42	GEN 2:11	Kancaalaɣa nyǝŋka hǝtɛ ntɛ́ Pisɔŋ, kɛlɛ ka cɔɔna Hafila tɛtʋ nti tǝ taa wʋla kʋpaŋ na tulaalʋ kʋpaŋ na liɣitee pǝlɛ kʋkpɛɛtǝlɛ pǝ wɛɛ tɔ.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
97	GEN 4:17	Ḿpʋ́ɣʋ́ Kayini nyǝmá ɩ alʋ na ɩ́ lá teu na ɩ́ lʋlɩ Henɔkɩ. Ɩlɛna ɩ́ ŋmá ɩcatɛ na ɩ́ ha-tɛɣɛ ɩ pǝyalʋ hǝtɛ.
98	GEN 4:18	Ḿpʋ́ɣʋ́ Henɔkɩ lʋla Ɩlaatɩ na Ɩlaatɩ lʋlɩ Mehuyayɛɛlɩ na Mehuyayɛɛlɩ lʋlɩ Metusayɛɛlɩ, ɩlɛna Metusayɛɛlɩ lʋlɩ Lemɛkɩ.
124	GEN 5:18	Yɛlɛtɩ pɩɩsɩ lapa nɩɩnʋwa na nɩɩtoso na naalɛ (162) ɩlɛna ɩ́ lʋlɩ Henɔkɩ.
125	GEN 5:19	Henɔkɩ lʋlʋɣʋ waalɩ ɩ tɔɣɔ pɩɩsɩ nasǝnaasa (800), na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
127	GEN 5:21	Henɔkɩ pɩɩsɩ lapa nɩɩtoso na kakpasɩ ɩlɛna ɩ́ lʋlɩ Metusalɛm.
130	GEN 5:24	Henɔkɩ ka tǝŋa Ɩsɔ kɛ́ teu kɛ́ na Ɩsɔ wɛ ɩ waalɩ. Pǝ kɔma na pǝ kɛɛsɩ ɩlɛna Ɩsɔ kpaɣa-ɩ na ɩ ɩsɛ, nɔɣɔlʋ ta tasa-ɩ naʋ.
242	GEN 10:7	Kusi piya ntɛ́ Sepa, na Hafila, na Sapǝta, na Lakǝma, na Sapǝteka. Lakǝma piya ntɛ́, Sapaa, na Tetaŋ.
246	GEN 10:11	Tɛtʋ ntɩ tǝ taa kɛ́ ɩ lɩɩwa na ɩ́ polo Asilii na ɩ́ ŋmá Ninifi, na Lehopoti-Hiili, na Kela,
250	GEN 10:15	Kanaaŋ ɩ́lɛ́ ɩ́ kancaalaɣa pǝyaɣa ntɛ́ Sitɔŋ na naalɛ nyǝŋ ntɛ́ Hɛtɩ,
252	GEN 10:17	na Hifi nyǝ́ma, na Alǝki nyǝ́ma na Sini nyǝ́ma,
253	GEN 10:18	na Alǝfatɩ nyǝ́ma, na Semalii nyǝ́ma, na Hamatɩ nyǝ́ma. Pǝ waalɩ kɛ́ Kanaaŋ lʋlʋŋ nyǝ́ma ná yawa.
258	GEN 10:23	Alam ɩ́lɛ́ ɩ́ piya ntɛ, Usi, na Huuli, na Ketɛɛ, na Macɩ.
261	GEN 10:26	Yɔkǝtaŋ ná lʋlǝna Alǝmotatɩ, na Selɛfɩ, na Hasamafɛtɩ, na Yela,
262	GEN 10:27	na Hatolam, na Wusaalɩ, na Tikǝla,
264	GEN 10:29	na Ofii, na Hafila, na Yopapɩ. Yɔkǝtaŋ piya ntɛ́ pa tǝnaɣa mpʋ.
293	GEN 11:26	Tela pɩɩsɩ lapa nɩɩtoso na naanʋwa kɛ́ ɩlɛna ɩ́ lʋlɩ Apǝlam na Nahoo na Halaŋ.
294	GEN 11:27	Tela lʋlʋɣʋ nyǝ́ma hǝla ntɔ cǝnɛ. Ɩ lʋla Apǝlam, na Nahoo, na Halaŋ. Ɩlɛna Halaŋ náá lʋlɩ Lɔɔtɩ.
295	GEN 11:28	Ama Halaŋ ná sǝpa Uu ɩcatɛ taa timpi pa lʋla-ɩ tɔɣɔ Papiloni tɛtʋ taa na ɩ caa Tela ta sǝta.
296	GEN 11:29	Ɩlɛna Apǝlam náá kpaɣa Salaɩ, na Nahoo náá kpaɣa Ɩsika caa Halaŋ pɛɛlɔ Milika.
298	GEN 11:31	Ḿpʋ́ɣʋ́ Tela kpaɣa ɩ pǝyalʋ Apǝlam na ɩ saalɩ Lɔɔtɩ na ɩ poolu Salaɩ na pá lɩɩ Uu kɛ Papiloni sɩ pa puki Kanaaŋ tɛtʋ taa. Pa tala Halaŋ ɩcatɛ taa ɩlɛna pá caɣa tǝna.
303	GEN 12:4	Mpʋɣʋlɛ Apǝlam kpaɣa ɩ alʋ Salaɩ na ɩ taalʋ pǝyaɣa Lɔɔtɩ na ɩ wɛnaʋ tǝna na ɩ tǝmlɛ nyǝ́ma mpa ɩ hika Halaŋ tɔ na ɩ́ lɩɩ tǝna ɩsɩɩ Tacaa ka heeluɣu-ɩ tɔ na ɩ́ tɛɛ Kanaaŋ tɛtʋ taa. Waatʋ ɩnɩ ɩ pɩɩsɩ ka wɛ nɩɩtoso na naanʋwa na kakpasɩ. Ɩ tapa tɛtʋ ntɩ ɩlɛna
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1549	EXO 1:16	Ɩ́ feŋiɣi Hepǝla alaa tǝlʋllɛ na ɩ́ kʋɣɩ apalʋpiya kɛ saaʋ taa kɛ́ kpakpaa. Ama ɩ́ yeki alʋpiya.
1552	EXO 1:19	Ntɛna lʋlǝsǝlaa mpɛ sɩ: Hepǝla alaa faɣana Icipiti nyǝ́ma kɛ yoo. Pa apalʋtʋ wɛ sɔɣɔntʋ. Pa lʋlǝɣɩ pa piya kɛ́ na pǝ́cɔ́ táá takɩ.
1555	EXO 1:22	Ḿpʋ́ɣʋ́ Icipiti wulaʋ tʋwa Icipiti nyǝ́ma tǝna sɩ: Ye Hepǝla alʋ lʋla apalʋpǝyaɣa ɩ́ tǝŋsɩ-kɛɣɛ Nili pɔɣɔ lʋm. Ama ɩ́ yeki alʋpiya.
1561	EXO 2:6	Ɩ kulaa ɩlɛ ɩ maɣana apalʋpǝyaɣa ntɛ́ na ká wiiki. Ka tɔm lapa-ɩ pǝtɔɔtǝlɛ ɩlɛna ɩ́ pǝsǝna sɩ: Cǝnɛ ɩnɩ, Hepǝla nyǝ́ma pǝyaɣa kɛ́.
1562	EXO 2:7	Ka kɔɣɔ ka sǝŋa tǝna, tǝnaɣa ɩ nɔɣɔ tǝkpaʋ sɩ: N caa sɩ má polo má pɛɛkɩ-ŋ Hepǝla alʋ wei ɩ ká mʋsǝsɩ-kɛ́ tɔ?
1566	EXO 2:11	Moisi lapa sɔsɔ ɩlɛna kʋyakʋ nakʋlɩ ɩ́ polo sɩ ɩ naakɩ ɩ nyǝ́ma Hepǝla nyǝ́ma. Na ɩ nawa tɔtɔɣɔ wahala tǝma wena Icipiti nyǝ́ma tʋkaɣa-wɛ tɔ. Halǝna ɩ́ ná tɔtɔɣɔ Icipiti tʋ nɔɣɔlʋ ɩ kʋɣɩ Hepǝla tʋ.
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1574	EXO 2:19	Ntɛna pá cɔ-ɩ sɩ: Icipiti tʋ nɔɣɔlʋ ɩ waasǝna-tʋ. Halǝna ɩ́ lu tá kalǝkʋ kɛ lʋm na kʋ́ nyɔɔ.
1576	EXO 2:21	Ḿpʋ́ɣʋ́ Moisi tisaa na ɩ́ caɣa apalʋ ɩnɩ ɩ tɛ. Halǝna ɩ́lɛ́ ɩ ha-ɩ ɩ pɛɛlɔ Sefola na ɩ́ lá alʋ.
1581	EXO 3:1	Waatʋ ɩnɩ tɔ na Moisi náá tɔŋna ɩ yǝtɩ Matiyaŋ kɔtʋlʋ Yetulo tɔla tiikuɣu. Ḿpʋ́ɣʋ́ kʋyakʋ nakʋlɩ ɩ tiikaa na ɩ́ tala Ɩsɔ pʋɣʋ ŋku pa yaa sɩ Holɛpʋ tɔɣɔ wʋlaɣa tɛtʋ waalɩ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1595	EXO 3:15	Na ń cuɣusi sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa tilina-m mǝ waalɩ. Ma hǝtɛ ntɛ́, halǝna antulinya polo na ɩ́ kʋlɩ. Hǝtɛ ntɛɣɛ yǝlaa ká yaakɩ-m paa waatʋ wei.
1597	EXO 3:17	Na ɩ tʋ́ ɩ taa sɩ ɩ lǝsǝɣɩ-mɛɣɛ wahala tɛtʋ taa cǝnɛ na ɩ́ pona-mɛɣɛ Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma pa tɛtʋ taa, timpi tɔɣɔnaɣa na kʋpantʋ tǝna tɔla yem tǝhɔ tɔ.
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.
1601	EXO 3:21	Halɩ má yele na Icipiti nyǝ́ma la-mɛɣɛ kʋpantʋ na ɩ́ taa lɩɩ niŋ kakpasɩ.
1615	EXO 4:13	Mpʋɣʋlɛ Moisi sɩ: Haɩ, Tacaa, ma kpa nyá yule, tili wei n caa tɔ, yele ma tɔm.
1616	EXO 4:14	Tǝnaɣalɛ Moisi tɔm lapa Tacaa kɛ pááná na ɩ́ tɔmɩ-ɩ sɩ: Nyá taalʋ Lefii tʋ Alɔŋ wɛɛ. Halɩ ɩ́lɛ́ ɩ tɩɩ lɩɩna ntɛɣɛ nyá sǝŋʋɣʋ, na ɩ́ loosa-ŋ ɩ laŋhʋlʋmlɛ ká wɛɛ sɔɣɔntʋ.
1636	EXO 5:3	Mpʋɣʋlɛ Moisi na Alɔŋ pa cɔwa sɩ: Hepǝla nyǝ́ma tá, tá Ɩsɔ Tacaa lɩɩna tá tɔɔ na ɩ́ heeli-tʋɣʋ mpʋ. Pǝ tɔɔ tɔ yele-tʋ na tǝ́ tɔ́ kʋyɛɛŋ tooso na tǝ́ polo pooluŋ na tǝ́ lá kɔtasɩ. Ye pǝ taɣa mpʋ ɩ ká kʋ-tʋ na kʋtɔŋ yaa yoou.
1647	EXO 5:14	Halǝna feŋlaa sɔsaa mpɛ pá makɩ sǝkpema mpa paa kpawa Ɩsɛɣɛlɩ nyǝ́ma taa tɔ. Sɩ pepe tɔɔ kɛ́ nɔɔnɔɔ samaa ɩɩ lakɩ pilikinaa, na pǝ́ takɩ ɩsɩɩ too paa sɩɩʋ tɔ.
1648	EXO 5:15	Ḿpʋ́ɣʋ́ feŋlaa sǝkpema mpɛ pa pola Icipiti wulaʋ kiŋ sɩ pa hʋ́lǝ́ɣɩ́-ɩ pa wahala na pá wiina-ɩ sɩ: Haɩ, tá caa, pepe tɔɔ kɛ́ n naasǝɣɩ-tʋɣʋ mpʋ?
1655	EXO 5:22	Ḿpʋ́ɣʋ́ Moisi tasa Tacaa kɛ sǝlǝmʋɣʋ tɔtɔ sɩ: Haɩ, Tacaa, pepe tɔɔ kɛ́ n lakɩ nyá yǝlaa taɣa ɩsaɣatʋ? Na pepe tɔɔ kɛ́ n tɩɩ tila-m pa waalɩ?
1656	EXO 5:23	Hatoo kʋyaŋku ma heela Icipiti wulaʋ kɛ nyá tɔm tɔ, ɩ sɔɔsa Ɩsɛɣɛlɩ nyǝ́ma kɛ wahala kɛ́. Pǝyele nyá suma, nn lʋkɩ sɩ ń waasɩ-wɛ.
1657	EXO 6:1	Ḿpʋ́ɣʋ́ Tacaa cɔwa Moisi sɩ: N ká ná ɩsǝna maa la Icipiti wulaʋ tɔ. Toŋ kɛ maa lana-ɩ na ɩ́ yele-mɛ na ɩ́ tɛɛ. Halɩ ɩ maɣamaɣa ɩ ká tɩɩ tɔɣɔnna-mɛɣɛ ɩ tɛtʋ taa sɩ ɩ́ tɛɛ lɔŋ na ɩ́ wɛsɩ-ɩ.
1659	EXO 6:3	Halɩ ma hʋlá ma tǝɣɩ Apǝlaham na Ɩsaaka na Yakɔpʋ sɩ maɣalɛ Ɩsɔ Toma tǝna tʋ. Ama pa ta nyɩ sɩ ma hǝtɛ tɔtɔɣɔlɛ Mawɛtam.
1661	EXO 6:5	Pǝnɛntɛ ma nɩɩ yomle nte Icipiti nyǝ́ma tʋɣɩ-wɛ na pá wiiki tɔ. Halǝna pǝ́ tɔɔsɩ-m nɔɣɔ ŋka ma na-wɛ tɩɩ pɛɛlaa tɔ.
1668	EXO 6:12	Ntɛna Moisi nɔɣɔ tǝkpaʋ sɩ: Ɩsɛɣɛlɩ nyǝ́ma maɣamaɣa ná tá nɩɩna-m kacaŋfana Icipiti wulaʋ? Halɩ maa tɩɩ pǝsǝɣɩ yɔɣɔtaɣa kɛ ɩsǝntɔ tɔ, pǝ tɩɩ tɛɛsaa kɛlɛ.
1670	EXO 6:14	Ɩsɛɣɛlɩ nyǝ́ma lʋlʋŋ loosi nyǝ́ma cɔsɔnaa hǝla ntɔ. Yakɔpʋ pǝyalʋ kancaalaɣa nyǝŋ Lupɛŋ pǝyalaa ntɛ́ Hanɔkɩ na Palu na Hɛsǝlɔŋ na Kaami, pɛlɛɣɛlɛ Lupɛŋ lʋlʋɣʋ loosi nyǝ́ma cɔsɔnaa.
1674	EXO 6:18	Kehatɩ ɩ́lɛ́ ɩ pǝyalaa ntɛ́, Amǝlam, na Ɩsaa, na Hepǝlɔŋ, na Usiyɛlɩ. Kehatɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na tooso (133).
1690	EXO 7:4	ɩ kaa nɩɩna-mɛ. Halɩ waatʋ ɩnǝɣɩ maa nyǝŋsɩ Icipiti nyǝ́ma ɩsɛ kɛ teu kɛ ɩsǝna pǝ wɛɛ tɔ. Ɩlɛna má lǝsɩ ma yǝlaa Ɩsɛɣɛlɩ nyǝ́ma kɛ nɔɣɔ kʋlʋmaɣa kɛ tɛtʋ tǝnɛ tǝ taa.
1702	EXO 7:16	Ɩlɛna ń heeli-ɩ sɩ: Hepǝla nyǝ́ma tá, tá Ɩsɔ Tacaa tilina-m sɩ má heeli-ŋ sɩ ń yele ɩ yǝlaa na pá polo pooluŋ na pá sɛɛ-ɩ, na halǝna saŋa nyaa saŋ.
1705	EXO 7:19	Ḿpʋ́ɣʋ́ Tacaa tasa Moisi kɛ heeluɣu sɩ: Heeli Alɔŋ sɩ kpaɣa nyá kpátʋ́ɣʋ́ na ń hʋ́lɩ́-kʋɣʋ Icipiti nyǝ́ma lʋm tǝkpentenaa na pusi na lɔɔŋ pǝ tɔɔ na pǝ́ kpɛŋna lʋcaɣamnaa na tɩɩŋ na kʋkpamǝŋ pǝ pɔɔŋ taa lʋmnaa, na pǝ́ pǝsɩ calǝm. Waatʋ ɩnɩ calǝm ká waasɩ tɛtʋ tǝna tǝpaɩ.
1715	EXO 7:29	Halɩ a ká kpa Icipiti wulaʋ nyá nyá maɣamaɣa nyá tɔɔ, na samaa tǝna tɔɔ, na pǝ kpɛŋna tǝmlɛ nyǝ́ma tɔɔ tɔtɔ.
1716	EXO 8:1	Ḿpʋ́ɣʋ́ Tacaa tasa Moisi kɛ heeluɣu tɔtɔ sɩ heeli Alɔŋ sɩ: Hʋ́lɩ́ nyá kpátʋ́ɣʋ́ na pusi na lɔɔŋ na lʋcaɣamnaa tɔɔ na salɛɛ lɩɩ Icipiti.
1744	EXO 9:1	Ḿpʋ́ɣʋ́ Tacaa tɔma Moisi sɩ: Polo Icipiti wulaʋ kiŋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ yele ma yǝlaa na pá polo pá la-m tǝmlɛ.
1754	EXO 9:11	Mʋla anɩ a kpɛnna Icipiti tʋwaa tɔtɔɣɔ na á kpa-wɛɣɛ teitei ɩsɩɩ yǝlaa tǝna. Halǝna pa kpisi Moisi-wɛɣɛ kpǝtǝnaʋ.
1756	EXO 9:13	Ḿpʋ́ɣʋ́ Tacaa heela Moisi sɩ: Cele kʋlɩ lɔŋ kɛ tanaŋ kʋpaŋkʋ tɛɛ na ń maɣana Icipiti wulaʋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ: Yele ma yǝlaa na pá polo pa la-m tǝmlɛ.
1765	EXO 9:22	Pǝ waalɩ kɛ́ Tacaa heela Moisi sɩ: Hʋ́lɩ́ nyá kpátʋ́ɣʋ́ na ɩsɔtaa na tɔmpɩɩŋ hoti Icipiti tɛtʋ yǝlaa na tɔla tɔɔ na pa tawa taa kʋhalǝm tǝna taa.
1767	EXO 9:24	Hatoo pǝ caalʋɣʋ Icipiti tɛtʋ kɛ sɩɩʋ tɔ nɔɣɔlʋ ta nata tɔmpɩɩŋ ɩnɩ ɩ taka na pǝ tɛʋ nyǝɣǝsʋɣʋ kɛ mpʋ.
1771	EXO 9:28	Haɩ, ɩ́ wiina Ɩsɔ na tɔmpɛɛ hɛɛsɩ mpʋ. Maa yele-mɛ na ɩ́ tɛɛ, maa tasǝɣɩ-mɛɣɛ taŋʋɣʋ.
1781	EXO 10:3	Ḿpʋ́ɣʋ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Hepǝla nyǝ́ma tá, tá Ɩsɔ Tacaa tɔma-tʋ sɩ tǝ́ kɔɔ tǝ́ pɔɔsɩ-ŋ sɩ pǝlee kɛ́ n ká lɔ́ nyá laŋkpɩɩsǝŋ na ń yele ɩ yǝlaa na pá polo pá lapɩ-ɩ tǝmlɛ?
1790	EXO 10:12	Tǝnaɣa Tacaa tɔma Moisi sɩ: Hʋ́lɩ́ nyá kpátʋ́ɣʋ́ kɛ Icipiti tɛtʋ tɔɔ na kʋtoloŋ lɩɩ na kʋ wáásɩ-tɩ na kʋ́ tɔɣɔ kʋnyɔnyɔm tǝna mpi tɔmpɛɛ ka fɛɛwa tɔ.
1795	EXO 10:17	Haɩ, ma wiikina-mɛ sɩ ɩ́ tasa-m suulu hʋlʋɣʋ kɛ tɔm kʋlʋm. Ɩ́ sǝlǝmɩ mǝ Ɩsɔ sɩ ɩ́ hatǝlǝna-m sǝm pǝnɛ.
1799	EXO 10:21	Ḿpʋ́ɣʋ́ Tacaa heela Moisi sɩ: Kʋsɩ nyá kpátʋ́ɣʋ́ na ɩsɔtaa na sǝkpɛtʋɣʋ taa sǝkpɛtʋɣʋ nyala Icipiti tɛtʋ tǝna taa. Halǝna yǝlaa tokiɣina-kʋ.
1806	EXO 10:28	Halǝna ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Na ɩ́ tɔmɩ-ɩ sɩ: La laakalɩ, ye pǝ cǝpa-ŋ na ń tasa cǝnɛɣɛ mǝlʋɣʋ maa kʋ-ŋ.
1808	EXO 11:1	Mpʋɣʋlɛ Tacaa heela Moisi sɩ: Pǝ kaasa-m wahala kantǝkaɣa nyǝŋ. Pǝ waalɩ kɛ́ paa yele-mɛ na ɩ́ tɛɛ. Halɩ paa tɩɩ tɔɣɔnɩ-mɛɣɛ kʋtɔɣɔnʋ kɛ́ na ɩ́ lɩɩ cǝnɛ.
1846	EXO 12:29	Pǝ kɔma ɩsɩɩ ahoo hɛka ɩlɛna Ɩsɔ Tacaa kʋ Icipiti taa apalʋpiya kancaalaɣa nyǝnsɩ tǝna. Halǝna pǝ́ kpɛŋna Icipiti wulaʋ sɔsɔ apalʋpǝyaɣa kancaalaɣa nyǝŋka ŋka kaa lɛɛtɩ ɩ kawulaɣa kumte tɔɔ tɔ. Na pǝ́ polo salǝka nyǝ́ma apalʋpiya kancaalaɣa nyǝnsɩ, na tɔla kancaalaɣa piya apalʋ nyǝnsɩ tɔtɔ.
1873	EXO 13:5	Waatʋ wei ɩ́ ká sʋʋ Kanaaŋ, na Hiti, na Amolii, na Hifi, na Yepusi pǝ nyǝ́ma tɛtʋ nti tǝ taa tɔɣɔnaɣa tɔla tǝhɔ tɔ. Tɛtʋ ntǝɣɩ Tacaa ka yɔɣɔtǝna tuunaʋ sɩ ɩ ká ha mǝna mǝ caanaa. Ɩlɛ paa pǝnaɣa ŋkaɣa ɩ́ ká tɔkɩ Tɛɛʋ acima kɛ ɩsɔtʋ ɩnɛ ɩ taa.
1875	EXO 13:7	Pǝ fɛɩ sɩ pá tɩɩ keesi kʋkʋsʋm kɛ mǝ taa nɔɣɔlʋ ɩ tɛɣɛ kʋyɛɛŋ ɩnɩ ɩ taa kɛ́ mǝ tɛtʋ tǝna taa. Halɩ ḿpʋ́ɣʋ́ pɩɩ la pǝ potopoto.
1883	EXO 13:15	Halɩ pǝ tɔm taa, Icipiti wulaʋ kisaa kɛ́ tǝsaɣasaɣa sɩ tǝ́ taa nyǝɣǝlǝna tiili. Ɩlɛna Ɩsɔ náá kʋ́ Icipiti nyǝ́ma apalʋpiya kancaalaɣa nyǝnsɩ tǝna, na pǝ́ kpɛnna tɔla nyǝnsɩ tǝna. Pǝ tɔɔ maɣamaɣa kɛ pǝ wɛɛ sɩ tǝ́ lakɩ kɔtasɩ kɛ kancaalaɣa piya apalʋ nyǝnsɩ tǝna. Ama ye yǝlaa nyǝnsɩ ɩlɛ, tɔla kɛ tǝ laɣasǝɣǝna.
2854	LEV 5:23	Ye kʋyakʋ ŋku pǝ kula ɩ waalɩ, pǝ wɛɛ sɩ ɩ́ mǝŋna, yaa ɩ́ fɛlɩ kpǝntɛ tʋ kɛ́. Halǝna ɩ́ sɔɔsɩ paa kakpasɩ wei ɩ tɔɔ kɛ́ kʋlʋm, na ɩ́ kpɛntɩ na ɩ́ cɛlɛ-ɩ.
2870	LEV 6:13	Ye pa kpawa Alɔŋ na ɩ pǝyalaa kɛ kɔtǝlaa, na pá pǝlɩ-wɛɣɛ nim, pǝ wɛɛ sɩ pá kɔŋna-m kʋhaʋ kɛ mʋlʋm kiloonaa toosoɣo paa kʋyakʋ ŋku. Hɔɣɔlʋɣʋ kɛ tanaŋ na lɛŋkʋ kɛ taanaɣa.
2918	LEV 7:38	Tacaa sɩɩna kiiŋ ɩnǝɣɩ Moisi kɛ pʋɣʋ ŋku pa yaa sɩ Holɛpʋ tɔ kʋ taa. Kʋyakʋ ŋkʋ tɔtɔɣɔ ɩ tʋwa Ɩsɛɣɛlɩ nyǝ́ma kɛ wʋlaɣa tɛtʋ taa sɩ, pá lakɩ-ɩ kɔtasɩ nsɩ.
2951	LEV 8:33	Ɩ́ ká caɣa tǝsulle cokǝle nɔnɔɣɔ kɛ kʋyɛɛŋ naatosompɔɣɔlaɣa. Pǝ fɛɩ sɩ ɩ́ lɩɩ tǝna. Halǝna mǝ tǝmlɛ taa sʋʋʋ kɔtaɣa kʋyakʋ kancaalaɣa na kantǝkaɣa nyǝŋkʋ wule.
3047	LEV 12:2	Heeli Ɩsɛɣɛlɩ nyǝ́ma sɩ, ye alʋ lapa teu, na ɩ́ lʋlɩ apalʋpǝyaɣa. Ɩ asilima kʋyɛɛŋ ntɛ́ naatosompɔɣɔlaɣa, kɛ teitei ɩsɩɩ ɩ ɩsɔtʋ naʋ kʋyɛɛŋ.
3049	LEV 12:4	Pǝ waalɩ, ɩlɛna alʋ caɣa kʋyɛɛŋ hiu na naanʋwa na tooso, na ɩ́ taɣanǝɣɩ ɩ calǝm asilima. Pǝ fɛɩ sɩ ɩ́ wiili tǝsulle taa, yaa ɩ́ tokina Ɩsɔ pʋlʋpʋ. Halǝna ɩ asilima kʋyɛɛŋ tɛm.
3204	LEV 16:2	Heeli nyá taalʋ Alɔŋ sɩ ɩ́ taa sʋʋkɩ yem yem kɛ́ pʋʋɣʋ kʋkakaɣaʋ waalɩ kɛ́ katɛ taa katɛ tǝcaɣalɛ taa kɛ́ timpi Ɩsɔ atakaa wɛɛ tɔ. Pǝ́ taa kɔɔ na ɩ́ sɩ́ saa wei Ɩsɔ tiiki atakaa pǝle tɔɔ kɛ́ ɩsɔŋmʋntʋ taa tɔ.
3614	NUM 1:9	Sapulɔŋ nyǝntɛ taa kɛ́ Helɔŋ pǝyalʋ Ɩliyapɩ.
3624	NUM 1:19	Holɛpʋ wʋlaɣa tɛtʋ taa kɛ́ Moisi kala kʋkalʋɣʋ ŋkʋ, ɩsɩɩ Tacaa ka kɛɛsʋɣʋ-ɩ tɔ.
3662	NUM 2:3	Yuta yoolaa tintiɣile ká wɛɛna ilim tǝlɩɩlɛ tɔɔ kɛ́ pa tuuta kite. Mpa pa mʋna yoou pote tɔ, pa sɔsɔ ntɛ́ pa kpekǝle nyʋɣʋ tʋ Aminatapɩ pǝyalʋ Nasɔŋ. Na ɩ yoolaa kɛ iyisi nɩɩtoso na naanʋwa na liɣiti na nasǝtoso (74600). Ɩsakaa nyǝ́ma yoolaa nyʋɣʋ tʋ ntɛ́ Suwaa pǝyalʋ Netaneyɛlɩ. Ɩ yoolaa wɛ iyisi nɩɩlɛ na naanʋwa na liɣiti na nasǝlɛ (54400). Sapulɔŋ nyǝ́ma yoolaa tintiɣile nyʋɣʋ tʋ ntɛ́ Helɔŋ pǝyalʋ Ɩliyapɩ. Ɩ yoolaa wɛ iyisi nɩɩlɛ na naanʋwa na naatosomopɔɣɔlaɣa na nasǝlɛ (57400).
3694	NUM 3:1	Waatʋ wei Tacaa yɔɣɔtǝna Moisi kɛ Holɛpʋ pʋɣʋ taa tɔ, ɩ na ɩ taalʋ Alɔŋ paa wɛna piya mpa tɔɣɔlɔ.
3696	NUM 3:3	Paa tɛma-wɛɣɛ kɔtǝlaa kpaʋ kɛ́. Halǝna pá pǝlɩ-wɛɣɛ kɔtaɣa nim kɛ pa nyɔɔŋ taa.
3697	NUM 3:4	Ama Natapɩ na Apihu pa sǝpa cokǝle kiŋ kɛ Holɛpʋ wʋlaɣa tɛtʋ taa. Waatʋ ɩnǝɣɩ pa kɔna kɔkɔ kpaɩ nyǝŋka kɛ kɔtaɣa tǝlatɛ tɔɔ. Ɩlɛ pa taa wɛɛna apalʋpiya. Ɩlasaa na Ɩtamaa paa wɛnna pa caa Alɔŋ kiŋ na pá lakɩ kɔtʋɣʋ tǝmlɛ.
3707	NUM 3:14	Ḿpʋ́ɣʋ́ Tacaa tɔma Moisi kɛ Holɛpʋ wʋlaɣa tɛtʋ taa sɩ:
3712	NUM 3:19	Kehatɩ nyǝ́ma ntɛ́ Amǝlam na Ɩsaa na Hepǝlɔŋ na Wusiyɛlɩ. Mpɛ ɩnɩ pa pǝsǝna pa lʋlʋŋ nyɔɔŋ nyǝ́ma.
3720	NUM 3:27	Kehatɩ lʋlʋŋ nyǝ́ma faɣa tɔm liɣiti kɛ́. Amǝlam nyǝ́ma, na Ɩsaa nyǝ́ma, na Hepǝlɔŋ nyǝ́ma, na Wusiyɛlɩ nyǝ́ma.
3795	NUM 5:2	Heeli Ɩsɛɣɛlɩ nyǝ́ma sɩ ye kʋtɔŋ ŋku kʋ pilisiɣi yʋlʋ tɔ kʋ kpa nɔɣɔlʋ yaa pǝ wɩɩkɩ yʋlʋ apalʋtʋ yaa ɩ alʋtʋ na lʋm kpeŋna-ɩ. Yaa pʋntʋ tokina sǝtʋ, pǝ wɛɛ sɩ pá lǝsɩ-ɩ tǝsikile kɛ́.
3863	NUM 7:12	Ɩsǝna pa tǝŋa tǝma na pá kɔɔ tɔɣɔlɔ: Yuta kpekǝle tʋ Aminatapɩ pǝyalʋ Nasɔŋ kɛlɛ kʋyakʋ kancaalaɣa nyǝŋkʋ. Ɩsakaa nyǝntɛ tʋ Suwaa pǝyalʋ Netaneyɛlɩ kɛ kʋyakʋ naalɛ nyǝŋkʋ. Sapulɔŋ nyǝntɛ tʋ Helɔŋ pǝyalʋ Ɩliyapɩ kɛ kʋyakʋ tooso nyǝŋkʋ. Lupɛŋ nyǝntɛ tʋ Setewu pǝyalʋ Ɩlisuu kɛ kʋyakʋ liɣiti nyǝŋkʋ. Simiyɔŋ nyǝntɛ tʋ Sulisataɩ pǝyalʋ Selumǝyɛlɩ kɛ kʋyakʋ kakpasɩ nyǝŋkʋ. Katɩ nyǝntɛ tʋ Teuwɛlɩ pǝyalʋ Ɩliyasafɩ kɛ kʋyakʋ naatoso nyǝŋkʋ. Ɩfǝlayim nyǝntɛ tʋ Amihuti pǝyalʋ Ɩlisama kɛ kʋyakʋ naatosomopɔɣɔlaɣa nyǝŋkʋ. Manasee nyǝntɛ tʋ Petasuu pǝyalʋ Kamliyɛlɩ kɛ kʋyakʋ pǝlefɛɩ naanʋwa nyǝŋkʋ. Pɛncamɛɛ nyǝntɛ tʋ Kitoni pǝyalʋ Apitaŋ kɛ pɔɣɔlaɣafɛɩ naanʋwa nyǝŋkʋ. Taŋ nyǝntɛ tʋ Amisataɩ pǝyalʋ Ahiyesɛɛ kɛ naanʋwa nyǝŋkʋ. Asɛɛ nyǝntɛ tʋ Okǝlaŋ pǝyalʋ Pakiyɛlɩ kɛ naanʋwa na kʋlʋmʋɣʋ nyǝŋkʋ. Nɛfǝtali nyǝntɛ tʋ Ɩnaŋ pǝyalʋ Ahila kɛ naanʋwa na naalɛ nyǝŋkʋ. Mpi mpi pa kɔnaa tɔɣɔlɔ: Liɣitee nyǝɣǝlʋɣʋ nyǝnaɣa ŋka ka yuŋ wɛ kiloo kʋlʋm na cacaasɩ ŋmʋnʋɣʋ na nɩɩnʋwa tɔ (1300). Na pǝ poosiya wei pa ŋmɩɩsǝɣǝna calǝm tɔ. Ɩ́lɛ́ ɩ cacaasɩ wɛ nasǝtoso na nɩɩnʋwa (700). Ɩsǝna pa maɣasaɣa Ɩsɔ cokǝle taa kɛ́ liɣitee tɔɣɔ pa kɛɛsǝnaa. Na pá suuli nyǝnasɩ nsɩ sɩ naalɛɣɛ tɔɣɔnaɣa kɔtaɣa mʋlʋm mpi pa nuɣutina nim tɔ. Wʋla kɔpʋ, kɛ cacaasɩ nɩɩnʋwa (100). Na tulaalʋ kʋwɔpʋ kɛ kɔpʋ ɩnɩ ɩ lǝpam. Na latǝcɛ, na ɩwaaʋ, na pǝnaɣa kʋlʋmaɣa ɩwǝyaɣa sɩ, pa lakǝna kɔtaɣa ŋka kɔkɔ lusa ka tǝna tɔ. Na pǝŋtʋlʋɣʋ sɩ pa lakɩ ɩsaɣatʋ hɩɩsʋɣʋ nyǝŋka. Naaŋ naalɛ na ɩwaaŋ kɛ kakpasɩ, na pǝnaɣa kʋlʋmaɣa ɩwɛɛsɩ kɛ kakpasɩ sɩ pa lakǝna ciikuɣu kɔtaɣa.
3967	NUM 9:1	Ɩsɛɣɛlɩ nyǝ́ma Icipiti taa lɩɩʋ pǝnaɣa naalɛ nyǝŋka ɩsɔtʋ kancaalaɣa nyǝŋ taa, Tacaa tɔma Moisi kɛ Holɛpʋ wʋlaɣa tɛtʋ taa sɩ:
3971	NUM 9:5	Ḿpʋ́ɣʋ́ pa tɔɣɔ Tɛɛʋ acima kɛ kʋyakʋ ŋkʋɣʋ Holɛpʋ wʋlaɣa tɛtʋ taa kɛ teitei ɩsɩɩ Tacaa ka kɛɛsʋɣʋ Moisi tɔ.
4001	NUM 10:12	Ḿpʋ́ɣʋ́ Ɩsɛɣɛlɩ nyǝ́ma kʋla Holɛpʋ wʋlaɣa tɛtʋ taa. Ɩlɛna ɩsɔŋmʋntʋ tii Palaŋ wʋlaɣa tɛtʋ taa.