23233	MAT 1:20	Nulu jenia ngundranani, mai, Godaia angela kulno ngapitjani nunkangu wondraterina wonti ja jatana wonti: “Josephajai, Davidani ngatamurajai, wata japali nganau, Maria, noa jinkani patala; ngangau mina nandru patana wa-rai, Jaola kulikirindru nganai.
23340	MAT 5:37	Jaura jurani nganaiatimai: “Kau, kau; pani, pani;” mina pudlangu pinpi tarai, jenia madlentjandru dunkai.
23389	MAT 7:4	Worderu jidni ngatatani jinkanani jatananto kara: “Dabiau, ngato pita tiwitiwi milkindru jinkanani giltarananto; ja mai, pita wondra milkini jinkanani parai?
23416	MAT 8:2	Ja mai, kana kulno gambanto wokarana wonti ja nunkangu pantjaterkana ngarina wonti ja jatana wonti: “Kaparajai, jidni jertapaterinani, jidni ngurunguru nganai ngana kulikiri ngankala.”
23418	MAT 8:4	Ja Jesus jatana wonti nunkangu: “Mai, wata jundru jenia kanani kaukaubamai, a-ai, wapau, Priestani wondrate-riamai, ja nina poto jinkiau, nina Mosili jirijiribana wonti, tanangu malka nganananto.
23420	MAT 8:6	Ja jatana wonti: “Kaparajai, mili ngakanipungani parai tjunduru, ja pirna ketjaketjai.”
23422	MAT 8:8	Ja juljaia kaparali kalabana wonti ja jatana wonti: “Kaparajai, ngani wata talku nganai, jidni punga ngalpani ngakanani wirinanto; windri jaura kulno jatamai, ja mili ngakani tepirila nganai.”
23435	MAT 8:21	Nunkani milindru kulno nunkangu jatana wonti: “Kaparajai, ngakangu manuni kurau, ngani ngopera wapananto, ngaperi ngakani todila.”
23439	MAT 8:25	Ja mili nunkangu wokarana wonti, ja tanali nina ji-ritjibana wonti ja jatana wonti: “Kaparajai, ngaianina kul-kau, ngaiani palipaliati!”
23454	MAT 9:6	Ja jura ngujamananto, Kanaia Ngatamurajeli ngurula ngamalkai, mitani madlentji worala,” — Nau tjundurani jatana wonti: “Terkakamai, turarani piri jinkani patau, ja pun-gaia jinkanaia tikamai.”
23476	MAT 9:28	Nau pungani wirinani, butju wulu nunkangu wokarana wonti, ja Jesus pudlangu jatana wonti: “Judla morlalu ngundrai, ngani ngurunguru nganai, jenia ngankala”? Pudla nunkangu jatana wonti: “Kau, Kaparajai!”
23478	MAT 9:30	Ja pudla milki piririna wonti. Ja Jesujeli pudlana daudauana wonti ja jatana wonti: “Ngamalkaterialumai, wata kanali jenia ngujamananto.”
23532	MAT 11:4	Jesujeli kalabana wonti ja jatana wonti pudlangu: “Tikalumai, ja Johanningu kaukaubalumai, mina judla najila wapaia ja ngarala wapaia:
23538	MAT 11:10	Ngangau naupini nau nganai, nunkangundru dakanala parai: “Mai, ngato angela ngakani jinkangu mudlani ngopera jinpai, nulu palto jinkani jinkangu ngopera ngankingala nganai.”
23547	MAT 11:19	Ja Kanaia Ngatamura wokarana warai, Nulia tajiai ja tapai, ja tanaia jatai: “Najianau, Nauja kana mirantjatieli tajinietja ja tapanietja, mardatandrakampanietjaia ja madlentji ngankanietjaia kamaneli!” Ja Kirila kalala maniai kani kupandru.”
23560	MAT 12:2	Pharisaiali jenia najina, tana nunkangu jatana wonti: “Mai, milieli jinkanali ngankai, jenia wata talku nganai Sabbat ditjini.”
23576	MAT 12:18	“Mai, Ngatamura ngakani, ninaia ngato kalkalkana wonti, ja Ngantjanipirna ngakani, worangu ngani mungara manju nganai; Ngato Jaola ngakani nunkangu kurala nganai, ja Nulia kana wolarani kalala kaukaubala nganai.
23605	MAT 12:47	Kulno nunkangu jatana wonti: “Mai, ngandri jinkani ja ngatata jinkani palarani terkala wapaia ja jertapaterila Wapaia jinkangu ngankamalila.”
23607	MAT 12:49	Ja Nulu nguna warpina wonti milini nunkanani ja jatana wonti: “Najianau, ngandri ngakani ja ngatata ngakani!”
23611	MAT 13:3	Ja Nulu tanangu jaura marapu kaukaubana wonti jeribaka jaurali ja jatana wonti: “Mai, jaupanietja wapana wonti jaupala.
23659	MAT 13:51	Jesus tanangu jatana wonti: “Jura tananapini pratjana ngundrana warai?” Tana nunkangu jatana wonti: “Kau, Kaparajai!”
23696	MAT 14:30	Nulu watara pirna najina, nau japali pantjina wonti; ja nau nganana ngarina wonti kunakutila, nau maritjina wonti ja jatana wonti: “Käparajai, ngana kulkamai!”
23697	MAT 14:31	Nurujeli Jesujeli nguna warpina wonti ja nina patana wonti ja jatana wonti: “Wuldrungundranietjajai, minan-dru jidni mangangankai?”
23699	MAT 14:33	Tana kana botani wokarana wonti nunkangu pantjaterkana ngarila, ja jatana wonti: “Morlalu, Jidni Godaia Ngatamura nganai.”
23712	MAT 15:10	Ja Nulu kana wolara karkana wonti ja tanangu jatana wonti: “Ngaranimai, ja ngundranimai!
23724	MAT 15:22	Ja mai, Canaan widla kulno nunkangupini wondirandru dunkana wonti ja maritjina wonti ja nunkangu jatana wonti: “Kaparajai, Davidani ngatamurajai! ngakangu kalumiltjamiltjariau; ngatani ngakani kutjieli pirna jupai.”
23727	MAT 15:25	Ja nani wokarana wonti ja nunkangu pantjaterkana ngarina wonti ja jatana wonti: “Kaparajai, ngakangu marangokau!”
23729	MAT 15:27	Nani jatana wonti: “Kau, Kaparajai; ja bakana kintalali buka worduwordu tajiai, kapara worani kurlindru pu-rinani.”
23730	MAT 15:28	Jendranguta Jesujeli kalabana wonti ja nankangu jatana wonti: “Widlajai, morlalu ngundrana jinkani pirna nganai; mina jidni jertapateriai, jenia jinkangu pantjiatimai.” Ja ngatani nankani tepirina wonti nunkangupini ditjini.
23763	MAT 16:22	Ja Petrujeli nina tjirimalkana wonti, ja wonina wonti nina daudauala ja jatana wonti: “Ngamalkateriamai, Kaparajai, wata jenia jinkangu pantjinanto.”
23773	MAT 17:4	Petrujeli kalabana wonti ja Jesungu jatana wonti: “Kaparajai, ninkida ngaianangu ngumu nganai; Jundru jenia ngantjai, ngaiani punga parkulu ninkida wotila nganai, jinkani kulno, Mosini kulno ja Eliani kulno.”
23776	MAT 17:7	Ja Jesus tanangu wokarana wonti ja tanana karakarana wonti ja jatana wonti: “Jiritjianau, ja wata japali ngananau!”
23784	MAT 17:15	Ja jatana wonti: “Kaparajai, ngatamurani ngakanani kalumiltjamiltjariau; ngangau nauwa pirala muntja nganai ja pirna ketjaketjai, ja pota marapu nauwa turuni puriai ja pota marapu ngapani.
23817	MAT 18:21	Ngadani Petrus nunkangu wokarana wonti ja jatana wonti: “Kaparajai, worderuntja pota ngatatajeli ngakanali ngakangu madlentji ngankala nganai; ja worderuntja pota ngato madlentji nunkani worananto? Pota mara wora ja mandrumata?”
23822	MAT 18:26	Naupini mili nunkangu woraterina wonti ja ngatjina wonti nunkangu ja jatana wonti: “Kaparajai, manju ngana-mai ngakangu, ngato jinkangu warupoto jinkila nganai.”
23824	MAT 18:28	Ja naupini mili dunkana wonti, ja mili nguruni dankamalina wonti, nau nunkangu 100 mardatandra waka wil-panto nganana wonti, ja nulu nina patana wonti ja jupana wonti ja jatana wonti: “Jinkiamai, mina jidni ngakangu wilpanto nganai.”
23858	MAT 19:27	Ngadani Petrulu kalabana wonti ja nunkangu jatana wonti: “Mai, ngaiani pratjana woraranala ja jinkangu karipa-terinala; mina kalala ngaiani manila nganai?”
23874	MAT 20:13	Nulu kalabana wonti ja tanangundru kulnuni jatana wonti: “Kamaneliai, ngato jinkangu wata tjikatjika ngankai; wata ngaldra talpadakijiribamalina warai mardatandra kulnuja?
23879	MAT 20:18	“Mai, ngaiana Jerusalemia tarala wapaia, ja tanali Kanaia Ngatamura Priesta pirnani ja jaura jmkinietjani ngulkujeli jinkila nganai, ja tanali ninaia naria kurala nganai.
23882	MAT 20:21	Nau nankangu jatana wonti: “Mina jundru ngantjai?” Nani nunkangu jatana wonti: “Jatau, pudlapini ngatani ngakani kulno ngunarani ja kulno worangantjuni mililani jinkanani ngamananto.”
23883	MAT 20:22	Jesujeli kalabana wonti ja jatana wonti: “Judla wata milkila, mina judla ngatjiai. Judla ngurunguru nganai, nunkangupini kokundru tapala, nunkangundru ngato tapananto; ja nina multibanila manila kara, nina multibanila ngato ma-ninanto?” Pudla nunkangu jatana wonti: “Kauna, ngali ngurunguru nganai.”
23891	MAT 20:30	Ja mai, kana butju mandru paltuni ngamana wonti, pudlali matja ngarana, Jesus wiringanani, pudla maritjina wonti ja jatana wonti: “Kaparajai, Davidani ngatamurajai, ngalingu kalumiltjamiltjariamai!”
23892	MAT 20:31	Kana wolarali pudlana daudauana wonti, pudla ngapurinanto; ja pudla morla parparali maritjina wonti ja jatana wonti: “Kaparajai, Davidani ngatamurajai, ngalingu kalumiltjamiltjariamai!”
23894	MAT 20:33	Pudla nunkangu jatana wonti: “Kaparajai, ngali milki piririnanto.”
23911	MAT 21:16	Ja nunkangu jatana wonti: “Jundru ngarai, mina ta-napini jatai?” Jesus tanangu jatana wonti: “Kau, jura wata warapanala: Kupa wakawaka ja ngamatapanietja manandru jundru jurakokananto ngankingana warai?”
23923	MAT 21:28	Mina jura ngundrai? Kana kulnujeli ngatamura mandru ngamalkana wonti, ja nau ngoperalani wokarana wonti ja jatana wonti: “Ngatamurajai, wapau, ja karari ngankau ngakani wain maruni.”
23925	MAT 21:30	Nau ngadalani wokarana wonti ja nunkangu jeribaka jatana wonti. Nulu kalabana wonti ja jatana wonti: “Kau, kaparajai,” ja wata wapana wonti.
23953	MAT 22:12	Ja nau jatana wonti nunkangu: “Kamaneliai, worderu jidni ninkida wirina warai noapatamalini kati pani?” Ja nau ngapurina wonti.
24030	MAT 24:4	Ja Jesujeli kalabana wonti ja tanangu jatana wonti: “Ngamalkaterianau, kulnujeli jurana karkarkaiati.
24088	MAT 25:11	Ngadani bakana ngameri nguru wokarana wonti ja jatana wonti: “Kaparajai, Kaparajai, ngaianingu wilpa ngankau!”
24097	MAT 25:20	Ja naupini, nulu mardatandra pirna mara wora maninala, wokarana wonti ja mardatandra pirna mara wora morla padakana wonti, ja jatana wonti: “Kaparajai, mardatandra pirna mara wora jundru ngakangu jinkinala; najiau, mardatandra mara wora morla ngato tanangu ngokana warai”
24098	MAT 25:21	Kapara nunkani nunkangu jatana wonti: “Matja, jidni mili ngumu ja talku, jidni talku nganana warai ngalje-ngaljeni, ngato jidnana kapara kurala nganai marapuni: Wi-riau Kaparaia jinkanaia mankinani.”
24099	MAT 25:22	Bakana naupini, nulu mardatandra pirna mandru maninala, wokarana wonti ja jatana wonti: “Kaparajai, marda-tandra pirna mandru jundru ngakangu jinkinala; najiau, mardatandra pirna mandru morla ngato pudlangu ngokana warai”
24100	MAT 25:23	Kapara nunkani nunkangu jatana wonti: “Matja, jidni mili ngumu ja talku, jidni talku nganana warai ngaljengaljeni, ngato jidnana kapara kurala nganai marapuni: Wiriau Kaparaia jinkanaia mankinani.”
24101	MAT 25:24	Bakana naupini, nulu mardatandra kulno maninala, wokarana wonti ja jatana wonti: “Kaparajai, ngato jidna ngujamanala, jidni kana ngurunguru nganai, jundru naka kampai, woderi jundru wata jaupanala, ja mapai, woderi jundru wata tarauanala;
24111	MAT 25:34	Ngadani Kapara jatala nganai tanangu ngunarani nunkanani: “Kaparanau, jurana Ngaperali ngakanali jurakokai, ja mililu maratunka manianau, nina Nulia jurangu ngankingana wonti mita pantjimanandru.
24114	MAT 25:37	Ngadani kana talkujeli nunkangu kalabala nganai ja jatala nganai: “Kaparajai, winta ngaiani jidna inaua najina warai, ja jidna jerto ngankana warai? terti kara, ja jidna kaljura ngankana warai?
24121	MAT 25:44	Ngadani bakana tanali nunkangu kalabala nganai ja jatala nganai: “Kaparajai, winta ngaiani jidna najina warai maua kara, terti kara, tula kara, balu kara, muntja kara, kanjangari pungani kara, ja wata mili jinkani nganana warai”
24163	MAT 26:40	Ja Nau mili worangu tikana wonti, ja tanana muka mankamankana wonti ja Petrungu jatana wonti: “Mina, jura ngandandariai ngalje ngakangunto tepi ngamala?
24173	MAT 26:50	Jesus nunkangu jatana wonti: “Kamaneliai, minani jidni wokarai?” Ngadani tana karakararina wonti ja Jesungu mara kurana pararana wonti ja nina patana wonti.
24196	MAT 26:73	Ngalje ngadani tana naka terkana wokarana wonti ja Petrungu jatana wonti: “Morlalu, bakana jidni tanangun-dru kulno nganai, ngangau talieli jinkanali jidni wondrai.”
24244	MAT 27:46	Ditji kunarkuni Jesus ngaiala pirnali maritjina wonti ja jatana wonti: “Eli, Eli, lama sabachthani?” jenia wondrai: “Godajai ngakani, Godajai ngakani; minandru jundru ngana worarana warai?”
24261	MAT 27:63	Ja jatana wonti: “Kaparajai, ngaiani mangatandra wilpariai, Naupini karkarkanietja nunkani tepia ditjini jatana paraia: Ditjini parkulani ngani jiritjila nganai.
24286	MRK 1:2	Worderu Jesaiasani Proplietaia dakanala parai: “Mai, ngato angela ngakani mudlani jinkanani ngopera jinpai, nulu palto jinkani jinkangu ngankijiribingala nganai.
24301	MRK 1:17	Ja Jesus pudlangu jatana wonti: “Kaparalumai, ja ngakangu karipaterialumai, ngato judlana kana maninietja ngankala nganai.”
24308	MRK 1:24	Ja jatana wonti: “Burru, mina ngaianingu ja jinkangu, Jesujai Nazarenalajai, jidni wokarana warai ngianina teribala? Ngato jidna ngujamai, worana jidni nganai: Godaia kulikiri!”
24309	MRK 1:25	Jesujeli nina daudauana wonti ja jatana wonti: “Ngapuriau, ja nunkangundru dunkau!”
24328	MRK 1:44	Ja nunkangu jatana wonti: “Mai, wata kanani jenia kaukaubau, a-ai, wapau ja Priestani wondrateriau, ja jinkani kulikirindru nina poto jinkiau, mina Mosili jirijiribana wonti, tanangu malka nganananto.
24334	MRK 2:5	Jesujeli tanani morlalu ngundrana najina, Nau kana tjundurani jatana wonti: “Ngatamurajai, madlentji jinkani matja worana warai!”
24353	MRK 2:24	Ja Pharisaia nunkangu jatana wonti: “Mai, Minandru tanalia Sabbat ditjini ngankai, mina wata talku nganai?”
24374	MRK 3:17	Ja Jakobus Zebedäuni ngatamura, ja Johannes Jakobuni ngatata; ja Nulu pudlangu tala ngokana wonti jenia: “Boanerges, jenia wondrai: Piltripiltria kupa.”
24389	MRK 3:32	Ja kana wolara nunkangu ngamana karitjina wonti. Ja tana nunkangu jatana wonti: “Mai, ngandrieli jinkanali ja ngatatajeli jinkanali ja kakujeli jinkanali palarani jidna wontiai.”
24391	MRK 3:34	Ja Nulu najina karitjina wonti tanangu, tana nunkangu ngamana karitjina wonti ja jatana wonti: “Najanau, ngandri ngakani ja ngatata ngakani!
24416	MRK 4:24	Ja Nau tanangu jatana wonti: “Najianau, mina jura ngarai: Mina kokujeli jura jinkiai, jenia koko jura nakaldra manina tikala nganai; ja jura ngaranani, tanali jurangu morla jinkila nganai.
24431	MRK 4:39	Ja Nau mukandru matja jiritjina, Nulu watara dikidikibana wonti ja ngapani jatana wonti: “Ngapuriau, dalpura nganau!” Ja watara mudana wonti, ja dalpura pirna nganana
24441	MRK 5:8	Nau nunkangu jatana wonti: “Dunkau, jidni kutji murumuru, nunkangupini kanandru!”
24467	MRK 5:34	Nau nankangu jatana wonti: “Ngatamurajai, morlalu ngundranali jinkanali jidna tepi ngankana warai; murlali wapau, ja tepi nganau jinkani muntjandru!”
24543	MRK 7:11	Jura jatai: Worana ngaperani kara ngandrini kara jatai: “Korban, jenia wondrai: Poto ngumu ngato jinkiai, mina jinkangu ngumu nganai, nina jundru ngakangundru maninanto;
24685	MRK 10:28	Petrulu wonina wonti nunkangu jatala: “Mai, ngaiani pratjana woraranala ja jinkangu karipaterinala!”
24690	MRK 10:33	“Mai, ngaiana Jerusalemia tarala wapaia, ja tanali Kanaia Ngatamura Priesta pirnani ja jaura jinkinietjani ngulkujeli jinkila nganai, ja tanali ninaia naria kurala nganai ja ninaia kana koni ngulkujeli jinkila nganai.
24696	MRK 10:39	Pudla nunkangu jatana wonti: “Kauna, ngali ngurunguru nganai.” Jesus pudlangu jatana wonti: “Nina koko ninapini ngato tapai, judla tapala nganai; ja nina multibanila, nina ngato maninanto, judla manila nganai;
24704	MRK 10:47	Ja nulu matja ngarana, Jesus Nazarenala Nauja nganai, nulu wonina wonti niaritjila ja jatala: “Jesujai, Davidani ngatamurajai; ngakangu kalumiltjamiltjariau!”
24708	MRK 10:51	Ja Jesujeli kalabana wonti ja nunkangu jatana wonti: Mina jundru ngantjai ngato jinkangu ngankananto?” Kana butju nunkangu jatana wonti: “Rabbuniai, ngato nakaldra najinanto!”
24718	MRK 11:9	Ja tana ngopera wapana wonti ja karipaterina wonti maritjina wonti ja jatani wonti: “Hosiana, ngaiani jurakokai ninaia, Nauja wokarai Kaparaia talani:
24730	MRK 11:21	Ja Petrulu jenia ngundrana nunkangu jatana wonti: “Rabbi, najiau! Naupini tandraia nindri, ninaia jundru dikidikibala wiri, mujarina warai.”
24774	MRK 12:32	Ja jaura jinkinietja nunkangu jatana wonti: “Ngumu, Ngujangujara jinkinietjajai, jidni morlalu jatana warai, ngangau Kulno nganai, ja wata kulno nguru nganai nunkangu.
24859	MRK 14:36	Ja Nau jatana wonti: “Abba, Ngaperiai! Jidni ngu runguru nganai pratjana ngankala, ninapini koko ngakangundru maniau: wata jeruja, mina ngani jertapateriai, a-ai, mina jidni.”
24860	MRK 14:37	Ja Nau tikana wonti, ja Nulu tanana mukaturaranani mankamankana wonti, ja Nau Petrungu jatana wonti: “Simoniai, jidni mukaturarai? Jidni ngandandariai ngalje ngakangunto tepi ngamala?
24868	MRK 14:45	Ja nau wokarana, nau nurujeli nunkangu wapana wonti ja jatana wonti: “Rabbi, Rabbi!” ja nina manatapana wonti.
24924	MRK 15:29	Wiringanietjali nina ngirkibana wonti, ja tana mangatandra walkina wonti ja jatana wonti: “Haha, jundru Godaia punga tamburibanietja ja wotinietja ditjini parkulani.
24929	MRK 15:34	Ja ditji kunarkuni Jesus ngaiala pirnali maritjina wonti ja jatana wonti: “Eloi, Eloi, lama sabachthani?” Jenia wondrai: “Godajai ngakani, Godajai ngakani; minandru jundru ngana worarana warai?”
24930	MRK 15:35	Ja palpa tanangundru naka terkana, ja jenia ngarana, jatana wonti: “Mai, Nulupini Elias karkai.”
24931	MRK 15:36	Kulno mindrina wonti ja miritipa kulno kaldrieli ngapatjanka ngankana wonti, ja nina pitani widmana wonti ja nunkangu jinkina wonti tapananto, ja jatana wonti: “Worani, ngaiana najinanto Elias kara wokarala nganai ninaia ngarilkala.”
25000	LUK 1:38	Maria jatana wonti: “Mai, ngani Kaparaia mili nganai, ngakangu pantjiatimai worderu jidni jatana warai!” Ja angela nankangundru kutingana wonti.
25071	LUK 2:29	“Kaparajai, karari jundru milini jinkanani manuni kuraka wapai wapananto, worderu jundru ngakangu talpadakanala.
25076	LUK 2:34	Ja Simeonali tanana ngurungutana wonti, ja Mariangu ngandrini nunkanani jatana wonti: “Mai, Naupini parai marapu Israelani nunkangu purinanto ja jiritjinanto, ja malka nganala, nunkangu tanali tjakakala nganai.
25090	LUK 2:48	Ja pudlali nina matja najina, pudla pirna ngaruparana wonti, ja ngandri nunkani nunkangu jatana wonti: “Ngataniai, minandru jundru jenia ngankala wiri ngalingu? mai, ngaurongaurojeli ngaperali jinkanali ngali jidna wontina warai.”
25155	LUK 4:23	Ja Nau tanangu jatana wonti: “Morlalu jura ngakangu jenia jeribaka jaura jatala nganai: “Kunkiai, munta tepi ngankateriau! Pirnaia marapu ngaiani ngarana warai Kapernaum ngurani matja pantjina, ngankau jenia bakana ninkida jinkani ngaperaia ngurani!”
25181	LUK 5:5	Ja Simonali kalabana wonti ja jatana wonti nunkangu: “Kaparajai, ngaiani tinkawirdi jiglerali ngankana warai ja panila patana warai; ja jinkani jaurani ngato jama worala nganai.”
25184	LUK 5:8	Simon Petrulu jenia najina, nau Jesungu pantjani woraterina wonti ja jatana wonti: “Kaparajai, ngakangundru dunkau, ngangau ngani kana madlentji nganai!”