10	GEN 1:10	Kɛlɛna Ɩsɔ ha-tǝɣɩ hǝtɛ sɩ tɛtʋ, na ɩ́ yaa lʋmnaa mpɛ sɩ teŋkunaa, na ɩ laŋlɛ hɛɛ.
14	GEN 1:14	Mpʋɣʋlɛ Ɩsɔ tɔma sɩ: Kɔkɔsɩ ɩ́ wɛɛ ɩsɔtaa na sɩ́ faɣa ilim na ahoo, na kʋyɛɛŋ na pɩɩsɩ na lʋŋlɛ na yoluma,
16	GEN 1:16	Kɔkɔsɩ sɔsɔɔnsɩ naalɛɣɛ ɩ lapa, na kʋkǝlaɣa tɔ́kɩ kawulaɣa kɛ ilim na naalɛ nyǝŋka kɛ ahoo. Na ɩ́ la ɩsɔtʋlʋŋasɩ tɔtɔ.
27	GEN 1:27	Kɛlɛna ɩ́ ŋmá yʋlʋ ɩsɩɩ ɩ maɣamaɣa ɩ wɛɛ tɔ. Apalʋ na alʋ kɛ ɩ ŋmá-wɛ ɩsɩɩ ɩ wɛʋ tɔ
33	GEN 2:2	Kʋyakʋ naatoso nyǝŋkʋ wule kɛ Ɩsɔ tɛɛsa ɩ tǝma, ɩlɛna ɩ́ hɛɛsɩ naatosompɔɣɔlaɣa nyǝŋkʋ wule.
42	GEN 2:11	Kancaalaɣa nyǝŋka hǝtɛ ntɛ́ Pisɔŋ, kɛlɛ ka cɔɔna Hafila tɛtʋ nti tǝ taa wʋla kʋpaŋ na tulaalʋ kʋpaŋ na liɣitee pǝlɛ kʋkpɛɛtǝlɛ pǝ wɛɛ tɔ.
44	GEN 2:13	Pɔɣɔ naalɛ nyǝŋka hǝtɛ ntɛ́ Kihɔŋ na kɛlɛ ka cɔɔna Kusi tɛtʋ tǝna.
47	GEN 2:16	Kɛlɛna ɩ́ tɔ́ yʋlʋ sɩ: N pǝsǝɣɩ na ń tɔɣɔ taalɛ tɩɩŋ tǝna pee.
58	GEN 3:2	Kɛlɛna alʋ náá cɔ sɩ: Aaɩ, tǝ tɔ́kɩ halǝm tɩɩŋ tǝna pee kɛ́.
68	GEN 3:12	Kɛlɛna yʋlʋ sɩ: Ma tɔɣaa yáá, ɩlɛ alʋ wei ɩnɩ n ha-m tɔ ɩnɩ ɩ cɛlǝna-m na má tɔɣɔ.
81	GEN 4:1	Ḿpʋ́ɣʋ́ Atam nyǝmá ɩ alʋ Ɩfa na ɩ́lɛ́ ɩ́ lá teu na ɩ́ lʋlɩ Kayini. Ɩlɛna ɩ́ tɔ́ sɩ: Ma hika apalʋpǝyaɣa na Tacaa toŋ.
82	GEN 4:2	Pǝlɛ pǝ waalɩ kɛ́ ɩ lʋla ɩ neu Apɛɛlɩ. Apɛɛlɩ ka kɛ́ tiikilu na Kayini kɛ hátʋ́.
85	GEN 4:5	Ama ɩ kisa Kayini nyǝŋka. Tǝnaɣalɛ pǝ haŋa-ɩ teu ɩsɩɩ nɔɔhǝlɛ taa kɔkɔ, na ɩ ɩsɛntaa sɔŋ.
88	GEN 4:8	Tǝnaɣa Kayini tɔma ɩ neu sɩ: Tǝ́ kpa taalɛ, ɩlɛna Kayini kʋlɩ ɩ tɔɔ kɛ́ tǝna na ɩ́ kʋ-ɩ.
89	GEN 4:9	Mpʋɣʋlɛ Tacaa pɔɔsa Kayini sɩ: Nyá neu Apɛɛlɩ wele? Ɩlɛna ɩ́ cɔ sɩ: Ma nyǝmá timpi ɩ wɛɛ tɔ? Ma kɛ́ ma neu taŋlʋ na?
93	GEN 4:13	Mpʋɣʋlɛ Kayini cɔwa Tacaa sɩ: Ma salǝka kǝla-m.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
97	GEN 4:17	Ḿpʋ́ɣʋ́ Kayini nyǝmá ɩ alʋ na ɩ́ lá teu na ɩ́ lʋlɩ Henɔkɩ. Ɩlɛna ɩ́ ŋmá ɩcatɛ na ɩ́ ha-tɛɣɛ ɩ pǝyalʋ hǝtɛ.
102	GEN 4:22	Sila ɩ́lɛ́ ɩ lʋlǝna ntɛɣɛ Tupaalɩ-Kayini, wei ɩ luki nyǝɣǝlʋɣʋ kʋsɛɛmʋɣʋ na nyǝɣǝlʋɣʋ maɣamaɣa wontu tɔ. Ɩ neu kɛ pa yaakaɣa sɩ Naama.
104	GEN 4:24	Tɔm naatosompɔɣɔlaɣa kɛ paa lɛɛtɩ Kayini kʋlʋ. Ɩlɛna pá lɛɛtɩ ma kʋlʋ kɛ tɔm nɩɩtoso na naanʋwa na naatosompɔɣɔlaɣa.
105	GEN 4:25	Atam pa tasa apalʋpǝyaɣa kɛ lʋlʋɣʋ ɩlɛna Ɩfa ha-kɛɣɛ hǝtɛ sɩ Sɛɛtɩ, sɩ Tacaa ha ɩnǝɣɩ apalʋpǝyaɣa lɛŋka kɛ Apɛɛlɩ wei Kayini kʋwa tɔ ɩ lonte.
115	GEN 5:9	Ɩnɔɔsɩ pɩɩsɩ lapa nɩɩnaasa na naanʋwa ɩlɛna ɩ́ lʋlɩ Kenaŋ.
116	GEN 5:10	Kenaŋ lʋlʋɣʋ waalɩ Ɩnɔɔsɩ tɔɣɔ pɩɩsɩ nasǝnaasa na naanʋwa na kakpasɩ (815) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
118	GEN 5:12	Kenaŋ pɩɩsɩ lapa nɩɩtoso na naanʋwa ɩlɛna ɩ́ lʋlɩ Malalɛlɩ.
120	GEN 5:14	Kenaŋ pɩɩsɩ tǝna yoosa nasǝnaasa na nɩɩnʋwa na naanʋwa (910) ɩlɛna ɩ́ sɩ́.
138	GEN 5:32	Nowee pɩɩsɩ lapa nasǝlɛ na nɩɩnʋwa (500) ɩlɛna ɩ́ lʋlɩ Sem na Kam na Yɛfɛtɛ.
147	GEN 6:9	Nowee na ɩ nyǝ́ma pa tɔm ntɔ. Nowee ka wɛna piya tooso kɛ́, Sem, na Kam, na Yɛfɛtɛ. Ɩ ka kɛ́ kʋpaŋ kɛ́ na ɩ́ siɣisaa na ɩ́ tǝŋǝɣɩ Ɩsɔ kɛ́ teu kɛ ɩ waatʋ taa na Ɩsɔ wɛ ɩ waalɩ.
159	GEN 6:21	Kpaɣa tɔɣɔnasɩ nsi nsi mǝ na wontunaa mpɛ ɩ́ ká tɔkɩ tɔ.
170	GEN 7:10	Kʋyɛɛŋ naatosompɔɣɔlaɣa tɛɛwa ɩlɛna lʋm watɩ tɛtʋ tǝna.
173	GEN 7:13	Kʋyakʋ ŋkʋ kʋ maɣamaɣa kɛ Nowee na ɩ alʋ na ɩ pǝyalaa Sem na Kam na Yɛfɛtɛ na ɩ poolaa tooso pa sʋʋ atakaa pɔɣɔlʋɣʋ.
177	GEN 7:17	Kʋyɛɛŋ nɩɩlɛ tǝcu kɛ́ tɛʋ nɩɩwa, ɩlɛna lʋm kpa na pǝ́ kɛlɩ atakaa pɔɣɔlʋɣʋ, na pǝ́ kpaasɩ-kʋɣʋ ɩsɔtaa.
187	GEN 8:3	Ɩlɛna lʋm nyɔɔ tɛtʋ tɔɔ. Kʋyɛɛŋ nɩɩnʋwa na nɩɩlɛ na naanʋwa (150) taa kɛ́ lʋm caala pasʋɣʋ.
190	GEN 8:6	Kʋyɛɛŋ nɩɩlɛ tɛɛwa ɩlɛna Nowee tʋlɩ atakaa pɔɣɔlʋɣʋ pǝtote
224	GEN 9:18	Nowee na ɩ pǝyalaa mpa pa lɩɩ atakaa pɔɣɔlʋɣʋ taa tɔɣɔlɛ Sem na Kam na Yɛfɛtɛ. Kam ɩ́lɛ́ ɩ́ lʋlǝna Kanaaŋ.
228	GEN 9:22	Mpʋɣʋlɛ Kanaaŋ caa Kam nawa ɩ caa tapakpɛtɛ, na ɩ́ nyǝnɩ, ɩlɛna ɩ́ polo na ɩ́ taɣasɩ ɩ taalʋnaa kɛ awalɩ.
230	GEN 9:24	Nowee sʋlʋm kɔma na pǝ́ cɛ́ ɩ ɩsɛntɔɔ na ɩ́ nɩɩ nti ɩ pǝyalʋ sǝkpelu nyǝŋ Kam lapa tɔ.
231	GEN 9:25	Ɩlɛna ɩ́ tɔ́ sɩ: Mpusi ɩ́ tǝŋ Kam pǝyalʋ Kanaaŋ na pǝ́ lapɩ-ɩ ɩ taalʋnaa yom tǝkpapa.
232	GEN 9:26	Ma sama Sem Ɩsɔ Tacaa. Pǝ́ la Kanaaŋ kɛ Sem-wɛ pa yom.
233	GEN 9:27	Ɩsɔ ɩ́ walǝsɩ Yɛfɛtɛ tǝhikile, na ɩ́ caɣa Sem tɛ́, na pǝ́ lá Kanaaŋ kɛ pa yom.
236	GEN 10:1	Nowee piya Sem na Kam na Yɛfɛtɛ pa lʋla piya mpaɣa lʋm waasʋɣʋ waalɩ tɔ pa hǝla ntɔ.
237	GEN 10:2	Yɛfɛtɛ ɩ́lɛ́ ɩ́ piya ntɔ. Komɛɛ, na Makɔkɩ, na Matayi, na Yafaŋ, na Tupaalɩ, na Mesɛkɩ, na Tilaa.
238	GEN 10:3	Komɛɛ ɩ́lɛ́ ɩ́ piya ntɛ́ Asǝkǝnaasɩ, na Lifa, na Tokaama.
239	GEN 10:4	Yafaŋ piya ntɛ́, Ɩlisa, na Taasɩ, na Kitim, na Lutanim.
241	GEN 10:6	Kam ɩ́lɛ́ ɩ́ piya ntɛ́ Kusi, na Misilayim, na Puti na Kanaaŋ.
242	GEN 10:7	Kusi piya ntɛ́ Sepa, na Hafila, na Sapǝta, na Lakǝma, na Sapǝteka. Lakǝma piya ntɛ́, Sapaa, na Tetaŋ.
243	GEN 10:8	Kusi lʋlǝna tɔtɔɣɔ Nimloti, ɩnɩ ɩ caalǝna tɛtʋnaa kɛ tɔɣɔʋ.
245	GEN 10:10	Acalɛɛ wena a tɔɔ Nimloti tɔɣɔ kawulaɣa tɔɣɔlɛ Papɛɛlɩ, na Ɩlɛkɩ, na Akatɩ, na Kalǝne kɛ Papiloni tɛtʋ taa.
246	GEN 10:11	Tɛtʋ ntɩ tǝ taa kɛ́ ɩ lɩɩwa na ɩ́ polo Asilii na ɩ́ ŋmá Ninifi, na Lehopoti-Hiili, na Kela,
247	GEN 10:12	na Lɛsaŋ kɛ Ninifi na Kela ɩcatɛ sɔsɔɔlɛ pa hɛkʋ.
249	GEN 10:14	na Patǝlɔsɩ nyǝ́ma, na Kasulu nyǝ́ma, na Kafǝtɔɔ nyǝ́ma. Tǝnaɣa Filiisi nyǝ́ma ná lɩɩwa.
250	GEN 10:15	Kanaaŋ ɩ́lɛ́ ɩ́ kancaalaɣa pǝyaɣa ntɛ́ Sitɔŋ na naalɛ nyǝŋ ntɛ́ Hɛtɩ,
251	GEN 10:16	na ɩ lʋlʋɣʋ nyǝ́ma tɔtɔɣɔlɛ Yepusi nyǝ́ma, na Amolii nyǝ́ma, na Kilikasɩ nyǝ́ma,
253	GEN 10:18	na Alǝfatɩ nyǝ́ma, na Semalii nyǝ́ma, na Hamatɩ nyǝ́ma. Pǝ waalɩ kɛ́ Kanaaŋ lʋlʋŋ nyǝ́ma ná yawa.
254	GEN 10:19	Na pa tɛtʋ toosi ntɛ́ pǝ kpaɣaʋ Sitɔŋ kɛ Keelaa kɔŋkɔŋ taa na pǝ́ polo Sɔtɔm na Kɔmɔɔ na Atǝma na Sepoyim halǝna Lesa.
255	GEN 10:20	Kam ɩnɩ ɩ piya ntɛ́, na pǝ́ kɛɛsǝna ɩsɩɩ pa lʋlʋŋ na pa nsǝma na pa tɛtʋ na pa piitimnaa.
258	GEN 10:23	Alam ɩ́lɛ́ ɩ́ piya ntɛ, Usi, na Huuli, na Ketɛɛ, na Macɩ.
298	GEN 11:31	Ḿpʋ́ɣʋ́ Tela kpaɣa ɩ pǝyalʋ Apǝlam na ɩ saalɩ Lɔɔtɩ na ɩ poolu Salaɩ na pá lɩɩ Uu kɛ Papiloni sɩ pa puki Kanaaŋ tɛtʋ taa. Pa tala Halaŋ ɩcatɛ taa ɩlɛna pá caɣa tǝna.
303	GEN 12:4	Mpʋɣʋlɛ Apǝlam kpaɣa ɩ alʋ Salaɩ na ɩ taalʋ pǝyaɣa Lɔɔtɩ na ɩ wɛnaʋ tǝna na ɩ tǝmlɛ nyǝ́ma mpa ɩ hika Halaŋ tɔ na ɩ́ lɩɩ tǝna ɩsɩɩ Tacaa ka heeluɣu-ɩ tɔ na ɩ́ tɛɛ Kanaaŋ tɛtʋ taa. Waatʋ ɩnɩ ɩ pɩɩsɩ ka wɛ nɩɩtoso na naanʋwa na kakpasɩ. Ɩ tapa tɛtʋ ntɩ ɩlɛna
305	GEN 12:6	ɩ́ faɣa tǝ taa na ɩ́ polo Molee tɩɩŋ sɔsɔɔŋ tɛɛ kɛ́ timpi pa yaa sɩ Sikɛm tɔ. Waatʋ ɩnɩ Kanaaŋ nyǝ́ma ká wɛnna hɔɣɔlʋɣʋ ŋkʋ kʋ taa.
1537	EXO 1:4	na Taŋ, na Nɛfǝtali, na Katɩ, na Asɛɛ.
1557	EXO 2:2	Ɩlɛna alʋ ɩnɩ ɩ́ lá teu na ɩ́ lʋlɩ apalʋpǝyaɣa. Ka lapa-ɩ teu kɛ sɔsɔm. Ɩlɛna ɩ́ maɣasɩ-kɛɣɛ ŋmɛsʋɣʋ kɛ ɩsɔtʋnaa tooso.
1561	EXO 2:6	Ɩ kulaa ɩlɛ ɩ maɣana apalʋpǝyaɣa ntɛ́ na ká wiiki. Ka tɔm lapa-ɩ pǝtɔɔtǝlɛ ɩlɛna ɩ́ pǝsǝna sɩ: Cǝnɛ ɩnɩ, Hepǝla nyǝ́ma pǝyaɣa kɛ́.
1562	EXO 2:7	Ka kɔɣɔ ka sǝŋa tǝna, tǝnaɣa ɩ nɔɣɔ tǝkpaʋ sɩ: N caa sɩ má polo má pɛɛkɩ-ŋ Hepǝla alʋ wei ɩ ká mʋsǝsɩ-kɛ́ tɔ?
1563	EXO 2:8	Ntɛna pɛɛlɔ ɩnɩ ɩ́ cɔ sɩ: Polo. Kɔɣɔ tɛɛwa ɩlɛna ɩ́ kɔna ahʋlʋm ɩnɩ ɩ too kʋlʋlʋ.
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1571	EXO 2:16	Kɔtʋlʋ nɔɣɔlʋ ɩ ka wɛ tǝna na pá yaakɩ-ɩ sɩ, Yetulo. Ɩ wɛna pɛɛlaa naatosompɔɣɔlaɣa. Ḿpʋ́ɣʋ́ pɛɛlaa mpɛ pa pola lʋm luɣu sɩ pa suuliɣi pǝlona na pa caa tɔla nyɔɔ.
1575	EXO 2:20	Kɛlɛna pa caa nɔɣɔ tǝkpaʋ sɩ: Na apalʋ ɩnɩ ɩ wɛ le? Ɩ́ tá sʋʋna-ɩ tǝyaɣa suwe? Tɔʋ, ɩ́ polo na ɩ́ yaa-ɩ na ɩ́ kɔɔ na tá na-ɩ tǝ tɔɣɔ.
1577	EXO 2:22	Alʋ ɩnɩ ɩ lapa teu, ɩlɛna ɩ́ lʋlɩ apalʋpǝyaɣa na ka caa ha-kɛɣɛ hǝtɛ sɩ Kɛɛsɔm. Macɔɔsaa kɛ́ pɛlɛ pa yaa mpʋ na pa tɛ́ taa.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1592	EXO 3:12	Kɛlɛna Ɩsɔ sɩ: Maa wɛɛ nyá waalɩ. Na mpi n ká nyǝna sɩ má tiliɣina-ŋ tɔɣɔlɛ sɩ, n ká lǝsɩ Ɩsɛɣɛlɩ nyǝ́ma kɛ Icipiti na nyana-wɛ ɩ́ kɔɔ na ɩ́ sɛɛ-m pʋɣʋ kʋnɛ kʋ tɔɔ cǝnɛ.
1597	EXO 3:17	Na ɩ tʋ́ ɩ taa sɩ ɩ lǝsǝɣɩ-mɛɣɛ wahala tɛtʋ taa cǝnɛ na ɩ́ pona-mɛɣɛ Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma pa tɛtʋ taa, timpi tɔɣɔnaɣa na kʋpantʋ tǝna tɔla yem tǝhɔ tɔ.
1604	EXO 4:2	Ntɛna Tacaa tɔmɩ-ɩ sɩ: Pepeɣe n tɔka nyá niŋ taa? Mpʋɣʋlɛ sɩ: Kpátʋ́ɣʋ́.
1605	EXO 4:3	Kɛlɛna Ɩsɔ sɩ: Pɛtɩ-kʋɣʋ atɛ. Moisi pɛta-kʋ, ɩlɛna kʋ́ pǝsɩ tʋm. Tǝnaɣa ɩ ŋmaawa tǝyaɣaʋ.
1609	EXO 4:7	Kɛlɛna Ɩsɔ sɩ: Mǝlǝna nyá niŋ kɛ nyá laŋlɛ taa. Moisi kɔma na ɩ́ kʋsɩ ɩ niŋ ɩlɛ ɩ mǝlaa kɛlɛ tǝmammam ɩsɩɩ ɩ ka wɛʋ tɔ.
1613	EXO 4:11	Kɛlɛna Ɩsɔ nɔɣɔ tǝkpaʋ sɩ: Pǝ taɣa ma tʋna yʋlʋ kɛ nɔɣɔ taa? Na ye ma nɔkaa ma lapɩ-ɩ kamumuka yaa ntam. Pǝyele má nɔkaa ma yele na ɩ́ naakɩ yaa ɩ́ yʋlʋmɩ.
1639	EXO 5:6	Kʋyakʋ ŋkʋɣʋ Icipiti wulaʋ heela Icipiti nyǝ́ma mpa pa kɛ́ wahala tǝma feŋlaa sɔsaa tɔ, na mpa pa kɛ́ feŋlaa sǝkpema kɛ Ɩsɛɣɛlɩ nyǝ́ma taa tɔ
1660	EXO 6:4	Ma na-wɛ tǝ pɛɛla nɔɣɔ na má sɩɩ-wɛ sɩ maa ha-wɛɣɛ Kanaaŋ tɛtʋ nti tǝ taa pa caɣa caɣalʋtʋ kɛ ɩsǝntɔ tɔ.
1669	EXO 6:13	Kɛlɛna Tacaa tʋ Moisi na Alɔŋ sɩ: Ɩ́ polo mǝ naalɛ na ɩ́ maɣana Ɩsɛɣɛlɩ nyǝ́ma na Icipiti wulaʋ na ɩ́ heeli-wɛ sɩ, pǝ wɛɛ sɩ Ɩsɛɣɛlɩ nyǝ́ma ɩ́ lɩɩ Icipiti taa.
1670	EXO 6:14	Ɩsɛɣɛlɩ nyǝ́ma lʋlʋŋ loosi nyǝ́ma cɔsɔnaa hǝla ntɔ. Yakɔpʋ pǝyalʋ kancaalaɣa nyǝŋ Lupɛŋ pǝyalaa ntɛ́ Hanɔkɩ na Palu na Hɛsǝlɔŋ na Kaami, pɛlɛɣɛlɛ Lupɛŋ lʋlʋɣʋ loosi nyǝ́ma cɔsɔnaa.
1671	EXO 6:15	Simiyɔŋ ɩ́lɛ́ ɩ pǝyalaa ntɛ́, Yemuwɛlɩ, na Yamɛŋ, na Ohatɩ, na Yakɛŋ, na Sohaa, na Sawuli. Ɩ alʋ Kanaaŋ nyǝŋ lʋlǝna-ɩ ɩ pǝyalʋ kantǝkaɣa nyǝŋ ɩnɛ. Simiyɔŋ lʋlʋɣʋ loosi nyǝ́ma cɔsɔnaa ntɛ́.
1672	EXO 6:16	Lefii pǝyalaa mpa pa kɛ́ ɩ lʋlʋɣʋ loosi nyǝ́ma cɔsɔnaa tɔ pa wɛ yǝlaa tooso kɛ́. Pa hǝla ntɛ́ Kɛɛsɔŋ, na Kehatɩ, na Melali. Lefii ɩnɩ ɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na naatosompɔɣɔlaɣa (137).
1673	EXO 6:17	Kɛɛsɔŋ pǝyalaa ntɛ́ Lipini na Simeyi, pɛlɛɣɛlɛ Kɛɛsɔŋ lʋlʋɣʋ loosi nyǝ́ma cɔsɔnaa.
1674	EXO 6:18	Kehatɩ ɩ́lɛ́ ɩ pǝyalaa ntɛ́, Amǝlam, na Ɩsaa, na Hepǝlɔŋ, na Usiyɛlɩ. Kehatɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na tooso (133).
1677	EXO 6:21	Ɩsakaa ɩ́lɛ́ ɩ pǝyalaa ntɛ́ Kolee, na Nekɛfɩ, na Sikǝli.
1680	EXO 6:24	Kolee ɩ́lɛ́ ɩ pǝyalaa ntɛ́ Asii, na Ɩlikana, na Apiyasafɩ. Pɛlɛɣɛlɛ Kolee lʋlʋɣʋ loosi nyǝ́ma cɔsɔnaa.
1703	EXO 7:17	Pǝ tɔɔ kɛ́ Tacaa sɩ má tɛlǝsɩ-ŋ sɩ n tɔma sɩ n ta nyǝmɩ-ɩ tɔ pǝnɛntaa kɛ́ n ká nyǝmɩ-ɩ. Kpátʋ́ɣʋ́ kʋnɛɣɛ maa ma Nili pɔɣɔ lʋm tɔɔ, ɩlɛna Ɩsɔ yele na pǝ tǝna pǝ́ pǝsɩ calǝm,
1711	EXO 7:25	Kʋyɛɛŋ naatosompɔɣɔlaɣa tǝcu kɛ́ lʋm pǝsa calǝm.
1721	EXO 8:6	Kɛlɛna wulaʋ sɩ: Cele kɛ ma caakɩ sɩ ń sǝlǝmɩ Ɩsɔ. Ntɛna Moisi sɩ: Tɔʋ, pǝ wɛ teu. Maa la mpʋ, ɩlɛna pǝ́cɔ́ ń cɛkǝna sɩ tá Ɩsɔ Tacaa fɛɩna saala.
1733	EXO 8:18	Ama kacɔsɩ nsɩ sɩ kaa wiili Kosɛŋ tɛtʋ taa timpi ma yǝlaa wɛɛ tɔ. Tǝnaɣa Icipiti wulaʋ ka nyǝna sɩ Tacaa má, ma wɛ Icipiti taa cǝnɛ.
1737	EXO 8:22	Kɛlɛna Moisi na Alɔŋ pa cɔ sɩ: Tǝ kaa la-sǝɣɩ cǝnɛ. Mpi tɔ, Icipiti nyǝ́ma ká nyǝnɩ-sǝɣɩ acaalǝtʋ na pá yaɣa-tʋɣʋ pɛɛ.