2	GEN 1:2	Maʌ̃ne naʌ̃ ẽjũãra mĩã cawaiẽ́ b̶asia idjab̶a ne neẽ́ b̶asia. Pusa nãbuada pãĩmaba pãĩsosoa ũmasia. Maʌ̃ne Ãcõrẽ Jaureda pusa ʌ̃rʌ̃ domica b̶abadjia.
5	GEN 1:5	Ʌ̃naara trʌ̃ b̶ʌsia “ãsa.” Pãĩmara trʌ̃ b̶ʌsia “diamasi.” Ãcõrẽba nabema ewarid̶e mãwã osia.
22	GEN 1:22	Maʌ̃be ãdjirãra nãwã bia jarasia: –Zocãrã yõnadua. Pusara, do sid̶a birad̶adua. Idjab̶a ĩbana sid̶a naʌ̃ ẽjũãne zocãrã yõnadua.–
42	GEN 2:11	Do nẽrã b̶ʌra ab̶a Pisoʌ̃ basía. Pisoʌ̃ra Havila druad̶e b̶ʌa. Havila druara oro bara b̶ʌa.
141	GEN 6:3	Edaped̶ad̶acarea warrarãda yõsid̶aa. Maʌ̃ warrarãra naʌ̃ ẽjũãne drasoa waib̶ʌa warisid̶aa. Ãdjirãra trʌ̃ b̶ʌga b̶easia maʌ̃ drõãenabema ewarid̶e, nocoarebema ewarid̶e bid̶a. Ãdjirã carea Ãcõrẽba jarasia: “Mʌ̃a ẽberãrãa ʌ̃yãba diasia zocai pananamãrẽã baribʌrʌ djara bẽrã beud̶ia. Poa ciento veintebe b̶ead̶ia.”
155	GEN 6:17	Pãrãnacarea mʌ̃a dopapada zebiya naʌ̃ ẽjũãra jũma ũ wãmãrẽã. Mãwã jũma zocai b̶eara mʌ̃a jõbiya. Animarã b̶eara, ẽberãrã sid̶a jũma quininia.
189	GEN 8:5	Baribʌrʌ wad̶ibid̶a dora erru b̶asia. Pĩãca erru wãne diebema jed̶eco nabema ewarid̶e waabema eya borora odjacuasia.
241	GEN 10:6	Caʌ̃neba yõped̶ad̶ara naʌ̃gʌrã basía: Cus, Mizraiʌ̃, Put, Canaaʌ̃ sid̶a.
249	GEN 10:14	Patrusiʌ̃, Casluhiʌ̃, Captoriʌ̃ sid̶a. Captoriʌ̃neba pilisteorãda yõsid̶aa.
260	GEN 10:25	Hebereba warrarãda umé unusia. Ab̶abemara trʌ̃ b̶ʌsid̶aa Pele, idji ewarid̶e ẽberãra druaza ãyã wãbʌrʌsid̶a bẽrã. Pele djabara Joctaʌ̃ basía.
283	GEN 11:16	Hebere 34 poa b̶asid̶e dji warra Peleda unusia.
284	GEN 11:17	Maʌ̃ Pele ununacarea Heberera 430 poa b̶asia. Maʌ̃ne warrarã, wẽrãcaurã sid̶a unusia.
285	GEN 11:18	Pele 30 poa b̶asid̶e dji warra Reúda unusia.
286	GEN 11:19	Maʌ̃ Reú ununacarea Pelera 209 poa b̶asia. Maʌ̃ne warrarã, wẽrãcaurã sid̶a unusia.
340	GEN 14:3	Maʌ̃gʌrãra Sidim jewed̶ad̶e jũma ãbaa dji jʌresid̶aa Pusa Beud̶a abada icawa Quedorlaómeare b̶ea ume djõni carea.
343	GEN 14:6	Maʌ̃be Seír eyad̶e jũẽnaped̶a horeorãda quena wãsid̶aa ab̶a Paraʌ̃ ẽjũã ewara b̶ʌmaa.
433	GEN 18:8	Oped̶a Abrahaʌ̃ba dji paca zaque djarara ãdjía cobisia. Idjab̶a paca jub̶ada diasia. Paca jub̶ad̶eba ne od̶a sid̶a diasia. Ãdji ne co panʌne Abrahaʌ̃ra bacuru edre nũmasia.
472	GEN 19:14	Ara maʌ̃da Lora cũdra idji caurã ume bed̶ea bia panʌrã acʌd̶e wãped̶a jarasia: –Pirab̶arid̶aped̶a namabemada isabe ãyã wãnadua. Ãcõrẽba naʌ̃ purura ãrĩya.– Mãwãmĩna cũdrarãba crĩchasid̶aa Loba ijaramiada o b̶ʌda.
475	GEN 19:17	Puru dajada bad̶acarea bajãnebema nezocarãba Loa jarasid̶aa: –Ẽdrʌi carea pira wãdua. Jẽda acʌrãdua idjab̶a ni maãrĩ bid̶a naʌ̃ jewed̶ad̶e nũmerãdua. Beu amaaba eya baramaa wãdua.–
477	GEN 19:19	Bãrãba mʌ̃ra bio quĩrã djuburiasid̶aa purud̶ebemada ẽdrʌ eneped̶ad̶a bẽrã. Baribʌrʌ mʌ̃ra eya barama poya jũẽẽ́a. Pĩãca wãbʌrʌd̶e bãrãba dji puru ãrĩbʌdaba mʌ̃ra ota jidaisicada. Maʌ̃ba mʌ̃ra beaya.
532	GEN 21:18	Piradrʌdua. Bʌ warrara piradrʌ edaped̶a sobiabidua. Mʌ̃a idjid̶eba puru dromada yõbiya.–
535	GEN 21:21	Maʌ̃ ẽjũãra Paraʌ̃ abadjid̶aa. Mãwã b̶ʌd̶e dji papaba Egiptod̶ebema wẽrãda diasia idji quima bamãrẽã.
536	GEN 21:22	Maʌ̃ ewarid̶e Abimelera idji djõbadarã boro Picol ume wãsia Abrahaʌ̃ ume bed̶ead̶e. Abimeleba Abrahaʌ̃a jarasia: –Bʌa ne jũma obʌrʌza Ãcõrẽba bʌra carebabaria.
546	GEN 21:32	Beersebád̶e bed̶ea b̶ʌped̶ad̶acarea Abimelera idji djõbadarã boro Picol ume jẽda wãsid̶aa ãdji panabadamaa pilisteorã druad̶e.
570	GEN 22:22	Idjab̶a Milcaba tosia Queseda, Hazoda, Pildáda, Jidlada, Betuel sid̶a.
679	GEN 25:20	Isa cuarenta poa b̶asid̶e idji quima Rebecara edasia. Rebecara Betuel cau basía idjab̶a Labaʌ̃ djabawẽrã basía. Ãdjirãra arameorã basía. Padan-Araʌ̃ druad̶ebemarã basía.
719	GEN 26:26	Ewari ab̶a Guerar purud̶ebema boro Abimelera Isamaa zesia. Abimelera zesia idji crĩcha diabari Ahuzat ume, idji djõbadarã boro Picol ume bid̶a.
776	GEN 28:2	Padan-Araʌ̃ druad̶aa wãdua bʌ zezadrõã Betuelmaa. Mama bʌ djabadrõã Labaʌ̃ caurãnebemada ab̶a edadua.
779	GEN 28:5	Mãwã Isaba Jacobora wãbisia Padan-Araʌ̃ druad̶aa. Maʌ̃be Jacobora wãsia idji djabadrõã Labaʌ̃ ded̶aa. Maʌ̃ Labaʌ̃ra Betuel warra basía. Betuelera arameo basía. Labaʌ̃ra Rebeca djaba basía. Rebecara Jacobo idjab̶a Esaú papa basía.
780	GEN 28:6	Jacobo wãi naẽna idji zeza Isaba idjira bia jara b̶ʌped̶a jarasia Canaaʌ̃nebema wẽrãda edarãmãrẽã. Ãtebʌrʌ wãbisia Padan-Araʌ̃ druad̶ebema wẽrãda edamãrẽã. Esaúba maʌ̃gʌra jũma unu b̶asia.
781	GEN 28:7	Maʌ̃ awara unu b̶asia Jacoboba idji zeza bed̶ea, idji papa bed̶ea sid̶a ĩjã oped̶a Padan-Araʌ̃ druad̶aa wãsida.
891	GEN 31:17	Maʌ̃ ewarid̶e Labaʌ̃ra idji oveja cara tʌ b̶ʌda tʌmʌ b̶asia. Maʌ̃misa Raquelera chupea idji zeza ded̶e ed̶a wãped̶a dji zeza jʌwaba od̶a ãcõrẽda drʌasia. Maʌ̃be Jacoboba idji warrarãra, idji quimarã sid̶a cameyo ʌ̃rʌ̃ chũmʌsia. Ara maʌ̃da Canaaʌ̃ druad̶aa wãsia idji zeza Isamaa. Jũma idjia Padan-Araʌ̃ druad̶e edad̶ara edesia. Dji animarã sid̶a jʌre edesia.
959	GEN 32:31	Maʌ̃ne Jacoboba jarasia: “Mʌ̃dji dauba Ãcõrẽ quĩrãdarrada ununamĩna mʌ̃ra wad̶i zocai b̶ʌa.” Mãwã mama trʌ̃ b̶ʌsia Penuel.
960	GEN 32:32	Ʌ̃mãdau odjabʌrʌd̶e Jacobora maʌ̃ Penueld̶eba wãsia. Baribʌrʌ idji chĩdera ãĩ wãna bẽrã pĩãca b̶ʌcaeda wãsia.
1013	GEN 35:1	Mãwãnacarea Ãcõrẽba Jacoboa jarasia: –Piradrʌped̶a Beteld̶aa b̶ad̶e wãdua, bʌ djaba Esaú wayaad̶eba mĩrũ wãsid̶e mʌ̃ bʌma odjad̶amaa. Mama mõgarada pã buedua mʌ̃́a bia bed̶eai carea.–
1021	GEN 35:9	Jacobo Padan-Araʌ̃ druad̶eba jẽda zesi ewarid̶e Ãcõrẽra idjimaa waya zesia. Maʌ̃ ewarid̶e Ãcõrẽba idjira nãwã bia jara b̶ʌsia: –Bʌ trʌ̃ra Jacobo abadaa baribʌrʌ bʌra waa Jacobo ad̶aẽ́a. Ãtebʌrʌ bʌ trʌ̃ra Israel ad̶ia.– Mãwã Ãcõrẽba Jacobora trʌ̃ b̶ʌsia Israel.
1028	GEN 35:16	Mãwãnacarea Beteld̶eba wãsid̶aa. Wad̶i Eprata purud̶e jũẽni naẽna Jacobo quima Raquelera warra pua nũmesia. Poya tocara nũmʌ bẽrã bia mĩga b̶asia.
1038	GEN 35:26	Lea nezocawẽrã Zilpaba tod̶ara naʌ̃gʌrã basía: Ga idjab̶a Aser. Jũma maʌ̃gʌrã basía Jacobo warrarã Padan-Araʌ̃ druad̶e toped̶ad̶ada.
1080	GEN 36:39	Baal-hanaʌ̃ beud̶acarea Hadarda dji boro basía. Idji purura Pau abadjid̶aa. Hadar quimada Mehetabel abadjid̶aa. Idjira Matred cau basía idjab̶a Mezaab ãĩzaque basía.
1081	GEN 36:40	Esaúd̶eba yõped̶ad̶a bororãra naʌ̃gʌrã basía: Timna, Alva, Jetet, Aholibamá, Ela, Pinoʌ̃, Quenaz, Temaʌ̃, Mibzar, Magdiel, Iraʌ̃ sid̶a. Jũma maʌ̃gʌrãra Edoʌ̃ purud̶ebema bororã basía. Maʌ̃ bororãneba yõped̶ad̶arãba dji bororã trʌ̃ra ẽpẽsid̶aa. Idjab̶a ãdji b̶eaza dji bororã trʌ̃da b̶ʌcuasid̶aa.
1120	GEN 37:36	Maʌ̃misa madianitarãba Josera ẽberã Potipa abadaa Egiptod̶e nẽdobuesid̶aa. Maʌ̃ Potipara Egiptod̶ebema boro wagabadarã dji droma basía.
1144	GEN 38:24	Jed̶eco ũbea babʌrʌd̶e Judaa nãwã jarasid̶aa: –Bʌ ãĩgu Tamarába aud̶uada od̶a bẽrã b̶iogoa b̶esia.– Maʌ̃ carea Judaba jĩgua jarasia: –¡Purud̶eba dajadaa eded̶aped̶a bá bead̶adua!–
1149	GEN 38:29	Baribʌrʌ jʌwara waya ed̶a wãsia. Maʌ̃ne dewarabemada na tosia. Dji careba tobibari wẽrãba jarasia: “Bʌra ¿sãwãbʌrʌ na tosi?” Mãwã idjira trʌ̃ b̶ʌsid̶aa Paré.
1151	GEN 39:1	Ismaelerãba Josera Egipto druad̶aa nẽdobued̶e edesid̶aa. Mama ẽberã Potipa abadaba idjira nẽdosia idji nezocada b̶amãrẽã. Potipara Egiptod̶ebema basía. Idjira maʌ̃ druad̶ebema boro wagabadarã dji droma basía.
1153	GEN 39:3	Joseba o b̶ʌra Ãcõrẽba jũma bia odjabibadjia. Mãwã Jose boro Potipaba cawasia Ãcõrẽra Jose ume b̶ʌda.
1155	GEN 39:5	Maʌ̃ ewarid̶eba ʌ̃taa Ãcõrẽba Potipaba idji ded̶e, idji ẽjũãne erob̶ʌ sid̶a Josed̶eba aud̶uara waribisia.
1156	GEN 39:6	Potipaba jũma idjid̶eda Jose jʌwaed̶a b̶ʌd̶a bẽrã jũmawãyã crĩchaca basía. Ab̶abe idjia coid̶ebemadrʌ crĩchabadjia. Josera jũma quĩrãwãrẽã b̶asia.
1157	GEN 39:7	Maʌ̃ bẽrã Potipa quimaba idjira awua nũmesia. Ewari ab̶a maʌ̃ wẽrãba Josea jarasia: –Wãnaa cãĩne.–
1158	GEN 39:8	Maʌ̃ne Joseba quĩrĩãẽ́ bẽrã Potipa quimaa jarasia: –Mʌ̃ra bʌ ume cãĩẽ́a. Mʌ̃ boroba idjid̶era jũma mʌ̃ jʌwaed̶a b̶ʌsia. Maʌ̃ bẽrã idjia erob̶ʌd̶ebemada jũmawãyã crĩcha b̶acaa.
1160	GEN 39:10	Potipa quimaba nurẽmaza Josea jara b̶abadjia idji ume cãĩmãrẽã wa idji ume nẽbʌrʌ b̶amãrẽã. Mãwãmĩna Joseba idji bed̶eara ĩjãca basía.
1161	GEN 39:11	Ewari ab̶a Josera Potipa ded̶e trajad̶e wãsid̶e ni ab̶aʌ nezocada neẽ́ basía.
1162	GEN 39:12	Maʌ̃ne Joseba jʌ̃ b̶ʌra Potipa quimaba jida dogoped̶a nãwã jarasia: –¡Mʌ̃ ume cãĩdua!– Baribʌrʌ Joseba jʌ̃ b̶ʌra wẽãtaped̶a dajadaa pira wãsia. Mãwã idjia jʌ̃ b̶ad̶ara dji wẽrã jʌwad̶e b̶esia.
1166	GEN 39:16	Maʌ̃be Joseba jʌ̃ b̶ad̶ara dji wẽrãba wagasia ab̶a idji quima Potipa diguid̶aa zebʌrʌd̶aa.
1169	GEN 39:19	Bʌ nezocaba mʌ̃ra jãwã osia.– Idji quimaba jara b̶ʌ ũrĩsid̶e Potipara bio quĩrũsia.
1189	GEN 40:16	Paʌ̃ obada boro bad̶aba ũrĩ b̶asia Joseba maʌ̃ cãĩmocarara cawa jara b̶ʌda. Joseba cawa jarad̶ara bia b̶ad̶a bẽrã idjia jarasia: –Mʌ̃ sid̶a cãĩmocarasia. Mʌ̃a unusia mʌ̃ boro ʌ̃rʌ̃ jamara paʌ̃ bara b̶eada ũbea eronĩda.
1241	GEN 41:45	Egiptod̶ebema boroba Jose trʌ̃ra b̶ʌsia Zapnat-panea. Maʌ̃ awara wẽrã Asena abadada Josea diasia idji quima bamãrẽã. Maʌ̃ Asenara Potipera cau basía. Potiperara Oʌ̃ purud̶e ʌ̃mãdaúa bia bed̶eabadarã sacerdote basía. Mãwã Josera jũma Egipto druad̶e dji dromada b̶esia.
1244	GEN 41:48	Maʌ̃ siete poad̶e Egipto druad̶e ewaped̶ad̶ad̶ebemada Joseba waga b̶ʌbisia. Puruza dji puru caita ewaped̶ad̶ara maãrĩ waga b̶ʌbisia.
1245	GEN 41:49	Mãwã trigora waib̶ʌa waga b̶ʌsid̶aa. Pusa ĩbʌ quĩrãca ãdjirãba waib̶ʌa waga eropanasid̶aa. Maʌ̃ bẽrã juacha pananada idu b̶ʌsid̶aa.
1246	GEN 41:50	Jarraba ewari zei naẽna Joseba idji quima Asena ume warrarãda umé unusia. Asena zeza Potiperara Oʌ̃ purud̶e ʌ̃mãdaúa bia bed̶eabadarã sacerdote basía.
1303	GEN 43:12	Parata sid̶a waib̶ʌara eded̶adua dji parata bãrã sacod̶e zed̶ara jẽda diad̶i carea. Ãĩbẽrã quĩrãdoa ed̶a b̶ʌsid̶aa.
1365	GEN 45:6	Poa umé babʌrʌa jarraba zed̶ada. Idjab̶a wad̶i poa juesuma mãwã b̶aya. Maʌ̃ne poya ne ud̶aẽ́a ni ewad̶aẽ́a.
1381	GEN 45:22	Ãdjiza cacuad̶e jʌ̃bada djiwid̶ida ab̶a ab̶a diacuasia. Baribʌrʌ Benjamiʌ̃a cacuad̶e jʌ̃badada juesuma diasia. Parata torro sid̶a tresciento diasia.
1396	GEN 46:9	Rubeʌ̃ba edesia idji warrarã Hanoc, Palú, Hezroʌ̃, Carmi sid̶a.
1399	GEN 46:12	Jacobo warra Juda sid̶a wãsia. Judaba edesia idji warrarã Sela, Paré, Zará sid̶a. Idji warrarã Erera, Onaʌ̃ sid̶a Canaaʌ̃ druad̶e beusid̶aa. Paréba idji warrarã Hezroʌ̃da, Hamul sid̶a edesia.
1400	GEN 46:13	Jacobo warra Isacar sid̶a wãsia. Isacarba idji warrarã Tola, Puvá, Job, Simroʌ̃ sid̶a edesia.
1407	GEN 46:20	Jose warrarã Egiptod̶e toped̶ad̶ara Manase idjab̶a Epraiʌ̃ basía. Ãdji papara Asena basía. Asena zezara Potipera basía. Idjira Oʌ̃ purud̶e ʌ̃mãdaúa bia bed̶eabadarã sacerdote basía.
1459	GEN 48:7	Mʌ̃ Padan-Araʌ̃ druad̶eba zebʌrʌd̶e bʌ papa Raquelera Canaaʌ̃ druad̶e jaid̶asia Eprata Beleʌ̃ abada caita. Mama mʌ̃a idjira tʌb̶arisia. Mʌ̃ra idji carea bio sopua b̶asia. Maʌ̃ carea mʌ̃a bʌ warra umébemarã mʌ̃reana abʌrʌa.–
1533	GEN 50:26	Jose ciento die poa b̶ʌda Egipto druad̶e jaid̶asia. Idji cacuara nẽãrãba pʌrʌsid̶aa b̶erawarãmãrẽã. Pʌrʌd̶aped̶a cajona biad̶e b̶ʌsid̶aa.
1544	EXO 1:11	Maʌ̃ carea egiptorãba israelerãa traju zareada õgo obid̶i carea dji bororãda b̶ʌcuasid̶aa. Maʌ̃gʌrãba israelerãa Egiptod̶ebema boro itea puruda umé obisid̶aa. Ab̶a Pitoʌ̃, ab̶a Ramese abadjid̶aa. Maʌ̃ puru umé panʌne dji boroba idji itea ewaped̶ad̶ara wagabadjia.
1548	EXO 1:15	Maʌ̃ ewarid̶e wẽrãda umé panasid̶aa, Siprada idjab̶a Púada. Maʌ̃gʌrãba hebreo wẽrãrãda careba warra tobibadjid̶aa. Egiptod̶ebema boroba ãdjía jarasia:
1670	EXO 6:14	Israeld̶eba yõped̶ad̶arã bororãda naʌ̃gʌrã basía: Rubeʌ̃ra Israel warra iwina basía. Rubeʌ̃ warrarãra naʌ̃gʌrã basía: Hanoc, Palú, Hezroʌ̃, idjab̶a Carmi. Maʌ̃gʌrãra Rubeʌ̃neba yõped̶ad̶a bororã basía.
1681	EXO 6:25	Aaroʌ̃ warra Eleazara Putiel cau ume dji edasid̶aa. Maʌ̃ wẽrãba warrada tosia. Dji warrara trʌ̃ b̶ʌsia Piné. Jũma maʌ̃gʌrãra Levid̶eba yõped̶ad̶a bororã basía.
1797	EXO 10:19	Iwid̶ibʌrʌd̶e Ãcõrẽba nãũrãda dji cãbãyã ʌ̃mãdau b̶aebariareba tʌbisia. Maʌ̃ nãũrãba ad̶ichichira Pusa Purru abadad̶e jũma b̶atabuesia. Ab̶ed̶a ad̶ichichira Egipto druad̶e ni ab̶a bid̶a b̶eẽ́ basía.
1834	EXO 12:17	Bãrãba paʌ̃ dji ẽsãbari neẽ́ cobada ewarida o pananida panʌa, maʌ̃ ewarid̶e mʌ̃a bãrãra Egiptod̶eba ẽdrʌ eded̶a bẽrã sordaorã djõne wãbada quĩrãca. Poa zebʌrʌza bãrãba, bãrã warrarãneba yõbʌda bid̶a maʌ̃ ewari dromara o pananida panʌa.
1835	EXO 12:18	Poaza dji nabema jed̶ecod̶e siete ewari bãrãba paʌ̃ dji ẽsãbari neẽ́ b̶ʌda cod̶ida panʌa. Maʌ̃ jed̶ecod̶e catorce ewari queud̶ad̶eba ab̶a siete ewari queubʌrʌd̶aa bãrãba mãwã od̶ida panʌa.
1846	EXO 12:29	Maʌ̃ diamasi ariquẽtra Ãcõrẽba Egiptod̶ebema umaquĩrã warra dji nabemarãda jũma quinibisia. Egiptod̶ebema boro umaquĩrã warra dji nabemada beusia. Preso b̶ea umaquĩrã warra dji nabemarã sid̶a beusid̶aa. Idjab̶a jũma Egiptod̶ebema animarã warra dji umaquĩrã naãrã tod̶a sid̶a beusid̶aa.
1871	EXO 13:3	Maʌ̃be Moiseba israelerãa jarasia: –Naʌ̃ ewarira quĩrãnebad̶adua Ãcõrẽba idji ʌb̶ʌad̶eba bãrãra Egiptod̶e nezoca b̶ead̶ada ẽdrʌ edad̶a bẽrã. Poaza ara naʌ̃ ewari quĩrãca bãrãba paʌ̃ ẽsãbari bara b̶ʌda cocara panʌa bãrã Egiptod̶eba ẽdrʌped̶ad̶ara quĩrãnebad̶i carea.
1886	EXO 13:18	Maʌ̃ carea Ãcõrẽba ãdjirãra ẽjũã põãsa ewaraga b̶ʌd̶e wã b̶ʌ óare edesia. Maʌ̃ ora Pusa Purru abadad̶aa wã b̶ʌa. Egiptod̶eba ẽdrʌsid̶ad̶e israelerãra djõne wãbʌda quĩrãca wãsid̶aa.
1892	EXO 14:2	–Israelerãa jaradua Pi-Ajirod̶aa jẽda wãnamãrẽã. Jãma Migdol puru quĩrãpe pusa icawa ãdji wua dera Baal-Zepoʌ̃ caita ocuad̶ida panʌa.
1899	EXO 14:9	Jũma Egiptod̶ebema sordaorãra israelerã caid̶u wãsid̶aa; cawayod̶eba djõbadarãda, carretad̶eba djõbadarãda, waabema sordaorã sid̶a. Israelerãra pusa icawa Pi-Ajiro caita Baal-Zepoʌ̃ quĩrãpe unune wãsid̶aa.
1918	EXO 14:28	Pusa idji b̶ad̶a quĩrãca ũmesid̶e Egiptod̶ebema boroba eded̶a carretad̶eba djõbada sordaorãra, cawayod̶eba djõbada sordaorã sid̶a jũma ãnẽb̶ari edasia. Ab̶ed̶a jũma israelerã caid̶u wãped̶ad̶ara pusaba ãnẽb̶ari edasia. Ni ab̶a bid̶a zocai b̶eẽ́ basía.
1922	EXO 15:1	Maʌ̃be Moiseba jũma israelerã bid̶a Ãcõrẽa nãwã trʌ̃ãsid̶aa: Mʌ̃a Ãcõrẽa trʌ̃ãya idjira dji dromaara b̶ʌda unubid̶a bẽrã. Pusad̶e b̶atabuebʌrʌ quĩrãca idjia Egiptod̶ebema sordaorãda ãdji cawayo bara pusad̶e quinibisia.
1925	EXO 15:4	Egiptod̶ebema boro sordaorãda ãdji carreta bara Ãcõrẽba jũma pusad̶e b̶atacuasia. Maʌ̃ sordaorã bororã dji biara b̶ea sid̶a Pusa Purrud̶e jũma nãbʌrʌ quinisid̶aa.
1929	EXO 15:8	Bʌ quẽbʌba jãrãpuabʌrʌba pusa ẽsi oda ewasia. Maʌ̃ o orroza pusara ʌ̃tʌba ed̶aa jũãtrʌ nũmʌ quĩrãca nũmesia. Pusajãne bid̶a baidora maʌ̃ o orroza ipi nũmesia.
1935	EXO 15:14	Maʌ̃ ũrĩbʌdad̶e dewara puru b̶eara ne wayaaba ure duanania. Pilisteorãra sopua duanania.
1943	EXO 15:22	Pusa Purru abadad̶eba Moiseba israelerãra ẽjũã põãsa ewaraga b̶ʌd̶e pe edesia. Maʌ̃ ẽjũã põãsa ewaraga b̶ʌra Sur abadaa. Ãdjirãra ewari ũbea baido ununaẽ́ nĩbasid̶aa.
2106	EXO 21:28	Pacaba umaquĩrãda wa wẽrãda cachuba su beaibʌrʌ, maʌ̃ pacara mõgaraba tab̶ari bead̶ida panʌa. Bead̶aped̶a dji djarada cocara panʌa. Maʌ̃ne djibarira bed̶ead̶e b̶aẽ́a dji ẽberã beud̶a carea.
2110	EXO 21:32	Pacaba djãrã nezoca umaquĩrãda wa djãrã nezoca wẽrãda cachuba su beaibʌrʌ, maʌ̃ pacara mõgaraba tab̶ari bead̶ida panʌa. Maʌ̃ paca djibariba nezoca djibaría parata torroda treinta diaida b̶ʌa.
2113	EXO 21:35	Pacaba djãrã pacada beaibʌrʌ, djibarirãba dji zocai b̶ʌ pacada nẽdobued̶aped̶a maʌ̃ paratara ãdjiza ẽsadra edad̶ida panʌa. Dji paca beud̶a sid̶a ãdjiza ẽsadra edad̶ida panʌa.
2115	EXO 21:37	Bariduaba pacada wa ovejada drʌaped̶a beaibʌrʌ wa nẽdobueibʌrʌ, naʌ̃ quĩrãca oida b̶ʌa. Pacada drʌasira paca juesuma jẽda diaida b̶ʌa. Ovejada drʌasira oveja quĩmãrẽ jẽda diaida b̶ʌa.