2	GEN 1:2	Tɛtʋ ntɩ tɩɩ wɛ kpɛtɛ kɛ́ tǝ fɛɩ tapʋɣʋ tǝ fɛɩ nɔɣɔ, na teŋku lumaŋ nyǝŋ waasa pǝ tɔɔ na sǝkpɛtʋɣʋ nyalaa, na pǝ́ kaasɩ na Ɩsɔ heelim náá makɩ lʋm tɔɔ.
7	GEN 1:7	Ɩlɛna pǝ́ lá mpʋ.
9	GEN 1:9	Ḿpʋ́ɣʋ́ Ɩsɔ tɔma sɩ: Atɛ lʋm ɩ́ kpɛntɩ lona paɣalɛ taa na pǝ́ yele puɣulaɣa tɛtʋ. Ɩlɛna pǝ́ lá mpʋ.
11	GEN 1:11	Ntɛna Ɩsɔ tɔ́ sɩ: Tɛtʋ ɩ́ lʋlǝsɩ kʋnyɔnyɔm mpi pǝ wɛ tǝlɛkʋlɛkʋ tɔɣɔ waanɩ waanɩ ɩsɩɩ tɩɩŋ na nyɩɩtʋ na pǝ́ lʋlǝɣɩ pǝ pee na á wɛ nyɔʋ. Ɩlɛna pǝ́ lá mpʋ.
15	GEN 1:15	na sɩ́ naakɩ tɛtʋ, ɩlɛna pǝ́ lá mpʋ.
20	GEN 1:20	Ḿpʋ́ɣʋ́ Ɩsɔ tɔma sɩ: Weesuɣu nyǝm ɩ́ sú lʋmnaa taa na sumasɩ náá kʋlǝɣɩ ɩsɔtaa.
21	GEN 1:21	Ɩlɛna Ɩsɔ lá lʋm taa tɔɣɔlǝŋ na pǝ taa weesuɣu nyǝmnaa kɛ waanɩ waanɩ, na sumasɩ tǝna, na ɩ laŋlɛ hɛɛ,
22	GEN 1:22	na ɩ́ kooli-tǝɣɩ kʋpantʋ na ɩ́ tɔ́ sɩ: Ɩ́ lʋlɩ na ɩ́ huki na ɩ́ sú teŋkunaa, na sumasɩ náá huki tɛtʋ tɔɔ.
24	GEN 1:24	Ḿpʋ́ɣʋ́ Ɩsɔ tɔma sɩ: Tɛtʋ ɩ́ lʋlǝsɩ weesuɣu nyǝm tǝnaɣa waanɩ waanɩ ɩsɩɩ tɔla na taalɛ wontu na atɛ nyamanyamanaa tǝna, ɩlɛna pǝ́ lá mpʋ.
26	GEN 1:26	Ḿpʋ́ɣʋ́ Ɩsɔ tɔma sɩ: Tǝ́ ŋmá yʋlʋ na ɩ́ wɛɛ ɩsɩɩ tá tǝtɛŋɛlɛŋ na ɩ́ tɔɣɔ kawulaɣa kɛ wontu tǝna tɔɔ, paa tiina paa sumasɩ paa nti.
27	GEN 1:27	Kɛlɛna ɩ́ ŋmá yʋlʋ ɩsɩɩ ɩ maɣamaɣa ɩ wɛɛ tɔ. Apalʋ na alʋ kɛ ɩ ŋmá-wɛ ɩsɩɩ ɩ wɛʋ tɔ
30	GEN 1:30	Wontu na sumasɩ na weesuɣu nyǝm tǝna tɔɣɔnaɣa ntɛ́ nyɩɩtʋ kʋlɛkǝlɛkǝtʋ tǝna. Ɩlɛna pǝ́ lá mpʋ.
36	GEN 2:5	nyɩɩtʋ taa tiika nakǝlɩ ka taa fɛɩ tɛtʋ tɔɔ, pǝ́cɔ́ nyiilaɣa nakǝlɩ ka taa nyɔɔkɩ. Mpi tɔ, Tacaa Ɩsɔ táá yelǝta sɩ tɛʋ ɩ́ nɩɩ. Pǝyele yʋlʋ nɔɣɔlʋ ɩ taa fɛɩ sɩ ɩ́ hala tɛtʋ.
38	GEN 2:7	Ḿpʋ́ɣʋ́ Tacaa Ɩsɔ kpaɣa tɛtʋ na ɩ́ lá yʋlʋ, ɩlɛna ɩ́ woso yʋlʋ mɩɩna tɛɛ kɛ́ weesuɣu heelim. Tǝnaɣalɛ yʋlʋ sʋʋ feesuɣu.
39	GEN 2:8	Ɩlɛna ɩ́ lá tɩɩŋ taalɛ kɛ Ɩteni taa kɛ́ ilim tǝlɩɩlɛ tɔɔ, na ɩ́ sɩɩ yʋlʋ ɩnǝɣɩ tǝ taa.
41	GEN 2:10	Na pɔɣɔ nakǝlɩ kɛlɛ ká faɣa Ɩteni taa na ká niɣitiɣi tɩɩŋ taalɛ na ká hɛla pusi liɣiti kɛ Ɩteni waalɩ.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
52	GEN 2:21	Ɩlɛna Tacaa Ɩsɔ lá na tom kpa yʋlʋ na ɩ́ too ɩsɩɩ ɩ́ sǝpa, na ɩ́ lǝsɩ ɩ sǝntaaɣa lɛŋka na ɩ́ waasɩ nantʋ kɛ ka lonte.
54	GEN 2:23	Tǝnaɣalɛ yʋlʋ tɔma sɩ: Aŋhaa, má na ɩnɛ tǝ kaana nantʋ na mʋwa. Mpi tɔ, ma taa kɛ́ pa lǝsa-ɩ, ɩ́lɛ́ ɩ hǝtɛ ntɛ́ alʋ.
55	GEN 2:24	Pǝ tɔɔ kɛ́ apalʋ ka yele ɩ caa na ɩ too na ɩ́ na ɩ alʋ pá caɣa na pá pǝsɩ yʋlʋ kʋlʋm.
58	GEN 3:2	Kɛlɛna alʋ náá cɔ sɩ: Aaɩ, tǝ tɔ́kɩ halǝm tɩɩŋ tǝna pee kɛ́.
61	GEN 3:5	Ama Ɩsɔ nyǝ́má sɩ kʋyakʋ ŋku ɩ́ tǝŋa-yɛ, mǝ ɩsɛ kuliɣi kɛ́ ɩsɩɩ ɩnɩ ɩ wɛʋ tɔ, na ɩ́ nyǝ́má kʋpantʋ na ɩsaɣatʋ.
63	GEN 3:7	Tǝnaɣalɛ pǝ kula pa naalɛɣɛ mpʋ pa ɩsɛ na pá cɛkǝna sɩ pa wɛ tapakpɛla. Ɩlɛna pá caa hatʋ kʋwalǝtʋ natǝlɩ na pá tɔɣɔlɩ.
64	GEN 3:8	Pǝ kɛɛsa taanaɣa ɩlɛ Ɩsɔ Tacaa pola ɩ taalɛ tɔɔ kɛ́ cɔɔʋ ntɛ́ na pá nɩɩ ɩ nɔɣɔ. Ɩlɛna yʋlʋ na ɩ alʋ pá sé na pá ŋmɛlɩ taalɛ tɩɩŋ hɛkʋ taa.
65	GEN 3:9	Ama Ɩsɔ Tacaa yáá yʋlʋ sɩ: Leɣe n wɛna ye?
66	GEN 3:10	Ḿpʋ́ɣʋ́ ɩ cɔwa sɩ: Ma nɩɩ nyá nɔɣɔ kɛ taalɛ taa ɩlɛna sɔɣɔntʋ kpa-m na má sé na má ŋmɛlɩ. Mpi tɔ, ma wɛ tapakpɛtɛ.
68	GEN 3:12	Kɛlɛna yʋlʋ sɩ: Ma tɔɣaa yáá, ɩlɛ alʋ wei ɩnɩ n ha-m tɔ ɩnɩ ɩ cɛlǝna-m na má tɔɣɔ.
69	GEN 3:13	Ntɛna Ɩsɔ Tacaa pɔɔsɩ alʋ sɩ: Pepe tɔɔ kɛ́ nyá lapa mpʋ? Alʋ nɔɣɔ tǝkpaʋ sɩ: Tʋm tʋsǝna-m na má tɔɣɔ.
70	GEN 3:14	Ḿpʋ́ɣʋ́ Tacaa tɔma tʋm sɩ: Timpi n lapa mpʋ tɔ, pɩɩ kpatɩ nyá yule tɔɔ kɛ́ kpaakpaalɛ na pǝ́ kǝlɩ wontu tǝna, nyá lotu tɔɔ kɛ́ n ká tuuki nɔɔnɔɔ na ń tɔ́kɩ tɛtʋ, halǝna nyá sǝm.
71	GEN 3:15	Maa tʋ́ patɩɩlɛ kɛ nyá na alʋ mǝ hɛkʋ, na nyá lʋlʋɣʋ nyǝ́ma na ɩ lʋlʋɣʋ nyǝ́ma pa hɛkʋ, paa naŋtɩ nyá nyʋɣʋ na nyáá ló pɛlɛ pa nɔɔkikite.
72	GEN 3:16	Ɩlɛna Ɩsɔ tɔ́ alʋ sɩ: Maa sɔɔsɩ-ŋ wʋsasɩ kɛ nyá ahontotʋ waatʋ, na nsǝɣɩ n ká lʋlǝna, na n ká nyɩɩlǝɣɩ nyá paalʋ kɛ́ teu. Ama ɩ́lɛ́ ɩ ká la nyá sɔsɔ.
73	GEN 3:17	Ɩlɛna ɩ́ pǝsǝna apalʋ tɔɔ sɩ: Timpi n nɩɩna nyá alʋ na ń tɔɣɔ tʋɣʋ ŋku maa kisina-ŋ tɔ. Ma tǝŋsǝɣɩ tɛtʋ kɛ mpusi kɛ́ nyá maɣamaɣa nyá tɔɔ. Wahala na wahala kɛ́ na pǝ́cɔ́ ń hiki nyá tɔɣɔnaɣa halǝna nyá sǝm.
74	GEN 3:18	Nyɩɩtʋ ɩsaɣatʋ kɛ n ká hala na pǝ́cɔ́ ń hiki nyá hatǝmʋtʋ.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
78	GEN 3:22	Tǝnaɣa Ɩsɔ Tacaa yɔɣɔtaa sɩ: Nɔɔnɔɔ yʋlʋ pǝsa ɩsɩɩ tá taa nɔɣɔlʋɣʋlɛ kʋpantʋ na ɩsaɣatʋ pǝ nyǝm tɔm taa. Pǝ tɔɔ tɔ, tǝ́ taa yele na ɩ́ tɔɣɔ weesuɣu tʋɣʋ pǝle na ɩ́ wɛɛna weesuɣu kɛ tam tɔɔ.
80	GEN 3:24	Mpʋ pǝ lapǝna na ɩ́ tɔɣɔnɩ Atam na ɩ́ sɩɩ ɩsɔtaa taŋlaa na pá taŋ taalɛ mpaaʋ na pá ŋmɛlǝsǝɣɩ pa laɣalɛɛ na á mʋɣʋ kɔkɔsɩ kɛ ŋmɛlɛʋ ŋmɛlɛʋ sɩ nɔɣɔlʋ ɩ́ taa kpǝtǝna weesuɣu tʋɣʋ.
81	GEN 4:1	Ḿpʋ́ɣʋ́ Atam nyǝmá ɩ alʋ Ɩfa na ɩ́lɛ́ ɩ́ lá teu na ɩ́ lʋlɩ Kayini. Ɩlɛna ɩ́ tɔ́ sɩ: Ma hika apalʋpǝyaɣa na Tacaa toŋ.
82	GEN 4:2	Pǝlɛ pǝ waalɩ kɛ́ ɩ lʋla ɩ neu Apɛɛlɩ. Apɛɛlɩ ka kɛ́ tiikilu na Kayini kɛ hátʋ́.
83	GEN 4:3	Ḿpʋ́ɣʋ́ kʋyakʋ nakʋlɩ taalʋ lǝsa ɩ hatǝmʋtʋ taa na ɩ́ lá Tacaa kɛ kɔtaɣa.
84	GEN 4:4	Ɩlɛna neu náá kpa ɩ heeŋ taa kɛ́ kancaalaɣa kʋlʋlǝŋ nim nyǝŋ na ɩ́ lá kɔtaɣa tɔtɔ. Ɩlɛna Tacaa nyǝnɩ Apɛɛlɩ kɔtaɣa na pǝ́ kɛɛsǝna-ɩ.
86	GEN 4:6	Ɩlɛna Tacaa pɔɔsɩ-ɩ sɩ: Pepe tɔɔ kɛ́ nyá ɩsɛntaa sɔŋaa?
87	GEN 4:7	Ye kʋpantʋ kɛ n lakɩ, nyá ɩsɛntaa ɩ́ hɛtɩ. Ama ye ɩsaɣatʋ kɛ n lakɩ, kʋlʋmtʋ ntɩ tǝ papǝna ntɛɣɛ nyá nɔnɔɣɔ tɛɛ ɩsɩɩ tɔɣɔlʋɣʋ na tǝ́ taŋa-ŋ, na tǝ́ caa-ŋ kǝlʋɣʋ. Ama pǝsɩ-tɩ na ń kǝlɩ-tɩ.
89	GEN 4:9	Mpʋɣʋlɛ Tacaa pɔɔsa Kayini sɩ: Nyá neu Apɛɛlɩ wele? Ɩlɛna ɩ́ cɔ sɩ: Ma nyǝmá timpi ɩ wɛɛ tɔ? Ma kɛ́ ma neu taŋlʋ na?
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
91	GEN 4:11	Nɔɔnɔɔ tɛtʋ ká tǝŋsɩ-ŋ mpusi kɛ́ timpi n yelaa na tǝ́ haa nɔɣɔ na tǝ́ li nyá neu calǝm kɛ nyá niŋ taa tɔ.
92	GEN 4:12	Paa n ká hala-tǝɣɩ ɩsǝna, n kaa waa pʋlʋ. N ká la yem cɔɔlʋ, n kaa wɛɛna tǝyaɣa.
94	GEN 4:14	Nyǝnɩ, saŋa ń tɔɣɔnǝɣɩ-m tɛtʋ kʋpantʋ tǝnɛ tǝ taa kɛlɛ, ma kaa tasa nyá ɩsǝpǝle taa kɛ́ loosuɣu. Maa pǝsɩ yem cɔɔlʋ, ma kaa wɛɛna tǝyaɣa, na wei ɩ́ hika-m ɩ kʋ-m.
97	GEN 4:17	Ḿpʋ́ɣʋ́ Kayini nyǝmá ɩ alʋ na ɩ́ lá teu na ɩ́ lʋlɩ Henɔkɩ. Ɩlɛna ɩ́ ŋmá ɩcatɛ na ɩ́ ha-tɛɣɛ ɩ pǝyalʋ hǝtɛ.
100	GEN 4:20	Ḿpʋ́ɣʋ́ Ata lʋla Yapaalɩ. Yapaalɩ ɩnɩ ɩ́lɛ́ ɩ piitim ntɛ́ mpa pa tiikiɣi kalǝkǝŋ na pá sʋʋkɩ coka taa tɔ.
101	GEN 4:21	Ɩ́lɛ́ ɩ neu hǝtɛ ntɛ́ Yupaalɩ. Yupaalɩ ɩnɩ ɩ piitim ntɛ́ mpa pa makɩ saŋkʋnaa na pá hʋlǝɣɩ hǝsɩ tɔ.
103	GEN 4:23	Ḿpʋ́ɣʋ́ Lemɛkɩ tɔma ɩ alaa Ata na Sila sɩ: Ma alaa mɛ, ɩ́ nɩɩ ma tɔm yoo. Mǝ taa lɛlʋ paalʋ cǝtǝla-m kɛ́ na má kʋ-ɩ.
104	GEN 4:24	Tɔm naatosompɔɣɔlaɣa kɛ paa lɛɛtɩ Kayini kʋlʋ. Ɩlɛna pá lɛɛtɩ ma kʋlʋ kɛ tɔm nɩɩtoso na naanʋwa na naatosompɔɣɔlaɣa.
106	GEN 4:26	Sɛɛtɩ ná lapa yʋlʋ na ɩ́ lʋlɩ apalʋpǝyaɣa na ɩ́ ha-kɛ sɩ Ɩnɔɔsɩ. Waatʋ ɩnǝɣɩ yǝlaa caala Ɩsɔ kɛ́ sɛɛʋ sɩ Tacaa.
107	GEN 5:1	Atam lʋlʋɣʋ nyǝ́ma hǝla ntɔ cǝnɛ. Waatʋ wei Ɩsɔ ŋmá yʋlʋ tɔ, ɩ ŋma-ɩ kɛ́ ɩsɩɩ ɩ wɛɛ tɔ.
109	GEN 5:3	Atam pɩɩsɩ lapa nɩɩnʋwa na hiu na naanʋwa (130) kɛ́ ɩlɛna ɩ́ lʋlɩ pǝyaɣa na ká kpaɣa-ɩ tǝtɛŋɛlɛŋ na ɩ́ ha-kɛɣɛ hǝtɛ sɩ Sɛɛtɩ.
135	GEN 5:29	na ɩ́ ha-kɛ sɩ Nowee. Mpi tɔ, ɩ tɔmaɣa sɩ ɩnɛ ɩnɩ ɩ ká hɛɛsǝna tá laŋa kɛ ta ɩkaalɛnaa na tá wahala tǝma taa kɛ́ tɛtʋ nti ɩnɩ Tacaa tǝŋsa mpusi kɛ́ tá tɔɔ tɔ tǝ taa cǝnɛ.
139	GEN 6:1	Yǝlaa kɔma na pá huki tɛtʋ tɔɔ na pá lʋlɩ pɛɛlaa.
140	GEN 6:2	Ḿpʋ́ɣʋ́ ɩsɔtaa yǝlaa nawa sɩ pɛɛlaa mpɛ pa tewa, ɩlɛna pá kpaɣa pa taa mpa pa sɔɔlaa tɔɣɔ alaa.
142	GEN 6:4	Waatʋ wei pa lʋla pa piya mpɛ tɔ pa lapa tookonaa kɛ́ na pá kɔɔ na pá tasa tookonaa mpɛɣɛ lʋlʋɣʋ, na mpɛ pa lapǝna lɔŋtaa akanaa na pa hǝtɛ yaa.
144	GEN 6:6	Ḿpʋ́ɣʋ́ Tacaa laŋlɛ wakǝlaa na pǝ́ wɩɩ-ɩ sɔsɔm kɛ mpi pǝ tɔɔ ɩ ŋmá yʋlʋ tɔ.
149	GEN 6:11	Yǝlaa ka wakǝlaa kɛ́, na pá lakɩ tǝmaɣa mʋsʋŋ kɛ Ɩsɔ ɩsɛntaa.
150	GEN 6:12	Ɩsɔ nyǝna tɛtʋ ɩlɛna ɩ́ ná sɩ yǝlaa tǝna wakǝlaa kɛ́.
152	GEN 6:14	Caa tʋɣʋ kʋpaŋkʋ nakʋlɩ na ń saakɩ nyá tǝɣɩ atakaa pɔɣɔlʋɣʋ sɔsɔɔʋ na ń tala kʋ taa kɛ́ naŋsi naŋsi, na ń taa-kʋɣʋ tʋɣʋ cǝlǝm kɛ kʋ taa na kʋ waalɩ.
153	GEN 6:15	Ɩsǝna n ká la-kʋ tɔɣɔlɔ, kʋ taɣalǝŋ ká wɛɛ mɛɛtǝlǝnaa nɩɩnʋwa na nɩɩlɛ na naanʋwa (150) na kʋ waŋ kɛ mɛɛtǝlǝnaa hiu na kakpasɩ na kʋ kʋŋkʋlʋmǝŋ kɛ mɛɛtǝlǝnaa naanʋwa na kakpasɩ.
155	GEN 6:17	Ɩlɛna máá yele na lʋm sɔsɔɔm watɩ tɛtʋ tɔɔ, na má kʋ́ pǝ tǝna mpi pǝ feesiɣi tɔ. Tɛtʋ tɔɔ nyǝm tǝna ká sǝna.
156	GEN 6:18	Ama má na nyá tɩɩ pɛɛlɩ nɔɣɔ sɩ maa waasɩ-ŋ. Na nyana nyá alʋ na nyá pǝyalaa na nyá poolaa ɩ́ ká sʋʋ kʋ taa.
157	GEN 6:19	Na ń lǝsɩ wontu tǝna taa kɛ́ apalʋ na alʋ, na sumasɩ taa kɛ́ mpʋ na atɛ nyamanyamanaa taa kɛ́ mpʋ tɔtɔ, na tǝ́ sʋʋ nyá kiŋ kɛ atakaa pɔɣɔlʋɣʋ taa na pǝ́ ya tǝ piitim.
159	GEN 6:21	Kpaɣa tɔɣɔnasɩ nsi nsi mǝ na wontunaa mpɛ ɩ́ ká tɔkɩ tɔ.
160	GEN 6:22	Mpʋ ɩnǝɣɩ Nowee tǝŋaa na ɩ́ lá pǝ tǝna mpi Ɩsɔ tʋ́-ɩ tɔ.
161	GEN 7:1	Ḿpʋ́ɣʋ́ Tacaa tɔma Nowee sɩ: Nyana nyá tǝyaɣa tǝna ɩ́ sʋʋ atakaa pɔɣɔlʋɣʋ taa. Mpi tɔ, nyá tike kɛ ma nawa wei ɩ nɩɩkǝna-m tɔɣɔ yǝlaa panɛ pa hɛkʋ.
162	GEN 7:2	Lǝsɩ wontu nti pa pǝsǝɣɩ pá lá kɔtaɣa tɔɣɔ apalʋ na alʋ kɛ́ tɔm naatosompɔɣɔlaɣa. Ɩlɛna ń lǝsɩ nti tǝ fɛɩ kɔtaɣa lapǝnaʋ tɔɣɔ apalʋ na alʋ tike.
164	GEN 7:4	Pǝ taɣa pʋlʋ tɔɔ, pǝ kaasa wɛɛ naatosompɔɣɔlaɣa kɛ́ na má yele na tɛʋ nɩɩ ilim na ahoo kɛ kʋyɛɛŋ nɩɩlɛ tǝcu, na lʋm kpiisi yǝlaa na wontu tǝna.
167	GEN 7:7	Ɩlɛna ɩ́ na ɩ alʋ na ɩ pǝyalaa na ɩ poolaa pá sʋʋ atakaa pɔɣɔlʋɣʋ taa na pá fiti lʋm kʋ́wáásǝm mpɩ.
168	GEN 7:8	Ḿpʋ́ɣʋ́ wontu nti pa pǝsǝɣɩ pá lá kɔtaɣa tɔ na nti tǝ fɛɩ kɔtaɣa lapǝnaʋ tɔ na sumasɩ na atɛ nyamanyamanaa tǝna