1534	EXO 1:1	Yakɔpʋ wei pa cuɣusaa sɩ Ɩsɛɣɛlɩ tɔ, ɩ́ na ɩ pǝyalaa mpa pa pola Icipiti kɛ caɣalʋtʋ tɔ, pa lʋlʋŋ loosi na pa hǝla ntɔ.
1538	EXO 1:5	Yakɔpʋ pǝyalaa na ɩ saalǝnaa mpɛ pa tǝna paa wɛ yʋlʋnyɔɔŋ nɩɩtoso na naanʋwa (70) kɛ́. Ɩlɛ ɩ pǝyalʋ lɛlʋ Yosɛɛfʋ ná laala-wɛɣɛ Icipiti kɛ pote.
1539	EXO 1:6	Pǝ waalɩ kɛ́ Yosɛɛfʋ na ɩ taalʋnaa mpa paa pola Icipiti tɔ pa sǝpa pa tǝna.
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1545	EXO 1:12	Paa na pa tǝma anǝɣɩ mpʋ tɔ, pa tɔŋna hukuɣu kɛ́ na pá suɣi tɛtʋ. Ɩlɛna Icipiti nyǝ́ma tɛɛ náá sʋʋkǝna-wɛɣɛ sɔsɔm.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1552	EXO 1:19	Ntɛna lʋlǝsǝlaa mpɛ sɩ: Hepǝla alaa faɣana Icipiti nyǝ́ma kɛ yoo. Pa apalʋtʋ wɛ sɔɣɔntʋ. Pa lʋlǝɣɩ pa piya kɛ́ na pǝ́cɔ́ táá takɩ.
1555	EXO 1:22	Ḿpʋ́ɣʋ́ Icipiti wulaʋ tʋwa Icipiti nyǝ́ma tǝna sɩ: Ye Hepǝla alʋ lʋla apalʋpǝyaɣa ɩ́ tǝŋsɩ-kɛɣɛ Nili pɔɣɔ lʋm. Ama ɩ́ yeki alʋpiya.
1560	EXO 2:5	Pǝ pamna Icipiti wulaʋ pɛɛlɔ tii lʋm sɔʋ, na ɩ taapalaa sɩɩ-ɩ na pɛlɛ pá málǝ́ɣɩ́ kuteŋ. Ɩlɛ Icipiti wulaʋ pɛɛlɔ loosa kowusaɣa ntɛ́ sǝsǝncaasɩ tɛɛ kɛ́ lʋm taa. Ɩlɛna ɩ́ tili ɩ yomaa taa lɛlʋ sɩ ɩ́ polo ɩ́ kpaɣa.
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1565	EXO 2:10	Pǝyaɣa kɔma na ká cɛ́ hǝtɛ ɩlɛna ka too pona-kɛ na ɩ́ cɛlɛ-kɛɣɛ Icipiti wulaʋ pɛɛlɔ na ká caɣa ɩ kiŋ ɩsɩɩ ka too kʋlʋlʋ. Ntɛna ɩ́lɛ́ ɩ́ ha-kɛɣɛ hǝtɛ sɩ, Moisi. Lʋm apalʋ kɛ pa yaa mpʋ na pa tɛ́ taa. Mpi tɔ, lʋm taa kɛ́ ɩ lǝsa-ɩ.
1566	EXO 2:11	Moisi lapa sɔsɔ ɩlɛna kʋyakʋ nakʋlɩ ɩ́ polo sɩ ɩ naakɩ ɩ nyǝ́ma Hepǝla nyǝ́ma. Na ɩ nawa tɔtɔɣɔ wahala tǝma wena Icipiti nyǝ́ma tʋkaɣa-wɛ tɔ. Halǝna ɩ́ ná tɔtɔɣɔ Icipiti tʋ nɔɣɔlʋ ɩ kʋɣɩ Hepǝla tʋ.
1567	EXO 2:12	Ɩ caa ɩsɛ kɛ ɩ taa na ɩ waalɩ ɩ ta na nɔɣɔlʋ, ɩlɛna ɩ́ kʋ́ Icipiti tʋ na ɩ́ ŋmɛsɩ-ɩ kanyǝŋa tɛɛ.
1569	EXO 2:14	Mpʋɣʋlɛ ɩ́lɛ́ ɩ pǝsǝna-ɩ sɩ: Awe kpa-ŋ tá wulaʋ yaa tá tɔm hʋʋlʋ ye? N caa sɩ n kʋ-m ɩsɩɩ n kʋɣʋ Icipiti tʋ tɔ yɛɛ? Moisi cɛkǝnaa sɩ yǝlaa nyǝmá-tɩ ɩlɛna sɔɣɔntʋ kpa-ɩ.
1570	EXO 2:15	Icipiti wulaʋ maɣamaɣa ná nɩɩ mpʋ na ɩ́lɛ́ ɩ tɔŋna pɛɛkʋɣʋ sɩ ɩ lǝsǝɣɩ ɩ luɣu tɛɛ. Ntɛna Moisi sʋʋ nyɩɩtʋ na ɩ́ polo Matiyaŋ tɛtʋ taa kɛ́ cɔɔsʋɣʋ. Ɩ tala tǝna ɩlɛna ɩ́ caɣa lɔkɔ nɔɣɔlʋ ɩ nɔɣɔ.
1574	EXO 2:19	Ntɛna pá cɔ-ɩ sɩ: Icipiti tʋ nɔɣɔlʋ ɩ waasǝna-tʋ. Halǝna ɩ́ lu tá kalǝkʋ kɛ lʋm na kʋ́ nyɔɔ.
1578	EXO 2:23	Ḿpʋ́ɣʋ́ pǝ taaŋa sɔsɔm, ɩlɛna Icipiti wulaʋ sɩ́. Yomle nɩɩwa Ɩsɛɣɛlɩ nyǝ́ma ɩlɛna pá wiiki na pá tekiɣi Ɩsɔ sɩ ɩ́ waasɩ-wɛ na ɩ́lɛ́ ɩ nɩɩ.
1587	EXO 3:7	Ntɛna Ɩsɔ tɔ sɩ: Ma nawa ɩsǝna ma yǝlaa tɔkɩ kʋnyɔŋ kɛ Icipiti tɔ. Pǝyǝle ma nɩɩwa wula nna pa ŋmakǝllaa tʋɣʋ-wɛ tɔ. Ma nyǝmá pa wahalanaa tɔɔ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1589	EXO 3:9	Ma nɩɩwa Ɩsɛɣɛlɩ nyǝma wula, pǝyele ma nawa yaasi wei Icipiti nyǝ́ma ŋmakǝlǝɣǝna-wɛ tɔ.
1590	EXO 3:10	Mpʋ tɔ, ma tiliɣi-ŋ Icipiti wulaʋ tɛ́ sɩ ń polo na ń lǝsɩ ma yǝlaa Ɩsɛɣɛlɩ nyǝ́ma kɛ Icipiti taa.
1591	EXO 3:11	Mpʋɣʋlɛ Moisi cɔwa Ɩsɔ sɩ: Maɣalɛ awe na halɩ máá puki Icipiti wulaʋ kiŋ sɩ ma lǝsǝɣɩ Ɩsɛɣɛlɩ nyǝ́ma kɛ Icipiti taa?
1592	EXO 3:12	Kɛlɛna Ɩsɔ sɩ: Maa wɛɛ nyá waalɩ. Na mpi n ká nyǝna sɩ má tiliɣina-ŋ tɔɣɔlɛ sɩ, n ká lǝsɩ Ɩsɛɣɛlɩ nyǝ́ma kɛ Icipiti na nyana-wɛ ɩ́ kɔɔ na ɩ́ sɛɛ-m pʋɣʋ kʋnɛ kʋ tɔɔ cǝnɛ.
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.
1600	EXO 3:20	Pǝ tɔɔ kɛ́ maa hɔ Icipiti nyǝ́ma ŋkpaŋŋ na yaasinaa mpa too pa ta nata tɔ na halɩ wulaʋ tɔɣɔnɩ-mɛɣɛ kʋtɔɣɔnʋ na ɩ́ tɛɛ.
1601	EXO 3:21	Halɩ má yele na Icipiti nyǝ́ma la-mɛɣɛ kʋpantʋ na ɩ́ taa lɩɩ niŋ kakpasɩ.
1602	EXO 3:22	Paa Ɩsɛɣɛlɩ alʋ wei ɩ ká sǝlǝmɩ Icipiti alaa mpa pa kɛ́ ɩ asǝmaa na ɩ cɔlɔ nyǝ́ma tɔɣɔ nyǝɣǝtʋ kʋpantʋ wontu, na wʋla nyǝntʋ, na wontu kʋsusuutu, na ɩ́ tʋ́ mǝ piya tɔɔ. Ḿpʋ́ɣʋ́ ɩ́ ká sʋsǝna Icipiti nyǝ́ma kɛ kʋnyɔŋ.
1620	EXO 4:18	Ḿpʋ́ɣʋ́ Moisi mǝla ɩ yǝtɩ Yetulo cɔlɔ na ɩ́ heeli-ɩ sɩ: Ma mǝlǝɣɩ Icipiti na má ná Ɩsɛɣɛlɩ nyǝ́ma alaafǝya. Ntɛna ɩ́lɛ́ sɩ pǝ wɛ teu, polo.
1621	EXO 4:19	Ḿpʋ́ɣʋ́ Tacaa heela Moisi kɛ Matiyaŋ tɛtʋ taa tǝna sɩ: Taa nyana Icipiti mǝlʋɣʋ. Mpi tɔ, mpa pa lʋkaɣa-ŋ kʋɣʋ tɔ pa sǝpa pa tǝna.
1622	EXO 4:20	Ɩlɛna Moisi caɣasɩ ɩ alʋ na ɩ piya kɛ kpaŋasɩ na pá tɛɛ Icipiti, na ɩ́ tɔka kpátʋ́ɣʋ́ ŋku Ɩsɔ ka heela-ɩ sɩ ɩ́ kpaɣa tɔɣɔ ɩ niŋ taa.
1623	EXO 4:21	Ɩlɛna Tacaa tasa-ɩ heeluɣu sɩ: Ma ha-ŋ toŋ sɩ ye n tala Icipiti, n la piti tǝma anɩ a tǝna na Icipiti wulaʋ ná. Ama maa tʋ-ɩ laŋkpɩɩsǝŋ na ɩ kaa yele Ɩsɛɣɛlɩ nyǝ́ma na pá tɛɛ.
1631	EXO 4:29	Ntɛna pa naalɛ pá tǝŋ tǝma na pá polo Icipiti na pá koti Ɩsɛɣɛlɩ sɔsaa.
1634	EXO 5:1	Pǝlɛ pǝ waalɩ kɛ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Ɩsɛɣɛlɩ nyǝ́ma ta, tá Ɩsɔ Tacaa sɩ tǝ́ heeli-ŋ sɩ ń yele-tʋ na tǝ́ polo pooluŋ na tǝ́ lapɩ-ɩ tǝmlɛ pǝyaɣa nakǝlɩ.
1635	EXO 5:2	Tǝnaɣalɛ Icipiti wulaʋ nɔɣɔ tǝkpaʋ sɩ: Aweɣe Ɩsɔ Tacaa ye? Ma ta nyɩ pʋntʋ. Ɩlɛ ma fɛɩ sɩ ma nɩɩkɩ ɩ tɔm na má yele Ɩsɛɣɛlɩ nyǝ́ma sɩ pá polo tiili.
1639	EXO 5:6	Kʋyakʋ ŋkʋɣʋ Icipiti wulaʋ heela Icipiti nyǝ́ma mpa pa kɛ́ wahala tǝma feŋlaa sɔsaa tɔ, na mpa pa kɛ́ feŋlaa sǝkpema kɛ Ɩsɛɣɛlɩ nyǝ́ma taa tɔ
1643	EXO 5:10	Ḿpʋ́ɣʋ́ feŋlaa sɔsaa na sǝkpema pa lɩɩ Icipiti wulaʋ tɛ́ na pá polo pa heeli Ɩsɛɣɛlɩ nyǝ́ma sɩ: Wulaʋ sɩ, tǝ́ taa tasa-mɛɣɛ kasaaloka cɛlʋɣʋ.
1645	EXO 5:12	Mpʋ pǝ yelina na Ɩsɛɣɛlɩ nyǝ́ma ya Icipiti tɛtʋ taa sɩ pá kʋŋ kasaaloka.
1648	EXO 5:15	Ḿpʋ́ɣʋ́ feŋlaa sǝkpema mpɛ pa pola Icipiti wulaʋ kiŋ sɩ pa hʋ́lǝ́ɣɩ́-ɩ pa wahala na pá wiina-ɩ sɩ: Haɩ, tá caa, pepe tɔɔ kɛ́ n naasǝɣɩ-tʋɣʋ mpʋ?
1650	EXO 5:17	Tǝnaɣalɛ Icipiti wulaʋ nɔɣɔ tǝkpaʋ sɩ: Ɩ́ kɛ́ felentunaa kpitikpitinaa kɛ́, pǝ maɣamaɣa pǝ tɔɔ kɛ́ ɩ́ waakǝna sɩ ɩ́ puki Ɩsɔ kɛ́ kɔtaɣa lapʋ.
1654	EXO 5:21	Ɩlɛna pá tʋʋ pɛlɛ sɩ: Ɩsɔ ká kpatɩ mǝ yule tɔɔ kɛ́ kpaakpaalɛ. Mpi tɔ, mǝ lapǝna na Icipiti wulaʋ na ɩ waalɩ nyǝ́ma pa luɣu lɩɩ-tʋ. Mǝ tekina tá luɣu sɩ pá lɛntɩ.
1656	EXO 5:23	Hatoo kʋyaŋku ma heela Icipiti wulaʋ kɛ nyá tɔm tɔ, ɩ sɔɔsa Ɩsɛɣɛlɩ nyǝ́ma kɛ wahala kɛ́. Pǝyele nyá suma, nn lʋkɩ sɩ ń waasɩ-wɛ.
1657	EXO 6:1	Ḿpʋ́ɣʋ́ Tacaa cɔwa Moisi sɩ: N ká ná ɩsǝna maa la Icipiti wulaʋ tɔ. Toŋ kɛ maa lana-ɩ na ɩ́ yele-mɛ na ɩ́ tɛɛ. Halɩ ɩ maɣamaɣa ɩ ká tɩɩ tɔɣɔnna-mɛɣɛ ɩ tɛtʋ taa sɩ ɩ́ tɛɛ lɔŋ na ɩ́ wɛsɩ-ɩ.
1661	EXO 6:5	Pǝnɛntɛ ma nɩɩ yomle nte Icipiti nyǝ́ma tʋɣɩ-wɛ na pá wiiki tɔ. Halǝna pǝ́ tɔɔsɩ-m nɔɣɔ ŋka ma na-wɛ tɩɩ pɛɛlaa tɔ.
1662	EXO 6:6	Pǝ tɔɔ kɛ́ ma tʋ Moisi sɩ ɩ́ heeli-mɛ sɩ maɣalɛ Tacaa. Maa cɛ-mɛɣɛ mǝ yomle na mǝ wahala tǝma taa na má waasɩ-mɛ. Na ma hɔ́ Icipiti nyǝ́ma ŋkpaŋʋɣʋ na ma toŋ sɔsɔɔŋ.
1663	EXO 6:7	Maa nyǝnɩ-mɛɣɛ ma yǝlaa na mɩ́ɩ́ nyǝnɩ maɣa mǝ Ɩsɔ. Waatʋ ɩnǝɣɩ ɩ ká nyɩ sɩ mǝ Ɩsɔ Tacaa má ma hɛtǝɣǝna-mɛɣɛ Icipiti nyǝ́ma wahala tǝma anɩ a taa.
1667	EXO 6:11	Polo Icipiti wulaʋ kiŋ na ń heeli-ɩ sɩ pǝ wɛɛ sɩ ń yele Ɩsɛɣɛlɩ nyǝ́ma na pá lɩɩ nyá tɛtʋ taa.
1668	EXO 6:12	Ntɛna Moisi nɔɣɔ tǝkpaʋ sɩ: Ɩsɛɣɛlɩ nyǝ́ma maɣamaɣa ná tá nɩɩna-m kacaŋfana Icipiti wulaʋ? Halɩ maa tɩɩ pǝsǝɣɩ yɔɣɔtaɣa kɛ ɩsǝntɔ tɔ, pǝ tɩɩ tɛɛsaa kɛlɛ.
1669	EXO 6:13	Kɛlɛna Tacaa tʋ Moisi na Alɔŋ sɩ: Ɩ́ polo mǝ naalɛ na ɩ́ maɣana Ɩsɛɣɛlɩ nyǝ́ma na Icipiti wulaʋ na ɩ́ heeli-wɛ sɩ, pǝ wɛɛ sɩ Ɩsɛɣɛlɩ nyǝ́ma ɩ́ lɩɩ Icipiti taa.
1678	EXO 6:22	Usiyɛlɩ pǝyalaa ntɛ́ Mikayɛɛlɩ, na Ilisafaŋ, na Sitili.
1679	EXO 6:23	Aminatapɩ pɛɛlɔ Ɩlisepa wei ɩ kɛ́ Nasɔŋ neu tɔɣɔ Alɔŋ kpaɣaa na ɩ́ lʋlɩ Natapɩ, na Apihu, na Ɩlasaa, na Itamaa.
1682	EXO 6:26	Na Alɔŋ na Moisi mpɛɣɛ Tacaa tɔma sɩ pá lǝsɩ Ɩsɛɣɛlɩ nyǝ́ma kɛ Icipiti taa kɛ́ nɔɣɔ kʋlʋmaɣa.
1683	EXO 6:27	Mpɛ ɩnɩ pa tɛlǝsǝna Icipiti wulaʋ kɛ nti Ɩsɔ yɔɣɔtaa sɩ ɩ́ yele Ɩsɛɣɛlɩ nyǝ́ma na pá lɩɩ ɩ tɛtʋ taa tɔ.
1684	EXO 6:28	Ḿpʋ́ɣʋ́ kʋyakʋ nakʋlɩ Ɩsɔ yɔɣɔtǝna Moisi kɛ Icipiti tɛtʋ taa na ɩ́ heeli-ɩ sɩ:
1685	EXO 6:29	Ma kɛ́ Tacaa kɛ́, polo ń heeli Icipiti wulaʋ kɛ tǝ tǝna nti ma yɔɣɔtǝna ma nɔɣɔ tɔ.
1686	EXO 6:30	Mpʋɣʋlɛ Moisi cɔ-ɩ sɩ: Icipiti wulaʋ kaa nɩɩna-m. Mpi tɔ, ma ta nyɩ yɔɣɔtaɣa kɛ paa pǝcɔ pǝcɔ.
1687	EXO 7:1	Ḿpʋ́ɣʋ́ Tacaa heela Moisi sɩ: Maa tʋ-ŋ toŋ sɔsɔɔŋ na ń pǝsɩ ɩsɩɩ Ɩsɔ kɛ́ Icipiti wulaʋ ɩsɛntaa na Alɔŋ náá tɛlǝsǝɣɩ-ɩ nyá tɔm.
1688	EXO 7:2	N ká kɛɛsɩ Alɔŋ kɛ tǝ tǝna nti máá heeli-ŋ tɔ, na ɩ́lɛ́ ɩ́ tɛlǝsɩ-tǝɣɩ Icipiti wulaʋ sɩ ɩ́ yele Ɩsɛɣɛlɩ nyǝ́ma na pá lɩɩ ɩ tɛtʋ taa.
1689	EXO 7:3	Paa na mpʋ tɔ, maa la Icipiti wulaʋ kɛ laŋkpɩɩsǝŋ. Paa na piti tǝma na kʋhʋlʋm mpi pǝ tǝna maa la Icipiti taa tɔ,
1690	EXO 7:4	ɩ kaa nɩɩna-mɛ. Halɩ waatʋ ɩnǝɣɩ maa nyǝŋsɩ Icipiti nyǝ́ma ɩsɛ kɛ teu kɛ ɩsǝna pǝ wɛɛ tɔ. Ɩlɛna má lǝsɩ ma yǝlaa Ɩsɛɣɛlɩ nyǝ́ma kɛ nɔɣɔ kʋlʋmaɣa kɛ tɛtʋ tǝnɛ tǝ taa.
1691	EXO 7:5	Saa ɩnǝɣɩ pɩɩ cɛ Icipiti nyǝ́ma ɩsɛntɔɔ na pá nyɩ́ sɩ ma kɛ́ Tacaa.
1695	EXO 7:9	Ye Icipiti wulaʋ tɔma-mɛ sɩ ɩ́ la piti tǝmlɛ natǝlɩ, ɩlɛ Moisi heeli Alɔŋ sɩ ɩ́ pɛtɩ ɩ kpátʋ́ɣʋ́ kɛ atɛɣɛ wulaʋ ɩsɛntaa, na kɩɩ pǝsɩ tʋm.
1696	EXO 7:10	Tǝnaɣa Moisi na Alɔŋ pa tɛɛwa na pá lá teitei ɩsɩɩ Ɩsɔ Tacaa kɛɛsʋɣʋ-wɛ tɔ. Alɔŋ pɛta ɩ kpátʋ́ɣʋ́ kɛ atɛɣɛ Icipiti wulaʋ na ɩ waalɩ nyǝ́ma pa ɩsɛntaa na kʋ́ pǝsɩ tʋm.
1697	EXO 7:11	Ḿpʋ́ɣʋ́ wulaʋ kota Icipiti tʋwaa na pǝ topotopo nyǝ́ma na pɛlɛ pá lá mpʋ tɔtɔ, na pa topotopotʋ taa.
1699	EXO 7:13	Paa na mpʋ Icipiti wulaʋ lapa laŋkpɩɩsǝŋ na ɩ́ kisi nti Moisi na Alɔŋ pa pola-ɩ sǝlǝmʋɣʋ tɔɣɔ teitei ɩsɩɩ Tacaa ka yɔɣɔtʋɣʋ tɔ.
1700	EXO 7:14	Ḿpʋ́ɣʋ́ Ɩsɔ Tacaa tɔma Moisi sɩ: Ntɔŋ Icipiti wulaʋ kama nyʋɣʋ kɛ ɩ laŋkpɩɩsǝŋ taa na ɩ́ kisi Ɩsɛɣɛlɩ nyǝ́ma kɛ yeluɣu sɩ pá tɛɛ yɛɛ?
1704	EXO 7:18	na tiina sɩ́ na lʋm sɔŋ na halɩ Icipiti nyǝ́ma kpisi pǝ nyɔɔʋ.
1705	EXO 7:19	Ḿpʋ́ɣʋ́ Tacaa tasa Moisi kɛ heeluɣu sɩ: Heeli Alɔŋ sɩ kpaɣa nyá kpátʋ́ɣʋ́ na ń hʋ́lɩ́-kʋɣʋ Icipiti nyǝ́ma lʋm tǝkpentenaa na pusi na lɔɔŋ pǝ tɔɔ na pǝ́ kpɛŋna lʋcaɣamnaa na tɩɩŋ na kʋkpamǝŋ pǝ pɔɔŋ taa lʋmnaa, na pǝ́ pǝsɩ calǝm. Waatʋ ɩnɩ calǝm ká waasɩ tɛtʋ tǝna tǝpaɩ.
1706	EXO 7:20	Ḿpʋ́ɣʋ́ Alɔŋ kʋsa kpátʋ́ɣʋ́ na ɩ́ má pɔɣɔ lʋm tɔɔ ɩsɩɩ Tacaa ka kɛɛsʋɣʋ-wɛ tɔɣɔ Icipiti wulaʋ na ɩ waalɩ nyǝ́ma pa ɩsɛntaa, na lʋm tǝna pǝsɩ calǝm.
1707	EXO 7:21	Ɩlɛna pɔɣɔ tǝna tiina sɩ́, na ka lʋm sɔŋ halǝna Icipiti nyǝ́ma kpisi pǝ nyɔɔʋ. Na paa timpiɣi n tala tɛtʋ tǝna taa calǝm waasǝna.
1708	EXO 7:22	Ḿpʋ́ɣʋ́ Icipiti tʋwaa lapa teitei ɩsɩɩ Moisi-wɛ na pa topotopotʋ taa. Ɩlɛna Icipiti wulaʋ la laŋkpɩɩsǝŋ ɩsɩɩ Tacaa ka tɛm yɔɣɔtʋɣʋ tɔ, na ɩ́ kisi nɔɣɔ ŋka paa sǝlǝma-ɩ tɔ.
1710	EXO 7:24	Tǝnaɣa Icipiti nyǝ́ma tǝna sʋʋ hila laasʋɣʋ na pá malǝɣɩ pɔɣɔ sɩ pá hiki lʋm kʋnyɔnyɔɔm. Mpi tɔ, pɔɣɔ nyǝm taa fɛɩ nyɔɔʋ.
1712	EXO 7:26	Pǝ waalɩ kɛ́ Tacaa tɔma Moisi sɩ: Polo Icipiti wulaʋ kiŋ na ń heeli-ɩ sɩ yele ma yǝlaa na pá polo pá la-m tǝmlɛ.
1715	EXO 7:29	Halɩ a ká kpa Icipiti wulaʋ nyá nyá maɣamaɣa nyá tɔɔ, na samaa tǝna tɔɔ, na pǝ kpɛŋna tǝmlɛ nyǝ́ma tɔɔ tɔtɔ.
1716	EXO 8:1	Ḿpʋ́ɣʋ́ Tacaa tasa Moisi kɛ heeluɣu tɔtɔ sɩ heeli Alɔŋ sɩ: Hʋ́lɩ́ nyá kpátʋ́ɣʋ́ na pusi na lɔɔŋ na lʋcaɣamnaa tɔɔ na salɛɛ lɩɩ Icipiti.
1717	EXO 8:2	Alɔŋ ná hʋ́lá ɩ kpátʋ́ɣʋ́ kɛ mpʋ, ɩlɛna salɛɛ lɩɩ Icipiti lʋmnaa taa na á waasɩ tɛtʋ tǝna.
1718	EXO 8:3	Ḿpʋ́ɣʋ́ Icipiti tʋwaa ná lapa mpʋ na pa topotopotʋ taa tɔtɔ, na salɛɛ lɩɩ na á kpa tɛtʋ tǝna taa.
1719	EXO 8:4	Ntɛna Icipiti wulaʋ yaa Moisi na Alɔŋ na ɩ́ tɔ-wɛ sɩ: Ɩ́ wiina Tacaa na ɩ́ hatǝlǝna salɛɛ anǝɣɩ má na má yǝlaa. Pǝ waalɩ ɩlɛ maa yele Ɩsɛɣɛlɩ nyǝ́ma na pá polo pá lá Ɩsɔ kɛ́ kɔtasɩ.
1720	EXO 8:5	Tǝnaɣalɛ Moisi cɔ Icipiti wulaʋ sɩ: Ta caa, lǝsɩ nyá maɣamaɣa kɛ saa wei n sɔɔlaa sɩ má sǝlǝmɩ Ɩsɔ kɛ́ mǝ tɔɔ na ɩ́ kʋ́ salɛɛ kɛ nyana nyá samaa na nyá tǝmlɛ nyǝ́ma mǝ tɛɛsɩ taa na á mǝlɩ pɔɣɔ taa tike tɔ.
1723	EXO 8:8	Ḿpʋ́ɣʋ́ Moisi na Alɔŋ pa lɩɩ Icipiti wulaʋ tɛ́. Ɩlɛna Moisi sǝlǝmɩ Ɩsɔ kɛ́ salɛɛ anɩ a tɔɔ.
1726	EXO 8:11	Icipiti wulaʋ nawa sɩ ɩ wahala pasaa, ɩlɛna ɩ́ lá laŋkpɩɩsǝŋ na ɩ́ kisi Moisi na Alɔŋ kɛ nɩɩnaʋ kɛ teitei ɩsɩɩ Tacaa ka yɔɣɔtʋɣʋ tɔ.
1727	EXO 8:12	Ḿpʋ́ɣʋ́ Tacaa tɔma Moisi sɩ heeli Alɔŋ sɩ: Ma nyá kpátʋ́ɣʋ́ kɛ tɛtʋ tɔɔ, na mʋsʋɣʋ pǝsɩ pɔtʋ na tǝ́ kpa Icipiti tɛtʋ tǝna taa.
1729	EXO 8:14	Ɩlɛna Icipiti tʋwaa maɣasɩ ɩsɩɩ paa la mpʋ na pa topotopotʋ taa na pá kpisi. Na pɔtʋ náá wɛ tɔla na yǝlaa pa tɔɔ.
1730	EXO 8:15	Tǝnaɣalɛ tʋwaa heela Icipiti wulaʋ sɩ: Ɩsɔ mpǝle kɛ cǝnɛ ɩnǝɣɩ yoo. Paa na mpʋ Icipiti wulaʋ tɔka ɩ laŋkpɩɩsǝŋ na ɩ́ kisi Moisi na Alɔŋ kɛ nɩɩnaʋ kɛ teitei ɩsɩɩ Tacaa ka yɔɣɔtʋɣʋ tɔ.
1731	EXO 8:16	Ḿpʋ́ɣʋ́ Tacaa heela Moisi sɩ: Cele kʋlɩ lɔŋ kɛ tanaŋ kʋpaŋkʋ tɛɛ, na ń katɩ Icipiti wulaʋ kɛ waatʋ wei ɩ tiiki pɔɣɔ tɔ na ń heeli-ɩ sɩ Tacaa má, ma tɔma sɩ yele ma yǝlaa na pá polo pá la-m tǝmlɛ.
1732	EXO 8:17	Ye n kisaa sɩ n kaa yele-wɛ, ɩlɛ ma yele na kacɔsɩ kʋnaasasɩ nasǝlɩ sɩ lɩɩ na sɩ́ sú Icipiti nyǝ́ma tɛɛsɩ taa kɛ́ tɛtʋ tǝna taa, na sɩ́ nyasǝɣɩ nyana yǝlaa na nyá tǝmlɛ nyǝ́ma tǝna.
1733	EXO 8:18	Ama kacɔsɩ nsɩ sɩ kaa wiili Kosɛŋ tɛtʋ taa timpi ma yǝlaa wɛɛ tɔ. Tǝnaɣa Icipiti wulaʋ ka nyǝna sɩ Tacaa má, ma wɛ Icipiti taa cǝnɛ.
1735	EXO 8:20	Ḿpʋ́ɣʋ́ Tacaa yelaa na kacɔsɩ kʋnyasasɩ nasǝlɩ lɩɩ tuutuuma na sɩ́ watɩ Icipiti wulaʋ na ɩ tǝmlɛ nyǝ́ma pa tɛɛsɩ taa, na sɩ́ wakǝlɩ tɛtʋ tǝna.
1736	EXO 8:21	Tǝnaɣalɛ Icipiti wulaʋ yaa Moisi na Alɔŋ na ɩ́ tɔ-wɛ sɩ: Ɩ́ polo ɩ́ lá mǝ Ɩsɔ kɛ́ kɔtasɩ. Ɩlɛ Icipiti tɛtʋ taa kɛ́ pǝ wɛɛ sɩ ɩ́ la-sɩ.
1737	EXO 8:22	Kɛlɛna Moisi na Alɔŋ pa cɔ sɩ: Tǝ kaa la-sǝɣɩ cǝnɛ. Mpi tɔ, Icipiti nyǝ́ma ká nyǝnɩ-sǝɣɩ acaalǝtʋ na pá yaɣa-tʋɣʋ pɛɛ.
1739	EXO 8:24	Ntɛna Icipiti wulaʋ sɩ: Maa yele-mɛ na ɩ́ polo. Ɩlɛ ɩ́ taa hatǝlɩ pooluŋ kɛ́. Aaɩyee sɩ, ɩ́ sǝlǝmǝna-m.
1741	EXO 8:26	Moisi lɩɩ Icipiti wulaʋ tɛ́ ɩlɛna ɩ́ sǝlǝmɩ Tacaa,
1742	EXO 8:27	na ɩ́lɛ́ ɩ lǝsɩ kacɔsɩ tǝna na sɩ́ yele Icipiti wulaʋ na ɩ tǝmlɛ nyǝ́ma na ɩ yǝlaa, pǝ ta sɔɔ paa kʋlʋmaɣa.
1743	EXO 8:28	Ḿpʋ́ɣʋ́ Icipiti wulaʋ lapa laŋkpɩɩsǝŋ tɔtɔ na ɩ́ kisi sɩ Ɩsɛɣɛlɩ nyǝ́ma ɩ́ taa lɩɩ.
1744	EXO 9:1	Ḿpʋ́ɣʋ́ Tacaa tɔma Moisi sɩ: Polo Icipiti wulaʋ kiŋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ yele ma yǝlaa na pá polo pá la-m tǝmlɛ.
1746	EXO 9:3	maa yele na kʋsǝkʋ ɩsaɣaʋ nakʋlɩ kʋ kpa Icipiti nyǝ́ma tɔla, na kʋ́ kʋ kpaɣanǝŋ na kpaŋasɩ na yooyoonaa, na naaŋ, na heeŋ, na pǝ́ŋ.
1748	EXO 9:5	Pǝlɛ pǝ paasi ɩlɛna Ɩsɔ Tacaa sɩɩ sɩ cele kɛ ɩnɩ ɩ ka la kɔkɔlɔ ɩnǝɣɩ Icipiti taa.
1749	EXO 9:6	Tɛʋ fema ɩlɛna Tacaa yele na kʋsǝkʋ naŋ Icipiti nyǝ́ma tɔla tǝnaɣa kʋpampǝlɛ ɩsɩɩ ɩ ka yɔɣɔtʋɣʋ tɔ. Ama Ɩsɛɣɛlɩ nyǝ́ma nyǝna taa natǝlɩ tǝ nyʋɣʋ ta holi-tɛ.
1750	EXO 9:7	Ḿpʋ́ɣʋ́ Icipiti wulaʋ pɔɔsaa na ɩ́ nɩɩ sɩ Ɩsɛɣɛlɩ nyǝ́ma tɔla taa natǝlɩ tǝ ta sɩ́. Paa na mpʋ pǝlɛ pǝ ta lapɩ-ɩ pʋlʋ. Ɩ kama nyʋɣʋ kɛ ɩ laŋkpɩɩsǝŋ taa na ɩ́ kisi Ɩsɔ yǝlaa kɛ yeluɣu sɩ pá tɛɛ.
1751	EXO 9:8	Pǝ waalɩ kɛ Tacaa tasa Moisi na Alɔŋ kɛ heeluɣu tɔtɔ sɩ: Ɩ́ cosi mǝsaɣa taa tɔlʋma kɛ mǝ ŋkulee taa. Ɩlɛna ɩ́ polo wulaʋ tɛ́, na Moisi ŋmɩɩsɩ-yɛɣɛ ɩsɔtaa na Icipiti wulaʋ nyǝnǝɣɩ.
1754	EXO 9:11	Mʋla anɩ a kpɛnna Icipiti tʋwaa tɔtɔɣɔ na á kpa-wɛɣɛ teitei ɩsɩɩ yǝlaa tǝna. Halǝna pa kpisi Moisi-wɛɣɛ kpǝtǝnaʋ.