2	GEN 1:2	Tɛtʋ ntɩ tɩɩ wɛ kpɛtɛ kɛ́ tǝ fɛɩ tapʋɣʋ tǝ fɛɩ nɔɣɔ, na teŋku lumaŋ nyǝŋ waasa pǝ tɔɔ na sǝkpɛtʋɣʋ nyalaa, na pǝ́ kaasɩ na Ɩsɔ heelim náá makɩ lʋm tɔɔ.
3	GEN 1:3	Ntɛna Ɩsɔ tɔ́ sɩ: Pǝ́ naakɩ, ɩlɛna pǝ́ sʋʋ naʋ.
4	GEN 1:4	Ɩsɔ laŋlɛ hɛɛna pǝ naakʋɣʋ mpʋ tɔ, ɩlɛna ɩ́ faɣa-wɩ na sǝkpɛtʋɣʋ.
5	GEN 1:5	Mpʋɣʋlɛ Ɩsɔ ha pǝ naakʋɣʋ mpʋ tɔɣɔ hǝtɛ sɩ ilim taa, na ɩ́ ha sǝkpɛtʋɣʋ sɩ ahoo. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ kancaalaɣa nyǝŋkʋ.
6	GEN 1:6	Ɩlɛna Ɩsɔ tɔ́ sɩ: Patǝma ɩ́ wɛɛ ɩsɔtaa, ɩlɛna pǝ́ faɣa ɩsɔtɔnʋɣʋ taa lʋm na atɛ nyǝm.
8	GEN 1:8	Ntɛna ɩ́ ha patǝma ɩnǝɣɩ hǝtɛ sɩ ɩsɔtɔnʋɣʋ. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ naalɛ nyǝŋkʋ.
10	GEN 1:10	Kɛlɛna Ɩsɔ ha-tǝɣɩ hǝtɛ sɩ tɛtʋ, na ɩ́ yaa lʋmnaa mpɛ sɩ teŋkunaa, na ɩ laŋlɛ hɛɛ.
12	GEN 1:12	Ḿpʋ́ɣʋ́ tɛtʋ lʋlǝsa-wǝɣɩ waanɩ waanɩ, na Ɩsɔ laŋlɛ hɛɛ.
13	GEN 1:13	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ tooso nyǝŋkʋ.
14	GEN 1:14	Mpʋɣʋlɛ Ɩsɔ tɔma sɩ: Kɔkɔsɩ ɩ́ wɛɛ ɩsɔtaa na sɩ́ faɣa ilim na ahoo, na kʋyɛɛŋ na pɩɩsɩ na lʋŋlɛ na yoluma,
15	GEN 1:15	na sɩ́ naakɩ tɛtʋ, ɩlɛna pǝ́ lá mpʋ.
16	GEN 1:16	Kɔkɔsɩ sɔsɔɔnsɩ naalɛɣɛ ɩ lapa, na kʋkǝlaɣa tɔ́kɩ kawulaɣa kɛ ilim na naalɛ nyǝŋka kɛ ahoo. Na ɩ́ la ɩsɔtʋlʋŋasɩ tɔtɔ.
17	GEN 1:17	Ḿpʋ́ɣʋ́ Ɩsɔ tʋ́ sɩ tǝnaɣa ɩsɔtaa na sɩ́ naakɩ tɛtʋ tɔɔ,
18	GEN 1:18	na sɩ́ tɔkɩ kawulaɣa kɛ ilim na ahoo, na sɩ́ faɣa ilim na sǝkpɛtʋɣʋ.
19	GEN 1:19	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ liɣiti nyǝŋkʋ.
21	GEN 1:21	Ɩlɛna Ɩsɔ lá lʋm taa tɔɣɔlǝŋ na pǝ taa weesuɣu nyǝmnaa kɛ waanɩ waanɩ, na sumasɩ tǝna, na ɩ laŋlɛ hɛɛ,
22	GEN 1:22	na ɩ́ kooli-tǝɣɩ kʋpantʋ na ɩ́ tɔ́ sɩ: Ɩ́ lʋlɩ na ɩ́ huki na ɩ́ sú teŋkunaa, na sumasɩ náá huki tɛtʋ tɔɔ.
23	GEN 1:23	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ kakpasɩ nyǝŋkʋ.
24	GEN 1:24	Ḿpʋ́ɣʋ́ Ɩsɔ tɔma sɩ: Tɛtʋ ɩ́ lʋlǝsɩ weesuɣu nyǝm tǝnaɣa waanɩ waanɩ ɩsɩɩ tɔla na taalɛ wontu na atɛ nyamanyamanaa tǝna, ɩlɛna pǝ́ lá mpʋ.
25	GEN 1:25	Wontunaa mpɛ pa tǝnaɣa ɩ lapa, paa tɔla paa taalɛ wontu paa atɛ nyamanyamanaa, na ɩ laŋlɛ hɛɛ.
26	GEN 1:26	Ḿpʋ́ɣʋ́ Ɩsɔ tɔma sɩ: Tǝ́ ŋmá yʋlʋ na ɩ́ wɛɛ ɩsɩɩ tá tǝtɛŋɛlɛŋ na ɩ́ tɔɣɔ kawulaɣa kɛ wontu tǝna tɔɔ, paa tiina paa sumasɩ paa nti.
31	GEN 1:31	Mpʋɣʋlɛ Ɩsɔ nyǝnaa na ɩ laŋlɛ hɛɛ sɔsɔm. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ naatoso nyǝŋkʋ.
33	GEN 2:2	Kʋyakʋ naatoso nyǝŋkʋ wule kɛ Ɩsɔ tɛɛsa ɩ tǝma, ɩlɛna ɩ́ hɛɛsɩ naatosompɔɣɔlaɣa nyǝŋkʋ wule.
35	GEN 2:4	Ɩsǝna Ɩsɔ lapa ɩsɔtɔnʋɣʋ na atɛ tɔɣɔlɛ. Waatʋ wei Tacaa Ɩsɔ lapa atɛ na ɩsɔtɔnʋɣʋ tɔ,
36	GEN 2:5	nyɩɩtʋ taa tiika nakǝlɩ ka taa fɛɩ tɛtʋ tɔɔ, pǝ́cɔ́ nyiilaɣa nakǝlɩ ka taa nyɔɔkɩ. Mpi tɔ, Tacaa Ɩsɔ táá yelǝta sɩ tɛʋ ɩ́ nɩɩ. Pǝyele yʋlʋ nɔɣɔlʋ ɩ taa fɛɩ sɩ ɩ́ hala tɛtʋ.
38	GEN 2:7	Ḿpʋ́ɣʋ́ Tacaa Ɩsɔ kpaɣa tɛtʋ na ɩ́ lá yʋlʋ, ɩlɛna ɩ́ woso yʋlʋ mɩɩna tɛɛ kɛ́ weesuɣu heelim. Tǝnaɣalɛ yʋlʋ sʋʋ feesuɣu.
39	GEN 2:8	Ɩlɛna ɩ́ lá tɩɩŋ taalɛ kɛ Ɩteni taa kɛ́ ilim tǝlɩɩlɛ tɔɔ, na ɩ́ sɩɩ yʋlʋ ɩnǝɣɩ tǝ taa.
40	GEN 2:9	Ntɛna Tacaa Ɩsɔ yele na tɩɩŋ kʋpaŋ nyɔ Ɩteni taa tǝnaɣa waanɩ waanɩ na ɩ pee tɔɣɔʋ na leleŋ. Na tʋɣʋ ŋku kʋ pee haakɩ weesuɣu tɔ, na kʋpantʋ na ɩsaɣatʋ pǝ cɛkǝnaʋ nyǝŋkʋ ka sǝŋa hɛkʋ taa.
42	GEN 2:11	Kancaalaɣa nyǝŋka hǝtɛ ntɛ́ Pisɔŋ, kɛlɛ ka cɔɔna Hafila tɛtʋ nti tǝ taa wʋla kʋpaŋ na tulaalʋ kʋpaŋ na liɣitee pǝlɛ kʋkpɛɛtǝlɛ pǝ wɛɛ tɔ.
45	GEN 2:14	Na tooso nyǝŋka hǝtɛ ntɛ́ Tikili, kɛlɛ ka kpeŋna na ilim tǝlɩɩlɛ tɔɔ kɛ́ Asilii tɛtʋ taa. Pɔɣɔ liɣiti nyǝŋka hǝtɛ ntɛ́ Ɩfǝlatɩ.
48	GEN 2:17	Ama kʋpantʋ na ɩsaɣatʋ pǝ cɛkǝnaʋ tʋɣʋ pee paasi kɛ́ n kaa tǝŋ. Pɔpɔtʋ fɛɩ leleŋ, kʋyaŋku ń tɔɣɔ-yɛ ɩsɩɩ n sǝpa.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
52	GEN 2:21	Ɩlɛna Tacaa Ɩsɔ lá na tom kpa yʋlʋ na ɩ́ too ɩsɩɩ ɩ́ sǝpa, na ɩ́ lǝsɩ ɩ sǝntaaɣa lɛŋka na ɩ́ waasɩ nantʋ kɛ ka lonte.
54	GEN 2:23	Tǝnaɣalɛ yʋlʋ tɔma sɩ: Aŋhaa, má na ɩnɛ tǝ kaana nantʋ na mʋwa. Mpi tɔ, ma taa kɛ́ pa lǝsa-ɩ, ɩ́lɛ́ ɩ hǝtɛ ntɛ́ alʋ.
56	GEN 2:25	Yʋlʋ na ɩ alʋ pa tɔŋaɣa kpɛla kɛ pa naalɛɣɛ, pǝ́cɔ́ fɛɛlɛ natǝlɩ tǝ fɛɩ-wɛ.
57	GEN 3:1	Taalɛ wontu nti tǝ tǝna Tacaa Ɩsɔ lapa mpʋ tɔ, tʋm kǝlǝna tǝ tǝnaɣa acilaɣatʋ. Mpʋɣʋlɛ kʋyakʋ nakǝlɩ tʋm pɔɔsa alʋ sɩ: Ɩlɛ tampana Ɩsɔ yɔɣɔtaa sɩ ɩ́ taa tɔɣɔ taalɛ tɩɩŋ tǝna pee yaa?
58	GEN 3:2	Kɛlɛna alʋ náá cɔ sɩ: Aaɩ, tǝ tɔ́kɩ halǝm tɩɩŋ tǝna pee kɛ́.
59	GEN 3:3	Ama pǝ kaasʋɣʋ tʋɣʋ ŋku kʋ wɛ halǝm hɛkʋ taa tɔ kʋ pee tɔ, Ɩsɔ tɔma sɩ: Ɩ́ taa tǝŋ-yɛ, pǝ́cɔ́ ɩ́ taa tokina-yɛ́ɣɛ́ tokinaʋ maɣamaɣa, pǝ́ taa kɔɔ na ɩ́ sɩ́.
61	GEN 3:5	Ama Ɩsɔ nyǝ́má sɩ kʋyakʋ ŋku ɩ́ tǝŋa-yɛ, mǝ ɩsɛ kuliɣi kɛ́ ɩsɩɩ ɩnɩ ɩ wɛʋ tɔ, na ɩ́ nyǝ́má kʋpantʋ na ɩsaɣatʋ.
62	GEN 3:6	Alʋ nawa sɩ tʋɣʋ ŋkʋ kʋ nyǝnʋɣʋ wɛ teu, pǝ́cɔ́ kʋ pee wɛ ɩsɛsɛɛmlɛ na a kuliɣi yǝlaa ɩsɛ. Ntɛna ɩ́ kooli-kʋ́ na ɩ́ tɔɣɔ, na ɩ́ kaasɩ na ɩ́ cɛla ɩ paalʋ na ɩ́lɛ́ ɩ́ tɔɣɔ tɔtɔ.
66	GEN 3:10	Ḿpʋ́ɣʋ́ ɩ cɔwa sɩ: Ma nɩɩ nyá nɔɣɔ kɛ taalɛ taa ɩlɛna sɔɣɔntʋ kpa-m na má sé na má ŋmɛlɩ. Mpi tɔ, ma wɛ tapakpɛtɛ.
68	GEN 3:12	Kɛlɛna yʋlʋ sɩ: Ma tɔɣaa yáá, ɩlɛ alʋ wei ɩnɩ n ha-m tɔ ɩnɩ ɩ cɛlǝna-m na má tɔɣɔ.
70	GEN 3:14	Ḿpʋ́ɣʋ́ Tacaa tɔma tʋm sɩ: Timpi n lapa mpʋ tɔ, pɩɩ kpatɩ nyá yule tɔɔ kɛ́ kpaakpaalɛ na pǝ́ kǝlɩ wontu tǝna, nyá lotu tɔɔ kɛ́ n ká tuuki nɔɔnɔɔ na ń tɔ́kɩ tɛtʋ, halǝna nyá sǝm.
71	GEN 3:15	Maa tʋ́ patɩɩlɛ kɛ nyá na alʋ mǝ hɛkʋ, na nyá lʋlʋɣʋ nyǝ́ma na ɩ lʋlʋɣʋ nyǝ́ma pa hɛkʋ, paa naŋtɩ nyá nyʋɣʋ na nyáá ló pɛlɛ pa nɔɔkikite.
72	GEN 3:16	Ɩlɛna Ɩsɔ tɔ́ alʋ sɩ: Maa sɔɔsɩ-ŋ wʋsasɩ kɛ nyá ahontotʋ waatʋ, na nsǝɣɩ n ká lʋlǝna, na n ká nyɩɩlǝɣɩ nyá paalʋ kɛ́ teu. Ama ɩ́lɛ́ ɩ ká la nyá sɔsɔ.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
76	GEN 3:20	Mpʋɣʋlɛ Atam ha ɩ alʋ sɩ Ɩfa. Mpi tɔ, ɩnǝɣǝlɛ yǝlaa tǝna too.
78	GEN 3:22	Tǝnaɣa Ɩsɔ Tacaa yɔɣɔtaa sɩ: Nɔɔnɔɔ yʋlʋ pǝsa ɩsɩɩ tá taa nɔɣɔlʋɣʋlɛ kʋpantʋ na ɩsaɣatʋ pǝ nyǝm tɔm taa. Pǝ tɔɔ tɔ, tǝ́ taa yele na ɩ́ tɔɣɔ weesuɣu tʋɣʋ pǝle na ɩ́ wɛɛna weesuɣu kɛ tam tɔɔ.
85	GEN 4:5	Ama ɩ kisa Kayini nyǝŋka. Tǝnaɣalɛ pǝ haŋa-ɩ teu ɩsɩɩ nɔɔhǝlɛ taa kɔkɔ, na ɩ ɩsɛntaa sɔŋ.
87	GEN 4:7	Ye kʋpantʋ kɛ n lakɩ, nyá ɩsɛntaa ɩ́ hɛtɩ. Ama ye ɩsaɣatʋ kɛ n lakɩ, kʋlʋmtʋ ntɩ tǝ papǝna ntɛɣɛ nyá nɔnɔɣɔ tɛɛ ɩsɩɩ tɔɣɔlʋɣʋ na tǝ́ taŋa-ŋ, na tǝ́ caa-ŋ kǝlʋɣʋ. Ama pǝsɩ-tɩ na ń kǝlɩ-tɩ.
88	GEN 4:8	Tǝnaɣa Kayini tɔma ɩ neu sɩ: Tǝ́ kpa taalɛ, ɩlɛna Kayini kʋlɩ ɩ tɔɔ kɛ́ tǝna na ɩ́ kʋ-ɩ.
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
92	GEN 4:12	Paa n ká hala-tǝɣɩ ɩsǝna, n kaa waa pʋlʋ. N ká la yem cɔɔlʋ, n kaa wɛɛna tǝyaɣa.
94	GEN 4:14	Nyǝnɩ, saŋa ń tɔɣɔnǝɣɩ-m tɛtʋ kʋpantʋ tǝnɛ tǝ taa kɛlɛ, ma kaa tasa nyá ɩsǝpǝle taa kɛ́ loosuɣu. Maa pǝsɩ yem cɔɔlʋ, ma kaa wɛɛna tǝyaɣa, na wei ɩ́ hika-m ɩ kʋ-m.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
98	GEN 4:18	Ḿpʋ́ɣʋ́ Henɔkɩ lʋla Ɩlaatɩ na Ɩlaatɩ lʋlɩ Mehuyayɛɛlɩ na Mehuyayɛɛlɩ lʋlɩ Metusayɛɛlɩ, ɩlɛna Metusayɛɛlɩ lʋlɩ Lemɛkɩ.
99	GEN 4:19	Alaa naalɛ kɛ Lemɛkɩ kpaɣaa, kancaalaɣa nyǝŋ hǝtɛ ntɛ́ Ata, naalɛ nyǝŋ sɩ Sila.
102	GEN 4:22	Sila ɩ́lɛ́ ɩ lʋlǝna ntɛɣɛ Tupaalɩ-Kayini, wei ɩ luki nyǝɣǝlʋɣʋ kʋsɛɛmʋɣʋ na nyǝɣǝlʋɣʋ maɣamaɣa wontu tɔ. Ɩ neu kɛ pa yaakaɣa sɩ Naama.
103	GEN 4:23	Ḿpʋ́ɣʋ́ Lemɛkɩ tɔma ɩ alaa Ata na Sila sɩ: Ma alaa mɛ, ɩ́ nɩɩ ma tɔm yoo. Mǝ taa lɛlʋ paalʋ cǝtǝla-m kɛ́ na má kʋ-ɩ.
105	GEN 4:25	Atam pa tasa apalʋpǝyaɣa kɛ lʋlʋɣʋ ɩlɛna Ɩfa ha-kɛɣɛ hǝtɛ sɩ Sɛɛtɩ, sɩ Tacaa ha ɩnǝɣɩ apalʋpǝyaɣa lɛŋka kɛ Apɛɛlɩ wei Kayini kʋwa tɔ ɩ lonte.
107	GEN 5:1	Atam lʋlʋɣʋ nyǝ́ma hǝla ntɔ cǝnɛ. Waatʋ wei Ɩsɔ ŋmá yʋlʋ tɔ, ɩ ŋma-ɩ kɛ́ ɩsɩɩ ɩ wɛɛ tɔ.
119	GEN 5:13	Malalɛlɩ lʋlʋɣʋ waalɩ ɩ tɔɣɔ pɩɩsɩ nasǝnaasa na nɩɩlɛ (840), na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
122	GEN 5:16	Yɛlɛtɩ lʋlʋɣʋ waalɩ Malalɛlɩ tɔɣɔ pɩɩsɩ nasǝnaasa na hiu na naanʋwa (830), na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
125	GEN 5:19	Henɔkɩ lʋlʋɣʋ waalɩ ɩ tɔɣɔ pɩɩsɩ nasǝnaasa (800), na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
128	GEN 5:22	Metusalɛm lʋlʋɣʋ waalɩ ɩ tɔɣɔ pɩɩsɩ ŋmʋnʋɣʋ na nɩɩnʋwa (300), na sɩ taa kɛ́ ɩ tǝŋa Ɩsɔ kɛ́ teu na ɩ́lɛ́ ɩ́ wɛ ɩ waalɩ, na ɩ́ tasa apalʋpiya na alʋpiya kɛ lʋlʋɣʋ.
130	GEN 5:24	Henɔkɩ ka tǝŋa Ɩsɔ kɛ́ teu kɛ́ na Ɩsɔ wɛ ɩ waalɩ. Pǝ kɔma na pǝ kɛɛsɩ ɩlɛna Ɩsɔ kpaɣa-ɩ na ɩ ɩsɛ, nɔɣɔlʋ ta tasa-ɩ naʋ.
132	GEN 5:26	Lemɛkɩ lʋlʋɣʋ waalɩ ɩ tɔɣɔ pɩɩsɩ nasǝtoso na nɩɩnʋwa na nɩɩnaasa na naalɛ (782), na sɩ taa kɛ́ ɩ lʋla apalʋpiya na alʋpiya.
135	GEN 5:29	na ɩ́ ha-kɛ sɩ Nowee. Mpi tɔ, ɩ tɔmaɣa sɩ ɩnɛ ɩnɩ ɩ ká hɛɛsǝna tá laŋa kɛ ta ɩkaalɛnaa na tá wahala tǝma taa kɛ́ tɛtʋ nti ɩnɩ Tacaa tǝŋsa mpusi kɛ́ tá tɔɔ tɔ tǝ taa cǝnɛ.
140	GEN 6:2	Ḿpʋ́ɣʋ́ ɩsɔtaa yǝlaa nawa sɩ pɛɛlaa mpɛ pa tewa, ɩlɛna pá kpaɣa pa taa mpa pa sɔɔlaa tɔɣɔ alaa.
141	GEN 6:3	Ntɛna ɩ́ tɔ́ sɩ: Ma feesuɣu kaa caɣa yʋlʋ taa kɛ́ tam. Mpi tɔ, ɩ kɛ́ yʋlʋ kɛ́. Pǝ tɔɔ tɔ pǝ kpaɣaʋ pǝnɛntɛ tɔ ɩ weesuɣu tǝna taɣalǝŋ ntɛ́ pɩɩsɩ nɩɩnʋwa na hiu (120).
142	GEN 6:4	Waatʋ wei pa lʋla pa piya mpɛ tɔ pa lapa tookonaa kɛ́ na pá kɔɔ na pá tasa tookonaa mpɛɣɛ lʋlʋɣʋ, na mpɛ pa lapǝna lɔŋtaa akanaa na pa hǝtɛ yaa.
143	GEN 6:5	Ḿpʋ́ɣʋ́ Tacaa nawa sɩ yǝlaa ɩsaɣatʋ tɛlǝsa mpǝle kɛ tɛtʋ taa, na ɩsaɣalǝmaɣasǝlɛ tike kɛ pa wɛna paa ɩfemle nte.
145	GEN 6:7	Ntɛna ɩ́ tɔ́ sɩ: Ɩsɩɩ ma kpiisa yǝlaa mpa ma ŋmawa tɔɣɔ tɛtʋ tǝna tɔɔ, pǝ kpaɣaʋ yʋlʋ na pǝ́ polo tɔtɛ tɔ, na sumasɩ, na atɛ nyamanyamanaa tǝna tɔ. Ma laŋlɛ wakǝlǝna pa ŋmaʋ kɛ́.
147	GEN 6:9	Nowee na ɩ nyǝ́ma pa tɔm ntɔ. Nowee ka wɛna piya tooso kɛ́, Sem, na Kam, na Yɛfɛtɛ. Ɩ ka kɛ́ kʋpaŋ kɛ́ na ɩ́ siɣisaa na ɩ́ tǝŋǝɣɩ Ɩsɔ kɛ́ teu kɛ ɩ waatʋ taa na Ɩsɔ wɛ ɩ waalɩ.
149	GEN 6:11	Yǝlaa ka wakǝlaa kɛ́, na pá lakɩ tǝmaɣa mʋsʋŋ kɛ Ɩsɔ ɩsɛntaa.
151	GEN 6:13	Mpʋɣʋlɛ Tacaa heela Nowee sɩ: Ma tʋ́ ma taa sɩ maa wakǝlɩ yǝlaa tǝna, mpɛ pa suulina ɩsaɣatʋ kɛ antulinya taa. Pǝ tɔɔ tɔ maa kpiisi pa tǝnaɣa tɛtʋ tɔɔ.
152	GEN 6:14	Caa tʋɣʋ kʋpaŋkʋ nakʋlɩ na ń saakɩ nyá tǝɣɩ atakaa pɔɣɔlʋɣʋ sɔsɔɔʋ na ń tala kʋ taa kɛ́ naŋsi naŋsi, na ń taa-kʋɣʋ tʋɣʋ cǝlǝm kɛ kʋ taa na kʋ waalɩ.
153	GEN 6:15	Ɩsǝna n ká la-kʋ tɔɣɔlɔ, kʋ taɣalǝŋ ká wɛɛ mɛɛtǝlǝnaa nɩɩnʋwa na nɩɩlɛ na naanʋwa (150) na kʋ waŋ kɛ mɛɛtǝlǝnaa hiu na kakpasɩ na kʋ kʋŋkʋlʋmǝŋ kɛ mɛɛtǝlǝnaa naanʋwa na kakpasɩ.
155	GEN 6:17	Ɩlɛna máá yele na lʋm sɔsɔɔm watɩ tɛtʋ tɔɔ, na má kʋ́ pǝ tǝna mpi pǝ feesiɣi tɔ. Tɛtʋ tɔɔ nyǝm tǝna ká sǝna.
157	GEN 6:19	Na ń lǝsɩ wontu tǝna taa kɛ́ apalʋ na alʋ, na sumasɩ taa kɛ́ mpʋ na atɛ nyamanyamanaa taa kɛ́ mpʋ tɔtɔ, na tǝ́ sʋʋ nyá kiŋ kɛ atakaa pɔɣɔlʋɣʋ taa na pǝ́ ya tǝ piitim.
161	GEN 7:1	Ḿpʋ́ɣʋ́ Tacaa tɔma Nowee sɩ: Nyana nyá tǝyaɣa tǝna ɩ́ sʋʋ atakaa pɔɣɔlʋɣʋ taa. Mpi tɔ, nyá tike kɛ ma nawa wei ɩ nɩɩkǝna-m tɔɣɔ yǝlaa panɛ pa hɛkʋ.
163	GEN 7:3	Na ń lǝsɩ sumasɩ taa kɛ́ apalʋ na alʋ kɛ́ tɔm naatosompɔɣɔlaɣa, na ń waasɩ sɩ piitim na sɩ taa tɛ tɛtʋ tɔɔ.
164	GEN 7:4	Pǝ taɣa pʋlʋ tɔɔ, pǝ kaasa wɛɛ naatosompɔɣɔlaɣa kɛ́ na má yele na tɛʋ nɩɩ ilim na ahoo kɛ kʋyɛɛŋ nɩɩlɛ tǝcu, na lʋm kpiisi yǝlaa na wontu tǝna.
171	GEN 7:11	Nowee lʋlʋɣʋ pǝnaɣa nasǝtoso nyǝŋka ɩsɔtʋ naalɛ nyǝŋ kʋyɛɛŋ naanʋwa na naatosompɔɣɔlaɣa nyǝŋkʋ wule kɛ tɛʋ anaam nɔɣɔlʋ ɩ́ pǝla ilim na ahoo, halǝna kʋyɛɛŋ nɩɩlɛ tǝcu. Pǝ caɣa kɛ́ ɩsɩɩ ɩsɔtɔnʋɣʋ yawa na atɛ sɛɛlaa náá tʋlɩ ɩsɩɩ pɔɔŋ sɔsɔɔŋ.
174	GEN 7:14	Pá na wontu tǝnaɣa piitim piitim. Pǝ kpaɣaʋ tɔla, na taalɛ wontu, na sumasɩ, na atɛ nyamanyamanaa tǝna.
177	GEN 7:17	Kʋyɛɛŋ nɩɩlɛ tǝcu kɛ́ tɛʋ nɩɩwa, ɩlɛna lʋm kpa na pǝ́ kɛlɩ atakaa pɔɣɔlʋɣʋ, na pǝ́ kpaasɩ-kʋɣʋ ɩsɔtaa.
181	GEN 7:21	Antulinya taa weesuɣu nyǝm tǝna sǝpǝna, pǝ kpaɣaʋ yǝlaa na wontunaa tɔ.
189	GEN 8:5	Na lʋm pasǝɣɩ mpʋ, halǝna ɩsɔtʋ naanʋwa nyǝŋ kʋyakʋ kancaalaɣa nyǝŋkʋ wule nte pǝ nyɩɩ pɔɔŋ nyɔɔŋ tɔ.
191	GEN 8:7	na ɩ́ lǝsɩ katǝkatʋɣʋ na kʋ́ cɔɔkɩ ɩsɔtaa kɛ́ yem, halǝna lʋm nyɔɔ tɛtʋ tɔɔ.
193	GEN 8:9	Ama alukuku laŋa timpi ɩ́ tɩɩ sopi sopuɣu maɣamaɣa tɔ, ɩlɛna ɩ́ mǝlǝna Nowee tɔɔ. Mpi tɔ, lʋm ká waasa tɛtʋ tǝna tɔɔ kɛ́. Na Nowee siisi na ɩ́ kpa alukuku na ɩ́ mǝlǝna-ɩ ɩ kiŋ.
196	GEN 8:12	Nowee tasa taŋʋɣʋ kɛ kʋyɛɛŋ naatosompɔɣɔlaɣa tɔtɔ, ɩlɛna ɩ́ tasa alukuku kɛ lǝsʋɣʋ kɛ tɔm tooso nyǝm. Ama alukuku ta tasa mǝlʋɣʋ.
201	GEN 8:17	Na ń kpɛnna wontunaa ntɩ tǝ tǝna. Pǝ kpaɣaʋ tɔla na sumasɩ na atɛ nyamanyamanaa tǝna tɔ, tǝ́ lʋlɩ na tǝ́ huki na tǝ́ yá tɛtʋ tɔɔ.
204	GEN 8:20	Ḿpʋ́ɣʋ́ Nowee ŋmá Tacaa kɛ kɔtaɣa tǝlatɛ, ɩlɛna ɩ́ lǝsɩ wontu tǝna nti tǝ mʋna kɔtaɣa lapʋ tɔ na sumasɩ nsi sɩ mʋna kɔtaɣa lapʋ tɔ sɩ tǝna sɩ taa kɛ́ kʋlʋm kʋlʋm ɩsɩɩ tǝ piitimnaa wɛɛ tɔ na ɩ́ lá Tacaa kɛ kɔtaɣa ŋka kɔkɔ lusa ka tǝna tɔ.
205	GEN 8:21	Tacaa nɩɩ kɔtaɣa ŋkɛ ka sɔɔsʋŋ na ɩ laŋlɛ hɛɛ na ɩ́ tɔ́ sɩ: Ma kaa tasa tɛtʋ kɛ mpusi tǝŋsʋɣʋ kɛ yʋlʋ ɩsaɣatʋ tɔɔ ɩsɩɩ maa lapʋ tɔ, na ma kaa tasa weesuɣu nyǝm tǝnaɣa wakǝlʋɣʋ. Mpi tɔ, yʋlʋ lǝmaɣasǝlɛ kɛ́ ɩsaɣalɛ kɛ hatoo ɩ hɔɔʋ tɛɛ kɛ́.
206	GEN 8:22	Tuutu na kʋmtʋ, watʋ na haŋaɣa, lʋŋlɛ na yoluma, ilim na ahoo pǝ kaa yele lapʋ halǝna antulinya polo na ɩ́ kʋlɩ.
208	GEN 9:2	Ma tʋ́ mǝ niŋ taa kɛ́ wontunaa tǝnaɣa, paa atɛ nyǝntʋ, na sumasɩ, na tiina, na atɛ nyamanyamanaa. Pǝ tɔɔ kɛ́ wontu ntɩ tɩɩ wɛɛna mǝ sɔɣɔntʋ kɛ sɔsɔm.
210	GEN 9:4	Ama kʋlʋmtʋ kɛ́ sɩ ye ɩ caa kpǝntɛ kɛ tɔɣɔʋ, ɩ́ lɛntɩ na calǝm lɩɩ na pǝ́cɔ́. Mpi tɔ, calǝm taa kɛ́ weesuɣu wɛɛ.
211	GEN 9:5	Ye wei ɩ́ kʋwa yʋlʋ, maa lɛɛtɩ pʋntʋ, paa yʋlʋ paa wontuɣu.
212	GEN 9:6	Ye nɔɣɔlʋ kʋwa ɩ tɔɣɔntǝlɛ, yʋlʋ tɔtɔ ká kʋna pʋntʋ. Mpi tɔ, Ɩsɔ ŋmá yʋlʋ kɛ́ ɩsɩɩ ɩ maɣamaɣa ɩ wɛɛ tɔ.
220	GEN 9:14	Má kɔma na má kpeɣela ŋmʋntʋ kɛ ɩsɔtaa, kaɣalʋ ka kaɣa kɛ́,