3	GEN 1:3	Ntɛna Ɩsɔ tɔ́ sɩ: Pǝ́ naakɩ, ɩlɛna pǝ́ sʋʋ naʋ.
6	GEN 1:6	Ɩlɛna Ɩsɔ tɔ́ sɩ: Patǝma ɩ́ wɛɛ ɩsɔtaa, ɩlɛna pǝ́ faɣa ɩsɔtɔnʋɣʋ taa lʋm na atɛ nyǝm.
9	GEN 1:9	Ḿpʋ́ɣʋ́ Ɩsɔ tɔma sɩ: Atɛ lʋm ɩ́ kpɛntɩ lona paɣalɛ taa na pǝ́ yele puɣulaɣa tɛtʋ. Ɩlɛna pǝ́ lá mpʋ.
11	GEN 1:11	Ntɛna Ɩsɔ tɔ́ sɩ: Tɛtʋ ɩ́ lʋlǝsɩ kʋnyɔnyɔm mpi pǝ wɛ tǝlɛkʋlɛkʋ tɔɣɔ waanɩ waanɩ ɩsɩɩ tɩɩŋ na nyɩɩtʋ na pǝ́ lʋlǝɣɩ pǝ pee na á wɛ nyɔʋ. Ɩlɛna pǝ́ lá mpʋ.
14	GEN 1:14	Mpʋɣʋlɛ Ɩsɔ tɔma sɩ: Kɔkɔsɩ ɩ́ wɛɛ ɩsɔtaa na sɩ́ faɣa ilim na ahoo, na kʋyɛɛŋ na pɩɩsɩ na lʋŋlɛ na yoluma,
20	GEN 1:20	Ḿpʋ́ɣʋ́ Ɩsɔ tɔma sɩ: Weesuɣu nyǝm ɩ́ sú lʋmnaa taa na sumasɩ náá kʋlǝɣɩ ɩsɔtaa.
22	GEN 1:22	na ɩ́ kooli-tǝɣɩ kʋpantʋ na ɩ́ tɔ́ sɩ: Ɩ́ lʋlɩ na ɩ́ huki na ɩ́ sú teŋkunaa, na sumasɩ náá huki tɛtʋ tɔɔ.
24	GEN 1:24	Ḿpʋ́ɣʋ́ Ɩsɔ tɔma sɩ: Tɛtʋ ɩ́ lʋlǝsɩ weesuɣu nyǝm tǝnaɣa waanɩ waanɩ ɩsɩɩ tɔla na taalɛ wontu na atɛ nyamanyamanaa tǝna, ɩlɛna pǝ́ lá mpʋ.
26	GEN 1:26	Ḿpʋ́ɣʋ́ Ɩsɔ tɔma sɩ: Tǝ́ ŋmá yʋlʋ na ɩ́ wɛɛ ɩsɩɩ tá tǝtɛŋɛlɛŋ na ɩ́ tɔɣɔ kawulaɣa kɛ wontu tǝna tɔɔ, paa tiina paa sumasɩ paa nti.
28	GEN 1:28	na ɩ́ kooli-wɛɣɛ kʋpantʋ. Ɩlɛna ɩ́ heeli-wɛ sɩ: Ɩ́ lʋlɩ na ɩ́ huki na ɩ́ sú tɛtʋ na ɩ́ pǝsɩ-tɩ na ɩ́ tɔɣɔ kawulaɣa kɛ tiina na sumasɩ na atɛ wontu tǝna tɔɔ na ɩ́ paasǝna-tɩ.
47	GEN 2:16	Kɛlɛna ɩ́ tɔ́ yʋlʋ sɩ: N pǝsǝɣɩ na ń tɔɣɔ taalɛ tɩɩŋ tǝna pee.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
54	GEN 2:23	Tǝnaɣalɛ yʋlʋ tɔma sɩ: Aŋhaa, má na ɩnɛ tǝ kaana nantʋ na mʋwa. Mpi tɔ, ma taa kɛ́ pa lǝsa-ɩ, ɩ́lɛ́ ɩ hǝtɛ ntɛ́ alʋ.
57	GEN 3:1	Taalɛ wontu nti tǝ tǝna Tacaa Ɩsɔ lapa mpʋ tɔ, tʋm kǝlǝna tǝ tǝnaɣa acilaɣatʋ. Mpʋɣʋlɛ kʋyakʋ nakǝlɩ tʋm pɔɔsa alʋ sɩ: Ɩlɛ tampana Ɩsɔ yɔɣɔtaa sɩ ɩ́ taa tɔɣɔ taalɛ tɩɩŋ tǝna pee yaa?
58	GEN 3:2	Kɛlɛna alʋ náá cɔ sɩ: Aaɩ, tǝ tɔ́kɩ halǝm tɩɩŋ tǝna pee kɛ́.
59	GEN 3:3	Ama pǝ kaasʋɣʋ tʋɣʋ ŋku kʋ wɛ halǝm hɛkʋ taa tɔ kʋ pee tɔ, Ɩsɔ tɔma sɩ: Ɩ́ taa tǝŋ-yɛ, pǝ́cɔ́ ɩ́ taa tokina-yɛ́ɣɛ́ tokinaʋ maɣamaɣa, pǝ́ taa kɔɔ na ɩ́ sɩ́.
60	GEN 3:4	Mpʋɣʋlɛ tʋm nɔɣɔ tǝkpaʋ sɩ: Ɩɩ sǝkɩ se.
65	GEN 3:9	Ama Ɩsɔ Tacaa yáá yʋlʋ sɩ: Leɣe n wɛna ye?
66	GEN 3:10	Ḿpʋ́ɣʋ́ ɩ cɔwa sɩ: Ma nɩɩ nyá nɔɣɔ kɛ taalɛ taa ɩlɛna sɔɣɔntʋ kpa-m na má sé na má ŋmɛlɩ. Mpi tɔ, ma wɛ tapakpɛtɛ.
67	GEN 3:11	Tǝnaɣalɛ Ɩsɔ Tacaa nɔɣɔ tǝkpaʋ sɩ: Awe heelina-ŋ sɩ n wɛ kpɛtɛ? N tɔɣɔ tʋɣʋ ŋku ɩnɩ maa kisina-ŋ tɔɣɔ?
68	GEN 3:12	Kɛlɛna yʋlʋ sɩ: Ma tɔɣaa yáá, ɩlɛ alʋ wei ɩnɩ n ha-m tɔ ɩnɩ ɩ cɛlǝna-m na má tɔɣɔ.
69	GEN 3:13	Ntɛna Ɩsɔ Tacaa pɔɔsɩ alʋ sɩ: Pepe tɔɔ kɛ́ nyá lapa mpʋ? Alʋ nɔɣɔ tǝkpaʋ sɩ: Tʋm tʋsǝna-m na má tɔɣɔ.
70	GEN 3:14	Ḿpʋ́ɣʋ́ Tacaa tɔma tʋm sɩ: Timpi n lapa mpʋ tɔ, pɩɩ kpatɩ nyá yule tɔɔ kɛ́ kpaakpaalɛ na pǝ́ kǝlɩ wontu tǝna, nyá lotu tɔɔ kɛ́ n ká tuuki nɔɔnɔɔ na ń tɔ́kɩ tɛtʋ, halǝna nyá sǝm.
72	GEN 3:16	Ɩlɛna Ɩsɔ tɔ́ alʋ sɩ: Maa sɔɔsɩ-ŋ wʋsasɩ kɛ nyá ahontotʋ waatʋ, na nsǝɣɩ n ká lʋlǝna, na n ká nyɩɩlǝɣɩ nyá paalʋ kɛ́ teu. Ama ɩ́lɛ́ ɩ ká la nyá sɔsɔ.
73	GEN 3:17	Ɩlɛna ɩ́ pǝsǝna apalʋ tɔɔ sɩ: Timpi n nɩɩna nyá alʋ na ń tɔɣɔ tʋɣʋ ŋku maa kisina-ŋ tɔ. Ma tǝŋsǝɣɩ tɛtʋ kɛ mpusi kɛ́ nyá maɣamaɣa nyá tɔɔ. Wahala na wahala kɛ́ na pǝ́cɔ́ ń hiki nyá tɔɣɔnaɣa halǝna nyá sǝm.
78	GEN 3:22	Tǝnaɣa Ɩsɔ Tacaa yɔɣɔtaa sɩ: Nɔɔnɔɔ yʋlʋ pǝsa ɩsɩɩ tá taa nɔɣɔlʋɣʋlɛ kʋpantʋ na ɩsaɣatʋ pǝ nyǝm tɔm taa. Pǝ tɔɔ tɔ, tǝ́ taa yele na ɩ́ tɔɣɔ weesuɣu tʋɣʋ pǝle na ɩ́ wɛɛna weesuɣu kɛ tam tɔɔ.
81	GEN 4:1	Ḿpʋ́ɣʋ́ Atam nyǝmá ɩ alʋ Ɩfa na ɩ́lɛ́ ɩ́ lá teu na ɩ́ lʋlɩ Kayini. Ɩlɛna ɩ́ tɔ́ sɩ: Ma hika apalʋpǝyaɣa na Tacaa toŋ.
86	GEN 4:6	Ɩlɛna Tacaa pɔɔsɩ-ɩ sɩ: Pepe tɔɔ kɛ́ nyá ɩsɛntaa sɔŋaa?
88	GEN 4:8	Tǝnaɣa Kayini tɔma ɩ neu sɩ: Tǝ́ kpa taalɛ, ɩlɛna Kayini kʋlɩ ɩ tɔɔ kɛ́ tǝna na ɩ́ kʋ-ɩ.
89	GEN 4:9	Mpʋɣʋlɛ Tacaa pɔɔsa Kayini sɩ: Nyá neu Apɛɛlɩ wele? Ɩlɛna ɩ́ cɔ sɩ: Ma nyǝmá timpi ɩ wɛɛ tɔ? Ma kɛ́ ma neu taŋlʋ na?
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
93	GEN 4:13	Mpʋɣʋlɛ Kayini cɔwa Tacaa sɩ: Ma salǝka kǝla-m.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
103	GEN 4:23	Ḿpʋ́ɣʋ́ Lemɛkɩ tɔma ɩ alaa Ata na Sila sɩ: Ma alaa mɛ, ɩ́ nɩɩ ma tɔm yoo. Mǝ taa lɛlʋ paalʋ cǝtǝla-m kɛ́ na má kʋ-ɩ.
141	GEN 6:3	Ntɛna ɩ́ tɔ́ sɩ: Ma feesuɣu kaa caɣa yʋlʋ taa kɛ́ tam. Mpi tɔ, ɩ kɛ́ yʋlʋ kɛ́. Pǝ tɔɔ tɔ pǝ kpaɣaʋ pǝnɛntɛ tɔ ɩ weesuɣu tǝna taɣalǝŋ ntɛ́ pɩɩsɩ nɩɩnʋwa na hiu (120).
145	GEN 6:7	Ntɛna ɩ́ tɔ́ sɩ: Ɩsɩɩ ma kpiisa yǝlaa mpa ma ŋmawa tɔɣɔ tɛtʋ tǝna tɔɔ, pǝ kpaɣaʋ yʋlʋ na pǝ́ polo tɔtɛ tɔ, na sumasɩ, na atɛ nyamanyamanaa tǝna tɔ. Ma laŋlɛ wakǝlǝna pa ŋmaʋ kɛ́.
151	GEN 6:13	Mpʋɣʋlɛ Tacaa heela Nowee sɩ: Ma tʋ́ ma taa sɩ maa wakǝlɩ yǝlaa tǝna, mpɛ pa suulina ɩsaɣatʋ kɛ antulinya taa. Pǝ tɔɔ tɔ maa kpiisi pa tǝnaɣa tɛtʋ tɔɔ.
161	GEN 7:1	Ḿpʋ́ɣʋ́ Tacaa tɔma Nowee sɩ: Nyana nyá tǝyaɣa tǝna ɩ́ sʋʋ atakaa pɔɣɔlʋɣʋ taa. Mpi tɔ, nyá tike kɛ ma nawa wei ɩ nɩɩkǝna-m tɔɣɔ yǝlaa panɛ pa hɛkʋ.
199	GEN 8:15	Mpʋɣʋlɛ Ɩsɔ tɔma Nowee sɩ:
205	GEN 8:21	Tacaa nɩɩ kɔtaɣa ŋkɛ ka sɔɔsʋŋ na ɩ laŋlɛ hɛɛ na ɩ́ tɔ́ sɩ: Ma kaa tasa tɛtʋ kɛ mpusi tǝŋsʋɣʋ kɛ yʋlʋ ɩsaɣatʋ tɔɔ ɩsɩɩ maa lapʋ tɔ, na ma kaa tasa weesuɣu nyǝm tǝnaɣa wakǝlʋɣʋ. Mpi tɔ, yʋlʋ lǝmaɣasǝlɛ kɛ́ ɩsaɣalɛ kɛ hatoo ɩ hɔɔʋ tɛɛ kɛ́.
207	GEN 9:1	Ḿpʋ́ɣʋ́ Ɩsɔ koola Nowee na ɩ piya kɛ kʋpantʋ sɩ: Ɩ́ lʋlɩ na ɩ́ huki na ɩ́ sú tɛtʋ.
214	GEN 9:8	Ḿpʋ́ɣʋ́ Ɩsɔ tasa Nowee na ɩ pǝyalaa kɛ heeluɣu sɩ:
218	GEN 9:12	Ɩlɛna Ɩsɔ tasa sɩ: Ma tʋɣɩ kaɣalʋ na ɩ́ hʋ́lǝ́ɣɩ́ tam tɔɔ kɛ́ nɔɣɔ ŋka má na-mɛ na weesuɣu nyǝm tǝna na mǝ waalɩ lʋlʋɣʋ nyǝ́ma tǝ pɛɛlaa tɔ.
231	GEN 9:25	Ɩlɛna ɩ́ tɔ́ sɩ: Mpusi ɩ́ tǝŋ Kam pǝyalʋ Kanaaŋ na pǝ́ lapɩ-ɩ ɩ taalʋnaa yom tǝkpapa.
244	GEN 10:9	Tacaa sǝna-ɩ kɛ́ na ɩ́ pǝsɩ yɛllaa taa yɛllʋ. Pǝ tɔɔ kɛ́ pa tukaɣa ɩtuule kɛ waatʋ ɩnɩ sɩ: Tacaa ɩ́ yele na ń pǝsɩ yɛllaa taa yɛllʋ ɩsɩɩ Nimloti.
270	GEN 11:3	Mpʋɣʋlɛ pa heela tǝma sɩ: Ɩ́ kɔɔ na tǝ́ loo pilikinaa na tǝ́ wɔ-wɛɣɛ kɔkɔ. Ɩlɛna pá lana pilikinaa kɛ pɛɛ lonte na pá lana kaaloo kɛ́ somtu lonte.
271	GEN 11:4	Na pá tasa yɔɣɔtʋɣʋ sɩ: Ɩ́ kɔɔ na tǝ́ ŋmá atɛ na ɩsɔ kutuluɣu anaam na kʋ́ yoosina ɩsɔtɔnʋɣʋ na tá hǝtɛ yaa. Ɩlɛ tǝ kaa tasa yaʋ kɛ yem kɛ́ tɛtʋ tǝna taa.
273	GEN 11:6	Ɩlɛna Tacaa tɔ́ sɩ: Ɩ́ nawa, pa tǝna ɩsǝntɔ pa kɛ́ yǝlaa kʋlʋmaa kɛ́, na pa kaa nsǝmlɛ kʋlʋmtǝlɛ. Pa caalʋɣʋ ɩsǝntɔ tɔ pʋlʋpʋ kaa kaɣatɩ-wɛɣɛ mpi paa hɔkɔ sɩ pa lakɩ tɔ pǝ taa.
300	GEN 12:1	Ḿpʋ́ɣʋ́ kʋyakʋ nakʋlɩ Tacaa heela Apǝlam sɩ: Lɩɩ nyá tɛtʋ taa kɛ́ nyá nyǝ́ma hɛkʋ kɛ nyá caa tǝyaɣa taa, na ń polo tɛtʋ nti maa hʋlɩ-ŋ tɔ tǝ taa.
1542	EXO 1:9	Ntɛna ɩ́ koti ɩ yǝlaa na ɩ́ tɔ-wɛ sɩ: Ɩ́ nyǝnɩ, Ɩsɛɣɛlɩ nyǝ́ma kǝla-tʋɣʋ samaa na toŋ, pa wɛ-tʋɣʋ asola kɛ́.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1551	EXO 1:18	Tǝnaɣalɛ wulaʋ yaa-wɛ na ɩ́ pɔɔsɩ-wɛ sɩ: Pepe tɔɔ kɛ́ ɩɩ kʋɣɩ apalʋpiya mpɛ?
1552	EXO 1:19	Ntɛna lʋlǝsǝlaa mpɛ sɩ: Hepǝla alaa faɣana Icipiti nyǝ́ma kɛ yoo. Pa apalʋtʋ wɛ sɔɣɔntʋ. Pa lʋlǝɣɩ pa piya kɛ́ na pǝ́cɔ́ táá takɩ.
1555	EXO 1:22	Ḿpʋ́ɣʋ́ Icipiti wulaʋ tʋwa Icipiti nyǝ́ma tǝna sɩ: Ye Hepǝla alʋ lʋla apalʋpǝyaɣa ɩ́ tǝŋsɩ-kɛɣɛ Nili pɔɣɔ lʋm. Ama ɩ́ yeki alʋpiya.
1561	EXO 2:6	Ɩ kulaa ɩlɛ ɩ maɣana apalʋpǝyaɣa ntɛ́ na ká wiiki. Ka tɔm lapa-ɩ pǝtɔɔtǝlɛ ɩlɛna ɩ́ pǝsǝna sɩ: Cǝnɛ ɩnɩ, Hepǝla nyǝ́ma pǝyaɣa kɛ́.
1562	EXO 2:7	Ka kɔɣɔ ka sǝŋa tǝna, tǝnaɣa ɩ nɔɣɔ tǝkpaʋ sɩ: N caa sɩ má polo má pɛɛkɩ-ŋ Hepǝla alʋ wei ɩ ká mʋsǝsɩ-kɛ́ tɔ?
1563	EXO 2:8	Ntɛna pɛɛlɔ ɩnɩ ɩ́ cɔ sɩ: Polo. Kɔɣɔ tɛɛwa ɩlɛna ɩ́ kɔna ahʋlʋm ɩnɩ ɩ too kʋlʋlʋ.
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1569	EXO 2:14	Mpʋɣʋlɛ ɩ́lɛ́ ɩ pǝsǝna-ɩ sɩ: Awe kpa-ŋ tá wulaʋ yaa tá tɔm hʋʋlʋ ye? N caa sɩ n kʋ-m ɩsɩɩ n kʋɣʋ Icipiti tʋ tɔ yɛɛ? Moisi cɛkǝnaa sɩ yǝlaa nyǝmá-tɩ ɩlɛna sɔɣɔntʋ kpa-ɩ.
1573	EXO 2:18	Pa mǝla tǝyaɣa ɩlɛna pa caa pɔɔsɩ-wɛ sɩ: Ɩsǝnaɣa pǝ lapa na saŋa ɩ́ kɔɔ lɔŋ kɛ mpʋ?
1574	EXO 2:19	Ntɛna pá cɔ-ɩ sɩ: Icipiti tʋ nɔɣɔlʋ ɩ waasǝna-tʋ. Halǝna ɩ́ lu tá kalǝkʋ kɛ lʋm na kʋ́ nyɔɔ.
1575	EXO 2:20	Kɛlɛna pa caa nɔɣɔ tǝkpaʋ sɩ: Na apalʋ ɩnɩ ɩ wɛ le? Ɩ́ tá sʋʋna-ɩ tǝyaɣa suwe? Tɔʋ, ɩ́ polo na ɩ́ yaa-ɩ na ɩ́ kɔɔ na tá na-ɩ tǝ tɔɣɔ.
1584	EXO 3:4	Ɩsɔ nawa sɩ ɩ caa kpǝtǝnaʋ, ɩlɛna ɩ́ yaa kɔkɔ ŋkɛ ka taa sɩ: Moisi Moisi. Na Moisi cɔ sɩ: Ma nɩɩwa.
1585	EXO 3:5	Mpʋɣʋlɛ Ɩsɔ tɔma-ɩ sɩ: Taa kpǝtǝna tiika ŋkɛ yoo. Wɔɣɔsɩ nyá ntankpala. Mpi tɔ, Ɩsɔ tɛtʋ tɔɔ kɛ́ n sǝŋa mpʋ.
1587	EXO 3:7	Ntɛna Ɩsɔ tɔ sɩ: Ma nawa ɩsǝna ma yǝlaa tɔkɩ kʋnyɔŋ kɛ Icipiti tɔ. Pǝyǝle ma nɩɩwa wula nna pa ŋmakǝllaa tʋɣʋ-wɛ tɔ. Ma nyǝmá pa wahalanaa tɔɔ.
1591	EXO 3:11	Mpʋɣʋlɛ Moisi cɔwa Ɩsɔ sɩ: Maɣalɛ awe na halɩ máá puki Icipiti wulaʋ kiŋ sɩ ma lǝsǝɣɩ Ɩsɛɣɛlɩ nyǝ́ma kɛ Icipiti taa?
1592	EXO 3:12	Kɛlɛna Ɩsɔ sɩ: Maa wɛɛ nyá waalɩ. Na mpi n ká nyǝna sɩ má tiliɣina-ŋ tɔɣɔlɛ sɩ, n ká lǝsɩ Ɩsɛɣɛlɩ nyǝ́ma kɛ Icipiti na nyana-wɛ ɩ́ kɔɔ na ɩ́ sɛɛ-m pʋɣʋ kʋnɛ kʋ tɔɔ cǝnɛ.
1593	EXO 3:13	Ntɛna Moisi sɩ: Pǝ wɛ teu, ye ma polaa na má maɣana-wɛ, na má heeli-wɛ sɩ pa caanaa Ɩsɔ tilina-m pa waalɩ. Ɩlɛ paa pɔɔsɩ-m nyá hǝtɛ, ɩlɛna má cɔ-wɛ suwe?
1594	EXO 3:14	Mpʋɣʋlɛ Ɩsɔ cɔ-ɩ sɩ: Ma hǝtɛ ntɛ́ Mawɛtam. Mpʋ tɔ, ń polaa ɩlɛ n heeli-wɛ sɩ: Tamwɛɛlʋ tilina-m mǝ waalɩ.
1595	EXO 3:15	Na ń cuɣusi sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa tilina-m mǝ waalɩ. Ma hǝtɛ ntɛ́, halǝna antulinya polo na ɩ́ kʋlɩ. Hǝtɛ ntɛɣɛ yǝlaa ká yaakɩ-m paa waatʋ wei.
1596	EXO 3:16	Tɔʋ, polo pǝnɛntaa na ń koti Ɩsɛɣɛlɩ sɔsaa na ń heeli-wɛ sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa lɩɩ ma tɔɔ na ɩ́ heeli-m sɩ ɩ na-mɛ na ɩ nyǝ́ma ɩsǝna pa ŋmakǝlǝɣɩ-mɛ tɔ.
1603	EXO 4:1	Ḿpʋ́ɣʋ́ Moisi pɔɔsa Ɩsɔ Tacaa sɩ: Na ye ɩsɩɩ Ɩsɛɣɛlɩ nyǝ́ma ta tʋna ma tɔm na pá kisi-m nɩɩnaʋ na pá tɔ-m sɩ Tacaa ta lɩɩ ma tɔɔ kɛ́ tiili se?
1604	EXO 4:2	Ntɛna Tacaa tɔmɩ-ɩ sɩ: Pepeɣe n tɔka nyá niŋ taa? Mpʋɣʋlɛ sɩ: Kpátʋ́ɣʋ́.
1605	EXO 4:3	Kɛlɛna Ɩsɔ sɩ: Pɛtɩ-kʋɣʋ atɛ. Moisi pɛta-kʋ, ɩlɛna kʋ́ pǝsɩ tʋm. Tǝnaɣa ɩ ŋmaawa tǝyaɣaʋ.
1606	EXO 4:4	Ḿpʋ́ɣʋ́ Tacaa heela-ɩ sɩ: Siisi na ń kpa ɩ suka taa. Moisi siisaa na ɩ kpa tʋm ɩnɩ tǝcaʋ, ɩlɛna tʋm taɣanɩ kpátʋ́ɣʋ́ kɛ pǝsʋɣʋ kɛ ɩ niŋ taa.
1607	EXO 4:5	Ɩlɛna Ɩsɔ sɩ: Mpi n ká hʋlǝna Ɩsɛɣɛlɩ nyǝ́ma sɩ pa caanaa Apǝlaham na Ɩsaaka na Yakɔpʋ pa Ɩsɔ Tacaa má ma lɩɩ nyá tɔɔ tɔɣɔlɛ.
1608	EXO 4:6	Ḿpʋ́ɣʋ́ Ɩsɔ tasa Moisi kɛ heeluɣu sɩ: Nyǝkɩ nyá niŋ kɛ nyá laŋlɛ taa kɛ́ nyá toko tɛɛ. Moisi nyǝka ɩ niŋ kɛ mpʋ na ɩ́ kʋsɩ-ɩ, ɩlɛ ɩ tuta tɔnʋɣʋ tɔɔ asilima kʋtɔŋ waasa ɩ niŋ tǝnaɣalɛ na ɩ́ sɛɛwa tǝhaii.
1609	EXO 4:7	Kɛlɛna Ɩsɔ sɩ: Mǝlǝna nyá niŋ kɛ nyá laŋlɛ taa. Moisi kɔma na ɩ́ kʋsɩ ɩ niŋ ɩlɛ ɩ mǝlaa kɛlɛ tǝmammam ɩsɩɩ ɩ ka wɛʋ tɔ.
1610	EXO 4:8	Mpʋɣʋlɛ Tacaa tɔma sɩ: Ye Ɩsɛɣɛlɩ nyǝ́ma ta tʋna-ŋ, na ń kisi na ń la piti tǝmlɛ kancaalaɣa nyǝntɛ na pá tá mʋ nyá tɔm. Ń lapa naalɛ nyǝntɛ tǝnɛ ɩsɩɩ pa mʋ-tɩ.
1612	EXO 4:10	Ḿpʋ́ɣʋ́ Moisi sɩ: Pǝ kaa la, ma ta nyɩ yɔɣɔtaɣa. Paa hatoo n caala-m yɔɣɔtǝnaʋ tɔ ma taa nyɩ yɔɣɔtʋɣʋ. Paa na nɔɔnɔɔ ɩsǝntɔ kʋlʋmtʋ ntǝɣɩ, pǝ ta laɣasɩ.
1613	EXO 4:11	Kɛlɛna Ɩsɔ nɔɣɔ tǝkpaʋ sɩ: Pǝ taɣa ma tʋna yʋlʋ kɛ nɔɣɔ taa? Na ye ma nɔkaa ma lapɩ-ɩ kamumuka yaa ntam. Pǝyele má nɔkaa ma yele na ɩ́ naakɩ yaa ɩ́ yʋlʋmɩ.
1615	EXO 4:13	Mpʋɣʋlɛ Moisi sɩ: Haɩ, Tacaa, ma kpa nyá yule, tili wei n caa tɔ, yele ma tɔm.
1616	EXO 4:14	Tǝnaɣalɛ Moisi tɔm lapa Tacaa kɛ pááná na ɩ́ tɔmɩ-ɩ sɩ: Nyá taalʋ Lefii tʋ Alɔŋ wɛɛ. Halɩ ɩ́lɛ́ ɩ tɩɩ lɩɩna ntɛɣɛ nyá sǝŋʋɣʋ, na ɩ́ loosa-ŋ ɩ laŋhʋlʋmlɛ ká wɛɛ sɔɣɔntʋ.
1620	EXO 4:18	Ḿpʋ́ɣʋ́ Moisi mǝla ɩ yǝtɩ Yetulo cɔlɔ na ɩ́ heeli-ɩ sɩ: Ma mǝlǝɣɩ Icipiti na má ná Ɩsɛɣɛlɩ nyǝ́ma alaafǝya. Ntɛna ɩ́lɛ́ sɩ pǝ wɛ teu, polo.
1621	EXO 4:19	Ḿpʋ́ɣʋ́ Tacaa heela Moisi kɛ Matiyaŋ tɛtʋ taa tǝna sɩ: Taa nyana Icipiti mǝlʋɣʋ. Mpi tɔ, mpa pa lʋkaɣa-ŋ kʋɣʋ tɔ pa sǝpa pa tǝna.
1623	EXO 4:21	Ɩlɛna Tacaa tasa-ɩ heeluɣu sɩ: Ma ha-ŋ toŋ sɩ ye n tala Icipiti, n la piti tǝma anɩ a tǝna na Icipiti wulaʋ ná. Ama maa tʋ-ɩ laŋkpɩɩsǝŋ na ɩ kaa yele Ɩsɛɣɛlɩ nyǝ́ma na pá tɛɛ.
1627	EXO 4:25	Tǝnaɣalɛ ɩ alʋ Sefola kpaɣa kpantanyaalʋɣʋ na ɩ́ pɛlɩ pǝyaɣa hǝnnɔɣɔ na ɩ́ tokina-kɛɣɛ Moisi tɛɛ na ɩ́ tɔ sɩ: N kɛ-m calǝm apalʋ kɛ́. Pɛlʋɣʋ tɔm kɛ Sefola yɔɣɔtǝna mpʋ. Ɩlɛna Ɩsɔ yele Moisi.
1634	EXO 5:1	Pǝlɛ pǝ waalɩ kɛ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Ɩsɛɣɛlɩ nyǝ́ma ta, tá Ɩsɔ Tacaa sɩ tǝ́ heeli-ŋ sɩ ń yele-tʋ na tǝ́ polo pooluŋ na tǝ́ lapɩ-ɩ tǝmlɛ pǝyaɣa nakǝlɩ.
1635	EXO 5:2	Tǝnaɣalɛ Icipiti wulaʋ nɔɣɔ tǝkpaʋ sɩ: Aweɣe Ɩsɔ Tacaa ye? Ma ta nyɩ pʋntʋ. Ɩlɛ ma fɛɩ sɩ ma nɩɩkɩ ɩ tɔm na má yele Ɩsɛɣɛlɩ nyǝ́ma sɩ pá polo tiili.
1636	EXO 5:3	Mpʋɣʋlɛ Moisi na Alɔŋ pa cɔwa sɩ: Hepǝla nyǝ́ma tá, tá Ɩsɔ Tacaa lɩɩna tá tɔɔ na ɩ́ heeli-tʋɣʋ mpʋ. Pǝ tɔɔ tɔ yele-tʋ na tǝ́ tɔ́ kʋyɛɛŋ tooso na tǝ́ polo pooluŋ na tǝ́ lá kɔtasɩ. Ye pǝ taɣa mpʋ ɩ ká kʋ-tʋ na kʋtɔŋ yaa yoou.
1637	EXO 5:4	Ḿpʋ́ɣʋ́ wulaʋ holina Moisi na Alɔŋ sɩ: Mɛ, pepe tɔɔ kɛ́ ɩ́ tʋsǝɣɩ Ɩsɛɣɛlɩ nyǝ́ma sɩ pá yele pa tǝma ye? Mɩɩ mǝlɩ mǝ nyǝna taa.
1640	EXO 5:7	sɩ: Ɩ́ taa tasa-wɛɣɛ pilikinaa kasaaloka cɛlʋɣʋ kɛ faalaa. Pa maɣamaɣa paa pukina na pá kʋŋ.
1643	EXO 5:10	Ḿpʋ́ɣʋ́ feŋlaa sɔsaa na sǝkpema pa lɩɩ Icipiti wulaʋ tɛ́ na pá polo pa heeli Ɩsɛɣɛlɩ nyǝ́ma sɩ: Wulaʋ sɩ, tǝ́ taa tasa-mɛɣɛ kasaaloka cɛlʋɣʋ.
1648	EXO 5:15	Ḿpʋ́ɣʋ́ feŋlaa sǝkpema mpɛ pa pola Icipiti wulaʋ kiŋ sɩ pa hʋ́lǝ́ɣɩ́-ɩ pa wahala na pá wiina-ɩ sɩ: Haɩ, tá caa, pepe tɔɔ kɛ́ n naasǝɣɩ-tʋɣʋ mpʋ?
1650	EXO 5:17	Tǝnaɣalɛ Icipiti wulaʋ nɔɣɔ tǝkpaʋ sɩ: Ɩ́ kɛ́ felentunaa kpitikpitinaa kɛ́, pǝ maɣamaɣa pǝ tɔɔ kɛ́ ɩ́ waakǝna sɩ ɩ́ puki Ɩsɔ kɛ́ kɔtaɣa lapʋ.
1654	EXO 5:21	Ɩlɛna pá tʋʋ pɛlɛ sɩ: Ɩsɔ ká kpatɩ mǝ yule tɔɔ kɛ́ kpaakpaalɛ. Mpi tɔ, mǝ lapǝna na Icipiti wulaʋ na ɩ waalɩ nyǝ́ma pa luɣu lɩɩ-tʋ. Mǝ tekina tá luɣu sɩ pá lɛntɩ.
1655	EXO 5:22	Ḿpʋ́ɣʋ́ Moisi tasa Tacaa kɛ sǝlǝmʋɣʋ tɔtɔ sɩ: Haɩ, Tacaa, pepe tɔɔ kɛ́ n lakɩ nyá yǝlaa taɣa ɩsaɣatʋ? Na pepe tɔɔ kɛ́ n tɩɩ tila-m pa waalɩ?
1657	EXO 6:1	Ḿpʋ́ɣʋ́ Tacaa cɔwa Moisi sɩ: N ká ná ɩsǝna maa la Icipiti wulaʋ tɔ. Toŋ kɛ maa lana-ɩ na ɩ́ yele-mɛ na ɩ́ tɛɛ. Halɩ ɩ maɣamaɣa ɩ ká tɩɩ tɔɣɔnna-mɛɣɛ ɩ tɛtʋ taa sɩ ɩ́ tɛɛ lɔŋ na ɩ́ wɛsɩ-ɩ.
1658	EXO 6:2	Ɩlɛna Ɩsɔ tasa Moisi kɛ heeluɣu sɩ: Ma kɛ́ Tacaa kɛ́.