23268	MAT 3:7	Nulu Pharisaiala ja Sadduzaiala marapu nunkani mul-tibanilaia wokaranani najina, nau tanangu jatana wonti: “Wiparaia kuparu worajai! warlenulu jurangu wondrana wa-rai japa mindrinanto tirini nunkanani, nau wokarala nganai?”
23269	MAT 3:8	Madlentjandru karitjinaia tandra talku punkibanau!
23278	MAT 3:17	Ja mai! Ngaiala pariwilpandru jatana wonti: “Naupini Ngatamura ngantjalu ngakani nganai, nunkangu ngani murlali nganai.”
23288	MAT 4:10	Ngadani Jesus nunkangu jatana wonti: “Kutingau Satanajai! ngangau dakanala parai: Jidni Godani Kaparani jinkanani ngatjiamai ja windri nunkangu wodatarana ngama-mai.”
23407	MAT 7:22	Marapu ngakangu jatala nganai nunkanguka ditjini: “Kaparajai! Kaparajai! wata ngaiani talani jinkanani talpa-dakana wonti? Wata ngaiani talani jinkanani kutji dunkal-kana wonti? Wata ngaiani talani jinkanani pirnala marapu ngankana wonti?”
23470	MAT 9:22	Jesujeli najina karitjina wonti ja nana najina wonti ja jatana wonti: “Murlali nganamai, ngatamurajai! morlalu ngundranali jinkanali jidna tepi ngankana warai.” Ja widla tepirina wonti nunkangupini ditjini.
23512	MAT 10:26	Wata tanangundru japali ngananau! Ngangau panila kurirpi nganai, nau wata tinkari pantjila nganai; ja panila kurukuru nganai, nina tanali wata ngujamala nganai.
23543	MAT 11:15	Warle talpa ngamalkai ngarala, nulu ngaraiatimai!
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23554	MAT 11:26	Kau, Ngaperiai! jeruja jinkangu manju nganana wonti.
23592	MAT 12:34	Wiparu kupa worajai! Worderu jura ngumu jatananto jura madlentji ngananani? Ngangau ngara manamirindru mana jatai.
23626	MAT 13:18	Jeribaka jaura jaupanietjandru ngaranau!
23651	MAT 13:43	Jendranguta kana talku mintjila nganai ditji pirna jeribaka tanani Ngaperaia mililani.” Warle talpa ngamalkai ngarala, nulu ngaraiatimai!
23712	MAT 15:10	Ja Nulu kana wolara karkana wonti ja tanangu jatana wonti: “Ngaranimai, ja ngundranimai!
23724	MAT 15:22	Ja mai, Canaan widla kulno nunkangupini wondirandru dunkana wonti ja maritjina wonti ja nunkangu jatana wonti: “Kaparajai, Davidani ngatamurajai! ngakangu kalumiltjamiltjariau; ngatani ngakani kutjieli pirna jupai.”
23744	MAT 16:3	Ja tankubana palkara: Karari ditjini talara wokarala nganai, ngangau pariwilpani nguramaralje pirna nganai, ja ngalpuru pantjiai. Jura kana jeljujelju! Pariwilpaia mudla jura kiri nganai ngujangujamala, windri miljaraia malka jura wata ngujangujamai.
23764	MAT 16:23	Nau karitjina wonti ja Petrungu jatana wonti: “Nga-kangu ngadaia nganamai, Satanajai! jundru ngana ngandrawalkai; ngangau jundru wata ngundrai, mina Godaia nganai, a-ai, windri mina kanaia.”
23786	MAT 17:17	Jesujeli kalabana wonti ja jatana wonti: “Jura nguja gilbarinietja ja tjautjauetja! Wintaranaia ngani jurangu jela nganananto? Wintaranaia ngato jurana ngamalkananto? Ninawa ngakangu padakanau ninkida.”
23803	MAT 18:7	Jakajai mitani karkarkanandru! Karkarkana kantji nganananto, ja jakajai nunkangupini kanani, nulu karkarkai.
23875	MAT 20:14	Patamai pilki jinkani ja wapamai! Ngani jertapate-riai nunkangupini ngadanietjani kalala jinkila jinkangu jeribaka.
23904	MAT 21:9	Ja kana wolara, tana ngopera wapana wonti ja karipaterina wonti, maritjina wonti ja jatana wonti: “Hosianna Davidani ngatamurani, ngaiani jurakokai ninaia, Nauja wokarai Kaparaia talani! Hosianna mirini!”
24000	MAT 23:13	Jakajai jurangu, jura jaura jinkinietja ja Pharisaia, jura kana jeljujelju! ngangau jura pariwilpaia milila ngandrawalkai kanani; ngangau jura munta wata wiriai, ja tana wirinani, jura ngandrawalkai wirinanto.
24001	MAT 23:14	Jakajai jurangu, jura jaura jinkinietja ja Phrrisaia, jura kana jeljujelju! ngangau jura mangawaruja punga tajiai ja ngatjina wirdieli wondralkai; jendrangundruja jura kalala morla puna manila nganai.
24002	MAT 23:15	Jakajai jurangu jura jaura jinkinietja ja Pharisaia, jura kana jeljujelju! jura panto pirnani ja mita mujani wirariai Juda kanaia kamaneli kulno ngankala, ja nau matja pantjina, jura nina turuja kupa ngankai pota mandru morla pirna jurangu.
24003	MAT 23:16	Jakajai jurangu, jura paltowondranietja butju! jura jatai: Warle Godaia pungani jaura morlalu kurai, jenia panila nganai; ja warle Godaia pungaia marda maraljani jaura morlalu kurai, nau bakuwilpa nganai.
24004	MAT 23:17	Jura kana patipati ja butju! mina morla pirna nganai, marda maralje kara, Godaia punga kara, nulu nina marda maralje kulikiri ngankai?
24006	MAT 23:19	Jura kana patipati ja butju! mina morla pirna nganai, poto kara, Altara kara, nulu poto klikiri ngankai?
24010	MAT 23:23	Jakajai jurangu, jura jaura jinkinietja ja Pharisaia, jura kana jeljujelju! ngangau jura manjura ja kalumba ja pau puntibai ja buru kulno marapratjanandru Godani jinkiai, ja jirijiribani jaura mati: Kalala ja kalumiltjamiltjarina ja morlalu ngundrana jura worarai. Tananapini jura ngankananto ja jenia wata worarananto.
24011	MAT 23:24	Paltowondranietja butju! jura wajluru ngandrawalkai ja Camuli julkai.
24012	MAT 23:25	Jakajai jurangu, jura jaura jinkinietja ja Pharisaia, jura kana jeljujelju! jura koko ja pirra tokuni kulikiri ngankai ja mandrani puturu ja ngurdi nganai.
24013	MAT 23:26	Pharisaia butjujai! ngopera koko ja pirra mandrani kulikiri ngankamai, jeruja bakana toku kulikiririnanto.
24014	MAT 23:27	Jakajai jurangu, jura jaura jinkinietja ja Pharisaia, jura kana jeljujelju! ngangau jura wiribani nariwonpa jeribaka nganai, tanana palarani ngumu najiai ja mandrani narimoku ja murumuru manamiri nganai.
24016	MAT 23:29	Jakajai jurangu, jura jaura jinkinietja ja Pharisaia, jura kana jeljujelju! ngangau jura Prophetaia nariwonpa ngankijiribai ja kana talkuja nariwonpa tjirkatjirkai,
24019	MAT 23:32	Ja jura ngaperaia juranaia koko manamiri ngankanau!
24020	MAT 23:33	Jura tjutju ja wiparaia kuparu worajai! worderu jura turuja kalalandru puntila nganai?
24045	MAT 24:19	Jakajai tanangu mandranrjani ja ngama jinkinietjani tanangupini ditjini!
24069	MAT 24:43	Jenia ngujamanau! Punga ngamalkanietja milkila ngananani mina ditji tinkani kurikantji wokarai, nau tepi ngamala nganai ja ngandrawalkala nganai, nau wata pungani nunkanani wirinanto.
24070	MAT 24:44	Jendrania bakana jura ngankingaterianau! Ngangau ditji kulnuni, nina jura wata ngundrai, Kanaia Ngatamura wokarala nganai.
24150	MAT 26:27	Ja Nulu koko patana wonti ja jurakokana wonti ja anangu jinkina wonti ja jatana wonti: “Warupotujeli nunkangundru tapanimai!
24168	MAT 26:45	Ngadani Nau milini nunkanani tikana wonti ja tanangu jatana wonti: “Mukaturaranau ja ngara ngamanau! Mai naupini ditji karakara nganai, ja tanali Kanaia Ngatamura madlentji marani ngulkujeli jinkila nganai.
24169	MAT 26:46	Terkakanau ngaiana wapananto! mai, nauwa wo-karaila, nuluwa ngana wontawontai.”
24238	MAT 27:40	Ja jatana wonti: “Jundru Godaia punga tampuribanietja ja wotinietja ditjini parkulani, jidni munta kulkateriau! jidni Godaia Ngatamura ngananani, kunarkundru ngariamai!”
24391	MRK 3:34	Ja Nulu najina karitjina wonti tanangu, tana nunkangu ngamana karitjina wonti ja jatana wonti: “Najanau, ngandri ngakani ja ngatata ngakani!
24392	MRK 3:35	Ngangau warle Godaia jertapaterina ngankai, naupini ngatata ngakani ja kaku ngakani ja ngandri ngakani nganai!
24485	MRK 6:9	Windri tidnaputa workamantraterianau, ja wata kati mandru widmaterianau!
24507	MRK 6:31	Ja Nau tanangu jatana wonti: “Kaparanau jura pilki pitaraia! Ngangau marapu nganana wonti, tana wokarana wonti ja wapana wonti, ja tana ngandandarina wonti buka tajila.
24546	MRK 7:14	Ja Nulu kana wolara nunkangu karkana wonti ja tanangu jatana wonti: “Pratjanali ngana ngaranimai ja ngundranimai!
24561	MRK 7:29	Ja Nau nankangu jatana wonti: “Nimkangupini jaurandru wapau! kutji jinkani ngatanandru matja dunkana warai.”
24602	MRK 8:33	Nulu najina karitjina mili nunkani najina wonti, ja Nulu Petrus daudauana wonti ja jatana wonti: “Ngakangu ngadaia nganamai, Satanajai! Ngangau jundru wata ngundrai mina Godaia nganai, a-ai, windri mina kanaia.”
24719	MRK 11:10	Ngaiani jurakokai Ngaperaia ngaiananaia Davidani milila nauja wokarai! Hosiana mirini!”
24730	MRK 11:21	Ja Petrulu jenia ngundrana nunkangu jatana wonti: “Rabbi, najiau! Naupini tandraia nindri, ninaia jundru dikidikibala wiri, mujarina warai.”
24731	MRK 11:22	Ja Jesujeli kalabana wonti ja tanangu jatana wonti: “Godani morlalu ngundranau!
24769	MRK 12:27	Goda wata naria Goda, a-ai, tepia; jura tjautjau pirna ngundrai!
24800	MRK 13:14	Jura “duljadulja-tjautjau” najinani, nunkangundru Propheta Daniilali kaukaubana wonti, nau terkai woderi nau wata terkananto, — warle jenia warapai ngundraiatimai — ngadani tana Judaia mitaia mardawonpaia japa mindriatinimai!
24803	MRK 13:17	Jakajai tanangu mandrantjani ja ngama jinkinietjani tanangupini ditjini!
24809	MRK 13:23	Jura ngamalkaterianau! Mai, ngani jurangu jenia pratjana ngopera jatana warai.
24859	MRK 14:36	Ja Nau jatana wonti: “Abba, Ngaperiai! Jidni ngu runguru nganai pratjana ngankala, ninapini koko ngakangundru maniau: wata jeruja, mina ngani jertapateriai, a-ai, mina jidni.”
24864	MRK 14:41	Ja Nau pota parkulani tikana wonti ja tanangu jatana wonti: “Mukaturaranau ja ngara ngamanau! Matja mudai; ditji matja wokarana; mai, tanali Kanaia Ngatamura madlentjia marani ngulkujeli jinkila nganai;
24865	MRK 14:42	Terkakanau, ngaiana wapananto! mai, nauwa, nuluwa ngana wontawontai, wokaraila.”
24957	MRK 16:15	Ja Nau tanangu jatana wonti: “Palkanau mita maraja, ja ngantjani jaura kaukaubanimai kanani warupotuni!
25004	LUK 1:42	Ja nani ngaiala pirnali maritjina wonti ja jatana lwonti: “Murlali pirna jidni nganai widlani, ja murlali pirna jinkani maadraia tandra nganai!
25101	LUK 3:7	Nulu kana wolarani, tana nunkangu dunkana wonti nunkangundru multibanila manila, jatana wonti: “Wiparaia kuparu worajai! Warlenulu jurangu wondrana wonti japa mindrinanto tirini, nau wokarala nganai?
25140	LUK 4:8	Ja Jesujeli kalabana wonti ja nunkangu jatana wonti: “Ngakangu ngadaia nganamai, Satanajai! Ngangau dakanala parai: Jidni Godani Kaparani jinkanani ngatjiamai, ja windri nunkangu wodatarana jidni ngamamai.”
25141	LUK 4:9	Ja nulu nina Jerusalemia wapalkana wonti ja Godaia punga wutjuni terkibana wonti ja nunkangu jatana wonti: “Jidni Godaia Ngatamura ngananani, ninkidandru ngarinalu kulkungamai!
25155	LUK 4:23	Ja Nau tanangu jatana wonti: “Morlalu jura ngakangu jenia jeribaka jaura jatala nganai: “Kunkiai, munta tepi ngankateriau! Pirnaia marapu ngaiani ngarana warai Kapernaum ngurani matja pantjina, ngankau jenia bakana ninkida jinkani ngaperaia ngurani!”
25166	LUK 4:34	Ja jatana wonti: “Burru! Mina ngaianingu ja jinkangu, Jesujai Nazarenalajai! jidni wokarana warai ngaianina teribala? Ngato jidna ngujamai worana jidni nganai, Godaia kulikiri.”
25246	LUK 6:31	Ja worderu jura ngantjai kanah jurangu ngankananto, jeruja kakana jura tanangu ngankanimai!
25251	LUK 6:36	Ngangau kalumiltjamiltjarianau, worderu bakana ngaperi jurani kalumiltjamiltjariai!
25298	LUK 7:34	Kanaia Ngatamura wokarana warai, Nulia tajai ja tapai; ja jura jatai: Najiau! Nauja mirantjatieli tajinietja ja waina tapanietja, mardatandrakampanietjaia ja madlentji j ngankanietjaia kamaneli!”
25366	LUK 8:52	Pratjana jindrana wonti ja nankangundru ngaurongauro nganana wonti. Nau jatana wonti: “Wata jindranau! Nania wata nari, a-ai, nania windri niukaturarai.”
25435	LUK 10:3	Wapanau! mai, ngato jurana jinpai tjipi kuparu jeribaka pandipandi mandrani.
25445	LUK 10:13	Jakajai jinkangu Choraziniai! Jakajai jinkangu Bethsaidajai! Ngangau Tyrus ja Sidon ngurani jenia pirnala pantjinani, judlangu pantjinala, pudla nurujeli kati murumurunto ja turuputani madlentjandru karitjinanto.
25447	LUK 10:15	Ja jidni Kapernaum, jidni miririna pariwilpaia, turujelu jidni ngarila nganai!
25455	LUK 10:23	Ja Nulu mili mudlakalkana wonti ja jatana wonti: “Murlali pirna tana milki, tanali najiai mina jura najiai!
25514	LUK 11:40	Jura kana patipati! Nulupini, Nulia toku pantjimana wonti, wata bakana mandra pantjimana wonti?
25531	LUK 12:3	Jendrania, mina jura ngalpurani jatana warai, jenia tanali praitjani ngarala nganai! ja mina jura talpani punga bitini kaukaubana warai, jenia tanali punga mangatandrani kaukaubala nganai.
25548	LUK 12:20	Goda nunkangu jatana wonti: “Jidni kana patipatiai! nunkangupini tinkani Nulia mungara jinkani karkala nganai; wanini jenia nganala nganai, mina jundru matja ngankingana?”
25556	LUK 12:28	Godali kanta jeruja widmanani, nauja karari maruni terkai, ja tankubana tanali ninaia turupirini worai; worderu morla jurangu, jura wuldr ungun dr aniet ja worajai!
25557	LUK 12:29	Bakana jura wata manujeli ngundranau, mina jura tajila nganai kara, mina jura tapala nganai kara, ja wata milkirianau!
25566	LUK 12:38	Ja nau tinka terti kara, nguramaranaia woljaia kara wokaranani, ja tanana jeruja mankamankanani: Murlali pirna tanapini mili!
25568	LUK 12:40	Bakana jura ngankingaterianau! ngangau ditji kulnuni, nina jura wata ngundrai, Kanaia Ngatamura wokarala, nganai.”
25577	LUK 12:49	Ngani wokarana wonti turu mitani worala, ja ngato ngantjai, nau matja jerkinanto!
25578	LUK 12:50	Multibanila kulno ngato maninanto, ja worderu japali ngani nganai liau mudanantulu!
25584	LUK 12:56	Jura kana jeljujelju! mitaia ja pariwilpaia mudla jura ngujamai wontjala; minandru jura ninapini miljaru wata wontjai?
25602	LUK 13:15	Kaparali nunkangu kalabana wonti ja jatana wonti: Jidni kana jeljujelju! wata jura pratjanali jurani nganti kara, donki kara, pirrandru dukarai, ja tanana wapalkai ngapaia. Sabbat ditjini?
25614	LUK 13:27	Ja Nau jatala nganai: Ngani jurangu jatai, ngato jurana wata ngujamai wodajerindru jura nganai; wapanau ngakangundru pratjana jura tjikatjika ngankanietja!
25621	LUK 13:34	Jerusalemiai, Jerusalemiai! jundru Propheta worana nandrai, ja mardali dakai, tanana jinkangu jinpanala; worderuntja pota ngato kupa jinkani jertapaterina wonti mapala, worderu warugati ngandrieli nankani wolka nankani ngaruni mapai, ja jura wata ngantjana wonti.
25632	LUK 14:10	A-ai, kulnujeli jidna karkanani, wapau ja mudani pirini ngamana ngariau; ngangau nau wokaranani, nulu jidna matja karkana, nau jinkangu jatala nganai: Kamaneliai, jera tarau! ngadani jundru pirnaia ngamalkala nganai tanangundru tana jinkangu jela kurlini ngamai.
25723	LUK 17:3	Ngamalkaterianau! Ngatatajeli jinkanali jinkangu madlentji ngankanani, nina kurukurubau; ja nau burkali ngananani, madlentji nunkani worau.
25752	LUK 17:32	Ngundranimai Lothani noa!
25763	LUK 18:6	Kapara jatana wonti: “Ngaranau, mina kalala kuranietja tjikatjika jatai!
25781	LUK 18:24	Jesujeli najina, nau ngaurongaurorinani, Nau jatana wonti: “Worderu mati tana kana poto pirna Godaia mililani wirila nganai!
25822	LUK 19:22	Nau nunkangu jatana wonti: “Jinkani man andru ngani jinkangu kalala jatai, jidni mili madlentji! Jidni milkila nganana warai ngani kana ngurunguru nganai, ngato maniai, mina ngato wata kuranala, ja kampai, mina ngato wata jaupanala.
25830	LUK 19:30	Ja jatana wonti: “Wapalumai nunkangu ngura wakankari, ja judla jerra wirina, judla donki kuparu workamantraterinani mankamankala nganai, nunkangu wata kana kulno dukaterinala; nina dukaralumai ja tikalkalumai!
25838	LUK 19:38	Ja tana jatana wonti: “Ngaiani Kapara jurakokai, Nauja wokarai Kaparaia talani! Murla pariwilpani, ja pjrnala mirini!”
25842	LUK 19:42	Ja jatana wonti: “Jundru jenia ngujamanani nunkangupini ditjini jinkanani, mina murlani jinkanani nganananto! Ja jenipara jinkangu milkini kurukuru nganala wapaia.
25903	LUK 21:8	Nau jatana wonti: “Ngamalkaterianau, tanali jurana karkarkaiati; ngangau marapu talani ngakanani wokarala nganai ja jatala nganai: Ngani Naujamata; ja: Miljaru matja karakararina warai. Tanangu wata wapantianau!
25918	LUK 21:23	Jakajai tanangu mandrantjuni ja ngama jinkinietjani tanangupini ditjtni! ngangau ketjaketjana pirna mitani nganala nganai ja tiri tanangupini kana wolarani.
26032	LUK 23:28	Jesus tanangu jatana karitjina wonti: “Jura Jerusalemini ngataniura worai, wata ngakangundru jindranau, a-ai, jurangundru munta ja jurani kupandru jindranau!
26033	LUK 23:29	Ngangau mai, ditji wokarala nganai, tanangupini tana jatala nganai: Murlali pirna tana ngameri, ja tana palku wata kantjirina warai, ja tana ngama, tanali wata tapananto jinkina warai!