23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23423	MAT 8:9	Ngangau ngani kana nganai ja kaparani wodatarana ngamai; ja ngato mili wolara ngamalkai; ja ngani nunkangu-pini jatanani: “Jerra wapau!” ja nau wapai; ja kulnuni: “Kaparau!” ja nau wokarai; ja milini ngakanani: “Ninapini ngankau!” ja nulu jenia ngankai.”
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23450	MAT 9:2	Ja mai, tanali tjunduru kulno nunkangu wokaralkana wonti, nau turarani pirini paranani. Ja Jesujeli morlalu ngun-drana tanani matja najina, Nulu tjundurani jatana wonti: “Murlali nganamai, ngatamurajai, madlentji jinkani matja wo-rana warai!”
23457	MAT 9:9	Ja Jesus nakandru wapana wonti, ja Nulu kana kulno najina wonti mardatandrakampanietjaia pungani ngamanani, tala nunkani Matthäus; ja Nau nunkangu jatana wonti: “Ngakangu karipateriau!” Ja nau terkakana wonti ja nunkangu karipaterina wonti.
23476	MAT 9:28	Nau pungani wirinani, butju wulu nunkangu wokarana wonti, ja Jesus pudlangu jatana wonti: “Judla morlalu ngundrai, ngani ngurunguru nganai, jenia ngankala”? Pudla nunkangu jatana wonti: “Kau, Kaparajai!”
23547	MAT 11:19	Ja Kanaia Ngatamura wokarana warai, Nulia tajiai ja tapai, ja tanaia jatai: “Najianau, Nauja kana mirantjatieli tajinietja ja tapanietja, mardatandrakampanietjaia ja madlentji ngankanietjaia kamaneli!” Ja Kirila kalala maniai kani kupandru.”
23571	MAT 12:13	Ngadani Nau nunkangupini kanani jatana wonti: “Mara ngutateriau!” ja nau ngutaterina wonti, ja mara tepi pantjina wonti nguruni jeribaka.
23607	MAT 12:49	Ja Nulu nguna warpina wonti milini nunkanani ja jatana wonti: “Najianau, ngandri ngakani ja ngatata ngakani!”
23617	MAT 13:9	Warle talpa ngamalkai ngarala, nulu ngaraiatimai!”
23659	MAT 13:51	Jesus tanangu jatana wonti: “Jura tananapini pratjana ngundrana warai?” Tana nunkangu jatana wonti: “Kau, Kaparajai!”
23692	MAT 14:26	Ja milieli nina najina ngapani wapanani, tana japali pirna pantjina wonti jo jatana wonti: “Kutji Nauja nganai!” ja tana japali maritjina wonti.
23693	MAT 14:27	Nurujeli Jesus tanangu jatana wonti: “Murlali nga-nanimai, ngani Nauja; wata japali ngananimai!”
23696	MAT 14:30	Nulu watara pirna najina, nau japali pantjina wonti; ja nau nganana ngarina wonti kunakutila, nau maritjina wonti ja jatana wonti: “Käparajai, ngana kulkamai!”
23706	MAT 15:4	Ngangau Godali jirijiribana wonti ja jatana wonti: “Ngaperi ja ngandri pirna ngundramai!” ja: “Warle ngaperani ja ngandrini jaura madlentji jatai, nau naria palinanto.”
23727	MAT 15:25	Ja nani wokarana wonti ja nunkangu pantjaterkana ngarina wonti ja jatana wonti: “Kaparajai, ngakangu marangokau!”
23776	MAT 17:7	Ja Jesus tanangu wokarana wonti ja tanana karakarana wonti ja jatana wonti: “Jiritjianau, ja wata japali ngananau!”
23891	MAT 20:30	Ja mai, kana butju mandru paltuni ngamana wonti, pudlali matja ngarana, Jesus wiringanani, pudla maritjina wonti ja jatana wonti: “Kaparajai, Davidani ngatamurajai, ngalingu kalumiltjamiltjariamai!”
23892	MAT 20:31	Kana wolarali pudlana daudauana wonti, pudla ngapurinanto; ja pudla morla parparali maritjina wonti ja jatana wonti: “Kaparajai, Davidani ngatamurajai, ngalingu kalumiltjamiltjariamai!”
23904	MAT 21:9	Ja kana wolara, tana ngopera wapana wonti ja karipaterina wonti, maritjina wonti ja jatana wonti: “Hosianna Davidani ngatamurani, ngaiani jurakokai ninaia, Nauja wokarai Kaparaia talani! Hosianna mirini!”
23910	MAT 21:15	Priesta pirnali ja jaura jinkinietjali jenia pirnala, Nulu ngankanani najina wonti, ja bakana kupa worana Godaia pungani maritjinani ja jatanani: “Hosianna Davidani ngatamurani!” tana kuterina wonti,
23962	MAT 22:21	Tana nunkangu jatana wonti: “Mitaia kaparaia.” Nau tanangu jatana wonti: “Jinkianau kaparaia poto kaparani ja Godaia poto Godani!”
24026	MAT 23:39	Ngangau ngani jurangu jatai: Kararindru jura ngana wata morla najila nganai, jura jatanantulu: Ngaiani jurakokai ninaia, Nauja wokarai Kaparaia talani!”
24083	MAT 25:6	Tinka tertini miritja pirna nganana wonti: “Mai noangantjanipirna wokarai, wapanau nunkangu mandurila!”
24088	MAT 25:11	Ngadani bakana ngameri nguru wokarana wonti ja jatana wonti: “Kaparajai, Kaparajai, ngaianingu wilpa ngankau!”
24149	MAT 26:26	Tanali tajinani, Jesujeli buka patana wonti ja ngurungutana wonti ja ninapini wokaribana wonti ja milini nunkanani jinkina wonti ja jatana wonti: “Patanimai ja tajianimai; naupini ngani palku nganai!”
24161	MAT 26:38	Ngadani Nau tanangu jatana wonti: “Ngani mungara ngaurongauro pirna nganai narielu; ninkida ngamanimai ja ngakangunto tepi ngamanimai!”
24171	MAT 26:48	Wonta wontanietjali nunkanali tanangu malka jinkina wonti ja jatana wonti: “Worananina ngato manatapala nganai, Nauja nganai; ninaia patanimai!”
24172	MAT 26:49	Ja nurujeli nau Jesungu wokarana wonti ja jatana wonti: “Murlali nganamai, Rabbi!” ja nina manatapana wonti.
24192	MAT 26:69	Petrus palarani ngamana wonti piri tertini, ja nunkangu widla mili wokarana wonti ja jatana wonti: “Jidni bakana Jesungunto Galilaiala nganana warai!”
24202	MAT 27:4	Ja jatana wonti: “Ngato madlentji ngankana warai, ngangau ngato kumari kulikiri wontawontana warai.” Tana jatana wonti: “Mina jenia ngaianingu? Muntali najiau!”
24220	MAT 27:22	Pilatus tanangu jatana wonti: “Mina ngato Jesungu ngankananto, nina tanali dikai Christus?” Pratjana nunkangu jatana wonti: “Ninaia kunarkuni katibamai!”
24221	MAT 27:23	Kapakaparali jatana wonti: “Mina madlentji Nulia ngankana warai?” Tana morla maritjina wonti ja jatana wonti: “Ninaia kunarkuni katibamai!”
24222	MAT 27:24	Pilatulu najina, jenia baku nganai, tana windri morla juajuangana wonti, nulu ngapa manina wonti ja mara kuirkaterina wonti kana wolara mudlani ja jatana wonti: “Ngani madlentji pani nganai nunkangu kana talku kumarani; muntali najianau!”
24227	MAT 27:29	Ja tanali dilka pirapira dakana wonti, ja nunkangu mangatandrani kurana wonti, ja pita nunkangu mara ngunarani jinkina wonti, ja nunkangu pantjaterkana ngarina wonti ja nina ngirkibana wonti ja jatana wonti: “Murlali nganamai, Juda kanaia Kaparajai!”
24238	MAT 27:40	Ja jatana wonti: “Jundru Godaia punga tampuribanietja ja wotinietja ditjini parkulani, jidni munta kulkateriau! jidni Godaia Ngatamura ngananani, kunarkundru ngariamai!”
24273	MAT 28:9	Pudla wapanani jenia milini nunkanani kaukaubala, mai, Jesus pudlangu mandurina wonti ja jatana wonti: “Murlali nganalumai!” ja pudla nunkangu wokarana wonti ja nina tidna patana wonti ju nunkangu pantjaterkana ngarina wonti.
24287	MRK 1:3	Karkanietjaia ngaiala pitarani parai: Kaparaia palto ngankinganimai, ja tidna palto nunkani talku ngankanimai!”
24299	MRK 1:15	Ja jatana wonti: “Ditji matja wokarana warai, ja Godaia milila karakara nganai. Madlentjandru karitjianau, ja ngantjani jaura morlalu ngundranau!”
24308	MRK 1:24	Ja jatana wonti: “Burru, mina ngaianingu ja jinkangu, Jesujai Nazarenalajai, jidni wokarana warai ngianina teribala? Ngato jidna ngujamai, worana jidni nganai: Godaia kulikiri!”
24309	MRK 1:25	Jesujeli nina daudauana wonti ja jatana wonti: “Ngapuriau, ja nunkangundru dunkau!”
24325	MRK 1:41	Jesus nunkangu kalumiltjamiltjarina wonti, ja Nau mara warpina wonti ja nina karakarana wonti ja nunkangu jatana wonti: “Ngani jertapateriai, kulikiri nganamai!”
24334	MRK 2:5	Jesujeli tanani morlalu ngundrana najina, Nau kana tjundurani jatana wonti: “Ngatamurajai, madlentji jinkani matja worana warai!”
24340	MRK 2:11	Ngani jinkangu jatai: Terkakamai, turarani piri jinkani maniau, ja jinkani pungaia wapau!”
24343	MRK 2:14	Ja wiringana Nulu Levi Alphäuni ngatamura najingana wonti mardatandrakampanietjaia pungani ngamanani, ja Nau nunkangu jatana wonti: “Ngakangu karipateriau!” Ja nau terkakana wonti ja nunkangu karipaterina wonti.
24360	MRK 3:3	Ja Nau nunkangupini kanani, nau mara muja ngananani, jatana wonti: “Terti terkakamai!”
24362	MRK 3:5	Ja Nulu tanana tirieli najina karitjina wonti, ja tanani ngara ngurungurundru ngaurongauro nganana wonti, ja nunkangu kanani jatana wonti: “Mara ngutateriau!” Ja nau mara ngutaterina wonti, ja nau mara nakaldra tepi nganana wonti mara nguru jeribaka.
24401	MRK 4:9	Ja Nau tanangu jatana wonti: Warle talpa ngamalkai ngarala, nulu ngaraiatimai!”
24415	MRK 4:23	Kulnujeli talpa ngamalkai ngarala, nulu ngaraiatimai!”
24431	MRK 4:39	Ja Nau mukandru matja jiritjina, Nulu watara dikidikibana wonti ja ngapani jatana wonti: “Ngapuriau, dalpura nganau!” Ja watara mudana wonti, ja dalpura pirna nganana
24440	MRK 5:7	Ja maritjina wonti ngaiala pirnali ja jatana wonti: “Mina ngakangu ja jinkangu Jesujai, Goda Kapara pirnaia Ngatamurajai? Ngani jinkangu Godani jaura morlalu jatai, wata ngana jupau!”
24441	MRK 5:8	Nau nunkangu jatana wonti: “Dunkau, jidni kutji murumuru, nunkangupini kanandru!”
24445	MRK 5:12	Ja kutji wora nunkangu ngatjina wonti ja jatana wonti: “Ngaianina jinpau pikia, ngangau ngaiani tanangu wirinanto!”
24467	MRK 5:34	Nau nankangu jatana wonti: “Ngatamurajai, morlalu ngundranali jinkanali jidna tepi ngankana warai; murlali wapau, ja tepi nganau jinkani muntjandru!”
24469	MRK 5:36	Jesujeli jenia kaukaubani jaura nurujeli ngarana wonti, ja jaura pungaia kaparani jatana wonti: “Wata japali nganau, windri morlalu ngundrau!”
24474	MRK 5:41	Ja Nulu mankara mara patana wonti ja nankangu jatana wonti: “Talitha kumi; jenia wondrai: Mankarajai, ngani jinkangu jatai: Jiritjiau!”
24513	MRK 6:37	Nulu kalabana wonti ja tanangu jatana wonti: “Jura tanangu buka jinkianau!” Ja tana nunkangu jatana wonti: “Ngaiani wapananto 200 mardatandrali buka burungankala tanangu jinkila tajinanto?”
24514	MRK 6:38	Nau tanangu jatana wonti: Worderuntja buka ngunku jura ngamalkai? Wapanau ja najianau!” Ja tanali matja ngujamana, tana jatana wonti: “Mara wora, ja paru mandru.”
24526	MRK 6:50	Ngangau pratjanali nina najina wonti ja ngarrana wonti. Ja Nulu nurujeli tanangu kaukaubana wonti ja jatana wonti: “Murlali ngananimai, ngani Nauja, wata japali ngananimai!”
24548	MRK 7:16	Warle talpa ngamalkai ngarala, nulu ngaraiatimai!”
24626	MRK 9:19	Nulu tanangu kalabana wonti ja jatana wonti: “Jura nguja gilbarinietja, wintaranaia ngani jurangu jela nganananto, wintaranaaia ngato jurana ngamalkananto? Ninaia ngakangu padakanimai!”
24632	MRK 9:25	Jesujeli najina, kana wolara jurborinani, Nulu katji murumuru dikidikibana wonti ja nunkangu jatana wonti; “Jidni kutji tali pani ja ngapu, ngato jinkangu jirijiribai, nunkangundru dunkau, ja wata niorla nunkangu wiriau!”
24657	MRK 9:50	Kaldri ngumu nganai; kaldri wata morla kaldri ngananani, minali jura ninaia ngankingala nganai? Kaldri jurangunto ngamalkanimai, ja murlali ngamalkijiribamalianimai!”
24685	MRK 10:28	Petrulu wonina wonti nunkangu jatala: “Mai, ngaiani pratjana woraranala ja jinkangu karipaterinala!”
24704	MRK 10:47	Ja nulu matja ngarana, Jesus Nazarenala Nauja nganai, nulu wonina wonti niaritjila ja jatala: “Jesujai, Davidani ngatamurajai; ngakangu kalumiltjamiltjariau!”
24705	MRK 10:48	Ja marapujeli nina daudauana wonti nau ngapurinanto; ja nau morla parparali maritjina wonti: “Davidani ngatamurajai, ngakangu kulumiltjamiltjariau!”
24706	MRK 10:49	Ja Jesus banbana wonti ja jatana wonti: “Ninaia karkanau!” Ja tanali nina kana butju karkana wonti ja nunkangu jatana wonti: “Murlali nganamai, terkakamai, Nulia jidna karkai!”
24708	MRK 10:51	Ja Jesujeli kalabana wonti ja nunkangu jatana wonti: Mina jundru ngantjai ngato jinkangu ngankananto?” Kana butju nunkangu jatana wonti: “Rabbuniai, ngato nakaldra najinanto!”
24711	MRK 11:2	Ja pudlangu jatana wonti: “Wapalumai nunkangupini ngura waka judlangunkari, ja nurujeli judla nunkangu wirinani, judla donki kuparu workamantraterinani mankamankala nganai, nunkangupini wata kana kulno dukaterina warai; nina dukaralumai, ja tikalkalumai!”
24719	MRK 11:10	Ngaiani jurakokai Ngaperaia ngaiananaia Davidani milila nauja wokarai! Hosiana mirini!”
24739	MRK 11:30	Johanini multibanila pariwilpandru kara, kanandru kara nganana wonti? Ngakangu kalabanau!”
24757	MRK 12:15	Nulu tanana jeljujelju matja ngujamana, Nau tanangu jatana wonti: “Minandru jura ngana wontjai? Padakanau ngakangu kalalaia mardatandra kulno, ngato nina najinanto!”
24759	MRK 12:17	Ja Jesujeli kalabana wonti ja jatana wonti: “Jinkianau kaparaia poto kaparani ja Godaia poto Godani!” Ja tana nunkangundru pirna ngaruparana wonti.
24787	MRK 13:1	Ja Nau Godaia pungandru dunkana kurana, mili nunkani kulno nunkangu jatana wonti: “Ngujangujara jinkinietjajai, najiau mina marda ja mina wotini!”
24823	MRK 13:37	Mina ngani jurangu jatai, jenia ngani pratjanani jatai: Tepi ngamanau!”
24845	MRK 14:22	Tanali tajinani, Jesujeli buka patana wonti ja ngurungutana wonti ja ninapini wokaribana wonti ja tanangu jinkina wonti ja jatana wonti: “Patanimai ja tajianimai; naupini ngani palku nganai!”
24857	MRK 14:34	Ja Nau tanangu jatana wonti: “Ngani mungara ngaurongauro pirna nganai narielu; ninkida ngamanimai ja tepi ngamanimai!”
24867	MRK 14:44	Wontawontanietjali nunkanali tanangu malka jinkina wonti ja jatana wonti: “Worananina ngato manatapala nganai, Nauja nganai, ninaia patanimai, ja ninaia morlalu wapalkanimai!”
24868	MRK 14:45	Ja nau wokarana, nau nurujeli nunkangu wapana wonti ja jatana wonti: “Rabbi, Rabbi!” ja nina manatapana wonti.
24888	MRK 14:65	Ja palpali wonina wonti nunkangu ngaltja worala, ja mudla nunkani walpadakala, ja nina maramokujeli nandrala, ja nunkangu jatala: “Morlalu jatau!” Ja bakana milieli nina pitali nandrana wonti.
24890	MRK 14:67	Ja nandru Petrus najina, worderu nau ngarakalinani, nandru nina ngurutalpana wonti ja jatana wonti: “Bakana jidni Jesungu Nazaretalani jela nganana warai!”
24899	MRK 15:4	Pilatulu nina nakaldra jakalkana wonti ja jatana wonti: Jundru panila kalabai? Mai, worderu ngurungurujeli tanaia jinkangundru ngulkuterkai!”
24908	MRK 15:13	Tana nakaldra maritjina wonti: “Ninaia kunarkunj katibamai!”
24909	MRK 15:14	Pilatus tanangu jatana wonti: “Mina madlentji Nulia ngankana warai?” Tana morla maritjina wonti: “Ninaia kunarkuni katibamai!”
24913	MRK 15:18	Ja tanali wonina wonti nunkangu jaura murlali jinkila: “Murlali nganamai, jidni Juda kanaia Kapara!”
24925	MRK 15:30	Jidni munta kulkateriau, ja kunarkundru ngariau!”
24990	LUK 1:28	Ja angela nankangu wirina wonti ja jatana wonti: “Murlali nganamai murlamaninietjajai; Kapara jinkangunto, jidni murlali pirna nganai widlani!”
25000	LUK 1:38	Maria jatana wonti: “Mai, ngani Kaparaia mili nganai, ngakangu pantjiatimai worderu jidni jatana warai!” Ja angela nankangundru kutingana wonti.
25107	LUK 3:13	Nau tanangu jatana wonti: “Kampanimai mina jurangu parai kampananto, wata morla!”
25108	LUK 3:14	Bakana kalti ja kirraetjali nina jekibana wonti ja jatana wonti: “Ja ngaiani, mina ngaiani ngankananto?” Ja nau tanangu jatana wonti: “Wata kulno jupanau, ja wata kaukau wapanau, ja murlali ngananau kalalani juranani!”
25144	LUK 4:12	Ja Jesujeli kalabana wonti ja nunkangu jatana wonti; “Jaura jatai: Goda, Kapara jinkani wata wontjamai!”
25155	LUK 4:23	Ja Nau tanangu jatana wonti: “Morlalu jura ngakangu jenia jeribaka jaura jatala nganai: “Kunkiai, munta tepi ngankateriau! Pirnaia marapu ngaiani ngarana warai Kapernaum ngurani matja pantjina, ngankau jenia bakana ninkida jinkani ngaperaia ngurani!”
25167	LUK 4:35	Ja Jesujeli nina daudauana wonti ja jatana wonti: “Ngapuriau ja nunkangundru dunkau!” Ja kutjieli nina terti worana wonti ja nunkangundru dunkana wonti, ja nina wata patibana wonti.
25173	LUK 4:41	Ja bakana kutji wora marapundrn dunkana wonti, tana maritjina wonti ja jatana wonti: “Jidni Christus, Godaia Ngatamura nganai!” Ja Nulu tanana daudauana wonti ja tanangu wata manuni kurana wonti jatananto, ngangau tana milkila nganana wonti, Nauja Christus nganai.
25180	LUK 5:4	Nulu matja mudana jaura jatana, Nau Simoningu jatana wonti: “Ngapa mandraia bota ngarilkamai, ja jama jurani woranau paru patala!”
25184	LUK 5:8	Simon Petrulu jenia najina, nau Jesungu pantjani woraterina wonti ja jatana wonti: “Kaparajai, ngakangundru dunkau, ngangau ngani kana madlentji nganai!”
25186	LUK 5:10	Jeruja bakana Jakobus ja Johannes Zebedäuni ngatamura wulu Simonani kamaneli. Ja Jesus Simoningu jatana wonti: “Wata japali nganau; ngangau kararindru jidni kana maninietja nganala nganai!”
25189	LUK 5:13	Ja Nau mara warpina wonti ja nina karakarana wonti ja jatana wonti: “Ngani jertapateriai, kulikiri nganamai!” ja nurujeli gamba nunkangundru kutingana wonti.
25196	LUK 5:20	Ja Nulu tanani morlalu ngundrana matja najina, Nau nunkangu jatana wonti: “Kanajai, madlentji jinkani matja worana warai!”
25200	LUK 5:24	Ngangau jura ngujamananto Kanaia Ngatamurajeli ngurula ngamalkai mitani madlentji worala, Nau tjundurani jatana wonti: “Ngani jinkangu jatai: Terkakamai, turarani piri jinkani patau, ja pungaia jinkanaia tikau!”