23215	MAT 1:2	ኣብራሃሜ፥ ዪሳቃ ዬሌዳ፤ ዪሳቂ፥ ያዪቆባ ዬሌዳ፤ ያዪቆቢ፥ ዪሁዳኔ ኣ ኢሻቱዋ ዬሌዳ።
23220	MAT 1:7	ሶሎሞኔ፥ ሮቢዓማ ዬሌዳ፤ ሮቢዓሜ፥ ኣቢያ ዬሌዳ፤ ኣቢያይ፥ ኣሳፋ ዬሌዳ።
23224	MAT 1:11	ኢስራዔሊያ ኣሳይ ኦሞዴቲዴ፥ ባቢሎኔ ጋዲያ ቤዳ ዎዴ፥ ኢዮሲያሴ ኢኮኒያናኔ ኣ ኢሻቱዋ ዬሌዳ።
23225	MAT 1:12	ባቢሎኔ ኦሞዱዋፔ ጉዪያን፥ ኢኮኒያናኔ ሳላቲያላ ዬሌዳ፤ ሳላቲያሌ፥ ዜሩባቤላ ዬሌዳ።
23226	MAT 1:13	ዜሩባቤሊ፥ ኣቢዩዳ ዬሌዳ፤ ኣቢዩዴ፥ ኤሊያቄማ ዬሌዳ፤ ኤሊያቄሚ፥ ኣዞራ ዬሌዳ።
23230	MAT 1:17	ሲሚ ዬሌታይ ኡባይ ኣብራሃሞፔ ዳዊታ ጋካናው ታማኔ ኦይዱ ዬሌታ፤ ዳዊቴፔ ዶሚዴ፥ ኣሳይ ባቢሎኔ ጋዲያ ኦሞዴቲዴ ቤዳ ዎዲያ ጋካናው ታማኔ ኦይዱ ዬሌታ፤ ኣሳይ ባቢሎኔ ጋዲያ ኦሞዴቲዴ ቤዳ ዎዲያፔ ኪሪስቶሲ ዬሌቴዳ ዎዲያ ጋካናው ታማኔ ኦይዱ ዬሌታ።
23235	MAT 1:22	ቃሲ ጎዳይ ናቢያ ባጋና፥ «ዎዶራታ ሻሃራናዉኑ፤ ናዓካ ዬላናዉኑ፤ ኣ ሱንይካ ኣማኔላ ጌቴታናዋ» ያጌዳዌ ፖሌታና ማላ፥ ሃዌ ኡባይ ሃኔዳ፤ «ኣማኔላ» ያጊያዌ፥ «ፆሳይ ኑናና ዴዔ» ያጊያዋ።
23243	MAT 2:5	ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ ‹ዪሁዳ ጋዲያን ዴዒያ ቤቴሊሄሜ፥ ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። ኢስራዔሊያ ሞዲያዌ ኔፔ ኬሳናዋ› ጊዴ ፃፌዳ» ያጌዲኖ።
23246	MAT 2:8	ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23252	MAT 2:14	ዮሴፎ ቃማ ዴንዲዴ፥ ናዓኔ ኣ ዳዮ ኣኪዴ፥ ጊብፄ ጋዲያ ቤዳ፤ ጎዳይ ናቢያ ባጋና፥ «ታኒ ታ ናዓ ጊብፄ ጋዲያፔ ፄሳዲ» ያጌዳዌ ፖሌታና ማላ፥ ሄሮዲሴ ሃይቃና ጋካናው ኢ ያኒ ዴዔዳ።
23255	MAT 2:17	ናቢያ ኤርሚያሲ፥ «ዬኩኔ ዚላሳይ ራማ ጌቴቲያ ካታማን ሲሴቴዳ፤ ራሄላ ባሬ ናናው ዬካው። ኡንቱንቱ ሃይቂዲጎ ዲራው፥ ኣጋ ጊና፥ ኣጌናን ኢፃዱ» ጊዴ ኦዴዳዌ ፖሌቴዳ።
23261	MAT 2:23	ናባቱ፥ «ኣሳይ ኣ፥ ‹ናዚሬቲያ ኣሳ› ጊዴ ፄሳና» ያጌዳዌ ፖሌታና ማላ፥ ናዚሬቴ ጌቴቲያ ካታማ ቢዴ ዴዔዳ።
23262	MAT 3:1	ሄ ዎዴ ፃማቂያ ዮሃኒሲ ኣሳ፥ «ሳሉዋ ካዉቴይ ማታቴዳ ዲራው፥ ሂንቴ ናጋራፔ ሲሚቴ» ያጊዴ፥ ዪሁዳ ሜላ ቢታን ኦዲዴ ዬዳ።
23264	MAT 3:3	ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥ «ኢቱ ሜላ ቢታን ባሬ ቃላ ቁ ኡዲዴ፥ ‹ጎዳ ኦጊያ ጊጊሲቴ። ኢ ሄሜታና ሎሱዋካ ኣው ሲቲ ኡዲቴ› ጌዳ» ያጌዳ።
23291	MAT 4:13	ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።
23292	MAT 4:14	ሃዌ ሃኔዳዌ ናቢያ ኢሲያሲ፥
23293	MAT 4:15	«ዛቢሎኔ ጋዲያኒኔ ኒፍታሌሜ ጋዲያን፥ ኣባ ኦጊያን ዮርዳኖሳ ሻፋፔ ሄፊን ባጋን፥ ኣዪሁዳ ጊዴና ኣሳይ ዴዒያ ጋሊላን፥
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23300	MAT 4:22	ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ።
23339	MAT 5:36	ኔኒ ኢቲ ቢናናካ ቦ ዎይ ካሬ ኬሳናው ዳንዳዬና ዲራው፥ ‹ኔ ሁጲያንካ ጫቆፓ።›
23370	MAT 6:19	«ሚሻ ቢልዓይ ሚያሳኒኔ ቢራታይ ሺዒዴ ባዪዚያሳን፥ ካዪሱካ ቦኪዴ ዉዒያሳን፥ ሃ ሳዓን ሂንቴንቱ ሁጲያሲ ዳጋዮፒቴ።
23371	MAT 6:20	ሺን ቢልዓይ ሜናሳኒኔ ሺዔና ሳን፥ ካዪሱካ ቦኪዴ ዉዔና ሳን ሂንቴንቱ ሁጲያሲ ሳሉዋን ሚሻ ዳጋዪቴ።
23397	MAT 7:12	«ሄዋ ዲራው፥ ሃራ ኣሳይ ሂንቴው ኦናው ኮዪያ ኡባባ ሂንቴካ ኣሳው ኦቴ፤ ኣዪሲ ጎፔ፥ ሙሴ ሂጊያ ቢሌይኔ ናባቱ ታማሪሲያዌ ሃዋ።
23416	MAT 8:2	ሄ ዎዴ ኦሉ ኦይቄዳ ኢቲ ቢታኒ ዬሱሳኮ ዪ ኣ ሲንን ጉልባቲዴ፥ «ጎዳው፥ ኔ ሼኔ ጊዶፔ፥ ታና ፓዴ ጌሻናው ዳንዳያ» ያጌዳ።
23417	MAT 8:3	ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።
23428	MAT 8:14	ዬሱሲ ጴፂሮሳ ሶይ ቢዴ፥ ኣ ቦሎታታ ቆፁዋ ሃርጋዴ ጊሴዳዉኖ ቤዔዳ።
23430	MAT 8:16	ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ።
23433	MAT 8:19	ሄዋፔ ጉዪያን ሙሴ ሂጊያ ታማሪሲያ ኢቱ ኣኮ ዪዴ፥ «ታማሪሲያዎ፥ ኔኒ ቢያሳ ኡባ ታኒ ኔና ካላና» ያጌዳ።
23438	MAT 8:24	ቤታይ ዎንጊሪያ ሚታና ጋካናው፥ ኣባን ዎልቃማ ሆቢ ዴንዴዳ፤ ሺን ዬሱሲ ጌሚዒሼዳ።
23439	MAT 8:25	ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ።
23446	MAT 8:32	ዬሱሲ ኡንቱንታ፥ «ቢቴ!» ጊና ኡንቱንቱ ቢታናቱዋፔ ኬሲ ቢዴ፥ ጉዱንቱዋን ጌሌዲኖ። ጉዱን ዉዲ ኡባይ ካካ ላንቂያና ካጆቲዴ፥ ኣባን ጌሊዴ፥ ሚቴቲ ኣጌዲኖ።
23447	MAT 8:33	ጉዱን ዉዲያ ሄሚያዋንቱ ባቃቲዴ ካታማ ቢ ኣጌዲኖ፤ ቤዳሳን ኢታ ኣያናቱ ኦይቄዳ ኣሳቱ ሃኔዳባ ኡባ ኦዴዲኖ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23455	MAT 9:7	ጉንዴዳ ቢታኒካ ዴንዲ ኤቂዴ፥ ባሬ ጎሌ ቤዳ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23467	MAT 9:19	ዬሱሲ ዴንዲዴ፥ ባሬና ካሊያዋንቱና ኢቲፔ ቢታኒያ ካሊዴ ቤዳ።
23475	MAT 9:27	ዬሱሲ ሄዋና ኣዴ ቢያ ዎዴ፥ ላዑ ቆቃቱ ባሬንቱ ቃላ ቁ ኡዲዴ፥ «ዳዊቴ ናዓው፥ ኑና ማራሪኪ» ያጊዴ ኣ ካሌዲኖ።
23479	MAT 9:31	ሺን ኡንቱንቱ ቢዴ፥ ሄ ጋዲያ ኡባን ዬሱሳባ ኦዴዲኖ።
23480	MAT 9:32	ኡንቱንቱ ኬሲዴ ቢያ ዎዴ፥ ኣማሬዳ ኣሳይ ኢታ ኣያናይ ኦይቂና ዱዴዳ ቢታኒያ ዬሱሳኮ ኣሄዲኖ።
23481	MAT 9:33	ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ።
23488	MAT 10:2	ዬሱሲ ኪቴዳ ታማኔ ላዓቱዋ ሱንይ፥ ኮይሮዌ ጴፂሮሳ ጌቴቲያ ሲሞናኔ ኣ ኢሻ ኢንዲራሳ፥ ዛቢዲዮሳ ናና፥ ያዪቆባኔ ዮሃኒሳ፥
23493	MAT 10:7	ቢዴ፥ ‹ሳሉዋ ካዉቴይ ማቴዳ› ያጊዴ ኦዲቴ።
23495	MAT 10:9	ዎርቃ ዎይ ቢራ ዎይ ሳንቲሚያ ሂንቴንቱ ኪሲያን ኦይቆፒቴ፤
23509	MAT 10:23	ኡንቱንቱ ሂንቴና ኢቲ ካታማፔ ዬዴርሶፔ፥ ሃራ ካታማ ቢቴ። ኣዪሲ ጎፔ፥ ታኒ ሂንቴው ቱሙዋ ጋይ፤ ታኒ፥ ኣሳ ናዓይ፥ ያና ጋካናው፥ ሂንቴንቱ ሂንቴ ኦሱዋ ኢስራዔሊያ ካታማ ኡባን ኦዴ ዉርሲኪታ።
23511	MAT 10:25	ታማሪያዌ ባሬና ታማሪሲያዋ ኬና ጊዲያዌ፥ ቆማይካ ባሬ ጎዳ ኬና ጊዲያዌ ኣው ጊዳና፤ ኡንቱንቱ ጎሌ ጎዳ ቢዔል-ዜቡላ ጊዴ ፄሶፔ፥ ኣ ጎሌ ኣሳ ዋጊ ፄሳኔሻ!
23516	MAT 10:30	ሺን ሃራይ ኣቶ፥ ሂንቴንቱ ሁጲያን ዴዒያ ቢናናይ ኡባይካ ፓይዱዋን ዴዔ።
23527	MAT 10:41	ናቢያ፥ ናቢያ ሱንን ሞኪያዌ፥ ናቢያ ጋቲያ ኣናና ጊሼታናዋ፤ ቃሲ ፂሉዋ፥ ፂሉዋ ሱንን ሞኪያዌ፥ ፂሉዋ ጋቲያ ኣናና ጊሼታናዋ።
23532	MAT 11:4	ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤
23535	MAT 11:7	ዮሃኒሳ ካሊያዋንቱ ሲሚ ቤዳ ዎዴ፥ ዬሱሲ ዮሃኒሳባ ሺቄዳ ኣሳሲ ሃዋዳን ያጊ ሃሳዬዳ፤ «ኣያ ቤዓናው ኣሳይ ዴዔና ሜላ ቢታ ኬሴዲቴ? ጫርኩ ቃያ ማቃ ቤዓናው ኬሴዲቴ?
23536	MAT 11:8	ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።
23537	MAT 11:9	ያቲና፥ ኣያ ቤዓናው ኬሴዲቴ? ናቢያ ቤዓናው ኬሴዲቴ? ኤ፥ ታኒ ሂንቴው ኦዳይ፤ ናቢያፔካ ኣያዋ ቤዔዲታ።
23541	MAT 11:13	ኣዪሲ ጎፔ፥ ናባቱ ኡባቱኔ ሙሴ ሂጊ ዮሃኒሳ ዎዲ ጋካናው፥ ቲምቢቲያ ሃሳዬዲኖ፤
23549	MAT 11:21	«ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን።
23561	MAT 12:3	ሺን ዬሱሲ ኡንቱንቱሲ ሃዋዳን ያጌዳ፤ «ዳዊቴኔ ኣናና ዴዒያዋንቱ ኮሻቴዳ ዎዴ፥ ዳዊቴ ኦዳዋ ናባቢቤይኪቴ?
23563	MAT 12:5	ዎይ ሳምባታ ኡባን ጌሻ ጎሊያን ዴዒያ ቄሳቱ ሳምባታ ዎጋ ሜንያዋ፥ ቃሲ ኡንቱንቱሲ ሄዌ ባዪዞ ጊዴናዋ ሙሴ ሂጊያን ናባቢቤይኪቴ?
23568	MAT 12:10	ሄዋን ኩሺ ጉንዴዳ ኢቲ ቢታኒ ዴዔ፤ ዬሱሳ ሞታናው ጋሱዋ ኮዪያ ኣሳቱ፥ «ሳምባታን፥ ሃርጋንቻ ፓያዌ ዎጌ?» ያጊዴ ኣ ኦቼዲኖ።
23571	MAT 12:13	ሄዋፔ ጉዪያን ቢታኒያ፥ «ኔ ኩሺያ ፒዲ ኦ» ያጊና ቢታኒ ፒዲ ኦዋፔ ጉዪያን፥ ኣ ኩሺ ዮኮ ኩሺያዋዳንካ ፓፂ ኣጌዳ።
23573	MAT 12:15	ሺን ዬሱሲ ኡንቱንቱ ዞሬታ ኤሪዴ፥ ሄዋፔ ኣጊዴ ቢያ ዎዴ፥ ዳሮ ኣሳይ ኣ ካሌዳ፤ ሃርጌዳ ኡባ ፓዳ።
23574	MAT 12:16	ፆሳይ ናቢያ ኢሲያሳ ባጋና ኦዴዳዌ ፖሌታና ማላ፥ ዬሱሲ ኣሳቱዋሲ፥ «ታባ ሃራ ኣሳሲ ኦዶፒቴ» ያጌዳ።
23580	MAT 12:22	ሄዋፔ ጉዪያን፥ ኣማሬዳ ኣሳቱ ኢታ ኣያናይ ኦይቂና ዱዴዳ ኢቲ ቆቃ ቢታኒያ ዬሱሳኮ ኣሄዲኖ፤ ዬሱሲ ሄ ዱዴ ቢታኒያ ፓዳ፤ ቢታኒካ ሃሳያኔ ፄላ ዶሜዳ።
23582	MAT 12:24	ሺን ፓሪሳዋቱ ሄዋ ሲሲዴ፥ «ሃ ቢታኒ ኢታ ኣያናቱዋ ካፑ ‹ቢዔል-ዜቡሊ› ባሬው ዎልቃ ኢሚና፥ ፃላሃቱዋ ኬሴ» ያጌዲኖ።
23585	MAT 12:27	ታው ቢዔል-ዜቡሊ ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሂንቴንቱ ኣሳው ዎልቃ ኦኒ ኢሚና ፃላሃቱዋ ኬሳኔ? ሄዋ ዲራው፥ ኡንቱንቱ ሂንቴ ቦላ ፒርዳና።
23597	MAT 12:39	ሺን ኢ ዛሪዴ፥ ኡንቱንቶ ሃዋዳን ያጌዳ፤ «ሃ ዎዲያ ኣሳይ ኢታኔ ፆሳ ኣማኔና ዲራው፥ ማላታ ኮዬ፤ ናቢያ ዮናሳ ማላታፔ ኣቲን፥ ሃራ ማላታይ ኢሜቴና።
23598	MAT 12:40	ዮናሲ ዎጋ ሞሊያ ኡሉዋን ሄዙ ጋላሳኔ ሄዙ ቃማ ዴዔዳዋዳን፥ ኣሳ ናዓይካ፥ ቢታ ጊዶን ሄዙ ጋላሳኔ ሄዙ ቃማ ዴዓናዋ።
23603	MAT 12:45	ሄዋፔ ጉዪያን፥ ቢዴ ባሬፔ ኢቲያ ላፑ ሃራ ኣያናቱዋ ኣኪዴ ዬ፤ ሄ ኣያናቱ ጌሊዴ፥ ሄዋን ዴዒኖ። ሄ ቢታኒያ ዴዑ ካሴዋፔ ዳሪ ኢቴ። ሃ ዎዲያ ኢታ ኣሳዉካ ቃሲ ሄዋዳን ሃናና» ያጌዳ።
23611	MAT 13:3	ኣሳሲ ሌሚሱዋን ዳሮባ ሃዋዳን ያጊዴ ኦዴዳ፤ «ኢቲ ቢታኒ ዜሬ ዜራናው ኬሴዳ።
23613	MAT 13:5	ቃሲ ኢቲ ኢቲ ዜሬይ ኣንጮ ጊዴዳ ቢታ ቦላ ዎዳ፤ ዳሮ ቢታይ ባይና ዲራው፥ ሄ ዜሬይ ኤሌካ ዶሌዳ።
23616	MAT 13:8	ኢቲ ኢቲ ዜሬይ ቱዔ ቢታን ዎዴ ዶሌዳ፤ ኢቱ ፄቱ ኣይፊያ፥ ኢቱ ኡሱፑን ታሙዋ፥ ኢቱ ሃታሙዋ ኣይፌዳ።
23626	MAT 13:18	«ሲሚ ካ ዜሪያዋ ሌሚሱዋ ቢሌይ ጊያዋ ሲሲቴ።
23628	MAT 13:20	ኣንጮ ቢታን ዎዳ ዜሬይ ቃላ ሲሲዴ፥ ኤሌካ ናሼቻን ኣኪያዋንታ ማላቴ።
23631	MAT 13:23	ቱዔ ቢታን ዜሬቴዳዌ፥ ቃላ ሲሲዴ፥ ኣኬኪያ ኣሳ ቤሴ፤ ኢካ ኣይፌ፤ ኢቱ ፄቱዋ፥ ኢቱ ኡሱፑን ታሙዋ፥ ኢቱ ሃታሙዋ ኣይፌ» ያጌዳ።
23632	MAT 13:24	ዬሱሲ ኡንቱንቶ ሃራ ሌሚሱዋ ሃዋዳን ያጊዴ ኦዴዳ፤ «ሳሉዋ ካዉቴይ ባሬ ጎሻን ሎዖ ዜሬ ዜሬዳ ቢታኒያ ማላቴ።
23636	MAT 13:28	«ሄዋፔ ጉዪያን ጎዳይ፥ ‹ሄዋ ሞርኪ ኦዳ› ያጌዳ። «ቆማቱ፥ ‹ኑኒ ቢዴ ሾዳናዳን ዶሳይ?› ያጌዲኖ።
23642	MAT 13:34	ዬሱሲ ኣሳው ሄ ኡባ ሌሚሱዋን ኦዴዳ፤ ሌሚሱ ባይናን ኢ ኢቲባካ ኦዴና፤ ናቢ፥ «ታኒ ኡንቱንቶ ሃሳዪያ ዎዴ፥ ሌሚሱዋን ሃሳያይ። ኣላሚ ሜቶዴፔ ዶሚዴ ጌሜዳ ዬዋቱዋ ኦዳይ» ያጌዳዌ ፖሌታና ማላ፥ ሄዋ ኢ ኦዴዳ።
23644	MAT 13:36	ሄዋፔ ጉዪያን፥ ዬሱሲ ኣሳ ኣጊዴ፥ ሶይ ጌሌዳ፤ ኣ ካሊያዋንቱ ኣኮ ቢዴ፥ «ጎሻን ዴዒያ ዛሪንጊያ ሌሚሱዋ ቢሌ ኑሲ ኦዳ» ያጌዲኖ።
23652	MAT 13:44	«ሳሉዋ ካዉቴይ ጎሻን ሞጌቴዳ ሚሻ ቤሴ፤ ኢቲ ቢታኒ ሄ ሚሻ ዴሚዴ፥ ዛሪዴ ሞጊ ኣጌዳ፤ ዳሮ ናሼቲዴ ቢዴ፥ ባሬው ዴዒያዋ ኡባ ዛሊዒዴ፥ ሄ ጎሻ ሻሜዳ።