44	GEN 2:13	Dewarabema dora Gihoʌ̃ abadaa. Gihoʌ̃ra Cus druad̶e b̶ʌa.
237	GEN 10:2	Japed̶eba yõped̶ad̶ara naʌ̃gʌrã basía: Gomer, Magog, Madai, Javaʌ̃, Tubal, Mesec, Tiras sid̶a.
238	GEN 10:3	Jape warra Gomerd̶eba yõped̶ad̶ara naʌ̃gʌrã basía: Asquenaz, Ripat, Togarmá sid̶a.
254	GEN 10:19	Naãrã ãdji druara b̶asia Sidoʌ̃ purud̶eba ab̶a Gaza purud̶aa idjab̶a Guerar caita bid̶a. Maʌ̃ awara ãdji puru Sodomada, Gomorrada, Admada, Zeboiʌ̃da, Lasa sid̶a ãdji drua daucha icawa panasid̶aa.
258	GEN 10:23	Seʌ̃ warra Araʌ̃neba yõped̶ad̶ara naʌ̃gʌrã basía: Uz, Hul, Gueter, Mas sid̶a.
329	GEN 13:10	Maʌ̃ne Loba Jordaʌ̃ do jewed̶ada jũma unusia ab̶a Zoar purud̶aa. Maʌ̃ jewed̶ad̶e dji ẽjũãra bia b̶asia Ãcõrẽ néu b̶ad̶a quĩrãca idjab̶a Egipto drua quĩrãca. Maʌ̃ jewed̶ara mãwã b̶asia Ãcõrẽba Sodoma puruda Gomorra puru sid̶a babuei naẽna.
338	GEN 14:1	Maʌ̃ ewarid̶e Quedorlaóme abadada Elaʌ̃ druad̶ebema boro basía. Idjiare naʌ̃ bororãda panasid̶aa: Amrapel, Sinar ẽjũãnebemada; Ario, Elasar purud̶ebemada; idjab̶a Tidale, Goiʌ̃ druad̶ebemada.
339	GEN 14:2	Maʌ̃ Quedorlaómeare b̶eara Berá abada ume djõ panasid̶aa. Maʌ̃ Berára Sodoma purud̶ebema boro basía. Idjiare naʌ̃ bororãda panasid̶aa: Birsa, Gomorra purud̶ebemada; Sinabo, Admá purud̶ebemada; Semebé, Zeboiʌ̃ purud̶ebemada; idjab̶a Bela purud̶ebema boro sid̶a. Bela purura Zoar abadaa.
345	GEN 14:8	Quedorlaómeare panʌba maʌ̃ puru b̶eara jũma poyad̶aped̶a Sidim jewed̶ad̶aa wãsid̶aa. Mama Sodomanebema boroare panʌra ãbaa dji jʌre panasid̶aa ãdjirã ume djõni carea. Sodomanebema boroare panʌra naʌ̃gʌrã basía: Gomorrad̶ebema boroda, Admánebema boroda, Zeboiʌ̃nebema boroda, idjab̶a Belad̶ebema boro sid̶a. Bela purura Zoar abadaa. Maʌ̃ bororãra juesuma panasid̶aa. Maʌ̃ne Elaʌ̃nebema boro Quedorlaómeare panʌra naʌ̃gʌrã basía: Goiʌ̃nebema boro Tidaleda, Sinard̶ebema boro Amrapelda, Elasard̶ebema boro Ario sid̶a. Ãdjira quĩmãrẽ panasid̶aa.
348	GEN 14:11	Maʌ̃ne Quedorlaómeare panʌba Sodomanebema nebiada, cobada sid̶a jũma jãrĩsid̶aa. Ab̶arica osid̶aa Gomorrad̶e. Maʌ̃ne Abraʌ̃ tẽãbea Lora Sodomane b̶ad̶a bẽrã Quedorlaómeare panʌba jida edesid̶aa. Ne jũma jãrĩnaped̶a wãsid̶aa.
445	GEN 18:20	Maʌ̃be Ãcõrẽba Abrahaʌ̃a jarasia: –Mʌ̃a ũrĩ b̶ʌa Sodoma purud̶ebemarãba, Gomorrad̶ebemarã bid̶a cadjiruada jũmawãyã o panʌda.
482	GEN 19:24	Maʌ̃bebʌrʌ Ãcõrẽba azupre uruada Sodomane, Gomorrad̶e bid̶a bajãneba jurrubisia.
486	GEN 19:28	Mamaʌba Sodomara, Gomorrara, jũma dji jewed̶a sid̶a acʌsia. Maʌ̃ne unusia dji ẽjũãra ʌ̃ta cowaga nũmʌda pea bad̶a cowabari quĩrãca.
497	GEN 20:1	Mãwãnacarea Abrahaʌ̃ra idji b̶ad̶amaʌba Negue ẽjũãnaa wãped̶a Guerar purud̶e b̶esia. Maʌ̃ purura Cadé puru idjab̶a Sur ẽjũã ẽsi b̶ʌa.
498	GEN 20:2	Mama b̶asid̶e Abrahaʌ̃ba jarabadjia idji quima Sarara idji djabawẽrãda. Maʌ̃ bẽrã Guerard̶ebema boro Abimele abadaba Sarara idji ded̶aa edebisia edai carea.
572	GEN 22:24	Nacoba dewara wẽrãda Reuma abadada erob̶asia. Reumaba tosia Tebada, Gahaʌ̃da, Tahada, Maacá sid̶a.
694	GEN 26:1	Maʌ̃ ewarid̶e Isa druad̶e jarrabada zesia Abrahaʌ̃ ewarid̶e zed̶a quĩrãca. Maʌ̃ carea Isara Guerar purud̶aa wãsia pilisteorã boro Abimelemaa.
699	GEN 26:6	Maʌ̃ bẽrã Isara Guerar purud̶e b̶esia.
700	GEN 26:7	Maʌ̃ne Guerard̶ebemarãba Isaa dji quima Rebecad̶ebemada iwid̶isid̶aa, idjira quĩrãwãrẽã b̶ʌ bẽrã. Maʌ̃ carea Isara ne wayasia. Idub̶a crĩcha b̶esia mʌ̃ quimaana aibʌrʌ, mʌ̃ra bead̶isicada edad̶i carea. Maʌ̃ carea ãdjia iwid̶ibʌdad̶e panubadjia: “Idjira mʌ̃ djabawẽrãa.”
710	GEN 26:17	Ara maʌ̃da Isara Guerar purud̶e b̶ad̶ada ãyã wãsia. Guerar jewed̶ad̶e jũẽped̶a idji wua dera oped̶a mama b̶esia.
713	GEN 26:20	Baribʌrʌ maʌ̃ baido carea Guerard̶ebema oveja wagabadada Isa oveja wagabada ume ijarasid̶aa. Guerard̶ebemarãba jarasid̶aa: –Naʌ̃ baidora dairãnea.– Maʌ̃ carea ijaraped̶ad̶a bẽrã Isaba baido juebada uriara trʌ̃ b̶ʌsia Esec.
719	GEN 26:26	Ewari ab̶a Guerar purud̶ebema boro Abimelera Isamaa zesia. Abimelera zesia idji crĩcha diabari Ahuzat ume, idji djõbadarã boro Picol ume bid̶a.
842	GEN 30:11	Maʌ̃ne Leaba jarasia: “Mʌ̃ra boro biasia.” Mãwã dji warrara trʌ̃ b̶ʌsia Ga.
895	GEN 31:21	Jacobora jũma idjia erob̶ʌ bara mĩrũ wãsia. Wãbʌrʌd̶e Euprate do quĩrãrã chãsia. Maʌ̃be Gala eyaid̶a b̶ʌ druad̶aa wãsia.
897	GEN 31:23	Maʌ̃ bẽrã Labaʌ̃ba idji ẽberãrã edaped̶a Jacobo caid̶u ẽpẽ wãsia. Siete ewari ẽpẽ wãbʌrʌd̶e Labaʌ̃ba Jacobora tʌmʌba unusia Gala eyaid̶a b̶ʌ druad̶e.
898	GEN 31:24	Maʌ̃ne Labaʌ̃ra idji ẽberãrã sid̶a ota cãĩsid̶aa. Maʌ̃ diamasi Ãcõrẽba arameo Labaʌ̃a cãĩmocarad̶e nãwã jarasia: “¡Labaʌ̃, ũrĩdua! ¡Jacobo ume quĩrũ bed̶earãdua!” Nurẽma Labaʌ̃ra idji ẽberãrã ume Gala druad̶e Jacobo b̶ʌma jũẽnaped̶a ãdji wua dera ocuasid̶aa.
921	GEN 31:47	Labaʌ̃ba jarasia: –Id̶i naʌ̃ mõgara boromea bue nũmʌba cawabi b̶ʌa dadjira bed̶ea b̶ʌsid̶ada.– Labaʌ̃ba mõgara boromea bue nũmʌra idji bed̶ead̶e trʌ̃ b̶ʌsia Jegar Sahaduta. Jacoboba idji bed̶ead̶e trʌ̃ b̶ʌsia Gala.
928	GEN 31:54	Mãwãped̶a Jacoboba Gala eyad̶e animarãda Ãcõrẽa babue diasia. Maʌ̃be ẽberãrãra trʌ̃sia ne cod̶amãrẽã. Ne cod̶aped̶a maʌ̃ eyad̶e cãĩsid̶aa.
1038	GEN 35:26	Lea nezocawẽrã Zilpaba tod̶ara naʌ̃gʌrã basía: Ga idjab̶a Aser. Jũma maʌ̃gʌrã basía Jacobo warrarã Padan-Araʌ̃ druad̶e toped̶ad̶ada.
1052	GEN 36:11	Elipaba naʌ̃ warrarãda unusia: Temaʌ̃, Omar, Zepo, Gataʌ̃, Quenaz sid̶a.
1056	GEN 36:15	Esaúd̶eba yõna purud̶ebema bororã trʌ̃da nama b̶ʌ́ b̶ʌa. Dji warra iwina Elipad̶eba yõna bororãda naʌ̃gʌrã basía: Temaʌ̃, Omar, Zepo, Quenaz, Core, Gataʌ̃, Amale sid̶a. Ãdjirãra Edoʌ̃ druad̶e duanabadjid̶aa. Jũma ãdjirãda Esaú quima Adád̶eba yõsid̶aa.
1109	GEN 37:25	Mãwã od̶aped̶a ne co chũpanesid̶aa. Maʌ̃ne ismaelerãda Gala druad̶eba zebʌdada unusid̶aa. Maʌ̃ ismaelerãba cameyod̶e quera tũãpa b̶eada Egipto druad̶aa nẽdobued̶e edebʌda basía.
1369	GEN 45:10	Zeped̶a Goseʌ̃ ẽjũãne b̶eya. Mãwã bʌra, bʌ warrarã sid̶a, bʌ wiuzaquerã sid̶a mʌ̃ caita duanania. Bʌ animarã b̶eara, jũma bʌa erob̶ʌ sid̶a enedua.
1398	GEN 46:11	Jacobo warra Levi sid̶a wãsia. Leviba edesia idji warrarã Gersoʌ̃, Coá, Merari sid̶a.
1403	GEN 46:16	Jacoboba Lea edasid̶e dji zãwãrẽ Labaʌ̃ba nezocawẽrã Zilpara Leaa diasia. Zilpaba warrarãda Jacoboa to diasia. Maʌ̃gʌrã sid̶a Egiptod̶aa wãsid̶aa ãdji warrarã bara. Jũma ãbaa diecisei wãsid̶aa. Ãdji warra Gaba idji warrarã Zipioʌ̃, Hagui, Ezboʌ̃, Suni, Eri, Arodi, Areli sid̶a edesia. Ãdji warra Aserba edesia idji warrarã Imna, Isúa, Isúi, Beria, dji cau Será sid̶a. Beria warrarãra Hebere idjab̶a Malquiel basía.
1408	GEN 46:21	Benjamiʌ̃ warrarãra naʌ̃gʌrã basía: Bela, Bequer, Asbel, Gera, Naamaʌ̃, Ehi, Ros, Mupiʌ̃, Hupiʌ̃, idjab̶a Ard.
1410	GEN 46:23	Jacoboba Raquel edasid̶e dji zãwãrẽ Labaʌ̃ba nezocawẽrã Bilhara Raquelea diasia. Bilhaba warrarãda Jacoboa to diasia. Maʌ̃gʌrã sid̶a Egiptod̶aa wãsid̶aa ãdji warrarã bara. Ãdji warra Daʌ̃ba idji warra Husiʌ̃ edesia. Ãdji warra Neptaliba edesia idji warrarã Jahzeel, Guni, Jezer, Sileʌ̃ sid̶a. Jũma ãbaa siete wãsid̶aa.
1415	GEN 46:28	Jacobo Israel abadaba Judada Josemaa na wãbisia ãdjira Goseʌ̃ ẽjũãne acʌd̶e zemãrẽã. Maʌ̃misa ãdjirãra Goseʌ̃ ẽjũãne jũẽsid̶aa.
1416	GEN 46:29	Ãdji jũẽsid̶ad̶e Joseba idji nezocaa jarasia idji carreta enemãrẽã. Ara maʌ̃da Goseʌ̃naa idji zeza Israel audiab̶arid̶e wãsia. Idji zeza unusid̶e ojũẽped̶a dãrã jĩãsia.
1420	GEN 46:33	Maʌ̃be dji boroba bãrã trʌ̃ped̶a iwid̶ibʌrʌd̶e “¿Bãrãba cãrẽda obada?”, nãwã jarad̶adua: “Daira warra ed̶aʌba animarã daupẽ cawa b̶eaa, dai drõã naẽnabemarãba obadaped̶ad̶a quĩrãca.” Mãwã jarasid̶ara dji boroba bãrãra jĩga Goseʌ̃ ẽjũãne idu b̶ebiya, egiptorãmaarã oveja wagabadara dji biaẽ́ bẽrã.–
1422	GEN 47:1	Ara maʌ̃da Josera Egiptod̶ebema boro ume bed̶ead̶e wãsia. Idjia jarasia: –Mʌ̃ zezara, mʌ̃ djabarã sid̶a Canaaʌ̃ druad̶eba zesid̶aa ãdji oveja bara, ãdji paca bara, jũma ãdjia eropanʌ bara. Ãdjirãra Goseʌ̃ ẽjũãne duanʌa.–
1425	GEN 47:4	Maʌ̃ awara jarasid̶aa: –Canaaʌ̃ druad̶e jarrabara dji cãbãyã b̶ʌa. Idjab̶a dairã oveja itea põãjãrã neẽ́a. Maʌ̃ bẽrã dairãra naʌ̃ druad̶e panane zesid̶aa. Dairãra bʌ nezocarãa. Dai quĩrã djuburia Goseʌ̃ ẽjũãne idu b̶ebidua.–
1426	GEN 47:5	Maʌ̃ne Egiptod̶ebema boroba Josea jarasia: –Naʌ̃ Egipto druara bʌ jʌwaed̶a b̶ʌa. Bʌ zezara, bʌ djabarã sid̶a ze panʌ bẽrã ãdjía Goseʌ̃ ẽjũãda diadua. Mãwã dji biara b̶ʌ ẽjũãne duanania. Idjab̶a ʌ̃cʌrʌ bʌ djabarãnebemaba animarãda bio daupẽ cawa b̶eabʌrʌ, ãdjirãra mʌ̃ animarã wagabada bororãda b̶ʌcuadua.–
1448	GEN 47:27	Maʌ̃ ewarid̶e Jose ẽberãrã israelerã abadara Egipto druad̶e duanesid̶aa. Goseʌ̃ ẽjũãra eropanesid̶aa. Ãdjirãra zocãrã yõsid̶aa.
1493	GEN 49:19	Ga, dewararãba bʌ purura urad̶e zed̶imĩna bʌ ẽberãrãba ãdjirãra poyad̶ia.
1515	GEN 50:8	Jose ẽberãrãda, idji djabarãda, idji zeza ẽberãrã sid̶a jũma wãbʌrʌsid̶aa. Ãdji warrarãda, ãdji ovejada, ãdji paca sid̶a Goseʌ̃ne amesid̶aa.
1537	EXO 1:4	Daʌ̃, Neptali, Ga, Aser sid̶a.
1577	EXO 2:22	Mãwã b̶ʌd̶e dji wẽrãba umaquĩrã warrada tosia. Moiseba maʌ̃ warra trʌ̃ra b̶ʌsia Gersoʌ̃, nãwã jarad̶a bẽrã: “Naʌ̃ druad̶e mʌ̃ra drua ãĩbemada jãwã b̶ʌa.”
1672	EXO 6:16	Levi jaid̶asid̶e 137 poa b̶asia. Levi warrarãra dji nabemaneba ab̶a dji tẽãbemanaa naʌ̃gʌrã basía: Gersoʌ̃, Coá, idjab̶a Merari.
1673	EXO 6:17	Gersoʌ̃ warrarãra naʌ̃gʌrã basía: Libni idjab̶a Simei. Ãdjira Gersoʌ̃neba yõped̶ad̶a bororã basía.
1733	EXO 8:18	Baribʌrʌ maʌ̃ ewarid̶e Goseʌ̃ druad̶e mʌ̃a mãwã oẽ́a. Mʌ̃ ẽberãrãda mama panʌ bẽrã ĩgananara neẽ́ baya. Mʌ̃ purura bʌ puru quĩrãca oẽ́a. Maʌ̃ba bʌa cawaya mʌ̃abʌrʌ naʌ̃ druad̶e mãwã o b̶ʌda. Maʌ̃ ne ununacara nu oya.”–
1769	EXO 9:26	Ab̶abe Goseʌ̃ druad̶e israelerã duanʌmaa hielora jurruẽ́ basía.
2003	EXO 18:3	Idji warra nabema tosid̶ad̶e Moiseba jarasia: “Naʌ̃ druad̶e mʌ̃ra drua ãĩbemada jãwã b̶ʌa.” Mãwã dji warrara trʌ̃ b̶ʌsia Gersoʌ̃.
2327	EXO 28:33	Idjab̶a granadajõ za quĩrãca cad̶adua oveja cara nayãna pãwãrã od̶aba, pursupursua od̶aba, purea od̶a bid̶a. Maʌ̃ra Aaroʌ̃ba jʌ̃ida b̶ʌ pãwãrã b̶ʌ ed̶ubema id̶e mimizua pʌrrʌga cajud̶adua. Idjab̶a mimizua pʌrrʌga cajud̶adua pĩrãchiru oro od̶ada. Granadajõ za quĩrãca cad̶ada ab̶a id̶e cajud̶aped̶a maʌ̃are pĩrãchiru oro od̶ada ab̶a cajud̶adua. Jũma pʌrrʌga mãwã cajud̶adua.
2690	EXO 39:25	Idjab̶a oro idji awa quiruda edad̶aped̶a pĩrãchiruda ocuasid̶aa. Maʌ̃ sid̶a mimizua pʌrrʌga cajusid̶aa Aaroʌ̃ba jʌ̃ida b̶ʌ pãwãrã b̶ʌ id̶e. Granadajõ za quĩrãca cad̶ada ab̶a maʌ̃ id̶e cajud̶aped̶a maʌ̃are pĩrãchiruda ab̶a cajusid̶aa. Jũma pʌrrʌga mãwã caju wãsid̶aa. Ãcõrẽba Moisea jarad̶a quĩrãca maʌ̃ djio pãwãrã b̶ʌra osid̶aa Aaroʌ̃ba jʌ̃ b̶amãrẽã Ãcõrẽ wua ded̶e ne o b̶ʌd̶e.
4006	NUM 10:17	Maʌ̃ ũbeaare Levi warra Gersoʌ̃neba yõped̶ad̶arãba, Levi warra Merarid̶eba yõped̶ad̶arã bid̶a Ãcõrẽ wua deda jũma ẽrãcuad̶aped̶a edesid̶aa.
4009	NUM 10:20	Idjab̶a Gad̶eba yõna puru sid̶a ãdjirã ume wãsia. Ãdji borora Deuel warra Eliasa basía.
4012	NUM 10:23	Ãdjirã ume Manased̶eba yõna puruda wãsia. Ãdji borora Pedasu warra Gamaliel basía.
4013	NUM 10:24	Idjab̶a Benjamiʌ̃neba yõna puru sid̶a ãdjirã ume wãsia. Ãdjirã borora Gedeoni warra Abidaʌ̃ basía.
4086	NUM 13:10	Zabuloʌ̃neba yõna purud̶ebema Sodi warra Gadielda,
4087	NUM 13:11	Jose warra Manased̶eba yõna purud̶ebema Susi warra Gadida,
4088	NUM 13:12	Daʌ̃neba yõna purud̶ebema Gemali warra Amielda,
4091	NUM 13:15	idjab̶a Gad̶eba yõna purud̶ebema Maqui warra Geuelda.
4557	NUM 27:1	Wẽrãrãda juesuma panasid̶aa: Maala, Noa, Hogla, Milca idjab̶a Tirsa. Ãdji zeza querasira Zelopeha basía. Idjira Jose warra Manased̶eba yõna basía. Heper warra basía idjab̶a Gala wiuzaque basía. Galara Maqui warra basía. Maquira Manase warra basía.
4721	NUM 32:1	Rubeʌ̃neba yõped̶ad̶aba, Gad̶eba yõped̶ad̶a bid̶a pacada, oveja sid̶a zocãrã eropanasid̶aa. Ãdjirãba cawasid̶aa Jazer ẽjũãra Gala ẽjũã sid̶a animarã daupẽni carea bia b̶ʌda.
4745	NUM 32:25	Maʌ̃be Gad̶eba yõped̶ad̶aba, Rubeʌ̃neba yõped̶ad̶a bid̶a panusid̶aa: –Dai boro, dairãba jũma od̶ia bʌa jara b̶ʌ quĩrãca.
4746	NUM 32:26	Naʌ̃ Gala druad̶e b̶ea purud̶e dai wẽrãrãra, dai warrarãra, dai animarã sid̶a b̶eed̶ia.
4749	NUM 32:29	–Dadji israelerã Jordaʌ̃ do wa quĩrãrẽ djõne wãbʌdad̶e Gad̶eba yõped̶ad̶ara, Rubeʌ̃neba yõped̶ad̶a sid̶a Ãcõrẽba jara b̶ʌ quĩrãca wãnibʌrʌ, maʌ̃ drua poyaped̶ad̶acarea bãrãba ãdjirãa naʌ̃ Gala druara diad̶adua ãdjirãne bamãrẽã.
4751	NUM 32:31	Gad̶eba yõped̶ad̶arãba, Rubeʌ̃neba yõped̶ad̶arã bid̶a jarasid̶aa: –Dai boro, dairãba jũma od̶ia Ãcõrẽba jara b̶ʌ quĩrãca.
4753	NUM 32:33	Maʌ̃be Moiseba Gad̶eba yõped̶ad̶arãa, Rubeʌ̃neba yõped̶ad̶arãa, idjab̶a ʌ̃cʌrʌ Jose warra Manased̶eba yõped̶ad̶arãa bid̶a amorreorã boro Sehoʌ̃ba erob̶ad̶a druara, Basaʌ̃nebema boro Ogba erob̶ad̶a drua sid̶a diasia. Jũma maʌ̃ druara, puru b̶ea sid̶a ãdjirãa diasia.
4754	NUM 32:34	Maʌ̃ druad̶e Gad̶eba yõped̶ad̶arãba naʌ̃ puru b̶eada wayacusa osid̶aa: Diboʌ̃, Atarot, Aroer,
4759	NUM 32:39	Manase warra Maquid̶eba yõped̶ad̶arãda Gala druad̶aa wãnaped̶a amorreorã mama b̶eara poyad̶aped̶a ãyã jʌretasid̶aa.
5842	DEU 34:1	Maʌ̃be Moab drua jewed̶ad̶eba Moisera Pisga eyad̶e ʌ̃taa wãsia Nebo eya borod̶aa. Maʌ̃ eyara Jerico puru quĩrãpe b̶ʌa. Mamaʌba Ãcõrẽba Moisea Canaaʌ̃ druara jũma acʌbisia. Gala ẽjũãneba ab̶a Daʌ̃ purud̶aa acʌbisia.
5865	JOS 1:12	Maʌ̃ne Josueba Rubeʌ̃neba, Gad̶eba, idjab̶a ʌ̃cʌrʌ Manased̶eba yõped̶ad̶arãa nãwã jarasia:
5924	JOS 4:12	Maʌ̃ awara Rubeʌ̃neba, Gad̶eba, idjab̶a ʌ̃cʌrʌ Manased̶eba yõped̶ad̶a mẽsrã b̶eara chãnaped̶a waabema israelerã na wãsid̶aa Moiseba ãdjirãa jarad̶a quĩrãca.
5931	JOS 4:19	Poa djiwid̶i nabema jed̶ecod̶e die ewarid̶e israelerãra Jordaʌ̃ do chãnaped̶a Gilgal abadad̶aa wãbʌrʌsid̶aa. Gilgalera Jericod̶eba ʌ̃mãdau odjabariare b̶ʌa.
5945	JOS 5:9	Ãcõrẽba Josuéa jarasia: –Egiptod̶e nezoca panasid̶ad̶e bãrãra mĩã pera panasid̶aa baribʌrʌ id̶i bãrã cacua wẽãgosid̶a bẽrã maʌ̃ mĩã perara mʌ̃a ãyã b̶ʌsia.– Maʌ̃ bẽrã maʌ̃ ẽjũãra wad̶ibid̶a Gilgal abadaa.
5946	JOS 5:10	Israelerãra Gilgald̶e duanesid̶aa. Ãdji jũẽped̶ad̶a jed̶ecod̶e ewari catorced̶e quewara Egiptod̶eba ẽdrʌped̶ad̶a quĩrãnebada ewarida osid̶aa mama Jerico caita b̶ʌ jewed̶ad̶e.
6037	JOS 8:33	Maʌ̃ne israelerã ẽsi levitarã dji sacerdoterãba Ãcõrẽ baurudera equiad̶e eronũpanasid̶aa. Israelerãra, ãĩbemarã ãdjirã tãẽna panabada sid̶a arima panasid̶aa. Dji bororãra, dji dromarãra, dji cawa obadarã sid̶a panasid̶aa. Guerizim eya orroare ãdjirã ẽsidra panasid̶aa, idjab̶a Ebal eya orroare ẽsidra panasid̶aa. Ãcõrẽ nezoca Moiseba naẽna jarad̶oasia mãwã od̶amãrẽã. Mãwã jarasia sacerdoterãba israelerã bia jara b̶ʌd̶amãrẽã.
6042	JOS 9:3	Baribʌrʌ heveorã Gabaoʌ̃nebemada maʌ̃ bororã ume bed̶ea aud̶aẽ́ basía. Ãdjia bid̶a ũrĩsid̶aa Josueba Jericod̶ebemarãra, Haid̶ebemarã sid̶a jũma quenabisida.
6045	JOS 9:6	Gilgal ẽjũãne Josue b̶ʌma jũẽnaped̶a Josuéa waabema israelerãa bid̶a nãwã jarasid̶aa: –Daira drua tʌmʌba zebʌdaa. Quĩrĩã panʌa bãrãra dai ume bed̶ea b̶ʌd̶ida necai duanani carea.–
6047	JOS 9:8	Gabaoʌ̃nebemarãba nãwã panusid̶aa: –Daira bãrã nezocarãa.– Maʌ̃ne Josueba nãwã iwid̶isia: –¿Bãrãra cairãda jãwã panʌ? ¿Sãmaʌba ze panʌ?–
6053	JOS 9:14	Gabaoʌ̃nebemarãba paʌ̃ eneped̶ad̶ara israelerãba ʌ̃cʌrʌ cosid̶aa. Mãwã cawabisid̶aa Gabaoʌ̃nebemarã ume bed̶ea b̶ʌd̶ida. Baribʌrʌ mãwã od̶i naẽna Ãcõrẽa iwid̶id̶aẽ́ basía.
6054	JOS 9:15	Maʌ̃ne Josuera Gabaoʌ̃nebemarã ume bed̶ea b̶ʌsia necai panani carea. Wãrãneba jarasia ãdjirãra bead̶aẽ́da. Waabema israelerã bororã bid̶a ab̶arida wãrãneba jarasid̶aa.
6055	JOS 9:16	Ewari ũbea bad̶acarea israelerãba cawasid̶aa Gabaoʌ̃nebemarãba ãdjirãra cũrũgasid̶ada. Cawasid̶aa tʌmʌba zed̶aẽ́ basida, ãtebʌrʌ ãdjirã caita panabadada.
6056	JOS 9:17	Ara maʌ̃da israelerãra ãdjirã caid̶u wãsid̶aa. Ewari ũbea babʌrʌd̶e ãdji puru b̶ead̶aa jũẽne wãsid̶aa. (Ãdji purura naʌ̃gʌrã basía: Gabaoʌ̃ araa, Capira, Beerot idjab̶a Quiriat-jeariʌ̃.)
6057	JOS 9:18	Baribʌrʌ israelerãba Gabaoʌ̃nebemarãra bead̶aẽ́ basía, Ãcõrẽ trʌ̃neba dji bororãba wãrãneba jaraped̶ad̶a bẽrã ãdjirãra bead̶aẽ́da. Maʌ̃ carea israelerãba ara ãdji bororãda biẽ́ jara panesid̶aa.
6058	JOS 9:19	Baribʌrʌ dji bororãba nãwã jarasid̶aa: –Dadji israelerã Ãcõrẽ trʌ̃neba naʌ̃ Gabaoʌ̃nebemarã ume bed̶ea b̶ʌsid̶aa. Maʌ̃ bẽrã ãdjirãra bead̶acara panʌa.