80	GEN 3:24	N'oomwiikaramo pinaatamu nwoorotha phantte lintthamuwaawo njuwa ya Eeteni, khutthaamo kerupiina na phanka ya moottho yaari ozukulelaaye. Ye aarettiye toowo yoori esala yeekesela tarikhi yaari weettaaye okhule oriiwo muutthi w'oohaayi.
221	GEN 9:15	phi kinttelaaye wuupuwela wahati aka miiyo na-weyo na zumpe zooshi. Khanrutela theenya maati a nnyeri ozamisa zumpe zooshi z'oohaayi.
230	GEN 9:24	Wakathi Nuuhi emwaamuwiyeevo viinyu etile, khujuwa mattakhuzi aaviriseliweeyo ti mwanawe otu w'eefutti.
502	GEN 20:6	Nluku khunjipu njozi nttumphule yoori: “Miiyo kajuwa yoori vitthu epi waretta na rooho y'ookemaani. Ti eto miiyo kiwiinaneliyeeyo yoori ohikikose, pi apho kihuutakheleeni onsapa muukha oto.
693	GEN 25:34	Aphano ye khumwinkha Ezawu phaawu na sekuseku y'eepwiri. Khuja khunywela, khusala alawa safwari zawe. Woohooneli fwayita lifunku l'oomwaana wa mwanzo.
1139	GEN 38:19	Nawiisha Tamaara khurutela owawe khuvula nshukwi khuwala kuwo zawe epile z'oonankhwele.
1202	GEN 41:6	Elottelanaka khoona misaasi sapa za maveya a tiriku a wuuma oolukuziwa ti pheevo ya n'yaara.
1219	GEN 41:23	Elottelanaka khoona misaasi sapa za maveya a tiriku a wuuma oolukuziwa ti pheevo ya n'yaara.
1268	GEN 42:15	Apho kintakha kiwooneni. Kinlapha khwa ohaayi wa Firawuuna, yoori khamwinlaavo apha mwihintiiseeni ttwiiyenu oto w'eefutti.
1283	GEN 42:30	“Nttunkhulu wa Misuri eetta onituturucha anuuzaka yoori n'aahankawaani.
1294	GEN 43:3	Ila Yuuda khujipu araka: “Kiniwuuzani khweele, nttunkhulu wa Misuri anihirimiza channu yoori nihirutelewo nihinlawaneeni ttwiiyetthu otu w'eefutti.
1452	GEN 47:31	Aphano Yaakhumpa khunkhanyerela yoori alaphe, Yuusufu khulapha, Yaakhumpa khwiinamela ovishwa w'oolili.
1893	EXO 14:3	Paata ya toole Firawuuna khusala oopuwela yoori meezirayiilu antta ojeettettela athowelela n'yaara.
23265	MAT 3:4	Kuwo za Yaahaya zaattalaniwe ovuzi wa nkamiiya, na aari owalaka nzako wa shapala n'yuunu. Etthu yoojiwa yawe aari mapalaka na asali ya ntthuttu.
23374	MAT 6:23	ila amana maasho awo eeya oohishapweyi, mwiili awo wooshi oniiya n'yiiza. Nakataalikha, amana nuuru oriinaaye ezukuluwa yiiya yiiza, yiiza yaya eto eniiya khuluyeene!
24296	MRK 1:12	Nasaapiru, Rooho Ttakatthiifu khunthuula khunlawana n'yaara.
25137	LUK 4:5	Sheethwani khunweza vatulu, nasaapiru khunnoza ofwalume wooshi w'oolumwenku.
25172	LUK 4:40	Njuwa litupweelaka atthu ooshi apale aariina marati khusala atiiseliwa Yinsa, Ye n'oowaattheela makhono n'oowaavonisa.
25289	LUK 7:25	Ama moona niini? Mwinyi mmote awaliye kuwo zooshapweya? Apale anwalaaye kuwo zootafikhana aniiya nraaha na aniikhala nkorofwa y'oofwalume.
25508	LUK 11:34	Khantteya ya mwiili maasho, amana maasho awo eeya oosaana, mwiili awo wooshi oniiya wa nuuru. Ila amana maasho awo ahiiyi saana mwiili awo oniiya n'yiiza.
25848	LUK 19:48	ila khuhisala apattha nanna yooretta, maana atthu ooshi aari omwiitaalela Ye n'onsiileza.
25919	LUK 21:24	Awaatta anttela wuuliiwa na phanka, akinoko athuuliwe nkhama anapherezu eettettisiwaka miti zooshi z'oolumwenku. Yeruzaleemu enlawa yakurumuliwe pi amalapo mpakha yenzi ya amalapo wiisha.”
26695	JHN 12:46	Miiyo kata voolumwenku nkhama nuuru, yoori wakhula otule anikikhupalaaye miiyo, ahijileme n'yiiza.
26703	JHN 13:4	khulankhavo vameeza aphale, khuvula ajapi yawe khuthuula epakuso khujifukelela n'yuunu.
27324	ACT 9:39	Pheeturu khulawa vamote na yo, n'oofiya khuthuuliwa khulawaniwa nnyupa ya korofwa y'ootulu. Anakhwele ooshi khunzukulela khusala alila na anthoonyezaka ajapi na kuwo kiina Dooroka aattaliyeezo ari vamote na yo.
29813	1TI 3:15	ila amana kirupaza, warakha eto entta owuuza nanna yoojeettettisa vakatthi wa Ojama wa Nnyizinku. Opu wiiyiyeeyo kerezha ya Nluku Woohaayi, nripu na nchina l'ookhweele.