59	GEN 3:3	ila Nluku anuuza yoori: ‘Nshumo wa muutthi oriiye vakatthi wa woorotha mwihije wala mwihisape. Mwijaru mwintta ofwa.’”
212	GEN 9:6	‘Mwaasa yoori Nluku amumpa pinaatamu ajilattanisaka mwennyewe, otule animuulaaye pinaatamu na-ye ontta wuuliwa ti pinaatamu.’
360	GEN 14:23	na kinlapha yoori akinsalana hatha etthu yaawo, wala luuzi wala nliiza wa jampali, ohiri nawiikhala, olupa yoori ‘Eburamu kanreelisa’.
438	GEN 18:13	Aphano Nnyizinku khumuuzela Eburahiima yoori: “Muukhaawo ontheya-ni? Wala alupisiwa-ni yoori ‘kinteela ompattha toovi mwaana kuuluvaliye?’
509	GEN 20:13	Wakathi Nluku akilaziyeemo mmuti wa apapazaku, kaamuuziye muukhaaka yoori: ‘Safwatali kintta wuuvekela, wakhula vahali nimfiyaavo osala olupa yoori nlupwaaka’.”
564	GEN 22:16	Khumuuza yoori: “Nnyizinku ari: ‘Kinjilaphela ki mwennyeweru, mwaasa weeyo oretta etile kiwuuziyeeyo, ohikikhattazi mwanawo mmote paasi oriinaayo,
599	GEN 24:7	Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha peewu yawo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.
606	GEN 24:14	Mwaari othuuto kinttelaaye omuuza yoori: ‘Wiinamise yuuku yawo okimeele maati kinywe,’ ye khulupa yoori: ‘Apa nywa, na kintta onywisa enkamiiya zawo,’ eeye othuuto onthawuleliyeeyo Esiyaakha. Ti etthu enttelaaye okijuwisa yoori wanthoonyeza pheta ya waamineya mbwanaaka Eburahiima.”
629	GEN 24:37	Mbwanaaka khukilaphisa araka: ‘Nti opu kiniikhalaaye ohimweekesemo muukha wa aana a Akanaani.
631	GEN 24:39	Aphano miiyo khunjipu mbwanaaka: ‘Khi muukha aya oto amana ahitakhi ota na-miyo?’
632	GEN 24:40	Ye khukijipu yoori: ‘Nnyizinku otu kininrumeelaaye ontta operekha nlayikha luulokoze, na ontta oparikhiya safwari yawo yoolawa omweekesa muukha wa wiiya jamaayaku na wa vaje wa apapazaku yoori ate araliwe ti mwanaka.
634	GEN 24:42	Phi kiriyeevo n'oofiya onlipu leelo, khusala kimuuza Nnyizinku kiraka: ‘Oo Nnyizinku! Nluku wa mbwanaaka Eburahiima, nkhama safwari eti kineettaaye otakha wawo, okijaaliwe.
637	GEN 24:45	Ahineeshevo mattakhuzi apale oolompa varoho vaka, kinimoona Rapekha athuuliye yuuku valifuzi vawe eettaka vanlipu ottekha maati, miiyo khumuuza yoori: ‘Safwatali kimeele maati kinywe.’
638	GEN 24:46	Ye khwiishusha yuuku yawe nasaapiru khukuuza yoori: ‘Apa onywe, na kintta winkha enkamiiya zawo zinywe.’ Khukinkha miiyo khunywa na khwiinkha enkamiiya zaka khunywa.
639	GEN 24:47	Aphano miiyo khumuuzela yoori: ‘O mwaana waani?’ Ye khujipu yoori: ‘Miiyo ki mwaana wa Betuweeli mwaana wa Nahoori na Miilika.’ Ethiito miiyo khunwalisa kharawu vaphula vawe khunwalisa kakhana makhono awe.
735	GEN 27:7	‘Okitiisele nyama ya wiipikhiwa wookituvelavo kije, kuuparikheye mmakhono wa Nnyizinku kihinafwe.’
886	GEN 31:12	Nlayikha ntthile khulupa yoori: ‘Olanse maasho awo woone nyama zimpepheriwa pi mirurumpi za malepa, zoottweleela, na zooriipa. Miiyo koonoza mwaasa yoori kinoona zooshi epile Labani anuurettelaazo.
933	GEN 32:5	Khuwaaruma yoori: “Mwilawe mwamuuze mbwanaaka Ezawu yoori karumeyaawo Yaakhumpa alupa toono: ‘Keekhala vaje wa Labani siikhu za waatta mpakha leelo.
938	GEN 32:10	Aphano Yaakhumpa khulompa araka: “Nluku wa paapa Eburahiima na Nluku wa paapa Esiyaakha, Oo Nnyizinku okuuziyeeyo yoori: ‘Orutele nti wa apapazo miiyo kinttela oweettettisa saana’,
946	GEN 32:18	Otule aalokoziyeeyo khumuuza araka: “Weeyo onlawa wakutthanane ttwiiyaku Ezawu. Amana awuuzela yoori ‘Nyama epi pi zaani wala weeyo ontta vayi?’
947	GEN 32:19	Weeyo onjipu yoori, ‘Pi za karumeyeenu Yaakhumpa, vitthu animperekhezaaye mbwanaawe Ezawu, ye aya ontta ota nyuma wetthu.’”
949	GEN 32:21	Mwihisahawu olupa yoori: ‘Yaakhumpa karumeyeenu ontta ota onyuma wetthu okho.’” Maana Yaakhumpa aari wuupuwela yoori: “Kintta onnyamaza wiiphiiriwa wawe Ezawu mwaasa wa vitthu epi kilokozisiyeezo. Amana kikutthanana talili onteela okipwekherela saana.”
1101	GEN 37:17	Mwinyi otule khujipu yoori: “Apha avikanavo, kawaasiila araka: ‘Nintta Dotaani.’” Yuusufu khusala aweekesa, khuwaasikana asaleelaka ofiya Dotaani.
1284	GEN 42:31	Ila fweeyo khujipu yoori: ‘Khahi n'aahankawaani n'aatthu awaamineya.
1286	GEN 42:33	Aphano nttunkhulu wa nti aya opule khunuuza yoori: ‘Mwinlikhe ttwiiyenu mmote attaapha, toowo phi kinttelaavo ojuwa yoori mweeyo mw'aatthu awaamineya: mwithuule etthu-yoojiwa mwilawe mwawenkhe ajamaazenu ahifwe jala.
1298	GEN 43:7	Yo khujipu araka: “Mwiinyi oto eetta onuuzela yoori anijuwe fweeyo na ajamaazetthu. Khuvira anuuzelaka theenya yoori: ‘Papeenu ori haayi? Mwinaaye ttwiiyenu nkina theenya?’ Fweeyo naarina yoojipu epile aari onuuzelaazo. Fweeyo naajuwiye yoori onttela oniila onlawana ttwiiyetthu?”
1344	GEN 44:19	Mbwanaaka mwaawoozeliye akarumeyeenu mwiraka: ‘Mwinaaye papeenu na ttwiiyenu?’
1345	GEN 44:20	Fweeyo khujipu yoori: ‘Ninaaye paapa ila ooluvala na ninaaye ttwiiyetthu w'eefutti apattikhaniyeeyo paapa ooluvaliye. Aarina ttwiiye afwa, ye asala otthwe wuumamani wawe, ti woophetiwa na kuvu ti papaawe.’
1347	GEN 44:22	Ila fweeyo khuujipuni mweeyo mbwanaaka: ‘Mwaana oto khanwahi olikhiwa ti papaawe. Amana ampwetheya, papantthu ontta ofwa.’
1348	GEN 44:23	Ila mweeyo khunuuza yoori: ‘Amana mweeyo mwihintiisi mwihirutelevo vaje vaka apha.’
1351	GEN 44:26	Fweeyo khumuuza yoori: ‘Khaninwahi orutelawo nihilawaneeni ttwiiyetthu otu wa w'eefutti, amana nihilawani khaninlawa okutthanana mwiinyi oto.’
1352	GEN 44:27	Karumeyeenu papeetthu khunuuza yoori: ‘Mweeyo mwinjuwa yoori muukhaaka akipatthela aana awiri,
1420	GEN 46:33	Amana Firawuuna arumisa oteela okhuweliwa mweeyo, na awuuzelani yoori ‘Mwinkhola khaazi-ni?’
1421	GEN 46:34	Mwinjipu yoori: ‘Fweeyo akarumeyaawo khaazi yetthu oshukisa nyama, waaza osimaana etthu mpakha apha, nkhama etthiipo aari orettaazo apapazetthu.’ Toowo, mwintta okhupaleliwa wiikhala nti wa Gosheeni, mwaasa yoori amakhampuzi ooshi pi ootarawiwa pi a Misuri.”
1456	GEN 48:4	akuuzaka yoori: ‘Kinteela owinkha mavokozi na kaattise peewu yawo yoori khwa weyo epuwe khuntti za waatta na kinkhe nti opu peewu yawo khwa mileele.’
1472	GEN 48:20	Aphano khuwaaparikhiya siikhu ethiitile araka: “Atthu a Ezirayeele anteela owaaparikhiya azaaya arumeyelaka mazina enu araka: ‘Nluku ooretteni nkhama Efwarayiimu na Manaase.’” Paata ya toowo, khunwulisa Efwarayiimu zayita Manaase.
1593	EXO 3:13	Munsa khumuuzela Nluku yoori: “Miiyo amana kilawa vakatthi wa meezirayiilu kiwooza kiraka: ‘Nluku wa apapazenu akiruma vakatthi-venu,’ khi amana akuuzela yoori: ‘Nzina lawe paani?’ Kiwooze niini?”
1594	EXO 3:14	Nluku khumuuza Munsa araka: “MIIYO TI MIIYO. Owooze etthiipo meezirayiilu, yoori: ‘MIIYO TI MIIYO ti akirumiyeeyo vakatthi venu.”
1596	EXO 3:16	“Olawe wawaakusanye attunkhulu a meezirayiilu, owooze yoori Nnyizinku, Nluku wa amarehemu apapazenu, Eburahiima, Esiyaakha na Yaakhumpa aakipuweleliye khukuuza yoori: ‘Khweele khweele, Miiyo kinoona tafwawuthi zenu na kinjuwa etthu anuurettelaanini a Misuri.
1603	EXO 4:1	Munsa khunjipu Nnyizinku araka: “Wala yo khanteela okhupalela, na khanteela okisiileza, na anlupa yoori: ‘Nnyizinku khoopuweleleeni!’”
1624	EXO 4:22	Omuuze Firawuuna oraka: ‘Nnyizinku alupa toono: Ezirayiilu mwanaka wamwanzo.
1634	EXO 5:1	Paata ya toole Munsa na Arawu khulawa ottakhulana Firawuuna amuuzaka yoori: “Nnyizinku, Nluku wa meezirayiilu alupa toono: ‘Owaalikhe atthu aka alawe akirettele njampo n'yaara.”
1641	EXO 5:8	Ila mwiwaakhanyarele waattala thamani ethiitile aari waattalakaaye, mwihiwaavukule hatha etthu; apa aya anamaviliwa, ti eto aaziyeeyo okhuwa araka ‘ninttela omwinkha twaha Nluku etthu.’
1643	EXO 5:10	Anamalokozela na masuphayi khulawa khuwooza atthu apale yoori: “Firawuuna alupa toono: ‘Nilikhe owinkhani malala.
1650	EXO 5:17	Ila Firawuuna khujipu yoori: “Anamaviliwa! Mweeyo oviliwa! Tiito mwinraaye; ‘Nintakha olawa omwinkha twaha Nnyizinku.’
1695	EXO 7:9	“Amana Firawuuna awuuzani yoori: ‘Mwirette minjuza awahi wuukhupalini,’ omuuze Arawu: ‘Athuule pakhora yawo eeselele enakatthi ya Firawuuna,’ pakhora ya eto entta othatuwa yiiye nyookha.”
1781	EXO 10:3	Aphano Munsa na Arawu khulawa okutthanana Firawuuna, yo khumuuza yoori: “Nnyizinku, Nluku wa meepereewu alupa toono: ‘Mpakha lini weeyo okatthalaka ojipushuwisa mmakhono mwaka miiyo? Owaalikhe atthu aka alawe akaaputu.
1811	EXO 11:4	Munsa khuri: “Nnyizinku alupa toono: ‘Osikhu layili kinvira Mmisuri.
1815	EXO 11:8	Aphano mashawuriiya awo ooshi apa, anlawa akeekese na akikokhorele, akivekelaka yoori: ‘Olawe na atthu awo ooshi.’ Attaaphale miiyo kinttela olaawo!” Munsa na okatipukha wawe channu khulaavo aphale aariivo Firawuuna.
1843	EXO 12:26	Aaneenu amana awuuzelani yoori: ‘Njampo laya ntthi maana aya niini?’
1844	EXO 12:27	Mwiwaajipu yoori: ‘Twaha ya Paashikowa wa Nnyizinku, aviriyeeyo vatulu wa manyupa a meezirayiilu nti wa Misuri, na khwiinanela manyupa eetthu wakathi aari owoolaavo amisuri.” Attaaphale meezirayiilu khukokhora khumwaaputu Nnyizinku.
1882	EXO 13:14	Meesho amana aaneenu awuuzelani yoori: ‘Maana aya niini?’ Mwiwooze yoori: ‘Khwa oowahi wa nkhono awe, Nnyizinku anilazawo Misuri, nti narettiweewo oviitthwaana.
1902	EXO 14:12	Tiito nawuuziyeeyo Misuri yoori: ‘Onilikhe niiye aviitthwaana amisuri! Afwataali wiiya amwiitthwaana amisuri ehiiyeeni ofwa n'yaara.”
1930	EXO 15:9	Maatuwi khusala alupa yoori: ‘Niweekarise niniwaasikana niwaanyakanye maali nafusi zeetthu zinlawa zatoshiwe pi yo, nasarule phanka yeetthu na makhono eetthu niniwaatapanya.’
1960	EXO 16:12	“Kinsiila waapa wa meezirayiilu, ila owaajipu yoori: ‘Njuwa leettelaka otupweela mweeyo mwinrafuna nyama, na supu mwiniiyana-yoojiwa ya wuutoshani. Toowo mwinttela ojuwa yoori miiyo ki Nnyizinku Nluku enu.”
1964	EXO 16:16	Nnyizinku khurumisa yoori: ‘Wakhula mmote wa mweeyo ona yookusanyela epile antakhaaye yoori aje, khwa hisapu ya atthu ariina vaje vawe, ttompwiyo piiri wakhula ntthu.”
1971	EXO 16:23	Khuwaajipu Munsa araka; “Nnyizinku aruma yoori: ‘Meesho enttela wiiya siikhu yoovumula, Saapatu ttakatthiifu ya Nnyizinku etile mwintakhaaye wuumisa vamoottho muumise na etile mwintakhaaye wiipikha na maati, mwiipikhe, zooshi zinttelaaye osala mwipwehe mpakha mmeesho mwaya.”
1980	EXO 16:32	Munsa khulupa araka, “Nnyizinku aruma yoori: ‘Mwilokotthele mana apa ttompwiyo moote mwipwehe, yoori khapila entaaye yoone etthu-yoojiwa mwenkhiweeyo ti Nnyizinku wakathi oolaziyeenini Misuri.”
2031	EXO 19:4	‘Mweeyo moona etthu kiwaaretteliyeeyo amisuri na nanna kiwaathamisiyeeyo nkatthi wa mapaphelo a saaka kijitiiselaka miiyo.
2039	EXO 19:12	Otthe mwiinano nkerekhere wa mwaako na owooze atthu yoori: ‘Eeyane phoole ya ohiweli mwaako na ohisapi. Otule anttelaaye osapa mwaako ona ya wuuliwa;
2050	EXO 19:23	Aphano Munsa khumuuza Nnyizinku yoori: “Atthu khanwahi owela vamwaako Sinaayi maana weeyo waanilikhisiye oraka: ‘Mwirette mwiinano omaasho wa mwaako mwiphakule.”
2074	EXO 20:22	Nnyizinku khumuuza Munsa yoori: “Owooze meezirayiilu mattakhuzi apa yoori: ‘Mweeyo moona na maasho enu yoori pinkuuni kattakhulana mweeyo.
23236	MAT 1:23	“Mwaari onteela wiimittha ampatthe mwaana, anttelaaye wiitthiwa Emanuweele, enlupaaye yoori ‘Nluku ori vamote na fweeyo’.”
23244	MAT 2:6	‘Weeyo Belemu, ya nti wa Yudeya, weeyo hatha vattitthiiru khahi owoohafwiifweya khwa sitati khuulu za Yuuda, maana khwa weeyo onteela opuwa mfwalume anttelaaye oweettettisa atthu aka a Ezirayiilu.’”
23264	MAT 3:3	Maana otu ti otule alupiweeyo ti napiyu Ezaaya yoori: “Huula enkhuwa n'yaara eraka: ‘Mwitthenkeze tarikhi ya Mbwana na mookolele miphiitelo zawe.’”
23270	MAT 3:9	Khahiyo olupa yoori: ‘Eburahiima ti marehemu papeetthu,’ ila miiyo kiniwuuzani yoori, khwa liwe ntthi Nluku onwahi owaattala aana a Eburahiima.
23282	MAT 4:4	Ila Yinsa khunjipu araka: “Yaatikhiwa yoori: ‘Khahiyo phaawu paasi enimwinkhaaye ntthu ohaayi, ila nttakhuzi looshi linlankhaaye nkhanyo wa Nluku.’”
23284	MAT 4:6	khumuuza yoori: “Nkhama o mwaana wa Nluku, ojeeselele vathi aphale. Maana yaatikhiwa yoori: ‘Ye ontta oruma malayikha awe awiinanele, atthaapo antta wuukholelela na makhono aya yoori ohikwakwanttuwe va liwe.’”
23285	MAT 4:7	Yinsa khunjipu yoori: “Theenya yaatikhiwa yoori: ‘Ohimweeze Mbwana, Nluku awo.’”
23288	MAT 4:10	Yinsa khumuuza yoori: “Oleevo, Epiliisi! Maana yaatikhiwa yoori: ‘Omwaaputu Mbwana, Nluku awo, na onrumeyele othuuto paasi.’”
23334	MAT 5:31	“Yaatikhiwa theenya yoori: ‘Otule animwaashaaye muukhawe ona ya omwinkha talakha.’
23336	MAT 5:33	“Mweeyo mwasiila etthu ooziweeyo amarehemu apapazenu yoori: ‘Mwihilaphe woovonyeyavo, ila mweettettise olapha mwirettiyeeyo omaasho wa Mbwana.’
23341	MAT 5:38	“Mweeyo mwasiila etile elupiwe yoori: ‘Liisho khwa liisho na liino khwa liino.’
23346	MAT 5:43	Mweeyo mwasiila olupiwa yoori: ‘Omphete namwaattamanani awo, omwiine atuwi awo.’
23360	MAT 6:9	Nakataalikha, mweeyo amana mwilompaka mwisala mwiri toono: ‘Papeetthu oriiye pinkuuni, littitthimisiwe nzina lawo loottakatthifu,
23382	MAT 6:31	Nakataalikha mwihishukulikhe, mwiraka: ‘Ninja niini?’ Ama ‘ninnywa niini?’ Ama ‘ninwala niini?’
23389	MAT 7:4	Nanna-ni onimuuzaaye ttwiiyo yoori: ‘Kintakha kuulaze etutu eriiye mmaasho mwawo,’ khupe weeyo orina lipikhi mmaasho mwawo?
23423	MAT 8:9	Maana na-miyo ki ntthu kiriiye vathi wa ofwalume na ki nlokozi wa anajanka. Kinimuuza mmote yoori: ‘Olawe,’ khulawa; khumuuza nkina yoori: ‘Ote,’ ye khuta. Kinimuuza karumeya aka yoori: ‘Orette khata,’ ye khuretta.”
23453	MAT 9:5	Apho yookhweya ti tiivi? Olupa yoori: ‘Waswaamihiwa twampi zawo,’ ama olupa yoori: ‘Olankhe weettette?’
23461	MAT 9:13	Mwilawe mwanozeliwe maana a nttakhuzi linlupaaye yoori: ‘Kintakha tthakaraka, khahiyo twaha.’ Maana miiyo akawaateeliye anashariya, kawaateeliye anatwampi.
23493	MAT 10:7	Wakhula vahali mwineettaavo, mwitafusiri hapari epi mwiraka: ‘Ofwalume wa pinkuuni ori kharipu!’
23545	MAT 11:17	‘Fweeyo noovumiselani kuruneetha, ila mweeyo khuhiini; khwiipa liipo la huzuni, ila mweeyo khuhilili.’
23546	MAT 11:18	Khuta Yaahaya woofuka na ahinnywaaye viinyu, mweeyo mwinri: ‘Ye onaaye masheethwani!’
23547	MAT 11:19	Ata Mwaana wa Pinaatamu anjaaye na annywaaye, mwinri: ‘Otu nsokho na nnywachi, nshirikha wa anamariphisa lumpuru na anatwampi.’ Ila ojuwa onthoonyezeya khwa khaazi onikholeliwaaye.”
23565	MAT 12:7	Ila eriwaka mweeyo mwaari ojuwa maana a mattakhuzi anraaye: ‘Kintakha huruma akintakha twaha,’ khamwaari onhukhumu ntthu ahina paathuli.
23602	MAT 12:44	Aphano onri: ‘Kinrutela nyuupa ethiitile kilankhiyeeyo.’ Noofiya khusikana nyuupa eheettiweenimo, ori wooseeliwamo wawaattaleliwamo saana.
23622	MAT 13:14	Khwa yo wamariseleya ohupiri wa Ezaaya onlupaaye yoori: ‘Hatha nkhama mwasiila khiniweeleyani; hatha nkhama moona khamwinjuwa.
23636	MAT 13:28	Ye khujipu yoori: ‘Atuwi ti arettiye epo zaya.’ Akarumeya apale khumuuzela yoori: ‘Mbwana mwintakha fweeyo nalazemo?’
23706	MAT 15:4	Maana Nluku alupa yoori: ‘Onshitahi papaawo na mamaawo’ na ‘antakhaaye onlaani papaawe na mamaawe ona ya ohukhumweliwa ofwa.’
23707	MAT 15:5	Ila mweeyo mwinkhupalela yoori amana ntthu amuuza papaawe ama mamaawe yoori: ‘Wakhula etthu kiniwinkhaanini miiyo zaakha ya omwinkha Nluku;
23710	MAT 15:8	‘Atthu apa anikaaputu na milomo, ila rooho zaya ziri peetiwene khwa miiyo.
23743	MAT 16:2	Ye khuwaajipu araka: “Amana njuwa liveva, mweeyo mwinraka, ‘Onttela wiiya wakathi wooshapweya, maana pinku ti yookhuttuwa.’
23744	MAT 16:3	Na leelo supu, ‘Enttela opuwa pheevo, maana pinku ti yookhuttuwa na eetaalawo mawiku.’ Mweeyo mwinjuwa otaphulela nanna ya pinku, ila khamwinjuwa otaphulela alama za wakathi!
23789	MAT 17:20	Ye khuwaajipu yoori: “Maana mweeyo amini mwiriina ttiitthiiru. Miiyo kiniwuuzani khweele yoori eriwaka mweettiye wiiyana amini nkhama phunje ya samuli, mweetta owahi wuuza mwaako opu yoori: ‘Oleevo apha weette aphale’ weetta olawa, na khina etthu moote ya haari weettelaaye owaheya khwa mweeyo.”
23812	MAT 18:16	Ila amana ahuusiili, onthuule ntthu mmote ama awiri, ‘yoori khwa oshaahiti wa atthu awiri ama attatthu yoori nttakhuzi lihakikheye.’
23828	MAT 18:32	Mbwana khunkhuwela karumeya otule khumuuza yoori: ‘Karumeya woohifwayi, weeyo wakivekela miiyo khuuswaamihi teeni yawo.
23865	MAT 20:4	Aphano khuwooza yoori: ‘Mwilawe mweeyo theenya mwakhole khaazi mmashapa mwaka la wuuva, miiyo kintta wuuriphani etile enttelaaye wiiya ya shariya.’
23867	MAT 20:6	Etthiipo wakathi wa sakhumi na monsi, ye khurutelawo khuwaasikana theenya akina ahaariina khaazi na khuwoozela yoori: ‘Mwaasa aya niini mweeyo mwiiyaka apha mwihikholaka khaazi siikhu yooshi?’
23868	MAT 20:7	Khunjipu yoori: ‘Maana khina mmote aninkhiyeeyo khaazi’. Aphano khuwooza apale aya yoori: ‘Ettani na mweeyo mwakhole khaazi mmashapa mwaka.’
23869	MAT 20:8	Weettelaka oripa, mweenyewe nshapa khumuuza waziri awe yoori: ‘Owaakhuwele anakhaazi na owaariphe phakari yaya, owaazaka apale awiishela mpakha apale a mwanzo.’