29	GEN 1:29	Nluku khulupa theenya araka: “Yoori mweeyo mwiiyane etthu-yooja, kiniwinkhani nyaani zooshi za ntuniya ziniimaaye peewu, miitthi zooshi ziniimaaye mishumo na phunje zaya.
64	GEN 3:8	N'oosiila shintto ya Mbwana Nnyizinku eettettaka nwoorotha mphule, wakathi wa pheevo ya matulayi njuwa-looveva, pinaatamu na muukhaawe khujivitha na miitthi nwoorotha nttumphule yoori Mbwana Nnyizinku ahiwoone.
94	GEN 4:14	Leelo wakiikara vatuniya apha yoori kihiiye vamote na-weyo, miiyo kinttela ojeettettela nkhama namatthira vatuniya na wakhula anttelaaye okisikana ontta okuula.”
102	GEN 4:22	Siila khumpattha mwaana khuntthaja nzina la Tupaali-Kayiini, ye aari funti wa waattala zaana za khoopiri na zuuma. Tupaali-Kayiini aarina nlupuwe aari wiitthiwaaye Naama.
156	GEN 6:18	Ila wahati aka kinretta na-weyo, onttela weetta mmwaaraka, weeyo, muukhaawo, aanaawo na aakhaaya.
157	GEN 6:19	Othuule nyama wakhula jaati piiri-piiri, yeelume na yeekha opakhire mmwaaraka mwawo yoori ziiye haayi vamote na-weyo.
218	GEN 9:12	Nluku khulupa theenya: “Eti alama ya wahati aka miiyo na-weyo na zumpe zooshi ziriiye vamote na-weyo, khwa mileele:
327	GEN 13:8	Eburamu khumuuza Loothi yoori: “Ohiiyevo ohisiilani miiyo na-weyo, wala amakhampuzi aka na awo, mwaasa yoori ojama etthu mmote.
328	GEN 13:9	Tuniya yooshi khiri mmakhono mwawo? Nlawe nimwazeyane, othawule phantte ontakhaaye olawa. Weeyo weettaru nkhono-nkha, miiyo kintta nkhono-nlume, weettaru nkhono-nlume miiyo kintta nkhono-nkha.”
352	GEN 14:15	Ye khuwaawanya alume apale khuntti-khuntti, khuumanisa viittha osikhu mpakha owaashintta maatuwi aya, khuweekarisa mpakha nti wa Hoopa, phantte ya kashikhazini ya Tamaashiku.
361	GEN 14:24	Miiyo khina etthu moote kintakhaaye, yoohiiyi etile ajiiye atthu aka. Ila apale aaphakanyeyiyeeyo na-miyo, Aneeri, Sikhoole na Manre, apa ana ya wiiyana lifunku laya”.
400	GEN 17:2	yoori kirette wahati miiyo na-weyo, na kinteela owinkha peewu ya waatta.”
417	GEN 17:19	Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na-ye, na peewu yawe entaaye khwa mileele.
496	GEN 19:38	Elottelanaka otule nttiitthi aya khumpattha mwaana wanlume khuntthaja nzina la Ben-Ami, ye paapa wa Amooni, apa ariiwo mpakha leelo.
600	GEN 24:8	Amana muukha aya oto ahitakhi ota na-weyo, olapha wawo oniiya woofujeya. Ila ohiiye wonthuula mwanaka onlawana.”
654	GEN 24:62	Esiyaakha aarettiye arutaka onlipu oniitthiwaaye Layi-Rooyi, aari wiikhala Nikeepu, phantte ya kusini ya Kanaani.
665	GEN 25:6	Ila aanaawe apale aawaavokoleliyeeyo na aakha akina, ari haayi nalelo, khuwenkha vitthu zaya na-yo, khuweekarela phantte ya malawa-juwa yoori ahiikhale vamote na mwanawe Esiyaakha.
679	GEN 25:20	Esiyaakha n'oopattha hirimo ya nyaakha arupayiini khunrala Rapekha mwaana wa Betuweeli, nlupuwe Labani. Yo aari Araamu aari wiikhalaaye Paata-Araamu, tuniya ya Mesopotamiya.
780	GEN 28:6	Ezawu aajuwiye yoori Esiyaakha amparikhiyiye Yaakhumpa, khumuuza yoori alawe nti wa Paata-Araamu, amweekese muukha w'oottuukho anrale. Na khusiila yoori papaawe amuuza Yaakhumpa yoori ahinrale muukha wa Kanaani.
788	GEN 28:14	Peewu yawo enteela wiiya ya waatta nkhama mishaka za voolumwenku, enteela omwazeyela malawa-juwa, makaaripi, kashikhazini na kusini. Khwa weyo na peewu yawo khapila zooshi za voolumwenku enteela oparikhiyiwa.
789	GEN 28:15	Woone! Miiyo kiri vamote na-weyo, kinteela owiinanela wakhula vahali oneettaavo, na kinteela wuurutisela tuniya ethiiti, akiniwanswi khihiretteeni epile zooshi kiwaahitiyeezo.”
794	GEN 28:20	Yaakhumpa khwaahiti yoori: “Amana Nluku eeya vamote na-miyo, eenanela safwari yaka eti, khukinkha etthu-yooja na kuwo zoowala,
892	GEN 31:18	Khuthuula nyama zawe na mali zawe zooshi aapatthiyeeyo Paata-Araamu, khusala alawa wa papaawe Esiyaakha tuniya ya Kanaani.
916	GEN 31:42	Eriwaka khaari Nluku wa paapa, Nluku wa Eburahiima otu amooviyeeyo Esiyaakha, wiiya vamote na-miyo, mweetta okiikara woohikinkhi etthu. Ila Nluku khoona ohoowa waka na khaazi kikholiyeeyo, taana osikhu Ye khuulikhisani.”
918	GEN 31:44	Apho, nirette wahati miiyo na-weyo, otthuupo wiiye pi oshaahiti etthu.”
991	GEN 34:10	Mwiikhale vamote na-fweyo, nti opu pu weetthu mwithawule wakhula phantte mwintakhaaye. Mwiikhale nttumphu mwirette zanshara zenu mpakha muuzanye nti eenu.”
1021	GEN 35:9	Yaakhumpa n'ooruti Paata-Araamu, ari Beetele, Nluku ampuweleliye swaafu yaphiiri khumparikhiya.
1095	GEN 37:11	Waaza attaapho attwiize khuwaata nrima na-ye, papaawe khusala apheleleza vitthu epile varoho vawe.
1254	GEN 42:1	Yaakhumpa n'oojuwa yoori Misuri ewaakho etthu-yoojiwa, khuwooza aanaawe araka: “Mwineekesana yoori niini?
1291	GEN 42:38	Yaakhumpa khujipu araka: “Akinintakhisa Bejami olawa na-mweyo, Yuusufu afwa, ye ti asaliyeeyo. Amana empattha etthu yootakhala ntarikhi okho mwineettaawo, mwintta okishukhelisa aahera na pwi zaka kirina huzuni yoototheliwa ti mweyo.”
1295	GEN 43:4	Amana mwinlikha ttwiiyetthu olawa na-fweyo, ninlawa noozanye etthu-yooja yenu.
1305	GEN 43:14	Nluku Woowahi Wooshi amwinkhe wiiyana huruma na-mweyo, yoori oorutiseleni ttwiiyenu otu nkina na anlikhe Bejami ate. Maana, amana miiyo akaashikha aanaaka kinsala etthiipo woohiina mwaana.”
1324	GEN 43:33	Attwiize Yuusufu khwiikhala vameeza kharipu na-ye, khuthataanya waaza nttunkhulu mpakha efutti, khusala eekesana mmote na nzaawe ari ooshanka.
1369	GEN 45:10	Mwite mwiikhale nti wa Gosheni kharipu na-miyo, mweeyo na atuulwenu, aaneenu, pwittipwitthi zenu, mompe zenu, na vitthu zenu zooshi mwiriinaazo.
1402	GEN 46:15	Apa atuulu na aana a Yaakhumpa aawaavokoliyeeyo na Liiya nti wa Paata-Araamu, ohintthiimo mwanawe Tiina. Ooshi aari talaathiini na attatthu.
1433	GEN 47:12	Ye khumwinkha papaawe na attwiize na ajamaaze ooshi etthu-yooja, yowaafiyela wakhula ntthu na aanaawe.
1480	GEN 49:6	Shawuri zaya miiyo akeepu, na rooho yaka khiri vamote na-yo, mwaasa wa wiiphiiriwa waya awoola atthu khushija ttottopwa za mompe za watthu mwayiini.
1518	GEN 50:11	Wakathi Akanaani apale aari wiikhalaaye ottuukhule awooniyeevo Amisuri apale eettaka olila nti wa Ataati yo khuri: “Olila opu anlilaaye Amisuri apa nwulweene.” Pi apho khutthaja nzina aphale vaya la Apeele-Misurayiila, eniiyaaye malawa-njuwa ya muuttho Yorotaani.
23214	MAT 1:1	Eti warakha ya peewu na mazina aya a amarehemu a phantte ya Yinsa Al-Masiihu, peewu ya Daawuuda na Eburahiima.
23247	MAT 2:9	Paata ya onsiila mfwalume yo khusala alawa, ntarikhi khoona ntthottowa nttintthile ooniyeeyo malawa-juwa, khulokoza khulawa khweemela puuro etile aariivo mwaana.
23326	MAT 5:23	Nakatalikha, amana weettelaka winkha zaakha va alitaari khufikhiri yoori ttwiiyo ona etthu varoho na-weyo,
23425	MAT 8:11	Miiyo kiniwuuzani, atthu enkeene a khipula na malawa-juwa, anttela wiikhala va meeza na Eburahiima, Esiyaakha, Yaakhumpa muufwalume wa pinkuuni.
23530	MAT 11:2	Yaahaya, paata ya osiila ari nkalapooso vitthu aari orettaazo Al-Masiihu, khuwaaruma anakhiyoni awe olawa omuuzela yoori:
23681	MAT 14:15	Njuwa-looveva, anakhiyoni awe khunsusela khumuuza yoori: “Mphu n'yaara na ontta oripa. Owaamwaze atthu apa eette mmamuti mpho oozanye etthu yoojiwa.”
23696	MAT 14:30	Paata ya woona khiima pheevo etile yaari ovumaazo, khoova khusala azama vattiitthi-vattiitthi, ettaka onyakula araka: “Mbwana, okuusuru!”
23757	MAT 16:16	Simawu Pheeturu khujipu yoori: “Weeyo o Al-Masiihu, Mwaana wa Nluku haayi.”
24053	MAT 24:27	Maana, nkhama etthiipo taari enlankhaaye malawa-juwa, na ojithoonyeza okhu lintupweelaawo njuwa, etthiipo onttela wiiya ota wa Mwaana wa Pinaatamu.
24114	MAT 25:37	Aphano makhaamili anteela onjipu yoori: ‘Mbwana, lini naawoniyeevo na jala khuwinkha etthu-yoojiwa, ama lookholiye nnyottha khuumeela maati?
24119	MAT 25:42	Maana miiyo yaakikholiye jala, mweeyo khuhikinkhi hatha etthu-yoojiwa, laakikholiye nnyottha mweeyo khuhikinkhi hatha etthu yoonywa.
24186	MAT 26:63	Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”
24191	MAT 26:68	“Onlupe, Oo Al-Masiihu, ti paani oopiyeeyo?
24285	MRK 1:1	Omwanzo wa hapari zooshapweya za Yinsa Al-Masiihu, Mwaana wa Nluku.
24457	MRK 5:24	Yinsa khusala alawa vamote na-ye, khuntti khuluyeene khusala enlotta na omphunya.
24648	MRK 9:41	Nakatalikha, kiniwuuzani khweele yoori: Otule aniwinkhaanini maati oonywa, koopho moote khwa nzina laka, mwaasa wa mweeyo wiiya atthu a Al-Masiihu, weekhweele khinteela omwaashikha phakari yawe.
24837	MRK 14:14	mwimuuze mweenyewe nyuupa ethiito anttelaaye oviramo yoori ‘Mwaaliimu ontta wuuzela: Orivayi nsana aka wa omaka-vo, kinttelaaye onja-vo paashikowa na anakhiyoni aka?’
24884	MRK 14:61	Ila Yinsa khwiiya woonyamala, khuhijipu hatha etthu. Haakhimu nwulu wa tiini khurutela omuuzela theenya yoori: “Weeyo o Al-Masiihu, mwaana wa Nluku Wooparikhiyiwa?”
24920	MRK 15:25	Aakhomelaniwe wakathi wa saa-ttaatthu, supu.
24927	MRK 15:32	Wiishukhe vansalapa apho O Al-Masiihu, mfwalume wa Ezirayiilu, wiishukhe yoori niwoone na nuukhupali.” Apale aakhomeliweeyo, na yo eetta onttukhana theenya.
25053	LUK 2:11	Leelo ethiiti, sitati ya Daawuuda mwavokoleliwa Namuusuru eeyiye Al-Masiihu, Mbwana.
25150	LUK 4:18	“Rooho ya Mbwana eri vamote na-miyo, akithawaza yoori kiwaatafusirele hapari zooshapweya asikhini na olaleya otaphuliwa wa anamahuzunikha, owoonisa apale oohooni, owaavumulisa apale oohukhumwiwa,
25240	LUK 6:25	Olaanikha pu weenu mweeyo ziwiitaaleliyeenini vitthu-zoojiwa, maana mwinteela okholiwa ti jala. Olaanikha pu weenu mweeyo mwiriina furaha eleelo eti, maana mwinteela ojikhupanyera na olila.
25270	LUK 7:6	Aphano Yinsa khulankha khusala alawa vamote na-yo, asaleelaka ofiya, namalokozela otule khuwaaruma ashirikha awe olawa omuuza yoori: “Mbwana, ohijantipu khinsuhi weeyo ovira nnyupa mwaka.
25315	LUK 8:1	Paata ya toole, Yinsa khusala eettetta sitati khwa sitati na nti khwa nti alaleyaka hapari zooshapweya zoofwalume wa Nnyizinku. Anakhiyoni awe apale khumi na awiri aari vamote na-ye,
25363	LUK 8:49	Attakhulaka etthiipile Yinsa, khuta karumeya mmote wa vaje vawe Yayiiru khumuuza yoori: “Ohimwantipu Mbwana olawa vamote na-weyo, maana mwanawo aya afwa.”
25382	LUK 9:12	Njuwa leettelaka oveva, apale khumi na awiri khumwaattama Yinsa khumuuza yoori: “Owooze atthu apa alawe mmamiti mpho amake eekesaka etthu-yoojiwa, maana mphu niriimo makuluttu.”
25497	LUK 11:23	Otule ahina vamote na-miyo oto ona lupattha na-miyo, otule ahinkusanyaaye na-miyo ontta omwaza.”
25554	LUK 12:26	Mweeyo khamwinwahi oshintta vitthu ttiitthi-ttiitthi, khi mwinshukulikhela toovi kinoko zaya?
25688	LUK 15:31	Aphano papaawe khumuuza yoori: ‘Mwanaka! Wakhula siikhu oniiya vamote na-miyo, wakhula etile kiriina ti yaawo.
25728	LUK 17:8	Kinoona yoori khaavo! Ila khapula onimuuza yoori: ‘Wiipikhe etthu-yoojiwa, owale kuwo zawo okirumeyele kijaka na kinywaka. Aphano amana kiisha na weeyo oje na onywe!’
25730	LUK 17:10	Etthiipo na-mweyo, amana mwiretta epile mwirumiweezo, mwina yoolupa yoori: ‘Naakarumeya oohiina maana; naretta etile naariina yooretta paasi.’”
25850	LUK 20:2	Yo khusala amuuzela araka: “Vitthu epi onrettana ofwalume-ni, wala ti paani awinkhiyeeyo ofwalume aya opo?”
25906	LUK 21:11	Phantte za waatta za miti zinlawa zapuwe visikinyaatthi khulu-khulu, jala, marati, vitthu zootikinisa na theenya alama khulu-khulu zoolankha pinkuuni.
25965	LUK 22:32	Ila miiyo koolompela yoori amini yawo ehiwaashikhe. Amana orutela wiiya vamote na-miyo, owaalipisele azaawo.”
25992	LUK 22:59	Oviriyeevo wakathi mmote, ntthu nkina theenya khulupachacha yoori: “Khweele-khweele otu aari vamote na-ye, maana otu aya na-ye nkalileya.”
26043	LUK 23:39	Anazompere apale aakhomeliweeyo vamote na Yinsa, mmote aya khusala anveyisa amuuzaka yoori: “Nkhama weeyo o Al-Masiihu, ojuusuru na onuusurwaka na-fweyo.”
26089	LUK 24:29	Ila yo khunkhanyarela araka: “Ohivikane wiiye attaapha na-fweyo, njuwa linttela otupweela waripa.” Yinsa khuvira nnyupa khwiiya vamote na-yo.
26104	LUK 24:44	Nawiisha khulupa yoori: “Pi etthiipi kaawuuziyeenini wakathi opule kaari vamote na-mweyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na nzaapuuri.”
26217	JHN 3:28	Mweeyo mwa mashaahiti wa etile kilupiyeeyo yoori: “Miiyo akiiyo Al-Masiihu, ila ki otule aperekhiweeyo wiilokozi wawe.”
26325	JHN 5:46	Eriwaka mwaari okhupalela epile Munsa alupiyeeyo, mweetta okikhupalela na-miyo, maana ye aatikha vitthu monkoni wa miiyo.
26479	JHN 8:29	Otule akiperekhiyeeyo ori vamote na-miyo, ye khakilikheeni wiiya otthome, maana wakhula wakathi kinretta etile enintuvelaaye.”
26531	JHN 9:22	Apapaze aajipwiye toowo mwaasa wa owoova mayaahuuti; maana eettiye olupa yoori otule anttelaaye olupa yoori Yinsa ti Al-Masiihu, ontta wiikariwa nsinakooka.
26619	JHN 11:27	Ye khujipu yoori: “Miiyo, Mbwana kinkhupali yoori o Al-Masiihu, mwaana wa Nluku, aari weettelaaye ota voolumwenku.”
26641	JHN 11:49	Aphano mmote wa-yo, aari wiitthiwaaye Kayifwa, aari haakhimu nwulu wa tiini wa mwaakha aya opule, ye khulupa yoori: “Mweeyo khamwinjuwa hatha etthu!
26854	JHN 17:26	Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na-yo, na miiyo kiiye vamote na-yo.”
26955	JHN 20:19	Njuwa-looveva siikhu ethiitile, siikhu ya mwanzo ya sumana, jumwaa-phiili, anakhiyoni akhusanyeyiye milako ziri zoofukiwa, mwaasa wa owoova mayaahuuti, Yinsa khuvira khweemela vakatthi vaya khuri: “Heeri yiiye vamote na-mweyo!”
26967	JHN 20:31	ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.
27017	ACT 1:25	yoori akhole khaazi ya omaaswihaapa vamote na-fweyo, eti Yuuda ahitakheeni khweetta puuru yaari onsuhaaye.”
27118	ACT 4:27	Ekhweele-khweele, Herooti na Pontiyu Pilaatu akusanyeya na makaafiri na atthu akina a Ezirayeele, ooshi ari sitati ethiiti na niiya yonlupattha Yinsa nrumeya awo othuutu onthawaziyeeyo.
27257	ACT 8:12	Ila paata ya Filiipe owaatafusirela monkoni wa hapari zooshapweya ya ofwalume wa Nnyizinku khwa nzina la Yinsa Al-Masiihu, yo khukhupali na khulawa khoosiwa, alume enkeene mpakha aakha.
27304	ACT 9:19	Wakathi ajiiyeevo etthu-yoojiwa, khurutelamo kuvu zawe. Saawulu aavirisiye siikhu vattitthiiru aari na anamalottela sitati wa Damashiku.
29841	1TI 5:11	Aakha awiiya anakhinzi nwarakha ya anamafweliwa pi amanna zaya ohiwaatikhemo, maana amana tuvela zaya ziziti ojinkha mmakhono wa Yinsa Al-Masiihu, antakha oraliwa.
29868	1TI 6:13	Aphano, mmakhono wa Nnyizinku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Pontiyu Pilaatu, miiyo kinuuruma weeyo,