23234	MAT 1:21	ኢዛ ኣቱማ ናዓ ዬላናዉኑ፤ ኔኒካ፥ ኢ ኣሳ ናጋራፔ ኣሺያ ዲራው ኣ ሱን ዬሱሳ ጋዴ ፄሳናሳ» ያጌዳ።
23235	MAT 1:22	ቃሲ ጎዳይ ናቢያ ባጋና፥ «ዎዶራታ ሻሃራናዉኑ፤ ናዓካ ዬላናዉኑ፤ ኣ ሱንይካ ኣማኔላ ጌቴታናዋ» ያጌዳዌ ፖሌታና ማላ፥ ሃዌ ኡባይ ሃኔዳ፤ «ኣማኔላ» ያጊያዌ፥ «ፆሳይ ኑናና ዴዔ» ያጊያዋ።
23240	MAT 2:2	«ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ።
23242	MAT 2:4	ሄሮዲሴ ቄሳቱዋ ካፓቱዋ ኡባቱዋኔ ሙሴ ሂጊያ ታማሪሲያዋንታ ፄሲዴ፥ «ኪሪስቶሲ ሃቃን ዬሌታንዴሻ?» ያጊዴ ኦቼዳ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23246	MAT 2:8	ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ።
23250	MAT 2:12	ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ።
23251	MAT 2:13	ኡንቱንቱ ቤዳዋፔ ጉዪያን፥ ጎዳ ኪታንቻይ ኣኩሙዋን ዮሴፎ ቤቲዴ፥ «ሄሮዲሴ ናዓ ዎናው ኮዪያ ዲራው፥ ዴንዳዴ ናዓኔ ኣ ዳዮ ኣካዴ ጊብፄ ጋዲያ ቤታ፤ ታኒ ኔው ኦዳና ጋካናው፥ ያኒ ዴዓሻ» ያጌዳ።
23252	MAT 2:14	ዮሴፎ ቃማ ዴንዲዴ፥ ናዓኔ ኣ ዳዮ ኣኪዴ፥ ጊብፄ ጋዲያ ቤዳ፤ ጎዳይ ናቢያ ባጋና፥ «ታኒ ታ ናዓ ጊብፄ ጋዲያፔ ፄሳዲ» ያጌዳዌ ፖሌታና ማላ፥ ሄሮዲሴ ሃይቃና ጋካናው ኢ ያኒ ዴዔዳ።
23255	MAT 2:17	ናቢያ ኤርሚያሲ፥ «ዬኩኔ ዚላሳይ ራማ ጌቴቲያ ካታማን ሲሴቴዳ፤ ራሄላ ባሬ ናናው ዬካው። ኡንቱንቱ ሃይቂዲጎ ዲራው፥ ኣጋ ጊና፥ ኣጌናን ኢፃዱ» ጊዴ ኦዴዳዌ ፖሌቴዳ።
23258	MAT 2:20	ኣ፥ «ዴንዳ፤ ናዓኔ ኣ ዳዮ ኣካዴ፥ ኢስራዔሊያ ጋዲያ ሲማ። ናዓ ዎናው ኮዪያዋንቱ ሃይቂዲጌዲኖ» ያጌዳ።
23261	MAT 2:23	ናባቱ፥ «ኣሳይ ኣ፥ ‹ናዚሬቲያ ኣሳ› ጊዴ ፄሳና» ያጌዳዌ ፖሌታና ማላ፥ ናዚሬቴ ጌቴቲያ ካታማ ቢዴ ዴዔዳ።
23262	MAT 3:1	ሄ ዎዴ ፃማቂያ ዮሃኒሲ ኣሳ፥ «ሳሉዋ ካዉቴይ ማታቴዳ ዲራው፥ ሂንቴ ናጋራፔ ሲሚቴ» ያጊዴ፥ ዪሁዳ ሜላ ቢታን ኦዲዴ ዬዳ።
23264	MAT 3:3	ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥ «ኢቱ ሜላ ቢታን ባሬ ቃላ ቁ ኡዲዴ፥ ‹ጎዳ ኦጊያ ጊጊሲቴ። ኢ ሄሜታና ሎሱዋካ ኣው ሲቲ ኡዲቴ› ጌዳ» ያጌዳ።
23273	MAT 3:12	ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
23275	MAT 3:14	ሺን ዮሃኒሲ፥ «ታኒ ኔናን ፃማቄታናው ቤሲያ ዎዴ፥ ኔኒ ታኮ ያይ?» ያጊዴ፥ ኣ ዲጋናው ኮዬዳ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23278	MAT 3:17	ቃሲ ሳሉዋፔ፥ «ታኒ ሲቂያ፥ ታና ናሼቺያ፥ ታ ናዓይ ሃዋ» ያጊያ ቃላይ ዬዳ።
23281	MAT 4:3	ፃላሂ ዪዴ ኣ፥ «ኔኒ ፆሳ ናዓ ጊዶፔ፥ ኣኔ ሃ ሹቻቱዋ ኡኪ ጊዳና ማላ ጋ» ያጌዳ።
23282	MAT 4:4	ሺን ዬሱሲ ዛሪዴ፥ «ፆሳ ማፃፋን፥ ‹ኣሳይ ፆሳይ ሃሳዪያ ቃላ ኡባን ዴዓናፔ ኣቲን፥ ኡኪ ፃላላን ዴዔና› ያጌቲ ፃፌቴዳ» ያጌዳ።
23284	MAT 4:6	«ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ ‹ፆሳይ ባሬ ኪታንቻቱዋ ኔው ኣዛዛናዋ› ቃሲ ‹ኡንቱንቱ ኔ ጌዲ ሹቻን ቤቴና ማላ፥ ባሬንቱ ኩሺያን ኔና ዴንናዋንታ› ያጌቲ ፃፌቴዳ» ያጌዳ።
23285	MAT 4:7	ዬሱሲ ዛሪዴ ኣ፥ «ቃሲካ ፆሳ ማፃፋን፥ ‹ጎዳ ኔ ፆሳ ፓጮፓ› ያጌቲ ፃፌቴዳ» ያጌዳ።
23287	MAT 4:9	ቤሲዴ ኣ፥ «ኔኒ ታው ጉልባታዴ ጎዪኖፔ፥ ታኒ ሃዋ ኡባ ኔው ኢማና» ያጌዳ።
23288	MAT 4:10	ሄ ዎዴ ዬሱሲ ዛሪዴ ኣ፥ «ላ ሃ ሴፃናው ሃካ፤ ኣዪሲ ጎፔ፥ ፆሳ ማፃፋን፥ ‹ጎዳው፥ ኔ ፆሳው ጎዪና፤ ኣ ፃላላ ጎሼታ› ጌቴቲ ፃፌቴዳ» ያጌዳ።
23294	MAT 4:16	ማኒ ዴዒያ ኣሳይ ዎልቃማ ፖዑዋ ቤዔዳ። ቃሲ ሃይቁዋ ኩዋይ ዴዒያ ጋዲያን ኡቴዳዋንቶ ፖዑ ኬሴዳ» ያጌዳዌ ፖሌታና ማላሳ።
23295	MAT 4:17	ሄ ዎዲያፔ ዶሚዴ ዬሱሲ፥ «ሂንቴ ናጋራ ፓፂቴ፤ ኣዪሲ ጎፔ፥ ሳሉዋ ካዉቴይ ማታቴዳ ዲራሳ» ጊዴ ቃላ ኦዱዋ ዶሜዳ።
23297	MAT 4:19	ኡንቱንታ፥ «ታና ካሊቴ፤ ታኒ ሂንቴና ሞሊያ ኦይቂያዋዳን ኣሳ ታኮ ኣሂያ ኦጊያ ታማሪሳና» ያጌዳ።
23412	MAT 7:27	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጊና፥ ጎሊ ኤሌካ ኩንዴዳ። ሄ ጎሊ ዎልቃማ ኩንዴ ኩንዴዳ።»
23416	MAT 8:2	ሄ ዎዴ ኦሉ ኦይቄዳ ኢቲ ቢታኒ ዬሱሳኮ ዪ ኣ ሲንን ጉልባቲዴ፥ «ጎዳው፥ ኔ ሼኔ ጊዶፔ፥ ታና ፓዴ ጌሻናው ዳንዳያ» ያጌዳ።
23417	MAT 8:3	ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።
23418	MAT 8:4	ዬሱሲ ኣ፥ «ሲሚ ሃዋ ኦሲኔ ኦዶፓ፤ ሺን ቄሳኮ ባዴ ኔ ፓፃዴ ጌዬዳዋ ኣ ቤሳ፤ ኔ ፓፃዴ ጌዬዳዋ ኣሳ ኤሪሳናው ሙሴ ኣዛዜዳ ያርሹዋ ፆሳው ያርሻ» ያጌዳ።
23419	MAT 8:5	ዬሱሲ ቂፊሪናሆማ ካታማ ጌሌዳ ዎዴ፥ ኢቲ ሮማ ጋዴ ፄቱዋ ካፑ ኣኮ ዪዴ፥ «ታ ጎዳው፥ ታ ቆማ ቦላይ ጉንዲና፥ ዳሮ ሳኬቲዴ፥ ሶዪን ጊሴዳ፤ ሃያጎዶ ታው ፓሪኪ» ያጊ ዎሴዳ።
23421	MAT 8:7	ዬሱሲ፥ «ታኒ ባዴ ኣ ፓና» ያጌዳ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23426	MAT 8:12	ሺን ካዉቴን ዴዓናው ቤሲያ ኣሳይ ዎልቃማ ማ ጋርሳ ካሬ ኦሌታና፤ ሄዋን ኡንቱንቱ ዬካናኔ ባሬንቱ ኣቻ ቃናዋንታ» ያጌዳ።
23427	MAT 8:13	ሄዋፔ ካላ ዬሱሲ ፄቱዋ ካፑዋ፥ «ኔ ሶይ ባ፤ ኔኒ ኣማኔዳዋዳን ኔው ሃኖ» ያጌዳ፤ ፄቱዋ ካፑዋ ቆማይ ሄ ሳቲያንካ ፓፂ ኣጌዳ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23433	MAT 8:19	ሄዋፔ ጉዪያን ሙሴ ሂጊያ ታማሪሲያ ኢቱ ኣኮ ዪዴ፥ «ታማሪሲያዎ፥ ኔኒ ቢያሳ ኡባ ታኒ ኔና ካላና» ያጌዳ።
23434	MAT 8:20	ዬሱሲ ኣ፥ «ዎራካናቱዋሲ ኦላይ ዴዔ፤ ካፋቱዋሲካ ኬይ ዴዔ፤ ሺን ታው፥ ኣሳ ናዓው፥ ሼምፓ ኣኪያሳይካ ባዋ» ያጌዳ።
23435	MAT 8:21	ቃሲ ካሊያዋንቱፔ ኢቱ ዬሱሳ፥ «ጎዳው፥ ታኒ ሲንታ ባዴ ታ ኣባ ሞጋናው ባ ያጋሪኪ» ያጌዳ።
23436	MAT 8:22	ሺን ዬሱሲ ኣ፥ «ኔኒ ታና ካላ፤ ሃይቄዳዋንቱ ባሬንቱ ኣኃ ሞጊኖ» ያጌዳ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23440	MAT 8:26	ዬሱሲ ኡንቱንታ፥ «ሃ ኣማኑ ፓጬዳዋንቶ፥ ኣዪሲ ያዪቴ?» ያጌዳ። ሄዋፔ ጉዪያን ዴንዲዴ፥ ጎቱዋኔ ቤታ ኣጊቴ ጊና፥ ጎቱኔ ቤታይ ጮዑ ጌዳ።
23441	MAT 8:27	ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ።
23443	MAT 8:29	ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ።
23445	MAT 8:31	ኢታ ኣያናቱ ዬሱሳ፥ «ኔኒ ኑና ኬሲያዋ ጊዶፔ፥ ሂኒ ጉዱን ዉዲያ ጊዶ ዬዳርኪ» ያጊዴ ዎሴዲኖ።
23446	MAT 8:32	ዬሱሲ ኡንቱንታ፥ «ቢቴ!» ጊና ኡንቱንቱ ቢታናቱዋፔ ኬሲ ቢዴ፥ ጉዱንቱዋን ጌሌዲኖ። ጉዱን ዉዲ ኡባይ ካካ ላንቂያና ካጆቲዴ፥ ኣባን ጌሊዴ፥ ሚቴቲ ኣጌዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23457	MAT 9:9	ዬሱሲ ሄዋና ኣዴ፥ ማቶሳ ያጊያዌ ቃራፃ ቃንፂያ ሳን ኡቴዳዋ ዴሚዴ ኣ፥ «ታና ካላ» ያጌዳ። ማቶሲካ ዴንዲ ኤቂዴ፥ ኣ ካሌዳ።
23459	MAT 9:11	ኢቲ ኢቲ ፓሪሳዋቱ ሄዋ ቤዒዴ፥ ዬሱሳ ካሊያዋንታ፥ «ሂንቴና ታማሪሲያዌ ቃራፃ ቃንፂያዋንቱናኔ ናጋራንቻቱዋና ቁማ ኣዪሲ ኢቲፔ ሚ?» ያጌዲኖ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23462	MAT 9:14	ሄ ዎዴ ዮሃኒሳ ካሊያዋንቱ ዬሱሳኮ ዪዴ፥ «ኑኒኔ ፓሪሳዋቱ ኡባ ዎዴ ፆሜቶ፤ ሺን ኔና ካሊያዋንቱ ኣዪሲ ፆሚኪኖ?» ያጊዴ ኣ ኦቼዲኖ።
23463	MAT 9:15	ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23466	MAT 9:18	ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ።
23469	MAT 9:21	ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ።
23470	MAT 9:22	ሺን ዬሱሲ ዩዪ ኢዞ ፄሊዴ፥ «ታ ናቴ፥ ያዮፓ፤ ኔና ኔ ኣማኑ ፓዳ» ያጌዳ። ሄ ማንዒያንካ ሚሺራታ ፓፃ ኣጋዱ።
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23475	MAT 9:27	ዬሱሲ ሄዋና ኣዴ ቢያ ዎዴ፥ ላዑ ቆቃቱ ባሬንቱ ቃላ ቁ ኡዲዴ፥ «ዳዊቴ ናዓው፥ ኑና ማራሪኪ» ያጊዴ ኣ ካሌዲኖ።
23476	MAT 9:28	ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። ኡንቱንቱ፥ «ኤ ጎዳው» ያጊ ዛሬዲኖ።
23477	MAT 9:29	ሄዋፔ ጉዪያን፥ ዬሱሲ ኡንቱንቱ ኣይፊያ ባሬ ኩሺያን ቦቺዴ ኡንቱንታ፥ «ሂንቴው ሂንቴንቱ ኣማኑዋዳን ሃኖ» ያጌዳ።
23478	MAT 9:30	ኡንቱንቱ ኣይፊ ዶዬቲ ኣጌዳ፤ ዬሱሲ ኡንቱንቶ፥ «ሃዋ ኦሲኔ ኦዶፒቴ» ያጊዴ ሚኒሲዴ ኦዴዳ።
23481	MAT 9:33	ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ።
23482	MAT 9:34	ሺን ፓሪሳዋቱ፥ «ኢ ኢታ ኣያናቱዋ ካፑዋ ዎልቃን ፃላሃቱዋ ኬሴ» ያጌዲኖ።
23486	MAT 9:38	ሲሚ ካ ጎዳይ ካ ጫካናው ኦሳንቻቱዋ ዬዳና ማላ፥ ኣ ዎሲቴ» ያጌዳ።
23528	MAT 10:42	ኦኒኔ ሃ ታና ካሊያዋንቱፔ ጉፂያ ኢቶ፥ ሃራይ ኣቶ ቡሊያ ሃ ፃላላ ኡሻናው ኢሞፔካ፥ ታኒ ሂንቴንቶ ቱሙዋ ጋይ፤ ኢ ባሬ ጋቲያ ኣካና» ያጌዳ።
23531	MAT 11:3	«ያናዌ ኔኔዬ? ዎይ ሃራ ናጋኔ?» ያጊ ኦቻናዳን ኡዴዳ።
23534	MAT 11:6	ታባ ሲና ኡራይ ኣንጄቴዳዋ» ያጌዳ።
23538	MAT 11:10	ኣዪሲ ጎፔ፥ ፆሳ ማፃፋን፥ ‹ፆሳይ፥ «ቤዓ፥ ታኒ ኪቲያዋ ኔፔ ሲንው ዬዳና። ኢ ኔው ኦጊያ ጊጊሳናዋ» ያጌዳ› ጌቴቲዴ ዮሃኒሳባይ ፃፌቴዳ።
23547	MAT 11:19	ታኒ፥ ኣሳ ናዓይ፥ ማዴኔ ኡሻዴ ዪና፥ ኡንቱንቱ ታና፥ ‹ሃ ናፊሳማኔ ዎዪኒያ ኤሳ ኡሺያዋ ቤዒቴ፤ ቃራፃ ቃንፂያዋንቱናኔ ናጋራንቻቱዋና ሲቄቴ› ያጊኖ፤ ሺን ፆሳ ኣዳ ኤራቴይ ባሬ ኦሱዋን ቱማ ጊዲዴ ቤቴ» ያጌዳ።
23552	MAT 11:24	ታኒ ሂንቴው ኦዳይ፤ ፒርዳ ጋላሲ ፆሳይ ኔፔ ሶዶማው ፒርዳ ካዉሺሳና» ያጌዳ።
23558	MAT 11:30	ኣዪሲ ጎፔ፥ ታ ሞርጌ ሚይ ጊጋ፤ ቃሲ ታኒ ሂንቴንታ ቶሴዳዌካ ካዉሻ» ያጌዳ።
23560	MAT 12:2	ሺን ፓሪሳዋቱ ሄዋ ቤዒዴ ዬሱሳ፥ «ቤዓ፥ ኔና ካሊያዋንቱ ሳምባታ ጋላሲ ኦናው ዎጋ ጊዴናባ ኦኖ» ያጌዲኖ።
23566	MAT 12:8	ኣዪሲ ጎፔ፥ ታኒ፥ ኣሳ ናዓይ፥ ሳምባታ ጎዳ» ያጌዳ።
23568	MAT 12:10	ሄዋን ኩሺ ጉንዴዳ ኢቲ ቢታኒ ዴዔ፤ ዬሱሳ ሞታናው ጋሱዋ ኮዪያ ኣሳቱ፥ «ሳምባታን፥ ሃርጋንቻ ፓያዌ ዎጌ?» ያጊዴ ኣ ኦቼዲኖ።
23570	MAT 12:12	ያቲና፥ ኣሳይ ዶርሳፔ ዎቲ ሎይዴ ዳሬኔ! ሄዋ ዲራው፥ ሳምባታ ጋላሲ ሎዖባ ኦያዌ ዎጋ» ያጌዳ።
23571	MAT 12:13	ሄዋፔ ጉዪያን ቢታኒያ፥ «ኔ ኩሺያ ፒዲ ኦ» ያጊና ቢታኒ ፒዲ ኦዋፔ ጉዪያን፥ ኣ ኩሺ ዮኮ ኩሺያዋዳንካ ፓፂ ኣጌዳ።
23574	MAT 12:16	ፆሳይ ናቢያ ኢሲያሳ ባጋና ኦዴዳዌ ፖሌታና ማላ፥ ዬሱሲ ኣሳቱዋሲ፥ «ታባ ሃራ ኣሳሲ ኦዶፒቴ» ያጌዳ።
23579	MAT 12:21	ኣዪሁዳ ጊዴና ኣሳይ ኡባይ ኣቦላ ባሬንቱ ሂዶታ ዎና» ያጌዳ።
23581	MAT 12:23	ኣሳይ ኡባይ ማላሌቲዴ፥ «ላ ሃዌ ዳዊቴ ናዓ ጊዳንዴሻ?» ያጌዲኖ።
23582	MAT 12:24	ሺን ፓሪሳዋቱ ሄዋ ሲሲዴ፥ «ሃ ቢታኒ ኢታ ኣያናቱዋ ካፑ ‹ቢዔል-ዜቡሊ› ባሬው ዎልቃ ኢሚና፥ ፃላሃቱዋ ኬሴ» ያጌዲኖ።
23595	MAT 12:37	ኣዪሲ ጎፔ፥ ኔ ሃሳያይ ኔና ፂሊሳና፤ ዎይ ኔ ሃሳያይ ኔ ቦላ ፒርዲሳና» ያጌዳ።
23596	MAT 12:38	ሄዋፔ ጉዪያን፥ ሂጊያ ታማሪሲያ ኢቲ ኢቲ ኣሳይኔ ፓሪሳዋቱ ዛሪዴ ዬሱሳ፥ «ታማሪሲያዎ፥ ኔኒ ማላታ ኦሺን፥ ኑኒ ቤዓናው ኮዬቶ» ያጌዲኖ።
23603	MAT 12:45	ሄዋፔ ጉዪያን፥ ቢዴ ባሬፔ ኢቲያ ላፑ ሃራ ኣያናቱዋ ኣኪዴ ዬ፤ ሄ ኣያናቱ ጌሊዴ፥ ሄዋን ዴዒኖ። ሄ ቢታኒያ ዴዑ ካሴዋፔ ዳሪ ኢቴ። ሃ ዎዲያ ኢታ ኣሳዉካ ቃሲ ሄዋዳን ሃናና» ያጌዳ።
23605	MAT 12:47	ሄዋን ዴዒያ ኣሳፔ ኢቱ ኣ፥ «ኔ ዳያኔ ኔ ኢሻቱ ኔናና ሃሳያናው ኮዪዴ፥ ካሬን ኤቄዲኖ» ያጌዳ።
23606	MAT 12:48	ሺን ዬሱሲ ዛሪዴ፥ «ታ ዳያ ኦኔ? ታ ኢሻቱ ኦኔ?» ያጌዳ።
23608	MAT 12:50	ኣዪሲ ጎፔ፥ ሳሉዋን ዴዒያ ታ ኣቡ ሼኒያ ኦያ ኡባይ፥ ታ ኢሻ፥ ታ ሚቻቶኔ ታ ዳዮ» ያጌዳ።
23617	MAT 13:9	ሲሲያ ሃይይ ዴዒያ ኡራይ ሲሶ!» ያጌዳ።
23618	MAT 13:10	ዬሱሳ ካሊያዋንቱ ኣኮ ሺቂዴ፥ «ኔኒ ኣዪሲ ኣሳሲ ሌሚሱዋን ኦዳይ?» ያጌዲኖ።
23631	MAT 13:23	ቱዔ ቢታን ዜሬቴዳዌ፥ ቃላ ሲሲዴ፥ ኣኬኪያ ኣሳ ቤሴ፤ ኢካ ኣይፌ፤ ኢቱ ፄቱዋ፥ ኢቱ ኡሱፑን ታሙዋ፥ ኢቱ ሃታሙዋ ኣይፌ» ያጌዳ።
23638	MAT 13:30	ቦቾፒቴ፤ ቆይጪያ ዎዲ ጋካናው፥ ኢቲፔ ዲጪኖ። ቆይጪያ ዎዲ ጋኮዴ፥ ታኒ ቆይጪያዋንታ፥ ካሴቲዴ ዛሪንጊያ ማፂቴ፤ ታማን ጉዳናው ፖቺያን ፖቺያን ቃቺቴ፤ ሺን ዛርጋ ሺሺዴ ዲዪያን ቆሊቴ› ጋና» ያጌዳ።
23640	MAT 13:32	ሄ ዜሬታ ሃራ ዜሬ ኡባፔ ጉፃው፤ ሺን ዲጬዳ ዎዴ፥ ሃራ ኣታኪልቲያ ኡባፔ ዳራው፤ ካፉ ዪዴ፥ ኢዚ ቃንካን ኬፂያዋ ኬና ዎጋ ሚ ጊዳዱ» ያጌዳ።
23641	MAT 13:33	ቃሲካ ዬሱሲ ሃራ ሌሚሱዋ ኡንቱንቶ ያጊዴ ኦዴዳ፤ «ሳሉዋ ካዉቴይ ኢቲ ሚሺራታ ሄዙ ኬሪያ ሊያ ኣካዴ፥ ሙናቄዳ ሙናቃይ ኡባይ ዴንዳና ጋካናው፥ ኣኒ ቲጌዳ ኢርሹዋ ማላቴ» ያጌዳ።
23642	MAT 13:34	ዬሱሲ ኣሳው ሄ ኡባ ሌሚሱዋን ኦዴዳ፤ ሌሚሱ ባይናን ኢ ኢቲባካ ኦዴና፤ ናቢ፥ «ታኒ ኡንቱንቶ ሃሳዪያ ዎዴ፥ ሌሚሱዋን ሃሳያይ። ኣላሚ ሜቶዴፔ ዶሚዴ ጌሜዳ ዬዋቱዋ ኦዳይ» ያጌዳዌ ፖሌታና ማላ፥ ሄዋ ኢ ኦዴዳ።
23644	MAT 13:36	ሄዋፔ ጉዪያን፥ ዬሱሲ ኣሳ ኣጊዴ፥ ሶይ ጌሌዳ፤ ኣ ካሊያዋንቱ ኣኮ ቢዴ፥ «ጎሻን ዴዒያ ዛሪንጊያ ሌሚሱዋ ቢሌ ኑሲ ኦዳ» ያጌዲኖ።
23659	MAT 13:51	«ሃዌ ኡባይ ሂንቴንቶ ጌሌዴ?» ያጊዴ ኡንቱንታ ኦቼዳ። ኡንቱንቱ፥ «ኤ፥» ያጌዲኖ።
23660	MAT 13:52	ኢ፥ «ሄዋ ዲራው፥ ሳሉዋ ካዉቴ ፁራ ሎይ ኤሪያ፥ ሂጊያ ታማሪሲያ ኡባይ፥ ባሬ ሚሻ ሺሺ ዎዳ ጎሊያፔ ኦራ ሚሻኔ ኤጫ ሚሻ ሻኪ ኬሲያ ኢዛዋ ማላቴ» ያጊ ዛሬዳ።
23664	MAT 13:56	ኣ ሚቻቱ ኡባይ ኑናና ዴዒኪኖ? ያቲና፥ ኢ ሃ ኤራ ኡባ ሃቃፔ ዴሜዴ?» ያጌዲኖ።