Wildebeest analysis examples for:   dik-dikNT      February 25, 2023 at 00:01    Script wb_pprint_html.py   by Ulf Hermjakob

23214  MAT 1:1  Käkkä aa rin kuat kɔc ke dhiëëth Jethu thïn, kuat Bɛ̈nyŋaknhom Debit bɔ̈ cök tënë Abaram.
23215  MAT 1:2  Abaram ë ye wun Ithäk. Ithäk ë ye wun Jakop. Yen Juda bɛ̈n dhiëëth kek wämäthakën kɔ̈k.
23216  MAT 1:3  Juda ë ye wun pandiɛɛt, Peredh ku Dhara ku manden ë cɔl Tamar, Peredh ë ye wun Ɣedhron ku Ɣedhron ë ye wun Ram.
23217  MAT 1:4  Ram ë ye wun Aminadap, ku Aminadap ë ye wun Nacon, ku Nacon ë ye wun Thalmon.
23218  MAT 1:5  Thalmon ë ye wun Boath, ku man ë cɔl Raɣäp. Boath ë ye wun Obet, ku man ë cɔl Ruth, ku Obet ë ye wun Jethe.
23219  MAT 1:6  Ku Jethe ë wun Bɛ̈nyŋaknhom Debit, ku Debit ë ye wun Tholomon, ku man ëcï kaŋ aa tiŋ Uria.
23220  MAT 1:7  Tholomon ë ye wun Raboam, ku Raboam ë ye wun Abija, ku Abija ë ye wun Atha.
23221  MAT 1:8  Atha ë ye wun Jocapat, Jocapat ë ye wun Joram, ku Joram ë ye wun Udhia.
23222  MAT 1:9  Udhia ë ye wun Jotham, Jotham ë ye wun Aɣath, ku Aɣath ë ye wun Ɣedhekia.
23223  MAT 1:10  Ɣedhekia ë ye wun Manathe, Manathe ë ye wun Amon, ku Amon ë ye wun Jothia.
23224  MAT 1:11  Jothia ë ye wun Jekonia, ku wämäthakën kɔ̈k, ku jɔl ke peec ku ɣɛ̈th ke Babilonia.
23225  MAT 1:12  Wën ke ɣäth Babilonia aacï la dhiëth këlä, Jekonia acï Cealtiel la dhiëëth. Cealtiel ë ye wun Dherubabel.
23226  MAT 1:13  Dherubabel ë ye wun Abiöt ku Abiöt ë ye wun Eliakim. Ku Eliakim ë ye wun Adhor.
23227  MAT 1:14  Adhor ë ye wun Dhadok. Dhadok ë ye wun Acim, ku Acim ë ye wun Eliöt.
23228  MAT 1:15  Eliöt ë ye wun Aliadhër ku Aliadhër ë ye wun Mathan. Ku Mathan ë ye wun Jakop.
23229  MAT 1:16  Ku Jakop ë ye wun Jothep mony Maria, ku ë yen acï Jethu cɔl Raan lɔc ku dɔc bɛ̈n dhiëëth.
23230  MAT 1:17  Këya, kuat Jethu ë kith, ee ye yic thiäär ku ŋuan jɔɔk Abaram ɣeet Debit, ku ben yic aa thiäär ku ŋuan ɣeet tɛ̈wäär ke pɛɛc Babilonia, ku ben yic aa thiäär ku ŋuan jɔɔk kɔc dhiëëth Babilonia ɣet dhiënh Jethu raan lɔc ku dɔc.
23231  MAT 1:18  Dhiënh Jethu ë loi rot këlä. Maria ë wïc Jothep thiaak. Tɛ̈wën këc ye gam, ke yök ke liëc ë manh yök tënë Wëi Nhialic.
23232  MAT 1:19  Jothep, raan awën wïc ye thiaak ë ye raan path, ku akëc wïc Maria yɔ̈ɔ̈r guɔ̈p, go wïc puɔ̈l ke cïn raan piŋ ye.
23233  MAT 1:20  Tɛ̈wën wïc yen kënë looi, ka atuny Nhialic nyuth rot ye nyuɔ̈th yic ku lueel, “Jothep, manh Debit, duk riɔ̈c ba Maria cïï thiak, rin ë riɛl Wëi Nhialic yen ayök yen manh tɔ̈ yeyäc.
23234  MAT 1:21  Yeen abï mɛnh moc dhiëëth, ku aba cäk ke cɔl Jethu rin yen ë raan kɔc wɛ̈ɛ̈r bei adumuɔ̈ɔ̈mken yiic.”
23235  MAT 1:22  Kënë acï rot looi këya, wɛ̈t Nhialic raan käkke tïŋ lueel yenhom tiɛɛŋ. Ku wɛ̈t kënë ëcï lueel ëlä,
23236  MAT 1:23  “Nyan bïm abï liëc, ku abï manh moc dhiëëth ku abï cɔl Emanuel. Ku wɛ̈tde yic, Nhialic atɔ̈ kek ɣook.”
23237  MAT 1:24  Këya, Jothep acï atuny Nhialic lɛ̈k ye gam, ku ɣɛ̈th Maria baai.
23238  MAT 1:25  Ku aa këc rëër cïmën tik ke moc ɣet tɛ̈ dhiëëth Maria wënde, ku ciɛ̈k Jothep ke cɔl Jethu.
23239  MAT 2:1  Tɛ̈wën Jethu dhiëëth gen Bethalem pan Judia, wäär ye Ɣërot Bɛ̈ny. Ke bäny kɔ̈k ŋic käk Nhialic bɔ̈ piny ciëën ku ɣëëtkë Jeruthalem,
23240  MAT 2:2  ku thiëckë, “Tɔ̈ Bɛ̈nyŋaknhom kɔc Itharel puɔc dhiëëth tɛ̈no? Ciɛ̈ɛ̈rde acuk tïŋ piny ciëën, yen abï ɣok buk bɛ̈n door.”
23241  MAT 2:3  Nawën piŋ Bɛ̈ny Ɣërot ë wɛ̈t kënë, ke jieth puɔ̈u, agut kɔcdït käk Nhialic Jeruthalem aya.
23242  MAT 2:4  Go bänydït käk Nhialic, ku kɔc piööc lööŋ cɔɔl ëbën ku thiëëc ke, “Ye tɛ̈nɛn Raan lɔc ku dɔc dhiëëth thïn?”
23243  MAT 2:5  Gokë lueel, “Abï dhiëëth gen Bethalem pan Judia, cït wɛ̈t raan käk Nhialic tïŋ gɔ̈t ëlä,
23244  MAT 2:6  ‘Yïn Bethalem pan Judia, na cɔk alɔn koor yïn kam gɛɛthdït pan Judia, ke yïn abï bɛ̈ny mɛc thändiɛ̈n Itharel tuɔ̈l thïn.’
23245  MAT 2:7  Go Ɣërot bäny wën bɔ̈ ciëën cɔɔl ë röt, ku thiëëc ke aköl tïŋ kek ciɛ̈ɛ̈r panden.
23246  MAT 2:8  Ku cɔl ke aa bɛr Bethalem ku thɔn ke ëlä, “Lak wiɛ̈ckë meth apɛi ku na yɔ̈kkë, ke we dhuk bäk bɛ̈n lɛ̈k ɣa, ba la aya, ba la door.”
23247  MAT 2:9  Nawën cïk wɛ̈t Bɛ̈ny Ɣërot piŋ ë ke lööny dhöl, ku tïŋkë ciɛ̈ɛ̈r wäär cïk tïŋ ciëën panden ke wat kenhïïm, ku ler ku kɛ̈ɛ̈c ɣöt nhom, ɣön tɔ̈ meth thïn,
23248  MAT 2:10  ku mitkë puɔ̈th apɛi.
23249  MAT 2:11  Ku lek ɣöt ku yökkë meth kek man, ku gutkë kenhiɔl piny ku dorkë, ku liepkë jɔgɔɔken thook ku juërkë mïlɔ̈ɔ̈ŋthith, ku adöŋ ŋïr mit tuɔlde ku adöŋ kec.
23250  MAT 2:12  Nawën ke nyuɔ̈th ku lëk ke bïk cïï dhuk tënë Ɣërot, gokë dhuk panden dhël dɛ̈t.
23251  MAT 2:13  Wën kek jäl ka atuny ë Nhialic nyuth rot Jothep ku nyuɛ̈ɛ̈th ëlä, “Jɔt rot ku luɔɔc rot wei kek meth ku man ku lak Ijip, ku rɛ̈ɛ̈rkë thïn ɣet aköl ɣɛn we lɛ̈k bäk dhuk, rin Ɣërot awïc meth nɔ̈k.”
23252  MAT 2:14  Go Jothep rot jɔt ku nyɛɛi meth kek man ë wɛ̈ɛ̈r kënë, ku lek Ijip.
23253  MAT 2:15  Ku rëërkë thïn ɣet aköl thou Ɣërot, rin wɛ̈t raan käk Nhialic tïŋ, lueel thɛɛr ëlä yenhom tiɛɛŋ, “Ɣɛn abï Wëndiɛ̈ cɔɔl Ijip.”
23254  MAT 2:16  Nawën tïŋ Ɣërot lɔn bäny ke bɔ̈ ciëën ye ruëëny, ke riääk puɔ̈u. Ku cɔl mïth röör aa nɛ̈k ëbën Bethalem, ku bɛ̈ɛ̈i kɔ̈k thiääk kek ye, mïth ye ruɔ̈nken rou, ayï mïth kɔ̈k këc run karou dööt, cït tɛ̈ ye täk ye tɛ̈wäär piŋ yen wɛ̈t tënë bäny ciëën.
23255  MAT 2:17  Ku käk ke Jeremia raan käk Nhialic tïŋ lueel thɛɛr, aacï kenhïïm tiɛɛŋ thïn. Ku ëcï lueel ëlä,
23256  MAT 2:18  “Dhiëëu ëcï piŋ gen Rama, dhiëëu ku kiɛɛu ë dït apɛi. Kɔc Itharel aake dhur miɛ̈thken, Ku aacïï wɛ̈c ë puɔ̈u ye gam, rin kek thou ëbën.”
23257  MAT 2:19  Nawën Ɣërot thou, ka atuny Nhialic ben rot nyuɔ̈th Jothep pan Ijip,
23258  MAT 2:20  ku lueel ëlä, “Jɔt rot, ku dhuɔ̈k meth kek man pan Itharel, rin kɔc wäär wïc ye bïk nɔ̈k aacï thou.”
23259  MAT 2:21  Go Jothep rot jɔt, ku jiël kek meth ku man, ku dhuk pan Itharel.
23260  MAT 2:22  Nawën piŋ lɔn ye Arkelao bɛ̈ny Judia nyin wun, go riɔ̈ɔ̈c la Judia, ku ben nyuääth, go muɔ̈l la Judia ku ler Galilia,
23261  MAT 2:23  ku ler ku rëër gen cɔl Nadharet. Këya, wël ke raan käk Nhialic tïŋ lueel aacï kenhïïm tiɛɛŋ thïn, “Lɔn Jethu aa raan Nadharet.”
23262  MAT 3:1  Ye nïnkä, Joon raan kɔc muɔɔc nhïïm ëcï piɔ̈ɔ̈cde jɔɔk pan Judia, roor tɛ̈ cïï ceŋ, ku lëk kɔc ëlä,
23263  MAT 3:2  “Pälkë luɔi kärac rin Bääny Nhialic acï thiɔ̈k.”
23264  MAT 3:3  Mony kënë, yen ëcï Ithaya raan käk Nhialic tïŋ jam riɛnke thɛɛr wäär lueel yen ye ëlä, “Raan käkkiɛ̈ tïŋ abï piŋ röl ke jam roor tɛ̈ cïï ceŋ, ‘Guiɛrkë dhël ë Bɛ̈ny, luɔikë dhɔ̈lke bïk la cök.’
23265  MAT 3:4  Joon ë ye ceŋ alɛ̈th looi nhiëm thɔ̈rɔ̈l, ku ceŋ gɔɔp ye aŋum, ku mïïth ke ye cam, aa kɔryɔm ku kiëc.
23266  MAT 3:5  Kɔc Jeruthalem ku kɔc juëc pan Judia, ku lɔŋ Jordan ëbën aacï wɛt tënë ye,
23267  MAT 3:6  ku lekkë adumuɔ̈ɔ̈mken, ku jɔl Joon ke muɔɔc nhïïm wär Jordan.
23268  MAT 3:7  Wën tïŋ Joon kɔc juëc akut Parathï ku Thaduthï ke bɔ̈ tënë ye ke bɛ̈n muɔɔc nhïïm, ke lëk ke, “Awek dhiënh käpiɛny! Yeŋa lëk we bäk kat kërɛɛc bɔ̈?
23269  MAT 3:8  Luɔikë käk ye nyooth lɔn wek muɔ̈l kärac yakë ke looi.
23270  MAT 3:9  Ku duɔ̈kkë wepuɔ̈th tɔŋ ku luɛlkë ɣok aa mïth Abaram. Alɛ̈k we, lɔn alëu Nhialic aleelkä cɔl aaye mïth Abaram.
23271  MAT 3:10  Ku ëmën yëp acï ther ke tiim yep, rin na ye tim cie luɔk mïth path, ka yep ku cuɛt ë mɛɛc.
23272  MAT 3:11  Wek aa ya muɔɔc nhïïm ë pïu bäk luɔi kärac puɔ̈l, ku raan bɔ̈ ciëën ɣacök abï we muɔɔc nhïïm ë Wëi Nhialic ku mac. Yeen adït apɛi tënë ɣa, ku ɣɛn acïï path na cɔk a warke ka lëu ba ke dɔ̈k.
23273  MAT 3:12  Yeen acït raan muk lɔk ë käm, ye rap kɔ̈ɔ̈m rap tek thook ke miël. Ku wiiu rap ku tɔ̈ɔ̈u ke. Ku yɔɔt miël many cie thou.”
23274  MAT 3:13  Nawën ke Jethu jiël Galilia la Jordan Joon la muɔɔc nhom.
23275  MAT 3:14  Go Joon them Jethu yenhom waar ku lëk ye, “Awiëc ya yïn muɔc ɣanhom. Yeŋö bïï yïn tënë ɣa?”
23276  MAT 3:15  Go Jethu dhuɔ̈k ye, “Cɔl aloi rot këya. Ee tɛ̈de rot looi këlä rin ɣok wïc Nhialic tiɛɛŋ nhom.” Go Joon gam.
23277  MAT 3:16  Kaam wën Jethu muɔɔc nhom, ke bɔ̈ bei wïïr ku tïŋ nhial ke liep rot, ku tïŋ Wëi Nhialic ke bɔ̈ yenhom kecït kuur ë dit.
23278  MAT 3:17  Ku piŋ röl Nhialic nhial ke lueel, “Kënë ë manhdiɛ̈n nhiaar, ɣɛn amit puɔ̈u tënë ye.”
23279  MAT 4:1  Kaam wën ke Wëi Nhialic la Jethu guɔ̈p, ku ɣɛ̈th roor tɛ̈ cïï ceŋ jɔŋrac la them.
23280  MAT 4:2  Ku jɔl miëth theek nïn thiärŋuan, aköl ku wɛ̈ɛ̈r go cɔk nɔ̈k.
23281  MAT 4:3  Go jɔŋrac rot cuɔ̈t ye ku lueel, “Na ye Wën Nhialic, ke lɛ̈k aleelkä bïk röt wel bïk ya ayuɔ̈p.”
23282  MAT 4:4  Go Jethu bɛ̈ɛ̈r, “Acï gɔ̈t thɛɛr ëlä, ‘Raan acie pïr ayup ë rot, ee pïr wël bɛ̈n bei ëbën Nhialic thok.’
23283  MAT 4:5  Go jɔŋrac ɣäth gendït ku tɛ̈ɛ̈u luaŋ Nhialic nhom,
23284  MAT 4:6  ku lueel tënë ye, “Na ye wën Nhialic, ke cuɛt rot piny, rin ëcï gɔ̈t ëlä, ‘Nhialic abä atuɔ̈ɔ̈cke lɛ̈k bïk muk kecin, ba yïcök cïï deeny alɛl.’
23285  MAT 4:7  Go Jethu lɛ̈k ye, “Acï gɔ̈t ëlä aya, ‘Duk Nhialic Bänydu them ë path.’
23286  MAT 4:8  Go jɔŋrac bɛn ɣäth gɔn bär apɛi nhom, ku nyuth bɛ̈ɛ̈i pinynhom ëbën ke diɛɛkden.
23287  MAT 4:9  Ku lueel tënë ye, “Käkkä ëbën aba yiëk tɛ̈ cuɛt yïn rot piny ku door ɣa.”
23288  MAT 4:10  Go Jethu lɛ̈k ye, “Jälë, Jɔŋ ater, rin acï gɔ̈t ëlä, ‘Yïn abï Nhialic Bänydu door ku loi wɛ̈tde yetök!’
23289  MAT 4:11  Go jɔŋrac nyääŋ piny, ku bɔ̈ atuuc nhial ku konykë.
23290  MAT 4:12  Nawën piŋ Jethu lɔn Joon dɔm, ke dhuk Galilia.
23291  MAT 4:13  Ku jiël Nadharet gɛnden ku le rëër Kapernaum, gen thiääk kek wär Galilia, lɔŋ Dhebulun ku Naptalï.
23292  MAT 4:14  Kënë ëcï rot looi, wɛ̈t Ithaya raan käk Nhialic tïŋ lueel yenhom tiɛɛŋ,
23293  MAT 4:15  “Piny ë Dhebulun ku piny Naptalï, tɛ̈ la wïïr, wär Jordan alɔŋtui, Galilia, wun thäi juëc kuc Nhialic!
23294  MAT 4:16  Kɔc ke rɛ̈ɛ̈r muɔ̈ɔ̈th yic aacï ruɛldït apɛi tïŋ. Ku kɔc ciëŋ piiny muɔ̈ɔ̈th yic tɛ̈n thou, ruɛl acï bɛ̈n.”
23295  MAT 4:17  Ku ë nïnkä, Jethu acï piɔ̈ɔ̈cde jɔɔk, ku lëk kɔc ëlä, “Pälkë luɔi kärac, rin Bääny Nhialic acï thiɔ̈k.”
23296  MAT 4:18  Tɛ̈wën kuɛny Jethu wär Galilia yɔu, ke tïŋ amɛ̈i karou, Thaimon, ku ë cɔl Pïtɛr aya, kek Andria wämënh ke dɔm rec buɔi.
23297  MAT 4:19  Go lɛ̈k ke, “Biathkë ɣa ku wek aaba piɔ̈ɔ̈c bäk kɔc aa dɔm.”
23298  MAT 4:20  Gokë biaiken nyääŋ piny nyin yic ku buɔthkë Jethu.
23299  MAT 4:21  Wën jiël yen ë tɛ̈n, ke tïŋ Jemith ku Joon kek wunden Dhubedï riäi yic, ke guir biaiken. Go Jethu ke cɔɔl.
23300  MAT 4:22  Gokë lööny dhöl nyin yic kek ye, ku nyiëëŋkë wunden piny riäi yic.
23301  MAT 4:23  Ku jɔl Jethu pan Galilia kuany yic, ke ye piööc ɣɔ̈n amat yiic, ku lëk kɔc Wɛ̈t Puɔth Yam ë Bääny Nhialic, ku kony kɔc kuat tuaany ëbën bïk pial.
23302  MAT 4:24  Go lɛcde thiëi piny pan Thiria ëbën, go kɔc ke tuany tuɛny juëc, kɔc ke rem gup apɛi, ku kɔc jakrɛc dɔm, ku kɔc la gup nok ku kɔc ruai, bɛ̈ɛ̈i tënë ye. Goke kony bïk pial.
23303  MAT 4:25  Go kɔc juëc apɛi pan Galilia, ku gɛɛth kathiäär yiic, ku Jeruthalem ku Judia ku bɛ̈ɛ̈i kɔ̈k lɔŋ Jordan, buɔɔth.
23304  MAT 5:1  Wën tïŋ Jethu kɔc juëc apɛi, go la tɛ̈thöny gɔt nhom. Ku nyuuc ku mɛ̈t kɔcken ye buɔɔth röt ye,
23305  MAT 5:2  go jam ku piööc ke ëlä,
23306  MAT 5:3  “Kɔc mit gup aa kɔc ë lɛŋ kepuɔ̈th, rin ye Bääny pan Nhialic këden!
23307  MAT 5:4  Kɔc mit gup aa kɔc dhuɔ̈ɔ̈r rin Nhialic ke waac puɔ̈th!
23308  MAT 5:5  Kɔc mit gup aa kɔc lir puɔ̈th, rin kek Nhialic thɔn yök!
23309  MAT 5:6  Kɔc mit gup aa kɔc nɛ̈k tuil puɔ̈n la cök, ku aabï kuɛth yeen!
23310  MAT 5:7  Kɔc mit gup aa kɔc abiökruɛl, rin keek kony aya!
23311  MAT 5:8  Kɔc mit gup aa kɔc ɣer puɔ̈th, rin kek Nhialic tïŋ!
23312  MAT 5:9  Kɔc mit gup aa kɔc ë kɔc dɔ̈ɔ̈r, rin keek aa cɔl mïth Nhialic!
23313  MAT 5:10  Kɔc mit gup aa kɔc ye jöör rin wɛ̈t path, rin ye pan Nhialic këden!