56	GEN 2:25	Yʋlʋ na ɩ alʋ pa tɔŋaɣa kpɛla kɛ pa naalɛɣɛ, pǝ́cɔ́ fɛɛlɛ natǝlɩ tǝ fɛɩ-wɛ.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
87	GEN 4:7	Ye kʋpantʋ kɛ n lakɩ, nyá ɩsɛntaa ɩ́ hɛtɩ. Ama ye ɩsaɣatʋ kɛ n lakɩ, kʋlʋmtʋ ntɩ tǝ papǝna ntɛɣɛ nyá nɔnɔɣɔ tɛɛ ɩsɩɩ tɔɣɔlʋɣʋ na tǝ́ taŋa-ŋ, na tǝ́ caa-ŋ kǝlʋɣʋ. Ama pǝsɩ-tɩ na ń kǝlɩ-tɩ.
96	GEN 4:16	Ntɛna ɩ́ se Tacaa na ɩ́ polo ɩ caɣa timpi pa yaa sɩ Yemcɔɔlaatɛ tɔɣɔ Ɩteni ilim tǝlɩɩlɛ tɔɔ.
100	GEN 4:20	Ḿpʋ́ɣʋ́ Ata lʋla Yapaalɩ. Yapaalɩ ɩnɩ ɩ́lɛ́ ɩ piitim ntɛ́ mpa pa tiikiɣi kalǝkǝŋ na pá sʋʋkɩ coka taa tɔ.
101	GEN 4:21	Ɩ́lɛ́ ɩ neu hǝtɛ ntɛ́ Yupaalɩ. Yupaalɩ ɩnɩ ɩ piitim ntɛ́ mpa pa makɩ saŋkʋnaa na pá hʋlǝɣɩ hǝsɩ tɔ.
121	GEN 5:15	Malalɛlɩ pɩɩsɩ lapa nɩɩtoso na kakpasɩ ɩlɛna ɩ́ lʋlɩ Yɛlɛtɩ.
122	GEN 5:16	Yɛlɛtɩ lʋlʋɣʋ waalɩ Malalɛlɩ tɔɣɔ pɩɩsɩ nasǝnaasa na hiu na naanʋwa (830), na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
124	GEN 5:18	Yɛlɛtɩ pɩɩsɩ lapa nɩɩnʋwa na nɩɩtoso na naalɛ (162) ɩlɛna ɩ́ lʋlɩ Henɔkɩ.
126	GEN 5:20	Yɛlɛtɩ pɩɩsɩ tǝna yoosa nasǝnaasa na nɩɩnʋwa na nɩɩtoso na naalɛ (962) ɩlɛna ɩ́ sɩ́.
138	GEN 5:32	Nowee pɩɩsɩ lapa nasǝlɛ na nɩɩnʋwa (500) ɩlɛna ɩ́ lʋlɩ Sem na Kam na Yɛfɛtɛ.
139	GEN 6:1	Yǝlaa kɔma na pá huki tɛtʋ tɔɔ na pá lʋlɩ pɛɛlaa.
147	GEN 6:9	Nowee na ɩ nyǝ́ma pa tɔm ntɔ. Nowee ka wɛna piya tooso kɛ́, Sem, na Kam, na Yɛfɛtɛ. Ɩ ka kɛ́ kʋpaŋ kɛ́ na ɩ́ siɣisaa na ɩ́ tǝŋǝɣɩ Ɩsɔ kɛ́ teu kɛ ɩ waatʋ taa na Ɩsɔ wɛ ɩ waalɩ.
149	GEN 6:11	Yǝlaa ka wakǝlaa kɛ́, na pá lakɩ tǝmaɣa mʋsʋŋ kɛ Ɩsɔ ɩsɛntaa.
173	GEN 7:13	Kʋyakʋ ŋkʋ kʋ maɣamaɣa kɛ Nowee na ɩ alʋ na ɩ pǝyalaa Sem na Kam na Yɛfɛtɛ na ɩ poolaa tooso pa sʋʋ atakaa pɔɣɔlʋɣʋ.
211	GEN 9:5	Ye wei ɩ́ kʋwa yʋlʋ, maa lɛɛtɩ pʋntʋ, paa yʋlʋ paa wontuɣu.
212	GEN 9:6	Ye nɔɣɔlʋ kʋwa ɩ tɔɣɔntǝlɛ, yʋlʋ tɔtɔ ká kʋna pʋntʋ. Mpi tɔ, Ɩsɔ ŋmá yʋlʋ kɛ́ ɩsɩɩ ɩ maɣamaɣa ɩ wɛɛ tɔ.
224	GEN 9:18	Nowee na ɩ pǝyalaa mpa pa lɩɩ atakaa pɔɣɔlʋɣʋ taa tɔɣɔlɛ Sem na Kam na Yɛfɛtɛ. Kam ɩ́lɛ́ ɩ́ lʋlǝna Kanaaŋ.
229	GEN 9:23	Ntɛna Sem na Yɛfɛtɛ pá kpaɣa kpaɩ na pá hɔɣɔlɩ-ɩ na pá tɔna waalɩ waalɩ na pá takɩ pa caa. Ɩlɛ pa ta na ɩ tapakpɛtɛ. Mpi tɔ, waalɩ waalɩ kɛ́ pa tɔmnaa.
233	GEN 9:27	Ɩsɔ ɩ́ walǝsɩ Yɛfɛtɛ tǝhikile, na ɩ́ caɣa Sem tɛ́, na pǝ́ lá Kanaaŋ kɛ pa yom.
236	GEN 10:1	Nowee piya Sem na Kam na Yɛfɛtɛ pa lʋla piya mpaɣa lʋm waasʋɣʋ waalɩ tɔ pa hǝla ntɔ.
237	GEN 10:2	Yɛfɛtɛ ɩ́lɛ́ ɩ́ piya ntɔ. Komɛɛ, na Makɔkɩ, na Matayi, na Yafaŋ, na Tupaalɩ, na Mesɛkɩ, na Tilaa.
239	GEN 10:4	Yafaŋ piya ntɛ́, Ɩlisa, na Taasɩ, na Kitim, na Lutanim.
251	GEN 10:16	na ɩ lʋlʋɣʋ nyǝ́ma tɔtɔɣɔlɛ Yepusi nyǝ́ma, na Amolii nyǝ́ma, na Kilikasɩ nyǝ́ma,
256	GEN 10:21	Yɛfɛtɛ pa taalʋ Sem ɩ́lɛ́ ɩ lʋla piya tɔtɔ na kʋlʋm ɩnǝɣǝlɛ Ɩpɛɛ na ɩ lʋlʋŋ nyǝ́ma caa.
260	GEN 10:25	Ɩpɛɛ ná lʋla piya naalɛɣɛ, kancaalaɣa nyǝŋka hǝtɛ ntɛ́ Pelɛkɩ, yaʋ kɛ pa yaa mpʋ na pa tɛ́ taa. Mpi tɔ, waatʋ ɩnǝɣɩ antulinya piitimnaa yawa. Ɩ́lɛ́ ɩ́ neu hǝtɛ ntɛ́ Yɔkǝtaŋ.
261	GEN 10:26	Yɔkǝtaŋ ná lʋlǝna Alǝmotatɩ, na Selɛfɩ, na Hasamafɛtɩ, na Yela,
264	GEN 10:29	na Ofii, na Hafila, na Yopapɩ. Yɔkǝtaŋ piya ntɛ́ pa tǝnaɣa mpʋ.
1534	EXO 1:1	Yakɔpʋ wei pa cuɣusaa sɩ Ɩsɛɣɛlɩ tɔ, ɩ́ na ɩ pǝyalaa mpa pa pola Icipiti kɛ caɣalʋtʋ tɔ, pa lʋlʋŋ loosi na pa hǝla ntɔ.
1535	EXO 1:2	Lupɛŋ, na Simiyɔŋ, na Lefii, na Yuta, na
1538	EXO 1:5	Yakɔpʋ pǝyalaa na ɩ saalǝnaa mpɛ pa tǝna paa wɛ yʋlʋnyɔɔŋ nɩɩtoso na naanʋwa (70) kɛ́. Ɩlɛ ɩ pǝyalʋ lɛlʋ Yosɛɛfʋ ná laala-wɛɣɛ Icipiti kɛ pote.
1539	EXO 1:6	Pǝ waalɩ kɛ́ Yosɛɛfʋ na ɩ taalʋnaa mpa paa pola Icipiti tɔ pa sǝpa pa tǝna.
1541	EXO 1:8	Ḿpʋ́ɣʋ́ wulaʋ kʋfalʋ nɔɣɔlʋ ná tɔɣɔ kawulaɣa. Ama ɩ́lɛ́ ɩ ta nyɩ Yosɛɛfʋ.
1555	EXO 1:22	Ḿpʋ́ɣʋ́ Icipiti wulaʋ tʋwa Icipiti nyǝ́ma tǝna sɩ: Ye Hepǝla alʋ lʋla apalʋpǝyaɣa ɩ́ tǝŋsɩ-kɛɣɛ Nili pɔɣɔ lʋm. Ama ɩ́ yeki alʋpiya.
1571	EXO 2:16	Kɔtʋlʋ nɔɣɔlʋ ɩ ka wɛ tǝna na pá yaakɩ-ɩ sɩ, Yetulo. Ɩ wɛna pɛɛlaa naatosompɔɣɔlaɣa. Ḿpʋ́ɣʋ́ pɛɛlaa mpɛ pa pola lʋm luɣu sɩ pa suuliɣi pǝlona na pa caa tɔla nyɔɔ.
1578	EXO 2:23	Ḿpʋ́ɣʋ́ pǝ taaŋa sɔsɔm, ɩlɛna Icipiti wulaʋ sɩ́. Yomle nɩɩwa Ɩsɛɣɛlɩ nyǝ́ma ɩlɛna pá wiiki na pá tekiɣi Ɩsɔ sɩ ɩ́ waasɩ-wɛ na ɩ́lɛ́ ɩ nɩɩ.
1579	EXO 2:24	Na ɩ́ tɔɔsɩ nɔɣɔ ŋka ɩ ka sɩɩ pa caanaa caanaa Apǝlaham na Ɩsaaka na Yakɔpʋ tɔ ka tɔɔ.
1581	EXO 3:1	Waatʋ ɩnɩ tɔ na Moisi náá tɔŋna ɩ yǝtɩ Matiyaŋ kɔtʋlʋ Yetulo tɔla tiikuɣu. Ḿpʋ́ɣʋ́ kʋyakʋ nakʋlɩ ɩ tiikaa na ɩ́ tala Ɩsɔ pʋɣʋ ŋku pa yaa sɩ Holɛpʋ tɔɣɔ wʋlaɣa tɛtʋ waalɩ.
1586	EXO 3:6	Maɣalɛ nyá caanaa caanaa Apǝlaham na Ɩsaaka na Yakɔpʋ pa Ɩsɔ. Sɔɣɔntʋ kpa Moisi, ɩlɛna ɩ́ takɩ ɩ ɩsɛntɔɔ sɩ ɩ́ taa na Ɩsɔ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1595	EXO 3:15	Na ń cuɣusi sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa tilina-m mǝ waalɩ. Ma hǝtɛ ntɛ́, halǝna antulinya polo na ɩ́ kʋlɩ. Hǝtɛ ntɛɣɛ yǝlaa ká yaakɩ-m paa waatʋ wei.
1596	EXO 3:16	Tɔʋ, polo pǝnɛntaa na ń koti Ɩsɛɣɛlɩ sɔsaa na ń heeli-wɛ sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa lɩɩ ma tɔɔ na ɩ́ heeli-m sɩ ɩ na-mɛ na ɩ nyǝ́ma ɩsǝna pa ŋmakǝlǝɣɩ-mɛ tɔ.
1597	EXO 3:17	Na ɩ tʋ́ ɩ taa sɩ ɩ lǝsǝɣɩ-mɛɣɛ wahala tɛtʋ taa cǝnɛ na ɩ́ pona-mɛɣɛ Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma pa tɛtʋ taa, timpi tɔɣɔnaɣa na kʋpantʋ tǝna tɔla yem tǝhɔ tɔ.
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.
1607	EXO 4:5	Ɩlɛna Ɩsɔ sɩ: Mpi n ká hʋlǝna Ɩsɛɣɛlɩ nyǝ́ma sɩ pa caanaa Apǝlaham na Ɩsaaka na Yakɔpʋ pa Ɩsɔ Tacaa má ma lɩɩ nyá tɔɔ tɔɣɔlɛ.
1610	EXO 4:8	Mpʋɣʋlɛ Tacaa tɔma sɩ: Ye Ɩsɛɣɛlɩ nyǝ́ma ta tʋna-ŋ, na ń kisi na ń la piti tǝmlɛ kancaalaɣa nyǝntɛ na pá tá mʋ nyá tɔm. Ń lapa naalɛ nyǝntɛ tǝnɛ ɩsɩɩ pa mʋ-tɩ.
1611	EXO 4:9	Ye pǝ kpɛŋna piti tǝma anɛ a naalɛ na pá ká nyʋɣʋ na pá kisiɣi nyá tɔm na paa nɩɩkǝna-ŋ, ɩlɛ ń cosi Nili pɔɣɔ lʋm na ń pǝlɩ-wǝɣɩ tɛtʋ tɔɔ na pǝ́ pǝsɩ calǝm.
1620	EXO 4:18	Ḿpʋ́ɣʋ́ Moisi mǝla ɩ yǝtɩ Yetulo cɔlɔ na ɩ́ heeli-ɩ sɩ: Ma mǝlǝɣɩ Icipiti na má ná Ɩsɛɣɛlɩ nyǝ́ma alaafǝya. Ntɛna ɩ́lɛ́ sɩ pǝ wɛ teu, polo.
1636	EXO 5:3	Mpʋɣʋlɛ Moisi na Alɔŋ pa cɔwa sɩ: Hepǝla nyǝ́ma tá, tá Ɩsɔ Tacaa lɩɩna tá tɔɔ na ɩ́ heeli-tʋɣʋ mpʋ. Pǝ tɔɔ tɔ yele-tʋ na tǝ́ tɔ́ kʋyɛɛŋ tooso na tǝ́ polo pooluŋ na tǝ́ lá kɔtasɩ. Ye pǝ taɣa mpʋ ɩ ká kʋ-tʋ na kʋtɔŋ yaa yoou.
1659	EXO 6:3	Halɩ ma hʋlá ma tǝɣɩ Apǝlaham na Ɩsaaka na Yakɔpʋ sɩ maɣalɛ Ɩsɔ Toma tǝna tʋ. Ama pa ta nyɩ sɩ ma hǝtɛ tɔtɔɣɔlɛ Mawɛtam.
1664	EXO 6:8	Pǝlɛ pǝ waalɩ maa pona-mɛɣɛ tɛtʋ nti maa sɩɩ Apǝlaham na Ɩsaaka na Yakɔpʋ kɛ nɔɣɔ na tuunaʋ sɩ maa ha-mɛ na tǝ́ pǝsɩ mǝ nyǝntʋ tɔ tǝ taa. Mpi tɔ, maɣa Tacaa kɛ́.
1670	EXO 6:14	Ɩsɛɣɛlɩ nyǝ́ma lʋlʋŋ loosi nyǝ́ma cɔsɔnaa hǝla ntɔ. Yakɔpʋ pǝyalʋ kancaalaɣa nyǝŋ Lupɛŋ pǝyalaa ntɛ́ Hanɔkɩ na Palu na Hɛsǝlɔŋ na Kaami, pɛlɛɣɛlɛ Lupɛŋ lʋlʋɣʋ loosi nyǝ́ma cɔsɔnaa.
1671	EXO 6:15	Simiyɔŋ ɩ́lɛ́ ɩ pǝyalaa ntɛ́, Yemuwɛlɩ, na Yamɛŋ, na Ohatɩ, na Yakɛŋ, na Sohaa, na Sawuli. Ɩ alʋ Kanaaŋ nyǝŋ lʋlǝna-ɩ ɩ pǝyalʋ kantǝkaɣa nyǝŋ ɩnɛ. Simiyɔŋ lʋlʋɣʋ loosi nyǝ́ma cɔsɔnaa ntɛ́.
1676	EXO 6:20	Amǝlam ɩ́lɛ́ ɩ kpaɣa ɩ caa neu Yɔkǝpɛtɩ kɛ́ na ɩ́ lʋlɩ-ɩ apalʋpiya kɛ naalɛ, Alɔŋ na Moisi. Amǝlam ɩnɩ ɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na naatosompɔɣɔlaɣa (137).
1695	EXO 7:9	Ye Icipiti wulaʋ tɔma-mɛ sɩ ɩ́ la piti tǝmlɛ natǝlɩ, ɩlɛ Moisi heeli Alɔŋ sɩ ɩ́ pɛtɩ ɩ kpátʋ́ɣʋ́ kɛ atɛɣɛ wulaʋ ɩsɛntaa, na kɩɩ pǝsɩ tʋm.
1713	EXO 7:27	Ye n kisa mpʋ maa yele na salɛɛ lɩɩ nyá tɛtʋ tǝna taa.
1732	EXO 8:17	Ye n kisaa sɩ n kaa yele-wɛ, ɩlɛ ma yele na kacɔsɩ kʋnaasasɩ nasǝlɩ sɩ lɩɩ na sɩ́ sú Icipiti nyǝ́ma tɛɛsɩ taa kɛ́ tɛtʋ tǝna taa, na sɩ́ nyasǝɣɩ nyana yǝlaa na nyá tǝmlɛ nyǝ́ma tǝna.
1740	EXO 8:25	Mpʋɣʋlɛ Moisi nɔɣɔ tǝkpaʋ sɩ: Ye ma lɩɩ cǝnɛ, maa sǝlǝmɩ Tacaa na cele ɩ ká hatǝlǝna nyá na nyá tǝmlɛ nyǝ́ma na nyá yǝlaa kɛ kacɔsɩ sǝnɛ. Ama kʋlʋmtʋ kɛ́ sɩ ń taa nɛɛtɩ-tʋ na ń taɣanɩ Ɩsɛɣɛlɩ nyǝ́ma taɣa taŋʋɣʋ sɩ tǝ taa polo na tǝ lá Ɩsɔ kɛ́ kɔtasɩ.
1745	EXO 9:2	Ye n wɛɛ na n kisiɣi na n kaŋ nyʋɣʋ na ń taŋǝɣɩ-wɛɣɛ mpʋ,
1756	EXO 9:13	Ḿpʋ́ɣʋ́ Tacaa heela Moisi sɩ: Cele kʋlɩ lɔŋ kɛ tanaŋ kʋpaŋkʋ tɛɛ na ń maɣana Icipiti wulaʋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ: Yele ma yǝlaa na pá polo pa la-m tǝmlɛ.
1758	EXO 9:15	Ye maa sɔɔlaa maa kʋwa nyana nyá yǝlaa na yʋlʋkʋsǝkʋ na ɩ́ saalɩ yem kɛ́ tɛtʋ taa.
1762	EXO 9:19	Mpʋ tɔ, kpeɣeli nyá tɔla na ń cɔɔsɩ-yɛɣɛ tiili. Ye yǝlaa na tɔla pa caɣa taalɛ kɛ yem na pa ta cɔɔsɩ, tɔmpɛɛ ká kʋ-wɛ.
1772	EXO 9:29	Tǝnaɣalɛ Moisi nɔɣɔ tǝkpaʋ sɩ: Ye ma lɩɩwa ɩcatɛ waalɩ maa tɛɣɛ Ɩsɔ kɛ́ niŋ na tɛʋ hola na kʋ tɔmpɛɛ hɛɛsɩ. Ɩlɛna pǝ́cɔ́ ń cɛkǝna sɩ Tacaa tǝnna antulinya tǝna.
1782	EXO 10:4	Ye n kama nyʋɣʋ kɛ pǝ taa, cele ɩ ká kɔna kʋtoloŋ kɛ nyá tɛtʋ tǝna taa.
1785	EXO 10:7	Icipiti wulaʋ tǝmlɛ nyǝ́ma kotaa na pá tɔmɩ-ɩ sɩ: Ta caa, yʋlʋ ɩnɛ ɩ ka cɔɔsɩ-tʋ yoo. Pǝ tɔɔ tɔ, yele-wɛ na pá polo pá lá pa Ɩsɔ Tacaa kɛ tǝmlɛ. Ye pǝ taɣa mpʋ Icipiti nyǝ́ma tǝna ká sɩ.
1816	EXO 11:9	Mpʋɣʋlɛ Tacaa tasa Moisi kɛ heeluɣu sɩ: Ye Icipiti wulaʋ ta nɩɩna-mɛ, ɩlɛ maa tasa kɔkɔlɔ nyǝm paɣalɛ lapʋ kɛ Icipiti tɛtʋ taa.
1821	EXO 12:4	Ye waaʋ nawa sɩ kʋ kaa tɛ kpǝntɛ, ɩlɛ kʋ na lɛŋkʋ pa kaa na pá nyɩ́ kpǝntɛ nte paa tɔɣɔ na pa tɛ tɔ.
1827	EXO 12:10	Ye pa tɔɣaa na pá kpisa mpi na pǝ́ fe-wɩ pa wɔ kɔkɔ.
1830	EXO 12:13	Pǝ kaasʋɣʋ Ɩsɛɣɛlɩ nyǝ́ma mɛ tɔ, mǝ kampʋnaa tɔɔ calǝm ká yʋsǝna mǝ tɛɛsɩ. Ye ma na-wɩ ma tɛɛ mǝ tɔɔ. Ɩsǝna maa kenti mǝ tɔɔ na ma kaa wakǝlɩ-mɛ ɩsɩɩ Icipiti nyǝ́ma tɔɣɔlɛ.
1832	EXO 12:15	Kʋyɛɛŋ naatosompɔɣɔlaɣa tǝcu kɛ́ ɩ́ ká tɔɣɔ potopotonaa mpa pa taa kʋkʋsʋm fɛɩ tɔ pǝ acima. Mpʋ tɔ, pǝ kpaɣa kʋkʋsʋm fɛɩ potopotonaa acima kʋyakʋ kancaalaɣa nyǝŋkʋ wule tɔ, pǝ fɛɩ sɩ kʋkʋsʋm ɩ́ wɛɛ mǝ taa nɔɣɔlʋ tǝyaɣa taa. Ye nɔɣɔlʋ tɔɣɔ-wǝɣɩ kʋyɛɛŋ ɩnɩ ɩ taa, ɩsɩɩ pa kpiisa pʋntʋ kɛ Ɩsɛɣɛlɩ nyǝ́ma taa.
1833	EXO 12:16	Ɩ́ ká koti kʋyakʋ kancaalaɣa nyǝŋkʋ na naatosompɔɣɔlaɣa nyǝŋkʋ wule kɛ́ na ɩ́ sɛɛ-m. Kʋyaŋku tɔ, pǝ fɛɩ sɩ ɩ́ la tǝmlɛ natǝlɩ. Ye pǝ taɣa mǝ tɔɣɔnasɩ saaʋ paasi.
1836	EXO 12:19	Ye pǝ tala waatʋ ɩnɩ pǝ fɛɩ sɩ mǝ taa nɔɣɔlʋ ɩ́ tɔɣɔ kʋkʋsʋm tɔɣɔnaɣa, yaa pǝ́ tɩɩ wɛɛ pʋntʋ tǝyaɣa taa. Paa Ɩsɛɣɛlɩ tʋ yaa caɣalʋ, ɩsɩɩ pa kpiisa-ɩ mǝ taa.
1838	EXO 12:21	Ḿpʋ́ɣʋ́ Moisi kota Ɩsɛɣɛlɩ nyʋɣʋ nyǝ́ma na ɩ́ heeli-wɛ sɩ: Ɩ́ polo ɩ́ caa Tɛɛʋ acima ɩwɛɛsɩ, yaa pinasɩ na ɩ́ lɛntɩ-sɩ na ɩ́ tiɣisi calǝm na ɩ́ lii pǝ taa kɛ́ saŋ na ɩ́ taa nɔnɔɣɔ kampʋ kpatǝŋ tɔɔ na ɩsɔtaa tɔɔ. Ye pǝ tɛma mpʋ, nɔɣɔlʋ ɩ́ taa tasa tǝyaɣa ŋkɛ ka taa kɛ́ lɩɩʋ sɩ ɩ puki tiili, halǝna pǝ́ nyaalɩ.
1843	EXO 12:26	Ye mǝ piya ɩ́ pɔɔsa-mɛ sɩ pǝ nyʋɣʋ suwe, ɩlɛ
1861	EXO 12:44	Ye ɩsɩɩ Ɩsɛɣɛlɩ tʋ yapa piitim lɛmpɩ tʋ kɛ yom na ɩ́ pɛlɩ-ɩ ɩ pǝsǝɣɩ na ɩ́ tɔɣɔ pǝ tɔɣɔnaɣa.
1865	EXO 12:48	Ye ɩsɩɩ caɣalʋ nyɩɩlǝna sɩ ɩ ka tɔɣɔ Tacaa Tɛɛʋ acima anɩ, pǝ wɛɛ kɛ́ sɩ pá pɛlɩ ɩ́ na ɩ tǝyaɣa taa apalʋpiya tǝna na pǝ́cɔ́. Ɩlɛ ɩ pǝsa ɩsɩɩ Ɩsɛɣɛlɩ tʋ ntɛ́, ɩ pǝsǝɣɩ na ɩ́ tɔɣɔ-ɩ. Tɔfɔ ye pa ta pɛlɩ wei, pǝ fɛɩ sɩ ɩ́ kpǝtǝna.
1873	EXO 13:5	Waatʋ wei ɩ́ ká sʋʋ Kanaaŋ, na Hiti, na Amolii, na Hifi, na Yepusi pǝ nyǝ́ma tɛtʋ nti tǝ taa tɔɣɔnaɣa tɔla tǝhɔ tɔ. Tɛtʋ ntǝɣɩ Tacaa ka yɔɣɔtǝna tuunaʋ sɩ ɩ ká ha mǝna mǝ caanaa. Ɩlɛ paa pǝnaɣa ŋkaɣa ɩ́ ká tɔkɩ Tɛɛʋ acima kɛ ɩsɔtʋ ɩnɛ ɩ taa.
1876	EXO 13:8	Ye ɩ́ kɔma na ɩ́ tɔkɩ acima anɩ, ɩ́ kɛɛsɩ mǝ piya sɩ mpi Tacaa lapa-mɛɣɛ kʋyaŋku ɩ́ lɩɩ Icipiti tɔ, pǝ tɔɔ kɛ́ ɩ́ tɔkɩ-yɛ.
1879	EXO 13:11	Ḿpʋ́ɣʋ́ Moisi tasaa tɔtɔ sɩ: Ye pǝ kɔma na Tacaa tana-tʋɣʋ Kanaaŋ tɛtʋ nti ɩ ka yɔɣɔtǝna tuunaʋ sɩ ɩ ká ha tá na tá caanaa tɔ.
1881	EXO 13:13	Ye kpaŋaɣa kancaalaɣa pǝyaɣa apalʋnyǝŋka, ɩlɛ ɩ́ laɣasɩ-kɛ na ɩwǝyaɣa yaa pinaɣa, yaa ɩ́ mǝlǝntɩ ka luɣu na ká sɩ. Ye pǝ kaasa yʋlʋ kancaalaɣa pǝyaɣa apalʋnyǝŋka ɩlɛ ɩ́ laɣasɩ-kɛ na ɩwǝyaɣa.
1882	EXO 13:14	Ye kʋyakʋ nakʋlɩ mǝ piya pɔɔsa-mɛ sɩ pepe tɔɔ kɛ́ ɩ́ lakɩ mpʋ. Ɩlɛ ɩ cɔ-wɛ sɩ: Tɩɩ wɛ ɩsɩɩ yomaa kɛ Icipiti kɛ́, ɩlɛna Ɩsɔ lǝsɩ-tʋ na ɩ toŋ sɔsɔɔŋ.
1887	EXO 13:19	Pa lɩɩkaɣa mpʋ ɩlɛna Moisi kuu Yosɛɛfʋ mʋwa na ɩ́ kpɛnna. Mpi tɔ, ɩ ka heela ɩ tɛɛtʋnaa kɛ́ na ɩsǝlɛ kʋsɛɛmlɛ sɩ Ɩsɔ ɩ́ lǝsa-wɛɣɛ Icipiti taa pá kpɛnna ɩ mʋwa.
2749	LEV 1:3	Ye naʋ kɛ yʋlʋ caa lapʋ kɛ kɔtaɣa ŋka kɔkɔ lusa ka tǝna tɔ. Ɩlɛ apalʋ nyǝŋ wei ɩ tiili tá caamɩ tɔɣɔ ɩ ká ha na Tacaa mʋ. Cokǝle nte tǝ taa Ɩsɔ na yǝlaa pa suliɣi tɔ tǝ nɔnɔɣɔ kɛ ɩ ká pona.
2756	LEV 1:10	Ye ɩsɩɩ heu yaa pǝ́ŋ kɛ yʋlʋ caakɩ lapʋ kɛ kɔtaɣa ŋka kɔkɔ lusa ka tǝna tɔ. Ɩlɛ apalʋnyǝŋ wei ɩ tiili tá caamɩ tɔɣɔ ɩ ká kɔna.
2760	LEV 1:14	Ye sumaɣa kɛ yʋlʋ caakɩ lapʋ kɛ kɔtaɣa ŋka kɔkɔ lusa ka tǝna tɔ, ɩhokaɣa yaa alukuku kɛ ɩ ká kɔna.
2764	LEV 2:1	Ye ɩsɩɩ yʋlʋ caa ɩ kɔna Tacaa kɛ tɔɣɔnaɣa kʋhaʋ, mʋlʋm kʋpam kɛ ɩ caakɩ. Ɩ pǝlǝɣɩ pǝ tɔɔ kɛ́ nim, na ɩ́ tǝnɩ tulaalʋ.
2767	LEV 2:4	Ye pǝ kɛ́ ɩsɩɩ potopotonaa looŋa taa kʋkʋsʋm fɛɩ tɔɣɔnaɣa nakǝlɩ, ɩlɛ pa caa mʋlʋm kʋpam na pá nuɣutina nim, na pá tʋ kakalasɩ yaa pɛtɛpɛtasɩ taka, nsi sɩ tɔɔ pa yɔɣɔla nim tɔ.
2768	LEV 2:5	Ye ɩsɩɩ pɛtɛpɛtaɣa maɣamaɣa, ŋka pa tʋɣɩ nyǝɣǝlʋɣʋ kʋwalʋɣʋ tɔɔ tɔ. Ɩlɛ mʋlʋm mpi pa nuɣutina nim, na pǝ taa fɛɩ kʋkʋsʋm tɔɣɔlɛ pa tʋɣɩ.
2770	LEV 2:7	Ye ɩsɩɩ tɔɣɔnaɣa ŋka pa toŋaa tɔ ka kʋhaʋ ɩlɛ, mʋlʋm mpi pa nuɣutina nim tɔɣɔlɛ pa caakɩ.
2774	LEV 2:11	Ye pa taɣanǝɣɩ Tacaa maɣa tɔɣɔnaɣa kʋhaʋ sɩ, pa nyaɣasɩ-kʋɣʋ kɔkɔ kɛ ma hǝtɛ taa, pǝ fɛɩ sɩ pá tʋ pǝ taa kɛ́ kʋkʋsʋm yaa tɩɩŋ.
2776	LEV 2:13	Ye pa haakɩ Tacaa maɣa tɔɣɔnaɣa kʋhaʋ, pǝ wɛɛ sɩ pá tʋ́ tɔm kɛ́. Mpi tɔ, mpɩ pǝ hʋlǝɣǝna sɩ nɔɣɔ ŋka ma na-mɛ tǝ pɛɛlaa tɔ, ka wɛ tam tɔɔ. Pǝ tɔɔ kɛ́ pǝ wɛɛ sɩ pá tʋɣɩ tɔm kɛ paa tɔɣɔnaɣa kʋhaʋ ŋku kʋ taa.
2777	LEV 2:14	Ye yʋlʋ lǝsǝɣɩ ɩ tawa kancaalaɣa kʋlʋlʋm kʋhaʋ, ɩ wɔkɩ pǝ́ na pǝ lɔɔtʋ kɛ́, na ɩ́ yɔtɩ.
2780	LEV 3:1	Ḿpʋ́ɣʋ́ Tacaa tasaa sɩ: Ye nɔɣɔlʋ caa ɩ la-m nɔɣɔ kʋlʋmaɣa kpɛntʋɣʋ kɔtaɣa kɛ naʋ. Pǝ wɛɛ sɩ, apalʋnyǝŋ yaa alʋ nyǝŋ wei ɩ tiili tá caamɩ tɔɣɔ ɩ ká kɔna.
2785	LEV 3:6	Ye ɩsɩɩ heu yaa pǝ́ŋ́ kɛ yʋlʋ lakɩ Tacaa kɛ nɔɣɔ kʋlʋmaɣa kpɛntʋɣʋ kɔtaɣa. Apalʋ yaa alʋ nyǝŋ wei ɩ tiili tá caamɩ tɔɣɔ ɩ ká kɔna.