1	GEN 1:1	Omwanzo, Nluku aphattucha pinku na vathi.
2	GEN 1:2	Olumwenku waari ohineeyane matthentto na khayaarimo hatha etthu, yaarivo yiizaru vatulu wa pahari yawiicha. Rooho ya Nluku yaari ozukulela vatulu wa maati.
5	GEN 1:5	Nuuru khutthaja “nthana”, yiiza khutthaja “osikhu”. Khuripa khucha, siikhu yamwanzo.
8	GEN 1:8	Mwaawanyo opule, Nluku khutthaja “pinku”. Khuripa khucha, siikhu yaphiiri.
13	GEN 1:13	Khuripa khucha, siikhu yattaatthu.
16	GEN 1:16	Nluku khuphattucha vimwasikhelo piiri khuulu. Emwasikhelo eti khuulu yaya yoori esala elokozela nthana, eti ttiitthi esala elokozela osikhu. Na theenya khuphattucha matthottowa.
19	GEN 1:19	Khuripa khucha, siikhu yanne.
23	GEN 1:23	Khuripa khucha, siikhu yathaanu.
31	GEN 1:31	Nluku khoona yoori pi zooshapweya channu. Khuripa khucha, siikhu yasiitha.
32	GEN 2:1	Ti nanna yiishisiweezo ophattuchiwa pinku na vathi na zooshi ziriimo.
34	GEN 2:3	Siikhu ethiito yasaapa, Nluku khuparikhiya na khuttakatthisa mwaasa woovumula khwa khaazi yawe aakholiyeeyo yoophattucha.
35	GEN 2:4	Eti hatiithi yoophattuchiwa pinku na vathi. Siikhu Mbwana Nnyizinku aphattuchiyeevo pinku na vathi,
93	GEN 4:13	Kayiini khumuuza Nnyizinku yoori: “Hukhumu yaka khuluyeene channu akinkhitiri.
151	GEN 6:13	Nnyizinku khumuuza Nuuhi yoori: “Kintta wiishisa zumpe zooshi z'oohaayi, vamote na olumwenku aya kipweche.
153	GEN 6:15	Omwaattale nanna eti: phiima miiya na talaathiini na thaanu olepa waya, phiima eshiriini na piiri na nuusu owula waya, phiima khumi na ttatthu chanka yaya.
164	GEN 7:4	Mmana zivira siikhu sapa kinlawa kanyisele vuula vatuniya siikhu arupayiini nthana na osikhu, kipweteche zumpe zooshi kumpiyeezo.”
171	GEN 7:11	Siikhu Nuuhi afiiyeevo nyaakha miiya sitha, mweezi waphiiri orina siikhu khumi na sapa, khuphutuwa matthatta a vathi ooshi apale awiicha na milako za pinku khufukuwa.
179	GEN 7:19	Khwaatta channu mpakha khufiyelela ozamisa nyaako.
183	GEN 7:23	Nnyizinku khupwetecha zumpe zooshi z'oohaayi zaari vatuniya. Pinaatamu, nyama za ntthuttu, na epile zinjipurulaaye vathi na anyannyi o'otulu zooshi khupwetheya. Khusala Nuuhi otthwe na ajamaaze na nyama epile zaari vamote na-ye mmwaaraka.
186	GEN 8:2	Matthatta apale awiicha na milako za pinku khufukiwa, vuula khwaamusa,
205	GEN 8:21	Nnyizinku khusiila arufu yonkhurunusha rooho khulupa mwennyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa-wene. Akinteela orutela opwetecha zumpe zooshi nkhama nanna eti kirettiyeezo.
208	GEN 9:2	Nyama zooshi za voolumwenku, epi za ntthuttu, anyannyi o'otulu, epi zinjipurulaaye vathi, na swi za mpahari, zinttela wiiya zoowoovani mweeyo channu. Zooshi epo mwinttela oshintta.
217	GEN 9:11	Kinretta wahati aka na-mweyo; akinteela opwetecha theenya zumpe zooshi na maati a nnyeri, wala tuniya khinteela ozama theenya na maati a nnyeri.”
270	GEN 11:3	Khusiilana yoori: “Nlaweni nuupe thizolo nooche saaneene.” Thizolo epile khuretta wiiya mawe, piriniisi khunretta wiiya mattakha.
310	GEN 12:11	Asaleelaka ofiya, khumuuza muukhaawe Suhuriiya yoori: “Osiileze, miiyo kajuwacha yoori weeyo o muukha wooshapweya.
313	GEN 12:14	Wakathi Eburamu afiiyeevo, Amisuri khumoona Suhuriiya yoori aari muukha wooshapweya channu.
329	GEN 13:10	Loothi khulansa maasho awe khoona nttapo la muuttho Yorotaani lihiniishaaye maati liri looripelela mpakha nti wa Zowaari. Nttapo ntthile laari nkhama woorotha wa Eeteni, na loolattanana tuniya ya Misuri. Wakathi aya opo Nnyizinku aarettiye ahinapweche nti wa Sotooma na Komoora.
374	GEN 15:13	Aphano Nnyizinku khumuuza yoori: “Ojuwache yoori peewu yawo enteela omaka nti woohiiyi waaya, enteela orettiwa omwiitthwaana na ohoochiwa nyaakha miiya nne.
378	GEN 15:17	Litupweeliyeevo njuwa, waariipiye vathi khupuwa loosi la njocho na mweeke wa moottho khuvira vakatthi wa virikitthili za nyama epile zaashijiweezo.
404	GEN 17:6	Kinteela waattisa channu peewu yawo, khwa weyo kinretta khapila za waatta, akinoko aya anteela wiiya afwalume.
431	GEN 18:6	Aphano Eburahiima khutthira eettaka nheema mwawe khumuuza Suhura yoori: “Othuule miphimo miwulu mittatthu z'oofu wa tiriku yooshapweya, okhatte wooche phaawu wa waakuvavo.”
432	GEN 18:7	Nawiisha, khutthirela onzizi wawe khunthuula mwaana wa mompe woonenevacha, khumwinkha karumeyaawe yoori anshije na amwiipikhe wa waakuveyavo.
449	GEN 18:24	Khi amana eeyawo atthu hamusiini anashariya, ompwecha sitati etile? Khunteela owaaswaamihi mwaasa wa atthu apo hamusiini anashariya?
453	GEN 18:28	Khi amana asaleelaka athaanu yoori afiyele hamusiini, onipwecha sitati etile mwaasa wa apa ansaleelaaye?” Mbwana khuri: “Amana kiwaasikana arupayiini na athaanu akimpwecha.”
454	GEN 18:29	Khumuuzela theenya; “Khi amana owaasikana arupayiini?” Mbwana khujipu: “Wala, akimpwechawo mwaasa wa apale arupayiini.”
456	GEN 18:31	Eburahiima khurutela olupa yoori: “Okiswaamihi na nthiti kiriinaayo la wuuttakhulana Mbwanaaka, khi amana owaasikana anashariya eshiriini?” Ye khuri: “Akimpwechawo mwaasa wa anashariya apale eshiriini.”
457	GEN 18:32	Khulupa theenya Eburahiima: “Mbwanaaka, ohikatipukhe, kiniwuuzela swaafu moote ethiiti paasi; khi amana owaasikanawo anashariya khumi?” Ye khunjipu: “Akimpwechawo mwaasa wa anashariya apale khumi.”
461	GEN 19:3	Loothi khuwaakhanyerela na kuvu mpakha yo okhupali olawa omaka owawe. Ye khurumisa wiipikhiwa etthu-yooja ya nnofu na khoochiwa phaawu yoohiina fwaramento, aletto apale khuja.
467	GEN 19:9	Yo khuri: “Oleevo apha! Weeyo o mmalapo mmuti mphu, ontakha ojinkhe ofwalume na mmuti mwetthu? Fweeyo nintta wuurettela vitthu zooziti epi naari otakhaaye owaarettela apo.” Aphano yo khunsukhuma Loothi, khusala asusela nlako awe yoori apwechaze.
471	GEN 19:13	mwaasa aya nateela opwecha sitati eti. Nnyizinku asiila nkhuwo nwulweene wa vitthu zootakhala anrettaazo atthu a Sotooma, apha aniruma yoori nite nipweche sitati yaya eti.”
472	GEN 19:14	Aphano ye khulawa owooza akhwewe, apale aari weettelaaye owaarala aanaawe yoori: “Mwileemo nsitati mphu, maana Nnyizinku onttela opwecha.” Ila akhwewe apale khusala oona nkhama nzaha.
477	GEN 19:19	Wakirettela saana, khukoonela huruma venkivene, khuusuru ohaayi aka. Ila onyaako khu woolepawo, opwechiwa wa sitati eti ontta okisikana kihinafiye.
479	GEN 19:21	Nlayikha khujipu yoori: “Kakhupali eto ovekiyeeyo, akinteela opwecha sitati yaya eto olupiyeeyo.
483	GEN 19:25	Khupwecha sitati epile na miti zaattamananiyeeyo, na atthu aya apale aari wiikhalaamo na tthuttu yaya.
486	GEN 19:28	Khweekesa phantte ya Sotooma na Komoora na miti zooshi za shiini yaya etile, khusala oona loosi la waatta leettaka otthuwela mmuti mphule nkhama njocho lookhoziwa.
487	GEN 19:29	Nkatthi woopwecha sitati zooshi za tuniya etile, Nluku khufikhiri etile aavekeliweeyo ti Eburahiima, khumuusuru Loothi vakatthi wa pala yaarettikhaniyeeyo sitati etile aari wiikhalaaye.
504	GEN 20:8	N'oolankha mmeesho mwaya supu, Apimeleekhi khuwaakhuwela mawaziiri awe khusala awooza epile aalotthiyeezo, yo khwiiya awoova channu.
550	GEN 22:2	Nluku khumuuza araka: “Onthuule mwanawo Esiyaakha, othuuto mmote oriinaaye onimphetachaaye, olawe mpakha nti wa Moriya, vamwaako oriiye ottuukho kinttelaaye wuuthoonyeza, onrette twaha yoolukuziwa”.
608	GEN 24:16	Rapekha aari mwaari wooshapweya channu woohinjuwi nlume, ye khwiishukhela vanlipu khuttekha maati khwiitaaza yuuku yawe khuwelela.
614	GEN 24:22	Ziishiyeevo onywa enkamiiya epile, khulaza kharawu ya thahapu ya karaama sitha na kakhana piiri za thahapu zaari ochiraaye karaama miiya olemela waya khunwalisa mmakhono mwawe.
646	GEN 24:54	Nawiisha, yo khuja na khunywela khulala mpakha supu. N'oocha karumeya otule khulupa yoori: “Mwikilikhe kirutele wa mbwanaaka.”
761	GEN 27:33	Esiyaakha khusuthuwa channu khusala athukumela khulupa yoori: “Khi otule apatthiyeeyo nyama khukitiisela ti paani? Miiyo kaja keesha weeyo ohinate. Kamparikhiya, ti wooparikhiyiwa!”
791	GEN 28:17	Ye khwiiya wa woova channu, khulupa yoori: “Puuro eti ti yawoopisa! Nyuupa ya Nluku, na nlako wa pinkuuni.”
816	GEN 29:20	Yaakhumpa khukhola khaazi nyaakha sapa yoori anrale Rakeele. Nyaakha epile sapa ye khoona nkhama siikhu vattitthiiru mwaasa wootuveliwa channu.
821	GEN 29:25	Ochiiyeevo, Yaakhumpa khumoona yoori ti Liiya. Ye khulankha olawa omuuzela Labani yoori: “Niini epi okiretteliyeezo? Miiyo akaari okhola khaazi mwaasa wa Rakeele? Khi kiiswa yaya niini okittettekhaka?”
953	GEN 32:25	Yaakhumpa khusala otthwe, khumpuwelela nlume mmote khusala oomanana mpakha ocha.
955	GEN 32:27	Aphano nlume otule khuri: “Okilikhe kilawe wacha.” Ye khuri: “Akinuulikha olawa ohikiparikhiyeeni.”
974	GEN 33:13	Ila Yaakhumpa khuri: “Mbwanaaka, mwinjuwa yoori aana apa nalelo asimaana na kinaaye pwittipwitthi na mompe zinaamwisaaye. Amana kikhanyarela weettettisa channu zooshi zintta ofwa siikhu moote.
988	GEN 34:7	Wakathi arutiyeevo aana a Yaakhumpa ntthuttu, n'oosiila vitthu epile yo khwiiya ooshanka channu, khuweephiira mwaasa yoori Shekemu aarettiye etthu yoopatthisa haaya vakatthi wa Meezirayeele, onjansili mwaana wa Yaakhumpa; eto etthu yahaari orettiwaayo.
1006	GEN 34:25	Siikhu yattaatthu, wakathi alume apale aari woonachaavo olwaaza, aana awiri a Yaakhumpa, Simiyooni na Leevi alupuwe Tiina, khuthuula phanka zaya, khweetta nsitati mphule woohijuwiwi ti hatha ntthu. Khuwoola alume ooshi.
1029	GEN 35:17	Oonaka olwaaza channu, mwaatani khumuuza yoori: “Ohoove! Weeyo wampattha mwaana nkina theenya wanlume.”
1189	GEN 40:16	Asiiliyeevo nttunkhulu wa wuupa phaawu yoori Yuusufu aataphuleliye jozi etile wooshapweyavo, ye khumuuza yoori: “Na-miyo kinaaye yaaka, kalottha kipwecheriye phaawu khelenke ttatthu.
1201	GEN 41:5	Khurutela olala khulottha theenya, misaasi sapa za tiriku zooshapweya za wiitaala zaari owulaaye vanchina limote.
1204	GEN 41:8	N'oocha mmeesho mwaya supu, nafusi yawe khwiiya yooshukulikha, khurumisa olawa okhuweliwa anamajintta ooshi na anampiya sako a Misuri. Firawuuna khuwooza jozi alotthiyeeyo, ila khuhiivo hatha ntthu mmote aajuwiiyeeyo otaphulela waya.
1218	GEN 41:22	Khurutela olala khulottha theenya misaasi sapa za tiriku zooshapweya za wiitaala zaari owulaaye vanchina limote.
1245	GEN 41:49	Yuusufu khukusanya tiriku ya waatta yahaari waalakeyaaye nkhama mishaka za mmattima, khulikha waalaka mwaasa wa waatta channu.
1260	GEN 42:7	Wakathi awooniyeevo khuwaajuwa, ila khumpuwa nkhama ahiwaajuweeni. Khusala awoozela awaatuturuchaka araka: “Mweeyo! Mwinlankha vayi?” Yo khunjipu “Ninlankha tuniya ya Kanaani, naateeliye wuuzanya etthu-yoojiwa.”
1283	GEN 42:30	“Nttunkhulu wa Misuri eetta onituturucha anuuzaka yoori n'aahankawaani.
1294	GEN 43:3	Ila Yuuda khujipu araka: “Kiniwuuzani khweele, nttunkhulu wa Misuri anihirimiza channu yoori nihirutelewo nihinlawaneeni ttwiiyetthu otu w'eefutti.
1355	GEN 44:30	Aphano amana nirutela onti ninlikha ye, nintta omuulaana huzuni papeetthu, mwaasa yoori mwanawe animphetachaaye. Akarumeyeenu anttela ompatthisa papaaya wiishukhela aahera na pwi zawe arina huzuni.
1362	GEN 45:3	Ye khuwooza attwiize yoori: “Miiyo ki Yuusufu! Nkahayani, paapa ori haayi?” Attwiize khuhisala awahi onjipu mwaasa yoori aari ooshanka channu.
1440	GEN 47:19	Ohinilikhe nifwaka na mashapa etthu apwecheyaka weettaka woona. Wuuzanye mashapa etthu na-fweyo aya, oninkhe etthu-yooja. Toowo niniiya amwiitthwaana za Firawuuna na mashapa eetthu anttela wiiya awe. Oninkhe peewu yoozala yoori nipatthe wiiyana meekhazi, nihifwe jala na nti etthu ohiiye yaara.”
1477	GEN 49:3	Weeyo Ruubeni, mwaana woomwanzo aka, kuvu zaka, nshumo woomwanzo woojikhitiri wooshapu aka, mwanzo wooshitahiwa channu na wookhomaala.
1496	GEN 49:22	Yuusufu muutthi wa wiima channu waattameliyeeyo nshini wa maati, virapi zaya khurapela vatulu wa muuri.
1629	EXO 4:27	Aphano Nnyizinku khumuuza Arawu yoori: “Olawe n'yaara wakutthanane Munsa.” Ye khulawa khukutthanana va mwaako wa Nluku, khunchelisa.
1714	EXO 7:28	Mmuttho Niilu wooshimo anttela ottheerelanamo anaphulu awaatta, awelele afiye owawo okatthi wawo mpakha voolili vawo na mmanyupa wa mashawuriiya awo mpakha wa atthu awo ooshi na mphule enkhattiwaamo na enoochiwaamu phaawu.
1791	EXO 10:13	Munsa khookola pakhora yawe ookolelaka nti wa Misuri, Nnyizinku khutiisa pheevo ya ntulayi khuvuma nthana wooshi mpakha osikhu. Noocha pheevo etile khutana nazope.
1812	EXO 11:5	Aana ooshi aalume amwanzo a nti wa Misuri anttela ofwa, waaza mwaana wa mwanzo wa Firawuuna, anttelaaye orithi khukulu ya mfwalume, mpakha mwaana wa mwanzo wa njaazi ankholaaye khaazi yoochila na aana a mwanzo a nyama zaya.
1815	EXO 11:8	Aphano mashawuriiya awo ooshi apa, anlawa akeekese na akikokhorele, akivekelaka yoori: ‘Olawe na atthu awo ooshi.’ Attaaphale miiyo kinttela olaawo!” Munsa na okatipukha wawe channu khulaavo aphale aariivo Firawuuna.
1839	EXO 12:22	Mwithuule zankalala mwinaanise na taamu eriiye mpasiya mwittukunttele milako zenu vatulu na mpavu mwaya. Ahiiyevo hatha ntthu mmote antakhaaye osaruwa nnyupa mwawe mpakha ocha.
1856	EXO 12:39	Khoocha phaawu zoohiina fwaramento khwa tiriku etile aathuuliyeeyo Misuri, maana khayaarina fwaramento mwaasa wawiikariwa Misuri, khuhiwahi otthenkeza etthu-yoojiwa.
1863	EXO 12:46	Mweeyo mwina yonja nnyupa nttumpho aattaliweemo, mwihithuule hatha phittula moote mwisarulelaka vaje, wala mwihipweche hatha likhonkolo la nyama mwinttelaaye orafuna.
1884	EXO 13:16	Eto enttela wiiya nkhama alama mmakhono mwenu na nthoonyezo wa vaachihi venu yoori Nnyizinku anilaza Misuri na owahi wa nkhono awe.”
1900	EXO 14:10	Firawuuna asaleelaka owaasikana, meezirayiilu khweekesa nyuma khuwoona amisuri eettaka ota phantte etile aariiwo. Khuwaapattha woova channu, khusala ankhuwela Nnyizinku.
1914	EXO 14:24	Osaleelaka ocha nkatthi wa nripu la moottho na la liwiku, Nnyizinku khuwoona anajanka amisuri khuwaakarawela.
1917	EXO 14:27	Munsa khookolela nkhono awe pahari osaleelaka ocha, maati khurutela etthiipile aariizo. Wakathi amisuri aari ariiye atthire, khukutthanana maati a pahari, aphano Nnyizinku khuwaakhutela na pahari.
1926	EXO 15:5	Maati apale awiicha khuwaakhutela khwiiya oozama nkhama mawe.
1931	EXO 15:10	Khuperekha pheevo yawo, na pahari khuwaafinikha. Khuzama nkhama chumpwi mpahari wawiichamo.
1962	EXO 16:14	Wakathi mmatte opule wuumiyevo, vathi aphale khupuwa vitthu nkhama mavalako zoolattanana cheelu vatulu wa nshaka.
1968	EXO 16:20	Ila yo khuhinsiilezi Munsa, akina khulikha vattitthiiru mana aya yoori aje mmeesho mwaya; ochiyeevo khwiitaala nyunku na khusala anukha. Munsa khuwaakatipukhela yo venkivene.
2018	EXO 18:18	Weeyo na atthu awo mwinttela oshokhera, maana khaazi yaya eto ti yoolipa channu; khunwahi oretta otthowe.
2043	EXO 19:16	Noocha, siikhu ya ttaatthu khupuwa taari na ozerima, liwiku looriipa khufinikha mwaako na khuvumisiwa nlope channu. Atthu ooshi khuwaapattha woova aphale aarivo.
2045	EXO 19:18	Mwaako Sinaayi wooshi weetaaliye loosi, maana Nnyizinku eeshukheliye attaapho na moottho, na loosi laya leetta owela nkhama loosi la vanjocho na mwaako wooshi weetta othukumela channu.