24	GEN 1:24	Aphano Nluku khuri: “Ziiyemo ntuniya jaati zooshi za zumpe za wiiyana ohaayi, nyama za ntthuttu, mifuwo za vaje na nyama zoojipurula!” Khurettikhana etthiipo.
25	GEN 1:25	Nluku khumpa nyama za ntthuttu za wakhula jaati, zoojipurula za wakhula jaati, na mifuwo za wakhula jaati. Khoona yoori pi zooshapweya.
26	GEN 1:26	Nluku khulupa theenya yoori: “Nimumpe pinaatamu woonishapihi wa wiiya nkhama Fweeyo! Yoori eeyane owahi wooshintta swi za mpahari na anyannyi o'otulu; mifuwo za vaje na nyama za ntthuttu mpakha nyama zooshi zinjipurulaaye vathi.”
43	GEN 2:12	Thahapu za nti opo pi zooshapweya na theenya ewaakho miitthi enlazaaye manlela oonukhela na mawe ootafikhana.
45	GEN 2:14	Muuttho opo wattaatthu, onviraaye phantte lintthamuwaawo njuwa ya nti wa Shuuru, oniitthiwa Tiikiri. Opu wanne Efwarathi.
48	GEN 2:17	Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”
51	GEN 2:20	Adamu khutthaja mazina mifuwo za vaje, anyannyi o'otulu na nyama zooshi za ntthuttu. Ila khuhipuwivo hatha moote ya wiiya nkhama ye yaari weettelaaye onkhiza.
59	GEN 3:3	ila Nluku anuuza yoori: ‘Nshumo wa muutthi oriiye vakatthi wa woorotha mwihije wala mwihisape. Mwijaru mwintta ofwa.’”
60	GEN 3:4	Aphano nyookha khumuuza muukha otule yoori: “Hatha khamwimfwa!
61	GEN 3:5	Maana Nluku ajuwa yoori siikhu mwinttelaavo oja nshumo opo antta ofunuwa maasho enu, mweeyo mwinttela wiiya nkhama Ye, ojuwa yooshapweya na yootakhala.”
62	GEN 3:6	Muukha khoona yoori muutthi opule waari wooshapweya, mishumo zaya zaari zooshapweyela oja na zaarina fwayita yoojuwisa. Attaapho, khushuma khuja, khumwinkha mannawe na-ye khuja.
63	GEN 3:7	Paata ya toowo, oowiiri khufunuwa maasho aya khujuwa yoori ari waazu. Khurukela mathapa a muutthi oniitthiwaaye mfikeera khuretta wiiya kuwo zaya.
70	GEN 3:14	Aphano Mbwana Nnyizinku khuuza nyookha yoori: “Wiiya waretta vitthu epi, woolaanikha ti weyo vakatthi wa mifuwo za vaje na nyama zooshi za ntthuttu, nka weettettanaka erukulu na ojaka ottophe siikhu zooshi z'oohaayi awo.
75	GEN 3:19	Okholaka khaazi yoovujuwela yoori opatthe etthu-yooja yawo mansha awo ooshi. Maana weeyo wompaniwa ottophe, n'oofwa mpakha orutele voottophe.”
78	GEN 3:22	Mbwana Nnyizinku khuri: “Mpakha apha pinaatamu wampattha wiiya nkhama fweeyo, ajuwa etthu yooshapweya na yootakhala. Ye ahilikheleliwe oshuma nshumo wa muutthi w'oohaayi aja yoori eeyane ohaayi wa mileele.”
88	GEN 4:8	Aphano Kayiini khumuuza ttwiiye Apeele yoori: “Nlawe ntthuttu.” N'oofiya khunzukuluwela khumuula.
95	GEN 4:15	Nnyizinku khunjipu yoori: “Wala! Khahiyo toowo! Wakhula otule anttelaaye owuula oniiya woohukhumwiwa swaafu sapa.” Ye khunttha alama vamwiili yoori wakhula aninsikanaaye ahimuule.
100	GEN 4:20	Aada khumpattha mwanawe khuntthaja nzina la Yapaali, paapa wa atthu apale aari wiikhalaaye mmaheema aari ofuwaaye nyama.
102	GEN 4:22	Siila khumpattha mwaana khuntthaja nzina la Tupaali-Kayiini, ye aari funti wa waattala zaana za khoopiri na zuuma. Tupaali-Kayiini aarina nlupuwe aari wiitthiwaaye Naama.
104	GEN 4:24	Amana Kayiini ariphiwa hukhumu swaafu sapa, Lameekhi onttela oriphiwa swaafu sapiini na sapa.”
109	GEN 5:3	Adamu afiiyeevo nyaakha miiya na talaathiini khumpattha mwaana wa wiiya nkhama ye na khwa wumpo awe khuntthaja nzina la Seethi.
111	GEN 5:5	Adamu afwa arina nyaakha miiya tiisiya na talaathiini.
112	GEN 5:6	Seethi afiiyeevo nyaakha miiya na mithaanu, khunvokola Enooshi.
114	GEN 5:8	Seethi afwa arina nyaakha miiya tiisiya na khumi na miwiri.
115	GEN 5:9	Enooshi afiiyeevo nyaakha tiisiini, khunvokola Kenaani.
117	GEN 5:11	Enooshi afwa arina nyaakha miiya tiisiya na mithaanu.
118	GEN 5:12	Kenaani afiiyeevo nyaakha sapiini, khunvokola Mahalaleeli.
120	GEN 5:14	Kenaani afwa arina nyaakha miiya tiisiya na khumi.
121	GEN 5:15	Mahalaleeli afiiyeevo nyaakha siithiini na mithaanu, khumpattha mwaana khuntthaja nzina la Yareeti.
123	GEN 5:17	Mahalaleeli afwa arina nyaakha miiya naane na tiisiini na mithaanu.
124	GEN 5:18	Yareeti afiiyeevo nyaakha miiya na siithiini na miwiri, khumpattha mwaana khuntthaja nzina la Henookhi.
126	GEN 5:20	Yareeti afwa arina nyaakha miiya tiisiya na siithiini na miwiri.
127	GEN 5:21	Henookhi afiiyeevo nyaakha siithiini na mithaanu, khumpattha mwaana khuntthaja nzina la Methuseela.
131	GEN 5:25	Methuseela afiiyeevo nyaakha miiya na thamaaniini na sapa, khunvokola Lameekhi.
133	GEN 5:27	Methuseela afwa arina nyaakha miiya tiisiya na siithiini na tiisiya.
134	GEN 5:28	Lameekhi afiiyeevo nyaakha miiya na thamaaniini na miwiri khumpattha mwaana mmote.
137	GEN 5:31	Lameekhi afwa arina nyaakha miiya sapa na sapiini na sapa.
138	GEN 5:32	Nuuhi eekhaliye nyaakha miiya thaanu khuwaapattha aana aalume khuwaatthaja mazina: Sheemu, Haamu na Yafeeti.
142	GEN 6:4	Wakathi aya opo muulumwenku aarimo atthu awulu-awulu na oozivala, aruteliye wiiyavo theenya. Aari aana aalume aavokoliweeyo pi mahaakhimu n'oorapalelana aana aakha a anaatamu. Aana atthaapo, pa yo aari atthu oozivala na ootafikhana.
145	GEN 6:7	Khuri: “Kintta owaafujavo anaatamu aya apa kiwompiyeeyo voolumwenku apha; waaza anaatamu, nyama, anyanyama, na anyannyi o'otulu, kiwookasirikha mwaasa woowumpa.”
148	GEN 6:10	Nuuhi awaavokoliye aanaawe aalume attatthu; Sheemu, Haamu na Yafeeti.
154	GEN 6:16	Ontthe tarato enfiyaaye nuusu ya phiima vatulu vaya. Waawanye tarato moote vathi, moote vakatthi, kinoko vatulu, ontthe nlako mpavu mwaya.
155	GEN 6:17	Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu z'oohaayi ziriiye vathi wa pinku. Zooshi ziriiye vatuniya zinttela ofwa.
171	GEN 7:11	Siikhu Nuuhi afiiyeevo nyaakha miiya sitha, mweezi waphiiri orina siikhu khumi na sapa, khuphutuwa matthatta a vathi ooshi apale awiicha na milako za pinku khufukuwa.
173	GEN 7:13	Siikhu ethiito Nuuhi, muukhaawe, aanaawe Sheemu, Haamu, Yafeeti, na aakha attatthu a aanaawe aarettiye ari mmwaaraka.
174	GEN 7:14	Nuuhi aapakhiriye nyama zooshi za ntthuttu, mifuwo zooshi za vaje, nyama epile zooshi zinjipurulaaye, na anyannyi a wakhula jaati na epile zooshi za wiiyana mapaphelo.
176	GEN 7:16	Nyama zooshi zeettiyeemo zaari zeekha na zeelume za wakhula jaati nkhama etthiipo Nluku anrumiyeezo. Nawiisha opakhira, Nnyizinku khufuka nlako wa aaraka.
179	GEN 7:19	Khwaatta channu mpakha khufiyelela ozamisa nyaako.
181	GEN 7:21	Zumpe zooshi z'oohaayi zaari vatuniya khufwa; anyannyi, mifuwo za vaje, nyama za ntthuttu, epile zinjipurulaaye vathi na anaatamu ooshi.
182	GEN 7:22	Zumpe zooshi epile zaariina phuumu y'oohaayi, zaari ovumulaaye voolumwenku apha khufwa.
185	GEN 8:1	Ila Nluku khuhinsahawu Nuuhi na nyama epile za ntthuttu na mifuwo za vaje epile aarinaazo mmwaaraka, khuperekha pheevo yoori evitelele vatuniya, maati khwaaza ovwa.
186	GEN 8:2	Matthatta apale awiicha na milako za pinku khufukiwa, vuula khwaamusa,
190	GEN 8:6	N'oovira siikhu arupayiini Nuuhi khufukula ettakha ya aaraka etile aattaliyeeyo.
191	GEN 8:7	Khumfukulela nakhuku khusala avava azukulelaka mpakha maati ovwa.
192	GEN 8:8	Elottelanaka khufukulela jiwa yoori yoone nkhama maati avwa vatuniya.
194	GEN 8:10	Nuuhi khuvira awejaka mpakha siikhu sapa, khuruma jiwa ethiitile swaafu yaphiiri.
196	GEN 8:12	Khuweja theenya siikhu sapa khuruma jiwa ethiitile opheya, ila swaafu eti khuhiruti.
197	GEN 8:13	Siikhu yamonsi ya mweezi wa mfunko monsi wakathi Nuuhi aarinaavo nyaakha miiya sitha na mmote, maati apale aazamisiyeeyo tuniya khukakhamela. Nuuhi khufunula tarato ya aaraka khoona yoori nshaka wooma.
204	GEN 8:20	Nawiisha, Nuuhi khunjeka alitaari woorettavo twaha yoomwinkha kafwara Nnyizinku. Ye khuthawula nyama epile kinoko zaya za halaali, na anyannyi a halaali akinoko aya, khushija, khulawa khuretta twaha yoolukuziwa vaalitaari.
205	GEN 8:21	Nnyizinku khusiila arufu yonkhurunusha rooho khulupa mwennyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa-wene. Akinteela orutela opwetecha zumpe zooshi nkhama nanna eti kirettiyeezo.
216	GEN 9:10	na zooshi ziriinaazo ohaayi opakhuwaniyeeyo mmwaaraka ziriiye vamote na-weyo: anyannyi, mifuwo, nyama za ntthuttu na zumpe zooshi za ntuniya.
220	GEN 9:14	Amana kifinikha pinku na mawiku, khupuwa nkhankanyama,
222	GEN 9:16	Nkhankanyama n'oopuwa mmawiku, nka kifikhiraka wahati opule kirettiyeeyo wa mileele miiyo na zumpe zooshi z'oohaayi ziriiye vatuniya.”
224	GEN 9:18	Aana a Nuuhi aapakhuwaniyeeyo mmwaaraka mphule pi apa: Sheemu, Haamu na Yafeeti. Haamu aari paapa wa Kanaani.
229	GEN 9:23	Aphano khulankha Sheemu na Yafeeti khuthuulaza juupa khuvikela mmafuzi mwaya khusala eettetta na enyokonyoko yoori ahoone owaazu wa papaaya n'oofiya khumfinikha.
230	GEN 9:24	Wakathi Nuuhi emwaamuwiyeevo viinyu etile, khujuwa mattakhuzi aaviriseliweeyo ti mwanawe otu w'eefutti.
232	GEN 9:26	Theenya khuri: “Asifwiwe Mbwana Nnyizinku wa Sheemu, anrette Kanaani wiiya mwiitthwaana wa Sheemu.
233	GEN 9:27	Nnyizinku anwulise Yafeeti; khapila yawe yiiye vamote na ya Sheemu, Kanaani eeye mwiitthwaana aya.”
235	GEN 9:29	Nuuhi afwa arina nyaakha miiya tiisiya na hamusiini.
236	GEN 10:1	Eti warakha ya peewu ya Sheemu, Haamu na Yafeeti, aana a Nuuhi. Yo aawaapatthiye aana wakathi opule wiishiyeevo nnyeri.
237	GEN 10:2	Aana a Yafeeti aari apa: Komeeri, Makooku, Matayi, Yavani, Tupaali, Mesheki na Tirasi.
238	GEN 10:3	Aana a Komeeri aari apa: Ashikenazi, Rifwathi na Tokaama.
240	GEN 10:5	Khwa aana atthaapo, atthu khumwazeyela nkerekhere wa nttima na mvisura. Eti peewu ya Yafeeti wakhula khapila na lihimo laya na nti aya na luuka yaya.
245	GEN 10:10	Ofwalume awe waaza nti wa Babeeli, Ereki na Akati, zooshi epo zaari nti wa Shinaari.
248	GEN 10:13	Misuri khunvokola Aluti, Anaamu, Alehaapi, Anafituhi,
249	GEN 10:14	Apaturusi na Akasuluhi (apa pa yo awaavokoliyeeyo Afiliishiti) na Akafitoori.
256	GEN 10:21	Sheemu nttunkhulu wa Yafeeti, na-ye aawaavokoliye aana; Sheemu aari pwaapu wa aana a Heebere.
257	GEN 10:22	Aana a Sheemu aari apa: Elamu, Ashuuru, Arifwakisaati, Luthi na Aramu.
259	GEN 10:24	Arifwakisaati khunvokola Sheela, na-ye Sheela khunvokola Heebere.
261	GEN 10:26	Yokitaani khunvokola Alimotathi, Shelefu, Hazarimawethi, Yeera,
264	GEN 10:29	Ofiiri, Havila na Yopaapu, ooshi apa aana a Yokitaani.
265	GEN 10:30	Apa aari wiikhala waaza nti wa Meesha mpakha nnyaako phantte ya malawa-juwa nti wa Sefaari.
271	GEN 11:4	Theenya khuri: “Nlaweni nijeke sitati yawiiyana korofwa khuluyeene enkomaaye pinku, yoori nzina letthu liiye loojuwanikha, nihiiye woomwazeyela olumwenku wooshi.”
272	GEN 11:5	Paata ya toole, Nnyizinku khwiishukha yoori oone sitati ya korofwa etile aari ojekaaye atthu apale.
277	GEN 11:10	Eti peewu ya Sheemu. Sheemu afiiyeevo nyaakha miiya khunvokola mwanawe Arifwakisaati, nyaakha miwiri paata ya nnyeri ovira.
278	GEN 11:11	N'onvokola Arifwakisaati, eekhaliye nyaakha miiya thaanu, khuwaavokola theenya aana aalume na aakha.
279	GEN 11:12	Arifwakisaati afiiyeevo nyaakha talaathiini na mithaanu, khunvokola Sheela.
281	GEN 11:14	Sheela afiiyeevo nyaakha talaathiini khunvokola Heebere.
283	GEN 11:16	Heebere afiiyeevo nyaakha miiya nne na talaathiini khunvokola Peleekhi.
285	GEN 11:18	Peleekhi afiiyeevo nyaakha talaathiini khunvokola Reewu.