23218	MAT 1:5	ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ።
23265	MAT 3:4	ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23286	MAT 4:8	ቃሲ ፃላሂ ዬሱሳ ኢቲ ዳሮ ዎልቃማ ዴሪያ ፄራ ኬሲዴ፥ ሃ ኣላሚያን ዴዒያ ካዉቴ ኡባኔ ኡንቱንቱ ቦንቹዋ
23299	MAT 4:21	ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።
23314	MAT 5:11	«ሂንቴ ታና ካሊያ ዲራው፥ ኣሳይ ሂንቴና ቦሪያ ዎዴኔ ዋዪሲያ ዎዴ፥ ቃሲ ሂንቴ ቦላ ኢታባ ኡባ ዎርዱዋን ሃሳዪያ ዎዴ፥ ሂንቴ ኣንጄቴዳዋንታ።
23319	MAT 5:16	ሄዋዳንካ፥ ኣሳይ ሂንቴ ኦያ ሎዖ ኦሱዋ ቤዒዴ፥ ሳሉዋን ዴዒያ ሂንቴ ኣዉዋ ቦንቻና ማላ፥ ሂንቴ ፖዑ ኣሳ ሲንን ፖዖ።
23325	MAT 5:22	ሺን ታኒ ሂንቴው ኦዳይ፤ ባሬ ኢሻ ሃንቄቲያ ኡባይ ፒርዴታና፤ ባሬ ኢሻ ቦሪያ ኡባይ ሻንጉዋ ፒርዳው ሺቃና፤ ቃሲ ባሬ ኢሻ፥ ‹ሎዌ› ጊያ ኡባይ ጋናሚያ ታማ ፒርዳው ሺቃና።
23332	MAT 5:29	ኔ ኡሼቻ ኣይፊ ኔና ናጋራ ኦሲሶፔ፥ ኔፔ ዎጫዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ።
23333	MAT 5:30	ቃሲ ኔ ኡሼቻ ኩሺ ኔና ናጋራ ኦሲሶፔ፥ ኔፔ ቃንፃዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ።
23339	MAT 5:36	ኔኒ ኢቲ ቢናናካ ቦ ዎይ ካሬ ኬሳናው ዳንዳዬና ዲራው፥ ‹ኔ ሁጲያንካ ጫቆፓ።›
23353	MAT 6:2	«ሄዋ ዲራው፥ ሂንቴ ኣዉዴኔ ሂዬሳው ኢሚያ ዎዴ፥ ሎዓ ማላቲያ ኢታቱ ባሬንታ ቦንቺሳናው፥ ኣዪሁዳ ዎሳ ጎሌኒኔ ኦጊያን ሃራኒ ቤዔታናው ኡዲያዋዳን ኡዶፒቴ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኣኪዲጌዲኖ።
23360	MAT 6:9	ሲሚ ሂንቴንቱ ሃዋ ማላ ዎሳ ዎሲቴ፤ ‹ሳሉዋን ዴዒያ ኑ ኣቦ፥ ኔ ጌሻ ሱንይ ኣንጄቶ።
23364	MAT 6:13	ኑና ኢታባፔ ኣሻፔ ኣቲን፥ ፓጪያን ጌሊሶፓ። ካዉቴይ፥ ዎልቃይኔ ቦንቹ ሜናዉካ ኔሳ። ኣሜንዒ›
23370	MAT 6:19	«ሚሻ ቢልዓይ ሚያሳኒኔ ቢራታይ ሺዒዴ ባዪዚያሳን፥ ካዪሱካ ቦኪዴ ዉዒያሳን፥ ሃ ሳዓን ሂንቴንቱ ሁጲያሲ ዳጋዮፒቴ።
23371	MAT 6:20	ሺን ቢልዓይ ሜናሳኒኔ ሺዔና ሳን፥ ካዪሱካ ቦኪዴ ዉዔና ሳን ሂንቴንቱ ሁጲያሲ ሳሉዋን ሚሻ ዳጋዪቴ።
23373	MAT 6:22	«ቦላ ፖዑ ኣይፊያ፤ ሄዋ ዲራው፥ ኔ ኣይፊ ፓፃ ጊዶፔ፥ ኔ ቦላ ኡባይ ፖዖ ጊዳና።
23374	MAT 6:23	ሺን ኔ ኣይፊ ፓፃ ጊዳና ዮፔ፥ ኔ ቦላ ኡባይ ማና፤ ሲሚ ኔናን ዴዒያ ፖዑ ሞፔ፥ ማይ ኣይ ኬና ዳራኔ!
23375	MAT 6:24	«ላዑ ጎዳቱዋሲ ሞዴታናው ዳንዳዪያዌ ኦኒኔ ባዋ፤ ኣዪሲ ጎፔ፥ ኢቱዋ ኢፂዴ፥ ዮኩዋ ሲቄ፤ ዎይ ኢቱዋ ቦንቺዴ፥ ዮኩዋ ካ፤ ኢቲ ኣሳይ ፆሳሲኔ ሻሉዋሲ ሞዴታናው ዳንዳዬና።
23376	MAT 6:25	«ሄዋ ዲራው፥ ታኒ ሂንቴንቶ ኦዳይ፤ ሂንቴ ዴዖ ማናባዉኔ ኡሻናባው፥ ዎይ ሂንቴ ቦላው ማያናባው ሂርጎፒቴ፤ ሼምፑ ቁማፔ ኣኔ? ቃሲ ቦላይ ማዩዋፔ ኣኔ?
23378	MAT 6:27	ሂንቴንቱ ጊዶን ዳሪሲ ሂርጊዴ፥ ባሬ ጌሳ ቦላ ኢቲ ዋ ጉጃናው ዳንዳዪያዌ ኦኔ?
23380	MAT 6:29	ሺን ታኒ ሂንቴንቶ ኦዳይ፤ ሃራይ ኣቶ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላካ ማዪቤና።
23386	MAT 7:1	«ፆሳይ ሂንቴንቱ ቦላ ፒርዴና ማላ፥ ሂንቴካ ሃራቱዋ ቦላ ፒርዶፒቴ።
23387	MAT 7:2	ኣዪሲ ጎፔ፥ ሂንቴንቱ ሃራቱዋ ቦላ ፒርዲያዋዳን፥ ፆሳይ ሂንቴንቱ ቦላ ፒርዳና፤ ቃሲ ሂንቴንቱ ሃራቱዋሲ ኢማናው ማኪያባን ኢ ሂንቴው ማካና።
23400	MAT 7:15	«ቦላ ባጋና ዶርሳ ማላቲዴ፥ ሂንቴኮ ዪያ ዎርዶ ናባቱዋፔ ናጌቲቴ፤ ሺን ኡንቱንቱ ጋርሳ ባጋና ዋላቱዋ ማላ።
23409	MAT 7:24	«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።
23410	MAT 7:25	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና።
23411	MAT 7:26	«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።
23417	MAT 8:3	ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።
23419	MAT 8:5	ዬሱሲ ቂፊሪናሆማ ካታማ ጌሌዳ ዎዴ፥ ኢቲ ሮማ ጋዴ ፄቱዋ ካፑ ኣኮ ዪዴ፥ «ታ ጎዳው፥ ታ ቆማ ቦላይ ጉንዲና፥ ዳሮ ሳኬቲዴ፥ ሶዪን ጊሴዳ፤ ሃያጎዶ ታው ፓሪኪ» ያጊ ዎሴዳ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23428	MAT 8:14	ዬሱሲ ጴፂሮሳ ሶይ ቢዴ፥ ኣ ቦሎታታ ቆፁዋ ሃርጋዴ ጊሴዳዉኖ ቤዔዳ።
23429	MAT 8:15	ኢዚ ኩሺያ ዬሱሲ ቦቺና፥ ቆፁ ኢዞ ባሺ ኣጌዳ፤ ኢዛካ ዴንዳዴ ኣው ሚያባ ጊጊሳዱ።
23450	MAT 9:2	ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ።
23451	MAT 9:3	ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ።
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23464	MAT 9:16	«ኤጫ ማዩዋ ቦላ ኦራ ፊያ ዎዴ ሲኪያ ኣሳይ ባዋ፤ ኣዪሲ ጎፔ፥ ኦራ ፊ ኤጫ ማዩዋ ፔሬና፤ ፔይካ ካሴዋፔ ዳራናዋ።
23466	MAT 9:18	ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ።
23468	MAT 9:20	ሄ ዎዴ ታማኔ ላዑ ላይ ኩሜን፥ ኢዚ ቦላፔ ሱይ ጎጊያ ኢቲ ሚሺራታ ጉዬና ሺቃዴ፥ ዬሱሳ ማዩዋ ማጫራ ቦቻዱ።
23469	MAT 9:21	ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ።
23472	MAT 9:24	«ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።
23477	MAT 9:29	ሄዋፔ ጉዪያን፥ ዬሱሲ ኡንቱንቱ ኣይፊያ ባሬ ኩሺያን ቦቺዴ ኡንቱንታ፥ «ሂንቴው ሂንቴንቱ ኣማኑዋዳን ሃኖ» ያጌዳ።
23491	MAT 10:5	ዬሱሲ ሃ ታማኔ ላዓቱዋ ሃዋዳን ያጊዴ ኪቴዳ፤ «ኣዪሁዳ ጊዴና ኣሳ ጋዲያ ቦፒቴ፤ ቃሲ ሳማራቱዋ ካታማካ ጌሎፒቴ፤
23507	MAT 10:21	«ኢሻይ ባሬ ኢሻ፥ ኣዉ ባሬ ናዓ ቦላ ዴንዳና፤ ናናይ ባሬንቱ ኣቲኔ ኣዉዋ ቦላ ዴንዲዴ፥ ኡንቱንታ ዎሳና።
23521	MAT 10:35	ኣዪሲ ጎፔ፥ ታኒ ናዓ ኣ ኣቡፔ፥ ናቶ ኢዚ ዳዪፔ፥ ናዓ ማቻቶካ ኢዚ ቦሎታቲፔ ሻካናው ያዲ፤
23546	MAT 11:18	ኣዪሲ ጎፔ፥ ዮሃኒሲ ፆሚዲኔ ዎዪኒያ ኤሳ ኡሼናን ዪና ኡንቱንቱ፥ ‹ኣ ቦላ ኢታ ኣያናይ ዴዔ› ያጌዲኖ።
23549	MAT 11:21	«ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን።
23551	MAT 11:23	ቃሲ ቂፊሪናሆማ ካታማው፥ ኔኒ ሳሉዋ ፑዴ ቁ ጋናው ኮያዲ? ኔኒ ሲዖሊያ ዱጌ ዬጌታና፤ ኣዪሲ ጎፔ፥ ኔ ቦላ ፆሳይ ኦዳ ማላታይ ሶዶማ ካታማን ኦሴቶዋ ጊዲንቶ፥ ሶዶማ ካታማይ ሃቼ ጋካናሲካ ዴዓናዋሺን።
23553	MAT 11:25	ዬሱሲ ሄ ዎዴ ዛሪዴ፥ ሃዋዳን ያጌዳ፤ «ታ ኣቦ፥ ሳሉዋ ሳዓ ጎዳው፥ ኔኒ ሃዋ ኣዳ ኤራንቻቱዋፔኔ ኣኬካንቻቱዋፔ ጌንዴ፥ ኤሬና ናናቱዋሲ ቆንጪሴዳ ዲራው፥ ኔና ጋላታይ፤
23554	MAT 11:26	ኤ ታ ኣቦ፥ ኣዪሲ ጎፔ፥ ሃዌ ኔ ሼኒያዳን ኦሴቴዳ።
23565	MAT 12:7	ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ሂንቴንቱ ኤሪቴንቶ፥ ባዪዙ ባይና ኣሳ ቦላ ፒርዲኪታ።
23576	MAT 12:18	ፆሳይ ኢሲያሳ ባጋና ሃዋዳን ያጌዳ፤ «ታኒ ዶሬዳ ታ ኣዪሊ፥ ታኒ ሲቂያ፥ ታና ናሼቺያዌ ሃዌኩ። ታኒ ታ ኣያና ኣ ቦላ ዎና። ኢ ሱሬ ፒርዳ ኣሳው ኡባው ኦዳናዋ።
23579	MAT 12:21	ኣዪሁዳ ጊዴና ኣሳይ ኡባይ ኣቦላ ባሬንቱ ሂዶታ ዎና» ያጌዳ።
23585	MAT 12:27	ታው ቢዔል-ዜቡሊ ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሂንቴንቱ ኣሳው ዎልቃ ኦኒ ኢሚና ፃላሃቱዋ ኬሳኔ? ሄዋ ዲራው፥ ኡንቱንቱ ሂንቴ ቦላ ፒርዳና።
23586	MAT 12:28	ሺን ፆሳ ጌሻ ኣያናይ ታው ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሲሚ ፆሳ ካዉቴይ ሂንቴ ቦላ ዪዲጌዳ።
23587	MAT 12:29	«ዎይ ኣሳይ ካሴቲዴ፥ ዎልቃማ ኣሳ ቃቼናን ዴዒዴ፥ ኣ ጎሌ ጌሊዴ፥ ኣ ሚሻ ቦንቃናው ዋኒዴ ዳንዳዪ? ቃቼዳዋፔ ጉዪያን፥ ኣ ሚሻ ቦንቃናው ዳንዳዬ።
23589	MAT 12:31	ሄዋ ዲራው፥ ታኒ ሂንቴው ኦዳይ፤ ፆሳይ ኣሳው ኣይ ናጋራ ጊዲናካ፥ ቃሲ ኣይ ቦሬ ጊዲናካ ኣቶ ጋና፤ ሺን ጌሻ ኣያና ቦሪያዋ ኣቶ ጌና።
23590	MAT 12:32	ታ ቦላ፥ ኣሳ ናዓ ቦላ፥ ኢታባ ሃሳዪያ ኦ ናጋራኔ ፆሳይ ኣቶ ጋና፤ ሺን ጌሻ ኣያና ቦላ ኢታባ ሃሳዪያ ኦ ናጋራኔ ሳዓን ጊዲና፥ ሳሉዋንካ ፆሳይ ኣቶ ጌና።
23595	MAT 12:37	ኣዪሲ ጎፔ፥ ኔ ሃሳያይ ኔና ፂሊሳና፤ ዎይ ኔ ሃሳያይ ኔ ቦላ ፒርዲሳና» ያጌዳ።
23613	MAT 13:5	ቃሲ ኢቲ ኢቲ ዜሬይ ኣንጮ ጊዴዳ ቢታ ቦላ ዎዳ፤ ዳሮ ቢታይ ባይና ዲራው፥ ሄ ዜሬይ ኤሌካ ዶሌዳ።
23633	MAT 13:25	ሺን ቃማ ኣሳይ ጌሚዒሺዲጊና፥ ኣ ሞርኪ ዪዴ፥ ዛርጋ ዜሬዳዋ ቦላ ዛሪንጊያ ዜሪዴ ቤዳ።
23638	MAT 13:30	ቦቾፒቴ፤ ቆይጪያ ዎዲ ጋካናው፥ ኢቲፔ ዲጪኖ። ቆይጪያ ዎዲ ጋኮዴ፥ ታኒ ቆይጪያዋንታ፥ ካሴቲዴ ዛሪንጊያ ማፂቴ፤ ታማን ጉዳናው ፖቺያን ፖቺያን ቃቺቴ፤ ሺን ዛርጋ ሺሺዴ ዲዪያን ቆሊቴ› ጋና» ያጌዳ።
23665	MAT 13:57	ኡንቱንቱ ኢ ጊያባ ኣኬናን ኢፄዲኖ። ሺን ዬሱሲ ሄ ኣሳሲ፥ «ናቢ ባሬ ጋዲያኒኔ ባሬ ሶይ ኣሳን ቦንቼቴና፤ ሺን ሃራሳ ኡባን ቦንቼቴ» ያጌዳ።
23690	MAT 14:24	ሺን ዎንጊሪ ሄ ዎዴ፥ ኣባ ቦላን ዴዒሺን፥ ሲን ባጋና ጫርኩ ጫርኪያ ዲራው፥ ቤታይ ዎንጊሪያ ያኔ ሃኔ ሱጌ።
23691	MAT 14:25	ባይራ ኩቱ ዋሲ ሲሚና፥ ዬሱሲ ኣባ ቦላ ሃሜቲዴ፥ ኡንቱንቱኮ ዬዳ።
23692	MAT 14:26	ኣ ካሊያዋንቱ ኣባ ቦላ ኢ ሃሜቲሺን ቤዒ ዳጋሚዴ፥ «ሃዌ ሞይቲሊያ ጊዴኔ!» ጊ ያዪዴ ዋሴዲኖ።
23694	MAT 14:28	ጴፂሮሲ ዛሪዴ ኣ፥ «ታ ጎዳው፥ ሃዌ ኔና ጊዶፔ፥ ታኒ ሃ ቦላና ኔኮ ባና ማላ፥ ታና ኣዛዛሪኪ» ያጌዳ።
23695	MAT 14:29	ዬሱሲ ጴፂሮሳ፥ «ሃያ!» ያጌዳ። ጴፂሮሲ ዎንጊሪያፔ ዎዴ፥ ሃ ቦላና ሃሜቲዴ፥ ዬሱሳኮ ቡሳ ዶሜዳ።
23702	MAT 14:36	ሃርጊያ ኣሳይ ኣ ማዩዋ ማጫራ ፃላላ ቦቻና ማላ፥ ኣ ዎሴዲኖ፤ ኣ ማዩዋ ማጫራ ቦቼዳ ኡባይካ ፓፄዳ።
23706	MAT 15:4	ኣዪሲ ጎፔ ፆሳይ፥ ‹ኔ ኣባኔ ኔ ዳዮ ቦንቻ› ቃሲ፥ ባሬ ኣባ ዎይ ባሬ ዳዮ ቦሪያዌ ሃይቆ ያጌዳ።
23707	MAT 15:5	ሺን ሂንቴንቱ፥ ‹ኢቲ ኣሳይ ባሬ ኣባ ዎይ ባሬ ዳዮ ማዲያባይ ባሬው ዴዒና፥ «ሄዌ ፆሳዋ» ጎፔ፥ ባሬ ኣባ ዎይ ባሬ ዳዮ ቦንቻናው ቤሴና› ያጊታ፤ ያቲዴ ሂንቴንቱ ሂንቴንቱ ዎጋ ፖላናው ፆሳ ቃላው ኣዛዜቲኪታ።
23710	MAT 15:8	‹ፆሳይ ሃዋዳን ያጌዳ፤ «ሃዌ ኣሳይ ታና ባሬ ቦላ ዶናን ቦንቼ፤ ሺን ኡንቱንቱ ዎዛናይ ታፔ ሃኩዋን ዴዔ።
23721	MAT 15:19	ኣዪሲ ጎፔ፥ ዎዛና ጊዶፔ ኢታ ቆፋይ፥ ዎያዌ፥ ዎሹሚያዌ፥ ቃሲ ዎሹማናው ካጄሊያዌ ኡባይ፥ ዉዒያዌ፥ ዎርዱዋን ማርካቲያዌ፥ ቦሪ ኬሴ።
23731	MAT 15:29	ዬሱሲ ሄዋፔ ዴንዲዴ፥ ጋሊላ ኣባ ማታ ቤዳ፤ ቃሲ ኢቲ ዴሪያ ቦላ ኬሲዴ፥ ሄዋን ኡቴዳ።
23759	MAT 16:18	ጴፂሮሳ፥ ታኒ ኔው ኦዳይ፤ ኔኒ ሹቻ፤ ታኒ ሃ ዛላ ቦላ ታ ዎሳ ጎሊያ ኬፃና፤ ታ ዎሳ ጎሊያ ሃራይ ኣቶ፥ ሲዖሊያ ዎልቃይካ ፆናናው ዳንዳዬና።
23763	MAT 16:22	ጴፂሮሲ ኣ ኢቲ ባጋ ዛሪዴ፥ «ታ ጎዳው፥ ፆሳይ ኔና ሄዋፔ ኣሾ፤ ሃዌ ኔ ቦላ ኡባካ ዬና» ያጊዴ ኣ ዞራናው ዶሜዳ።
23764	MAT 16:23	ሺን ዬሱሲ ጉዬ ሲሚዴ ጴፂሮሳ፥ «ሃ ሴፃናው፥ ኔኒ ታ ማታፔ ኪቻ፤ ኔኒ ኣሳይ ዶሲያዋ ቆፒያዋፔ ኣቲን፥ ፆሳይ ዶሲያዋ ቆፔና ዲራው፥ ታው ቦ ጊዳዳ» ያጌዳ።
23768	MAT 16:27	ኣዪሲ ጎፔ፥ ታኒ፥ ኣሳ ናዓይ፥ ታ ኣቡ ቦንቹዋን ታ ኪታንቻቱዋና ያና ሃናይ፤ ኣሳ ኡባው ሄ ዎዴ ኣ ኦሱዋ ጋቲያ ኢማና።
23776	MAT 17:7	ዬሱሲ ኡንቱንቱኮ ዪዴ፥ ኡንቱንታ ቦቺዴ፥ «ዴንዲቴ፤ ያዮፒቴ» ያጌዳ።
23824	MAT 18:28	«ሺን ሄ ቆማይ ኬሲዴ፥ ባሬ ላጌ ቆማቱዋፔ ኢቱ ባሬፔ ፄቱ ቢራ ሳንቲሚያ ታልዔዳዋና ጋኬቲዴ፥ ‹ኔ ቦላ ዴዒያ ታ ሚሻ ጪጋ› ያጊ ኦይቂዴ፥ ኣ ጩሌዳ።
23844	MAT 19:13	ዬሱሲ ሄ ዎዴ ባሬ ኩሺያ ጉ ናና ቦላ ዎዴ፥ ፆሳ ዎሳና ማላ፥ ኢቲ ኢቲ ኣሳይ ናና ኣኮ ኣሄዳ፤ ሺን ዬሱሳ ካሊያዋንቱ ሄ ኣሳ ኣሄና ማላ ሃንቄቴዲኖ።
23846	MAT 19:15	ሄዋፔ ሲሚዴ ባሬ ኩሺያ ኡንቱንቱ ቦላ ዎዳዋፔ ጉዪያን፥ ሄዋፔ ባሺ ቤዳ።
23850	MAT 19:19	ኔ ኣባኔ ኔ ዳዮ ቦንቻ፤ ኔ ሾሩዋካ ኔ ሁጲያዳን ሲቃ» ያጌዳ።
23859	MAT 19:28	ዬሱሲ ኡንቱንታ ሃዋዳን ያጌዳ፤ «ታኒ ሂንቴንቶ ቱሙዋ ጋይ፤ ታኒ፥ ኣሳ ናዓይ፥ ኦራ ጋዲያን ታ ካዉቴ ኦይዲያን ኡቲያ ዎዴ፥ ታና ካሌዳ ሂንቴንቱካ ታማኔ ላዑ ኢስራዔሊያ ዛራቱዋ ቦላ ፒርዳናው፥ ታማኔ ላዑ ካዉቴ ኦይዲያን ኡታኒታ።
23872	MAT 20:11	ሄዋፔ ጉዪያን፥ ‹ሃ ጉዬፔ ዬዳዋንቱ ኢቲ ሳቲያ ፃላላ ኦዲኖ፤ ኩሜን ጋላሳ ዳቡሪዴ ጫዎቴዳ ኑዋና ኡንቱንቱ ኦሱዋ ዲርጉዋ ቃራ ኦዳ› ያጊዴ ባሬንታ ኦሱዋን ጌሊሴዳዋ ቦላ ዙዙሜዲኖ።
23879	MAT 20:18	«ቤዒቴ፥ ኑኒ ዬሩሳላሜ ሃዒ ኬሴቶ። ያኒ ታና፥ ኣሳ ናዓ ቄሳቱዋ ካፓቱዋሲኔ ሂጊያ ታማሪሲያዋንቱሲ ኣዴ ኢማናዋንታ፤ ኡንቱንቱ ታ ቦላ ሃይቁዋ ፒርዳ ፒርዳናዋንታ።
23880	MAT 20:19	ቃሲ ኣዪሁዳ ጊዴና ኣሳሲካ ታና ኣዴ ኢማናዋንታ፤ ሄ ኣዪሁዳ ጊዴና ኣሳይ ታ ቦላ ቂሊጫናዋንታኔ ታና ሊሱዋን ሾጫናዋንታ፤ ያቲዴ ማስቃሊያ ቦላ ሚሲማሪያን ሺዴ፥ ታና ካቃናዋንታ፤ ታኒ ሄዜንያ ጋላሲ ሃይቁዋፔ ዴንዳና» ያጌዳ።
23888	MAT 20:27	ቃሲ ሂንቴንቱ ጊዱዋን ኡባፔ ቦላ ጊዳናው ኮዪያዌ ኦኒኔ ሂንቴንቶ ኣይሌ ጊዳናው ቤሴ።