64	GEN 3:8	Pǝ kɛɛsa taanaɣa ɩlɛ Ɩsɔ Tacaa pola ɩ taalɛ tɔɔ kɛ́ cɔɔʋ ntɛ́ na pá nɩɩ ɩ nɔɣɔ. Ɩlɛna yʋlʋ na ɩ alʋ pá sé na pá ŋmɛlɩ taalɛ tɩɩŋ hɛkʋ taa.
66	GEN 3:10	Ḿpʋ́ɣʋ́ ɩ cɔwa sɩ: Ma nɩɩ nyá nɔɣɔ kɛ taalɛ taa ɩlɛna sɔɣɔntʋ kpa-m na má sé na má ŋmɛlɩ. Mpi tɔ, ma wɛ tapakpɛtɛ.
1788	EXO 10:10	Mpʋɣʋlɛ Icipiti wulaʋ pǝsǝna-wɛ sɩ: Mǝ taa sɩ maa yele mǝ na mǝ piya na ɩ́ tɛɛ yɛɛ? Ɩsɔ ɩ́ sɩɩ-mɛ yaa. Ma nyǝmá mǝ taa laɣatʋ kɛ́ té.
4937	DEU 1:43	Maa tɛma-mɛɣɛ-tǝɣɩ heeluɣu. Ama ɩ́ tá ké ŋkpaŋʋɣʋ, na ɩ́ kisi Tacaa tɔm na ɩ́ kpa pʋɣʋ nyʋɣʋ taa tǝkaa.
7973	1SA 29:3	Ntɛna Filiisi yoolaa sɔsaa pɔɔsɩ Akisi sɩ: Hepǝla nyǝ́ma mpɛ pa caa weɣe cǝnɛ? Kɛlɛna Akisi sɩ: Ɩsɛɣɛlɩ wulaʋ tǝmlɛ tʋ Tafiiti kɛ́ té. Ɩ wɛʋ ma kiŋ tɔ pǝ taaŋaa kɛ́. Pǝ́cɔ́ ma ta keesi-ɩ na ɩsaɣatiya nakǝlǝɣɩ halǝna saŋa.
9199	1KI 13:12	Mpʋɣʋlɛ cɛcɛ pɔɔsa-wɛ sɩ: Lé tɔɔ kɛ́ ɩ kpemnaa? Ntɛna Petɛɛlɩ Ɩsɔ kʋyɔɣɔtʋtʋ tɛlǝsʋlʋ pǝyalaa polo na pá cɛkǝna timpi tɔɔ ɩ́ tɛɛnaa tɔ.
9451	1KI 20:40	Tɔʋ, pǝ kɔma na ma ɩsǝlɛ sɛɛ teu, ɩlɛna yom náá se. Ntɛna Ɩsɛɣɛlɩ wulaʋ sɩ: Ha, n kʋ nyá tɩ tɔm kɛ́ té.
9752	2KI 8:21	Ḿpʋ́ɣʋ́ Solam na ɩ yoolaa na pa yoou kɛɛkɛnaa, pa pola-wɛɣɛ yoonaʋ kɛ Sayii tɛtʋ taa. Ɩlɛna pɛlɛ pá ta-wɛɣɛ kotaɣa. Ama ahoo naalɩ mpɛ pa tii Ɩtɔm nyǝ́ma mpa paa tama-wɛɣɛ kotaɣa tɔ pa tɔɔ na pá yoona-wɛ́. Ɩlɛna Yuta yoolaa se na pá kpé.
11327	2CH 6:40	Ma Ɩsɔ kuli nyá ɩsɛ na ń ké ŋkpaŋŋ na ń nɩɩ sǝlǝmʋɣʋ ŋku ma sǝlǝmǝɣɩ-ŋ nɔɔnɔɔ ɩsǝntɔɣɔ cǝnɛ tɔ.
12307	NEH 1:6	Haɩ, kɛɛsɩ ɩsɛ na tá tɔɔ, na ń ké nyá ŋkpaŋŋ na ń nɩɩ nti nyá tǝmlɛ tʋ má, ma sǝlǝmǝɣɩ-ŋ tɔ. Ma sǝlǝmǝɣɩ-ŋ ilim na ahoo kɛ nyá yǝlaa Ɩsɛɣɛlɩ nyǝ́ma tá, tá tɔɔ sɩ, ń taɣanɩ tá ɩsaɣatʋ. Má na ma cɔsɔnaa tǝ wakǝlǝna-ŋ kɛ́.
12500	NEH 8:3	Na ɩ́ kala takǝlaɣa ŋkɛ na nɔɣɔ sɔsaɣa kɛ tǝnɛ ɩnǝɣɩ tanaŋ tɛɛ. Halǝna ilim sikuɣu, na pa tǝna pá ké ŋkpaŋŋ kɛ teu.
14843	PSA 59:10	Paa pa toŋ ká wɛɛ ɩsɩɩ cǝnɛ na lé, Ɩsɔ nyaɣalɛ ma kentulu.
14867	PSA 61:2	Haɩ, Ɩsɔ nɩɩ ma wula, na ń ké ŋkpaŋŋ na ma kʋsǝlǝmʋtʋ.
14934	PSA 66:10	Haɩ, Ɩsɔ, nyá maɣasǝna-tʋ na ń taɣanɩ-tʋ, ɩsɩɩ pa wɔkʋɣʋ liɣitee nyǝɣǝlʋɣʋ sɩ kʋ té tɔ.
14943	PSA 66:19	Ama Ɩsɔ nɩɩwa ma nɔɣɔ na ɩ́ ké ŋkpaŋŋ na ɩ́ nɩɩ ma wiinaʋ.
15152	PSA 77:2	Maa wiina Ɩsɔ na má heeli-ɩ ma tɔm, maa wiina-ɩ na ɩ́ ké ŋkpaŋʋɣʋ na ma tɔɔ.
15246	PSA 79:3	Na nyá yǝlaa kʋpama calǝm kpé na pǝ́ cɔɔna Yosalɛm ɩcatɛ, nɔɣɔlʋ ta kɔɔ sɩ ɩ́ pi-wɛ.
15319	PSA 83:18	Pǝ́ liɣiti-wɛ na pǝ́ tʋ-wɛɣɛ sɔɣɔntʋ taa kɛ́ tam tɔɔ. Pǝ́ tʋ-wɛɣɛ fɛɛlɛ na pá lé.
16301	PSA 138:2	Ma luŋiɣi nyá tǝsɛɛlɛ naŋŋ nyǝntɛ taa kɛ́ nyá kʋpantʋ na nyá tampana tɔɔ. Mpi tɔ, n lapa na nyá nɔɔsɩ sɩɩʋ té na pǝ́ tɛɛ pǝ tǝna.
16479	PRO 1:9	Pɩɩ la na nyá weesuɣu té kɛ́ ɩsɩɩ ntenuɣu kɛ nyʋɣʋ taa, yaa lɩɩlʋɣʋ kɛ luɣu tɛɛ.
16502	PRO 1:32	Pǝ taɣa pʋlʋ, kʋmɛlɛŋ lepu kʋɣʋna-kʋ. Ɩlɛna kpaŋtʋnaa kaanɩɩtʋ náá yele na pá lé.
16657	PRO 7:12	Paa hapǝlɛ tɔɔ, yaa nɔnɔɣɔ tɛɛ, yaa paa lé té, ɩ taŋaa kɛ́.
16669	PRO 7:24	Pǝnɛntɛ ma pǝyalaa mɛ, ɩ́ nɩɩna-m, na ɩ́ ké ŋkpaŋŋ na ma nɔɣɔ taa tɔm.
16670	PRO 7:25	Taa nyɩɩlɩ alʋ ɩsɩɩ mpʋ na ń tǝŋɩ-ɩ, na pǝ́ kɔɔ na ń lé ɩ mpaaŋ taa.
20568	EZK 2:7	Pǝ wɛɛ kɛ́ sɩ ń heeli-wɛɣɛ ma tɔm té, ye pa nɩɩwa yaa pa ta nɩɩ, pa kɛ́ asaɣaa kɛ́.
21311	EZK 31:12	Ḿpʋ́ɣʋ́ mʋʋlaa mʋsʋŋtʋnaa sɔsaa sɛta-kʋ na pá lɔ. Kʋ piliŋasɩ na kʋ akpaa pɛlaa na sɩ́ hoti tɛtʋ tǝna tɛtɛka na pulasɩ taa. Ɩlɛna yǝlaa tǝna mpa pa caɣa kʋ ɩsotom taa tɔ, pɛlɛ pá lɩɩ na pá sé.
21476	EZK 37:10	Ma yɔɣɔta teitei ɩsɩɩ Tacaa heela-m tɔ. Ɩlɛna pá fé na pá kʋlɩ na pá sǝŋ pa nɔɔhɛɛ tɔɔ. Paa kɛ́ yoolaa samaa tuutuuma kɛ́.
21550	EZK 40:4	Ntɛna apalʋ ɩnɩ ɩ yaa-m sɩ: Yʋlʋ nyá, nyǝnɩ teu na ń ké ŋkpaŋʋɣʋ na ń nɩɩ nti ma caa-ŋ heeluɣu tɔ. Mpi tɔ, pǝ kɔna-ŋ cǝnɛɣɛ sɩ n ná. Pǝ waalɩ ɩlɛna ń heeli Ɩsɛɣɛlɩ nyǝ́ma kɛ mpi n nawa tɔ.
23351	MAT 5:48	Ɩ́ té tǝkpataa ɩlɛ, ɩsɩɩ mǝ ɩsɔtaa Caa teu tǝkpataa tɔ.
28210	ROM 8:26	Pǝ kaasa Ɩsɔ Feesuɣu ná kɔŋ tɔtɔ na kʋ́ sǝŋna tá mpa tǝ kɛ́ acamaa tɔ. Pǝ taɣa pʋlʋ, tǝ ta nyɩ ɩsǝna tɩɩ sǝlǝmɩ na pǝ́ té tɔ. Ama Feesuɣu ŋkʋ kʋ sǝlǝmǝɣǝnana-tʋɣʋ Ɩsɔ, na miituɣu mpi yʋlʋ kaa pǝsɩ na ɩ́ kɛɛsɩ nɔɣɔ taa tɔ.
28738	1CO 13:5	Ye sɔɔlʋɣʋ ɩ́ wɛɛ fɛɛlɛ fɛɩ nyǝntʋ natǝlɩ tɩɩ kɔŋ, ye sɔɔlʋɣʋ ɩ́ wɛɛ yʋlʋ ɩɩ pɛɛkǝɣɩ ɩ nyʋɣʋ nyǝntʋ tike. Sɔɔlʋɣʋ ɩ́ wɛɛ pááná mʋɣʋ fɛɩ, sɔɔlʋɣʋ ɩ́ wɛɛ té kɩɩ tisiɣi sɩ maa ná maa ná pǝ́ wɛɛ.
29122	2CO 13:11	Pǝnɛntɛ ma taapalaa pǝ lapa wulee. Ɩ́ lʋ sɩ ɩ́ té teu. Ɩ́ sɔɔsǝɣɩ tǝmaɣa apalʋtʋ. Ɩ́ wɛɛ nɔɣɔ kʋlʋmaɣa, na ɩ́ wɛɛ tǝma na leleŋ. Ɩsɔ wei ɩ sɔɔlǝɣɩ na ɩ́ haa alaafǝya tɔ ɩ́ wɛɛ mǝ kiŋ.
30150	HEB 7:19	Moisi kʋsǝsɩɩtʋ ná taa la nɔɣɔlʋ na ɩ́ té tǝkpataa, tǝ ná mpʋ. Ama pǝ kɔna-tʋɣʋ tɛɛlʋɣʋ kʋfalʋɣʋ kʋpampaŋkʋ ŋku kʋ yeki na tǝ kpǝtǝna Ɩsɔ tɔ.
30214	HEB 10:14	Tɔm kʋlʋm tǝkoŋ kɛ́ ɩ ha ɩ tɩ sɩ pa tǝna mpa pa ɩsaɣatʋ kpiisaa tɔ pá té tǝkpataa.