23226	MAT 1:13	ዜሩባቤሊ፥ ኣቢዩዳ ዬሌዳ፤ ኣቢዩዴ፥ ኤሊያቄማ ዬሌዳ፤ ኤሊያቄሚ፥ ኣዞራ ዬሌዳ።
23227	MAT 1:14	ኣዞሬ ሳዶቃ ዬሌዳ፤ ሳዶቄ፥ ኣኪማ ዬሌዳ፤ ኣኪሜ ኤሊዩዳ ዬሌዳ።
23228	MAT 1:15	ኤሊዩዴ፥ ኣሊዓዛራ ዬሌዳ፤ ኣሊዓዛሬ፥ ማታና ዬሌዳ፤ ማታኔ፥ ያዪቆባ ዬሌዳ።
23245	MAT 2:7	ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ።
23246	MAT 2:8	ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ።
23247	MAT 2:9	ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።
23250	MAT 2:12	ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ።
23254	MAT 2:16	ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ።
23255	MAT 2:17	ናቢያ ኤርሚያሲ፥ «ዬኩኔ ዚላሳይ ራማ ጌቴቲያ ካታማን ሲሴቴዳ፤ ራሄላ ባሬ ናናው ዬካው። ኡንቱንቱ ሃይቂዲጎ ዲራው፥ ኣጋ ጊና፥ ኣጌናን ኢፃዱ» ጊዴ ኦዴዳዌ ፖሌቴዳ።
23260	MAT 2:22	ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ።
23265	MAT 3:4	ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ።
23269	MAT 3:8	ሲሚ ሂንቴ፥ ሂንቴንቱ ናጋራፔ ሲሜዳዋ ኤሪሲያ ኦሱዋ፥ ኦቴ።
23276	MAT 3:15	ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ።
23277	MAT 3:16	ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤
23283	MAT 4:5	ሄዋፔ ጉዪያን፥ ፃላሂ ዬሱሳ ጌሻ ካታማ ኣፊ ጌሻ ጎሊያ ፄራን ኤሲዴ፥
23298	MAT 4:20	ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ።
23300	MAT 4:22	ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ።
23306	MAT 5:3	«ባሬንቱ ኣያና ዴዑዋን ሂዬሳ ጊዴዳዋ ኤሪያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ።
23328	MAT 5:25	«ኔና ሞቲያዋና ዎዲ ዴዒሺን ኤሌ ኣናና ሲጌታ ዲጋ፤ ሄዌ ዮፔ፥ ኢ ኔና ዳና ሲን ኣና፤ ቃሲ ዳናይ ኔና ፖሊሴው ኣ ኢሚና፥ ፖሊሲ ኔና ቃሾ ጎሌን ዬጋና።
23340	MAT 5:37	ሺን ሂንቴ፥ ‹ኤ› ዎይ፥ ‹ጊዴና› ጊቴ፤ ሃዋንቱፔ ሃራይ ሴፃናፔ ዬ።
23354	MAT 6:3	ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።
23356	MAT 6:5	«ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።
23359	MAT 6:8	ሄዋ ዲራው፥ ሄ ኣሳዳን ሃኖፒቴ፤ ኣዪሲ ጎፔ፥ ሂንቴ ኣቡ ሂንቴና ኮሺያዋ ሂንቴንቱ ዎሳናፔ ካሴቲዴ ኤሬ።
23368	MAT 6:17	«ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።
23381	MAT 6:30	ሺን ላፋ ኣማኑ ዴዒያዋንቶ፥ ፆሳይ፥ ሃቼ ዴዒዴ፥ ዎንቲ ታማን ኤፂያ ዴምባ ማታ ማዪዚያዌ፥ ሂንቴና ኡንቱዋፔ ኣዴ ዎቲ ማዪዜኔ?
23383	MAT 6:32	ኣዪሲ ጎፔ፥ ሄ ኡባባ ፆሳ ኣማኔናዋንቱ ዳሪሲዴ ኮዪኖ፤ ሄ ኡባይ ሂንቴና ኮሺያዋ ሳሉዋን ዴዒያ ሂንቴንቱ ኣዉ ኤሬ።
23396	MAT 7:11	ሂንቴንቱ ኢታ ጊዲዴ፥ ሂንቴንቱ ናናቱዋሲ ሎዖባ ኢሚያዋ ኤሮፔ፥ ያቲና፥ ሳሉዋን ዴዒያ ሂንቴንቱ ኣዉ ባሬና ዎሲያዋንቱሲ ሎዖባ ዎቲ ዳሪሲ ኢሜኔ!
23401	MAT 7:16	ኡንቱንቱ ኣይፊያ ኣይፊያዋን ሂንቴ ኡንቱንታ ኤራና፤ ኣጉንይ ዎዴን ኣይፊያ ኣይፌና፤ ጎሚዖሪካ ኮኪያ ኣይፊያ ኣይፌና።
23405	MAT 7:20	ሄዋ ዲራው፥ ሂንቴ ኡንቱንቱ ኣይፊያ ኣይፊያዋን ኡንቱንታ ኤራኒታ።
23408	MAT 7:23	ታኒ ሄ ዎዴ ኡንቱንታ፥ ‹ታኒ ሂንቴና ኡባካ ኤሪኬ፤ ኢታባ ኦያዋንቱ ሂንቴ ታ ማታፔ ሃኪቴ› ያጋና።
23412	MAT 7:27	ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጊና፥ ጎሊ ኤሌካ ኩንዴዳ። ሄ ጎሊ ዎልቃማ ኩንዴ ኩንዴዳ።»
23417	MAT 8:3	ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።
23418	MAT 8:4	ዬሱሲ ኣ፥ «ሲሚ ሃዋ ኦሲኔ ኦዶፓ፤ ሺን ቄሳኮ ባዴ ኔ ፓፃዴ ጌዬዳዋ ኣ ቤሳ፤ ኔ ፓፃዴ ጌዬዳዋ ኣሳ ኤሪሳናው ሙሴ ኣዛዜዳ ያርሹዋ ፆሳው ያርሻ» ያጌዳ።
23423	MAT 8:9	ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ።
23452	MAT 9:4	ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ሂንቴንቱ ሂንቴ ዎዛናን ሃዋ ማላ ኢታባ ኣዪሲ ቆፒቴ?
23453	MAT 9:5	‹ኔ ናጋራይ ኣቶ ጌቴቴዳ› ያጊያዌ ማቴዬ? ዎይ፥ ‹ዴንዳ ኤቃዴ ሃሜታ› ያጊያዌ ማቴ?
23454	MAT 9:6	ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ።
23455	MAT 9:7	ጉንዴዳ ቢታኒካ ዴንዲ ኤቂዴ፥ ባሬ ጎሌ ቤዳ።
23457	MAT 9:9	ዬሱሲ ሄዋና ኣዴ፥ ማቶሳ ያጊያዌ ቃራፃ ቃንፂያ ሳን ኡቴዳዋ ዴሚዴ ኣ፥ «ታና ካላ» ያጌዳ። ማቶሲካ ዴንዲ ኤቂዴ፥ ኣ ካሌዳ።
23461	MAT 9:13	ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ።
23464	MAT 9:16	«ኤጫ ማዩዋ ቦላ ኦራ ፊያ ዎዴ ሲኪያ ኣሳይ ባዋ፤ ኣዪሲ ጎፔ፥ ኦራ ፊ ኤጫ ማዩዋ ፔሬና፤ ፔይካ ካሴዋፔ ዳራናዋ።
23465	MAT 9:17	ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ።
23476	MAT 9:28	ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። ኡንቱንቱ፥ «ኤ ጎዳው» ያጊ ዛሬዲኖ።
23504	MAT 10:18	ጋዲያ ኣዪሲያዋንቱ ሲንኒኔ ካታቱዋ ሲንን ታ ዲራው ሂንቴንቱ ኤቂዴ፥ ኡንቱንቱሲኔ ኣዪሁዳ ጊዴና ኣሳ ሲንን ታው ማርካ ጊዳኒታ።
23512	MAT 10:26	«ሲሚ ኣሳሲ ያዮፒቴ፤ ኣዪሲ ጎፔ፥ ጌን ዎዳባይ ቆንጪያ ኬሴናን ኣቴና፤ ቆሴዳባይካ ኤሬቴናን ኣቴና።
23537	MAT 11:9	ያቲና፥ ኣያ ቤዓናው ኬሴዲቴ? ናቢያ ቤዓናው ኬሴዲቴ? ኤ፥ ታኒ ሂንቴው ኦዳይ፤ ናቢያፔካ ኣያዋ ቤዔዲታ።
23542	MAT 11:14	ሲሚ ሂንቴንቱ ኡንቱንቱ ሃሳዮዋ ኣማናናዋ ጊዶፔ፥ ያናዋ ጌቴቴዳ ኤላስ ሃ ዮሃኒሳ።
23546	MAT 11:18	ኣዪሲ ጎፔ፥ ዮሃኒሲ ፆሚዲኔ ዎዪኒያ ኤሳ ኡሼናን ዪና ኡንቱንቱ፥ ‹ኣ ቦላ ኢታ ኣያናይ ዴዔ› ያጌዲኖ።
23547	MAT 11:19	ታኒ፥ ኣሳ ናዓይ፥ ማዴኔ ኡሻዴ ዪና፥ ኡንቱንቱ ታና፥ ‹ሃ ናፊሳማኔ ዎዪኒያ ኤሳ ኡሺያዋ ቤዒቴ፤ ቃራፃ ቃንፂያዋንቱናኔ ናጋራንቻቱዋና ሲቄቴ› ያጊኖ፤ ሺን ፆሳ ኣዳ ኤራቴይ ባሬ ኦሱዋን ቱማ ጊዲዴ ቤቴ» ያጌዳ።
23553	MAT 11:25	ዬሱሲ ሄ ዎዴ ዛሪዴ፥ ሃዋዳን ያጌዳ፤ «ታ ኣቦ፥ ሳሉዋ ሳዓ ጎዳው፥ ኔኒ ሃዋ ኣዳ ኤራንቻቱዋፔኔ ኣኬካንቻቱዋፔ ጌንዴ፥ ኤሬና ናናቱዋሲ ቆንጪሴዳ ዲራው፥ ኔና ጋላታይ፤
23554	MAT 11:26	ኤ ታ ኣቦ፥ ኣዪሲ ጎፔ፥ ሃዌ ኔ ሼኒያዳን ኦሴቴዳ።
23555	MAT 11:27	«ታ ኣቡ ታው ኡባባ ኢሜዳ፤ ኣዉዋፔ ሃራይ ናዓ ኤሬና፤ ናዓፔኔ ናዓይ ኣዉዋ ቆንጪሳናው ኮዪያ ኣሳፔ ኣቲን፥ ሃራይ ኣዉዋ ኤሬና።
23565	MAT 12:7	ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ሂንቴንቱ ኤሪቴንቶ፥ ባዪዙ ባይና ኣሳ ቦላ ፒርዲኪታ።
23573	MAT 12:15	ሺን ዬሱሲ ኡንቱንቱ ዞሬታ ኤሪዴ፥ ሄዋፔ ኣጊዴ ቢያ ዎዴ፥ ዳሮ ኣሳይ ኣ ካሌዳ፤ ሃርጌዳ ኡባ ፓዳ።
23583	MAT 12:25	ሺን ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ባሬ ጊዶን ሻኬቲያ ካዉቴይ ኡባይ ያና፤ ቃሲ ባሬ ጊዶን ሻኬቲያ ካታማይ ዎይ ጎሌን ዴዒያ ኣሳይካ ሚኔና።
23584	MAT 12:26	ቃሲ ሴፃናይ ሴፃና ኬሲያዋ ጊዶፔ፥ ባሬ ጊዶን ሻኬቴ፤ ያቲና፥ ኣ ካዉቴይ ዋኒዴ ሚኒ ኤቃናዌ?
23591	MAT 12:33	«ሎዖ ኣይፊያ ዴማናው ሎዖ ሚ ዲቻናው ቤሴ፤ ኢታ ሚ ሂንቴንቱ ዲቾፔ፥ ኢታ ኣይፊያ ዴማኒታ፤ ኣዪሲ ጎፔ፥ ሚይ ኤሬቲያዌ ባሬ ኣይፊያ ኣይፊያዋና።
23600	MAT 12:42	ዱጌ ባጋ ጋዲያ ካታታ ሶሎሞኔው ዴዒያ ኣ ኤራቴ ሲሳናው ሳዓ ጋፃፔ ዬዳ ዲራው፥ ፒርዳ ጋላሲ ዴንዳዴ፥ ሂንቴንታ ሞታናዉኑ፤ ቤይቴ፥ ሶሎሞኔፔካ ኣያዌ ሃዋን ዴዔ።
23604	MAT 12:46	ዬሱሲ ዳሮ ኣሳው ሃሳዪሺን፥ ኣ ዳያኔ ኣ ኢሻቱ ኣናና ሃሳያናው ኮዪዴ፥ ካሬን ኤቄዲኖ።
23605	MAT 12:47	ሄዋን ዴዒያ ኣሳፔ ኢቱ ኣ፥ «ኔ ዳያኔ ኔ ኢሻቱ ኔናና ሃሳያናው ኮዪዴ፥ ካሬን ኤቄዲኖ» ያጌዳ።
23610	MAT 13:2	ዳሮ ጮራ ኣሳይ ባሬ ዩሹዋን ዩዪ ኣዴ ሺቂና፥ ዎንጊሪያ ጊዶ ጌሊዴ ኡቴዳ፤ ኣሳይ ኡባይ ኣባ ጋፃን ኤቄዳ።
23613	MAT 13:5	ቃሲ ኢቲ ኢቲ ዜሬይ ኣንጮ ጊዴዳ ቢታ ቦላ ዎዳ፤ ዳሮ ቢታይ ባይና ዲራው፥ ሄ ዜሬይ ኤሌካ ዶሌዳ።
23619	MAT 13:11	ዬሱሲ ዛሪዴ፥ ኡንቱንቱሲ ሃዋዳን ያጌዳ፤ «ሂንቴንቱሲ ሳሉዋ ካዉቴ ፁራ ኤሩሳይ ኢሜቴዳ፤ ሺን ኡንቱንቱሲ ኢሜቲቤና።
23628	MAT 13:20	ኣንጮ ቢታን ዎዳ ዜሬይ ቃላ ሲሲዴ፥ ኤሌካ ናሼቻን ኣኪያዋንታ ማላቴ።
23629	MAT 13:21	ሺን ሄ ኣሳቱ ሃዒሳፔ ኣቲን፥ ኡንቱንቱን ፃጱ ባዋ፤ ቃላ ጋሱዋን ሜቱ ዎይ ዬዴሳይ ዪያ ዎዴ፥ ኤሌካ ቤቲ ኣጊኖ።
23659	MAT 13:51	«ሃዌ ኡባይ ሂንቴንቶ ጌሌዴ?» ያጊዴ ኡንቱንታ ኦቼዳ። ኡንቱንቱ፥ «ኤ፥» ያጌዲኖ።
23660	MAT 13:52	ኢ፥ «ሄዋ ዲራው፥ ሳሉዋ ካዉቴ ፁራ ሎይ ኤሪያ፥ ሂጊያ ታማሪሲያ ኡባይ፥ ባሬ ሚሻ ሺሺ ዎዳ ጎሊያፔ ኦራ ሚሻኔ ኤጫ ሚሻ ሻኪ ኬሲያ ኢዛዋ ማላቴ» ያጊ ዛሬዳ።
23662	MAT 13:54	ባሬ ካታማ ናዚሬቴ ቤዳ። ኣዪሁዳ ዎሳ ጎሌን ታማሪሲያዋ ሲሴዳ ኣሳይ ማላሌቲዴ፥ ሃዋዳን ያጌዳ፤ «ሃዌ ሃ ኣ ኤራቴኔ ፆሳይ ኦያ ማላታ ኦናው ዎልቃ ሃቃፔ ኣኬዴ?
23664	MAT 13:56	ኣ ሚቻቱ ኡባይ ኑናና ዴዒኪኖ? ያቲና፥ ኢ ሃ ኤራ ኡባ ሃቃፔ ዴሜዴ?» ያጌዲኖ።
23693	MAT 14:27	ሺን ዬሱሲ ኤሌካ ኡንቱንታ፥ «ኣይኔ ባዋ፤ ታናቴኔ፤ ያዮፒቴ!» ያጌዳ።
23701	MAT 14:35	ሄ ጋዲያ ኣሳይ ዬሱሳ ጊዲያዋ ኤሬዲኖ፤ ሄዋ ሄራ ጋዲያ ኡባ ኪቲዴ፥ ሃርጊያ ኣሳ ኡባ ኣኮ ኣሄዲኖ።
23719	MAT 15:17	ዶናና ጌሊያ ኡባይ ኡሉዋ ጊዶ ቢዴ፥ ቃሲ ኡሉዋፔ ካሬ ኬሲያዋ ኤሪኪቴ?
23729	MAT 15:27	ሚሺራታ፥ «ኤ ታ ጎዳው፥ ሄዌ ቱማ፤ ሺን ሃራይ ኣቶ ካና ማራቱ ባሬንቱ ጎዳቱ ሚና፥ ሳምፓፔ ላሌቴዳ ሱፓ ሚኖቴኔ» ያጋዱ።
23730	MAT 15:28	ዬሱሲ ዛሪዴ ኢዞ፥ «ሃ ሚሺራቴ፥ ኔ ኣማኑ ዎልቃማ፤ ኔኒ ኮዬዳዋዳን ኔው ሃኖ» ያጌዳ። ኢዚ ናታ ኤሌካ ፓፃ ኣጋዱ።
23744	MAT 16:3	ዎንቱማን ቃሲ፥ ‹ሳሉ ዞዒዴ ጉባኔዳ ዲራው፥ ሃቼ ኢራይ ቡካናዋ› ያጊታ፤ ሳሉዋ ፄሊዴ፥ ሳዓይ ሃናናዋ ኤራናው ዳንዳዪታ፤ ሺን ታ ዩሳ ዎዲያ ማላታ ሻኪ ኤራናው ዳንዳይኪቴ?
23747	MAT 16:6	ዬሱሲ ኡንቱንታ፥ «ፓሪሳዋቱዋ ኢርሹዋፔኔ ሳዱቃዋናቱዋ ኢርሹዋፔ ሂንቴንታ ኤሪዴ ናጌቲቴ» ያጌዳ።
23749	MAT 16:8	ሺን ኡንቱንቱ ጊያዋ ዬሱሲ ኤሪዴ፥ «ሃ ኣማኑ ፓጬዳዋንቶ፥ ቁማይ ባይና ዲራው፥ ኣዪሲ ሂንቴንቱ ጊዶን ሃሳዪቴ?
23755	MAT 16:14	ኣ ካሊያዋንቱ ዛሪዴ፥ «ኔና ኢቲ ኢቲ ኣሳይ፥ ፃማቂያ ዮሃኒሳ ያጌ፤ ሃራንቱ ቃሲ ኤላሳ ያጊኖ፤ ቃሲ ሃራንቱ ኤርሚያሳ ዎይ ናባቱዋፔ ኢቱዋ ያጊኖ» ያጌዲኖ።
23758	MAT 16:17	ዬሱሲ ዛሪዴ፥ ሃዋዳን ያጌዳ፤ «ዮና ናዓ ሲሞና፥ ሃዋ ኔው ሳሉዋን ዴዒያ ታ ኣቡ ኤሪሴዳዋፔ ኣቲን፥ ኣሳይ ኦኒኔ ኔና ኤሪሲቤና ዲራው፥ ኔኒ ኣንጄቴዳዋ።
23772	MAT 17:3	ሙሴኔ ኤላስ ዬሱሳና ሃሳዪሺን፥ ሃ ሄዙ ኣ ካሊያዋንቱ ቤዔዲኖ።
23773	MAT 17:4	ጴፂሮሲ ዬሱሳ፥ «ታ ጎዳው፥ ኑኒ ሃዋን ዴዒያዌ ኑሲ ሎዓ፤ ኔኒ ዶሶፔ፥ ኑኒ ሃዋን ሄዙ ዳሲያ ኢቱዋ ኔው፥ ኢቱዋ ሙሴው፥ ኢቱዋ ኤላሳው ኬፃና» ያጌዳ።
23779	MAT 17:10	ኣ ካሊያዋንቱ ዬሱሳ፥ «ያቲና፥ ሂጊያ ታማሪሲያዋንቱ ኣዪሲ፥ ‹ኤላስ ካሴቲዴ ያናው ቤሴ› ጊኖ?» ያጊዴ ኦቼዲኖ።
23780	MAT 17:11	ኢ ዛሪዴ ያጌዳ፤ «ኤላስ ካሴት ዪዴ፥ ኡባባ ጊጊሳናዋ።
23781	MAT 17:12	ሺን ታኒ ሂንቴንቶ ኦዳይ፤ ኤላስ ሃዋፔ ካሴ ዪዲጌዳ። ሄዎዴ ኣሳይ ኣ፥ ባሬንቶ ኮዬዳዋዳን ኡባ ኦዳዋፔ ኣቲን ኣ ኤሪቤይኪኖ፤ ሄዋዳንካ፥ ቃሲ ታና፥ ኣሳ ናዓ፥ ኣሳይ ዋዪሳናዋ» ያጌዳ።
23787	MAT 17:18	ዬሱሲ ኢታ ኣያና፥ «ኣፔ ኬሳ» ጊዴ ኣዛዚና፥ ኢታ ኣያናይ ናዓፔ ኬሲ ኣጌዳ፤ ኤሌካ ናዓይ ፓፂ ኣጌዳ።
23798	MAT 18:2	ዬሱሲ ኢቲ ጉ ናዓ ፄሲ ኡንቱንቱ ጊዶን ኤሲዴ፥ ሃዋዳን ያጌዳ፤
23864	MAT 20:3	«ቃሲ ሄዙ ሳቲያ ጊዶዴ ኬሲዴ፥ ኦሱ ባይናን ቆጫን ኤቄዳ ሃራ ኣሳቱዋ ቤዒዴ፥
23867	MAT 20:6	ታማኔ ኢቲ ሳቲያ ሄራን ኢ ኬሲያ ዎዴ፥ ሃራንቱ ሄዋን ኤቄዳዋንታ ዴሚዴ፥ ‹ኦሱዋ ኦናን ኩሜን ጋላሳ ሃዋን ኣያው ኤቂ ፔሼዲቴ?› ያጌዳ።