2	GEN 1:2	Tɛtʋ ntɩ tɩɩ wɛ kpɛtɛ kɛ́ tǝ fɛɩ tapʋɣʋ tǝ fɛɩ nɔɣɔ, na teŋku lumaŋ nyǝŋ waasa pǝ tɔɔ na sǝkpɛtʋɣʋ nyalaa, na pǝ́ kaasɩ na Ɩsɔ heelim náá makɩ lʋm tɔɔ.
11	GEN 1:11	Ntɛna Ɩsɔ tɔ́ sɩ: Tɛtʋ ɩ́ lʋlǝsɩ kʋnyɔnyɔm mpi pǝ wɛ tǝlɛkʋlɛkʋ tɔɣɔ waanɩ waanɩ ɩsɩɩ tɩɩŋ na nyɩɩtʋ na pǝ́ lʋlǝɣɩ pǝ pee na á wɛ nyɔʋ. Ɩlɛna pǝ́ lá mpʋ.
24	GEN 1:24	Ḿpʋ́ɣʋ́ Ɩsɔ tɔma sɩ: Tɛtʋ ɩ́ lʋlǝsɩ weesuɣu nyǝm tǝnaɣa waanɩ waanɩ ɩsɩɩ tɔla na taalɛ wontu na atɛ nyamanyamanaa tǝna, ɩlɛna pǝ́ lá mpʋ.
26	GEN 1:26	Ḿpʋ́ɣʋ́ Ɩsɔ tɔma sɩ: Tǝ́ ŋmá yʋlʋ na ɩ́ wɛɛ ɩsɩɩ tá tǝtɛŋɛlɛŋ na ɩ́ tɔɣɔ kawulaɣa kɛ wontu tǝna tɔɔ, paa tiina paa sumasɩ paa nti.
35	GEN 2:4	Ɩsǝna Ɩsɔ lapa ɩsɔtɔnʋɣʋ na atɛ tɔɣɔlɛ. Waatʋ wei Tacaa Ɩsɔ lapa atɛ na ɩsɔtɔnʋɣʋ tɔ,
36	GEN 2:5	nyɩɩtʋ taa tiika nakǝlɩ ka taa fɛɩ tɛtʋ tɔɔ, pǝ́cɔ́ nyiilaɣa nakǝlɩ ka taa nyɔɔkɩ. Mpi tɔ, Tacaa Ɩsɔ táá yelǝta sɩ tɛʋ ɩ́ nɩɩ. Pǝyele yʋlʋ nɔɣɔlʋ ɩ taa fɛɩ sɩ ɩ́ hala tɛtʋ.
38	GEN 2:7	Ḿpʋ́ɣʋ́ Tacaa Ɩsɔ kpaɣa tɛtʋ na ɩ́ lá yʋlʋ, ɩlɛna ɩ́ woso yʋlʋ mɩɩna tɛɛ kɛ́ weesuɣu heelim. Tǝnaɣalɛ yʋlʋ sʋʋ feesuɣu.
40	GEN 2:9	Ntɛna Tacaa Ɩsɔ yele na tɩɩŋ kʋpaŋ nyɔ Ɩteni taa tǝnaɣa waanɩ waanɩ na ɩ pee tɔɣɔʋ na leleŋ. Na tʋɣʋ ŋku kʋ pee haakɩ weesuɣu tɔ, na kʋpantʋ na ɩsaɣatʋ pǝ cɛkǝnaʋ nyǝŋkʋ ka sǝŋa hɛkʋ taa.
45	GEN 2:14	Na tooso nyǝŋka hǝtɛ ntɛ́ Tikili, kɛlɛ ka kpeŋna na ilim tǝlɩɩlɛ tɔɔ kɛ́ Asilii tɛtʋ taa. Pɔɣɔ liɣiti nyǝŋka hǝtɛ ntɛ́ Ɩfǝlatɩ.
46	GEN 2:15	Ḿpʋ́ɣʋ́ Tacaa Ɩsɔ sɩɩ yʋlʋ kɛ Ɩteni taalɛ ńtɛ́ tǝ taa sɩ ɩ́ hala na ɩ́ paasǝɣǝna-tɛ́.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
52	GEN 2:21	Ɩlɛna Tacaa Ɩsɔ lá na tom kpa yʋlʋ na ɩ́ too ɩsɩɩ ɩ́ sǝpa, na ɩ́ lǝsɩ ɩ sǝntaaɣa lɛŋka na ɩ́ waasɩ nantʋ kɛ ka lonte.
54	GEN 2:23	Tǝnaɣalɛ yʋlʋ tɔma sɩ: Aŋhaa, má na ɩnɛ tǝ kaana nantʋ na mʋwa. Mpi tɔ, ma taa kɛ́ pa lǝsa-ɩ, ɩ́lɛ́ ɩ hǝtɛ ntɛ́ alʋ.
57	GEN 3:1	Taalɛ wontu nti tǝ tǝna Tacaa Ɩsɔ lapa mpʋ tɔ, tʋm kǝlǝna tǝ tǝnaɣa acilaɣatʋ. Mpʋɣʋlɛ kʋyakʋ nakǝlɩ tʋm pɔɔsa alʋ sɩ: Ɩlɛ tampana Ɩsɔ yɔɣɔtaa sɩ ɩ́ taa tɔɣɔ taalɛ tɩɩŋ tǝna pee yaa?
63	GEN 3:7	Tǝnaɣalɛ pǝ kula pa naalɛɣɛ mpʋ pa ɩsɛ na pá cɛkǝna sɩ pa wɛ tapakpɛla. Ɩlɛna pá caa hatʋ kʋwalǝtʋ natǝlɩ na pá tɔɣɔlɩ.
64	GEN 3:8	Pǝ kɛɛsa taanaɣa ɩlɛ Ɩsɔ Tacaa pola ɩ taalɛ tɔɔ kɛ́ cɔɔʋ ntɛ́ na pá nɩɩ ɩ nɔɣɔ. Ɩlɛna yʋlʋ na ɩ alʋ pá sé na pá ŋmɛlɩ taalɛ tɩɩŋ hɛkʋ taa.
65	GEN 3:9	Ama Ɩsɔ Tacaa yáá yʋlʋ sɩ: Leɣe n wɛna ye?
67	GEN 3:11	Tǝnaɣalɛ Ɩsɔ Tacaa nɔɣɔ tǝkpaʋ sɩ: Awe heelina-ŋ sɩ n wɛ kpɛtɛ? N tɔɣɔ tʋɣʋ ŋku ɩnɩ maa kisina-ŋ tɔɣɔ?
69	GEN 3:13	Ntɛna Ɩsɔ Tacaa pɔɔsɩ alʋ sɩ: Pepe tɔɔ kɛ́ nyá lapa mpʋ? Alʋ nɔɣɔ tǝkpaʋ sɩ: Tʋm tʋsǝna-m na má tɔɣɔ.
70	GEN 3:14	Ḿpʋ́ɣʋ́ Tacaa tɔma tʋm sɩ: Timpi n lapa mpʋ tɔ, pɩɩ kpatɩ nyá yule tɔɔ kɛ́ kpaakpaalɛ na pǝ́ kǝlɩ wontu tǝna, nyá lotu tɔɔ kɛ́ n ká tuuki nɔɔnɔɔ na ń tɔ́kɩ tɛtʋ, halǝna nyá sǝm.
73	GEN 3:17	Ɩlɛna ɩ́ pǝsǝna apalʋ tɔɔ sɩ: Timpi n nɩɩna nyá alʋ na ń tɔɣɔ tʋɣʋ ŋku maa kisina-ŋ tɔ. Ma tǝŋsǝɣɩ tɛtʋ kɛ mpusi kɛ́ nyá maɣamaɣa nyá tɔɔ. Wahala na wahala kɛ́ na pǝ́cɔ́ ń hiki nyá tɔɣɔnaɣa halǝna nyá sǝm.
77	GEN 3:21	Ɩlɛna Ɩsɔ Tacaa kʋ wontu natǝlɩ na ɩ́ liti-tɩ na ɩ́ tɔɣɔlɩ Atam na ɩ alʋ.
78	GEN 3:22	Tǝnaɣa Ɩsɔ Tacaa yɔɣɔtaa sɩ: Nɔɔnɔɔ yʋlʋ pǝsa ɩsɩɩ tá taa nɔɣɔlʋɣʋlɛ kʋpantʋ na ɩsaɣatʋ pǝ nyǝm tɔm taa. Pǝ tɔɔ tɔ, tǝ́ taa yele na ɩ́ tɔɣɔ weesuɣu tʋɣʋ pǝle na ɩ́ wɛɛna weesuɣu kɛ tam tɔɔ.
81	GEN 4:1	Ḿpʋ́ɣʋ́ Atam nyǝmá ɩ alʋ Ɩfa na ɩ́lɛ́ ɩ́ lá teu na ɩ́ lʋlɩ Kayini. Ɩlɛna ɩ́ tɔ́ sɩ: Ma hika apalʋpǝyaɣa na Tacaa toŋ.
83	GEN 4:3	Ḿpʋ́ɣʋ́ kʋyakʋ nakʋlɩ taalʋ lǝsa ɩ hatǝmʋtʋ taa na ɩ́ lá Tacaa kɛ kɔtaɣa.
84	GEN 4:4	Ɩlɛna neu náá kpa ɩ heeŋ taa kɛ́ kancaalaɣa kʋlʋlǝŋ nim nyǝŋ na ɩ́ lá kɔtaɣa tɔtɔ. Ɩlɛna Tacaa nyǝnɩ Apɛɛlɩ kɔtaɣa na pǝ́ kɛɛsǝna-ɩ.
85	GEN 4:5	Ama ɩ kisa Kayini nyǝŋka. Tǝnaɣalɛ pǝ haŋa-ɩ teu ɩsɩɩ nɔɔhǝlɛ taa kɔkɔ, na ɩ ɩsɛntaa sɔŋ.
86	GEN 4:6	Ɩlɛna Tacaa pɔɔsɩ-ɩ sɩ: Pepe tɔɔ kɛ́ nyá ɩsɛntaa sɔŋaa?
88	GEN 4:8	Tǝnaɣa Kayini tɔma ɩ neu sɩ: Tǝ́ kpa taalɛ, ɩlɛna Kayini kʋlɩ ɩ tɔɔ kɛ́ tǝna na ɩ́ kʋ-ɩ.
89	GEN 4:9	Mpʋɣʋlɛ Tacaa pɔɔsa Kayini sɩ: Nyá neu Apɛɛlɩ wele? Ɩlɛna ɩ́ cɔ sɩ: Ma nyǝmá timpi ɩ wɛɛ tɔ? Ma kɛ́ ma neu taŋlʋ na?
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
93	GEN 4:13	Mpʋɣʋlɛ Kayini cɔwa Tacaa sɩ: Ma salǝka kǝla-m.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
96	GEN 4:16	Ntɛna ɩ́ se Tacaa na ɩ́ polo ɩ caɣa timpi pa yaa sɩ Yemcɔɔlaatɛ tɔɣɔ Ɩteni ilim tǝlɩɩlɛ tɔɔ.
102	GEN 4:22	Sila ɩ́lɛ́ ɩ lʋlǝna ntɛɣɛ Tupaalɩ-Kayini, wei ɩ luki nyǝɣǝlʋɣʋ kʋsɛɛmʋɣʋ na nyǝɣǝlʋɣʋ maɣamaɣa wontu tɔ. Ɩ neu kɛ pa yaakaɣa sɩ Naama.
104	GEN 4:24	Tɔm naatosompɔɣɔlaɣa kɛ paa lɛɛtɩ Kayini kʋlʋ. Ɩlɛna pá lɛɛtɩ ma kʋlʋ kɛ tɔm nɩɩtoso na naanʋwa na naatosompɔɣɔlaɣa.
105	GEN 4:25	Atam pa tasa apalʋpǝyaɣa kɛ lʋlʋɣʋ ɩlɛna Ɩfa ha-kɛɣɛ hǝtɛ sɩ Sɛɛtɩ, sɩ Tacaa ha ɩnǝɣɩ apalʋpǝyaɣa lɛŋka kɛ Apɛɛlɩ wei Kayini kʋwa tɔ ɩ lonte.
106	GEN 4:26	Sɛɛtɩ ná lapa yʋlʋ na ɩ́ lʋlɩ apalʋpǝyaɣa na ɩ́ ha-kɛ sɩ Ɩnɔɔsɩ. Waatʋ ɩnǝɣɩ yǝlaa caala Ɩsɔ kɛ́ sɛɛʋ sɩ Tacaa.
135	GEN 5:29	na ɩ́ ha-kɛ sɩ Nowee. Mpi tɔ, ɩ tɔmaɣa sɩ ɩnɛ ɩnɩ ɩ ká hɛɛsǝna tá laŋa kɛ ta ɩkaalɛnaa na tá wahala tǝma taa kɛ́ tɛtʋ nti ɩnɩ Tacaa tǝŋsa mpusi kɛ́ tá tɔɔ tɔ tǝ taa cǝnɛ.
143	GEN 6:5	Ḿpʋ́ɣʋ́ Tacaa nawa sɩ yǝlaa ɩsaɣatʋ tɛlǝsa mpǝle kɛ tɛtʋ taa, na ɩsaɣalǝmaɣasǝlɛ tike kɛ pa wɛna paa ɩfemle nte.
144	GEN 6:6	Ḿpʋ́ɣʋ́ Tacaa laŋlɛ wakǝlaa na pǝ́ wɩɩ-ɩ sɔsɔm kɛ mpi pǝ tɔɔ ɩ ŋmá yʋlʋ tɔ.
146	GEN 6:8	Ama Nowee tike kɛ Tacaa laŋlɛ hɛɛnaa.
151	GEN 6:13	Mpʋɣʋlɛ Tacaa heela Nowee sɩ: Ma tʋ́ ma taa sɩ maa wakǝlɩ yǝlaa tǝna, mpɛ pa suulina ɩsaɣatʋ kɛ antulinya taa. Pǝ tɔɔ tɔ maa kpiisi pa tǝnaɣa tɛtʋ tɔɔ.
155	GEN 6:17	Ɩlɛna máá yele na lʋm sɔsɔɔm watɩ tɛtʋ tɔɔ, na má kʋ́ pǝ tǝna mpi pǝ feesiɣi tɔ. Tɛtʋ tɔɔ nyǝm tǝna ká sǝna.
161	GEN 7:1	Ḿpʋ́ɣʋ́ Tacaa tɔma Nowee sɩ: Nyana nyá tǝyaɣa tǝna ɩ́ sʋʋ atakaa pɔɣɔlʋɣʋ taa. Mpi tɔ, nyá tike kɛ ma nawa wei ɩ nɩɩkǝna-m tɔɣɔ yǝlaa panɛ pa hɛkʋ.
165	GEN 7:5	Ɩlɛna Nowee la pǝ tǝna ɩsɩɩ Tacaa heela-ɩ tɔ.
169	GEN 7:9	sʋʋ atakaa pɔɣɔlʋɣʋ taa kɛ́ apalʋ na alʋ ɩsɩɩ Tacaa ka heeluɣu Nowee tɔ.
175	GEN 7:15	Ḿpʋ́ɣʋ́ wontu tǝna sʋ́ʋ́ atakaa pɔɣɔlʋɣʋ taa kɛ́ apalʋ na alʋ ɩsɩɩ Ɩsɔ ka heeluɣu Nowee tɔ. Ɩlɛna Tacaa tǝkɩ pa tɔɔ.
183	GEN 7:23	Ḿpʋ́ɣʋ́ Tacaa kpiisa weesuɣu nyǝm tǝnaɣa tɛtʋ tɔɔ. Nowee na ɩ nyǝ́ma mpa paa wɛ atakaa pɔɣɔlʋɣʋ taa tɔ pa tike kɛ pǝ yelaa.
195	GEN 8:11	Taanaɣa taanaa ɩlɛna ɩ́lɛ́ ɩ mǝlǝna Nowee tɔɔ na tʋɣʋ hatʋ kʋnɛɣɛtǝtʋ tʋʋna ɩ nɔɣɔ. Tǝnaɣalɛ Nowee cɛkǝnaa sɩ lʋm pasa tɛtʋ tɔɔ.
204	GEN 8:20	Ḿpʋ́ɣʋ́ Nowee ŋmá Tacaa kɛ kɔtaɣa tǝlatɛ, ɩlɛna ɩ́ lǝsɩ wontu tǝna nti tǝ mʋna kɔtaɣa lapʋ tɔ na sumasɩ nsi sɩ mʋna kɔtaɣa lapʋ tɔ sɩ tǝna sɩ taa kɛ́ kʋlʋm kʋlʋm ɩsɩɩ tǝ piitimnaa wɛɛ tɔ na ɩ́ lá Tacaa kɛ kɔtaɣa ŋka kɔkɔ lusa ka tǝna tɔ.
205	GEN 8:21	Tacaa nɩɩ kɔtaɣa ŋkɛ ka sɔɔsʋŋ na ɩ laŋlɛ hɛɛ na ɩ́ tɔ́ sɩ: Ma kaa tasa tɛtʋ kɛ mpusi tǝŋsʋɣʋ kɛ yʋlʋ ɩsaɣatʋ tɔɔ ɩsɩɩ maa lapʋ tɔ, na ma kaa tasa weesuɣu nyǝm tǝnaɣa wakǝlʋɣʋ. Mpi tɔ, yʋlʋ lǝmaɣasǝlɛ kɛ́ ɩsaɣalɛ kɛ hatoo ɩ hɔɔʋ tɛɛ kɛ́.
206	GEN 8:22	Tuutu na kʋmtʋ, watʋ na haŋaɣa, lʋŋlɛ na yoluma, ilim na ahoo pǝ kaa yele lapʋ halǝna antulinya polo na ɩ́ kʋlɩ.
232	GEN 9:26	Ma sama Sem Ɩsɔ Tacaa. Pǝ́ la Kanaaŋ kɛ Sem-wɛ pa yom.
237	GEN 10:2	Yɛfɛtɛ ɩ́lɛ́ ɩ́ piya ntɔ. Komɛɛ, na Makɔkɩ, na Matayi, na Yafaŋ, na Tupaalɩ, na Mesɛkɩ, na Tilaa.
238	GEN 10:3	Komɛɛ ɩ́lɛ́ ɩ́ piya ntɛ́ Asǝkǝnaasɩ, na Lifa, na Tokaama.
239	GEN 10:4	Yafaŋ piya ntɛ́, Ɩlisa, na Taasɩ, na Kitim, na Lutanim.
242	GEN 10:7	Kusi piya ntɛ́ Sepa, na Hafila, na Sapǝta, na Lakǝma, na Sapǝteka. Lakǝma piya ntɛ́, Sapaa, na Tetaŋ.
244	GEN 10:9	Tacaa sǝna-ɩ kɛ́ na ɩ́ pǝsɩ yɛllaa taa yɛllʋ. Pǝ tɔɔ kɛ́ pa tukaɣa ɩtuule kɛ waatʋ ɩnɩ sɩ: Tacaa ɩ́ yele na ń pǝsɩ yɛllaa taa yɛllʋ ɩsɩɩ Nimloti.
246	GEN 10:11	Tɛtʋ ntɩ tǝ taa kɛ́ ɩ lɩɩwa na ɩ́ polo Asilii na ɩ́ ŋmá Ninifi, na Lehopoti-Hiili, na Kela,
249	GEN 10:14	na Patǝlɔsɩ nyǝ́ma, na Kasulu nyǝ́ma, na Kafǝtɔɔ nyǝ́ma. Tǝnaɣa Filiisi nyǝ́ma ná lɩɩwa.
262	GEN 10:27	na Hatolam, na Wusaalɩ, na Tikǝla,
272	GEN 11:5	Mpʋɣʋlɛ Tacaa tiiwa sɩ ɩ naakɩ ɩcatɛ na atɛ na ɩsɔ kutuluɣu ŋku yǝlaa piya ŋmawa tɔ.
273	GEN 11:6	Ɩlɛna Tacaa tɔ́ sɩ: Ɩ́ nawa, pa tǝna ɩsǝntɔ pa kɛ́ yǝlaa kʋlʋmaa kɛ́, na pa kaa nsǝmlɛ kʋlʋmtǝlɛ. Pa caalʋɣʋ ɩsǝntɔ tɔ pʋlʋpʋ kaa kaɣatɩ-wɛɣɛ mpi paa hɔkɔ sɩ pa lakɩ tɔ pǝ taa.
275	GEN 11:8	Ntɛna Tacaa yasɩ-wɛɣɛ antulinya tǝna taa na pá yele pa ɩcatɛ ŋmaʋ.
276	GEN 11:9	Mpʋ pǝ yelina na pá ha ɩcatɛ ntɛɣɛ hǝtɛ sɩ Papɛɛlɩ. Mpi tɔ, tǝnaɣa Tacaa liɣita yǝlaa nsǝmlɛ, na ɩ́ yasɩ-wɛɣɛ antulinya tǝna taa.
291	GEN 11:24	Nahoo pɩɩsɩ lapa pɔɣɔlaɣafɛɩ hiu na naanʋwa kɛ́ ɩlɛna ɩ́ lʋlɩ Tela.
292	GEN 11:25	Tela lʋlʋɣʋ waalɩ Nahoo tɔɣɔ pɩɩsɩ pɔɣɔlaɣafɛɩ nɩɩnʋwa na hiu (119) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
293	GEN 11:26	Tela pɩɩsɩ lapa nɩɩtoso na naanʋwa kɛ́ ɩlɛna ɩ́ lʋlɩ Apǝlam na Nahoo na Halaŋ.
294	GEN 11:27	Tela lʋlʋɣʋ nyǝ́ma hǝla ntɔ cǝnɛ. Ɩ lʋla Apǝlam, na Nahoo, na Halaŋ. Ɩlɛna Halaŋ náá lʋlɩ Lɔɔtɩ.
295	GEN 11:28	Ama Halaŋ ná sǝpa Uu ɩcatɛ taa timpi pa lʋla-ɩ tɔɣɔ Papiloni tɛtʋ taa na ɩ caa Tela ta sǝta.
298	GEN 11:31	Ḿpʋ́ɣʋ́ Tela kpaɣa ɩ pǝyalʋ Apǝlam na ɩ saalɩ Lɔɔtɩ na ɩ poolu Salaɩ na pá lɩɩ Uu kɛ Papiloni sɩ pa puki Kanaaŋ tɛtʋ taa. Pa tala Halaŋ ɩcatɛ taa ɩlɛna pá caɣa tǝna.
299	GEN 11:32	Tela pɩɩsɩ tǝna yoosa ŋmʋnʋɣʋ na kakpasɩ (205) ɩlɛna ɩ́ sɩ́ tǝna.
300	GEN 12:1	Ḿpʋ́ɣʋ́ kʋyakʋ nakʋlɩ Tacaa heela Apǝlam sɩ: Lɩɩ nyá tɛtʋ taa kɛ́ nyá nyǝ́ma hɛkʋ kɛ nyá caa tǝyaɣa taa, na ń polo tɛtʋ nti maa hʋlɩ-ŋ tɔ tǝ taa.
303	GEN 12:4	Mpʋɣʋlɛ Apǝlam kpaɣa ɩ alʋ Salaɩ na ɩ taalʋ pǝyaɣa Lɔɔtɩ na ɩ wɛnaʋ tǝna na ɩ tǝmlɛ nyǝ́ma mpa ɩ hika Halaŋ tɔ na ɩ́ lɩɩ tǝna ɩsɩɩ Tacaa ka heeluɣu-ɩ tɔ na ɩ́ tɛɛ Kanaaŋ tɛtʋ taa. Waatʋ ɩnɩ ɩ pɩɩsɩ ka wɛ nɩɩtoso na naanʋwa na kakpasɩ. Ɩ tapa tɛtʋ ntɩ ɩlɛna
1537	EXO 1:4	na Taŋ, na Nɛfǝtali, na Katɩ, na Asɛɛ.
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1551	EXO 1:18	Tǝnaɣalɛ wulaʋ yaa-wɛ na ɩ́ pɔɔsɩ-wɛ sɩ: Pepe tɔɔ kɛ́ ɩɩ kʋɣɩ apalʋpiya mpɛ?
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1575	EXO 2:20	Kɛlɛna pa caa nɔɣɔ tǝkpaʋ sɩ: Na apalʋ ɩnɩ ɩ wɛ le? Ɩ́ tá sʋʋna-ɩ tǝyaɣa suwe? Tɔʋ, ɩ́ polo na ɩ́ yaa-ɩ na ɩ́ kɔɔ na tá na-ɩ tǝ tɔɣɔ.
1582	EXO 3:2	Tǝnaɣa Tacaa tillu lɩɩ ɩ tɔɔ kɛ́ tiika kʋlɔpaɣa ŋka ka mʋɣɩ kɔkɔ tɔ ka taa. Ɩ paasǝna teu, ɩlɛna ɩ́ ná sɩ kɔkɔ mʋɣɩ yáá. Ama tiika maɣamaɣa ɩɩ nyakɩ.
1585	EXO 3:5	Mpʋɣʋlɛ Ɩsɔ tɔma-ɩ sɩ: Taa kpǝtǝna tiika ŋkɛ yoo. Wɔɣɔsɩ nyá ntankpala. Mpi tɔ, Ɩsɔ tɛtʋ tɔɔ kɛ́ n sǝŋa mpʋ.
1594	EXO 3:14	Mpʋɣʋlɛ Ɩsɔ cɔ-ɩ sɩ: Ma hǝtɛ ntɛ́ Mawɛtam. Mpʋ tɔ, ń polaa ɩlɛ n heeli-wɛ sɩ: Tamwɛɛlʋ tilina-m mǝ waalɩ.
1595	EXO 3:15	Na ń cuɣusi sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa tilina-m mǝ waalɩ. Ma hǝtɛ ntɛ́, halǝna antulinya polo na ɩ́ kʋlɩ. Hǝtɛ ntɛɣɛ yǝlaa ká yaakɩ-m paa waatʋ wei.
1596	EXO 3:16	Tɔʋ, polo pǝnɛntaa na ń koti Ɩsɛɣɛlɩ sɔsaa na ń heeli-wɛ sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa lɩɩ ma tɔɔ na ɩ́ heeli-m sɩ ɩ na-mɛ na ɩ nyǝ́ma ɩsǝna pa ŋmakǝlǝɣɩ-mɛ tɔ.
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.