4	GEN 1:4	Ɩsɔ laŋlɛ hɛɛna pǝ naakʋɣʋ mpʋ tɔ, ɩlɛna ɩ́ faɣa-wɩ na sǝkpɛtʋɣʋ.
10	GEN 1:10	Kɛlɛna Ɩsɔ ha-tǝɣɩ hǝtɛ sɩ tɛtʋ, na ɩ́ yaa lʋmnaa mpɛ sɩ teŋkunaa, na ɩ laŋlɛ hɛɛ.
12	GEN 1:12	Ḿpʋ́ɣʋ́ tɛtʋ lʋlǝsa-wǝɣɩ waanɩ waanɩ, na Ɩsɔ laŋlɛ hɛɛ.
22	GEN 1:22	na ɩ́ kooli-tǝɣɩ kʋpantʋ na ɩ́ tɔ́ sɩ: Ɩ́ lʋlɩ na ɩ́ huki na ɩ́ sú teŋkunaa, na sumasɩ náá huki tɛtʋ tɔɔ.
27	GEN 1:27	Kɛlɛna ɩ́ ŋmá yʋlʋ ɩsɩɩ ɩ maɣamaɣa ɩ wɛɛ tɔ. Apalʋ na alʋ kɛ ɩ ŋmá-wɛ ɩsɩɩ ɩ wɛʋ tɔ
28	GEN 1:28	na ɩ́ kooli-wɛɣɛ kʋpantʋ. Ɩlɛna ɩ́ heeli-wɛ sɩ: Ɩ́ lʋlɩ na ɩ́ huki na ɩ́ sú tɛtʋ na ɩ́ pǝsɩ-tɩ na ɩ́ tɔɣɔ kawulaɣa kɛ tiina na sumasɩ na atɛ wontu tǝna tɔɔ na ɩ́ paasǝna-tɩ.
34	GEN 2:3	Pǝ tɔɔ kɛ́ Ɩsɔ koola-kʋɣʋ kʋpantʋ na ɩ́ faɣasɩ-kʋ na kʋ mpaa sɩ kʋ kɛ́ ɩ nyǝŋkʋ.
48	GEN 2:17	Ama kʋpantʋ na ɩsaɣatʋ pǝ cɛkǝnaʋ tʋɣʋ pee paasi kɛ́ n kaa tǝŋ. Pɔpɔtʋ fɛɩ leleŋ, kʋyaŋku ń tɔɣɔ-yɛ ɩsɩɩ n sǝpa.
49	GEN 2:18	Tɛtʋ kɛ Tacaa Ɩsɔ ka lapa taalɛ wontu tǝna, na sumasɩ tǝna, na ɩ́ lá na tǝ́ polo yʋlʋ kiŋ sɩ ɩ́ nyɩ hǝla nna ɩ ká ha-tɩ tɔ, na anǝɣɩ pa yaakɩ-tɩ. Ḿpʋ́ɣʋ́ yʋlʋ hawa tɔla tǝnaɣa hǝla, na taalɛ wontu na sumasɩ tǝna. Ama ɩ ta hiki sǝnlʋ wei ɩ mʋna-ɩ tɔ. Ḿpʋ́ɣʋ́ ɩ tɔma sɩ: Pǝ fɛɩ sɩ yʋlʋ ɩ́ caɣa ɩ tike kɛ mpʋ.
59	GEN 3:3	Ama pǝ kaasʋɣʋ tʋɣʋ ŋku kʋ wɛ halǝm hɛkʋ taa tɔ kʋ pee tɔ, Ɩsɔ tɔma sɩ: Ɩ́ taa tǝŋ-yɛ, pǝ́cɔ́ ɩ́ taa tokina-yɛ́ɣɛ́ tokinaʋ maɣamaɣa, pǝ́ taa kɔɔ na ɩ́ sɩ́.
62	GEN 3:6	Alʋ nawa sɩ tʋɣʋ ŋkʋ kʋ nyǝnʋɣʋ wɛ teu, pǝ́cɔ́ kʋ pee wɛ ɩsɛsɛɛmlɛ na a kuliɣi yǝlaa ɩsɛ. Ntɛna ɩ́ kooli-kʋ́ na ɩ́ tɔɣɔ, na ɩ́ kaasɩ na ɩ́ cɛla ɩ paalʋ na ɩ́lɛ́ ɩ́ tɔɣɔ tɔtɔ.
66	GEN 3:10	Ḿpʋ́ɣʋ́ ɩ cɔwa sɩ: Ma nɩɩ nyá nɔɣɔ kɛ taalɛ taa ɩlɛna sɔɣɔntʋ kpa-m na má sé na má ŋmɛlɩ. Mpi tɔ, ma wɛ tapakpɛtɛ.
67	GEN 3:11	Tǝnaɣalɛ Ɩsɔ Tacaa nɔɣɔ tǝkpaʋ sɩ: Awe heelina-ŋ sɩ n wɛ kpɛtɛ? N tɔɣɔ tʋɣʋ ŋku ɩnɩ maa kisina-ŋ tɔɣɔ?
68	GEN 3:12	Kɛlɛna yʋlʋ sɩ: Ma tɔɣaa yáá, ɩlɛ alʋ wei ɩnɩ n ha-m tɔ ɩnɩ ɩ cɛlǝna-m na má tɔɣɔ.
69	GEN 3:13	Ntɛna Ɩsɔ Tacaa pɔɔsɩ alʋ sɩ: Pepe tɔɔ kɛ́ nyá lapa mpʋ? Alʋ nɔɣɔ tǝkpaʋ sɩ: Tʋm tʋsǝna-m na má tɔɣɔ.
72	GEN 3:16	Ɩlɛna Ɩsɔ tɔ́ alʋ sɩ: Maa sɔɔsɩ-ŋ wʋsasɩ kɛ nyá ahontotʋ waatʋ, na nsǝɣɩ n ká lʋlǝna, na n ká nyɩɩlǝɣɩ nyá paalʋ kɛ́ teu. Ama ɩ́lɛ́ ɩ ká la nyá sɔsɔ.
73	GEN 3:17	Ɩlɛna ɩ́ pǝsǝna apalʋ tɔɔ sɩ: Timpi n nɩɩna nyá alʋ na ń tɔɣɔ tʋɣʋ ŋku maa kisina-ŋ tɔ. Ma tǝŋsǝɣɩ tɛtʋ kɛ mpusi kɛ́ nyá maɣamaɣa nyá tɔɔ. Wahala na wahala kɛ́ na pǝ́cɔ́ ń hiki nyá tɔɣɔnaɣa halǝna nyá sǝm.
75	GEN 3:19	Ye haŋaɣa ta sɔ-ŋ, n kaa hiki ɩcaʋtɛ na ń mʋlɩ. Halǝna kʋyakʋ ŋku paa pi-ŋ tɛtʋ nti paa ŋmana-ŋ tɔ tǝ taa tɔ. Mpi tɔ, n kɛ́ tɛtʋ kɛ́, pǝ́cɔ́ n ká taɣanɩ kʋlʋmtʋ ntǝɣɩ pǝsʋɣʋ tɔtɔ.
77	GEN 3:21	Ɩlɛna Ɩsɔ Tacaa kʋ wontu natǝlɩ na ɩ́ liti-tɩ na ɩ́ tɔɣɔlɩ Atam na ɩ alʋ.
79	GEN 3:23	Ɩlɛna Ɩsɔ tɔɣɔnɩ-ɩ Ɩteni taalɛ taa sɩ ɩ́ sʋʋ halǝm kɛ tɛtʋ nti pa ŋmana-ɩ tɔ.
85	GEN 4:5	Ama ɩ kisa Kayini nyǝŋka. Tǝnaɣalɛ pǝ haŋa-ɩ teu ɩsɩɩ nɔɔhǝlɛ taa kɔkɔ, na ɩ ɩsɛntaa sɔŋ.
86	GEN 4:6	Ɩlɛna Tacaa pɔɔsɩ-ɩ sɩ: Pepe tɔɔ kɛ́ nyá ɩsɛntaa sɔŋaa?
87	GEN 4:7	Ye kʋpantʋ kɛ n lakɩ, nyá ɩsɛntaa ɩ́ hɛtɩ. Ama ye ɩsaɣatʋ kɛ n lakɩ, kʋlʋmtʋ ntɩ tǝ papǝna ntɛɣɛ nyá nɔnɔɣɔ tɛɛ ɩsɩɩ tɔɣɔlʋɣʋ na tǝ́ taŋa-ŋ, na tǝ́ caa-ŋ kǝlʋɣʋ. Ama pǝsɩ-tɩ na ń kǝlɩ-tɩ.
90	GEN 4:10	Ɩlɛna Tacaa pɔɔsɩ-ɩ sɩ: Pepe lapa mpʋ? Ma nawa nyá neu calǝm kɛ atɛ, na pǝ wɛɛ sɩ má lɛɛtɩ-ŋ.
91	GEN 4:11	Nɔɔnɔɔ tɛtʋ ká tǝŋsɩ-ŋ mpusi kɛ́ timpi n yelaa na tǝ́ haa nɔɣɔ na tǝ́ li nyá neu calǝm kɛ nyá niŋ taa tɔ.
92	GEN 4:12	Paa n ká hala-tǝɣɩ ɩsǝna, n kaa waa pʋlʋ. N ká la yem cɔɔlʋ, n kaa wɛɛna tǝyaɣa.
94	GEN 4:14	Nyǝnɩ, saŋa ń tɔɣɔnǝɣɩ-m tɛtʋ kʋpantʋ tǝnɛ tǝ taa kɛlɛ, ma kaa tasa nyá ɩsǝpǝle taa kɛ́ loosuɣu. Maa pǝsɩ yem cɔɔlʋ, ma kaa wɛɛna tǝyaɣa, na wei ɩ́ hika-m ɩ kʋ-m.
95	GEN 4:15	Tǝnaɣalɛ Tacaa nɔɣɔ tǝkpaʋ sɩ: Aaɩ, ye wei ɩ́ kʋwa Kayini, ɩsɩɩ ma fɛla pʋntʋ kɛ pǝ tɔm naatosompɔɣɔlaɣa. Ɩlɛna Tacaa yʋsɩ Kayini sɩ ye wei ɩ́ na-ɩ ɩ́ taa kʋ-ɩ.
97	GEN 4:17	Ḿpʋ́ɣʋ́ Kayini nyǝmá ɩ alʋ na ɩ́ lá teu na ɩ́ lʋlɩ Henɔkɩ. Ɩlɛna ɩ́ ŋmá ɩcatɛ na ɩ́ ha-tɛɣɛ ɩ pǝyalʋ hǝtɛ.
103	GEN 4:23	Ḿpʋ́ɣʋ́ Lemɛkɩ tɔma ɩ alaa Ata na Sila sɩ: Ma alaa mɛ, ɩ́ nɩɩ ma tɔm yoo. Mǝ taa lɛlʋ paalʋ cǝtǝla-m kɛ́ na má kʋ-ɩ.
105	GEN 4:25	Atam pa tasa apalʋpǝyaɣa kɛ lʋlʋɣʋ ɩlɛna Ɩfa ha-kɛɣɛ hǝtɛ sɩ Sɛɛtɩ, sɩ Tacaa ha ɩnǝɣɩ apalʋpǝyaɣa lɛŋka kɛ Apɛɛlɩ wei Kayini kʋwa tɔ ɩ lonte.
106	GEN 4:26	Sɛɛtɩ ná lapa yʋlʋ na ɩ́ lʋlɩ apalʋpǝyaɣa na ɩ́ ha-kɛ sɩ Ɩnɔɔsɩ. Waatʋ ɩnǝɣɩ yǝlaa caala Ɩsɔ kɛ́ sɛɛʋ sɩ Tacaa.
107	GEN 5:1	Atam lʋlʋɣʋ nyǝ́ma hǝla ntɔ cǝnɛ. Waatʋ wei Ɩsɔ ŋmá yʋlʋ tɔ, ɩ ŋma-ɩ kɛ́ ɩsɩɩ ɩ wɛɛ tɔ.
108	GEN 5:2	Apalʋ na alʋ kɛ ɩ ŋmawa na ɩ́ ha-wɛ sɩ yǝlaa na ɩ́ kooli-wɛɣɛ kʋpantʋ.
109	GEN 5:3	Atam pɩɩsɩ lapa nɩɩnʋwa na hiu na naanʋwa (130) kɛ́ ɩlɛna ɩ́ lʋlɩ pǝyaɣa na ká kpaɣa-ɩ tǝtɛŋɛlɛŋ na ɩ́ ha-kɛɣɛ hǝtɛ sɩ Sɛɛtɩ.
130	GEN 5:24	Henɔkɩ ka tǝŋa Ɩsɔ kɛ́ teu kɛ́ na Ɩsɔ wɛ ɩ waalɩ. Pǝ kɔma na pǝ kɛɛsɩ ɩlɛna Ɩsɔ kpaɣa-ɩ na ɩ ɩsɛ, nɔɣɔlʋ ta tasa-ɩ naʋ.
135	GEN 5:29	na ɩ́ ha-kɛ sɩ Nowee. Mpi tɔ, ɩ tɔmaɣa sɩ ɩnɛ ɩnɩ ɩ ká hɛɛsǝna tá laŋa kɛ ta ɩkaalɛnaa na tá wahala tǝma taa kɛ́ tɛtʋ nti ɩnɩ Tacaa tǝŋsa mpusi kɛ́ tá tɔɔ tɔ tǝ taa cǝnɛ.
144	GEN 6:6	Ḿpʋ́ɣʋ́ Tacaa laŋlɛ wakǝlaa na pǝ́ wɩɩ-ɩ sɔsɔm kɛ mpi pǝ tɔɔ ɩ ŋmá yʋlʋ tɔ.
152	GEN 6:14	Caa tʋɣʋ kʋpaŋkʋ nakʋlɩ na ń saakɩ nyá tǝɣɩ atakaa pɔɣɔlʋɣʋ sɔsɔɔʋ na ń tala kʋ taa kɛ́ naŋsi naŋsi, na ń taa-kʋɣʋ tʋɣʋ cǝlǝm kɛ kʋ taa na kʋ waalɩ.
153	GEN 6:15	Ɩsǝna n ká la-kʋ tɔɣɔlɔ, kʋ taɣalǝŋ ká wɛɛ mɛɛtǝlǝnaa nɩɩnʋwa na nɩɩlɛ na naanʋwa (150) na kʋ waŋ kɛ mɛɛtǝlǝnaa hiu na kakpasɩ na kʋ kʋŋkʋlʋmǝŋ kɛ mɛɛtǝlǝnaa naanʋwa na kakpasɩ.
154	GEN 6:16	Na ń tʋlɩ-kʋɣʋ pǝtote kɛ mpiiŋ naalɛ kɛ lɔpʋtʋ luɣu tɛɛ na nɔnɔɣɔ kɛ kʋ kɔŋkɔŋ taa. Na ń la-kʋɣʋ atɛ na ɩsɔ kutuluŋ kɛ tooso.
160	GEN 6:22	Mpʋ ɩnǝɣɩ Nowee tǝŋaa na ɩ́ lá pǝ tǝna mpi Ɩsɔ tʋ́-ɩ tɔ.
161	GEN 7:1	Ḿpʋ́ɣʋ́ Tacaa tɔma Nowee sɩ: Nyana nyá tǝyaɣa tǝna ɩ́ sʋʋ atakaa pɔɣɔlʋɣʋ taa. Mpi tɔ, nyá tike kɛ ma nawa wei ɩ nɩɩkǝna-m tɔɣɔ yǝlaa panɛ pa hɛkʋ.
165	GEN 7:5	Ɩlɛna Nowee la pǝ tǝna ɩsɩɩ Tacaa heela-ɩ tɔ.
177	GEN 7:17	Kʋyɛɛŋ nɩɩlɛ tǝcu kɛ́ tɛʋ nɩɩwa, ɩlɛna lʋm kpa na pǝ́ kɛlɩ atakaa pɔɣɔlʋɣʋ, na pǝ́ kpaasɩ-kʋɣʋ ɩsɔtaa.
193	GEN 8:9	Ama alukuku laŋa timpi ɩ́ tɩɩ sopi sopuɣu maɣamaɣa tɔ, ɩlɛna ɩ́ mǝlǝna Nowee tɔɔ. Mpi tɔ, lʋm ká waasa tɛtʋ tǝna tɔɔ kɛ́. Na Nowee siisi na ɩ́ kpa alukuku na ɩ́ mǝlǝna-ɩ ɩ kiŋ.
202	GEN 8:18	Ɩlɛna Nowee-wɛ na wontu tǝna pá lɩɩ atakaa pɔɣɔlʋɣʋ taa.
215	GEN 9:9	Má na-mɛ tɩɩ pɛɛlɩ nɔɣɔ na ká wɛɛ mpʋ halǝna mǝ lʋlʋɣʋ nyǝ́ma kɛ mǝ waalɩ.
218	GEN 9:12	Ɩlɛna Ɩsɔ tasa sɩ: Ma tʋɣɩ kaɣalʋ na ɩ́ hʋ́lǝ́ɣɩ́ tam tɔɔ kɛ́ nɔɣɔ ŋka má na-mɛ na weesuɣu nyǝm tǝna na mǝ waalɩ lʋlʋɣʋ nyǝ́ma tǝ pɛɛlaa tɔ.
221	GEN 9:15	ɩlɛna pǝ́ tɔɔsɩ-m nɔɣɔ ŋka ma sɩɩ mǝ na weesuɣu nyǝm tǝna sɩ lʋm kʋ́wáásǝm mpɩ pǝ kaa tasa kɔntɛ na pǝ́ kpiisi weesuɣu nyǝm.
222	GEN 9:16	Ɩsɔtɔnʋɣʋ taa kɛ́ kaɣalʋ ká kaɣa, na má nyǝna-ɩ ɩlɛ pǝ tɔɔsɩ-m nɔɣɔ ŋka ma sɩɩ weesuɣu nyǝm tǝna tɔ.
223	GEN 9:17	Mpi pǝ hʋlǝɣɩ nɔɣɔ ŋka ma sɩɩ-wɩ tɔɣɔlɛ.
227	GEN 9:21	Ɩlɛna ɩ́ nyɔɔ pǝ sʋlʋm na pǝ́ kʋ́-ɩ na ɩ́ wɔɣɔsɩ ɩ wontu na pǝ́ yele-ɩ tapakpɛtɛ kɛ cokǝle taa.
229	GEN 9:23	Ntɛna Sem na Yɛfɛtɛ pá kpaɣa kpaɩ na pá hɔɣɔlɩ-ɩ na pá tɔna waalɩ waalɩ na pá takɩ pa caa. Ɩlɛ pa ta na ɩ tapakpɛtɛ. Mpi tɔ, waalɩ waalɩ kɛ́ pa tɔmnaa.
231	GEN 9:25	Ɩlɛna ɩ́ tɔ́ sɩ: Mpusi ɩ́ tǝŋ Kam pǝyalʋ Kanaaŋ na pǝ́ lapɩ-ɩ ɩ taalʋnaa yom tǝkpapa.
232	GEN 9:26	Ma sama Sem Ɩsɔ Tacaa. Pǝ́ la Kanaaŋ kɛ Sem-wɛ pa yom.
240	GEN 10:5	Mpɛ ɩnɩ pa hukina tɛtʋ nti lʋm cɔɔnaa tɔ tǝ taa ɩsɩɩ tǝ naakʋɣʋ-wɛ na paa wei na ɩ nsǝmlɛ na ɩ lʋlʋɣʋ tɔ.
244	GEN 10:9	Tacaa sǝna-ɩ kɛ́ na ɩ́ pǝsɩ yɛllaa taa yɛllʋ. Pǝ tɔɔ kɛ́ pa tukaɣa ɩtuule kɛ waatʋ ɩnɩ sɩ: Tacaa ɩ́ yele na ń pǝsɩ yɛllaa taa yɛllʋ ɩsɩɩ Nimloti.
270	GEN 11:3	Mpʋɣʋlɛ pa heela tǝma sɩ: Ɩ́ kɔɔ na tǝ́ loo pilikinaa na tǝ́ wɔ-wɛɣɛ kɔkɔ. Ɩlɛna pá lana pilikinaa kɛ pɛɛ lonte na pá lana kaaloo kɛ́ somtu lonte.
273	GEN 11:6	Ɩlɛna Tacaa tɔ́ sɩ: Ɩ́ nawa, pa tǝna ɩsǝntɔ pa kɛ́ yǝlaa kʋlʋmaa kɛ́, na pa kaa nsǝmlɛ kʋlʋmtǝlɛ. Pa caalʋɣʋ ɩsǝntɔ tɔ pʋlʋpʋ kaa kaɣatɩ-wɛɣɛ mpi paa hɔkɔ sɩ pa lakɩ tɔ pǝ taa.
275	GEN 11:8	Ntɛna Tacaa yasɩ-wɛɣɛ antulinya tǝna taa na pá yele pa ɩcatɛ ŋmaʋ.
276	GEN 11:9	Mpʋ pǝ yelina na pá ha ɩcatɛ ntɛɣɛ hǝtɛ sɩ Papɛɛlɩ. Mpi tɔ, tǝnaɣa Tacaa liɣita yǝlaa nsǝmlɛ, na ɩ́ yasɩ-wɛɣɛ antulinya tǝna taa.
295	GEN 11:28	Ama Halaŋ ná sǝpa Uu ɩcatɛ taa timpi pa lʋla-ɩ tɔɣɔ Papiloni tɛtʋ taa na ɩ caa Tela ta sǝta.
300	GEN 12:1	Ḿpʋ́ɣʋ́ kʋyakʋ nakʋlɩ Tacaa heela Apǝlam sɩ: Lɩɩ nyá tɛtʋ taa kɛ́ nyá nyǝ́ma hɛkʋ kɛ nyá caa tǝyaɣa taa, na ń polo tɛtʋ nti maa hʋlɩ-ŋ tɔ tǝ taa.
301	GEN 12:2	Maa yele na nyá piitim la sɔsɔɔm na má kooli-ŋ kʋpantʋ, na nyá hǝtɛ yaa, na ń pǝsɩ kʋpantʋ tiipiiu.
302	GEN 12:3	Maa kooli kʋpantʋ kɛ nyá kʋpantʋ koollaa na ma sʋkɩ mpusi kɛ́ mpa pɛlɛ paa sʋkɩ-ŋ mpusi tɔ. Nyá tɔɔ kɛ́ atɛ piitimnaa ká hiki nyʋleleŋ na pǝ́ kooli-wɛɣɛ koolee kʋpana.
303	GEN 12:4	Mpʋɣʋlɛ Apǝlam kpaɣa ɩ alʋ Salaɩ na ɩ taalʋ pǝyaɣa Lɔɔtɩ na ɩ wɛnaʋ tǝna na ɩ tǝmlɛ nyǝ́ma mpa ɩ hika Halaŋ tɔ na ɩ́ lɩɩ tǝna ɩsɩɩ Tacaa ka heeluɣu-ɩ tɔ na ɩ́ tɛɛ Kanaaŋ tɛtʋ taa. Waatʋ ɩnɩ ɩ pɩɩsɩ ka wɛ nɩɩtoso na naanʋwa na kakpasɩ. Ɩ tapa tɛtʋ ntɩ ɩlɛna
1538	EXO 1:5	Yakɔpʋ pǝyalaa na ɩ saalǝnaa mpɛ pa tǝna paa wɛ yʋlʋnyɔɔŋ nɩɩtoso na naanʋwa (70) kɛ́. Ɩlɛ ɩ pǝyalʋ lɛlʋ Yosɛɛfʋ ná laala-wɛɣɛ Icipiti kɛ pote.
1542	EXO 1:9	Ntɛna ɩ́ koti ɩ yǝlaa na ɩ́ tɔ-wɛ sɩ: Ɩ́ nyǝnɩ, Ɩsɛɣɛlɩ nyǝ́ma kǝla-tʋɣʋ samaa na toŋ, pa wɛ-tʋɣʋ asola kɛ́.
1543	EXO 1:10	Mpʋ tɔ, pǝ wɛɛ sɩ tǝ́ pɛɛkɩ yaasi wei tɩɩ pasǝna-wɛ tɔ. Pǝ́ taa kɔɔ na pǝ́ yoosi tá na tá kolontunaa na mpɛ pá sɛɛna pa tɔɔ na pá kǝlɩ-tʋ. Ɩlɛna pá se na pá tɛɛ.
1545	EXO 1:12	Paa na pa tǝma anǝɣɩ mpʋ tɔ, pa tɔŋna hukuɣu kɛ́ na pá suɣi tɛtʋ. Ɩlɛna Icipiti nyǝ́ma tɛɛ náá sʋʋkǝna-wɛɣɛ sɔsɔm.
1546	EXO 1:13	Ḿpʋ́ɣʋ́ pa tʋ-wɛɣɛ yomle tǝma. Ɩlɛna pɛlɛ pá lɩɩ pa tǝɣɩ luɣu. Mpi tɔ, cʋɣʋ kɛ pa casaɣa na pá ŋmaakɩ pilikinaa, na pá lakɩ tawa tǝma tǝna. Pa tʋkaɣa-wɛɣɛ-yɛɣɛ ḿpʋ́ɣʋ́ na mʋsʋŋ.
1548	EXO 1:15	Hepǝla nyǝ́ma ka wɛna alaa lʋlǝsǝlaa kɛ naalɛɣɛ. Pa yaa lɛlʋ sɩ Sifǝla na lɛlʋ sɩ Puwa. Mpʋɣʋlɛ Icipiti wulaʋ yaa-wɛ na ɩ́ heeli-wɛ sɩ:
1551	EXO 1:18	Tǝnaɣalɛ wulaʋ yaa-wɛ na ɩ́ pɔɔsɩ-wɛ sɩ: Pepe tɔɔ kɛ́ ɩɩ kʋɣɩ apalʋpiya mpɛ?
1553	EXO 1:20	Ḿpʋ́ɣʋ́ Ɩsɔ koola lʋlǝsǝlaa mpɛɣɛ kʋpantʋ, na ɩ́ lá na pa piitim taɣalɩ. Mpi tɔ, pa nyaŋaɣana-ɩ tɔ pǝ tɔɔ. Ɩlɛna Ɩsɛɣɛlɩ nyǝ́ma náá hukiɣi na pá nyɔɔkɩ toŋ.
1555	EXO 1:22	Ḿpʋ́ɣʋ́ Icipiti wulaʋ tʋwa Icipiti nyǝ́ma tǝna sɩ: Ye Hepǝla alʋ lʋla apalʋpǝyaɣa ɩ́ tǝŋsɩ-kɛɣɛ Nili pɔɣɔ lʋm. Ama ɩ́ yeki alʋpiya.
1557	EXO 2:2	Ɩlɛna alʋ ɩnɩ ɩ́ lá teu na ɩ́ lʋlɩ apalʋpǝyaɣa. Ka lapa-ɩ teu kɛ sɔsɔm. Ɩlɛna ɩ́ maɣasɩ-kɛɣɛ ŋmɛsʋɣʋ kɛ ɩsɔtʋnaa tooso.
1558	EXO 2:3	Ɩ nawa sɩ ɩ kaa pǝsɩ na ɩ́ ŋmɛsɩ-kɛ, ɩlɛna ɩ́ caa kowusaɣa na ɩ́ taa-kɛɣɛ kaaloo, na tʋɣʋ nakʋlɩ kʋ cǝlǝm sɩ lʋm ɩ́ taa sʋʋ. Ḿpʋ́ɣʋ́ ɩ hɩɩsa pǝyaɣa kɛ pǝ taa na ɩ́ pona kowusaɣa ŋkɛ na ɩ́ sɩɩ pɔɣɔ taa, kɛ́ kuteŋ luɣu tɛɛ, kɛ́ sǝsǝncaasɩ taa.
1560	EXO 2:5	Pǝ pamna Icipiti wulaʋ pɛɛlɔ tii lʋm sɔʋ, na ɩ taapalaa sɩɩ-ɩ na pɛlɛ pá málǝ́ɣɩ́ kuteŋ. Ɩlɛ Icipiti wulaʋ pɛɛlɔ loosa kowusaɣa ntɛ́ sǝsǝncaasɩ tɛɛ kɛ́ lʋm taa. Ɩlɛna ɩ́ tili ɩ yomaa taa lɛlʋ sɩ ɩ́ polo ɩ́ kpaɣa.
1561	EXO 2:6	Ɩ kulaa ɩlɛ ɩ maɣana apalʋpǝyaɣa ntɛ́ na ká wiiki. Ka tɔm lapa-ɩ pǝtɔɔtǝlɛ ɩlɛna ɩ́ pǝsǝna sɩ: Cǝnɛ ɩnɩ, Hepǝla nyǝ́ma pǝyaɣa kɛ́.
1562	EXO 2:7	Ka kɔɣɔ ka sǝŋa tǝna, tǝnaɣa ɩ nɔɣɔ tǝkpaʋ sɩ: N caa sɩ má polo má pɛɛkɩ-ŋ Hepǝla alʋ wei ɩ ká mʋsǝsɩ-kɛ́ tɔ?
1564	EXO 2:9	Ḿpʋ́ɣʋ́ Icipiti wulaʋ pɛɛlɔ tɔma alʋ ɩnɩ sɩ: Kpaɣa pǝyaɣa kanɛ na ń mʋsǝsɩ-m- kɛ, maa fɛlɩ-ŋ. Ɩlɛna toto kpaɣa-kɛ na ɩ́ tɔɔ-kɛ.
1565	EXO 2:10	Pǝyaɣa kɔma na ká cɛ́ hǝtɛ ɩlɛna ka too pona-kɛ na ɩ́ cɛlɛ-kɛɣɛ Icipiti wulaʋ pɛɛlɔ na ká caɣa ɩ kiŋ ɩsɩɩ ka too kʋlʋlʋ. Ntɛna ɩ́lɛ́ ɩ́ ha-kɛɣɛ hǝtɛ sɩ, Moisi. Lʋm apalʋ kɛ pa yaa mpʋ na pa tɛ́ taa. Mpi tɔ, lʋm taa kɛ́ ɩ lǝsa-ɩ.
1566	EXO 2:11	Moisi lapa sɔsɔ ɩlɛna kʋyakʋ nakʋlɩ ɩ́ polo sɩ ɩ naakɩ ɩ nyǝ́ma Hepǝla nyǝ́ma. Na ɩ nawa tɔtɔɣɔ wahala tǝma wena Icipiti nyǝ́ma tʋkaɣa-wɛ tɔ. Halǝna ɩ́ ná tɔtɔɣɔ Icipiti tʋ nɔɣɔlʋ ɩ kʋɣɩ Hepǝla tʋ.
1567	EXO 2:12	Ɩ caa ɩsɛ kɛ ɩ taa na ɩ waalɩ ɩ ta na nɔɣɔlʋ, ɩlɛna ɩ́ kʋ́ Icipiti tʋ na ɩ́ ŋmɛsɩ-ɩ kanyǝŋa tɛɛ.
1568	EXO 2:13	Tɛʋ fema na ɩ́ mǝlɩ, ɩlɛna ɩ́ maɣana Hepǝla nyǝ́ma na pá makɩ tǝmaɣa pa taa pa tike. Ɩ lola-wɛ ɩlɛna ɩ́ pɔɔsɩ mʋsʋŋtʋ sɩ: Pepe tɔɔ kɛ́ n lakɩ nyá tɛɛtʋ kɛ nyǝmǝŋ kɛ mpʋ?
1569	EXO 2:14	Mpʋɣʋlɛ ɩ́lɛ́ ɩ pǝsǝna-ɩ sɩ: Awe kpa-ŋ tá wulaʋ yaa tá tɔm hʋʋlʋ ye? N caa sɩ n kʋ-m ɩsɩɩ n kʋɣʋ Icipiti tʋ tɔ yɛɛ? Moisi cɛkǝnaa sɩ yǝlaa nyǝmá-tɩ ɩlɛna sɔɣɔntʋ kpa-ɩ.
1571	EXO 2:16	Kɔtʋlʋ nɔɣɔlʋ ɩ ka wɛ tǝna na pá yaakɩ-ɩ sɩ, Yetulo. Ɩ wɛna pɛɛlaa naatosompɔɣɔlaɣa. Ḿpʋ́ɣʋ́ pɛɛlaa mpɛ pa pola lʋm luɣu sɩ pa suuliɣi pǝlona na pa caa tɔla nyɔɔ.
1573	EXO 2:18	Pa mǝla tǝyaɣa ɩlɛna pa caa pɔɔsɩ-wɛ sɩ: Ɩsǝnaɣa pǝ lapa na saŋa ɩ́ kɔɔ lɔŋ kɛ mpʋ?
1574	EXO 2:19	Ntɛna pá cɔ-ɩ sɩ: Icipiti tʋ nɔɣɔlʋ ɩ waasǝna-tʋ. Halǝna ɩ́ lu tá kalǝkʋ kɛ lʋm na kʋ́ nyɔɔ.
1575	EXO 2:20	Kɛlɛna pa caa nɔɣɔ tǝkpaʋ sɩ: Na apalʋ ɩnɩ ɩ wɛ le? Ɩ́ tá sʋʋna-ɩ tǝyaɣa suwe? Tɔʋ, ɩ́ polo na ɩ́ yaa-ɩ na ɩ́ kɔɔ na tá na-ɩ tǝ tɔɣɔ.
1576	EXO 2:21	Ḿpʋ́ɣʋ́ Moisi tisaa na ɩ́ caɣa apalʋ ɩnɩ ɩ tɛ. Halǝna ɩ́lɛ́ ɩ ha-ɩ ɩ pɛɛlɔ Sefola na ɩ́ lá alʋ.
1577	EXO 2:22	Alʋ ɩnɩ ɩ lapa teu, ɩlɛna ɩ́ lʋlɩ apalʋpǝyaɣa na ka caa ha-kɛɣɛ hǝtɛ sɩ Kɛɛsɔm. Macɔɔsaa kɛ́ pɛlɛ pa yaa mpʋ na pa tɛ́ taa.
1578	EXO 2:23	Ḿpʋ́ɣʋ́ pǝ taaŋa sɔsɔm, ɩlɛna Icipiti wulaʋ sɩ́. Yomle nɩɩwa Ɩsɛɣɛlɩ nyǝ́ma ɩlɛna pá wiiki na pá tekiɣi Ɩsɔ sɩ ɩ́ waasɩ-wɛ na ɩ́lɛ́ ɩ nɩɩ.
1585	EXO 3:5	Mpʋɣʋlɛ Ɩsɔ tɔma-ɩ sɩ: Taa kpǝtǝna tiika ŋkɛ yoo. Wɔɣɔsɩ nyá ntankpala. Mpi tɔ, Ɩsɔ tɛtʋ tɔɔ kɛ́ n sǝŋa mpʋ.
1587	EXO 3:7	Ntɛna Ɩsɔ tɔ sɩ: Ma nawa ɩsǝna ma yǝlaa tɔkɩ kʋnyɔŋ kɛ Icipiti tɔ. Pǝyǝle ma nɩɩwa wula nna pa ŋmakǝllaa tʋɣʋ-wɛ tɔ. Ma nyǝmá pa wahalanaa tɔɔ.
1588	EXO 3:8	Pǝ tɔɔ kɛ́ ma tiiwa sɩ ma cɛkɩ-wɛɣɛ Icipiti nyǝ́ma niŋ taa, na má pona-wɛɣɛ tɛtʋ kʋpantʋ nti tǝ walaa na tɔɣɔnaɣa na kʋpantʋ tǝna tɔla yem tǝhɔ tɔ tǝ taa. Kanaaŋ nyǝ́ma, na Hiti nyǝ́ma, na Amolii nyǝ́ma, na Filiisi nyǝ́ma, na Hifi nyǝ́ma, na Yepusi nyǝ́ma, pa caɣana tǝ taa.
1589	EXO 3:9	Ma nɩɩwa Ɩsɛɣɛlɩ nyǝma wula, pǝyele ma nawa yaasi wei Icipiti nyǝ́ma ŋmakǝlǝɣǝna-wɛ tɔ.
1590	EXO 3:10	Mpʋ tɔ, ma tiliɣi-ŋ Icipiti wulaʋ tɛ́ sɩ ń polo na ń lǝsɩ ma yǝlaa Ɩsɛɣɛlɩ nyǝ́ma kɛ Icipiti taa.
1592	EXO 3:12	Kɛlɛna Ɩsɔ sɩ: Maa wɛɛ nyá waalɩ. Na mpi n ká nyǝna sɩ má tiliɣina-ŋ tɔɣɔlɛ sɩ, n ká lǝsɩ Ɩsɛɣɛlɩ nyǝ́ma kɛ Icipiti na nyana-wɛ ɩ́ kɔɔ na ɩ́ sɛɛ-m pʋɣʋ kʋnɛ kʋ tɔɔ cǝnɛ.