3	GEN 1:3	Ntɛna Ɩsɔ tɔ́ sɩ: Pǝ́ naakɩ, ɩlɛna pǝ́ sʋʋ naʋ.
5	GEN 1:5	Mpʋɣʋlɛ Ɩsɔ ha pǝ naakʋɣʋ mpʋ tɔɣɔ hǝtɛ sɩ ilim taa, na ɩ́ ha sǝkpɛtʋɣʋ sɩ ahoo. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ kancaalaɣa nyǝŋkʋ.
6	GEN 1:6	Ɩlɛna Ɩsɔ tɔ́ sɩ: Patǝma ɩ́ wɛɛ ɩsɔtaa, ɩlɛna pǝ́ faɣa ɩsɔtɔnʋɣʋ taa lʋm na atɛ nyǝm.
8	GEN 1:8	Ntɛna ɩ́ ha patǝma ɩnǝɣɩ hǝtɛ sɩ ɩsɔtɔnʋɣʋ. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ naalɛ nyǝŋkʋ.
13	GEN 1:13	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ tooso nyǝŋkʋ.
19	GEN 1:19	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ liɣiti nyǝŋkʋ.
23	GEN 1:23	Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ kakpasɩ nyǝŋkʋ.
31	GEN 1:31	Mpʋɣʋlɛ Ɩsɔ nyǝnaa na ɩ laŋlɛ hɛɛ sɔsɔm. Pǝ kpaɣa tanaŋ na pǝ́ sɩɩna taanaɣa, na pǝ́ kpaɣa ahoo na pǝ́ nyaalɩ tɔ, pǝ kpɛnta kʋyakʋ naatoso nyǝŋkʋ.
34	GEN 2:3	Pǝ tɔɔ kɛ́ Ɩsɔ koola-kʋɣʋ kʋpantʋ na ɩ́ faɣasɩ-kʋ na kʋ mpaa sɩ kʋ kɛ́ ɩ nyǝŋkʋ.
36	GEN 2:5	nyɩɩtʋ taa tiika nakǝlɩ ka taa fɛɩ tɛtʋ tɔɔ, pǝ́cɔ́ nyiilaɣa nakǝlɩ ka taa nyɔɔkɩ. Mpi tɔ, Tacaa Ɩsɔ táá yelǝta sɩ tɛʋ ɩ́ nɩɩ. Pǝyele yʋlʋ nɔɣɔlʋ ɩ taa fɛɩ sɩ ɩ́ hala tɛtʋ.
42	GEN 2:11	Kancaalaɣa nyǝŋka hǝtɛ ntɛ́ Pisɔŋ, kɛlɛ ka cɔɔna Hafila tɛtʋ nti tǝ taa wʋla kʋpaŋ na tulaalʋ kʋpaŋ na liɣitee pǝlɛ kʋkpɛɛtǝlɛ pǝ wɛɛ tɔ.
44	GEN 2:13	Pɔɣɔ naalɛ nyǝŋka hǝtɛ ntɛ́ Kihɔŋ na kɛlɛ ka cɔɔna Kusi tɛtʋ tǝna.
45	GEN 2:14	Na tooso nyǝŋka hǝtɛ ntɛ́ Tikili, kɛlɛ ka kpeŋna na ilim tǝlɩɩlɛ tɔɔ kɛ́ Asilii tɛtʋ taa. Pɔɣɔ liɣiti nyǝŋka hǝtɛ ntɛ́ Ɩfǝlatɩ.
48	GEN 2:17	Ama kʋpantʋ na ɩsaɣatʋ pǝ cɛkǝnaʋ tʋɣʋ pee paasi kɛ́ n kaa tǝŋ. Pɔpɔtʋ fɛɩ leleŋ, kʋyaŋku ń tɔɣɔ-yɛ ɩsɩɩ n sǝpa.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
55	GEN 2:24	Pǝ tɔɔ kɛ́ apalʋ ka yele ɩ caa na ɩ too na ɩ́ na ɩ alʋ pá caɣa na pá pǝsɩ yʋlʋ kʋlʋm.
64	GEN 3:8	Pǝ kɛɛsa taanaɣa ɩlɛ Ɩsɔ Tacaa pola ɩ taalɛ tɔɔ kɛ́ cɔɔʋ ntɛ́ na pá nɩɩ ɩ nɔɣɔ. Ɩlɛna yʋlʋ na ɩ alʋ pá sé na pá ŋmɛlɩ taalɛ tɩɩŋ hɛkʋ taa.
69	GEN 3:13	Ntɛna Ɩsɔ Tacaa pɔɔsɩ alʋ sɩ: Pepe tɔɔ kɛ́ nyá lapa mpʋ? Alʋ nɔɣɔ tǝkpaʋ sɩ: Tʋm tʋsǝna-m na má tɔɣɔ.
78	GEN 3:22	Tǝnaɣa Ɩsɔ Tacaa yɔɣɔtaa sɩ: Nɔɔnɔɔ yʋlʋ pǝsa ɩsɩɩ tá taa nɔɣɔlʋɣʋlɛ kʋpantʋ na ɩsaɣatʋ pǝ nyǝm tɔm taa. Pǝ tɔɔ tɔ, tǝ́ taa yele na ɩ́ tɔɣɔ weesuɣu tʋɣʋ pǝle na ɩ́ wɛɛna weesuɣu kɛ tam tɔɔ.
82	GEN 4:2	Pǝlɛ pǝ waalɩ kɛ́ ɩ lʋla ɩ neu Apɛɛlɩ. Apɛɛlɩ ka kɛ́ tiikilu na Kayini kɛ hátʋ́.
86	GEN 4:6	Ɩlɛna Tacaa pɔɔsɩ-ɩ sɩ: Pepe tɔɔ kɛ́ nyá ɩsɛntaa sɔŋaa?
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
92	GEN 4:12	Paa n ká hala-tǝɣɩ ɩsǝna, n kaa waa pʋlʋ. N ká la yem cɔɔlʋ, n kaa wɛɛna tǝyaɣa.
130	GEN 5:24	Henɔkɩ ka tǝŋa Ɩsɔ kɛ́ teu kɛ́ na Ɩsɔ wɛ ɩ waalɩ. Pǝ kɔma na pǝ kɛɛsɩ ɩlɛna Ɩsɔ kpaɣa-ɩ na ɩ ɩsɛ, nɔɣɔlʋ ta tasa-ɩ naʋ.
141	GEN 6:3	Ntɛna ɩ́ tɔ́ sɩ: Ma feesuɣu kaa caɣa yʋlʋ taa kɛ́ tam. Mpi tɔ, ɩ kɛ́ yʋlʋ kɛ́. Pǝ tɔɔ tɔ pǝ kpaɣaʋ pǝnɛntɛ tɔ ɩ weesuɣu tǝna taɣalǝŋ ntɛ́ pɩɩsɩ nɩɩnʋwa na hiu (120).
151	GEN 6:13	Mpʋɣʋlɛ Tacaa heela Nowee sɩ: Ma tʋ́ ma taa sɩ maa wakǝlɩ yǝlaa tǝna, mpɛ pa suulina ɩsaɣatʋ kɛ antulinya taa. Pǝ tɔɔ tɔ maa kpiisi pa tǝnaɣa tɛtʋ tɔɔ.
164	GEN 7:4	Pǝ taɣa pʋlʋ tɔɔ, pǝ kaasa wɛɛ naatosompɔɣɔlaɣa kɛ́ na má yele na tɛʋ nɩɩ ilim na ahoo kɛ kʋyɛɛŋ nɩɩlɛ tǝcu, na lʋm kpiisi yǝlaa na wontu tǝna.
166	GEN 7:6	Pǝnaɣa ŋka lʋm waasa tɛtʋ tɔ Nowee wɛna ɩsɩɩ pɩɩsɩ nasǝtoso (600).
171	GEN 7:11	Nowee lʋlʋɣʋ pǝnaɣa nasǝtoso nyǝŋka ɩsɔtʋ naalɛ nyǝŋ kʋyɛɛŋ naanʋwa na naatosompɔɣɔlaɣa nyǝŋkʋ wule kɛ tɛʋ anaam nɔɣɔlʋ ɩ́ pǝla ilim na ahoo, halǝna kʋyɛɛŋ nɩɩlɛ tǝcu. Pǝ caɣa kɛ́ ɩsɩɩ ɩsɔtɔnʋɣʋ yawa na atɛ sɛɛlaa náá tʋlɩ ɩsɩɩ pɔɔŋ sɔsɔɔŋ.
174	GEN 7:14	Pá na wontu tǝnaɣa piitim piitim. Pǝ kpaɣaʋ tɔla, na taalɛ wontu, na sumasɩ, na atɛ nyamanyamanaa tǝna.
179	GEN 7:19	Pǝ tɔŋna suɣu na pǝ́ puki halǝna pǝ́ waasɩ pɔɔŋ sɔsɔɔŋ ɩnɩ ɩ tǝna kɛ antulinya tǝna taa.
197	GEN 8:13	Pǝnaɣa nasǝtoso na kʋlʋmaɣa nyǝŋka ɩsɔtʋ kancaalaɣa nyǝŋ kʋyakʋ kancaalaɣa nyǝŋkʋ kɛ lʋm nyɔɔwa tɛtʋ tɔɔ. Nowee kɔɔla atakaa pɔɣɔlʋɣʋ lɔpʋtʋ ɩlɛna ɩ́ ná sɩ tɛtʋ wʋlaa.
201	GEN 8:17	Na ń kpɛnna wontunaa ntɩ tǝ tǝna. Pǝ kpaɣaʋ tɔla na sumasɩ na atɛ nyamanyamanaa tǝna tɔ, tǝ́ lʋlɩ na tǝ́ huki na tǝ́ yá tɛtʋ tɔɔ.
208	GEN 9:2	Ma tʋ́ mǝ niŋ taa kɛ́ wontunaa tǝnaɣa, paa atɛ nyǝntʋ, na sumasɩ, na tiina, na atɛ nyamanyamanaa. Pǝ tɔɔ kɛ́ wontu ntɩ tɩɩ wɛɛna mǝ sɔɣɔntʋ kɛ sɔsɔm.
217	GEN 9:11	Ma sɩɩkɩ ma nɔɣɔ sɩ ma kaa tasa weesuɣu nyǝm kpiisuɣu kɛ tɛtʋ tɔɔ na lʋm. Pǝ́cɔ́ lʋm kʋ́wáásǝm mpɩ pǝ kaa tasa kɔntɛ na pǝ́ wakǝlɩ tɛtʋ.
232	GEN 9:26	Ma sama Sem Ɩsɔ Tacaa. Pǝ́ la Kanaaŋ kɛ Sem-wɛ pa yom.
234	GEN 9:28	Pɩɩsɩ ŋmʋnʋɣʋ na nɩɩnʋwa na nɩɩlɛ na naanʋwa (350) kɛ́ Nowee tasa tɔɣɔʋ kɛ lʋm waasʋɣʋ waalɩ.
241	GEN 10:6	Kam ɩ́lɛ́ ɩ́ piya ntɛ́ Kusi, na Misilayim, na Puti na Kanaaŋ.
244	GEN 10:9	Tacaa sǝna-ɩ kɛ́ na ɩ́ pǝsɩ yɛllaa taa yɛllʋ. Pǝ tɔɔ kɛ́ pa tukaɣa ɩtuule kɛ waatʋ ɩnɩ sɩ: Tacaa ɩ́ yele na ń pǝsɩ yɛllaa taa yɛllʋ ɩsɩɩ Nimloti.
245	GEN 10:10	Acalɛɛ wena a tɔɔ Nimloti tɔɣɔ kawulaɣa tɔɣɔlɛ Papɛɛlɩ, na Ɩlɛkɩ, na Akatɩ, na Kalǝne kɛ Papiloni tɛtʋ taa.
249	GEN 10:14	na Patǝlɔsɩ nyǝ́ma, na Kasulu nyǝ́ma, na Kafǝtɔɔ nyǝ́ma. Tǝnaɣa Filiisi nyǝ́ma ná lɩɩwa.
253	GEN 10:18	na Alǝfatɩ nyǝ́ma, na Semalii nyǝ́ma, na Hamatɩ nyǝ́ma. Pǝ waalɩ kɛ́ Kanaaŋ lʋlʋŋ nyǝ́ma ná yawa.
260	GEN 10:25	Ɩpɛɛ ná lʋla piya naalɛɣɛ, kancaalaɣa nyǝŋka hǝtɛ ntɛ́ Pelɛkɩ, yaʋ kɛ pa yaa mpʋ na pa tɛ́ taa. Mpi tɔ, waatʋ ɩnǝɣɩ antulinya piitimnaa yawa. Ɩ́lɛ́ ɩ́ neu hǝtɛ ntɛ́ Yɔkǝtaŋ.
265	GEN 10:30	Pa tǝcaɣalɛ ntɛ́ pǝ kpaɣaʋ Mesa na pulasɩ hɔɣɔlʋɣʋ ŋku pa yaa sɩ Sefaa tɔ na ilim tǝlɩɩlɛ tɔɔ.
269	GEN 11:2	Ɩlɛna pá lɩɩ ilim tǝlɩɩlɛ tɔɔ na pá tala Papiloni tɛtɛkǝlɛ sɔsɔɔlɛ taa na pá siki tǝna.
273	GEN 11:6	Ɩlɛna Tacaa tɔ́ sɩ: Ɩ́ nawa, pa tǝna ɩsǝntɔ pa kɛ́ yǝlaa kʋlʋmaa kɛ́, na pa kaa nsǝmlɛ kʋlʋmtǝlɛ. Pa caalʋɣʋ ɩsǝntɔ tɔ pʋlʋpʋ kaa kaɣatɩ-wɛɣɛ mpi paa hɔkɔ sɩ pa lakɩ tɔ pǝ taa.
276	GEN 11:9	Mpʋ pǝ yelina na pá ha ɩcatɛ ntɛɣɛ hǝtɛ sɩ Papɛɛlɩ. Mpi tɔ, tǝnaɣa Tacaa liɣita yǝlaa nsǝmlɛ, na ɩ́ yasɩ-wɛɣɛ antulinya tǝna taa.
283	GEN 11:16	Ɩpɛɛ pɩɩsɩ lapa hiu na naanʋwa na liɣiti ɩlɛna ɩ́ lʋlɩ Pelɛkɩ.
284	GEN 11:17	Pelɛkɩ lʋlʋɣʋ waalɩ Ɩpɛɛ tɔɣɔ pɩɩsɩ nasǝlɛ na hiu na naanʋwa (430) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
285	GEN 11:18	Pelɛkɩ pɩɩsɩ lapa hiu na naanʋwa kɛ́ ɩlɛna ɩ́ lʋlɩ Leu.
295	GEN 11:28	Ama Halaŋ ná sǝpa Uu ɩcatɛ taa timpi pa lʋla-ɩ tɔɣɔ Papiloni tɛtʋ taa na ɩ caa Tela ta sǝta.
298	GEN 11:31	Ḿpʋ́ɣʋ́ Tela kpaɣa ɩ pǝyalʋ Apǝlam na ɩ saalɩ Lɔɔtɩ na ɩ poolu Salaɩ na pá lɩɩ Uu kɛ Papiloni sɩ pa puki Kanaaŋ tɛtʋ taa. Pa tala Halaŋ ɩcatɛ taa ɩlɛna pá caɣa tǝna.
1536	EXO 1:3	Ɩsakaa, na Sapulɔŋ, na Pɛncamɛɛ,
1539	EXO 1:6	Pǝ waalɩ kɛ́ Yosɛɛfʋ na ɩ taalʋnaa mpa paa pola Icipiti tɔ pa sǝpa pa tǝna.
1540	EXO 1:7	Paa na mpʋ Ɩsɛɣɛlɩ nyǝ́ma mpɛ pa huka teu tǝyomyom na pá sú tɛtʋ na pa toŋ fɛɩna saala.
1543	EXO 1:10	Mpʋ tɔ, pǝ wɛɛ sɩ tǝ́ pɛɛkɩ yaasi wei tɩɩ pasǝna-wɛ tɔ. Pǝ́ taa kɔɔ na pǝ́ yoosi tá na tá kolontunaa na mpɛ pá sɛɛna pa tɔɔ na pá kǝlɩ-tʋ. Ɩlɛna pá se na pá tɛɛ.
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1545	EXO 1:12	Paa na pa tǝma anǝɣɩ mpʋ tɔ, pa tɔŋna hukuɣu kɛ́ na pá suɣi tɛtʋ. Ɩlɛna Icipiti nyǝ́ma tɛɛ náá sʋʋkǝna-wɛɣɛ sɔsɔm.
1546	EXO 1:13	Ḿpʋ́ɣʋ́ pa tʋ-wɛɣɛ yomle tǝma. Ɩlɛna pɛlɛ pá lɩɩ pa tǝɣɩ luɣu. Mpi tɔ, cʋɣʋ kɛ pa casaɣa na pá ŋmaakɩ pilikinaa, na pá lakɩ tawa tǝma tǝna. Pa tʋkaɣa-wɛɣɛ-yɛɣɛ ḿpʋ́ɣʋ́ na mʋsʋŋ.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1551	EXO 1:18	Tǝnaɣalɛ wulaʋ yaa-wɛ na ɩ́ pɔɔsɩ-wɛ sɩ: Pepe tɔɔ kɛ́ ɩɩ kʋɣɩ apalʋpiya mpɛ?
1552	EXO 1:19	Ntɛna lʋlǝsǝlaa mpɛ sɩ: Hepǝla alaa faɣana Icipiti nyǝ́ma kɛ yoo. Pa apalʋtʋ wɛ sɔɣɔntʋ. Pa lʋlǝɣɩ pa piya kɛ́ na pǝ́cɔ́ táá takɩ.
1560	EXO 2:5	Pǝ pamna Icipiti wulaʋ pɛɛlɔ tii lʋm sɔʋ, na ɩ taapalaa sɩɩ-ɩ na pɛlɛ pá málǝ́ɣɩ́ kuteŋ. Ɩlɛ Icipiti wulaʋ pɛɛlɔ loosa kowusaɣa ntɛ́ sǝsǝncaasɩ tɛɛ kɛ́ lʋm taa. Ɩlɛna ɩ́ tili ɩ yomaa taa lɛlʋ sɩ ɩ́ polo ɩ́ kpaɣa.
1563	EXO 2:8	Ntɛna pɛɛlɔ ɩnɩ ɩ́ cɔ sɩ: Polo. Kɔɣɔ tɛɛwa ɩlɛna ɩ́ kɔna ahʋlʋm ɩnɩ ɩ too kʋlʋlʋ.
1565	EXO 2:10	Pǝyaɣa kɔma na ká cɛ́ hǝtɛ ɩlɛna ka too pona-kɛ na ɩ́ cɛlɛ-kɛɣɛ Icipiti wulaʋ pɛɛlɔ na ká caɣa ɩ kiŋ ɩsɩɩ ka too kʋlʋlʋ. Ntɛna ɩ́lɛ́ ɩ́ ha-kɛɣɛ hǝtɛ sɩ, Moisi. Lʋm apalʋ kɛ pa yaa mpʋ na pa tɛ́ taa. Mpi tɔ, lʋm taa kɛ́ ɩ lǝsa-ɩ.
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1572	EXO 2:17	Pǝ tasaa ɩlɛ, tiikilaa napǝlɩ pa kɔmaɣalɛ na pá tɔɣɔnɩ-wɛ. Moisi ná mpʋ ɩlɛna ɩ́ sɛɛna pɛɛlaa mpɛ pa tɔɔ, na pa kalǝkʋ nyɔɔ.
1573	EXO 2:18	Pa mǝla tǝyaɣa ɩlɛna pa caa pɔɔsɩ-wɛ sɩ: Ɩsǝnaɣa pǝ lapa na saŋa ɩ́ kɔɔ lɔŋ kɛ mpʋ?
1587	EXO 3:7	Ntɛna Ɩsɔ tɔ sɩ: Ma nawa ɩsǝna ma yǝlaa tɔkɩ kʋnyɔŋ kɛ Icipiti tɔ. Pǝyǝle ma nɩɩwa wula nna pa ŋmakǝllaa tʋɣʋ-wɛ tɔ. Ma nyǝmá pa wahalanaa tɔɔ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1593	EXO 3:13	Ntɛna Moisi sɩ: Pǝ wɛ teu, ye ma polaa na má maɣana-wɛ, na má heeli-wɛ sɩ pa caanaa Ɩsɔ tilina-m pa waalɩ. Ɩlɛ paa pɔɔsɩ-m nyá hǝtɛ, ɩlɛna má cɔ-wɛ suwe?
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.
1600	EXO 3:20	Pǝ tɔɔ kɛ́ maa hɔ Icipiti nyǝ́ma ŋkpaŋŋ na yaasinaa mpa too pa ta nata tɔ na halɩ wulaʋ tɔɣɔnɩ-mɛɣɛ kʋtɔɣɔnʋ na ɩ́ tɛɛ.
1602	EXO 3:22	Paa Ɩsɛɣɛlɩ alʋ wei ɩ ká sǝlǝmɩ Icipiti alaa mpa pa kɛ́ ɩ asǝmaa na ɩ cɔlɔ nyǝ́ma tɔɣɔ nyǝɣǝtʋ kʋpantʋ wontu, na wʋla nyǝntʋ, na wontu kʋsusuutu, na ɩ́ tʋ́ mǝ piya tɔɔ. Ḿpʋ́ɣʋ́ ɩ́ ká sʋsǝna Icipiti nyǝ́ma kɛ kʋnyɔŋ.
1604	EXO 4:2	Ntɛna Tacaa tɔmɩ-ɩ sɩ: Pepeɣe n tɔka nyá niŋ taa? Mpʋɣʋlɛ sɩ: Kpátʋ́ɣʋ́.
1605	EXO 4:3	Kɛlɛna Ɩsɔ sɩ: Pɛtɩ-kʋɣʋ atɛ. Moisi pɛta-kʋ, ɩlɛna kʋ́ pǝsɩ tʋm. Tǝnaɣa ɩ ŋmaawa tǝyaɣaʋ.
1612	EXO 4:10	Ḿpʋ́ɣʋ́ Moisi sɩ: Pǝ kaa la, ma ta nyɩ yɔɣɔtaɣa. Paa hatoo n caala-m yɔɣɔtǝnaʋ tɔ ma taa nyɩ yɔɣɔtʋɣʋ. Paa na nɔɔnɔɔ ɩsǝntɔ kʋlʋmtʋ ntǝɣɩ, pǝ ta laɣasɩ.
1613	EXO 4:11	Kɛlɛna Ɩsɔ nɔɣɔ tǝkpaʋ sɩ: Pǝ taɣa ma tʋna yʋlʋ kɛ nɔɣɔ taa? Na ye ma nɔkaa ma lapɩ-ɩ kamumuka yaa ntam. Pǝyele má nɔkaa ma yele na ɩ́ naakɩ yaa ɩ́ yʋlʋmɩ.
1627	EXO 4:25	Tǝnaɣalɛ ɩ alʋ Sefola kpaɣa kpantanyaalʋɣʋ na ɩ́ pɛlɩ pǝyaɣa hǝnnɔɣɔ na ɩ́ tokina-kɛɣɛ Moisi tɛɛ na ɩ́ tɔ sɩ: N kɛ-m calǝm apalʋ kɛ́. Pɛlʋɣʋ tɔm kɛ Sefola yɔɣɔtǝna mpʋ. Ɩlɛna Ɩsɔ yele Moisi.
1633	EXO 4:31	Pɛlɛ pa ná mpʋ, ɩlɛna pá tisi sɩ Ɩsɔ lakǝna. Pa cɛkǝnaa sɩ Ɩsɔ nawa pa kʋnyɔntɔɣɔlɛ kɛ́ na ɩ́ kɔɔ sɩ ɩ́ waasɩ-wɛ. Ɩlɛna pá hǝntɩ-ɩ atɛ na pá sɛɛ-ɩ.
1634	EXO 5:1	Pǝlɛ pǝ waalɩ kɛ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Ɩsɛɣɛlɩ nyǝ́ma ta, tá Ɩsɔ Tacaa sɩ tǝ́ heeli-ŋ sɩ ń yele-tʋ na tǝ́ polo pooluŋ na tǝ́ lapɩ-ɩ tǝmlɛ pǝyaɣa nakǝlɩ.
1636	EXO 5:3	Mpʋɣʋlɛ Moisi na Alɔŋ pa cɔwa sɩ: Hepǝla nyǝ́ma tá, tá Ɩsɔ Tacaa lɩɩna tá tɔɔ na ɩ́ heeli-tʋɣʋ mpʋ. Pǝ tɔɔ tɔ yele-tʋ na tǝ́ tɔ́ kʋyɛɛŋ tooso na tǝ́ polo pooluŋ na tǝ́ lá kɔtasɩ. Ye pǝ taɣa mpʋ ɩ ká kʋ-tʋ na kʋtɔŋ yaa yoou.
1640	EXO 5:7	sɩ: Ɩ́ taa tasa-wɛɣɛ pilikinaa kasaaloka cɛlʋɣʋ kɛ faalaa. Pa maɣamaɣa paa pukina na pá kʋŋ.
1641	EXO 5:8	Pǝ́cɔ́ pǝ fɛɩ sɩ pa pikilinaa ɩ́ sɛkɩ ɩsɩɩ pa tɩɩ ŋmaakɩ tɔ. Felentunaa kɛ-wɛɣɛ. Pǝ tɔɔ kɛ́ pa kɔma ma kiŋ sɩ má ha-wɛɣɛ mpaaʋ na pá polo pá lá pa Ɩsɔ kɛ́ kɔtasɩ.
1644	EXO 5:11	Sɩ mǝ maɣamaɣa ɩ́ ká yɛlǝna na ɩ́ kʋ́. Pǝyele mǝ pilikinaa kaa sɛkɩ ɩsɩɩ ɩ́ tɩɩ ŋmaakɩ tɔ.
1649	EXO 5:16	Nyǝnɩ, anɩ tá maɣamaɣa tǝ kʋŋna tá kasaaloka. Pǝyele pa caalǝɣɩ-tʋ sɩ tá pilikinaa ɩ́ taa sɛkɩ ɩsɩɩ tɩɩ ŋmaakaɣa tɔ. Pǝ́cɔ́ pa tɔŋna-tʋɣʋ mapʋ ntɔ. Nyá yǝlaa tɔm sǝpaɣa.
1651	EXO 5:18	Ɩ́ kʋlɩ na ɩ́ tɛɛ mǝ tǝma taa. Nɔɣɔlʋ kaa cɛla-mɛɣɛ kasaaloka kɛ faalaa. Pǝyele ɩ́ ká ŋmá pilikinaa kɛ teitei kɛ́ ɩsɩɩ ɩ́ tɩɩ ŋmaakɩ tɔ.
1656	EXO 5:23	Hatoo kʋyaŋku ma heela Icipiti wulaʋ kɛ nyá tɔm tɔ, ɩ sɔɔsa Ɩsɛɣɛlɩ nyǝ́ma kɛ wahala kɛ́. Pǝyele nyá suma, nn lʋkɩ sɩ ń waasɩ-wɛ.
1661	EXO 6:5	Pǝnɛntɛ ma nɩɩ yomle nte Icipiti nyǝ́ma tʋɣɩ-wɛ na pá wiiki tɔ. Halǝna pǝ́ tɔɔsɩ-m nɔɣɔ ŋka ma na-wɛ tɩɩ pɛɛlaa tɔ.
1662	EXO 6:6	Pǝ tɔɔ kɛ́ ma tʋ Moisi sɩ ɩ́ heeli-mɛ sɩ maɣalɛ Tacaa. Maa cɛ-mɛɣɛ mǝ yomle na mǝ wahala tǝma taa na má waasɩ-mɛ. Na ma hɔ́ Icipiti nyǝ́ma ŋkpaŋʋɣʋ na ma toŋ sɔsɔɔŋ.
1664	EXO 6:8	Pǝlɛ pǝ waalɩ maa pona-mɛɣɛ tɛtʋ nti maa sɩɩ Apǝlaham na Ɩsaaka na Yakɔpʋ kɛ nɔɣɔ na tuunaʋ sɩ maa ha-mɛ na tǝ́ pǝsɩ mǝ nyǝntʋ tɔ tǝ taa. Mpi tɔ, maɣa Tacaa kɛ́.