46	GEN 2:15	Ḿpʋ́ɣʋ́ Tacaa Ɩsɔ sɩɩ yʋlʋ kɛ Ɩteni taalɛ ńtɛ́ tǝ taa sɩ ɩ́ hala na ɩ́ paasǝɣǝna-tɛ́.
47	GEN 2:16	Kɛlɛna ɩ́ tɔ́ yʋlʋ sɩ: N pǝsǝɣɩ na ń tɔɣɔ taalɛ tɩɩŋ tǝna pee.
48	GEN 2:17	Ama kʋpantʋ na ɩsaɣatʋ pǝ cɛkǝnaʋ tʋɣʋ pee paasi kɛ́ n kaa tǝŋ. Pɔpɔtʋ fɛɩ leleŋ, kʋyaŋku ń tɔɣɔ-yɛ ɩsɩɩ n sǝpa.
70	GEN 3:14	Ḿpʋ́ɣʋ́ Tacaa tɔma tʋm sɩ: Timpi n lapa mpʋ tɔ, pɩɩ kpatɩ nyá yule tɔɔ kɛ́ kpaakpaalɛ na pǝ́ kǝlɩ wontu tǝna, nyá lotu tɔɔ kɛ́ n ká tuuki nɔɔnɔɔ na ń tɔ́kɩ tɛtʋ, halǝna nyá sǝm.
73	GEN 3:17	Ɩlɛna ɩ́ pǝsǝna apalʋ tɔɔ sɩ: Timpi n nɩɩna nyá alʋ na ń tɔɣɔ tʋɣʋ ŋku maa kisina-ŋ tɔ. Ma tǝŋsǝɣɩ tɛtʋ kɛ mpusi kɛ́ nyá maɣamaɣa nyá tɔɔ. Wahala na wahala kɛ́ na pǝ́cɔ́ ń hiki nyá tɔɣɔnaɣa halǝna nyá sǝm.
74	GEN 3:18	Nyɩɩtʋ ɩsaɣatʋ kɛ n ká hala na pǝ́cɔ́ ń hiki nyá hatǝmʋtʋ.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
87	GEN 4:7	Ye kʋpantʋ kɛ n lakɩ, nyá ɩsɛntaa ɩ́ hɛtɩ. Ama ye ɩsaɣatʋ kɛ n lakɩ, kʋlʋmtʋ ntɩ tǝ papǝna ntɛɣɛ nyá nɔnɔɣɔ tɛɛ ɩsɩɩ tɔɣɔlʋɣʋ na tǝ́ taŋa-ŋ, na tǝ́ caa-ŋ kǝlʋɣʋ. Ama pǝsɩ-tɩ na ń kǝlɩ-tɩ.
94	GEN 4:14	Nyǝnɩ, saŋa ń tɔɣɔnǝɣɩ-m tɛtʋ kʋpantʋ tǝnɛ tǝ taa kɛlɛ, ma kaa tasa nyá ɩsǝpǝle taa kɛ́ loosuɣu. Maa pǝsɩ yem cɔɔlʋ, ma kaa wɛɛna tǝyaɣa, na wei ɩ́ hika-m ɩ kʋ-m.
152	GEN 6:14	Caa tʋɣʋ kʋpaŋkʋ nakʋlɩ na ń saakɩ nyá tǝɣɩ atakaa pɔɣɔlʋɣʋ sɔsɔɔʋ na ń tala kʋ taa kɛ́ naŋsi naŋsi, na ń taa-kʋɣʋ tʋɣʋ cǝlǝm kɛ kʋ taa na kʋ waalɩ.
154	GEN 6:16	Na ń tʋlɩ-kʋɣʋ pǝtote kɛ mpiiŋ naalɛ kɛ lɔpʋtʋ luɣu tɛɛ na nɔnɔɣɔ kɛ kʋ kɔŋkɔŋ taa. Na ń la-kʋɣʋ atɛ na ɩsɔ kutuluŋ kɛ tooso.
157	GEN 6:19	Na ń lǝsɩ wontu tǝna taa kɛ́ apalʋ na alʋ, na sumasɩ taa kɛ́ mpʋ na atɛ nyamanyamanaa taa kɛ́ mpʋ tɔtɔ, na tǝ́ sʋʋ nyá kiŋ kɛ atakaa pɔɣɔlʋɣʋ taa na pǝ́ ya tǝ piitim.
162	GEN 7:2	Lǝsɩ wontu nti pa pǝsǝɣɩ pá lá kɔtaɣa tɔɣɔ apalʋ na alʋ kɛ́ tɔm naatosompɔɣɔlaɣa. Ɩlɛna ń lǝsɩ nti tǝ fɛɩ kɔtaɣa lapǝnaʋ tɔɣɔ apalʋ na alʋ tike.
163	GEN 7:3	Na ń lǝsɩ sumasɩ taa kɛ́ apalʋ na alʋ kɛ́ tɔm naatosompɔɣɔlaɣa, na ń waasɩ sɩ piitim na sɩ taa tɛ tɛtʋ tɔɔ.
201	GEN 8:17	Na ń kpɛnna wontunaa ntɩ tǝ tǝna. Pǝ kpaɣaʋ tɔla na sumasɩ na atɛ nyamanyamanaa tǝna tɔ, tǝ́ lʋlɩ na tǝ́ huki na tǝ́ yá tɛtʋ tɔɔ.
244	GEN 10:9	Tacaa sǝna-ɩ kɛ́ na ɩ́ pǝsɩ yɛllaa taa yɛllʋ. Pǝ tɔɔ kɛ́ pa tukaɣa ɩtuule kɛ waatʋ ɩnɩ sɩ: Tacaa ɩ́ yele na ń pǝsɩ yɛllaa taa yɛllʋ ɩsɩɩ Nimloti.
300	GEN 12:1	Ḿpʋ́ɣʋ́ kʋyakʋ nakʋlɩ Tacaa heela Apǝlam sɩ: Lɩɩ nyá tɛtʋ taa kɛ́ nyá nyǝ́ma hɛkʋ kɛ nyá caa tǝyaɣa taa, na ń polo tɛtʋ nti maa hʋlɩ-ŋ tɔ tǝ taa.
301	GEN 12:2	Maa yele na nyá piitim la sɔsɔɔm na má kooli-ŋ kʋpantʋ, na nyá hǝtɛ yaa, na ń pǝsɩ kʋpantʋ tiipiiu.
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1590	EXO 3:10	Mpʋ tɔ, ma tiliɣi-ŋ Icipiti wulaʋ tɛ́ sɩ ń polo na ń lǝsɩ ma yǝlaa Ɩsɛɣɛlɩ nyǝ́ma kɛ Icipiti taa.
1594	EXO 3:14	Mpʋɣʋlɛ Ɩsɔ cɔ-ɩ sɩ: Ma hǝtɛ ntɛ́ Mawɛtam. Mpʋ tɔ, ń polaa ɩlɛ n heeli-wɛ sɩ: Tamwɛɛlʋ tilina-m mǝ waalɩ.
1595	EXO 3:15	Na ń cuɣusi sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa tilina-m mǝ waalɩ. Ma hǝtɛ ntɛ́, halǝna antulinya polo na ɩ́ kʋlɩ. Hǝtɛ ntɛɣɛ yǝlaa ká yaakɩ-m paa waatʋ wei.
1596	EXO 3:16	Tɔʋ, polo pǝnɛntaa na ń koti Ɩsɛɣɛlɩ sɔsaa na ń heeli-wɛ sɩ: Mǝ caanaa caanaa Apǝlaham na Ɩsaaka na Yakɔpʋ pa Ɩsɔ Tacaa lɩɩ ma tɔɔ na ɩ́ heeli-m sɩ ɩ na-mɛ na ɩ nyǝ́ma ɩsǝna pa ŋmakǝlǝɣɩ-mɛ tɔ.
1598	EXO 3:18	Ye pa nɩɩ mpʋ paa mʋ-tǝɣɩ. Ɩlɛna ń kpaɣa-wɛ na ɩ́ polo ɩ́ maɣana Icipiti wulaʋ na ɩ́ heeli-ɩ sɩ Hepǝla nyǝ́ma tá, tá Ɩsɔ Tacaa lɩɩ tá tɔɔ. Mpʋ tɔ, ha-tʋɣʋ mpaaʋ na tǝ́ polo wʋlaɣa tɛtʋ taa na tǝ́ lapɩ-ɩ kɔtasɩ. Pɩɩ maɣana ɩsɩɩ kʋyɛɛŋ tooso tɔntɛ.
1606	EXO 4:4	Ḿpʋ́ɣʋ́ Tacaa heela-ɩ sɩ: Siisi na ń kpa ɩ suka taa. Moisi siisaa na ɩ kpa tʋm ɩnɩ tǝcaʋ, ɩlɛna tʋm taɣanɩ kpátʋ́ɣʋ́ kɛ pǝsʋɣʋ kɛ ɩ niŋ taa.
1610	EXO 4:8	Mpʋɣʋlɛ Tacaa tɔma sɩ: Ye Ɩsɛɣɛlɩ nyǝ́ma ta tʋna-ŋ, na ń kisi na ń la piti tǝmlɛ kancaalaɣa nyǝntɛ na pá tá mʋ nyá tɔm. Ń lapa naalɛ nyǝntɛ tǝnɛ ɩsɩɩ pa mʋ-tɩ.
1611	EXO 4:9	Ye pǝ kpɛŋna piti tǝma anɛ a naalɛ na pá ká nyʋɣʋ na pá kisiɣi nyá tɔm na paa nɩɩkǝna-ŋ, ɩlɛ ń cosi Nili pɔɣɔ lʋm na ń pǝlɩ-wǝɣɩ tɛtʋ tɔɔ na pǝ́ pǝsɩ calǝm.
1618	EXO 4:16	Nyá pǝsa ɩsɩɩ Ɩsɔ kɛlɛ, na ń tɛlǝsǝɣɩ-ɩ nti ɩ ká heeliɣi samaa na nyá nɔɣɔ tɔ.
1619	EXO 4:17	Tɔkɩ nyá kpátʋ́ɣʋ́ kɛ nyá niŋ taa na ń lakǝna-kʋɣʋ piti tǝma.
1624	EXO 4:22	Na ń heeli-ɩ sɩ maɣa Ɩsɔ Tacaa kɛ́. Ɩsɛɣɛlɩ nyǝ́ma wɛ kɛ́ ɩsɩɩ ma apalʋ pǝyaɣa kancaalaɣa nyǝŋka.
1634	EXO 5:1	Pǝlɛ pǝ waalɩ kɛ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Ɩsɛɣɛlɩ nyǝ́ma ta, tá Ɩsɔ Tacaa sɩ tǝ́ heeli-ŋ sɩ ń yele-tʋ na tǝ́ polo pooluŋ na tǝ́ lapɩ-ɩ tǝmlɛ pǝyaɣa nakǝlɩ.
1656	EXO 5:23	Hatoo kʋyaŋku ma heela Icipiti wulaʋ kɛ nyá tɔm tɔ, ɩ sɔɔsa Ɩsɛɣɛlɩ nyǝ́ma kɛ wahala kɛ́. Pǝyele nyá suma, nn lʋkɩ sɩ ń waasɩ-wɛ.
1667	EXO 6:11	Polo Icipiti wulaʋ kiŋ na ń heeli-ɩ sɩ pǝ wɛɛ sɩ ń yele Ɩsɛɣɛlɩ nyǝ́ma na pá lɩɩ nyá tɛtʋ taa.
1685	EXO 6:29	Ma kɛ́ Tacaa kɛ́, polo ń heeli Icipiti wulaʋ kɛ tǝ tǝna nti ma yɔɣɔtǝna ma nɔɣɔ tɔ.
1687	EXO 7:1	Ḿpʋ́ɣʋ́ Tacaa heela Moisi sɩ: Maa tʋ-ŋ toŋ sɔsɔɔŋ na ń pǝsɩ ɩsɩɩ Ɩsɔ kɛ́ Icipiti wulaʋ ɩsɛntaa na Alɔŋ náá tɛlǝsǝɣɩ-ɩ nyá tɔm.
1701	EXO 7:15	Tɔʋ, cele kʋ fema n lɩɩ lɔŋ na ń kpaɣa nyá kpátʋ́ɣʋ́ ŋku kɩɩ pǝsa tʋm tɔ, na ń polo ɩ tɛɣɛ saa wei ɩ tiiki pɔɣɔ tɔ, na ń taŋɩ-ɩ kʋteŋ tɔɔ.
1702	EXO 7:16	Ɩlɛna ń heeli-ɩ sɩ: Hepǝla nyǝ́ma tá, tá Ɩsɔ Tacaa tilina-m sɩ má heeli-ŋ sɩ ń yele ɩ yǝlaa na pá polo pooluŋ na pá sɛɛ-ɩ, na halǝna saŋa nyaa saŋ.
1705	EXO 7:19	Ḿpʋ́ɣʋ́ Tacaa tasa Moisi kɛ heeluɣu sɩ: Heeli Alɔŋ sɩ kpaɣa nyá kpátʋ́ɣʋ́ na ń hʋ́lɩ́-kʋɣʋ Icipiti nyǝ́ma lʋm tǝkpentenaa na pusi na lɔɔŋ pǝ tɔɔ na pǝ́ kpɛŋna lʋcaɣamnaa na tɩɩŋ na kʋkpamǝŋ pǝ pɔɔŋ taa lʋmnaa, na pǝ́ pǝsɩ calǝm. Waatʋ ɩnɩ calǝm ká waasɩ tɛtʋ tǝna tǝpaɩ.
1712	EXO 7:26	Pǝ waalɩ kɛ́ Tacaa tɔma Moisi sɩ: Polo Icipiti wulaʋ kiŋ na ń heeli-ɩ sɩ yele ma yǝlaa na pá polo pá la-m tǝmlɛ.
1721	EXO 8:6	Kɛlɛna wulaʋ sɩ: Cele kɛ ma caakɩ sɩ ń sǝlǝmɩ Ɩsɔ. Ntɛna Moisi sɩ: Tɔʋ, pǝ wɛ teu. Maa la mpʋ, ɩlɛna pǝ́cɔ́ ń cɛkǝna sɩ tá Ɩsɔ Tacaa fɛɩna saala.
1731	EXO 8:16	Ḿpʋ́ɣʋ́ Tacaa heela Moisi sɩ: Cele kʋlɩ lɔŋ kɛ tanaŋ kʋpaŋkʋ tɛɛ, na ń katɩ Icipiti wulaʋ kɛ waatʋ wei ɩ tiiki pɔɣɔ tɔ na ń heeli-ɩ sɩ Tacaa má, ma tɔma sɩ yele ma yǝlaa na pá polo pá la-m tǝmlɛ.
1740	EXO 8:25	Mpʋɣʋlɛ Moisi nɔɣɔ tǝkpaʋ sɩ: Ye ma lɩɩ cǝnɛ, maa sǝlǝmɩ Tacaa na cele ɩ ká hatǝlǝna nyá na nyá tǝmlɛ nyǝ́ma na nyá yǝlaa kɛ kacɔsɩ sǝnɛ. Ama kʋlʋmtʋ kɛ́ sɩ ń taa nɛɛtɩ-tʋ na ń taɣanɩ Ɩsɛɣɛlɩ nyǝ́ma taɣa taŋʋɣʋ sɩ tǝ taa polo na tǝ lá Ɩsɔ kɛ́ kɔtasɩ.
1744	EXO 9:1	Ḿpʋ́ɣʋ́ Tacaa tɔma Moisi sɩ: Polo Icipiti wulaʋ kiŋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ yele ma yǝlaa na pá polo pá la-m tǝmlɛ.
1745	EXO 9:2	Ye n wɛɛ na n kisiɣi na n kaŋ nyʋɣʋ na ń taŋǝɣɩ-wɛɣɛ mpʋ,
1756	EXO 9:13	Ḿpʋ́ɣʋ́ Tacaa heela Moisi sɩ: Cele kʋlɩ lɔŋ kɛ tanaŋ kʋpaŋkʋ tɛɛ na ń maɣana Icipiti wulaʋ na ń heeli-ɩ sɩ Hepǝla nyǝ́ma Ɩsɔ Tacaa má, ma tɔma sɩ: Yele ma yǝlaa na pá polo pa la-m tǝmlɛ.
1757	EXO 9:14	Ama pǝnɛntaa ma tʋ ma taa kɛ́ sɩ maa la wahalanaa mpɛ pa tǝnaɣa nyana nyá tǝmlɛ nyǝ́ma na nyá yǝlaa. Ɩlɛna pǝ́cɔ́ ń nyɩ́ sɩ nɔɣɔlʋ ta nǝɣǝsǝna-m antulinya tǝna taa.
1759	EXO 9:16	Ama ma yela-ŋ na nyá ɩsɛ kɛ ḿpʋ́ɣʋ́ sɩ ń nyɩ́ sɩ ma wɛna toŋ. Ɩlɛna ma hǝtɛ sɔɔsɩ yaaʋ kɛ tɛtʋ tǝna taa.
1760	EXO 9:17	Paa na mpʋ, n wɛɛ na ń hɔŋ nyá tɩ na ń kisiɣi sɩ ma yǝlaa ɩ́ taa tɛɛ.
1762	EXO 9:19	Mpʋ tɔ, kpeɣeli nyá tɔla na ń cɔɔsɩ-yɛɣɛ tiili. Ye yǝlaa na tɔla pa caɣa taalɛ kɛ yem na pa ta cɔɔsɩ, tɔmpɛɛ ká kʋ-wɛ.
1772	EXO 9:29	Tǝnaɣalɛ Moisi nɔɣɔ tǝkpaʋ sɩ: Ye ma lɩɩwa ɩcatɛ waalɩ maa tɛɣɛ Ɩsɔ kɛ́ niŋ na tɛʋ hola na kʋ tɔmpɛɛ hɛɛsɩ. Ɩlɛna pǝ́cɔ́ ń cɛkǝna sɩ Tacaa tǝnna antulinya tǝna.
1781	EXO 10:3	Ḿpʋ́ɣʋ́ Moisi na Alɔŋ pa pola Icipiti wulaʋ tɛ́ na pá heeli-ɩ sɩ: Hepǝla nyǝ́ma tá, tá Ɩsɔ Tacaa tɔma-tʋ sɩ tǝ́ kɔɔ tǝ́ pɔɔsɩ-ŋ sɩ pǝlee kɛ́ n ká lɔ́ nyá laŋkpɩɩsǝŋ na ń yele ɩ yǝlaa na pá polo pá lapɩ-ɩ tǝmlɛ?
1803	EXO 10:25	Mpʋɣʋlɛ Moisi sɩ: Ɩlɛna ń cɛlɛ-tʋɣʋ tɔla nna tɩɩ la Tacaa kɛ kɔtaɣa ŋka kɔkɔ lusa ka tǝna tɔ na ciikuɣu nyǝnsɩ na?
1806	EXO 10:28	Halǝna ɩ́ tɔɣɔnɩ Moisi kɛ kʋtɔɣɔnʋ sɩ ɩ́ lɩɩ ɩnɩ ɩ tɛ. Na ɩ́ tɔmɩ-ɩ sɩ: La laakalɩ, ye pǝ cǝpa-ŋ na ń tasa cǝnɛɣɛ mǝlʋɣʋ maa kʋ-ŋ.
2877	LEV 6:20	Ye yʋlʋ kɛ yem ɩ́ tokinaa, ɩ lepa. Tǝ calǝm ɩ yawa pʋʋɣʋ tɔɔ, lonte kʋlʋmtǝlɛ ńtɛ́ tǝ taa kɛ́ paa nyaalɩ-wɩ.
2920	LEV 8:2	Yaa Alɔŋ na ɩ pǝyalaa kɛ tǝsulle cokǝle nɔnɔɣɔ. Ɩlɛna ń yele na pá kɔna kɔtaɣa wontu kususuutu, na pǝ nim mpi pa pǝlǝɣɩ nyʋɣʋ taa tɔ. Na pá kɔna ɩsaɣatʋ hɩɩsʋɣʋ kɔtaɣa naʋ apalʋ nyǝŋ, na ɩwaaŋ naalɛ, na potopotonaa mpa pa taa kʋkʋsʋm fɛɩ tɔɣɔ cɛkǝlaɣa.
2921	LEV 8:3	Ɩlɛna ń koti Ɩsɛɣɛlɩ nyǝ́ma kpekǝle tǝna tɔtɔɣɔ lonte ńtɛ́ tǝ taa.
2956	LEV 9:2	Ɩlɛna ɩ́ heeli Alɔŋ sɩ: Caa naʋle nte tǝ tiili tá caamɩ na paa la-tɛɣɛ ɩsaɣatʋ hɩɩsʋɣʋ kɔtaɣa tɔ. Na heu apalʋ wei ɩ tiili tá caamɩ na paa lapɩ-ɩ kɔtaɣa ŋka kɔkɔ lusa ka tǝna tɔ, na ń kɔna pǝ naalɛɣɛ Tacaa kiŋ.
2957	LEV 9:3	Pǝ waalɩ, ɩlɛna ń tʋ Ɩsɛɣɛlɩ nyǝ́ma na pá kɔna pǝŋtʋlʋɣʋ ŋku paa la ɩsaɣatʋ hɩɩsʋɣʋ kɔtaɣa tɔ. Na pǝnaɣa kʋlʋmaɣa naʋle na pǝ ɩwǝyaɣa mpa pa tiili tá caamɩ, na paa la-wɛɣɛ kɔtaɣa ŋka kɔkɔ lusa ka tǝna tɔ.
2959	LEV 9:5	Waatʋ wei pa kɔna tǝsulle cokǝle nɔnɔɣɔ kɛ mpi mpi pǝ hǝla Moisi yaawa tɔ ɩlɛna Ɩsɛɣɛlɩ nyǝ́ma tǝna kpǝtǝna cokǝle ńtɛ́ na pá sǝŋ Ɩsɔ tǝyaɣa kiŋ.
2961	LEV 9:7	Ḿpʋ́ɣʋ́ Moisi tɔma Alɔŋ sɩ: Kpǝtǝna Ɩsɔ kɔtaɣa tǝlatɛ na ń lǝsɩ tǝ tɔɔ kɛ́ ɩsaɣatʋ hɩɩsʋɣʋ kɔtaɣa, na ŋka kɔkɔ lusa ka tǝna tɔ. Ɩlɛna ń la ɩsaɣatʋ hɩɩsʋɣʋ kɔtaɣa kɛ ɩ na yǝlaa pa nyɔɔŋ tɔɔ. Pǝ waalɩ, ɩlɛna ń la yǝlaa nyɔɔŋ tɔɔ kɛ́ kɔtaɣa, na ń la-wɛɣɛ ɩsaɣatʋ hɩɩsʋɣʋ nyǝŋka, ɩsɩɩ Tacaa sɩɩʋ tɔ.
2995	LEV 10:17	Pepe tɔɔ kɛ́ ɩ́ tá tɔɣɔ kɔtaɣa ŋkɛ ka nantʋ kɛ lonte katɛ nyǝntɛ taa? Mpi pǝ tɔɔ tɔ, pǝ kɛ́ katɛ taa katɛ tɔɣɔnaɣa kɛ́. Tacaa ka hana-mɛɣɛ kpǝntɛ ńtɛ́ sɩ ɩ́ waasɩ Ɩsɛɣɛlɩ kpekǝle kɛ pa kawalaɣa. Ɩlɛna ɩ́ lá pa nyɔɔŋ tɔɔ kɛ́ ɩsaɣatʋ hɩɩsʋɣʋ kɔtaɣa.
3056	LEV 13:3	Na ɩ́lɛ́ ɩ́ wiila-ɩ na ɩ́ ná tǝwɩɩlɛ ńtɛ́ tǝ taa limaa na nyɔɔsɩ hʋlʋmɩ, ɩlɛ kʋtɔŋ asilima nyǝŋkʋ ntɛ́. Ɩlɛ kɔtʋlʋ kpaalɩ kpakpaa sɩ ɩ kɛ́ asilima tʋ.
3058	LEV 13:5	Kʋyakʋ naatosompɔɣɔlaɣa nyǝŋkʋ sikiɣi ɩlɛna ɩ́ tasa kʋtɔntʋ kɛ wiiluɣu, ye ɩ nawa sɩ tǝwɩɩlɛ ńtɛ́ tǝ wɛ mpʋ tǝ ta laɣasɩ, ɩlɛ ɩ tasa-ɩ sɩɩʋ na ɩ mpaa kɛ kʋyɛɛŋ naatosompɔɣɔlaɣa tɔtɔ.
3059	LEV 13:6	Kʋyɛɛŋ ɩnɩ ɩ́ tɛɛwa ɩlɛ kɔtʋlʋ tasa-ɩ wiiluɣu kɛ tɔm naalɛ nyǝm, ye tǝwɩɩlɛ ńtɛ́ tǝ sala yem tǝ ta sɔɔsɩ ɩlɛ ɩ hʋlɩ sɩ pǝ taɣa kʋtɔŋ, pǝ kɛ́ lɩɩtʋ kɛ́, pǝ tɔɔ tɔ ɩ fɛɩ asilima. Ɩlɛna ɩ́ cɔtɔ ɩ wontu na ɩ́ pǝsɩ kʋpaŋ.
3060	LEV 13:7	Ama ye kʋtɔntʋ tǝwɩɩlɛ ńtɛ́ tǝ sʋʋ waŋ kɛ pǝlɛ pǝ waalɩ ɩlɛ ɩ taɣanɩ mǝlʋɣʋ kɛ kɔtʋlʋ kiŋ.
3127	LEV 14:15	Ɩlɛna ɩ́ kpaɣa nim liitili titite ńtɛ́ na ɩ́ pǝlɩ ɩ niŋ mpǝtǝŋ taa.
3699	NUM 3:6	Yaa Lefii nyǝ́ma na ń sɔɔsɩ-wɛɣɛ kɔtʋlʋ Alɔŋ tɔɔ, na pá sǝna-ɩ.
3703	NUM 3:10	Na ń feŋ na Alɔŋ na ɩ pǝyalaa pa tike pá lakɩ kɔtʋɣʋ tǝmlɛ. Ye wei ɩ́ sʋʋ pǝ taa, na ɩ́ tá kɛ́ kɔtʋlʋ ɩsɩɩ pa kʋ-ɩ.
3708	NUM 3:15	Kala Lefii nyǝ́ma na ń kɛɛsǝna pa lʋlʋŋ na pa tɛɛsɩ. Pǝ kpaɣaʋ apalʋpiya nsi sɩ wɛna ɩsɔtʋ kʋlʋm na waalɩ tɔ.
3733	NUM 3:40	Ḿpʋ́ɣʋ́ Tacaa tɔma Moisi sɩ: Kala Ɩsɛɣɛlɩ nyǝ́ma kancaalaɣa apalʋpiya tǝna. Pǝ kpaɣaʋ mpa pa wɛna ɩsɔtʋ kʋlʋm na waalɩ tɔ. Ɩlɛna ń tʋ́ pa hǝla kɛ takǝlaɣa taa.
3734	NUM 3:41	Sɩɩ Lefii nyǝ́ma na pa mpaa kɛ Ɩsɛɣɛlɩ apalʋpiya kancaalaɣa nyǝnsɩ lonte taa. Na ń sɩɩ Lefii nyǝ́ma tɔla na a mpaa kɛ Ɩsɛɣɛlɩ nyǝ́ma tɔla kancaalaɣa apalʋ nyǝna lona taa. Tacaa má ma nyǝm ntɛ́.
3738	NUM 3:45	Sɩɩ Lefii nyǝ́ma na pa mpaa, na pá pǝsɩ ma nyǝ́ma kɛ Ɩsɛɣɛlɩ kancaalaɣa apalʋpiya lonte taa. Na ń la mpʋ tɔtɔɣɔ Lefii nyǝ́ma tɔla, kɛ Ɩsɛɣɛlɩ nyǝ́ma tɔla kancaalaɣa apalʋpiya lonte taa. Maɣalɛ Tacaa.
3767	NUM 4:23	Ɩlɛna ń ŋmaa apalaa mpa pa pɩɩsɩ tala hiu na naanʋwa na pǝ́ polo nɩɩlɛ na naanʋwa na pá pǝsǝɣɩ na pá la Ɩsɔ cokǝle taa kɛ tǝmlɛ tɔ pa hǝla.
3774	NUM 4:30	pǝ kpaɣaʋ apalaa mpa pa pɩɩsɩ tala hiu na naanʋwa na pǝ́ polo nɩɩlɛ na naanʋwa tɔ pa hǝla na ń kpa mpa pa pǝsǝɣɩ na pá la tǝmlɛ kɛ Ɩsɔ cokǝle taa tɔ.
3812	NUM 5:19	Ɩlɛna ɩ́ yele na alʋ tuuna. Ɩlɛna kɔtʋlʋ tɔmɩ-ɩ sɩ: Ye nyana nɔɣɔlʋ ɩ́ tá hǝntɩ, na ń pilisi nyá tɩ. Ɩlɛ lʋm nyaŋ nyǝm pǝnɛ pǝ mpusi ɩ́ taa tii nyá tɔɔ.
3814	NUM 5:21	Ɩlɛ mpusi lʋm pǝnɛ, pǝ́ sʋʋ nyá taa na pǝ́ haɣasɩ nyá lotu na pǝ́ ŋmǝlǝsɩ nyá alʋtʋ na ń pǝsɩ kaalʋlaɣa. Na nyá taapalaa tukuɣuna-ŋ na ɩtuule.
3856	NUM 7:5	Mʋ pa kʋhaaŋ ɩnɩ, na ń cɛla Lefii nyǝ́ma, na pǝ́ kɛɛsǝna paa mpa pa tǝmlɛ, na pá kpakǝɣǝna cokǝle wontu.
3953	NUM 8:13	Ɩlɛna ń sɩɩ Lefii nyǝ́ma kɛ Alɔŋ na ɩ pǝyalaa pa ɩsɛntaa. Na ń hʋlɩ-wɛ na hɔɣɔlǝŋ tǝna ɩsɩɩ Ɩsɛɣɛlɩ nyǝ́ma lakɩ tɔ.
4020	NUM 10:31	Mpʋɣʋlɛ Moisi sɩ: Taa lɔ-tʋ. Mpi tɔ, nyá nyǝmna wʋlaɣa tɛtʋ taa timpi timpi tɩɩ siki tɔ, tǝŋ-tʋ na ń hʋlɩ-tʋ.
4025	NUM 10:36	Waatʋ wei pa sɩɩkaɣa Ɩsɔ atakaa, ɩlɛna Moisi tasa sɩ: Tacaa kɔɔ, na ń caɣa Ɩsɛɣɛlɩ nyǝ́ma ta ta hɛkʋ. Mpi tɔ, tǝ wɛ paɣalɛ kɛ́, tǝ fɛɩ kalʋɣʋ.
4036	NUM 11:11	Na Moisi laŋlɛ wakǝlɩ, na ɩ́ pɔɔsɩ Ɩsɔ sɩ: Pepe tɔɔ kɛ́ ma nyʋɣʋ sǝpǝna-ŋ, na ń tʋ-m yǝlaa panɛ pa paasǝnaʋ na ń cɔɔsǝɣɩ-m mpʋ?
4037	NUM 11:12	Anɩ pǝ taɣa ma lʋlǝna-wɛ. Na ń tɔŋ sɩ má nʋkɩ-wɛ ɩsɩɩ asɔnʋɣʋ na má pona-wɛɣɛ tɛtʋ nti n ka sɩɩ pa caanaa kɛ nɔɣɔ na tuunaʋ sɩ, n ká ha-wɛ tɔ.
4040	NUM 11:15	Ye tampana sɩ n caa ń la-m kʋpantʋ, pǝ kǝla teu sɩ ń kʋ-m na mpi n ka lakɩ-m ɩsǝntɔ tɔ. Má taa na ma kʋnyɔntɔɣɔlɛ.
4042	NUM 11:17	Ɩlɛ maa tii na má na-ŋ tǝ́ yɔɣɔtɩ tǝna, na má tʋ-wɛɣɛ nyá lǝmaɣasǝlɛ. Ɩlɛna pá sǝna-ŋ na ń taa sǝɣǝlɩ samaa sǝɣǝla kɛ nyá tike.
4043	NUM 11:18	Ɩlɛna ń tɛlǝsɩ yǝlaa sɩ, ɩ́ taɣanɩ mǝ tǝɣɩ cele tɔɔ. Maa ha-mɛɣɛ nantʋ na ɩ́ tɔɣɔ. Mpi tɔ, ma nɩɩ ɩsǝna luluŋ pɩɩ-mɛ, na ɩ́ kʋntǝɣɩ, na ɩ́ tɔŋ sɩ mǝ nɩɩkaɣa leleŋ kɛ Icipiti tɔ.
4046	NUM 11:21	Tǝnaɣalɛ Moisi nɔɣɔ tǝkpaʋ sɩ: Yoolaa panɛ pa ta sɛkɩ iyisi nasǝtoso (600.000). Na ń maɣasǝɣɩ sɩ n ká cɛla-wɛɣɛ nantʋ kɛ ɩsɔtʋ na?
4123	NUM 14:14	Pa kaa laŋ-tǝɣɩ taɣasʋɣʋ kɛ tɛtʋ tǝnɛ tǝ nyǝ́ma. Pɛlɛ pa nyǝ́ma sɩ n wɛ tá waalɩ kɛ́, na ń hʋlǝɣɩ-tʋɣʋ nyá tɩ. Na tǝ́ naakɩ nyá tǝma na ń kentiɣi tá tɔɔ. Mpi tɔ, n wɛ tá nɔɣɔ tɔɔ kɛ́ ɩsɔŋmʋntʋɣʋ taa kɛ́, na ahoo ɩlɛna ń wɛɛ ɩsɔŋmʋntʋɣʋ ŋku kʋ mʋɣɩ kɔkɔ tɔ kʋ taa.
4126	NUM 14:17	Ɩlɛ haɩ, Tacaa, ma wiikina-ŋ sɩ ń hʋlɩ nyá toŋ na ń lá ɩsɩɩ n ka yɔɣɔtʋɣʋ tɔ sɩ:
4208	NUM 16:13	N lǝsa-tʋɣʋ tɛtʋ nti tǝ taa kʋpantʋ na tɔɣɔnaɣa tɔla yem tǝhɔ tɔ, na ń kɔna-tʋɣʋ wʋlaɣa tɛtʋ taa. Paa na mpʋ, pǝ ta tɔɔ-ŋ na ń caa sɩ tǝ́ nyǝnǝɣɩ-ŋ tá wulaʋ.
4217	NUM 16:22	Tǝnaɣalɛ Moisi na Alɔŋ pa hota pa nɔɔsɩ tɔɔ kɛ́ kpakpaa. Na pá má kapuka sɩ: Haɩ, yǝlaa tǝna ŋmalʋ Ɩsɔ. Kʋlʋm wakǝlaa, ɩlɛna ń mʋɣɩ samaa tǝna na pááná na?
4232	NUM 17:2	Tɛlǝsɩ Alɔŋ pǝyalʋ kɔtʋlʋ Ɩlasaa sɩ, lǝsɩ cofolonaa kɛ kɔkɔ taa na ń yasɩ mamala. Pa kɛ́ ma nyǝm kɛ́.
4241	NUM 17:11	Na Moisi tɔ ɩ taalʋ sɩ: Polo tǝcaʋ na ń kpaɣa nyá cofolo na ń hee kɔtaɣa tǝlatɛ tɔɔ kɔkɔ. Tʋ́ tulaalʋ kɛ́ pǝ tɔɔ, na ń la samaa kɛ ɩsaɣatʋ hɩɩsʋɣʋ kɔtaɣa. Mpi tɔ, Tacaa mʋ pááná kɛ́ halɩ ɩ tɛma niŋ tʋɣʋ.
4255	NUM 17:25	Ntɛna Tacaa tasa Moisi kɛ heeluɣu sɩ: Polo ń sɩɩ Alɔŋ kpátʋ́ɣʋ́ kɛ atakaa kiŋ, na pǝ́ tɔɔsɩ Ɩsɛɣɛlɩ nyǝ́ma kɛ pa kaanɩɩtʋ. Ɩlɛna pa kʋntʋɣʋ sɩɩ tǝnaɣa. Ɩlɛ pa kaa tasa sǝm.
4331	NUM 20:19	Ḿpʋ́ɣʋ́ Ɩsɛɣɛlɩ nyǝ́ma tasaa sɩ: Haɩ, hapǝlɛ kɛ tɩɩ tǝŋ. Ye tá yaa tá kalǝkǝŋ luɣu wɛ lʋm, tɩɩ ya-wǝɣɩ. Mpaaʋ tike kɛ tǝ wiikina-ŋ sɩ ń ha-tʋ na tǝ́ faɣana nyá tɛtʋ taa.
4337	NUM 20:25	Ɩlɛna ɩ́ tɔ́ Moisi sɩ: Kpaɣa Alɔŋ na ɩ pǝyalʋ Ɩlasaa na ń kpaana-wɛɣɛ Hoo pʋɣʋ tɔɔ.
4338	NUM 20:26	N ká wɔɣɔsɩ Alɔŋ kɔtʋɣʋ wontu na ń suu-tǝɣɩ ɩ pǝyalʋ Ɩlasaa. Tǝnaɣa Alɔŋ ká sɩ.
4375	NUM 21:34	Ḿpʋ́ɣʋ́ Tacaa heela Moisi sɩ: Taa nyana-ɩ. Maa tʋ ɩ́ na ɩ yoolaa na ɩ tɛtʋ tǝnaɣa nyá niŋ taa, na ń lana-ɩ ɩsɩɩ n lapǝna Amolii nyǝ́ma wulaʋ Sihoŋ wei ɩ ka wɛ Hɛsǝpɔŋ tɔ.
4382	NUM 22:6	Haɩ, kɔɔ na ń tǝŋsɩ-wɛɣɛ mpusi. Pa kǝla-m toŋ. Ntanyɩ n ká pǝsɩ na ń tɔɣɔnɩ-wɛɣɛ ma tɛtʋ taa. Mpi tɔ, ma nyǝma sɩ, ye n tǝŋsa yʋlʋ kɛ mpusi, yaa n koola-ɩ kʋpantʋ, pǝ lakɩ kɛ́.
4387	NUM 22:11	napǝlɩ pa lɩɩna Icipiti na pá watɩ-m. Ɩlɛ kɔɔ na ń tǝŋsɩ-wɛɣɛ mpusi, na ma pǝsɩ-wɛ na má tɔɣɔnɩ-wɛ.