2	GEN 1:2	Tɛtʋ ntɩ tɩɩ wɛ kpɛtɛ kɛ́ tǝ fɛɩ tapʋɣʋ tǝ fɛɩ nɔɣɔ, na teŋku lumaŋ nyǝŋ waasa pǝ tɔɔ na sǝkpɛtʋɣʋ nyalaa, na pǝ́ kaasɩ na Ɩsɔ heelim náá makɩ lʋm tɔɔ.
4	GEN 1:4	Ɩsɔ laŋlɛ hɛɛna pǝ naakʋɣʋ mpʋ tɔ, ɩlɛna ɩ́ faɣa-wɩ na sǝkpɛtʋɣʋ.
6	GEN 1:6	Ɩlɛna Ɩsɔ tɔ́ sɩ: Patǝma ɩ́ wɛɛ ɩsɔtaa, ɩlɛna pǝ́ faɣa ɩsɔtɔnʋɣʋ taa lʋm na atɛ nyǝm.
14	GEN 1:14	Mpʋɣʋlɛ Ɩsɔ tɔma sɩ: Kɔkɔsɩ ɩ́ wɛɛ ɩsɔtaa na sɩ́ faɣa ilim na ahoo, na kʋyɛɛŋ na pɩɩsɩ na lʋŋlɛ na yoluma,
18	GEN 1:18	na sɩ́ tɔkɩ kawulaɣa kɛ ilim na ahoo, na sɩ́ faɣa ilim na sǝkpɛtʋɣʋ.
34	GEN 2:3	Pǝ tɔɔ kɛ́ Ɩsɔ koola-kʋɣʋ kʋpantʋ na ɩ́ faɣasɩ-kʋ na kʋ mpaa sɩ kʋ kɛ́ ɩ nyǝŋkʋ.
36	GEN 2:5	nyɩɩtʋ taa tiika nakǝlɩ ka taa fɛɩ tɛtʋ tɔɔ, pǝ́cɔ́ nyiilaɣa nakǝlɩ ka taa nyɔɔkɩ. Mpi tɔ, Tacaa Ɩsɔ táá yelǝta sɩ tɛʋ ɩ́ nɩɩ. Pǝyele yʋlʋ nɔɣɔlʋ ɩ taa fɛɩ sɩ ɩ́ hala tɛtʋ.
38	GEN 2:7	Ḿpʋ́ɣʋ́ Tacaa Ɩsɔ kpaɣa tɛtʋ na ɩ́ lá yʋlʋ, ɩlɛna ɩ́ woso yʋlʋ mɩɩna tɛɛ kɛ́ weesuɣu heelim. Tǝnaɣalɛ yʋlʋ sʋʋ feesuɣu.
41	GEN 2:10	Na pɔɣɔ nakǝlɩ kɛlɛ ká faɣa Ɩteni taa na ká niɣitiɣi tɩɩŋ taalɛ na ká hɛla pusi liɣiti kɛ Ɩteni waalɩ.
42	GEN 2:11	Kancaalaɣa nyǝŋka hǝtɛ ntɛ́ Pisɔŋ, kɛlɛ ka cɔɔna Hafila tɛtʋ nti tǝ taa wʋla kʋpaŋ na tulaalʋ kʋpaŋ na liɣitee pǝlɛ kʋkpɛɛtǝlɛ pǝ wɛɛ tɔ.
45	GEN 2:14	Na tooso nyǝŋka hǝtɛ ntɛ́ Tikili, kɛlɛ ka kpeŋna na ilim tǝlɩɩlɛ tɔɔ kɛ́ Asilii tɛtʋ taa. Pɔɣɔ liɣiti nyǝŋka hǝtɛ ntɛ́ Ɩfǝlatɩ.
48	GEN 2:17	Ama kʋpantʋ na ɩsaɣatʋ pǝ cɛkǝnaʋ tʋɣʋ pee paasi kɛ́ n kaa tǝŋ. Pɔpɔtʋ fɛɩ leleŋ, kʋyaŋku ń tɔɣɔ-yɛ ɩsɩɩ n sǝpa.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
56	GEN 2:25	Yʋlʋ na ɩ alʋ pa tɔŋaɣa kpɛla kɛ pa naalɛɣɛ, pǝ́cɔ́ fɛɛlɛ natǝlɩ tǝ fɛɩ-wɛ.
76	GEN 3:20	Mpʋɣʋlɛ Atam ha ɩ alʋ sɩ Ɩfa. Mpi tɔ, ɩnǝɣǝlɛ yǝlaa tǝna too.
81	GEN 4:1	Ḿpʋ́ɣʋ́ Atam nyǝmá ɩ alʋ Ɩfa na ɩ́lɛ́ ɩ́ lá teu na ɩ́ lʋlɩ Kayini. Ɩlɛna ɩ́ tɔ́ sɩ: Ma hika apalʋpǝyaɣa na Tacaa toŋ.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
105	GEN 4:25	Atam pa tasa apalʋpǝyaɣa kɛ lʋlʋɣʋ ɩlɛna Ɩfa ha-kɛɣɛ hǝtɛ sɩ Sɛɛtɩ, sɩ Tacaa ha ɩnǝɣɩ apalʋpǝyaɣa lɛŋka kɛ Apɛɛlɩ wei Kayini kʋwa tɔ ɩ lonte.
133	GEN 5:27	Metusalɛm pɩɩsɩ tǝna yoosa nasǝnaasa na nɩɩnʋwa na pɔɣɔlaɣafɛɩ nɩɩtoso na naanʋwa (969) ɩlɛna ɩ́ sɩ́.
138	GEN 5:32	Nowee pɩɩsɩ lapa nasǝlɛ na nɩɩnʋwa (500) ɩlɛna ɩ́ lʋlɩ Sem na Kam na Yɛfɛtɛ.
141	GEN 6:3	Ntɛna ɩ́ tɔ́ sɩ: Ma feesuɣu kaa caɣa yʋlʋ taa kɛ́ tam. Mpi tɔ, ɩ kɛ́ yʋlʋ kɛ́. Pǝ tɔɔ tɔ pǝ kpaɣaʋ pǝnɛntɛ tɔ ɩ weesuɣu tǝna taɣalǝŋ ntɛ́ pɩɩsɩ nɩɩnʋwa na hiu (120).
143	GEN 6:5	Ḿpʋ́ɣʋ́ Tacaa nawa sɩ yǝlaa ɩsaɣatʋ tɛlǝsa mpǝle kɛ tɛtʋ taa, na ɩsaɣalǝmaɣasǝlɛ tike kɛ pa wɛna paa ɩfemle nte.
147	GEN 6:9	Nowee na ɩ nyǝ́ma pa tɔm ntɔ. Nowee ka wɛna piya tooso kɛ́, Sem, na Kam, na Yɛfɛtɛ. Ɩ ka kɛ́ kʋpaŋ kɛ́ na ɩ́ siɣisaa na ɩ́ tǝŋǝɣɩ Ɩsɔ kɛ́ teu kɛ ɩ waatʋ taa na Ɩsɔ wɛ ɩ waalɩ.
155	GEN 6:17	Ɩlɛna máá yele na lʋm sɔsɔɔm watɩ tɛtʋ tɔɔ, na má kʋ́ pǝ tǝna mpi pǝ feesiɣi tɔ. Tɛtʋ tɔɔ nyǝm tǝna ká sǝna.
162	GEN 7:2	Lǝsɩ wontu nti pa pǝsǝɣɩ pá lá kɔtaɣa tɔɣɔ apalʋ na alʋ kɛ́ tɔm naatosompɔɣɔlaɣa. Ɩlɛna ń lǝsɩ nti tǝ fɛɩ kɔtaɣa lapǝnaʋ tɔɣɔ apalʋ na alʋ tike.
167	GEN 7:7	Ɩlɛna ɩ́ na ɩ alʋ na ɩ pǝyalaa na ɩ poolaa pá sʋʋ atakaa pɔɣɔlʋɣʋ taa na pá fiti lʋm kʋ́wáásǝm mpɩ.
168	GEN 7:8	Ḿpʋ́ɣʋ́ wontu nti pa pǝsǝɣɩ pá lá kɔtaɣa tɔ na nti tǝ fɛɩ kɔtaɣa lapǝnaʋ tɔ na sumasɩ na atɛ nyamanyamanaa tǝna
173	GEN 7:13	Kʋyakʋ ŋkʋ kʋ maɣamaɣa kɛ Nowee na ɩ alʋ na ɩ pǝyalaa Sem na Kam na Yɛfɛtɛ na ɩ poolaa tooso pa sʋʋ atakaa pɔɣɔlʋɣʋ.
186	GEN 8:2	Na atɛ sɛɛlaa tǝkɩ na ɩsɔtɔnʋɣʋ nyala na tɛʋ fɛɛ kʋ ta tasa nɩɩʋ.
224	GEN 9:18	Nowee na ɩ pǝyalaa mpa pa lɩɩ atakaa pɔɣɔlʋɣʋ taa tɔɣɔlɛ Sem na Kam na Yɛfɛtɛ. Kam ɩ́lɛ́ ɩ́ lʋlǝna Kanaaŋ.
229	GEN 9:23	Ntɛna Sem na Yɛfɛtɛ pá kpaɣa kpaɩ na pá hɔɣɔlɩ-ɩ na pá tɔna waalɩ waalɩ na pá takɩ pa caa. Ɩlɛ pa ta na ɩ tapakpɛtɛ. Mpi tɔ, waalɩ waalɩ kɛ́ pa tɔmnaa.
233	GEN 9:27	Ɩsɔ ɩ́ walǝsɩ Yɛfɛtɛ tǝhikile, na ɩ́ caɣa Sem tɛ́, na pǝ́ lá Kanaaŋ kɛ pa yom.
236	GEN 10:1	Nowee piya Sem na Kam na Yɛfɛtɛ pa lʋla piya mpaɣa lʋm waasʋɣʋ waalɩ tɔ pa hǝla ntɔ.
237	GEN 10:2	Yɛfɛtɛ ɩ́lɛ́ ɩ́ piya ntɔ. Komɛɛ, na Makɔkɩ, na Matayi, na Yafaŋ, na Tupaalɩ, na Mesɛkɩ, na Tilaa.
238	GEN 10:3	Komɛɛ ɩ́lɛ́ ɩ́ piya ntɛ́ Asǝkǝnaasɩ, na Lifa, na Tokaama.
239	GEN 10:4	Yafaŋ piya ntɛ́, Ɩlisa, na Taasɩ, na Kitim, na Lutanim.
242	GEN 10:7	Kusi piya ntɛ́ Sepa, na Hafila, na Sapǝta, na Lakǝma, na Sapǝteka. Lakǝma piya ntɛ́, Sapaa, na Tetaŋ.
246	GEN 10:11	Tɛtʋ ntɩ tǝ taa kɛ́ ɩ lɩɩwa na ɩ́ polo Asilii na ɩ́ ŋmá Ninifi, na Lehopoti-Hiili, na Kela,
247	GEN 10:12	na Lɛsaŋ kɛ Ninifi na Kela ɩcatɛ sɔsɔɔlɛ pa hɛkʋ.
248	GEN 10:13	Misilayim ná lʋlǝna ntɛɣɛ Lutɩ nyǝ́ma, na Anem nyǝ́ma, na Lehapɩ nyǝ́ma, na Nafutu nyǝ́ma,
249	GEN 10:14	na Patǝlɔsɩ nyǝ́ma, na Kasulu nyǝ́ma, na Kafǝtɔɔ nyǝ́ma. Tǝnaɣa Filiisi nyǝ́ma ná lɩɩwa.
252	GEN 10:17	na Hifi nyǝ́ma, na Alǝki nyǝ́ma na Sini nyǝ́ma,
253	GEN 10:18	na Alǝfatɩ nyǝ́ma, na Semalii nyǝ́ma, na Hamatɩ nyǝ́ma. Pǝ waalɩ kɛ́ Kanaaŋ lʋlʋŋ nyǝ́ma ná yawa.
256	GEN 10:21	Yɛfɛtɛ pa taalʋ Sem ɩ́lɛ́ ɩ lʋla piya tɔtɔ na kʋlʋm ɩnǝɣǝlɛ Ɩpɛɛ na ɩ lʋlʋŋ nyǝ́ma caa.
261	GEN 10:26	Yɔkǝtaŋ ná lʋlǝna Alǝmotatɩ, na Selɛfɩ, na Hasamafɛtɩ, na Yela,
264	GEN 10:29	na Ofii, na Hafila, na Yopapɩ. Yɔkǝtaŋ piya ntɛ́ pa tǝnaɣa mpʋ.
265	GEN 10:30	Pa tǝcaɣalɛ ntɛ́ pǝ kpaɣaʋ Mesa na pulasɩ hɔɣɔlʋɣʋ ŋku pa yaa sɩ Sefaa tɔ na ilim tǝlɩɩlɛ tɔɔ.
286	GEN 11:19	Leu lʋlʋɣʋ waalɩ ɩ tɔɣɔ pɩɩsɩ pɔɣɔlaɣafɛɩ ŋmʋnʋɣʋ na naanʋwa (209) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
291	GEN 11:24	Nahoo pɩɩsɩ lapa pɔɣɔlaɣafɛɩ hiu na naanʋwa kɛ́ ɩlɛna ɩ́ lʋlɩ Tela.
292	GEN 11:25	Tela lʋlʋɣʋ waalɩ Nahoo tɔɣɔ pɩɩsɩ pɔɣɔlaɣafɛɩ nɩɩnʋwa na hiu (119) na sɩ taa kɛ́ ɩ tasa apalʋpiya na alʋpiya kɛ lʋlʋɣʋ.
297	GEN 11:30	Salaɩ ɩ́lɛ́ ɩ́ ka kɛ́ kaalʋlaɣa kɛ́ ɩ fɛɩ pǝyaɣa.
305	GEN 12:6	ɩ́ faɣa tǝ taa na ɩ́ polo Molee tɩɩŋ sɔsɔɔŋ tɛɛ kɛ́ timpi pa yaa sɩ Sikɛm tɔ. Waatʋ ɩnɩ Kanaaŋ nyǝ́ma ká wɛnna hɔɣɔlʋɣʋ ŋkʋ kʋ taa.
1535	EXO 1:2	Lupɛŋ, na Simiyɔŋ, na Lefii, na Yuta, na
1537	EXO 1:4	na Taŋ, na Nɛfǝtali, na Katɩ, na Asɛɛ.
1538	EXO 1:5	Yakɔpʋ pǝyalaa na ɩ saalǝnaa mpɛ pa tǝna paa wɛ yʋlʋnyɔɔŋ nɩɩtoso na naanʋwa (70) kɛ́. Ɩlɛ ɩ pǝyalʋ lɛlʋ Yosɛɛfʋ ná laala-wɛɣɛ Icipiti kɛ pote.
1539	EXO 1:6	Pǝ waalɩ kɛ́ Yosɛɛfʋ na ɩ taalʋnaa mpa paa pola Icipiti tɔ pa sǝpa pa tǝna.
1540	EXO 1:7	Paa na mpʋ Ɩsɛɣɛlɩ nyǝ́ma mpɛ pa huka teu tǝyomyom na pá sú tɛtʋ na pa toŋ fɛɩna saala.
1541	EXO 1:8	Ḿpʋ́ɣʋ́ wulaʋ kʋfalʋ nɔɣɔlʋ ná tɔɣɔ kawulaɣa. Ama ɩ́lɛ́ ɩ ta nyɩ Yosɛɛfʋ.
1544	EXO 1:11	Tǝnaɣalɛ Icipiti nyǝ́ma tʋwa Ɩsɛɣɛlɩ nyǝ́ma kɛ yomle tǝma wahala nyǝna. Na pá kpa a feŋlaa na pɛlɛ pá tʋɣʋ-wɛɣɛ-yɛ. Halɩ Ɩsɛɣɛlɩ nyǝ́ma mpɛ pa ŋmana acalɛɛ wena pa yaa sɩ Pitom na Lamsɛsɩ tɔ. Tǝnaɣa Icipiti wulaʋ sɩɩkɩ ɩ wontu.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1549	EXO 1:16	Ɩ́ feŋiɣi Hepǝla alaa tǝlʋllɛ na ɩ́ kʋɣɩ apalʋpiya kɛ saaʋ taa kɛ́ kpakpaa. Ama ɩ́ yeki alʋpiya.
1552	EXO 1:19	Ntɛna lʋlǝsǝlaa mpɛ sɩ: Hepǝla alaa faɣana Icipiti nyǝ́ma kɛ yoo. Pa apalʋtʋ wɛ sɔɣɔntʋ. Pa lʋlǝɣɩ pa piya kɛ́ na pǝ́cɔ́ táá takɩ.
1556	EXO 2:1	Ḿpʋ́ɣʋ́ Lefii tʋ nɔɣɔlʋ ɩ kpaɣa Lefii alʋ nɔɣɔlʋ.
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1576	EXO 2:21	Ḿpʋ́ɣʋ́ Moisi tisaa na ɩ́ caɣa apalʋ ɩnɩ ɩ tɛ. Halǝna ɩ́lɛ́ ɩ ha-ɩ ɩ pɛɛlɔ Sefola na ɩ́ lá alʋ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1597	EXO 3:17	Na ɩ tʋ́ ɩ taa sɩ ɩ lǝsǝɣɩ-mɛɣɛ wahala tɛtʋ taa cǝnɛ na ɩ́ pona-mɛɣɛ Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma pa tɛtʋ taa, timpi tɔɣɔnaɣa na kʋpantʋ tǝna tɔla yem tǝhɔ tɔ.
1616	EXO 4:14	Tǝnaɣalɛ Moisi tɔm lapa Tacaa kɛ pááná na ɩ́ tɔmɩ-ɩ sɩ: Nyá taalʋ Lefii tʋ Alɔŋ wɛɛ. Halɩ ɩ́lɛ́ ɩ tɩɩ lɩɩna ntɛɣɛ nyá sǝŋʋɣʋ, na ɩ́ loosa-ŋ ɩ laŋhʋlʋmlɛ ká wɛɛ sɔɣɔntʋ.
1620	EXO 4:18	Ḿpʋ́ɣʋ́ Moisi mǝla ɩ yǝtɩ Yetulo cɔlɔ na ɩ́ heeli-ɩ sɩ: Ma mǝlǝɣɩ Icipiti na má ná Ɩsɛɣɛlɩ nyǝ́ma alaafǝya. Ntɛna ɩ́lɛ́ sɩ pǝ wɛ teu, polo.
1627	EXO 4:25	Tǝnaɣalɛ ɩ alʋ Sefola kpaɣa kpantanyaalʋɣʋ na ɩ́ pɛlɩ pǝyaɣa hǝnnɔɣɔ na ɩ́ tokina-kɛɣɛ Moisi tɛɛ na ɩ́ tɔ sɩ: N kɛ-m calǝm apalʋ kɛ́. Pɛlʋɣʋ tɔm kɛ Sefola yɔɣɔtǝna mpʋ. Ɩlɛna Ɩsɔ yele Moisi.
1635	EXO 5:2	Tǝnaɣalɛ Icipiti wulaʋ nɔɣɔ tǝkpaʋ sɩ: Aweɣe Ɩsɔ Tacaa ye? Ma ta nyɩ pʋntʋ. Ɩlɛ ma fɛɩ sɩ ma nɩɩkɩ ɩ tɔm na má yele Ɩsɛɣɛlɩ nyǝ́ma sɩ pá polo tiili.
1639	EXO 5:6	Kʋyakʋ ŋkʋɣʋ Icipiti wulaʋ heela Icipiti nyǝ́ma mpa pa kɛ́ wahala tǝma feŋlaa sɔsaa tɔ, na mpa pa kɛ́ feŋlaa sǝkpema kɛ Ɩsɛɣɛlɩ nyǝ́ma taa tɔ
1640	EXO 5:7	sɩ: Ɩ́ taa tasa-wɛɣɛ pilikinaa kasaaloka cɛlʋɣʋ kɛ faalaa. Pa maɣamaɣa paa pukina na pá kʋŋ.
1641	EXO 5:8	Pǝ́cɔ́ pǝ fɛɩ sɩ pa pikilinaa ɩ́ sɛkɩ ɩsɩɩ pa tɩɩ ŋmaakɩ tɔ. Felentunaa kɛ-wɛɣɛ. Pǝ tɔɔ kɛ́ pa kɔma ma kiŋ sɩ má ha-wɛɣɛ mpaaʋ na pá polo pá lá pa Ɩsɔ kɛ́ kɔtasɩ.
1643	EXO 5:10	Ḿpʋ́ɣʋ́ feŋlaa sɔsaa na sǝkpema pa lɩɩ Icipiti wulaʋ tɛ́ na pá polo pa heeli Ɩsɛɣɛlɩ nyǝ́ma sɩ: Wulaʋ sɩ, tǝ́ taa tasa-mɛɣɛ kasaaloka cɛlʋɣʋ.
1646	EXO 5:13	Na feŋlaa sɔsaa náá caalǝɣɩ-wɛ na toŋ sɩ pǝ wɛɛ sɩ pá tɛŋ paa ɩfemle nte tǝ pilikinaa kɛ teitei, ɩsɩɩ too paa cɛlaɣa-wɛɣɛ kasaaloka kɛ kʋcɛlʋ tɔ.
1647	EXO 5:14	Halǝna feŋlaa sɔsaa mpɛ pá makɩ sǝkpema mpa paa kpawa Ɩsɛɣɛlɩ nyǝ́ma taa tɔ. Sɩ pepe tɔɔ kɛ́ nɔɔnɔɔ samaa ɩɩ lakɩ pilikinaa, na pǝ́ takɩ ɩsɩɩ too paa sɩɩʋ tɔ.
1648	EXO 5:15	Ḿpʋ́ɣʋ́ feŋlaa sǝkpema mpɛ pa pola Icipiti wulaʋ kiŋ sɩ pa hʋ́lǝ́ɣɩ́-ɩ pa wahala na pá wiina-ɩ sɩ: Haɩ, tá caa, pepe tɔɔ kɛ́ n naasǝɣɩ-tʋɣʋ mpʋ?
1650	EXO 5:17	Tǝnaɣalɛ Icipiti wulaʋ nɔɣɔ tǝkpaʋ sɩ: Ɩ́ kɛ́ felentunaa kpitikpitinaa kɛ́, pǝ maɣamaɣa pǝ tɔɔ kɛ́ ɩ́ waakǝna sɩ ɩ́ puki Ɩsɔ kɛ́ kɔtaɣa lapʋ.
1651	EXO 5:18	Ɩ́ kʋlɩ na ɩ́ tɛɛ mǝ tǝma taa. Nɔɣɔlʋ kaa cɛla-mɛɣɛ kasaaloka kɛ faalaa. Pǝyele ɩ́ ká ŋmá pilikinaa kɛ teitei kɛ́ ɩsɩɩ ɩ́ tɩɩ ŋmaakɩ tɔ.
1652	EXO 5:19	Ḿpʋ́ɣʋ́ feŋlaa mpɛ pa laŋá wakǝlaa. Mpi tɔ, pa heela-wɛ sɩ paa ŋmaakɩ pilikinaa kɛ paa ɩfemle nteɣe tǝcʋŋŋ ɩsɩɩ paa sɩɩwa tɔ.
1668	EXO 6:12	Ntɛna Moisi nɔɣɔ tǝkpaʋ sɩ: Ɩsɛɣɛlɩ nyǝ́ma maɣamaɣa ná tá nɩɩna-m kacaŋfana Icipiti wulaʋ? Halɩ maa tɩɩ pǝsǝɣɩ yɔɣɔtaɣa kɛ ɩsǝntɔ tɔ, pǝ tɩɩ tɛɛsaa kɛlɛ.
1672	EXO 6:16	Lefii pǝyalaa mpa pa kɛ́ ɩ lʋlʋɣʋ loosi nyǝ́ma cɔsɔnaa tɔ pa wɛ yǝlaa tooso kɛ́. Pa hǝla ntɛ́ Kɛɛsɔŋ, na Kehatɩ, na Melali. Lefii ɩnɩ ɩ lʋlʋɣʋ pɩɩsɩ ntɛ́ nɩɩnʋwa na hiu na naanʋwa na naatosompɔɣɔlaɣa (137).
1675	EXO 6:19	Melali ɩ́lɛ́ ɩ pǝyalaa ntɛ́ Malii na Musi. Pɛlɛɣɛlɛ Lefii nyǝ́ma lʋlʋŋ loosi nyǝ́ma cɔsɔnaa.
1677	EXO 6:21	Ɩsakaa ɩ́lɛ́ ɩ pǝyalaa ntɛ́ Kolee, na Nekɛfɩ, na Sikǝli.
1678	EXO 6:22	Usiyɛlɩ pǝyalaa ntɛ́ Mikayɛɛlɩ, na Ilisafaŋ, na Sitili.
1680	EXO 6:24	Kolee ɩ́lɛ́ ɩ pǝyalaa ntɛ́ Asii, na Ɩlikana, na Apiyasafɩ. Pɛlɛɣɛlɛ Kolee lʋlʋɣʋ loosi nyǝ́ma cɔsɔnaa.
1681	EXO 6:25	Putiyɛlɩ pɛɛlɔ nɔɣɔlʋ kɛ Alɔŋ pǝyalʋ Ɩlasaa ná kpaɣaa na ɩ́lɛ́ ɩ́ lʋlɩ Pɛŋhasɩ. Lefii lʋlʋɣʋ nyǝ́ma loosi nyǝ́ma cɔsɔnaa hǝla ntɛ́.
1701	EXO 7:15	Tɔʋ, cele kʋ fema n lɩɩ lɔŋ na ń kpaɣa nyá kpátʋ́ɣʋ́ ŋku kɩɩ pǝsa tʋm tɔ, na ń polo ɩ tɛɣɛ saa wei ɩ tiiki pɔɣɔ tɔ, na ń taŋɩ-ɩ kʋteŋ tɔɔ.
1710	EXO 7:24	Tǝnaɣa Icipiti nyǝ́ma tǝna sʋʋ hila laasʋɣʋ na pá malǝɣɩ pɔɣɔ sɩ pá hiki lʋm kʋnyɔnyɔɔm. Mpi tɔ, pɔɣɔ nyǝm taa fɛɩ nyɔɔʋ.
1721	EXO 8:6	Kɛlɛna wulaʋ sɩ: Cele kɛ ma caakɩ sɩ ń sǝlǝmɩ Ɩsɔ. Ntɛna Moisi sɩ: Tɔʋ, pǝ wɛ teu. Maa la mpʋ, ɩlɛna pǝ́cɔ́ ń cɛkǝna sɩ tá Ɩsɔ Tacaa fɛɩna saala.
1722	EXO 8:7	Pɔpɔtʋ fɛɩ leleŋ, salɛɛ ká lɩɩ nyana nyá samaa na nyá tǝmlɛ nyǝ́ma mǝ tɛɛsɩ taa na á mǝlɩ pɔɣɔ taa tike.