguta kana wolarali nina jenijenina wonti Godaia jaura ngarala, ja Nau Genezaret pantuni terkana wonti.
25317	LUK 8:3	Ja Johanna, Chuzani, Herodini kapakaparaia noa, ja Susanna, ja widla palpa morla, tana mili nunkani nganana wonti tanani potundru.
25445	LUK 10:13	Jakajai jinkangu Choraziniai! Jakajai jinkangu Bethsaidajai! Ngangau Tyrus ja Sidon ngurani jenia pirnala pantjinani, judlangu pantjinala, pudla nurujeli kati murumurunto ja turuputani madlentjandru karitjinanto.
25709	LUK 16:20	Ja kana wangiwangi nganana wonti, tala nunkani Lazarus, naupini punga manani nunkanani parana wonti gambanto.
25712	LUK 16:23	Ja turuni nau milki tjenmana tarana wonti, ngangau nau ketjaketjanani nganana wonti; ja nulu Abraham woritandra najina wonti, ja Lazarus nunkangu ngalpani.
25713	LUK 16:24	Ja nau karkana wonti ja jatana wonti: “Ngaperiai Abraham, kalumiltjamiltjariau ngakangu, ja Lazarus jinpamai, nau maramoku ngapani multibaterinanto ngana tali malti ngankala; ngangau ngani pirna ketjaketjai nunkanguja turu jaolani.”
25714	LUK 16:25	Abraham jatana wonti: “Ngundrau ngatamurajai, ngumula jinkani jundru manina wonti tepiwirdi, ja Lazarulu madlentji manina wonti; ja karari nulu ninkida ngankalkana maniai, ja jundru ketjaketjana.
25794	LUK 18:37	Tanali nunkangu kaukaubana wonti: “Jesus Nazaretala wiringala wapaia.”
26079	LUK 24:19	Ja Nau pudlangu jatana wonti: “Mina?” Pudla nunkangu jatana wonti: “Jenia Jesus Nazarenalandru, Naupinj Propheta talku nganana wonti, ngankanali ja jaurali nguru-nguru Grodani ja kana wolarani.
26158	JHN 1:45	Philippula Nathanaeli mankamankana wonti ja nunkangu jatana wonti: “Ninaia, nunkangundru Mosili jirijiribani jaurani ja Prophetali dakana wonti, ninapini ngaiani mankamankana warai, Jesu Josephani ngatamura Nazaretandru.”
26159	JHN 1:46	Ja Nathanael nunkangu jatana wonti: “Nazaretandru ngumula dunkananto?” Philippus nunkangu jatana wonti: “Kaparau ja najiau!”
26593	JHN 11:1	Kulno muntja nganana wonti, Lazarus Bethaniandru, Marianankani ja Marthanankani nankani kakuja ngurani.
26594	JHN 11:2	Nani Maria nganana wonti, nandru Kapara matja gildieli wiribana, ja tidna nunkani parali nankanali matja muja ngankana, nankani neji Lazarus muntja parana wonti.
26597	JHN 11:5	Jesujeli Martha ja kaku nankani ja Lazarus ngantjana wonti.
26603	JHN 11:11	Jenia Nau jatana wonti, ja ngadani Nau tanangu jatana wonti: “Lazarus kamaneli ngaianani mukaturarala wapaia; ja ngani wapai, nina jiritjibala.”
26606	JHN 11:14	Ngadani Jesus tanangu talku jatana wonti: “Lazarus palila wiri,
26635	JHN 11:43	Ja Nau jenia matja jatana, Nau ngaiala pirnali karkana wonti: “Lazarujai dunkau!”
26650	JHN 12:1	Ditji mara wora ja kulnuni Passani ngopera Jesus Bethaniani wokarana wonti woderi Lazarus nganana wonti, nina Jesujeli narindru jiritjibana paraia.
26651	JHN 12:2	Tanali nunkangu naka buka pirna ngankingana wonti, ja Martha mili nganana wonti; Lazarus kulno tanangundru nganana wonti, tana nunkangunto kurlini ngamana wonti.
26658	JHN 12:9	Juda kana wolarali ngarana wonti, Nau naka ngananani; ja tana wata windri Jesungundru wokarana wonti, a-ai, tanali bakana Lazarus najinanto, nina Nulu narindru jiritjibana paranani.
26659	JHN 12:10	Priesta pirna wora manamandumandurina wonti bakana nina Lazarus naria nandrala.
26666	JHN 12:17	Kana wolarali tana nunkangunto nganana, Nulu Lazarus narikutundru karkana paraia ja nina narindru jiritjibana paraia, jenia tinkari ngankana wonti.
26859	JHN 18:5	Tanali nunkangu kalabana wonti: “Jesus Nazarenala.” Jesus tanangu jatana wonti: “Ngani Nauja nganai.” Ja bakana Judas, nulu nina wontawontana wonti, tanangunto terkana wonti.
26861	JHN 18:7	Nakaldra Nulu tanana jakalkana wonti: “Worana jura wontiai?” Tana jatana wonti: “Jesus Nazarenala.”
26913	JHN 19:19	Pilatulu bakana dakani miri dakana wonti, ja nina kunarkuni miri katibana wonti, ja jenia dakani ngananala: “Jesus Nazarethandru Juda Kanaia Kapara.”
27040	ACT 2:22	Israel materi worajai, tanapini jaura ngaranimai: Jesus Nazarethala, kana kulno ninaia Godali jurangu morlalu kurana wonti ngurungurujeli ja pirnalali ja malkali, tanajia Godali jurangu terti nunkangundru ngankana paraia, worderu jura munta milkila.
27071	ACT 3:6	Petrus jatana wonti: “Mardatandra bulu ja mardatandra maralje ngato wata ngamalkai; mina ngato ngamalkai, ninaia ngato jinkangu jinkiai: Jesuja Christuja Nazarethalani talani terkakamai ja wirariamai!”
27101	ACT 4:10	Jeruja jura pratjana ja Israel kana wolara milkila nganananto Jesuni Christuni Nazarethalani talani, ninaia jura kunarkuni katibana paraia, ninaia Godali narindru jiritjibana paraia, nunkangu naupini ninkida jurangu tepi terkala wapaia.
27184	ACT 6:14	Ngangau ngaiani ninaia ngarana warai jatanani: Nulupini Jesujeli Nazarethalali ninapini piri tampuribala nganai, ja tananapini mangani, tanana ngaianangu Mosili jinkina wonti, pilki kurala nganai,”
27271	ACT 8:26	Kaparaia angelali Philippungu kaukaubana wonti ja jatana wonti: “Terkakamai, ja kunankaria wapau, nunkangupini paltuni, nau Jerusalemingundru Gazaia ngariai, nau wanka nganai,”
27366	ACT 10:38	Jesus Nazarethalandru, worderu Godali nina Jaolali kulikirieli ja ngurulali wiribana wonti, Nauja wirarina wonti ja ngumu ngankana wonti, ja pratjana tepi ngankana wonti, tanana kutjieli jupanani; ngangau Goda nunkangunto nganana wonti.
27780	ACT 22:8	Ngato kalabana wonti: Worana jidni nganai Kaparajai? Ja Nauja ngakangu jatana wonti: Ngani Jesus Nazaretala nganai, nunkangu jidni tirikaripaterila wapaia.
27842	ACT 24:5	Ngaiani ninapini kana pirindi mankamankana paraia, ja patijiritjibanietjaia mudlakutja, Juda kana pratjanani mita maruni ja Nazarenalaia ngujaja kapara,
27900	ACT 26:9	Ngato muntali ngundrana wonti, ngato Jesuni Nazarethalaia talani madlentji marapu ngankananto,