65	GEN 3:9	Ama Ɩsɔ Tacaa yáá yʋlʋ sɩ: Leɣe n wɛna ye?
98	GEN 4:18	Ḿpʋ́ɣʋ́ Henɔkɩ lʋla Ɩlaatɩ na Ɩlaatɩ lʋlɩ Mehuyayɛɛlɩ na Mehuyayɛɛlɩ lʋlɩ Metusayɛɛlɩ, ɩlɛna Metusayɛɛlɩ lʋlɩ Lemɛkɩ.
99	GEN 4:19	Alaa naalɛ kɛ Lemɛkɩ kpaɣaa, kancaalaɣa nyǝŋ hǝtɛ ntɛ́ Ata, naalɛ nyǝŋ sɩ Sila.
103	GEN 4:23	Ḿpʋ́ɣʋ́ Lemɛkɩ tɔma ɩ alaa Ata na Sila sɩ: Ma alaa mɛ, ɩ́ nɩɩ ma tɔm yoo. Mǝ taa lɛlʋ paalʋ cǝtǝla-m kɛ́ na má kʋ-ɩ.
131	GEN 5:25	Metusalɛm pɩɩsɩ lapa nɩɩnʋwa na nɩɩnaasa na naatosompɔɣɔlaɣa (187) ɩlɛna ɩ́ lʋlɩ Lemɛkɩ.
132	GEN 5:26	Lemɛkɩ lʋlʋɣʋ waalɩ ɩ tɔɣɔ pɩɩsɩ nasǝtoso na nɩɩnʋwa na nɩɩnaasa na naalɛ (782), na sɩ taa kɛ́ ɩ lʋla apalʋpiya na alʋpiya.
134	GEN 5:28	Lemɛkɩ pɩɩsɩ lapa nɩɩnʋwa na nɩɩnaasa na naalɛ (182) ɩlɛna ɩ́ lʋlɩ apalʋpǝyaɣa
137	GEN 5:31	Lemɛkɩ pɩɩsɩ tǝna yoosa nasǝtoso na nɩɩnʋwa na nɩɩtoso na naanʋwa na naatosompɔɣɔlaɣa (777) ɩlɛna ɩ́ sɩ́.
162	GEN 7:2	Lǝsɩ wontu nti pa pǝsǝɣɩ pá lá kɔtaɣa tɔɣɔ apalʋ na alʋ kɛ́ tɔm naatosompɔɣɔlaɣa. Ɩlɛna ń lǝsɩ nti tǝ fɛɩ kɔtaɣa lapǝnaʋ tɔɣɔ apalʋ na alʋ tike.
178	GEN 7:18	Lʋm tɔɔwa sɔsɔm na pǝ́ sú tɛtʋ tɔɔ na atakaa pɔɣɔlʋɣʋ náá wɛ pǝ tɔɔ tǝhʋŋlɛɛ.
180	GEN 7:20	Lʋm kpawa na pǝ́ tɛɛ pɔɔŋ kɛ kʋŋkʋlʋmǝŋ kɛ mɛɛtǝlǝnaa kakpasɩ.
238	GEN 10:3	Komɛɛ ɩ́lɛ́ ɩ́ piya ntɛ́ Asǝkǝnaasɩ, na Lifa, na Tokaama.
239	GEN 10:4	Yafaŋ piya ntɛ́, Ɩlisa, na Taasɩ, na Kitim, na Lutanim.
242	GEN 10:7	Kusi piya ntɛ́ Sepa, na Hafila, na Sapǝta, na Lakǝma, na Sapǝteka. Lakǝma piya ntɛ́, Sapaa, na Tetaŋ.
246	GEN 10:11	Tɛtʋ ntɩ tǝ taa kɛ́ ɩ lɩɩwa na ɩ́ polo Asilii na ɩ́ ŋmá Ninifi, na Lehopoti-Hiili, na Kela,
247	GEN 10:12	na Lɛsaŋ kɛ Ninifi na Kela ɩcatɛ sɔsɔɔlɛ pa hɛkʋ.
248	GEN 10:13	Misilayim ná lʋlǝna ntɛɣɛ Lutɩ nyǝ́ma, na Anem nyǝ́ma, na Lehapɩ nyǝ́ma, na Nafutu nyǝ́ma,
254	GEN 10:19	Na pa tɛtʋ toosi ntɛ́ pǝ kpaɣaʋ Sitɔŋ kɛ Keelaa kɔŋkɔŋ taa na pǝ́ polo Sɔtɔm na Kɔmɔɔ na Atǝma na Sepoyim halǝna Lesa.
257	GEN 10:22	Ɩ piya mpɛɣɛlɛ Ɩlam, na Asuu, na Alǝpasatɩ, na Lutɩ, na Alam.
285	GEN 11:18	Pelɛkɩ pɩɩsɩ lapa hiu na naanʋwa kɛ́ ɩlɛna ɩ́ lʋlɩ Leu.
286	GEN 11:19	Leu lʋlʋɣʋ waalɩ ɩ tɔɣɔ pɩɩsɩ pɔɣɔlaɣafɛɩ ŋmʋnʋɣʋ na naanʋwa (209) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
287	GEN 11:20	Leu pɩɩsɩ lapa hiu na naanʋwa na naalɛ kɛ́ ɩlɛna ɩ́ lʋlɩ Selu.
288	GEN 11:21	Selu lʋlʋɣʋ waalɩ Leu tɔɣɔ pɩɩsɩ ŋmʋnʋɣʋ na naatosompɔɣɔlaɣa (207) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
294	GEN 11:27	Tela lʋlʋɣʋ nyǝ́ma hǝla ntɔ cǝnɛ. Ɩ lʋla Apǝlam, na Nahoo, na Halaŋ. Ɩlɛna Halaŋ náá lʋlɩ Lɔɔtɩ.
298	GEN 11:31	Ḿpʋ́ɣʋ́ Tela kpaɣa ɩ pǝyalʋ Apǝlam na ɩ saalɩ Lɔɔtɩ na ɩ poolu Salaɩ na pá lɩɩ Uu kɛ Papiloni sɩ pa puki Kanaaŋ tɛtʋ taa. Pa tala Halaŋ ɩcatɛ taa ɩlɛna pá caɣa tǝna.
300	GEN 12:1	Ḿpʋ́ɣʋ́ kʋyakʋ nakʋlɩ Tacaa heela Apǝlam sɩ: Lɩɩ nyá tɛtʋ taa kɛ́ nyá nyǝ́ma hɛkʋ kɛ nyá caa tǝyaɣa taa, na ń polo tɛtʋ nti maa hʋlɩ-ŋ tɔ tǝ taa.
303	GEN 12:4	Mpʋɣʋlɛ Apǝlam kpaɣa ɩ alʋ Salaɩ na ɩ taalʋ pǝyaɣa Lɔɔtɩ na ɩ wɛnaʋ tǝna na ɩ tǝmlɛ nyǝ́ma mpa ɩ hika Halaŋ tɔ na ɩ́ lɩɩ tǝna ɩsɩɩ Tacaa ka heeluɣu-ɩ tɔ na ɩ́ tɛɛ Kanaaŋ tɛtʋ taa. Waatʋ ɩnɩ ɩ pɩɩsɩ ka wɛ nɩɩtoso na naanʋwa na kakpasɩ. Ɩ tapa tɛtʋ ntɩ ɩlɛna
1535	EXO 1:2	Lupɛŋ, na Simiyɔŋ, na Lefii, na Yuta, na
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1550	EXO 1:17	Lʋlǝsǝlaa mpɛ pɛlɛ pa nyaŋaɣana Ɩsɔ. Ɩlɛna pá kisi wulaʋ tɔm ntɩ. Ɩlɛ pa ta kʋ apalʋpiya.
1556	EXO 2:1	Ḿpʋ́ɣʋ́ Lefii tʋ nɔɣɔlʋ ɩ kpaɣa Lefii alʋ nɔɣɔlʋ.
1565	EXO 2:10	Pǝyaɣa kɔma na ká cɛ́ hǝtɛ ɩlɛna ka too pona-kɛ na ɩ́ cɛlɛ-kɛɣɛ Icipiti wulaʋ pɛɛlɔ na ká caɣa ɩ kiŋ ɩsɩɩ ka too kʋlʋlʋ. Ntɛna ɩ́lɛ́ ɩ́ ha-kɛɣɛ hǝtɛ sɩ, Moisi. Lʋm apalʋ kɛ pa yaa mpʋ na pa tɛ́ taa. Mpi tɔ, lʋm taa kɛ́ ɩ lǝsa-ɩ.
1616	EXO 4:14	Tǝnaɣalɛ Moisi tɔm lapa Tacaa kɛ pááná na ɩ́ tɔmɩ-ɩ sɩ: Nyá taalʋ Lefii tʋ Alɔŋ wɛɛ. Halɩ ɩ́lɛ́ ɩ tɩɩ lɩɩna ntɛɣɛ nyá sǝŋʋɣʋ, na ɩ́ loosa-ŋ ɩ laŋhʋlʋmlɛ ká wɛɛ sɔɣɔntʋ.
1670	EXO 6:14	Ɩsɛɣɛlɩ nyǝ́ma lʋlʋŋ loosi nyǝ́ma cɔsɔnaa hǝla ntɔ. Yakɔpʋ pǝyalʋ kancaalaɣa nyǝŋ Lupɛŋ pǝyalaa ntɛ́ Hanɔkɩ na Palu na Hɛsǝlɔŋ na Kaami, pɛlɛɣɛlɛ Lupɛŋ lʋlʋɣʋ loosi nyǝ́ma cɔsɔnaa.
1672	EXO 6:16	Lefii pǝyalaa mpa pa kɛ́ ɩ lʋlʋɣʋ loosi nyǝ́ma cɔsɔnaa tɔ pa wɛ yǝlaa tooso kɛ́. Pa hǝla ntɛ́ Kɛɛsɔŋ, na Kehatɩ, na Melali. Lefii ɩnɩ ɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na naatosompɔɣɔlaɣa (137).
1673	EXO 6:17	Kɛɛsɔŋ pǝyalaa ntɛ́ Lipini na Simeyi, pɛlɛɣɛlɛ Kɛɛsɔŋ lʋlʋɣʋ loosi nyǝ́ma cɔsɔnaa.
1675	EXO 6:19	Melali ɩ́lɛ́ ɩ pǝyalaa ntɛ́ Malii na Musi. Pɛlɛɣɛlɛ Lefii nyǝ́ma lʋlʋŋ loosi nyǝ́ma cɔsɔnaa.
1681	EXO 6:25	Putiyɛlɩ pɛɛlɔ nɔɣɔlʋ kɛ Alɔŋ pǝyalʋ Ɩlasaa ná kpaɣaa na ɩ́lɛ́ ɩ́ lʋlɩ Pɛŋhasɩ. Lefii lʋlʋɣʋ nyǝ́ma loosi nyǝ́ma cɔsɔnaa hǝla ntɛ́.
1806	EXO 10:28	Halǝna ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Na ɩ́ tɔmɩ-ɩ sɩ: La laakalɩ, ye pǝ cǝpa-ŋ na ń tasa cǝnɛɣɛ mǝlʋɣʋ maa kʋ-ŋ.
1854	EXO 12:37	Ɩsɛɣɛlɩ nyǝ́ma kʋla Lamsɛsɩ, ɩlɛna pá tɛɛ Sukɔtɩ, na pa taa apalaa ka wɛ ɩsɩɩ yǝlaa iyisi nasǝtoso (600000) kɛ mpʋ. Alaa na kʋkpatǝlaa na piya paasi.
2806	LEV 4:10	Lona kʋlʋmɛɛ anǝɣɩ pa sɛtǝɣɩ nɔɣɔ kʋlʋmaɣa kpɛntʋɣʋ kɔtaɣa kpǝntɛ tɔɔ. Ɩlɛna kɔtʋlʋ sɔsɔ nyaɣasɩ nantʋ ntǝɣɩ kɔtaɣa tǝlatɛ tɔɔ.
2833	LEV 5:2	Lɛntɩ ɩlɛ, ye ɩsɩɩ pǝ yʋkǝna yʋlʋ, na ɩ́ tokina asilima pʋlʋpʋ. Paa kpǝntɛ kʋsǝpǝlɛ. Tǝyaɣa nyǝntɛ, yaa taalɛ nyǝntɛ, yaa nyamanyama nɔɣɔlʋ, ɩ tɔm sǝpaɣa, na ɩ́ pǝsɩ asilima tʋ.
2861	LEV 6:4	Ɩlɛna ɩ́ laɣasɩ wontu na ɩ́ lɩɩna tɔlʋma anǝɣɩ tǝsikile waalɩ. Lonte ntɛɣɛ pa lǝsǝna tǝ mpaa na pá lɔɔkɩ tɔlʋma nim nyǝna.
2875	LEV 6:18	Tɛlǝsɩ Alɔŋ na ɩ pǝyalaa kɛ ɩsaɣatʋ hɩɩsʋɣʋ kɔtasɩ kʋsǝsɩɩtʋ. Lonte nte tǝ taa pa lɛntǝɣɩ kɔtasɩ nsi kɔkɔ lusaa tɔ, sɩ tɔla tɔɣɔ paa lɛntɩ ɩsaɣatʋ hɩɩsʋɣʋ nyǝntɛ tɔtɔ. Pǝ nantʋ kɛ katɛ taa katɛ pʋlʋpʋɣʋ.
2882	LEV 7:2	Lonte nte tǝ taa pa lɛntǝɣɩ kɔtasɩ nsi kɔkɔ lusaa tɔ, sɩ tɔla tɔɣɔ paa lɛntɩ ɩsaɣatʋ hɩɩsʋɣʋ sɔɔsɩ nyǝntɛ tɔtɔ. Ɩlɛna kɔtʋlʋ ŋmɩɩsɩ tǝ calǝm kɛ́ kɔtaɣa tǝlatɛ kɔŋkɔmǝŋ tɔɔ.
2929	LEV 8:11	Ɩlɛna ɩ́ ŋmɩɩsɩ kɔtaɣa nim kɛ tɔm naatosompɔɣɔlaɣa kɛ kɔtaɣa tǝlatɛ na tǝ wontunaa tɔɔ. Lʋm kʋsaŋǝm cɛmsɛ sɔsɔ na pǝ kpete tɔɔ kɛ́ ɩ ŋmɩɩsa nim mpɩ sɩ wontu ntɩ tǝ́ pǝsɩ Ɩsɔ nyǝm.
3210	LEV 16:8	Ɩlɛna Alɔŋ tɔ tɛtɛ kɛ́ pǝŋtʋlʋŋ ɩnɩ ɩ naalɛ ɩ tɔɔ na pǝ́ hʋlɩ-ɩ Tacaa nyǝŋkʋ na ɩlɔɣɔʋ Asasɛɛlɩ nyǝŋkʋ. lɛlaa sɩ lonte wʋlaɣa nyǝntɛ tǝlǝɣɩ pa yaa mpʋ. Lɛlaa sɩ ɩlɔɣɔʋ ɩsaɣaʋ nɔɣɔlʋ wei ɩ cakɩ timpi pǝ wɛ sɔɣɔntʋ tɔɣɔ.
3610	NUM 1:5	Mpɛ ɩnɩ pa hǝla ntɔ: Lupɛŋ kpekǝle taa nyǝŋ ntɛ́ Setewu pǝyalʋ Ilisuu.
3625	NUM 1:20	Ḿpʋ́ɣʋ́ pa kala paa Ɩsɛɣɛlɩ kpekǝle nte tǝ lʋlʋɣʋ, na tǝ tɛɛsɩ nyǝ́ma. Na pá tʋ́ apalaa mpa pa tala pɩɩsɩ hiu na waalɩ, na pá mʋna yoou pote tɔ pa hǝla kɛ takǝlaɣa taa. Yakɔpʋ pǝyalʋ sɔsɔ Lupɛŋ kpekǝle kɛ pa caalǝnaa. Pa nyʋɣʋ ntɔ: Lupɛŋ kpekǝle nyǝ́ma wɛ iyisi nɩɩlɛ na naatoso na nasǝlɛ na nɩɩnʋwa (46500). Simiyɔŋ nyǝ́ma nyǝntɛ kɛ iyisi pɔɣɔlaɣafɛɩ nɩɩtoso na ŋmʋnʋɣʋ na nɩɩnʋwa (59300). Katɩ nyǝ́ma nyǝntɛ kɛ iyisi nɩɩlɛ na kakpasɩ na nasǝtoso na nɩɩlɛ na naanʋwa (45650). Yuta nyǝ́ma nyǝntɛ kɛ iyisi nɩɩtoso na naanʋwa na liɣiti na nasǝtoso (74600). Ɩsakaa nyǝ́ma nyǝntɛ kɛ iyisi nɩɩlɛ na naanʋwa na liɣiti na nasǝlɛ (54400). Sapulɔŋ nyǝ́ma nyǝntɛ kɛ iyisi nɩɩlɛ na naanʋwa na naatosompɔɣɔlaɣa na nasǝlɛ (57400). Yosɛɛfʋ pǝyalʋ Ɩfǝlayim nyǝ́ma nyǝntɛ kɛ iyisi nɩɩlɛ na nasǝlɛ na nɩɩnʋwa (40500). Yosɛɛfʋ pǝyalʋ lɛlʋ Manasee nyǝ́ma nyǝntɛ kɛ iyisi hiu na naanʋwa na naalɛ na ŋmʋnʋɣʋ (32200). Pɛncamɛɛ nyǝ́ma nyǝntɛ kɛ iyisi hiu na naanʋwa na kakpasɩ na nasǝlɛ (35400). Taŋ nyǝ́ma nyǝntɛ kɛ iyisi nɩɩtoso na naalɛ na nasǝtoso na nɩɩnʋwa (62700). Asɛɛ nyǝ́ma nyǝntɛ kɛ iyisi nɩɩlɛ na kʋlʋm na nasǝlɛ na nɩɩnʋwa (41500). Nɛfǝtali nyǝ́ma nyǝntɛ kɛ iyisi nɩɩlɛ na naanʋwa na tooso na nasǝlɛ (53400).
3652	NUM 1:47	Pa taa kpɛnna Lefii kpekǝle nyǝ́ma na pá kala.
3656	NUM 1:51	Ye Ɩsɛɣɛlɩ nyǝ́ma laɣasǝɣɩ lonte, Lefii nyǝ́ma mpɛ paa hɛtǝna-tɛ, na pá pona timpi paa siki tɔ. Kpaɩ tʋ ɩ́ kpǝtǝnaa ɩsɩɩ pa kʋ-ɩ.
3658	NUM 1:53	Ama Lefii nyǝ́ma tike ká sikina na pá cɔɔ cokǝle. Na pá feŋiɣi tǝ tɔɔ, Ɩsɛɣɛlɩ nyǝ́ma ɩ́ taa kpǝtǝna-tɛɣɛ sɔsɔm, na má mʋna-wɛ na pááná.
3669	NUM 2:10	Lupɛŋ nyǝ́ma yoolaa tintiɣile ká wɛɛna ilim mpǝtǝŋ tɔɔ kɛ́ pa tuuta kite. Mpa pa mʋna yoou pote tɔ, pa sɔsɔ ntɛ́ pa kpekǝle nyʋɣʋ tʋ Setewu pǝyalʋ Ɩlisuu. Ɩ yoolaa wɛ iyisi nɩɩlɛ na naatoso na nasǝlɛ na nɩɩnʋwa (46500). Simiyɔŋ nyǝ́ma yoolaa tintiɣile nyʋɣʋ tʋ ntɛ́ Sulisataɩ pǝyalʋ Selumǝyɛlɩ. Ɩ yoolaa wɛ iyisi pɔɣɔlaɣafɛɩ nɩɩtoso na ŋmʋnʋɣʋ na nɩɩnʋwa (59300). Katɩ nyǝ́ma yoolaa tintiɣile nyʋɣʋ tʋ ntɛ́ Teuwɛlɩ pǝyalʋ Ɩliyasafɩ. Ɩ yoolaa wɛ iyisi nɩɩlɛ na kakpasɩ na nasǝtoso na nɩɩlɛ na naanʋwa (45650).
3675	NUM 2:16	Lupɛŋ nyǝ́ma yoolaa tintiɣile tǝna kpɛnta iyisi nɩɩnʋwa na nɩɩlɛ na naanʋwa na kʋlʋm na nasǝlɛ na nɩɩlɛ na naanʋwa (151450). Ɩsɛɣɛlɩ yoolaa looŋa naalɛ nyǝŋka ntɛ́.
3676	NUM 2:17	Pǝlɛ pǝ waalɩ kɛ́ Lefii nyǝ́ma ná tǝŋǝɣǝna Ɩsɔ cokǝle kɛ lɔlɔ loosi naalɛ, na waalɩ nyǝnsɩ naalɛ hɛkʋ taa. Mpɛ pa maɣamaɣa paa tɔ nɔɣɔ kʋlʋmaɣa kɛ́. Paa wei kɛ́ ɩ lonte taa. Na ɩ́ tǝŋǝɣɩ ɩ lʋlʋɣʋ nyǝ́ma tuuta.
3683	NUM 2:24	Ɩfǝlayim nyǝ́ma yoolaa tintiɣile tǝna kpɛnta iyisi pǝlefɛɩ nɩɩnʋwa na naanʋwa na yʋlʋpee nɩɩnʋwa (108100). Looŋa tooso nyǝŋka kanɛ kaa tǝŋna ntɛɣɛ Lefii kpekǝle.
3692	NUM 2:33	Pa ta kpɛŋna Lefii nyǝ́ma na pá kala. Teitei ɩsɩɩ Tacaa ka heeluɣu Moisi tɔ.
3699	NUM 3:6	Yaa Lefii nyǝ́ma na ń sɔɔsɩ-wɛɣɛ kɔtʋlʋ Alɔŋ tɔɔ, na pá sǝna-ɩ.
3702	NUM 3:9	N ká cɛla Lefii nyǝ́ma kɛ Alɔŋ na ɩ pǝyalaa kɛ́. Na pá pǝsɩ ɩsɩɩ Ɩsɛɣɛlɩ nyǝ́ma tillaa.
3705	NUM 3:12	Ma maɣamaɣa ma lǝsǝna Lefii nyǝ́ma kɛ Ɩsɛɣɛlɩ yǝlaa lɛlaa tǝna taa sɩ, pá pǝsɩ ma tǝmlɛ nyǝ́ma. Na pá lɛɛtɩ Ɩsɛɣɛlɩ kancaalaɣa apalʋpiya lonte.
3708	NUM 3:15	Kala Lefii nyǝ́ma na ń kɛɛsǝna pa lʋlʋŋ na pa tɛɛsɩ. Pǝ kpaɣaʋ apalʋpiya nsi sɩ wɛna ɩsɔtʋ kʋlʋm na waalɩ tɔ.
3710	NUM 3:17	Lefii pǝyalaa hǝla ntɛ́ Kɛɛsɔŋ, na Kehatɩ, na Melali.
3711	NUM 3:18	Kɛɛsɔŋ nyǝ́ma ntɛ́ Lipini na Simeyi. Mpɛ ɩnɩ pa pǝsǝna pa lʋlʋŋ nyɔɔŋ nyǝ́ma na pá yaakɩ-wɛɣɛ pa hǝla.
3713	NUM 3:20	Melali nyǝ́ma ntɛ́ Malii na Musi. Mpɛ ɩnǝɣǝlɛ pa lʋlʋŋ nyɔɔŋ nyǝ́ma. Mpɛ pa kɛna Lefii kpeka nyǝ́ma na pǝ́ kɛɛsǝna pa lʋlʋŋ.
3714	NUM 3:21	Kɛɛsɔŋ lʋlʋŋ nyǝ́ma faɣa tɔm naalɛɣɛ. Lipini nyǝŋkʋ na Simeyi nyǝŋkʋ.
3717	NUM 3:24	Layɛlɩ pǝyalʋ Ɩliyasafɩ kɛlɛ pa nyʋɣʋ tʋ.
3725	NUM 3:32	Lefii nyʋɣʋ nyǝ́ma taa sɔsɔ ntɛ́ kɔtʋlʋ Alɔŋ pǝyalʋ Ɩlasaa. Ɩnɩ ɩ feŋiɣina cokǝle paasǝnlaa tɔɔ.
3732	NUM 3:39	Lefii nyǝ́ma tǝna, pǝ kpaɣaʋ apalaa na apalʋpiya mpa pa wɛna ɩsɔtʋ kʋlʋm na waalɩ tɔ. Pa kpɛnta ɩsɩɩ iyisi hiu na naalɛ (22000). Ɩsɩɩ Tacaa ka kɛɛsʋɣʋ Moisi na Alɔŋ tɔ. Ḿpʋ́ɣʋ́ pa kala-wɛ na pǝ́ kɛɛsǝna pa lʋlʋŋ.
3734	NUM 3:41	Sɩɩ Lefii nyǝ́ma na pa mpaa kɛ Ɩsɛɣɛlɩ apalʋpiya kancaalaɣa nyǝnsɩ lonte taa. Na ń sɩɩ Lefii nyǝ́ma tɔla na a mpaa kɛ Ɩsɛɣɛlɩ nyǝ́ma tɔla kancaalaɣa apalʋ nyǝna lona taa. Tacaa má ma nyǝm ntɛ́.
3738	NUM 3:45	Sɩɩ Lefii nyǝ́ma na pa mpaa, na pá pǝsɩ ma nyǝ́ma kɛ Ɩsɛɣɛlɩ kancaalaɣa apalʋpiya lonte taa. Na ń la mpʋ tɔtɔɣɔ Lefii nyǝ́ma tɔla, kɛ Ɩsɛɣɛlɩ nyǝ́ma tɔla kancaalaɣa apalʋpiya lonte taa. Maɣalɛ Tacaa.
3739	NUM 3:46	Ɩsɛɣɛlɩ apalʋpiya ŋmʋnʋɣʋ na nɩɩtoso na naanʋwa na tooso (273) paɣatǝna ntɛɣɛ Lefii nyǝ́ma. Na mpɛ ɩnǝɣɩ pǝ wɛɛ sɩ pá ya pa nyɔɔŋ.
3746	NUM 4:2	Ɩ́ ŋmaa Lefii kpekǝle tʋ Kehatɩ lʋlʋɣʋ nyǝ́ma mpa pa pɩɩsɩ tala hiu na naanʋwa, na pǝ́ polo nɩɩlɛ na naanʋwa tɔ pa hǝla. Pá kpa mpa pa pǝsǝɣɩ na pá la tǝmlɛ kɛ Ɩsɔ cokǝle taa tɔ.
3762	NUM 4:18	Ɩ́ feŋ Kehatɩ nyǝ́ma kɛ teu, kɛ waatʋ wei pa paasǝɣǝna Ɩsɔ wontu tɔ. Pǝ taa kɔɔ na pǝ́ kpiisi-wɛɣɛ Lefii nyǝ́ma hɛkʋ. Mpi tɔ, pǝ wɛɛ sɩ Alɔŋ na ɩ pǝyalaa pá sʋʋna-wɛɣɛ cokǝle taa, na pá hʋlǝɣɩ paa wei kɛ wontu nti ɩ ká kpaɣa tɔ.
3778	NUM 4:34	Ḿpʋ́ɣʋ́ Moisi na Alɔŋ na Ɩsɛɣɛlɩ kpekǝle nyʋɣʋ nyǝ́ma kala Lefii kpekǝle nyǝ́ma Kehatɩ, na Kɛɛsɔŋ, na Melali, pa lʋlʋŋ, na pa tɛɛsɩ apalaa mpa pa tala pɩɩsɩ hiu na naanʋwa, na pǝ́ polo nɩɩlɛ na naanʋwa tɔ pa hǝla. Na pá tʋ paa wei kɛ tǝmlɛ kɛ Ɩsɔ cokǝle taa. Ḿpʋ́ɣʋ́ Moisi kala-wɛ ɩsɩɩ Tacaa tʋɣɩ-ɩ tɔ. Ɩlɛna Kehatɩ nyǝ́ma kpɛntɩ iyisi naalɛ na nasǝtoso na nɩɩnʋwa na nɩɩlɛ na naanʋwa (2750). Kɛɛsɔŋ nyǝ́ma kɛ iyisi naalɛ na nasǝtoso na hiu na naanʋwa (2630). Melali nyǝ́ma kɛ iyisi tooso na ŋmʋnʋɣʋ (3200). Ɩlɛna pa tǝna pa kpɛntɩ iyisi pǝlefɛɩ naanʋwa na nasǝlɛ na nɩɩnʋwa na nɩɩnaasa (8580). Ḿpʋ́ɣʋ́ pa hʋla paa Lefii tʋ wei kɛ́ ɩ tǝma kʋlapɛɛ, na ɩ kʋsǝɣǝlǝm kɛ teitei, ɩsɩɩ nti Tacaa ka tʋ Moisi tɔ.
3856	NUM 7:5	Mʋ pa kʋhaaŋ ɩnɩ, na ń cɛla Lefii nyǝ́ma, na pǝ́ kɛɛsǝna paa mpa pa tǝmlɛ, na pá kpakǝɣǝna cokǝle wontu.
3857	NUM 7:6	Ɩlɛna Moisi mʋ naaŋ na kɛɛkɛnaa mpɛ na ɩ́ cɛla Lefii kpekǝle nyǝ́ma
3863	NUM 7:12	Ɩsǝna pa tǝŋa tǝma na pá kɔɔ tɔɣɔlɔ: Yuta kpekǝle tʋ Aminatapɩ pǝyalʋ Nasɔŋ kɛlɛ kʋyakʋ kancaalaɣa nyǝŋkʋ. Ɩsakaa nyǝntɛ tʋ Suwaa pǝyalʋ Netaneyɛlɩ kɛ kʋyakʋ naalɛ nyǝŋkʋ. Sapulɔŋ nyǝntɛ tʋ Helɔŋ pǝyalʋ Ɩliyapɩ kɛ kʋyakʋ tooso nyǝŋkʋ. Lupɛŋ nyǝntɛ tʋ Setewu pǝyalʋ Ɩlisuu kɛ kʋyakʋ liɣiti nyǝŋkʋ. Simiyɔŋ nyǝntɛ tʋ Sulisataɩ pǝyalʋ Selumǝyɛlɩ kɛ kʋyakʋ kakpasɩ nyǝŋkʋ. Katɩ nyǝntɛ tʋ Teuwɛlɩ pǝyalʋ Ɩliyasafɩ kɛ kʋyakʋ naatoso nyǝŋkʋ. Ɩfǝlayim nyǝntɛ tʋ Amihuti pǝyalʋ Ɩlisama kɛ kʋyakʋ naatosomopɔɣɔlaɣa nyǝŋkʋ. Manasee nyǝntɛ tʋ Petasuu pǝyalʋ Kamliyɛlɩ kɛ kʋyakʋ pǝlefɛɩ naanʋwa nyǝŋkʋ. Pɛncamɛɛ nyǝntɛ tʋ Kitoni pǝyalʋ Apitaŋ kɛ pɔɣɔlaɣafɛɩ naanʋwa nyǝŋkʋ. Taŋ nyǝntɛ tʋ Amisataɩ pǝyalʋ Ahiyesɛɛ kɛ naanʋwa nyǝŋkʋ. Asɛɛ nyǝntɛ tʋ Okǝlaŋ pǝyalʋ Pakiyɛlɩ kɛ naanʋwa na kʋlʋmʋɣʋ nyǝŋkʋ. Nɛfǝtali nyǝntɛ tʋ Ɩnaŋ pǝyalʋ Ahila kɛ naanʋwa na naalɛ nyǝŋkʋ. Mpi mpi pa kɔnaa tɔɣɔlɔ: Liɣitee nyǝɣǝlʋɣʋ nyǝnaɣa ŋka ka yuŋ wɛ kiloo kʋlʋm na cacaasɩ ŋmʋnʋɣʋ na nɩɩnʋwa tɔ (1300). Na pǝ poosiya wei pa ŋmɩɩsǝɣǝna calǝm tɔ. Ɩ́lɛ́ ɩ cacaasɩ wɛ nasǝtoso na nɩɩnʋwa (700). Ɩsǝna pa maɣasaɣa Ɩsɔ cokǝle taa kɛ́ liɣitee tɔɣɔ pa kɛɛsǝnaa. Na pá suuli nyǝnasɩ nsɩ sɩ naalɛɣɛ tɔɣɔnaɣa kɔtaɣa mʋlʋm mpi pa nuɣutina nim tɔ. Wʋla kɔpʋ, kɛ cacaasɩ nɩɩnʋwa (100). Na tulaalʋ kʋwɔpʋ kɛ kɔpʋ ɩnɩ ɩ lǝpam. Na latǝcɛ, na ɩwaaʋ, na pǝnaɣa kʋlʋmaɣa ɩwǝyaɣa sɩ, pa lakǝna kɔtaɣa ŋka kɔkɔ lusa ka tǝna tɔ. Na pǝŋtʋlʋɣʋ sɩ pa lakɩ ɩsaɣatʋ hɩɩsʋɣʋ nyǝŋka. Naaŋ naalɛ na ɩwaaŋ kɛ kakpasɩ, na pǝnaɣa kʋlʋmaɣa ɩwɛɛsɩ kɛ kakpasɩ sɩ pa lakǝna ciikuɣu kɔtaɣa.
3935	NUM 7:84	Ɩsɛɣɛlɩ kpeka nyɔɔŋ nyǝ́ma hawa kʋcɔɔŋ wei kɛ kɔtaɣa tǝlatɛ tʋlʋɣʋ wule tɔɣɔlɛ. Liɣitee nyǝɣǝtʋ nyǝnasɩ kɛ naanʋwa na naalɛ. Na poosiyanaa mpa pa ŋmɩɩsǝɣǝna calǝm tɔɣɔ naanʋwa na naalɛ. Na wʋla kɔpʋnaa kɛ naanʋwa na naalɛ.
3946	NUM 8:6	Faɣa Lefii nyǝ́ma na pa mpaa. La-wɛɣɛ nyɔɔŋ tɔɔ asilima kɛɛlʋɣʋ kɔtaɣa.
3949	NUM 8:9	Na ɩ́ koti Ɩsɛɣɛlɩ nyǝ́ma tǝna na Lefii nyǝ́ma kpǝtǝna Ɩsɔ cokǝle nɔnɔɣɔ. Na Ɩsɛɣɛlɩ nyǝ́ma tǝnɩ pa tɔɔ kɛ́ niŋ.
3951	NUM 8:11	Ɩlɛna Alɔŋ hʋlɩ Lefii nyǝ́ma kɛ Ɩsɔ na hɔɣɔlǝŋ tǝna, ɩsɩɩ Ɩsɛɣɛlɩ nyǝ́ma lakʋɣʋ Ɩsɔ nyǝm tɔ. Ɩlɛna pɛlɛ pa lakɩ Ɩsɔ kɛ tǝmlɛ.
3952	NUM 8:12	Pǝ waalɩ ɩlɛna Lefii nyǝ́ma tǝnɩ pa niŋ kɛ latǝcɛnaa naalɛ tɔɔ na Alɔŋ la-m lɛlʋ kɛ ɩsaɣatʋ hɩɩsʋɣʋ kɔtaɣa, na lɛlʋ kɛ kɔtaɣa ŋka kɔkɔ lusa ka tǝna tɔ. Ɩlɛ Lefii nyǝ́ma ɩsaɣatʋ hɩɩsaa kɛlɛ.
3953	NUM 8:13	Ɩlɛna ń sɩɩ Lefii nyǝ́ma kɛ Alɔŋ na ɩ pǝyalaa pa ɩsɛntaa. Na ń hʋlɩ-wɛ na hɔɣɔlǝŋ tǝna ɩsɩɩ Ɩsɛɣɛlɩ nyǝ́ma lakɩ tɔ.
3954	NUM 8:14	Na Lefii nyǝ́ma pǝsɩ Ɩsɔ nyǝ́ma na pǝ́ faɣa pa na pa tɛɛtʋnaa.
3955	NUM 8:15	Pǝlɛ pǝ waalɩ kɛ́ paa caalɩ pa tǝmlɛ kɛ cokǝle taa. Ɩsǝna ɩ́ ká la Lefii nyǝ́ma kɛ nyɔɔŋ tɔɔ asilima kɛɛlʋɣʋ kɔtaɣa, na ɩ́ hʋlɩ-wɛ na hɔɣɔlǝŋ tǝna ɩsɩɩ Ɩsɛɣɛlɩ nyǝ́ma lakɩ tɔɣɔlɛ.
3958	NUM 8:18	Lefii nyǝ́ma kɛ ma lɛɛta Ɩsɛɣɛlɩ kancaalaɣa apalʋnyǝnsɩ lonte.
3960	NUM 8:20	Ḿpʋ́ɣʋ́ Moisi na Alɔŋ na Ɩsɛɣɛlɩ nyǝ́ma tǝna, pa lapa teitei ɩsɩɩ Tacaa ka kɛɛsʋɣʋ-wɛɣɛ Lefii nyǝ́ma tɔm tɔ.
3962	NUM 8:22	Pǝ waalɩ kɛ́ Lefii nyǝ́ma caala pa tǝmlɛ kɛ Ɩsɔ cokǝle taa. Na Alɔŋ na ɩ pǝyalaa pá feŋiɣi-wɛ. Ɩsǝna pa lapa nti Tacaa ka heela Moisi tɔɣɔlɛ.
3964	NUM 8:24	Mpi pǝ kɛ́ Lefii nyǝ́ma nyǝntʋ tɔɣɔlɔ. Paa Lefii tʋ wei, ye ɩ wɛna pɩɩsɩ hiu na kakpasɩ na waalɩ kɛ mpʋ, waatʋ ɩnǝɣɩ ɩ ka caalɩ Ɩsɔ cokǝle taa tǝmlɛ.
3966	NUM 8:26	Ye pa cɛpa wei, ɩ pǝsǝɣɩ na ɩ́ sǝna ɩ tɛɛtʋnaa kɛ Ɩsɔ cokǝle tǝmlɛ yaa. Ama pa kaa tʋ-ɩ ɩ maɣamaɣa ɩ nyǝntɛ kɛ́. Ɩsǝna Moisi ká lakɩ Lefii nyǝ́ma tǝmlɛ tɔm taa tɔɣɔlɛ.
3991	NUM 10:2	Lu liɣitee nyǝɣǝtʋ kɛ akantɛɛ naalɛ. Anǝɣɩ paa hʋlɩ na samaa kpeɣeli, yaa kpeka tʋ mpaaʋ.
4007	NUM 10:18	Ɩlɛna Lupɛŋ yoolaa tintiɣile, na pa tuuta pá tʋ́ pa waalɩ. Pɛlɛ pa nyʋɣʋ tʋ ntɛ́ Setewu pǝyalʋ Ɩlisuu.
4010	NUM 10:21	Ɩlɛna Lefii tʋ Kehatɩ lʋlʋɣʋ nyǝ́ma mpa pa sǝɣǝla ɩsɔ sɛɛʋ wontu tɔ pá tǝŋ. Na Lefii nyǝ́ma lɛlaa náá tɔŋa cokǝle sikuɣu na pá taŋa-wɛ.
4018	NUM 10:29	Ḿpʋ́ɣʋ́ Moisi tɔma ɩ yǝtɩ Matiyaŋ tʋ Lewɛlɩ pǝyalʋ Hopapɩ sɩ: Tɛtʋ nti Tacaa sɩɩ nɔɣɔ sɩ ɩ haakɩ-tʋ tɔ, tǝ taa kɛ́ tǝ puki. Ɩlɛ tǝŋ-tʋ na tɩɩ talǝna-ŋ kʋpantʋ nti ɩ lakɩ-tʋ tɔ.
4078	NUM 13:2	Lǝsɩ Ɩsɛɣɛlɩ kpeka nyʋɣʋ nyǝ́ma taa kɛ́ yʋlʋ yʋlʋ. Na n tili-wɛ na pá feŋ Kanaaŋ tɛtʋ nti ma haakɩ-mɛ tɔ.