10	GEN 1:10	Tuulu yaya ethiito yawuuma khutthaja nzina la “tuniya”, maati apale aakusanyeyiyeeyo khutthaja n zina la “pahari”. Nluku khoona yoori pi zooshapweya.
11	GEN 1:11	Nluku khulupa theenya yoori: “Tuniya yootthele tthuttu: waaza nyaani ziniimaaye peewu na miitthi ziniimaaye mishumo, wakhula nshumo na phunje yaya!” Khurettikhana etthiipo.
12	GEN 1:12	Tuniya khootthela tthuttu: nyaani ziniimaaye peewu, miitthi ziniimaaye mishumo. Nluku khoona yoori pi zooshapweya.
32	GEN 2:1	Ti nanna yiishisiweezo ophattuchiwa pinku na vathi na zooshi ziriimo.
43	GEN 2:12	Thahapu za nti opo pi zooshapweya na theenya ewaakho miitthi enlazaaye manlela oonukhela na mawe ootafikhana.
45	GEN 2:14	Muuttho opo wattaatthu, onviraaye phantte lintthamuwaawo njuwa ya nti wa Shuuru, oniitthiwa Tiikiri. Opu wanne Efwarathi.
55	GEN 2:24	Ti eto nlume oninlikha papaawe na mamaawe khukusanyeya na muukhaawe oowiiri khwiiya nyama moote.
74	GEN 3:18	Tuniya eniwinkha wakhula nanna ya miiwa, weeyo nka ojaka mishumo za ntthuttu.
89	GEN 4:9	Paata ya toole, Nnyizinku khumuuzela Kayiini araka: “Ttwiiyo Apeele ori vayi?” Khujipu yoori: “Akijuweeni! Namweekesela wa ttwiiyaku ti miyo?”
101	GEN 4:21	Ttwiiye nzina lawe laari Yupaali, oto aari paapa wa atthu apale ooshi animpiyaaye tthakare na apale ampiyaaye phivi.
102	GEN 4:22	Siila khumpattha mwaana khuntthaja nzina la Tupaali-Kayiini, ye aari funti wa waattala zaana za khoopiri na zuuma. Tupaali-Kayiini aarina nlupuwe aari wiitthiwaaye Naama.
232	GEN 9:26	Theenya khuri: “Asifwiwe Mbwana Nnyizinku wa Sheemu, anrette Kanaani wiiya mwiitthwaana wa Sheemu.
237	GEN 10:2	Aana a Yafeeti aari apa: Komeeri, Makooku, Matayi, Yavani, Tupaali, Mesheki na Tirasi.
238	GEN 10:3	Aana a Komeeri aari apa: Ashikenazi, Rifwathi na Tokaama.
239	GEN 10:4	Aana a Yavani aari apa: Elisha, Tarishishi, Kitimu na Rotanimu.
242	GEN 10:7	Aana a Kuushi aari apa: Seepa, Havila, Saapita, Raama na Sapiteeka. Aana a Raama aari apa: Sheepa na Tetaani.
244	GEN 10:9	Ye aari namasaya wookhomaala omaasho wa Nnyizinku. Ti eto enlupiwaaye yoori “Ntthu nkhama Ninrooti, namasaya wookhomaala omaasho wa Nnyizinku”.
262	GEN 10:27	Hatoramu, Yuzaali, Tiikala,
270	GEN 11:3	Khusiilana yoori: “Nlaweni nuupe thizolo nooche saaneene.” Thizolo epile khuretta wiiya mawe, piriniisi khunretta wiiya mattakha.
271	GEN 11:4	Theenya khuri: “Nlaweni nijeke sitati yawiiyana korofwa khuluyeene enkomaaye pinku, yoori nzina letthu liiye loojuwanikha, nihiiye woomwazeyela olumwenku wooshi.”
276	GEN 11:9	Ti eto sitati etile khutthajiwa nzina la “Babeeli”, mwaasa wa Nnyizinku ovirikanisa luuka ya anaatamu ooshi. Attaapho, Nnyizinku khuwaamwazela olumwenku wooshi.
291	GEN 11:24	Nahoori afiiyeevo nyaakha eshiriini na tiisiya khunvokola Teera.
292	GEN 11:25	N'onvokola Teera, eekhaliye nyaakha miiya na khumi na tiisiya, khuwaavokola theenya aana aalume na aakha.
293	GEN 11:26	Teera afiiyeevo nyaakha sapiini, khunvokola Eburamu, Nahoori na Hara.
294	GEN 11:27	Eti peewu ya Teera. Teera khunvokola Eburamu, Nahoori na Hara. Hara khunvokola Loothi.
298	GEN 11:31	Teera khulankha sitati ya Wuuri, nti wa Babilooniya, eettaka Kanaani. Alawaka khunthuula mwanawe Eburamu na ntuuluwe Loothi, mwaana wa Hara, vamote na nkhwewe Suhuriiya, muukha wa Eburamu. Ila afiiyeevo sitati ya Harani khuhivikani, khwiikhala ottuukho.
299	GEN 11:32	Teera khufwa Harani arina nyaakha miiya piiri na mithaanu.
306	GEN 12:7	Nnyizinku khunteela Eburamu, khumuuza yoori: “Tuniya eti kinteela winkha peewu yawo”. Aphano Eburamu khunjekela alitaari Nnyizinku attaaphale.
309	GEN 12:10	Tuniya ya Kanaani yaapuwiyewo jala ya waatta, aphano Eburamu khulankha khusala alawa tuniya ya Misuri yoori eekhalewo siikhu vattitthiiru.
328	GEN 13:9	Tuniya yooshi khiri mmakhono mwawo? Nlawe nimwazeyane, othawule phantte ontakhaaye olawa. Weeyo weettaru nkhono-nkha, miiyo kintta nkhono-nlume, weettaru nkhono-nlume miiyo kintta nkhono-nkha.”
334	GEN 13:15	Tuniya eto yooshi onoonaaye kinteela owinkha weeyo na peewu yawo khwa mileele.
338	GEN 14:1	Wakathi aya opo Amirafeele aari mfwalume wa Shinaari, Ariyookho mfwalume wa Elazaari, Ketorilameeri mfwalume wa Elamu, na Titaali mfwalume wa Koyiimu,
343	GEN 14:6	Theenya khuwaashintta Ahoori omwaako wa Seyiiri, khuwiikarisa mpakha Paraani ohali yaaziyeewo yaara.
344	GEN 14:7	Arutaka khuviraza Kateeshi waari wiittheliwakaawo Emishipathi, khuwaattapwattha atthu ooshi a nti wa Amalekiita na theenya Amoori aari wiikhalaaye nti wa Hazaazoni-Tamara.
346	GEN 14:9	Aari wuumanaza na Ketorilameeri mfwalume wa Elamu, Titaali mfwalume wa Koyiimu, Amirafeele mfwalume wa Shinaari, na Ariyookho mfwalume wa Elazaari. Aari afwalume athaanu aari wuumananaaye afwalume wane.
352	GEN 14:15	Ye khuwaawanya alume apale khuntti-khuntti, khuumanisa viittha osikhu mpakha owaashintta maatuwi aya, khuweekarisa mpakha nti wa Hoopa, phantte ya kashikhazini ya Tamaashiku.
363	GEN 15:2	Eburamu khujipu: “Mbwanaaka Nnyizinku ontakha okinkha-ni na miiyo akina hatha mwaana wa waarithi aka? Antakhaaye orithi vaje vaka ti Elizeeri wa Tamaashiku.
379	GEN 15:18	Siikhu ethiitile, Nnyizinku khuretta wahati na Eburamu, khumuuza yoori: “Tuniya eti kinteela winkha peewu yawo, waaza muuttho wa Misuri mpakha muuttho nwulu oniitthiwaaye Efwarathi,
406	GEN 17:8	Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha peewu yawo khwa mileele, na-miyo kinteela wiiya Nluku aya.”
475	GEN 19:17	Paata yoolaziwamo nsitati mphule, nlayikha limote khumuuza yoori: “Tthira wuusuru ohaayi awo, na oheekese nyuma wala oheemele hatha vahali ohifiyeeni omwaako yoori ohipwetheye.”
476	GEN 19:18	Loothi khujipu; “Toowo wala safwatali ambwana zaka!
480	GEN 19:22	Ila waakuve olawe nasaapi ethiiti, miiyo akinretta hatha etthu, weeyo ohifiyeeni ohali onttaawo.” Ti eto sitati yaya eto eniittheliwaaye Zowaari.
492	GEN 19:34	Mmeesho mwaya, otule nwulu khumuuza ttwiiye: “Taana osikhu karapalelana paapa, apho osikhu opu wa leelo nlawe ninhapalise na weeyo olawe warapalelane zwaamu yawo. Anivokolele aana yoori peewu ya papeetthu ehiishe”.
501	GEN 20:5	Ti Eburahiima aakuuziye yoori Suhura nlupuwe! Na Suhura khukuuza etthiipo yoori nlupuwe. Miiyo karetta eti na rooho y'ookemaani woohijuwivo etthu.”
502	GEN 20:6	Nluku khunjipu njozi nttumphule yoori: “Miiyo kajuwa yoori vitthu epi waretta na rooho y'ookemaani. Ti eto miiyo kiwiinaneliyeeyo yoori ohikikose, pi apho kihuutakheleeni onsapa muukha oto.
508	GEN 20:12	Na khweele phantte kiina nlupwaaka, mwaana wa paapa ila khahiyo mwaana wa maama. Ti nanna afiyeleliyeeyo wiiya muukhaaka.
572	GEN 22:24	Nahoori aarina muukha nkinoko aari wiitthiwaaye Rewuma, na-ye anvokoleliye aana; Teepa, Kahaamu, Tahaashi na Maaka.
606	GEN 24:14	Mwaari othuuto kinttelaaye omuuza yoori: ‘Wiinamise yuuku yawo okimeele maati kinywe,’ ye khulupa yoori: ‘Apa nywa, na kintta onywisa enkamiiya zawo,’ eeye othuuto onthawuleliyeeyo Esiyaakha. Ti etthu enttelaaye okijuwisa yoori wanthoonyeza pheta ya waamineya mbwanaaka Eburahiima.”
657	GEN 24:65	Khumuuzela karumeya: “Khi mwinyi otule anlankhaaye mmashapa mphule ataka okhuno niriiwo ti paani?” Ye khujipu araka: “Ti mbwanaaka.” N'oosiila toole ye khuthuula nshukwi lawe khujifinikha.
674	GEN 25:15	Hadaadi, Teema, Yetuuri, Nafiishi na Kedeema.
685	GEN 25:26	Elottelanaka khuvokoliwa ttwiiye, nkhono awe okholeliye ekwakuno ya Ezawu. Ti maana yootthajiwa nzina la Yaakhumpa. Ampattikhanaru aana aya apa, Esiyaakha aarettiye arina nyaakha siithiini.
689	GEN 25:30	Ye khumuuza Yaakhumpa yoori: “Okinkhe vitthu epo oniipikhaazo zookhuttuwela kije. Kintakha ofwa jala!” Ti eto Ezawu enkhiweeyo nzina la Edomu.
694	GEN 26:1	Yaapuwiye jala nti opule nkhama etthiipile yaapuwiyeezo wakathi wa Eburahiima. Ti eto Esiyaakha khulawa nti wa Geraari okutthanana Apimeleekhi mfwalume wa Afiliishiti.
760	GEN 27:32	Papaawe khumuuzela: “Weeyo o paani?” Ye khuri: “Ti miyo Ezawu, mwanenu otu wa mwanzo.”
764	GEN 27:36	Ezawu khulupa yoori: “Eto swaafu yaphiiri akishinttaka. Ti maana ootthajiwa nzina la Yaakhumpa. Yamwanzo akinyakanya lifunku laka l'oomwaana wa mwanzo. Apho theenya akinyakanya parakha yaka. Paapa khamwinkiparikhiya na miiyo?”
782	GEN 28:8	Ti nanna ye ajuwiyeezo yoori papaawe khaari ontuvela aakha a Kanaani.
799	GEN 29:3	Ti eto amakhampuzi aari owejelanakaaye yoori asusise liwe ntthile enkhe nyama zaya maati oonywa, nawiisha khurutiselavo liwe ntthile.
815	GEN 29:19	Labani khujipu yoori: “Kemaani! Ti yooshapweya wuulooza weeyo zayita onlooza ntthu nkinoko. Osala wiikhala attaapha na-miyo.”
831	GEN 29:35	Khurutela wiimittha theenya, khumpattha mwaana khulupa yoori: “Swaafu eti kinttela onsifu Nnyizinku.” Ti eto antthajiyeeyo nzina la Yuuda. Aphano khumwiishela mavokozi.
846	GEN 30:15	Ye khujipu araka: “Wanthuula mannaka, khootosheeni? Theenya ontakha othuule mathunkuja apa atiisiyeeyo mwanaka?” Rakeele khunjipu araka: “Kemaani! Nlaweni nipatili, mwikinkhe mathunkuja apo, osikhu opu Yaakhumpa mwilawe mwarapalelane mweeyo.”
849	GEN 30:18	Liiya khulupa yoori: “Nnyizinku akitthuva mwaasa wonthuula karumeyaaka khumwinkha mannaka.” Ti eto khuntthaja nzina la Esakhaari.
851	GEN 30:20	Ye khuri: “Nnyizinku akinkha etthu ya fwayita, aphano mannaka onteela otuveliwa venkivene ti miyo mwaasa wompatthela aana sitha.” Ti eto mwaana otule khuntthaja nzina la Zabulooni.
869	GEN 30:38	Ye aajuwiye yoori vahali aari onywaavo maphanko a nyama phi vahali zaari opepheranaavo. Ti eto aari otthaakaaye puutta epile zoophaka omaasho waya amana zinywaka.
894	GEN 31:20	Ti nanna Yaakhumpa anretteliyeezo Labani Mwaarameewu, khutthirawo owawe woohinleezi.
915	GEN 31:41	Ti nanna miiyo keekhaliyeeyo vaje venu nyaakha eshiriini: kookholelani khaazi nyaakha khumi na mine yoori eeye mahari a aaneenu oowiiri, na nyaakha sitha kishukisaka nyama zenu phakari yaka yiiyaka nyama etthiipo, ila mweeyo khuzukulisa phakari yaka swaafu khumi.
922	GEN 31:48	Aphano Labani khulupa yoori: “Mawe apa nuukeliye apha leelo, oshaahiti etthu miiyo na-weyo.” Ti eto yaari wiittheliwaaye nzina la Kaleeti.
959	GEN 32:31	Yaakhumpa khulupa yoori: “Miiyo kamoona Nnyizinku wuuso khwa wuuso ila nalelo kiri haayi.” Ti eto khutthaja nzina puuro etile la Peniyeele.
961	GEN 32:33	Ti eto mpakha leelo atthu a Ezirayeele khanja ntika wa nyama opu onluttaaye liphaja, mwaasa yaari phantte ya mwiili wa Yaakhumpa waapiiweeyo khukurukunyuwa.
978	GEN 33:17	Yaakhumpa khulankha khusala alawa Sokoota. Ottuukhule khujeka nyuupa yawe na mazizi a nyama zawe. Ti eto atthajiyeevo nzina la Sokoota.
982	GEN 34:1	Siikhu moote, Tiina mwaana wa Yaakhumpa na Liiya, aalankhiye olawa owaathotola aanaakha a nti otthuupule.
984	GEN 34:3	Erettiyeevo toole khwiiya wootuveliwa ti Tiina mwaana wa Yaakhumpa, khumpheta, khumuuza mattakhuzi oomwiitthaaza rooho.
986	GEN 34:5	Wakathi Yaakhumpa asiiliyeevo yoori mwanawe Tiina ajansiliwa ti Shekemu, aarettiye aanaawe ari ntthuttu ashukisaka nyama. Ye khunyamala khusala awaaweja aanaawe mpakha oruti.
992	GEN 34:11	Aphano Shekemu khumuuza papaawe Tiina na alupuwe yoori: “Safwatali mwikikhupalele mattakhuzi apa, kintta owinkhani wakhula etile mwinttelaaye olupa.
994	GEN 34:13	Aphano aana a Yaakhumpa khunjipu Shekemu na papaawe wonhatavo, mwaasa wonjansili nlupwaaya Tiina.
997	GEN 34:16	Toowo phi ninttelaavo wuuloozani aaneetthu na-fweyo owaarala aaneenu, ninttela wiikhala vahali vamote niiye ojama mmote.
1006	GEN 34:25	Siikhu yattaatthu, wakathi alume apale aari woonachaavo olwaaza, aana awiri a Yaakhumpa, Simiyooni na Leevi alupuwe Tiina, khuthuula phanka zaya, khweetta nsitati mphule woohijuwiwi ti hatha ntthu. Khuwoola alume ooshi.
1007	GEN 34:26	Khumuula Hamori na mwanawe Shekemu. Khunthuulawo Tiina owawe Shekemu khusala alawa.
1012	GEN 34:31	Yo khujipu araka: “Ti yooshapweya yo onretta omalempe nlupweetthu?”
1022	GEN 35:10	Khumuuza yoori: “Nzina lawo o Yaakhumpa ila waaza leelo walikha, aphano nzina lawo o Ezirayeele.” Ti nanna Nluku antthajiyeeyo nzina la Ezirayeele.
1052	GEN 36:11	Apa mazina a aana a Elifazi: Teemani, Omari, Zeefo, Katamu na Kenaazi.
1053	GEN 36:12	Tinna, muukha nkina wa Elifazi mwaana wa Ezawu, aavokoleliwe mwaana aari wiitthiwaaye Amaleekhi. Apa atuulu a Aada muukha wa Ezawu.
1056	GEN 36:15	Apa mahaakhimu a mahimo a peewu ya Ezawu: Elifazi, mwaana wamwanzo wa Ezawu, aanaawe aari apa: Haakhimu Teemani, haakhimu Omari, haakhimu Zeefo, haakhimu Kinaazi,
1063	GEN 36:22	Aana a Lotaani aari apa: Hoori, Hemani, na Tinna nlupu wa Lotaani.
1075	GEN 36:34	Yobaabu khufwa, khuthawala Hushaamu wa nti wa Temaani.
1081	GEN 36:40	Mahaakhimu apa aari a peewu ya Ezawu, na mahimo aya na miti zaya: Haakhimu Tinna, Aluvani, Yeteeti,
1083	GEN 36:42	Kenaazi, Temaani, Mibizaari,
1126	GEN 38:6	Ye khumweekesa muukha aari wiitthiwaaye Tamaara khunlooza mwanawe Eeri.
1129	GEN 38:9	Ila Onaani aajuwiye yoori aana aari weettelaaye opattikhana, khaari weettela wiiya awe. Ti eto, amana arapalelana muukha wa ttwiiye, zina yawe aari wiitthelaka vathi yoori ahiwaapatthe aana eeya a ttwiiye.
1131	GEN 38:11	Aphano Yuuda khumuuza Tamaara muukha wa mwanawe yoori: “Orutele wa apapazo ori nankhwele onwejaka mwanaka Shela owula.” Ye aalupiye toowo mwaasa woomoovisa mwanawe Shela ofwa. Tamaara khulawa khwiikhala wa papaawe.
1132	GEN 38:12	Ziviriyeevo siikhu za waatta, khufwa muukha wa Yuuda mwaana wa Shuuwa, nawiisha matthaka khulankha na swaahipu awe Hiira wa nti wa Atulaani, khusala alawa owoona atthu apale ari okasaaye ovuzi wa nyama zaya nti wa Tinna.
1133	GEN 38:13	Khuuziwa Tamaara yoori: “Nkhwewo ontta ovira, oneetta Tinna olawa okasisa nyama zawe.”
1134	GEN 38:14	Khuvula kuwo zawe epile aawaliyeezo z'oonankhwele, khujifinikha nshukwi yoori ahijuwiwe, khulawa khwiikhala vanlako wa sitati ya Enayimu waattamana na tarikhi ya Tinna. Ye aarettiye toowo mwaasa woojuwa yoori Shela awula, ila khwiiya ahinalooziwe.
1136	GEN 38:16	Ye khunkhuwela araka: “Nkatu! Kinuutakha, kuulalane.” Ye ahijuwaka yoori ti nkhwewe muukha wa mwanawe. Tamaara khumuuzela yoori: “Amana kilalana weeyo onikinkha-ni?”
1137	GEN 38:17	Yuuda khunjipu yoori: “Kintta wuuperekheza puuzi moote ya nliphanko mwaka.” Tamaara khuri: “Aayo! Kasiila. Ila okilikhele etthu kinwahaaye waamini yoori onlawa wakiperekheze puuzi yaya eto.”
1138	GEN 38:18	Ye khumuuzela araka: “Kuulikhele niini?” Tamaara khujipu yoori: “Okilikhele peetthe yawo, mfukho awo na pakhora eto oriina mmakhono mwawo.” Yuuda khumwinkha zooshi epile anvekeliyeezo, khunlalana khwiimittha.
1139	GEN 38:19	Nawiisha Tamaara khurutela owawe khuvula nshukwi khuwala kuwo zawe epile z'oonankhwele.
1143	GEN 38:23	Yuuda khulupa yoori: “Ti asalane epile kimwinkhiyeezo yoori ehikikwele paathuli, miiyo kaaperekhiye puuzi yaya, ila weeyo khuhinsikani ye aya.”