23214	MAT 1:1	ሃዌ ዳዊታ ዛሪያኔ ኣብራሃሜ ዛሬ ጊዴዳ ዬሱሲ ኪሪስቶሳ ዬሌታ ኦዲያ ማፃፋ።
23216	MAT 1:3	ዪሁዳይ ቲዒማሪፔ ፓሬሳኔ ዛራሃ ዬሌዳ፤ ፓሬሴ፥ ሄፂሮና ዬሌዳ፤ ሄፂሮኔ፥ ራማ ዬሌዳ።
23227	MAT 1:14	ኣዞሬ ሳዶቃ ዬሌዳ፤ ሳዶቄ፥ ኣኪማ ዬሌዳ፤ ኣኪሜ ኤሊዩዳ ዬሌዳ።
23228	MAT 1:15	ኤሊዩዴ፥ ኣሊዓዛራ ዬሌዳ፤ ኣሊዓዛሬ፥ ማታና ዬሌዳ፤ ማታኔ፥ ያዪቆባ ዬሌዳ።
23233	MAT 1:20	ሺን ኢ ሄዋ ቆፒሺን፥ ጎዳ ኪታንቻይ ኣኩሙዋን ኣናና ጋኬቲዴ፥ «ዳዊቴ ናዓ ዮሴፎ፥ ማይራማ ጌሻ ኣያናን ሻሃሬዳ ዲራው ኢዞ ኣካናው ያዮፓ።
23237	MAT 1:24	ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ።
23245	MAT 2:7	ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ።
23249	MAT 2:11	ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ ኣው ኢሞታ ሺሼዲኖ።
23250	MAT 2:12	ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ።
23254	MAT 2:16	ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ።
23255	MAT 2:17	ናቢያ ኤርሚያሲ፥ «ዬኩኔ ዚላሳይ ራማ ጌቴቲያ ካታማን ሲሴቴዳ፤ ራሄላ ባሬ ናናው ዬካው። ኡንቱንቱ ሃይቂዲጎ ዲራው፥ ኣጋ ጊና፥ ኣጌናን ኢፃዱ» ጊዴ ኦዴዳዌ ፖሌቴዳ።
23260	MAT 2:22	ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ።
23261	MAT 2:23	ናባቱ፥ «ኣሳይ ኣ፥ ‹ናዚሬቲያ ኣሳ› ጊዴ ፄሳና» ያጌዳዌ ፖሌታና ማላ፥ ናዚሬቴ ጌቴቲያ ካታማ ቢዴ ዴዔዳ።
23264	MAT 3:3	ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥ «ኢቱ ሜላ ቢታን ባሬ ቃላ ቁ ኡዲዴ፥ ‹ጎዳ ኦጊያ ጊጊሲቴ። ኢ ሄሜታና ሎሱዋካ ኣው ሲቲ ኡዲቴ› ጌዳ» ያጌዳ።
23265	MAT 3:4	ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ።
23267	MAT 3:6	ባሬንቱ ናጋራ ፓፂና፥ ዮርዳኖሳ ሻፋን ኣሳ ፃማቄዳ።
23268	MAT 3:7	ሺን ዮሃኒሲ ዳሮ ፓሪሳዋቱኔ ሳዱቃዋናቱ ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ?
23273	MAT 3:12	ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23284	MAT 4:6	«ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ ‹ፆሳይ ባሬ ኪታንቻቱዋ ኔው ኣዛዛናዋ› ቃሲ ‹ኡንቱንቱ ኔ ጌዲ ሹቻን ቤቴና ማላ፥ ባሬንቱ ኩሺያን ኔና ዴንናዋንታ› ያጌቲ ፃፌቴዳ» ያጌዳ።
23291	MAT 4:13	ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።
23298	MAT 4:20	ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ።
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23300	MAT 4:22	ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ።
23306	MAT 5:3	«ባሬንቱ ኣያና ዴዑዋን ሂዬሳ ጊዴዳዋ ኤሪያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ።
23312	MAT 5:9	ኣሳ ሲጌያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ፥ ባሬ ናና ጊዴ ፄሳና።
23316	MAT 5:13	«ኣሳ ኡባሲ ሂንቴ ማፂኔ ማላ፤ ሺን ማፂኒ ማልዓና ዮፔ፥ ዛሪዴ ኣ ዎቲ ማልዔኔ? ካሬ ኦሊና፥ ኣሳይ ኣ ዬ ሃሜታናፔ ኣቲን፥ ሲንው ኣይኔ ማዴና።
23322	MAT 5:19	ሄዋ ዲራው፥ ሃ ኣዛዙዋ ኡባፔ ጉፂያ ኢቲ ኣዛዙዋ ሜንያ ኡራይ ኦኒኔ፥ ቃሲ ሃራቱካ ባሬዋዳን ሃናናዳን ታማሪሲያ ኡራይ ኦኒኔ፥ ሳሉዋ ካዉቴን ኡባፔ ጉ ጊዳና፤ ሺን ኣዛዙዋ ኦያዌኔ ሃራንቱካ ኦናዳን ታማሪሲያዌ ኦኒኔ ሳሉዋ ካዉቴን ቃ ጊዳና።
23325	MAT 5:22	ሺን ታኒ ሂንቴው ኦዳይ፤ ባሬ ኢሻ ሃንቄቲያ ኡባይ ፒርዴታና፤ ባሬ ኢሻ ቦሪያ ኡባይ ሻንጉዋ ፒርዳው ሺቃና፤ ቃሲ ባሬ ኢሻ፥ ‹ሎዌ› ጊያ ኡባይ ጋናሚያ ታማ ፒርዳው ሺቃና።
23331	MAT 5:28	ሺን ታኒ ሂንቴው ያጋይ፤ ‹ማጫዉኖ ፄሊዴ ኣሞቲያ ኡባይ፥ ባሬ ዎዛና ጊዶን ሄ ዎዴ ኢናና ዎሹሜዳ።›
23334	MAT 5:31	« ‹ቃሲ ባሬ ማቻቶ ዬዲያ ኦኒኔ ኢዞ ዬዲያ ፓራማ ኢሞ› ጌቴቴዳ።
23335	MAT 5:32	ሺን ታኒ ሂንቴው ያጋይ፤ ‹ባሬ ማቻታ ዎሹሜናን ዴዒሺን ዬዲያ ኦኒኔ ኢዞ ዎሹማ ኬሴ፤ ቃሲ ኣሲናይ ዬዴዳ ሚሺራቶ ኣኪያዌ ኦኒኔ ዎሹሜ።›
23339	MAT 5:36	ኔኒ ኢቲ ቢናናካ ቦ ዎይ ካሬ ኬሳናው ዳንዳዬና ዲራው፥ ‹ኔ ሁጲያንካ ጫቆፓ።›
23344	MAT 5:41	ኦኒኔ ኔና ኢቲ ሳቲያ ኦጊያ ባሬናና ባናዳን ዎልቃንፔ፥ ኣናና ላዑ ሳቲያ ኦጊያ ባ።
23347	MAT 5:44	ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።
23353	MAT 6:2	«ሄዋ ዲራው፥ ሂንቴ ኣዉዴኔ ሂዬሳው ኢሚያ ዎዴ፥ ሎዓ ማላቲያ ኢታቱ ባሬንታ ቦንቺሳናው፥ ኣዪሁዳ ዎሳ ጎሌኒኔ ኦጊያን ሃራኒ ቤዔታናው ኡዲያዋዳን ኡዶፒቴ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኣኪዲጌዲኖ።
23356	MAT 6:5	«ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።
23358	MAT 6:7	«ፆሳ ሂንቴ ዎሲያ ዎዴ፥ ፆሳ ኣማኔና ኣሳዳን፥ ጮ ሜላ ዛሬዋ ዳሪሶፒቴ፤ ኡንቱንቱ ሃሳያ ዳሩዋን ሲሴቴ ጊዴ ቆፒኖ።
23359	MAT 6:8	ሄዋ ዲራው፥ ሄ ኣሳዳን ሃኖፒቴ፤ ኣዪሲ ጎፔ፥ ሂንቴ ኣቡ ሂንቴና ኮሺያዋ ሂንቴንቱ ዎሳናፔ ካሴቲዴ ኤሬ።
23367	MAT 6:16	«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23378	MAT 6:27	ሂንቴንቱ ጊዶን ዳሪሲ ሂርጊዴ፥ ባሬ ጌሳ ቦላ ኢቲ ዋ ጉጃናው ዳንዳዪያዌ ኦኔ?
23383	MAT 6:32	ኣዪሲ ጎፔ፥ ሄ ኡባባ ፆሳ ኣማኔናዋንቱ ዳሪሲዴ ኮዪኖ፤ ሄ ኡባይ ሂንቴና ኮሺያዋ ሳሉዋን ዴዒያ ሂንቴንቱ ኣዉ ኤሬ።
23385	MAT 6:34	ሄዋ ዲራው፥ ዎንቲባሲ ሂርጎፒቴ፤ ኣዪሲ ጎፔ፥ ዎንቲ ጋላሳይ ባሬው ሂርጋና፤ ጋላሳ ኡባዉካ ኣ ሁጴው ጊዲያ ዋዪ ዴዔ።
23391	MAT 7:6	«ጌሻባ ካናቱዋሲ ኢሞፒቴ፤ ኡንቱንቱ ጉዬ ሲሚዴ፥ ሂንቴና ሳዓና። ቃሲ ኢንቁዋ ጌቴቲያ ሂንቴንቱ ኣልዖ ሹቻ ጉዱንቱዋ ሲንን ኦሎፒቴ፤ ኡንቱንቱ ባሬንቱ ጌዲያን ዬና።
23394	MAT 7:9	ዎይ ሂንቴንቱ ጊዶን ባሬ ናዓይ፥ ‹ኡኪ ኢማ› ጎፔ፥ ሹቻ ኢሚያ ኣዉ ዴዒ?
23396	MAT 7:11	ሂንቴንቱ ኢታ ጊዲዴ፥ ሂንቴንቱ ናናቱዋሲ ሎዖባ ኢሚያዋ ኤሮፔ፥ ያቲና፥ ሳሉዋን ዴዒያ ሂንቴንቱ ኣዉ ባሬና ዎሲያዋንቱሲ ሎዖባ ዎቲ ዳሪሲ ኢሜኔ!
23409	MAT 7:24	«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።
23411	MAT 7:26	«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።
23413	MAT 7:28	ዬሱሲ ባሬ ሃሳዪያዋ ዉርሴዳ ዎዴ፥ ኣሳይ ኢ ታማሪሲያዋን ማላሌቴዲኖ።
23417	MAT 8:3	ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።
23424	MAT 8:10	ዬሱሲ ሄዋ ሲሴዳ ዎዴ ማላሌቲዴ፥ ባሬና ካሊያ ኣሳ፥ «ታኒ ሂንቴው ቱሙዋ ኦዳይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋዲያንካ ቤዓቤይኬ።
23426	MAT 8:12	ሺን ካዉቴን ዴዓናው ቤሲያ ኣሳይ ዎልቃማ ማ ጋርሳ ካሬ ኦሌታና፤ ሄዋን ኡንቱንቱ ዬካናኔ ባሬንቱ ኣቻ ቃናዋንታ» ያጌዳ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23432	MAT 8:18	ዬሱሲ ጮራ ኣሳይ ባሬ ዩሹዋን ዴዒያዋንታ ቤዒዴ፥ ኣባፔ ሄፊን ፒናና ማላ፥ ባሬና ካሊያዋንታ ኣዛዜዳ።
23436	MAT 8:22	ሺን ዬሱሲ ኣ፥ «ኔኒ ታና ካላ፤ ሃይቄዳዋንቱ ባሬንቱ ኣኃ ሞጊኖ» ያጌዳ።
23443	MAT 8:29	ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ።
23448	MAT 8:34	ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ።
23449	MAT 9:1	ሃዋፔ ካላ ዬሱሲ ዎንጊሪያን ጌሊዴ፥ ኣባ ፒኒዴ፥ ባሬ ካታማ ዬዳ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23455	MAT 9:7	ጉንዴዳ ቢታኒካ ዴንዲ ኤቂዴ፥ ባሬ ጎሌ ቤዳ።
23463	MAT 9:15	ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ።
23464	MAT 9:16	«ኤጫ ማዩዋ ቦላ ኦራ ፊያ ዎዴ ሲኪያ ኣሳይ ባዋ፤ ኣዪሲ ጎፔ፥ ኦራ ፊ ኤጫ ማዩዋ ፔሬና፤ ፔይካ ካሴዋፔ ዳራናዋ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23467	MAT 9:19	ዬሱሲ ዴንዲዴ፥ ባሬና ካሊያዋንቱና ኢቲፔ ቢታኒያ ካሊዴ ቤዳ።
23469	MAT 9:21	ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ።
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23473	MAT 9:25	ሺን ጮራ ኣሳ ካሬ ኢ ኬሴዳዋፔ ጉዪያን፥ ጎሌ ጌሊዴ፥ ናቲ ኩሺያ ኦይቄዳ፤ ናታካ ዴንዳ ኣጋዱ።
23475	MAT 9:27	ዬሱሲ ሄዋና ኣዴ ቢያ ዎዴ፥ ላዑ ቆቃቱ ባሬንቱ ቃላ ቁ ኡዲዴ፥ «ዳዊቴ ናዓው፥ ኑና ማራሪኪ» ያጊዴ ኣ ካሌዲኖ።
23476	MAT 9:28	ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። ኡንቱንቱ፥ «ኤ ጎዳው» ያጊ ዛሬዲኖ።
23477	MAT 9:29	ሄዋፔ ጉዪያን፥ ዬሱሲ ኡንቱንቱ ኣይፊያ ባሬ ኩሺያን ቦቺዴ ኡንቱንታ፥ «ሂንቴው ሂንቴንቱ ኣማኑዋዳን ሃኖ» ያጌዳ።
23480	MAT 9:32	ኡንቱንቱ ኬሲዴ ቢያ ዎዴ፥ ኣማሬዳ ኣሳይ ኢታ ኣያናይ ኦይቂና ዱዴዳ ቢታኒያ ዬሱሳኮ ኣሄዲኖ።
23484	MAT 9:36	ጮራ ኣሳ ቤዒዴ፥ ሄሚያ ኣሳይ ባይና ዶርሳዳን ኣሳይ ሂርጌቲያ ዲራዉኔ ኣሳ ማዲያባይ ባይና ዲራው፥ ኣሳው ቃሬቴዳ።
23485	MAT 9:37	ያቲዴ ባሬና ካሊያዋንታ፥ «ቆይቻው ጋካ ካይ ዳራ፤ ሺን ጫኪያ ኣሳይ ጉ።
23487	MAT 10:1	ዬሱሲ ባሬ ታማኔ ላዑ ካሊያዋንታ ፄሲዴ፥ ኡንቱንቱ ኢታ ኣያና ኬሳና ማላ፥ ቃሲ ሃርጊያ ኡባኔ ሳኩዋ ኡባ ፓና ማላ፥ ኡንቱንቶ ማታ ኢሜዳ።
23490	MAT 10:4	ባሬ ጋዴው ቃሬቲያ ሲሞናኔ ዬሱሳ ኣ ኢሜዳ ኣስቆሮቱ ዪሁዳ።
23503	MAT 10:17	ሺን ኣሳፔ ናጌቲቴ። ኣዪሲ ጎፔ፥ ኣሳይ ሂንቴና ፒርዳ ጎሌው ኣዴ ኢማና፤ ቃሲ ባሬ ኣዪሁዳ ዎሳ ጎሌቱዋኒካ ሂንቴና ሊሱዋን ፔዳና።
23507	MAT 10:21	«ኢሻይ ባሬ ኢሻ፥ ኣዉ ባሬ ናዓ ቦላ ዴንዳና፤ ናናይ ባሬንቱ ኣቲኔ ኣዉዋ ቦላ ዴንዲዴ፥ ኡንቱንታ ዎሳና።
23510	MAT 10:24	«ታማሪያዌ ባሬና ታማሪሲያዋፔ ዳሬና፤ ቆማይካ ባሬ ጎዳፔ ዳሬና።
23511	MAT 10:25	ታማሪያዌ ባሬና ታማሪሲያዋ ኬና ጊዲያዌ፥ ቆማይካ ባሬ ጎዳ ኬና ጊዲያዌ ኣው ጊዳና፤ ኡንቱንቱ ጎሌ ጎዳ ቢዔል-ዜቡላ ጊዴ ፄሶፔ፥ ኣ ጎሌ ኣሳ ዋጊ ፄሳኔሻ!
23512	MAT 10:26	«ሲሚ ኣሳሲ ያዮፒቴ፤ ኣዪሲ ጎፔ፥ ጌን ዎዳባይ ቆንጪያ ኬሴናን ኣቴና፤ ቆሴዳባይካ ኤሬቴናን ኣቴና።
23523	MAT 10:37	«ባሬ ኣባ ዎይ ባሬ ዳዮ ታፔ ኣዴ ሲቂያዌ ታዋ ጊዳናው ቤሴና፤ ባሬ ኣቱማ ናዓ ዎይ ባሬ ማጫ ናቶ ታፔ ኣዴ ሲቂያዌ ታዋ ጊዳናው ቤሴና።
23524	MAT 10:38	ባሬ ማስቃሊያ ቶኪዴ፥ ታ ጌዱዋ ካሌናዌ ታዋ ጊዳናው ቤሴና።