4	GEN 1:4	Nluku khoona yoori nuuru yaari yooshapweya; khuvalula nuuru na yiiza.
27	GEN 1:27	Aphano Nluku khumumpa pinaatamu wa wiiya nkhama Ye; nlume na muukha ompiwa ti Ye.
41	GEN 2:10	N'Eeteni nttumpho waarimo muuttho waari okhuwaraaye woorotha opule; muuttho otthuupo khwaawanyeya khupuwavo nyuuttho mine.
48	GEN 2:17	Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”
50	GEN 2:19	Paata ya Mbwana Nnyizinku wumpa khwa ottophe wa vathi nyama zooshi za ntthuttu na anyannyi apa o'otulu, zooshi khuntiisela Adamu yoori amoone nanna aari weettelaazo otthaja; wakhula yumpe aari otthajaaye, nzina laya laari wiiya nttinttho.
71	GEN 3:15	Kinttela otthaavo wuumani weeyo na muukha; peewu yawo na peewu ya muukha. Peewu ya muukha nka yuuvulalisaka eeshwa yawo, na weeyo nka ottovolaka ekwakuno yaya.”
107	GEN 5:1	Eti warakha yoovokola wa peewu ya Adamu. Wakathi Nluku amumpiyeeyo pinaatamu, aamumpiye wa wiiya nkhama ye;
141	GEN 6:3	Aphano Nnyizinku khuri: “Akinteela onlikhela pinaatamu phuumu z'oohaayi khwa mileele, maana ye nyama ya taamu; siikhu zawe enttela wiiya nyaakha miiya na eshiriini.”
143	GEN 6:5	Nnyizinku khoona yoori vatuniya zootakhala za anaatamu zeetta ovira zeekezeleyaka; Menttezi aya ooshi aari ooretta vitthu zootakhala wakhula siikhu.
145	GEN 6:7	Khuri: “Kintta owaafujavo anaatamu aya apa kiwompiyeeyo voolumwenku apha; waaza anaatamu, nyama, anyanyama, na anyannyi o'otulu, kiwookasirikha mwaasa woowumpa.”
148	GEN 6:10	Nuuhi awaavokoliye aanaawe aalume attatthu; Sheemu, Haamu na Yafeeti.
181	GEN 7:21	Zumpe zooshi z'oohaayi zaari vatuniya khufwa; anyannyi, mifuwo za vaje, nyama za ntthuttu, epile zinjipurulaaye vathi na anaatamu ooshi.
233	GEN 9:27	Nnyizinku anwulise Yafeeti; khapila yawe yiiye vamote na ya Sheemu, Kanaani eeye mwiitthwaana aya.”
256	GEN 10:21	Sheemu nttunkhulu wa Yafeeti, na-ye aawaavokoliye aana; Sheemu aari pwaapu wa aana a Heebere.
364	GEN 15:3	Khukinkheeni mwaana; apho, karumeya wa vaje vaka ti ye anttelaaye orithi vitthu zaka.”
394	GEN 16:12	Ye onteela wiiya woohisiilaneyi nkhama nyama ya ntthuttu; onteela wiiya muumani wa atthu ooshi, na-yo anteela wuumana na ye, na onteela wiiya wa waattuwana na attwiize.”
405	GEN 17:7	Wahati opu kinrettaaye na-weyo na peewu yawo, onttela wiiya wa mileele; Miiyo ki Nluku awo na wa peewu yawo.
414	GEN 17:16	Kinteela omparikhiya na kimwinkhe mwaana wawo; khweele, miiyo kinimparikhiya na onteela wiiya maama wa khapila za waatta, afwalume anteela opuwa khwa ye.”
443	GEN 18:18	Khweele-khweele Eburahiima onteela wiiya paapa w'oomathi nwulweene woowahi; khwa ye, kinteela oparikhiya khapila zooshi za voolumwenku.
445	GEN 18:20	Nnyizinku khumuuza Eburahiima yoori; “Kinsiila nkhuwo yoori atthu a Sotooma na Komoora anretta vitthu zootakhala na twampi zaya pi zooziti.
454	GEN 18:29	Khumuuzela theenya; “Khi amana owaasikana arupayiini?” Mbwana khujipu: “Wala, akimpwechawo mwaasa wa apale arupayiini.”
457	GEN 18:32	Khulupa theenya Eburahiima: “Mbwanaaka, ohikatipukhe, kiniwuuzela swaafu moote ethiiti paasi; khi amana owaasikanawo anashariya khumi?” Ye khunjipu: “Akimpwechawo mwaasa wa anashariya apale khumi.”
460	GEN 19:2	Khuwooza yoori: “Ambwana zaka kookholani moolu, kintakha mwisapuwe owaka miiyo karumeyeenu; moose moolweenu na mwilale, mwilawe meesho supuyeene.” Yo khujipu yoori: “Khinhithajiya, fweeyo ninwahi olala vaparasa veetakale.”
463	GEN 19:5	Khusala anyakula ankhuwelaka Loothi araka; “Alume apa atiiyeeyo nnyupa mwawo mphu osikhu otthuupu ari vayi? Owaasarulele vaje apha, fweeyo nintakha niwaalalane”.
465	GEN 19:7	Khuwooza yoori: “Safwatali ajamaazaku; mwihirette etthu eto otakhala
476	GEN 19:18	Loothi khujipu; “Toowo wala safwatali ambwana zaka!
512	GEN 20:16	Khumuuza Suhura yoori; “Kamwinkha nlupuwo mizurukhu za feeta alufu, ajamaazo ooshi ajuwe yoori khutthekeeni hatha etthu, na ahiiyevo antakhaaye owaakanyerela.”
568	GEN 22:20	N'oovira vitthu epile khuuziwa Eburahiima oriwa: “Miilika avokoleliwa aana ti ttwiiyo Nahoori;
572	GEN 22:24	Nahoori aarina muukha nkinoko aari wiitthiwaaye Rewuma, na-ye anvokoleliye aana; Teepa, Kahaamu, Tahaashi na Maaka.
576	GEN 23:4	“Miiyo ki mmalapo na ki nletto mmuti mphu; ila kinuuvekelani okinkha ruhusa ya wiiyana vilalo yaka mmuti mwenu mphu, yoori kinzikhemo muukhaaka.”
627	GEN 24:35	Nnyizinku amparikhiya venkivene, amwinkha maali khwiiya woojuwanikha; onaaye pwittipwitthi na mompe, feeta na thahapu, akarumeya aalume na aakha, enkamiiya na apuuru.
635	GEN 24:43	Nasaapi eti miiyo kiri apha nshini wa nlipu opu wa maati; mwaari othuuto antelaaye ottekha maati amana kinvekela yoori: “Kimeele maati ariiye n'yuku mwawo,”
652	GEN 24:60	Khuparikhiyiwa Rapekha na mattakhuzi apa: “Weeyo nlupweetthu wiiye maama wa peewu alufu alufu zene; Peewu yawo eto eshintte sitati ya maatuwi aya.”
695	GEN 26:2	Nnyizinku khunteela, khumuuza yoori: “Ohilawe tuniya ya Misuri; weekhale nti kintakhaaye owuuza.
697	GEN 26:4	Kinttela waattisa peewu yawo nkhama matthottowa o'otulu, na kinttela winkha tuniya yooshi eti. Mwaasa wa peewu yawo, khapila zooshi za tuniya zinttela wiiya zooparikhiyiwa;
812	GEN 29:16	Labani aarina aanaawe awiri aakha; otu nwulu aari wiitthiwa Liiya. Nttiitthi aya aari wiitthiwa Rakeele.
906	GEN 31:32	Amana mwinsikanana ntthu miluku zenu epo, ahiiye haayi. Mashaahiti ajamaazetthu apa; n'oosikana etthu ya wiiya yeenu kirina miiyo mwithuule.” Yaakhumpa khaajuwiye yoori Rakeele ti ye eeyiyeeyo miluku epile.
939	GEN 32:11	akinsuhi pheta yawo ya waamineya khwa nanna okikholiyeezo miiyo karumeyaawo; wakathi kaari olokhaavo muuttho Yorotaani miiyo kaathuuliye pakhora yaka paasi, aphano kapattha khuntti piiri za atthu na nyama.
988	GEN 34:7	Wakathi arutiyeevo aana a Yaakhumpa ntthuttu, n'oosiila vitthu epile yo khwiiya ooshanka channu, khuweephiira mwaasa yoori Shekemu aarettiye etthu yoopatthisa haaya vakatthi wa Meezirayeele, onjansili mwaana wa Yaakhumpa; eto etthu yahaari orettiwaayo.
990	GEN 34:9	Nirette ojama; aaneenu awaarale aaneetthu, na apa eetthu awaarale eenu.
1004	GEN 34:23	Nyama zaya zooshi na mali zaya zooshi zinttela wiiya zeetthu; nlaweni nikhupalele shawuri zaya yoori eekhale vamote na-fweyo.”
1005	GEN 34:24	Alume ooshi apale aakusanyeyiyeeyo vanlako wa sitati khukhupalela mattakhuzi apale aalupiyeeyo Hamori na mwanawe Shekemu; alume ooshi a sitati ethiitile khukhiriya koma.
1061	GEN 36:20	Apa aana a Seyiiri, nhoori aari wiikhalaaye nti otthuupule; Lotaani, Shobaali, Zipiyooni, Anahi,
1084	GEN 36:43	Makidiyeeli na Iramu. Apa aari mahaakhimu a Edomu; wakhula mmote aari wiikhala puuro etile aari othawalaaye. Meedomu ooshi peewu ya Ezawu.
1100	GEN 37:16	Ye khunjipu araka: “Kiniweekesa attwiizaku; safwatali kuuzeni ohali anshukisaawo nyama zaya?”
1158	GEN 39:8	Ye khukatthala, khumuuza muukha wa mbwanaawe yoori: “Moone! Mbwanaaka khanjali vitthu za vaje apha; zooshi ariinaazo, ziri mmakhono mwaka.
1175	GEN 40:2	Firawuuna khwiiya wa wiiphiiriwa pi annya-khaazi awe apo awiri; nttunkhulu wa wootela zoonywa na nttunkhulu wa wuupa phaawu.
1404	GEN 46:17	Aana a Asheeri pi apa: Imunna, Eshwiiva, Eshwiivi, Beriiya na ttwiiye Zeera. Aana a Beriiya pi apa; Hepeere na Malikiyeeli.
1482	GEN 49:8	Weeyo Yuuda, attwiizo anteela wuuttottopela; onttela owaashintta maatuwi awo, aana a papaawo anlawa awiinamele weeyo.
1483	GEN 49:9	Yuuda, mwaana wa siipa, amana akhola nyama khininsuruwa; onlattanana siipa nwulweene arapaleliye, paani amminyalaaye khunlansa?
1487	GEN 49:13	Zabulooni onttela wiikhala phantte ya phwaani, onttela wiiya patari ya makalawa; mwiinano awe onlawa mpakha nti wa Sidooni.
1509	GEN 50:2	Elottelanaka khuwooza anamajisa thiipa awe yoori anvaaze thiipa ya paalasamu papaawe yoori ahivutte; yo khuretta etthiipo.
1511	GEN 50:4	Nawiisha matthaka apale, Yuusufu khuwooza attunkhulu apale aari wiikhalanaaye Firawuuna araka: “Kookholani moolu mwilawe mwamuuze Firawuuna yoori;
1535	EXO 1:2	Ruubeni, Simiyooni, Leevi, Yuuda;
1536	EXO 1:3	Ezakaari, Zebulooni, na Bejami;
1538	EXO 1:5	Aana na atuuluwe Yaakhumpa ooshi aalawaniyeeyo aari sapiyiini; ila Yuusufu aari Misuri ottuukho rakuzeene.
1545	EXO 1:12	Nakhataalikha zaama aari ohukhumwiwaavo, pi aari otepaavo waattelana, tiito amisuri khuwaapattha woova mwaasa wa meezirayiilu;
1570	EXO 2:15	Firawuuna nawuuziwa vitthu epile khujilakelela omuula Munsa; ye khutthira khulawa mpakha nti wa Miitiya khwiikhala nshini wa nlipu.
1578	EXO 2:23	Ziviriyeevo siikhu zawaatta khufwa mfwalume wa Misuri; atthu a Ezirayiilu khusala asisimira na okhuwa monkoni wa oviitthwaana, nkhuwo aya opule khunfiyela Nluku.
1581	EXO 3:1	Munsa aari oshukisa nyama za nkhwewe Yeeturu, namalokozela a tiini wa Miitiya; siikhu moote khuthuula nyama khusala eettana phantte kiina ya n'yaara khufiya mpakha va mwaako wa Nluku, waari wiitthiwaaye Hereebe.
1587	EXO 3:7	Nnyizinku khulupa yoori: “Khweele khweele kinoona nanna anhukhumwiwaazo atthu aka Misuri na kasiila nkhuwo aya mwaasa wa khaazi ankholisiwaazo pi anamalokozela a Firawuuna na kinjuwa yoori antta ohoowa;
1588	EXO 3:8	tiito kiishukhiyeeyo oteela owuusuru mmakhono wa amisuri na kiwaalazakamo mphu kiwaalawanaka nti wooshapweya na nwulweene, ohali liniittikhaawo leethi na asali; ottuukho aniikhalaawo akanaani, ahiiti, amoori, aperizi, amwiivi na ayepuzi.
1612	EXO 4:10	Aphano Munsa khumuuza Nnyizinku yoori: “Oo, Mbwana, thanku raku miiyo akinwahi ottakhula saana; mpakha nasaapi eti waaziyeevo ottakhulana miiyo, amana kittakhulaka kintta okukuma.”
1617	EXO 4:15	Weeyo onttela ottakhulana omuuze mattakhuzi anttelaaye olupa; miiyo kintta owaawunini moowiiri yoori mwittakhule na kiwuuzeni etthu yooretta.
1640	EXO 5:7	“Waaza leelo ethiiti mwihirutele owenkha malala awaattalana thizolo nkhama mwaari orettaazo; asala alawa weekesa eenyewe.
1641	EXO 5:8	Ila mwiwaakhanyarele waattala thamani ethiitile aari waattalakaaye, mwihiwaavukule hatha etthu; apa aya anamaviliwa, ti eto aaziyeeyo okhuwa araka ‘ninttela omwinkha twaha Nluku etthu.’
1649	EXO 5:16	Malala khaninkhiwa na ninuuziwa waattala thizolo. Woone, nintta ojalitiwa; ila atthu awo pi ariina paathuli.”
1650	EXO 5:17	Ila Firawuuna khujipu yoori: “Anamaviliwa! Mweeyo oviliwa! Tiito mwinraaye; ‘Nintakha olawa omwinkha twaha Nnyizinku.’
1654	EXO 5:21	Yo khulupa yoori: “Nnyizinku ti awooneni na oophukeni; maana mweeyo mwaniretta fweeyo wiiya atthu awiiphira omaasho wa Firawuuna na wa akarumeya awe khuwenkha phanka mmakhono mwaya yoori anuule.”
1664	EXO 6:8	Na kinuuthuulani kiweettaneni nti kaalaphiyeeyo omwinkha Eburahiima, Esiyaakha na Yaakhumpa; apho kiniwinkhani mweeyo wiiye wenu. Miiyo ki Nnyizinku.”
1670	EXO 6:14	Attunkhulu a ojama aari apa: Aana a Ruubeni, mwaana nwulu wa Yaakhumpa aari apa: Enookhi, Phaalu, Hesherooni, na Khariimu; opu pi waari ojama wa Ruubeni
1671	EXO 6:15	Aana a Simiyooni aari apa: Yemuweeli, Yamiini, Ohaati, Yakhiini, Zowaari na Shawaali mwaana wa nunu mmote wa Kanaani; opu pi waari ojama wa Simiyooni.
1675	EXO 6:19	Aana a Meraari pi apa; Mali na Muushi. Ntthi laari lihimo la Leevi khwa nanna ya ovokoliwa waya.
1679	EXO 6:23	Arawu anraliye Elisheepa mwaana wa Aminataapi, nlupu wa Nashooni; ye khunvokolela Nataapi, Apiiwu, Elizaari na Itamaari.
1680	EXO 6:24	Aana a Koora pi apa: Asiiri, Elikana na Apiyasaafi; ntthi laari lihimo la Akoora.
1681	EXO 6:25	Elizaari, mwaana wa Arawu, khunrala mwaana mmote wa Putiyeele, khunvokola Fineeya; apa pi attunkhulu a ojama wa Leevi.
1686	EXO 6:30	Munsa khunjipu Nnyizinku araka: “Miiyo akinttakhula saana; Firawuuna onttela okisiila toovi?”
1697	EXO 7:11	Aphano naye Firawuuna khuruma olawa okhuweliwa ajuwi na anamajintta; na yo khuretta etthiipo khwa majintta aya.
1701	EXO 7:15	Olawe wakutthanane Firawuuna supuyeene; ye onlawa woowa omuttho. Weemele nshini wa muuttho osala onweja, olawaka othuule pakhora yawo mmakhono etile yaathatuwiyeeyo nyookha.
1722	EXO 8:7	Anaphulu antta wuulikha weeyo, vaje vawo, mashawuriiya awo na atthu awo; anttelaaye osala pi apale ari mmuttho paasi.”
1724	EXO 8:9	Nnyizinku khujipwelela oveka wa Munsa; anaphulu apale ooshi aari mmanyupa, vaje na mmashapa khufwa.
1728	EXO 8:13	Khuretta etthiipo; Arawu khookola nkhono awe na pakhora etile khujapha lifufu ntthile khuthatuwa khwiiya shaawa khuweetaala atthu mpakha nyama na nti aya opule wooshi khwiitaala shaawa.
1729	EXO 8:14	Anamajintta khweezelela etthiipo na ojuwa waya woovitheya ila khuhiwahi othatusha; shaawa epile khusala evira eweetaalaka atthu na nyama.
1733	EXO 8:18	Ila siikhu yaya etile kinttela otthantta khwa nanna yoofwarikhana nti wa Gosheeni, okhule aniikhalaawo atthu aka; khinteela opuwawo hatha pala moote ya mempe, yoori weeyo ojuwe yoori miiyo Nnyizinku kiri mmuti nttumphu.
1740	EXO 8:25	Munsa khujipu yoori: “Nasaapi eti amana kilaavo vakatthi vawo kinttela onvekela Nnyizinku; meesho mempe epo entta owaattuwa weeyo na mashawuriiya awo na atthu awo, ila safwatali ohikittettekhe theenya ohiwaalikhi atthu apa olawa omwinkha twaha Nnyizinku.”
1750	EXO 9:7	Firawuuna khunruma ntthu olawa woona, khusikana hatha moote ya meezirayiilu ehifweeni; ye khuumisa rooho khuhitakhi owaalikha olawa atthu apale.
1753	EXO 9:10	Yo khuthuula fuutha ya vamafiya khulawa wa Firawuuna; Munsa khumwazela fuutha etile otulu, puupa khuwaapuwa atthu mpakha nyama.
1783	EXO 10:5	Yo anteela ofinikha vathi ohisala wooneyavo, maana anteela orafuna zooshi epile zaalikhiweeyo ti vuula ya mawe mpakha na miitthi epile zinphutuwaazo mmashapa;
1797	EXO 10:19	Aphano Nnyizinku khuvumisa pheevo yawaatta ya phalalazi, ethiito khukhupa mapalaka ooshi khwiitthela mpahari yookhuttuwa; khuhisalimo hatha lipalaka mmote nti opule wa Misuri.
1798	EXO 10:20	Ila nalelo Nnyizinku khuumisa rooho ya Firawuuna; ye khuhitakhi owaalikha meezirayiilu olawa.
1801	EXO 10:23	Khuhisala oonana mmote na nzaawe, khaarivo mmote aaliyeevo vahali aariivo khwa siikhu ttatthu; ila meezirayiilu ooshi mmanyupa mwaya yaarimo nuuru.
1802	EXO 10:24	Aphano Firawuuna khunkhuwela Munsa khumuuza yoori: “Ettani mwamwaaputu Nnyizinku enu. Ila esale pwittipwitthi zenu na mompe zenu paasi; ila aakha na aana mwilawane.”
1813	EXO 11:6	Misuri yooshi onlawa wapuwewo olila nwulweene; waari ohinapuwewo na ohinttelaaye opuwawo theenya.
1817	EXO 11:10	Munsa na Arawu khuretta minjuza epile zooshi khwa Firawuuna; ila Nnyizinku khukhomaaza rooho ya Firawuuna, khuhisala atakha owaalikha olaamo mmuti mphule meezirayiilu.
1827	EXO 12:10	Mwihisalise hatha etthu efiya supu; amana esala mwilukuze.
1828	EXO 12:11	Mwiwale, nzako n'yuunu, jampali mmoolu na mwikholele pakhora mmakhono, mwirafune wawaakuvavo; otu paashikowa wa Nnyizinku.
1833	EXO 12:16	Siikhu yamwanzo na siikhu yasaapa ona yawiiyavo nthukumano ttakatthiifu, ahiiyevo hatha ntthu mmote antakhaaye okhola khaazi siikhu zaya epo, woohiiyi wenttekhezela etthu-yoojiwa ya wakhula siikhu; mwina yooretta ethiito paasi.
1840	EXO 12:23	Maana Nnyizinku aviraka mmuti mphule yoori awoole amisuri; amana oona taamu etile mwittukuntteliyeeyo nlako enu phantte na phantte na vatulu vaya, Nnyizinku onttela ovira attaapho khanlawa onlikha namatapanya ovira mmanyupa mwenu yoori awuuleeni.
1853	EXO 12:36	Nnyizinku khuwaaretta atthu awe wooneliwa huruma pi amisuri, khwa nanna awenkhiyeevo etile avekiyeeyo; khwa etthiipo khuvulula maali zooshi za amisuri.
1865	EXO 12:48	Wakhula mmalapo anikhalaaye nttumphu antakhaaye oretta njampo ntthi la Paashikowa wa Nnyizinku, mwina yowaakhiriyisa alume ooshi a muujama mwaya; apo ana yontthapela nkhama aana a muujama. Ahiiyevo ntthu woohikhiriyi anttelaaye ontthapela.