23214	MAT 1:1	Pantjipantjini-jaura Jesu Christungundru, Davidani nga-tamuraia, Abrahamani ngatamuraia;
23216	MAT 1:3	Judali kantji patana wonti Phares ja Zara Thamarangun-dru, Pharesali kantji patana wonti Esrom, Esromali kantji patana wonti Aram;
23233	MAT 1:20	Nulu jenia ngundranani, mai, Godaia angela kulno ngapitjani nunkangu wondraterina wonti ja jatana wonti: “Josephajai, Davidani ngatamurajai, wata japali nganau, Maria, noa jinkani patala; ngangau mina nandru patana wa-rai, Jaola kulikirindru nganai.
23235	MAT 1:22	Jenia pratjana pantjina wonti, ngangau morlalu pan-tjinanto, mina Prophetali Kaparandru kaukaubana wonti, nau jatana wonti:
23244	MAT 2:6	“Ja jidni Bethlehemiai, Judaia mitani, jidniwata ngadanietja nganai Judaia kapara marapuni, a-ai, ngangau jin-kangundru kapara dunkala nganai, Nulu kana wolara nga-kani, Israel, ngamalkala nganai.”
23247	MAT 2:9	Tanali mitaia kapara matja ngarana, tana palkana wonti. Ja mai, ditji waka nina tanali tiriwa najinala, ta-nangu ngopera wapana wonti, nau wokaranantulu miri ban-bala, woderi kupa nganana wonti.
23282	MAT 4:4	Nulu kalabana wonti ja jatana wonti: “Dakanala pa-rai: Kana wata windri bukandru tepiriai, a-ai, jaura waru-potundru, nauja Godaia manandru dunkai.”
23299	MAT 4:21	Ja Nau nakandru morla wapana wonti, ja Nulu neji mara mandru morla najina wonti, Jakobus, Zebedäuni ngatamura, ja Johannes, ngatata nunkani; pudlali botani Zebedä-us, pudlani ngaperani jela, jama karpana wonti. Ja Nulu pudlana karkana wonti.
23313	MAT 5:10	Murlali pirna tana, tanangu kana talkulandru tirika-ripateriai, ngangau tanangu pariwilpaia milila nganala nganai.
23318	MAT 5:15	Tanali wata praitji miribai ja kokuni ngarinalu widmai, a-ai, praitjaia potuni, ja nau pratjanani mintjiai, tana pungani ngamanani.
23320	MAT 5:17	Wata ngundranau, ngani wokarana warai jirijiribani-jaura kara, Prophetaia jaura kara dukarala, a-ai, ngani wata wokarana warai, ninaia dukarala, windri morlalu kurala.
23322	MAT 5:19	Warlenulu nunkangupini jirijiribani jaurandru kulno wakawaka dukaranani ja jeruja kanani ngujangujara jinki-nani, nau wakawaka nganala nganai pariwilpaia mililani; warlenulu tanana ngankanani ja ngujangujara jinkinani, nau pirna nganala nganai pariwilpaia mililani.
23327	MAT 5:24	Jeruja poto jinkani naka Altara bankini woraramai, ja ngopera wapau, ja ngatatani jinkanani kulnukulnuni ngan-kateriamai, ja ngadani wokarau ja poto jinkani jinkiamai.
23333	MAT 5:30	Ja mara ngunarali jidna karkarkanani, ninaia woka-ribau, ja jinkangundru worau; ngangau jinkangu ngumu nganai, jinkani palku buru kulno tintananto, palku buru pratjana turuni wiriati.
23334	MAT 5:31	Nauja jatana wonti: “Warlenulu noa nunkani wora-ranani, nulu nankangu narrani dakani jaura jinkinanto.”
23335	MAT 5:32	Ja ngani jurangu jatai: “Warlenulu noa nunkani wo-raranani, nani wata kantji palakantji ngananani, nulu nana pinta wokaribanietja ngankai; ja warlenulu narrani widla pa-tanani, nulu pinta wokaribai.”
23342	MAT 5:39	Ja ngani jurangu jatai: “Madlentjani wata ngandra-walkaterianau, a-ai, warlenulu jidna ngadla ngunari nandrai, nunkangu bakana nguru jinkiteriau.
23347	MAT 5:44	Ja ngani jurangu jatai: “Talpala jurani ngantjanimai; tanali jurangu kalala madlentji kuranani, tanangu kalala ngumu kuranau; tana jurangu kalakalarinani, tanangu ngumu ngankanimai; tanali jurana ngirkibanani ja jurangu tirikari-paterinani, tanangundru ngatjianimai.
23350	MAT 5:47	Ja jura jaura murlali jinkinani windri ngatatani ju-ranani, mina pilkildra jura ngankai? Wata mardatandra-kampanietja jeruldramata?
23356	MAT 6:5	Ja jidni ngatjinani, wata kana jeljujelju jeribaka nga-namai, ngangau tanali ngantjai jaura pungani ja palto buruni terkana ngatjila, jendrania kanali tanana najinanto. Morlalu ngani jurangu jatai: “Tanali kalala tanani matja ngamalkai.”
23357	MAT 6:6	Jidni ngatjinani, punga wapuni wiriau, ja mana ngan-drawalkateriau, ja ngatjiau Ngaperani jinkanani, Nauja kuru-kuruni nganai, ja Ngaperali jinkanali kurukuruni najiai, ja Nulia jinkangu kalala jinkila nganai tinkari.
23364	MAT 6:13	Ja wata ngaianina wontjanilani wirilkamai, a-ai, ngai-anina madlentjani kulkamai; Ngangau jinkangu milila nganai ja ngurula ja pirnala ngurali. Amen.”
23368	MAT 6:17	Jidni milja ngamanani, jidni mangatandra gildieli wi-ribateriau, ja jidni mudla ngapali kulirkateriau,
23369	MAT 6:18	Ngangau jidni kanani wata milj angamanietja wondraterinanto, a-ai, windri Ngaperani jinkanani, Nauja kurukuruni nganai; ja Ngaperali jinkanali kurukuruni najiai, ja Nulia jinkangu kalala jinkila nganai tinkari.
23370	MAT 6:19	Wata poto kampanimai mitani, tanana kakatjieli ja karumurujeli tidatida ngankai, ja kurikantjieli bakujai wonti-terina, ja kurieli maniai.
23375	MAT 6:24	Kana kulno ngandandariai kapara mandruni mili nga-mala, nau kulnuni kalakalarila nganai, ja kulno nulu ngan-tjala nganai kara; kulnuni nau wodatarana ngamala nganai, ja kulnuni gilbarila nganai kara. Jura ngandandariai Godani ja Mammonani mili ngamala.
23392	MAT 7:7	Ngatjianimai, ja Nulia jurangu jinkila nganai; wonti-animai, ja jura mankamankala nganai; nandranandranimai, ja mana jurangu wilpa pantjila nganai.
23393	MAT 7:8	Ngangau worana ngatjiai, nulu manila nganai; ja war-le wontiai, nulu mankamankala nganai; ja warle nandranan-drai, nunkangu mana wilpa pantjila nganai.
23397	MAT 7:12	Pratjana, mina jura ngantjai, kanali jurangu nganka-nanto, jenia bakana tanangu ngankanau; naupini jirijiribani jaura ja Prophetaia nganai.
23402	MAT 7:17	A-ai, pita nindri ngumu pratjanali tandra ngumu pun-kibai, ja pita nindri madlentjali tandra madlentji punkibai.
23404	MAT 7:19	Pita nindri pratjanali wata tandra ngumu punkiba-nani, tanali wokaribala nganai ja turuni worala nganai.
23406	MAT 7:21	Wata tana pratjana, tana ngakangu jatai: “Kapara-jai! Kaparajai!” pariwilpaia mililani wirila nganai, a-ai, windri naupini, nulu Ngaperaia ngakanaia pariwilpalaia jer-tapaterina ngankai.
23418	MAT 8:4	Ja Jesus jatana wonti nunkangu: “Mai, wata jundru jenia kanani kaukaubamai, a-ai, wapau, Priestani wondrate-riamai, ja nina poto jinkiau, nina Mosili jirijiribana wonti, tanangu malka nganananto.
23426	MAT 8:12	Ja Nulu mililaia kupa teribala nganai ngalpuru pir-naia, naka tana pirna ngirikidala nganai ja mana katakata-ngala nganai.
23432	MAT 8:18	Ja Jesujeli matja najina, kana wolarali nina kapika-pinani, Nulu jirijiribana wonti jerankaria pararala.
23436	MAT 8:22	Jesus nunkangu jatana wonti: “Ngakangu karipateri-au, ja narieli muntali nari tanani todinanto.”
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23460	MAT 9:12	Jesujeli jenia matja ngarana, Nau tanangu jatana wonti: “Ngurungurujeli wata kunki ngundrai, a-ai, windri muntjali.
23461	MAT 9:13	Wapanau ja kiririanau, mina jenia wondrai: “Ngato kalumiltjamiltjarina ngantjai ja wata poto ngumu;” ngangau ngani wata wokarana warai kana talku karkala, a-ai, windri kana madlentji.
23465	MAT 9:17	Ja tanali wata waina marra jungani womalani kura-rai; junga purateriati, ja waina ngakaiati, ja junga tintateri-ati; a-ai, tanali waina marra junga marrani kurarai ja pud-lana jelalu kulkai.” (Ngantjani-jaura G. D. XXIV. Trmitatis)
23466	MAT 9:18	Nulu jenia tanangu kaukaubanani, mai, kapara kulno wokarana wonti ja nunkangu pantjaterkana ngarina wonti ja jatana wonti: “Ngatamura mankara ngakani karari matja pa-lina, kaparau, jidni mara nankangu kurateriamai, ja nani te-pirila nganai.”
23471	MAT 9:23	Ja Jesus kaparaia pungani matja wokarana, Nulu wi-makoko wilpinietja najina wonti, ja kanali miritja ngankana-ni, ja Nau tanangu jatana wonti:
23472	MAT 9:24	“Piri pinianimai; ngangau mankara wata nari, a-ai, windri mukaturarai.” Ja tana kinkana wonti nunkangu.
23483	MAT 9:35	Ja Jesus wirarina wonti ngura pirnani ja wakani pratjanani, ja ngujangujara jinkina wonti jaura pungani ta-nanani, ja ngantjani jaura mililandru kaukaubana wonti, ja tepi ngankana wonti muntja pratjana ja waltowalto pratjana kana wolarandru.
23487	MAT 10:1	Ja Nulu mili nunkani marapratjana ja mandru matja karkana, Nulu tanangu ngurula jinkina wonti kutji murumu-ruja, tanana dunkalkananto ja tepi ngankananto muntja pratjana ja waltowalto pratjana.
23492	MAT 10:6	A-ai, windri tjipia wapanau, tana Israel pungandru tintaterinala.
23506	MAT 10:20	Ngangau Wata jura jatai, a-ai, jurani Ngaperaia Jaola jatai jurangu.
23510	MAT 10:24	Mili wata morla pirna nganai ngujangujara jinkinie-tjani, bakana ngankanietja wata morla pirna kaparani nunkanani.
23520	MAT 10:34	Wata ngundranau, ngani wokarana warai, murla kurala mitani; a-ai, ngani wata wokarana warai murla kurala, windri kalti tiri.
23525	MAT 10:39	Warle tepi nunkani mankamankana warai, nulu nina tintala nganai, ja warle tepi nunkani tintana warai ngaka-ngundru, nulu nina mankamankala nganai.
23562	MAT 12:4	Worderu nau Godaia pungani wirina wonti ja wondra-ni buka tajina wonti, tanana tajila nunkangu ja tanangu nunkangunto wata manuni kuranala, a-ai, windri Priestani?
23629	MAT 13:21	Nau kapara pani nganai, a-ai, nau maraltja nganai. Ketjaketjana ja tirikaripaterina wokaranani jaurandru, nau wolja kalakalarila nganai.
23654	MAT 13:46	Ja nulu marda kulno ngumu pirna matja mankaman-kana, nau wapana wonti, ja warupoto, mina nulu ngamalkana, jinkina wonti, ja nina burungankana wonti.
23693	MAT 14:27	Nurujeli Jesus tanangu jatana wonti: “Murlali nga-nanimai, ngani Nauja; wata japali ngananimai!”
23701	MAT 14:35	Ja kanali nunkangupini ngurani nina matja nguja-mana, tanali mita marapuni karakara jinpana wonti, ja tanali muntja pratjana nunkangu wokaralkana wonti.
23713	MAT 15:11	Wata jendralipara, mina manani wiriai, kana muru-maru ngankai; a-ai, windri jendralipara, mina manandra dunkai, nulupini kana murumuru ngankai.”
23716	MAT 15:14	Tana worani; ngangau tana butjuja palto wondra-nietja ja munta butju nganai; butjujeli butjuni palto wondra-nani, pudla kutuni purila nganai.”
23734	MAT 15:32	Jesujeli mili nunkani karkana wonti ja jatana wonti: “Ngani kana wolarani kalumiltjamiltjariai, ngangau ditji parkulu tanaia ngakangunto ngamana warai, ja tanalia panila ngamalkai tajila; ja ngato wata ngantjai, tananaia maua jin-pala, tanaia paltuni wariwariati.”
23742	MAT 16:1	Ja Pharisaia ja Sadducaia wokarana wonti nina won-tjala, ja nunkangu ngatjina wonti, Nulu tanangu malka kulno pariwilpandru wondrananto.
23753	MAT 16:12	Jendranguta tanali ngujamana wonti, Nau wata jatana warai, tana ngamalkaterinanto bukaia pulkurutjeribani bukandru, a-ai, Pharisaiaia ja Sadducaiaia ngujangujarandru. (Ngantjani-jaura Petruni ja Pauluni ditjini)
23758	MAT 16:17	Ja Jesujeli kalabana wonti ja nunkangu jatana wonti: “Murlali pirna jidni nganai, Simon, Jonani ngatamura; ngangau palkujeli ja kumarali jinkangu jenia wata tinkari ngankana warai, a-ai, Ngaperali ngakanali pariwilpani.
23764	MAT 16:23	Nau karitjina wonti ja Petrungu jatana wonti: “Nga-kangu ngadaia nganamai, Satanajai! jundru ngana ngandrawalkai; ngangau jundru wata ngundrai, mina Godaia nganai, a-ai, windri mina kanaia.”
23765	MAT 16:24	Jesus milini nunkanani jatana wonti: “Warle ngantjai ngakangu karipaterila, nau munta panila ngundrateria-timai, ja nulu kunarku nunkani maniatimai ja ngakangu ka-ripateriatimai.
23781	MAT 17:12	Ja ngani jurangu jatai: Elias matja wokarana warai, ja tanali nina wata ngujamana warai, a-ai, nunkangu ngankana warai, mina tana jertapaterina warai. Jeruja bakana Kanaia Ngatamura tanangundru ketjaketjala nganai.”
23796	MAT 17:27	Ngangau ngaiana tanana wata ngirkibananto, pantu-ja wapau, ja manakira worau, ja paru ngoperala nau tara-nani, maniau; ja jundru mana matja pirakana, jundru Statera mardatandra mankamankala nganai: Nina maniau, ja tanangu jinkiau ngakangundru ja jinkangundru.”
23818	MAT 18:22	Jesus nunkangu jatana wonti: “Ngani jinkangu jatai: Wata pota mara wora ja mandruta, a-ai, 70 pota mara wora ja mandrumata.
23826	MAT 18:30	Ja nulu wata ngantjana wonti, a-ai, nau wapana wonti ja nina kanjangari pungani widmana wonti, nulu poto wilpa jmkinantulu.
23827	MAT 18:31	Mili ngurujeli jenia matja najina, mina pantjina wa-rai, tana ngaurongauro pirna pantjina wonti ja wokarana wonti, ja tanali kaparani tananani pratjana kaukaubana wonti.
23832	MAT 19:1	Ja jendranguta Jesujeli tananapini jaura matja muda-na, Nau Galilaiandru puntina wonti ju Judaia wondirani wokarana wonti Jordan kaiarani jerankari.
23837	MAT 19:6	Jeruja pudla wata morla palku mandru, a-ai, windri palku kulno nganai. Mina Godali matja ngokana, kanali wata puntibananto.”
23842	MAT 19:11	Nau tanangu jatana wonti: “Wata pratjanali ninapini jaura patai, a-ai, windri tanali, tanangu matja jinkina.
23884	MAT 20:23	Ja Nau pudlangu jatana wonti: “Koko ngakani judla morlalu tapala nganai, ja nina multibanila, nina ngato mani-nanto, judla manila nganai; ja ngamana ngunarani ngakanani ja worangantjuni ngakanani jinkila, wata poto ngakani nganai, a-ai, windri tanangu, worangu Ngaperali ngakanali ngankingana wonti.”
23887	MAT 20:26	Jeruja wata jurangu nganaiatimai, a-ai, warle jura-ngundru ngantjai pirna pantjila, nau mili jurani nganaiatimai,
23889	MAT 20:28	Worderu Kanaia Ngatamura wata wokarana warai mili ngamalkala, a-ai, mili nganala, ja tepi nunkani jinkiterila kalala marapuja.”
23971	MAT 22:30	Ngangau terkakani ditjini tanali wata noa patai ja wata noa pantjiai, a-ai, tana Godaia angelani pariwilpani jeribaka nganala nganai.
23973	MAT 22:32	“Ngani nganai Abrahamani Goda ja Isaakani Goda ja Jakobani Goda?” Goda wata naria Goda nganai, a-ai, tepia.”
24022	MAT 23:35	Ngangau jurangu wokarananto kuinari talku pratjana, jenia mitani nangana, Abel talkuja kumarandru Zachari-ani, Barachiani ngatamuraia kumaranilu, nina jura Godaia pungani ja Altarani terti naria nandrana wonti.
24062	MAT 24:36	Ninapini miljaru ja ditji wata kulnujeli ngujamai, bakana wata angelali pariwilpani, a-ai, windri Ngaperali ngakanali.
24098	MAT 25:21	Kapara nunkani nunkangu jatana wonti: “Matja, jidni mili ngumu ja talku, jidni talku nganana warai ngalje-ngaljeni, ngato jidnana kapara kurala nganai marapuni: Wi-riau Kaparaia jinkanaia mankinani.”
24103	MAT 25:26	Kaparali nunkanali kalabana wonti ja nunkangu jatana wonti: “Jidni mili madlentji ja nguja, jidni milkila nga-nanala, ngato naka kampai, woderi ngato wata jaupanala, ja mapai, woderi ngato wata tarauanala;
24132	MAT 26:9	Ngangau nandruja jenia gildi kalala marapuja jinki-nanto, ja wangiwangini bakujeli jinkinanto.”
24162	MAT 26:39	Ja Nau ngalje morla wapana wonti ja mudlali wora-terina wonti ja ngatjina wonti ja jatana wonti: “Ngakani Ngaperiai; jenia kantji pantjinani, naupini koko ngakangu wiringananto, wata jeruja worderu ngani jertapateriai, a-ai, worderu jundru.”
24169	MAT 26:46	Terkakanau ngaiana wapananto! mai, nauwa wo-karaila, nuluwa ngana wontawontai.”
24262	MAT 27:64	Jirijiribamai, tanali nariwonpa ditjini parkulanilu naji-najibananto, mili nunkani wokaraiati ja nina kurieli maniati ja kana wolarani jataiati: Nauja narindru jiritjina warai; ja mudani jedibala morla tjautjau pantjiati ngoperalani.”
24274	MAT 28:10	Ngadani Jesus pudlangu jatana wonti: “Wata japali nganalumai; a-ai, wapalumai ja jenia ngatatani ngakanani kaukaubalumai; ngangau tana Galilaiaia wapananto, ja naka tanali ngana najila nganai.”
24328	MRK 1:44	Ja nunkangu jatana wonti: “Mai, wata kanani jenia kaukaubau, a-ai, wapau ja Priestani wondrateriau, ja jinkani kulikirindru nina poto jinkiau, mina Mosili jirijiribana wonti, tanangu malka nganananto.
24329	MRK 1:45	Nau matja dunkana, nulu wonina wonti jenia pirna kaukaubala ja jaura maruribala; jeruja Nau ngandandarina wonti tinkari ngura kulnuni wirila, a-ai, Nau windri palarani pitarani nganana wonti, ja tana nunkangu paruparundru wokarana wonti.
24346	MRK 2:17	Ja Jesujeli jenia matja ngarana, Nau tanangu jatana wonti: “Ngurungurujeli wata kunki ngundrai, a-ai, muntjali. Ngani wata wokaranala kana talku karkala, a-ai, windri kana madlentji.”
24351	MRK 2:22	Ja bakana wata kulnujeli waina marra junga womalani kurarai, a-ai, waina marrali junga wokaribaiati, ja waina ngakaiati, ja junga pakiati, a-ai, tanali waina marra junga marrani kurarananto.”
24355	MRK 2:26	Worderu nau Godaia pungani wirina wonti Abjathar Priesta pirnaia ditjini, ja wondrani buka tajina wonti, tanana tajila wata kuluni manuni kuranala, a-ai, windri Priestani, ja nulu bakana tanangu nunkangimto, jinkina wonti?
24383	MRK 3:26	Ja Satan munta terkakirpaterinani ja piltjaru ngankaterinani, jeruja nau wata terkala nganai, a-ai, nau mudala nganai.
24386	MRK 3:29	Warle ngirkibani jaura jatai Jaola Kulikirini, nulu wata kalinganila manila nganai ngurali, a-ai, nulu kalala madlentji ngurali manila nganai.
24409	MRK 4:17	Ja munta tana kapara pani nganai, a-ai, tana maraltja nganai; ngadani ketjaketjana ja tirikaripaterina wokaranani jaurandru, tana wolja kalakalarila nganai
24414	MRK 4:22	Ngangau panila kurirpi nganai, naupini wata tinkarj pantjinanto; ja panila kurukuruni pantjina wonti, a-ai, praitjani wokarananto.
24452	MRK 5:19	Jesujeli nunkangu wata manuni kurana wonti, a-ai, nunkangu jatana wonti: “Wapau pungaia jinkanaia ja nguralaia jinkanaia, ja tanangu kaukaubamai mina pirnala Kaparali jinkangu ngankana warai, ja worderu Nau jinkangu kalumiltjamiltjarina warai.”
24459	MRK 5:26	Ja nani kunki marapundru pirna ketjaketjana wonti, ja poto nankani kalala jinkina wonti, ja nankangu wata marangokana wonti, a-ai, nani windri morla madlentji pantjina wonti;
24472	MRK 5:39	Ja Nau matja wokarana wirina, Nau tanangu jatana wonti: “Minandru jura juajuangai ja jindrai? Kupa wata nari, a-ai, nania windri mukaturarai.”
24480	MRK 6:4	Jesus tanangu jatana wonti: “Propheta wata waka nganai, a-ai, windri mita kamanelini nunkanani ja kamanelini nunkanani ja pungani nunkanani.”
24547	MRK 7:15	Panila palarani parai, mina kanani wiriai, jenia nina murumuru ngankai, a-ai, windri jenia, mina nunkangundru dunkai, jendralipara kana murumuru ngankai.
24551	MRK 7:19	Ngangau jenia wata nunkangu ngarani wiriai, a-ai, windri mandrani, ja ngadani palkingai; ja jenia tajina pratjana kulirkai.